|
دعواتكم لزميلنا المفكر د.الباقر العفيف بالشفاء العاجل
|
|
 Re: مرحبا بالصديق ابوبكر صالح عضوا فى المنبر العام (Re: حيدر حسن ميرغني)
|
قديما قالت العرب نصف رايك عند اخيك، و المثل السوداني يقول "الايد الواحدة ما بتصفق" و ذلك في تأكيد علي ضرورة التكاتف و التعاون علي انجاز المهمام، و اذا قمنا بتمديد تلك المهام لتشمل عملية تكوين الرأي فاننا يمكن ان نقرر ان الايد الواحده او العقل الواحد قد تضنيه رحلة البحث الشاقة في طلب الحقيقة التي هي ضالة الجميع المؤمن و غير المؤمن كمان.
المهم لان نصف الرأي عند الاخ/ت و لان الايد الواحدة ما بتصفق جاءنا اليكم نبحث عن نصف راينا الذي عندكم، جاءنا اليكم نضع ايدينا مقابل اياديكم حتي نتمكن من اداء صفقة جميلة يطرب لها خاطر الوطن
و يرقص علي انغامها رقصة العافية و الخير و النمــاء.
شكرا جزيلا حيدر حسن ميرغني، شكرا جزيلا بكري ابوبكر
| |
 
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: محمدين محمد اسحق)
|
الاخ
محمدين محمد اسحق
الشكر الجزيل علي الترحيب في ديار سودانيز اونلاين العامرة اتمني ان نتواصل في مقبل الايام بكل ما هو مفيد لنا و للناس
بالمناسبة يا شباب انا اسمي ابوبكر الصديق محمد صالح بس بكري ابوبكر ركب لي اسم جدي دا طوالي ان شاء اقدر اعدلوا لي اسم المعروف بين الاصحاب
علي العموم بكري مشكور علي كل حال
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: حيدر حسن ميرغني)
|
كنت قد تقدمت بطلب عضوية المنبر منذ فترة و قام بعض الاخوة/ات بدعم و تثنيه طلب عضويتي
فلهم مني الشكر و الجزيل و التقدير الوفير و هم
الواثق الصادق صاحبي انصار السنه من ايام الجامعة الذي تكبد مشاق فتح بوست بطلب عضويتي و عمدني بكثير خصال طيبات اشكره علي حسن ظنه بي، سفيان نابري، امجد فريد، عاطف مكاوي، عبد العزيز حسن علي، الطاهر ساتي، طلال عفيفي، محمدعبد الرحمن، مني خوجلي، عبده عبد الحميد، خالد الطيب احمد، بكري الصايغ، محمد النعيم، عادل عبد العاطي، الشفيع عوض شوشتا، سيف الدين حسن العوض، عمرو احمد
و اود ان اتوجه بشكر خاص للصديق خالد العبيد الذي احتملني كثيرا ايام كنتي ما عندي عضوية و ساعدني كثيرا في توصيل وجهة نظري في بعض القضايا الساخنه المطروحه في المنبر
و انتا يا حيدر حسن ميرغني ان شاء الله يوم شكرك ما يجي ذي ما بتقول حبوبتي!
| |
|
|
|
|
|
|
|
|
 يا هلا... (Re: حيدر حسن ميرغني)
|
يا هلا بيك أُستاذ/ أبو بكر صالح شرفت ونورت الديار...
مقدمة جميلة من الأخ حيدر تُنبئ بقدوم قلم جميل...
يا هلا ومرحبا...
قواسيب مودتي...
أبو الحُسين...
| |
|
|
|
|
|
|
|
|
|
Re: يا هلا... (Re: أبو الحسين)
|
مرحبا بابوبكر الصديق محمد صالح
وان شاء الله اضافة حقيقيه للمنبر.
ويا خالد العبيد ما تجيب الهواء للزول
Quote:
كيزان المنبر
واعداء حزبنا من الاحزاب المهمشة
بلو راسكم
ده لو عندكم راس |
بيلحقوه الشيخ الطقي حسه
في ناس انت عارفه جاهزه.
وبعدين بطل طولة لسان يا خالد العبيد
يمن نقبل على حزب الديناصورات ده حسه ما نخلي لكم جنبه تتكوا عليه.
