الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-09-2016, 05:25 PM الصفحة الرئيسية

مكتبة عبد العزيز خيري شلال(DKEEN)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

طرف من خبر الاخرة

02-07-2004, 08:41 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

طرف من خبر الاخرة

    ولأنها ما تزال في سكوتها وجلال صمتها الطويل أفكر جادا بالعودة إلى أطراف الخرطوم ...
    انا لا اصلح للحياة بعيدا عنها اكثر من اربعين كيلو ..
    قد حدثتكم فيما حدثتكم عن الاشواق تستهلك ذاكرتي وعن صمتها الذي طال حتى تكلم الغريب ..
    الان ما تبقى لي من ذاكرتي شي سوى بعض شوارع وناس البيت ..
    تشكل هذه البت خطرا ضمن اخطار اتتني متوالية في العام الاخير من تسعة وعشرين عاما ...
    سأعود إليها حاملا تقويم ام القرى ..
    لن احدثها عن مسغبتي هنا ..وسأترك التقويم بين يديها..
    ستشهد ايامه باني كتبت خلف كل يومٍ عن يومي ..
    ما يحدث عند كل صباح وعن مساءآت الرياض ..
    تواريخ ماساة مسطرة ..
    لا شي يمنعني منها سوى اني اخشى الموت ..
    اخاف الجيش السوداني..
    بصورة اكثر وضوحا انا إن عُدت قد يقتلني ناس الالزامية ..
    قد اموت بين ظهرانيهم ...
    اموت وفي خاطري حبيبة ما قبلتها بعد..ودنيا ما دخلتها
    اموت فينقطع نسلي ...
    لا شي يضمن لي أن امارس كرامتي وعملي وتقبيلي بعيدا عنهم..
    حتما سيرسلونني إلى أقاصي الجنوب ضمن أحد المتحركات التي ما بقي فيها شي من معنويات ممتشقا كلاشنكوف..
    ايامها اغلب القوم كانوا قد قدموا باختيارهم تدفعهم شواهد متباينة..
    تاركين في أزقة الحلة زغاريد البعض ونواح الامهات..
    يأتون ُزمرا ، ُزمرا..
    اعوامئذ كان الفتية يلهِبون البقية حماسا..
    يجأرون بالدعاء...
    ينشدون في جماعات محرفين الحان الحقيبة وإيقاع التـُـم ُتم ...
    .ُيحرمون القهوة لمن يشاؤن في ديار الجعلييين..
    يحلمون الاحلام ...
    ويقولون هذا من فضل ربي ..
    لا متحمسين بالجوار الآن ، تلك كانت جماعة ٌ ذاهبة ٌ إلى السماء كلٌ بما نوى ...وكلٌ بما عمِل ..
    الآن فقط جماعات مبُعثرٌ يقينها ما بين خيبة الآمال في القيادة وبين رفاق مضوا في تطرف المليشيا واحتفالات الرصاص..
    ساكون بينهم غريب..
    والجياشة يدخنون كل ما تنبته الأرض ويشربون ما تيسر ..
    .يضحكون وليس في بالهم من أحلام العودة شي ...
    .يرددون الجلالات التي سادت قبل أن يدخل المديح جلالات الجيش واحلام الجند ..
    الجلالات المنقولة بدقة من حكـّـــــامات جنوب دارفور وشمالها ..
    ما من شك مطلقا باني سأموت باكياً هناك بين تلك الظلال وعند عشبٍ ما..
    خادماً وطنيا في زمن بلا ملامح لوطن لم تُحدد ملامحة بعد ..
    سينعاني ملازم من الكتيبة بصوت جهور:
    استشهد فلان الفلاني .. رقم كده ..
    يُدفن حسب التعليمات.. ويتم تبيلغ قيادة الخدمة في الخرطوم بكرة الصباح ..
    انتهي البيان..
    سينتقل الخبر بطيئا من دغلٍ إلى سهل ومن سهلٍ الي جبل ومن جبلٍ إلى جهاز لا سلكي ..
    اللواء 21 مظلي ملكال ..
    الرنك..
    الجبلين ...
    حامية كوستي ..
    التدريب الموحد جبل اولياء..
    وتمر ذبذبات خبر موتي بجوار أذن أنيسة في طريقها إلى القيادة العامة ولانها ليست ب antenna ستستقبل بعد يومين خبر موت ابنها شفاهة ً من مجندين لم تراهم في حياتها ..
    يسوقون اليها الخبر وهم يرددون آياتٍ من الذِكر الحكيم ..
    ويخرجون من البيت وسط عويل موغلٍ في الألم ..
    يسرعون الخطى عند منعطف الشارع ورا بيت ناس ضو البيت وكأنهم تخلصو من عبءٍ ثقيل ..