آخير الناس تعرف كيف تحاور بأدب.
| |
|
|
|
|
|
|
|
|
|
Re: يا هلا... (Re: أبو الحسين)
|
الاخ ابو الحسين
شكرا علي الترحاب، و فعلا حيدر راجل فاضل كريم الواحد شاكر
للاسفير الخلانا نتعرف عليهو، و انا بتشرف كتير انو هو قدمني
لبقية الزملاء و الزميلات الهنا في المنبر
انا طبعا ح اسلبط فيهو و اقول حيدر كفيلي في المنبر
يا حيدر ما تخاف الموضوع ما حيجيب ليهو مصاريف و كده
لانو المعروف انو الكفالة مرات بتجر وراها التزامات مالية
و كدة، الا اذا الفلس حصل شديد
قواسيبي مودتي كلها يا زول
| |
|
|
|
|
|
|
|
|
|
Re: يا هلا... (Re: abubakr salih)
|
الاخت تراجي مصطفي
التحايا الطيبة
شكرا جزيلا علي الترحيب و انتي زولة واجب ما بتقصري ابدا
قلتي لي حزبنا بتاع ديناصورات؟؟ لية كدا يعني انا هسة
ديناصور؟؟ ياخ الحزب كلوا شباب طموح و وثاب للتغير و العمل الوطني المفيد
انتي و بقية ناس الهامش ديل ما عندكم حل غير حزبنا دا لانو بدعم قضايا
التعدد الثقافي و العدالة الاجتماعية في نفس الوقت و ديل مهم ربطهم مع بعض
و لا شنو؟؟
المهم حبابك الف و بينا المودات لي يوم الوقاف
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: omar ali)
|
الاخ عمر علي
شكري الكثير علي التراحيب و انا متابع مجهوداتك من زمان
علي طريق الاستنارة مساعيك لنشر طرق التفكير و فوق ضوابط المنهج العلمي
تعرف انا شايف ان غياب تدريس الفلسفة في مناهج التعليم العام في السودان
خلق عندنا حالة من انغلاق العقل غريبة جدا، وصعب التعامل معها
ملاحظ في كتير من الدول العربية منها مصر، الجزائر، تونس تحتوي مقرراتها
في المدارس الثانوية علي مواد فلسفة مما يعطي الطلاب نافذة اخري للنظر
للعالم غير الدين و الميتافيزكس... المهم بتكون بينا و نسات في القصة دي
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: خالد الطيب أحمد)
|
Quote: ناشط في العمل السياسي يسعى باستمرار في تطوير تجربته فى الحوار
و النقاش لانه السبيل الوحيد للخروج من ازمات الوطن الراهنه و يساعد في تكوين راي عام داعم لقيم الديمقراطية و الحوار و قبول الاخر
التي تمثل حجر الزواية في مشروع البناء الوطني |
هذا ما إجترحته من رسالة اخونا ابوبكر لصاحب الحوش عند طلبه للعضوية .. لتقديمه لاهل المنبر
ابوبكر دشَن حضوره ببوست (فاهم) شتارة المعايير الاخلاقية عند الســـودانيين
وهذه بمثابة دعوة للوقوف على الكتابة الراقية والطرح المفيد
ومرحبا مرة اخرى بابوبكر
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: حيدر حسن ميرغني)
|
مرحبا اخوي بكري
الظاهر علينا ( انا وانتا ) دخلنا المنبر في يوم واحد وده بعني انا ارحب بيك
اتمني ان تكون اضافة للمنبر كما كنت اضافة في جامعة الخرطوم
ازكر كنا بنقول حينها في الجامعة الخرطوم انو بكري علوم جه , تلك زكريات مضت ولكت ما زال صداها واصلا
الف مرحب بيك
ملحوظة
ممكن نعمل شلة مع بعض ده لزوم انو بكري ابوبكر ادانا البيرميشن للدخول في يوم واحد
عندك صديق جنني قال لي قول ليه محمد داوؤد عبدالسلام قجه يسلم عليك , لو تزكره من ربك كان في اداب
عبدالمجيدصالح
منبر دارفور الديمقراطي
---------------------------------------------------------------------
تقرير المصير للاقاليم المهمشة
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: حيدر حسن ميرغني)
|
الاخ عبد المجيد صالح
Quote: مرحبا اخوي بكري
الظاهر علينا ( انا وانتا ) دخلنا المنبر في يوم واحد وده بعني انا ارحب بيك
اتمني ان تكون اضافة للمنبر كما كنت اضافة في جامعة الخرطوم
ازكر كنا بنقول حينها في الجامعة الخرطوم انو بكري علوم جه , تلك زكريات مضت ولكت ما زال صداها واصلا
|
شكرا يا صديق على الترحيب، و انا ممنون كتير على كلماتك الطيبات عنى
جميل انو نتلاقى هنا فى منابر الحوار لمواصلة تطوير تجربتنا و المساهمة فى
نقاش قضايا الوطن الجريح. منابر الجامعة علمتنا الكثير و الله استفدت من النقاش
فيها مع الطلاب و اتعلمتا حاجات ما ممكن اتعلمها فى اى مكان تانى
سلامى لى محمد داوؤد ولدنا ود ربك كيف ما بتذكروا ياخ ايميلى البروفايل ممكن نتراسل
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: حيدر حسن ميرغني)
|
الاخ دينق
Quote: مرحبا بالاخ أبوبكر صالح بالبورد.