    (دكين ضحوي
    من مواليد جزيرة إرِس ..اقاصي الشمال ..
    الرّي المصري الابتدائية ..
    الكدرو المتوسطة..
    المَقرن الثانوية..
    خمسة أعوام بجامعة الخرطوم..
    1999 في اخر بيوت الحلفايا المطلة على اللاسلكي و2000م بين خشم القربة وام مرّحي ...
    سافر للرياض وربنا كاتب يومو في الاستوائية)
    هكذا سيردد المنظِرون من الاهل.

    الزول ده التقول كان عارف نفسو ..تصوروا ليلة سفرو جانا مبلبل ودّعنا..حلفنا عليهو يقعد يتعشى معانا ..قال لينا انا زول سفر.. بس العفو والعافية.. مرق من البيت والمطرة دي كابة كب تقول السما اتفتحت اليوم داك ..
    تلك أحاديث ضو البيت في الصيوان ظهيرة خبر وفاتي..

    وآآ شريري ياود انيسة ..جيت من غربتك لي يوم كُربتك..
    هكذ سيردد نساء الحلة بينما امي تهيل ترابا على رأسها وتسترجع اياماً قديمات في نواحٍ يكادُ السامعُ يحسبُ أن لا نهاية له..

    سيصل الخبر إلى خير الرفاق في دنياي ..
    ستقفُ (هند) حيث ابلغوها بالخبر وعطر كارولينا هريرا (ون تو ون) يملا السماء عاتبة ٌ تنظرُ نحو الجنوب.
    ستبكي (رمانة) نهارها كله وتنتحب ..وينحبسُ النفس عندها
    يبحثون لها عن بخاخ الازمة في الحقائب ُكلها ..
    وكعادتهم لن يجدوه ..
    ستظل المسكينة لأسابيع قادمة تغني في ذهول بعض ما رددناه في الشرقي وعند عتبات الاكزام ..
    سياتون إلى منزلنا في جماعة يقتسمون الحزن..
    يتصدرهم ابو اللول بحكم القرابة ..
    وقريبا من الصيوان سيشير ابو اللول تجاه ابي ليؤدي البقية مراسم الفاتحة، وسيجلس بعدها بعيدا عن الاهل وسط الاصدقاء..
    كانت علاقاته مع الاهل سيئة دوما ..فقد كان سكيرا يجاهر بما يفعل.. وأهلي يسكرون بيد انهم يخفون عن زوجاتهم ليالي الخمر والرائحة...

    لن يقرا احدهم الفاتحة فالحزن اكبر من يقينهم ..
    كمبال سيحمل في سيارته حزنا كثيرا ومواد تموينية لم يكلفه بها احد..
    شوالات سكر ،دقيق ،بصل ،زيوت وفحم.. واحزان فوق احزان .. كريما ً كان في حضوري ..مواِجبا ً في غيابي ..
    و سخيا ً في مماتي..
    حبيباً كان.. بطلعة تسرني ..
    سيتخذُ بعدها مجلسا قصيا من الصيوان ..
    وستمر بخياله زخمٌ من الصور ..
    افراحٌ انطوت ..
    طرفٌ من احاديثَ مؤجلة..
    مشاوير في شمبات ..
    ليالي عند مقرن النيلين يرتفع فيها دخان البنسون ...
    نساء نواضر في ربيع العمر ملكوا علينا كل شي.. ثم غار بهم ليل القرين فيلدج والليل هطول ..
    مشاريعَ نجحت .. وأخرى لم تكن لتحقق حتى ولو ظللت حيا مائة عام ..
    علي عبد الرحمن سيجلس حيث اخي ..سيشاركه العزاء بكلمات احصيت بدقة وسيصمت بعدها ..هادئا كنسيم ..باردٌ كقمر..
    والدار غاصة بالنساء ستبحث نهلة وايمان ورمانة عن امي وسط
    الثاكلات ..
    لن يكون الامر صعبا فاكثرهن نواحا هي قطعا امي ..سيقمن بمقالدتها وهي لا تعبأ بمن جاء لا بمن ذهب ..
    لا بمن قالد ..
    ستدخلهن بنت خالي باكية إلى حيث اختي في حزنها الخاص والعالم ينهار تحتها ..
    ولا صوت للبكاء عند اختي ..
    فقط حالة تنذر بالخطر وذهول لا قياس له ..
    ستشاركها نهلة وايمان الذهول وستبقى رمانة في دمعها وببهدلة الشعر الجميل الذي طالما بللته بالمطر لاجلي ..ولاجله جلسنا بالنيل الازرق اياما . .
    وعند المساء ستأتي رباح ..
    وحيدةٌ بضفائر محلولة .. وبوجه لا ُينسى وحاجبان مقرونان..
    رباح.. آمالي التي انطوت ..افراحُ الانسان..
    الجزء اللطيف من دورة حياة الكلية..
    ما تعودت أن تزور البيوت في غير موعدٍ مناسب ...
    حتى ولو كان ميتما..
    حتى ولو كان الميت الود (دكين) الما جادي ..
    سترى صورتي في ثياب التخرج اعلي (اليونت) ..
    ستري اخر ابتسامة ما جادة .. في بيت بكا جادي ..

    (القاكي وين..
    القاكي وين لو طالعة من بيت الخليفة وداخلة لي ميز العساكر ..
    القاكي وين بين الانبياء السايقين تروبر والصحابة الراكبين مواتر..)


    سينقضي المسا وياتي مساء اخر وسيمضي الناس لما يُسروا له .يتدافع الناس في معايشهم الجبارة وينسوا الغائبين القابعين في جنبات الارض بعيدا عن الحياة..
    بعد زمان غير يسير سيسمع مروان بالخبر في الرياض وسيتذكر المرارات المتتالية التي اتت علينا منذ أن التقينا في شتاء جبل اولياء 94 وشغفي بالجهنميات المزهرِة على ابواب المنازل ..
    سيضطر بعدها وتحت ضغط الضمير المعذب أن يكتب إلى منى عثمان عن الحب الذي بدلته الجغرافيا ..وعن الندم العميق الذي لازمني في اواخر ايامي لعهدٍ لها قطعناه وما حفظت له زماما..

    ساوصي بان يكون مثواي الاخير بمقابر حلة حمد ..قريبا من الغالية قريبا من النيل ..
    تمر بقبري حين تخرج إلى صديقاتها في حلة خوجلي ..
    وتقف به عند غروب الشمس في اسابيع الوفاء الاولى ..
    سياتي إلى منزل الغالية ــ بحكم قُربه من قبري ــ اصدقاء غابوا في شتات الأرض يبحثون عن موضعي بين الأموات..
    ستصف للبعض مكان القبر بدقة وبلجنة في حرف الراء تحذرهم من الوقوع في فخ تشابه القبور عند الطرف المطل على المزارع تجاه الميرغنية ...
    وستقوم في حزن بالغ وودٍ استثنائي بإيصال البعض الأخر حتى مشارف قبري..ذلك البعض الذين تعرف انه قد جمعتني وإياهم في الحياة الدنيا رياضُ أحاديث عذبة وفيض من الإلف..
    كما ستظلُ الغالية ولفتراتِ طويلة تستقبل أصدقاء عائدين من الوقوف علىَّ وتقدم لهم الشاي عند المساء وستدور أطرافٌ من أحاديث حزينة بعضها متعلقٌ بي.. وبعضها متعلقٌ بتدافعِ الخلقِ وفضائل المعروف المنسية بين الناس ..
    بعد شهور على ضفة النيل ،ستجعل أسمى لابنها الوليد.. وفي ليالي حلة حمد الممطرة ستراه يدخل البيت مبتل الشعر، فيمضي خيالها إلى ليالي في كافتيريا النشاط ودموع بمقلتين، وأحاديث أوغلت في الياسمين .
    سياتي بقرب قبري كثيرون ..
    مارة ..
    عابري سبيل..
    باعة متجولون ..
    رعاة يدندنون بالحانِ الإذاعة الأولى ..
    نساء توفى ازواجهن و ُترِكُوا على نواصي الفقر ..
    مرتادي مقابر مخمورين ..ومسلمون بدعواتٍِ صادقة يسألون لي الرحمة والسكنى مع الصديقين والشهداء .

    وعلى شاهد قبري نبتة عَََُشََر واكياس نايلون ..
    وبقايا صحف يومية بمقالات تمزقت مقدماتها..

    سأموت يا سادة ..
    وسأكون هناك في حلة حمد ..سيحزنُ من يحزن ويعود غائبون ويغني الرُعاة وتمضي الحياة ..
    هـكذا الحياة ..



    غُربة ٌ تؤدي إلى أشواق.. وصمتٌ يؤدي إلى صمتٍ دائم ..