نتمنى لك إقامة طيبة.
زول جاي من طرف أخونا حيدر ده لازم يكون زول تمام.
شكرا لك يا حيدر.
|
شكرا على الترحيب و حسن الظن، ان شاء نتواصل فى حوار مفيد لنا جميعا
حيدر حسن ميرغى راجل حبوب و الله، و فى مقام الاخ الاكبر، و اسم فى البورد
لا يمكن تجاوزه، حكمة و عقلانية و التزام الموضوعية على الدوام
انا ذاتى محظوظ يقدمنى حيدر للناس هنا فى البورد
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: حيدر حسن ميرغني)
|
Quote: شكرا على الترحيب و حسن الظن، ان شاء نتواصل فى حوار مفيد لنا جميعا
حيدر حسن ميرغى راجل حبوب و الله، و فى مقام الاخ الاكبر، و اسم فى البورد
لا يمكن تجاوزه، حكمة و عقلانية و التزام الموضوعية على الدوام
انا ذاتى محظوظ يقدمنى حيدر للناس هنا فى البورد |
والانسان بيتعرف من صديقه والله انت محظوظ فعلا يقدمك الاخ حيدر
مرحب بيك الف ابو بكر الصديق بين اهلك نورت المنبر
ومرحب بيك الاخ حيدر وبى كل من يشرفنا من طرفك
لكما الود
ام وضاح
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: بابكر الزاكي)
|
اها انا جيتك يا حيدر اخوى لكن زولك ده ما بتقبل عضويتو لو ما القتيت دااااااااااااك ميرغني عمل ليهو تذكية معانا الزول ده هبر وين .
المهم انا بضم صوتى لعواطف السمحة وكلامها الجميل ده :
| Quote: حيدر .. عزيز وغالي و كل من يأتي من طرفك لابد أن يكون عزيز وغالي يا سيد الناس .. أهلا ومرحبا .. |
اها لقيتني كيف ؟
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: بكري الصايغ)
|
الاستاذ بكرى الصايغ
تحياتى و احترامى
Quote: وكل عام وانتـم بـخـيـر، واوصـيك ياأبوبكر تتعرف عـلي الأستاذ شـوقي بـدري ابو السودانييـن عندكم.
لـكم مودتي |
شاكر كثيرا على اللطف و الترحاب، و ايام سعيدة هى التى جمعتنا
بكم فى هذا الفضاء. وصيتك على العين و الرأس و كنت برتب
مع واحد صديقى هنا فى الفترة الفاتت دى عشان نشوف لينا طريقة
زيارة لعمنا شوقى بدرى فالرجل علم على راسه نار
الله يرفع القدم
| |
|
|
|
|
|
|
|
|
|
Re: مرحبا بالصديق ابوبكر صالح عضوا فى المنبر العام (Re: حيدر حسن ميرغني)
|
الاخ عبد السميع الحسين
تحياتى و احترامى، شكرا يا اخى على الترحيب
Quote: العزيز حيدر حسن ميرغنى صديقك صديقنا وعزيزك عزيزنافمرحبا به
بلا حدود.
ولكما التحيه معا وتمنياتى بعام حافل بالانجازات وتحقق كل احلام اليقظة والمنام. |
شكرا برضو على الامانى الطيبات بالانجاز و لك ضعفها يا عزيز
| |
|
|
|
|
|
|
| |
حيدر حسن ميرغني
Salah Waspa
Gaafar Ismail
abubakr salih
محمدين محمد اسحق
عبدالكريم الامين احمد
Muna Khugali
عواطف ادريس اسماعيل
ماجدة عوض خوجلى
طارق جبريل
Raja
خالد العبيد
اسعد الريفى
معاذ حسن
نهلة عمر
مجدي عبدالرحيم فضل
أبو الحسين
Tragie Mustafa
haroon diyab
محمد عبد الماجد الصايم
omar ali
محمد سنى دفع الله
عبدالمجيد صالح
Deng
بابكر التوم
essam&amal
هاشم أحمد خلف الله
الطيب شيقوق
abd alsamie alhussein
محمد على طه الملك
سجيمان
الفاتح ميرغني
مامون أحمد إبراهيم
فيس بوك
تويتر
انستقرام
يوتيوب
بنتيريست