    ـــــــــــــــــــــــــــــــــ

    انا لو باريت اشواقي دي قد اصبح جزءا من شجرة عٌشرة ..
    جزء من نبات موسمي ..
    بدل ما اقعد اشتاق ليك حأقعد امثل ضوئيا ..
    ترِضي لي امثل ضوئيا بعد شوقي ده كلو؟؟
                   |Articles |News |مقالات |بيانات

02-07-2004, 09:03 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    (عدل بواسطة DKEEN on 02-07-2004, 09:05 PM)

                   |Articles |News |مقالات |بيانات

02-07-2004, 09:20 PM

ali othman

تاريخ التسجيل: 12-02-2003
مجموع المشاركات: 919

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    يازول كدي في الأول كل سنة وإنت طيب
    إنت رايحة ليك عرسة ساكت ربنا يحل كربتك ويحلك كما حل بلة .
    عليك بالطرود ياولدي ولن تحزن
    Quote: ستستقبل بعد يومين خبر موت ابنها شفاهة ً من مجندين لم تراهم في حياتها ..

    عشان يجي خبرك في يومين لازم تكون الأول حامل صك الغفران الكيزاني أما الزيك ده لو جاء خبرو في سنتين كويس .
    ونصيحة ليك لو جو وقالوا ليك تعال نصورك في التلفزيون وتتكلم عن الشهادة أوعك ( دي تأشيرة خروج نهائي عديل كده )

    (عدل بواسطة ali othman on 02-07-2004, 09:26 PM)

                   |Articles |News |مقالات |بيانات

02-07-2004, 09:55 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    في ذمة الله وطرف حلة حمد

    (عدل بواسطة DKEEN on 02-08-2004, 00:00 AM)
    (عدل بواسطة DKEEN on 02-08-2004, 08:37 PM)

                   |Articles |News |مقالات |بيانات

02-07-2004, 11:57 PM

ملكة سبأ
<aملكة سبأ
تاريخ التسجيل: 06-18-2003
مجموع المشاركات: 3853

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)
                   |Articles |News |مقالات |بيانات

02-07-2004, 11:58 PM

ملكة سبأ
<aملكة سبأ
تاريخ التسجيل: 06-18-2003
مجموع المشاركات: 3853

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)
                   |Articles |News |مقالات |بيانات

02-08-2004, 00:25 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: ملكة سبأ)

    يالنبى نوح..

    من هذه التفاصيل النائحه..

    يا كر نوح

    من هذا النواح.

    لم تبق شيئا بادكين لخيال القارىء ولا الغاليه ولا ذوات الضفائر ولا حتى لخيال اكياس النايلو النى ستلتصق بقانون اتجاه الريح، بشاهد قبرك؟؟

    يا جنا؟؟

    اراك وقد "قرطست" نهايتك ، كسيد دكان متعجرف..فى جريده يوميه..وناولتنا لها..وهى الان تقع بين..بداية القرطاس "المفجخه" ونهايته "المدببه" كالتلاشى..

    با النبى نوح..ايها الصبى..الوسيم..وواخجلة الوطن..امام صبيانه..الوسيمين..نديى الجباه..من..الموت..باكين.. تحت شجرة او عشبة..قبل ان تحل بهم مواسم القبل والزفاف.. وماذا يفعل المواطن بوطن لا يتيح له السعد..والزفاف؟؟

    بريه..

    تبرا..

    وتبرا كل الصبيات الجميلات من القماح، وموت الحبيب...وزواج غطاء الاقداح.

    تبرا ويبرا كل صبيان البلد..من الانكفاء تحت شجرة..واحتضانها من شدة الخوف او من شدة الموت..فالاشجار يحتضنها العشاق.

    انت بريه...يا ود امى..
                   |Articles |News |مقالات |بيانات

02-08-2004, 06:48 AM

AlRa7mabi
<aAlRa7mabi
تاريخ التسجيل: 08-15-2002
مجموع المشاركات: 1334

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    دكين .. دا جنني
    يا زول أنت منو ؟؟؟؟؟؟
    Quote: ُيحرمون القهوة لمن يشاؤن في ديار الجعلييين.. .

    دا كان زماااان .. لسه فاكر ، على رأي زميلتك في المقابر ثوما
    .
    Quote: وتمر ذبذبات خبر موتي بجوار أذن أنيسة في طريقها إلى القيادة العامة .

    ..
    ..
    .
    Quote: وعلى شاهد قبري نبتة عُشََر واكياس نايلون ..
    وبقايا صحف يومية بمقالات تمزقت مقدماتها.. .


    هذا هو السؤال .. دائما أحس أن هذا (المكان المقدس ) تنتهك حرمته وقداسته ، وكأنه مكب للنفايات .. ملاحظة خطيرة يا دكين .. وجلد /ضرب ساخن بسخرية هي اشبه بمبضع الجراح .. ولكن هذا (الوطن ) جريح .. جريح جدا .. يا دكين

    (لفت نظر )

    دكين انت ما مقلبتني ياخي .. مقلب كبير وخطير .. أكيد الشمار وصلك ؟؟؟؟؟!!!!!!


    رحمابي
                   |Articles |News |مقالات |بيانات

02-08-2004, 07:21 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: AlRa7mabi)

    دكين
    كل سنة و إنت طيب

    ما هذا التشاؤم يا عزيزي ؟
    نرجو أن تعود سالما غانما و تهنأ بسلام مع ( كل الحبايب و الحبان ) في سودان السلام
                   |Articles |News |مقالات |بيانات

02-08-2004, 07:42 AM

ترهاقا
<aترهاقا
تاريخ التسجيل: 07-04-2003
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: ابو جهينة)

    ( ما من شك مطلقا باني سأموت باكياً هناك بين تلك الظلال وعند عشبٍ ما..
    خادماً وطنيا في زمن بلا ملامح لوطن لم تُحدد ملامحة بعد ..)


    كلام اكتر من عميق ، وكل عام وإنت بخير أخ دكين
                   |Articles |News |مقالات |بيانات

02-08-2004, 08:20 AM

ايهاب
<aايهاب
تاريخ التسجيل: 05-06-2002
مجموع المشاركات: 2877

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: ترهاقا)

    العزيز ديكن كل سنه وانت طيب
    ياخي انا عندي ليك حته تانيه تموت فيها رايك شنو
    LoOoOoOOOOoOoOoOOoOoOoOolz
    ديك حا تموت فيها يعني حا تموت مافي اي مخارججه ولو قالو ليك اتخارج ما حا ترضى
    يا عزيزي الموت انواع وقسم كمان
    وانت ادرى
    شايفك ما جبتا سيره الديك
    يا سيدي بعد عمر طويل ومديد ومليء بالسعاده والهناء والضفاير
                   |Articles |News |مقالات |بيانات

02-08-2004, 07:53 AM

اساسي
<aاساسي
تاريخ التسجيل: 07-20-2002
مجموع المشاركات: 16512

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: AlRa7mabi)

    دكين
    هذا حوار مع لا احد...
    تهذي الان ..وتحس بلا شئ .. محض عدم
    الان تشاركنا لحظاتك المملة.. وتداعياتك الرتيبة
    ويوما قال ابو تميم
    كمن اصيب بالعمي وهو ضرير
    لا حاجة بك لموت درامي .. انت الان ميت .. اولست في ارض نجد؟
    تتاكل من الداخل ..وللاسف الفراغ يتاكل مع بعضه..
    تملا المكان بالازعاج الصامت..
    احسدك علي انك مازلت تتذكر بعض شوارع واهل ...
    تريد حصار الحزن القادم بقوة التلاشي .. ولكن ابشر هو قادم وعرمرم
    يا للغرّ.. العنيد
    أسلمت أمانيك إلى فرارٍ بعيد
    أين أزمعت؟ وأيان تريد..؟
    اعرف هو حبك اليتيم هذا ...ومن تحب هذه مثل جهنم
    لن تدخلها الا عبر بوابة الموت ..فمت اذا واهلك
    فطوبي ..لمن قاتل من اجل اخرين
    واسهر علي ارق كالمتاهة ...
    يوما ما تنبأت انك ستدمن اخر ايامك..
    علي اني اقول اخيرا..
    ..لاشئ محض عدم
    هي حياتنا
                   |Articles |News |مقالات |بيانات

02-08-2004, 08:03 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    ..
    .
    يا لروعة الرسم بالكلمات
    لقد رسمتها فى تأنى وجمال منقطعا النظير
    بل لا مثيل لهما.. يا دكين
    أشهد الله ..
    بأن هذه القطعة هى من اروع ما قرأت
    فى هذا المنبر ، فى متعة الخيال واناقة الحرف وتصوير الحال .
    انها حقاً احزان المأساة ، أشواق الأحزان وغربة الابداع ..
    رد الله غربتك يا ( دكين ) واعادك الى شوارعها لتغنى تلك التى شكلت
    هذه اللوحة و يدوبي الرعاة ولتفرح كل الملامح التى حولك
    لتمضى الحياة بكل الجمال الذى فيك ..

    صدق من قال فى وليمة ( ودقاسم ) ... الجنا مو نصيح ..
    فالابداع هو الجنون يا رائع ..

    دوما لك الود ..
                   |Articles |News |مقالات |بيانات

02-08-2004, 09:07 AM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: Tabaldina)


    دكين ألف سلام وألف تحية ليك حيا وميتا
    وكل سنة وأنت طيب وسالم وغانم وتعود لوطنك وقد عم السلام ربوعه
    ربنا يديك الصحة والعافية وطولة العمر وتعرس من تحب وتجيب صبيان وبنات وتعرس ليهم وتشوف أحفادهم
    وتف من خشمك وأمك ما تسمعك واله زول يكلمها عن بوستك دا ممكن تسكل وتعمل ليك مناحة من هسع ويمكن تزعلها منك
                   |Articles |News |مقالات |بيانات

02-08-2004, 08:30 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    رحمابي
    وصلني الشمار ..
    اتصل علي عزيز ما افضله عليك
    هو ما تبقى لي في وطني ..
    اتصل قائلا ان احدهم اتصل به من الخارج
    قال ان المتصل كان سمحا في اتصاله سمحا في حديثه سمحا في مدة مكالمته وودودا حتى ظننته سيرثني ...
    قال لي ايضا ان المتصل سالني اسئلة تخصك فعلمت انك قد تدروشت مرة اخرى ووضعت رقمي في مكان عام يخصكم ..
    واصر صديقي هذا في اكثر من محادثه ان اشكرك وارد لك التحية باحسن منها ما وسعني ذلك ..

    وانا لا يسعني ذلك بصراحة ..وشكرا شوية عليك ..
    والله ما قصدت ان اتعبك باتصال وما علمت انك ستفعلها ...
    ووالله ما سعدت في اسبوعي الاخير قط كما اسعدني خبر اتصالك ..
    تسلم يا رحمابي وتقبل تحيات ذلك الرجل مرة اخري وعظيم تحياتي انا ايضا ..وتحياتي للبنوت وامهم وكل الجوار...
    ــــــــــــــــــــــــــــ
    انتا ومعاك زول اخلاقو عاااااااااااااااااالية شديد اتخيطو في موضوع التلفون ده..
                   |Articles |News |مقالات |بيانات

02-08-2004, 08:39 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    الشباب الذين شاركو في مراسم العزاء
    يا خوانا دي رجعة افتراضية ..
    و فقيد افتراضي ..
    ومراسم عزاء افتراضية ..
    حاجات افتراضية زيكم كده..


    ومع ذلك البوست ده جاب لي الكلام من ناس ما افتراضيين ختوها لي عديييييييييييل
    وقالو لي لو دي طريقتك في تفكيرك انسي بتنا دي ..

    والحقيقة انا لا عرفتا الناس ديل لا عرفتا بتهم ..
                   |Articles |News |مقالات |بيانات

02-08-2004, 08:46 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)








    نعم علي ما يرام ..
    بعدين افرضي ما على ما يرام ..انتي ممكن تقدمي شنو في اليرام والما يرام؟؟
                   |Articles |News |مقالات |بيانات

02-08-2004, 09:49 PM

tabaldy

تاريخ التسجيل: 04-27-2003
مجموع المشاركات: 1157

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    إفتراض يا دكين ؟
    هناك في شالي في نص نهاية التسعينات , بعد الهجوم , بعد التهليل , التحرير , سميهو زي ماسموهو , أو زي ما قال عادل لحظتا في تعب واضح وهو متكي علي عجل مدفع هاوزر قالا الطابور ما إنتهى ؟ إعتبر مجالدة الرصاص طابور ساي , يستحق إعفاء من تمام تسعة .
    جندلة و جتتين تلاتة هناوهناك أصر مصور المتحرك علي تصويرا من كل الزوايا وويزف المزفون خبر النصر وتكبيدهم خسائر فادحة في الارواح .
    بعد الهجوم . الكان في نص نهاية التسعينات , قلت ليك إنو كان في الوقت داك ؟ , إتلفت القائد الله يرحمو , عقيد عقد العزم إنو نحرر محور البر الغربي , شمال أعالي النيل , وتدين برون المابان لهم _ رغم معنويات متحرك القهر والعيد المكرر خدار , خدار شدر , خدار لبس ,خدار ضراعات ما قبضت علي معول بناء , قبضت علي طرف زناد وأحرقت كل عشم _ إتلفت القائد رحمة الله عليه , وإختارنا جماعة تمشيط , و ...
    إتقدمنا , وقفنا , تعليمات من قائد الجماعة _ الجماعة كانت حداشر , وفي زخم طغيان الموجة الجهادية بقت ستة عشر أو زيد بضع آخرين إن شئت , على حسب قوة المتحرك , رجعت حداشر بعد ما نص الفضل من ولاد البلد فضّل القعاد في أطراف الحي , أو خت في جيبو جواز أخدر برضو وبحلم بي الورق الأخدر برضو _ ( إستخدم الساتر ) جات صارخة مليانة خوف أكتر من إنها أوامر ميدان , واخدنا الساتر , وهناك ....
    ما كان في حلة حمد
    ولا حلة أي زول
    في أطراف شالي , في تبة عالية , أعلى الخور , أسفل الجبل , عنقريب , وخمسة جثث , لهم ولموتانا الرحمة
    تلاتة أكياس فحم , شوالات فحم , غطّا الأول نص الجثة الأولى من أعلى , كانت سليمة , مكتملة الملامح , رقيب في قوات الشعب المسلحة , في جيب قميص الكاكي بطاقة موضوعة بي صورة تنبيهية , من سكان أمدرمان , ملامحو من غربنا , بلا إسهاب في التفاصيل .
    التاني كان نصين في كيس واحد , تغيرت ملامحو بي طول الزمن .
    التالت كان متكي في طرف العنقريب , رامي بصرو هناك أعلى الجبل , ورا الجبل طريق الخرطوم , ما عندي علم حد بصرو وصل الخرطوم ولا كانت أمنية في خاطرو حينا .
    الرابع والخامس كل في كيس , مجمعة أشلاء , تكاسل حاملوها من إيصالها لطرف العنقريب , فرقدت غير بعيد , على بعد عشرة أمتار من أعلى التبّة .
    أستروا موتاكم , صلاة ودفن , وغيمة حزن . قلق يا دكين قلق من ميتة ما تلاقي فيها اليوصل خبرك لي حبيبة في طرف حلة حمد أو أي حلة .
    بعدها بي يومين طلعنا من ميدان حسب الحاسبون أنهم بلغوه ولن يتزحزحوا عنه قيد أنملة , طلعنا من شالي اللعينة , ما نزهة في غاب الطلح , طلعنا بلا زاد أو حتى ماء , في السكة لقينا بعض الجثث الأخرى ملقاة هنا وهناك , ما قدرت أو قدر زول يتبين ملامحا , كان الرصاص يطارد الجميع بلا هوادة , رصاص زي دفار إلزامية , أو زي قدر إنك ما تنعم بي أمان وعشم في بلد بتفترض في حال رجوعك إنك توصي بي دفنة في طرف حلة الحبيبة , طرف حلة حمد , وفي يومين ؟ يا لتفاؤلك يا هذا الدكين .
    أبنوسي
                   |Articles |News |مقالات |بيانات

02-09-2004, 11:36 AM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: tabaldy)

    صيوان كبير قافل الشارع من أوله لي آخره ..
    " الفاتحة يا ناس " قطع صوت بعض القادمين ..
    ونسة مسخنة مجموعات .. مجموعات ..
    والله الهلال دا أعظم فريق ما شفت ناديه بقى كيف ..
    منو القال ليك .. المريخ أحسن منه إتأسس قبله بي كم سنة ..
    اللاعب فلان أعظم من أنجبته الملاعب حتى الآن ..
    صحف رياضية تملأ المكان تتنقل بين شخص وآخر ونهايتها مقابر حلة حمد ..
    والنتيجة تدهور الكرى السودانية ..
    وكلام في جهة ثانية عن السياسة وما أدراك ما السياسة
    عن الوزير الإغتنى وفلان البنى عمارات من مافي وكلام كثير ..
    الونسة ما تخلص في بيت البكاء ..
    والميت الله يرحمه ..
    وإذا كنت من الموالين .. تسمع الجلالات من كل مكان ..
    وعربات محملة .. تقول مركز تموين ..
    وإذا كنت غير ذلك .. أهلك يكتفون بمن نقل الخبر من أصحاب الكاكي ..
    من صغار العسكر ..
    موت بالجملة .. موت الضمير .. موت الوطنية .. موت السودان ..

    تسلم أخي دكين وربنا يرجعك سالماً لوطنك وأهلك ..
    ويجمع شملك مع من تحب وتهوى .. آمين يا رب العالمين ..
                   |Articles |News |مقالات |بيانات

02-09-2004, 11:47 AM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: tabaldy)

    تبلدى اعجبتنى هذه القطعه..حتى فى غموضها كدى ..واصل..شامه فيها ريحة حقيقه..


    وبعدين

    ماانت براك الافتراضى .. برضو الرد كان افتراضى يا دكين..

    جميله!!!
                   |Articles |News |مقالات |بيانات

02-09-2004, 12:27 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    مسكين دكين
    يظن أن الموت رخيص لهذا الحد ، الموت المعلن يا دكين لا يتساوى فيه كل الناس ، الموت خشم بيوت ، وكيمان ، ناس يقفلوا ليهم الشارع وناس يقفلوا ليهم التلفزيون وناس ينكسوا ليهم علم البلد وناس ينكسوا ليهم أعلام بلدان ، وناس يتحنطوا آلاف السنين ، وناس يموتوا فطايس ،،
    والحور العين ملك للحكومة توزعهن كما تريد ، وبرنامج ساحات الفدا برنامج حكومي لا يورد إلا صورا حكومية ،،
    الجيش نفسه يا دكين خشم بيوت ، ناس لابسين كاكي نضيف وراكبين عربات فارهة يتلقون تعظيمات جيئة وذهاباوناس مستمتعين بالمكاتب الفخمة في القيادة العامة ، وناس ساكنين في بيوت فخمة داخل القيادة العامة ، وناس مستمتعين بالإبتعاث لكل بلاد الدنيا لنيل الدرجات العلمية الرفيعة ، وطبعا في ناس كده جايبنهم الجيش عشان يموتوا ،،
    أنت يا دكين مصنف طبقيا ضمن الفئات المستغلة وعشان تنتقل لطبقى حاكمة أو شبه حاكمة تحتاج إلى كثير من التزلف وتحتاج إلى مضاجعة العهر والفساد ،، وقد لا تقبل تلك البنية ذلك حتى إن قبلت به أنت ، أنا عارفها عزيزة نفس وصامدة وقوية وملتزمة ،،
    دكين الموت واحد ، موت الغربة ، موت الإلزامية ، موت الجيش ، موت السرير . ربنا يديك العافية وتعرس البنية وتجيب بنين وبنات ، بس يطلعوا حلوين زي البنية ، مش شينين زيك
                   |Articles |News |مقالات |بيانات

02-09-2004, 09:38 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    اها شفتي يا تماضر الكلام البقول فيهو تبلدي ده ما افتراضي..
    تبلدي واحد من مجموعة وسيمة للغاية قضوا اعواما في نهاية امدرمان ثم اعواما اخري في نهاية السودان الجنوبية وشهدوا نهايات جيش وكيف الجبهة خشت عضمة الدبابة جوه ودنست شرف المدافع..
    وغيرت عدد الجماعة المعلومة..

    الواحد كان بقدر يحل مشكلة كتيبة محاصرة ..
    هسع ما قادر احل مشكلة بت في بيتم ..

    من اقوال نقيب متقاعد مقيم..

    ود قاسم عملتا لي شنو في موضوع البت القتها ليك اليوم داك

    بلاي لو البت سمحة واحتمالات انها ترث متوافرة ادينا طرف موضوع
    هديةورضية دي الله اعلم ..

    انحنا ناس سماحة وقروش ..
    الجن ده بنداويهو..
                   |Articles |News |مقالات |بيانات

02-09-2004, 09:45 PM

Tumadir
<aTumadir
تاريخ التسجيل: 05-23-2002
مجموع المشاركات: 14699

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    اسمح لى يا دكين ان انادى مره اخرى على تبلدى..ليحكى اكثر..يبدو ان لديه الكثير.من النوع غير الافتراضى...


    هلا عدت يا تبلدى..هذا رجاء!!!!
                   |Articles |News |مقالات |بيانات

02-09-2004, 09:44 PM

DKEEN
<aDKEEN
تاريخ التسجيل: 11-30-2002
مجموع المشاركات: 6766

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    اولا الغنية ماليكي عشان تسمعيها ولا ما تسمعيها فلو ما سمعتيها ما تجتهدي كتير..
    تانيا دي ما غنية ذاتو..





    بعدين مبروك الحمل ..
                   |Articles |News |مقالات |بيانات

02-10-2004, 01:34 AM

tabaldy

تاريخ التسجيل: 04-27-2003
مجموع المشاركات: 1157

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    تماضر
    سلام
    اها اقول شنو في بوست التهاني المبهمة دي ؟
    الو معاك فلان يحب يهدي بوست الختام لسكان مقابر أحمد شرفي وحلة حمد وفاروق ولو في طريقة توصلوا تحياتنا لي ناس مستشفى القابلات امدرمان
    تماضر لسة اثار الموس في الراس من اخر صلعة , خلينا نفرح بي باقي السبعة شعرات الفي ديل شوية كدة وبعدين نقنع منهم ونحكي , ناوي أرجع بعد خمسة سنة كمان وشكل الحلاق حيكون ثابت في وظيفتو للحين داك إلا يشيلو صالح عام وهنا المشكلة حتبقى مركبة لانو الحلاقة حتبقى بي قعر برطمانية مربى مكسورة في أحسن الأحوال .
    دكين
    وسيم في العسكرية زول صلعتو بتقوم بعد الجزا في أقل من إسبوعين , وعندو إعفاء من كل التمامات إلا تمام القائد .
    وسيم بي دقن ؟
    بدل دقن في الماهية يا دكين , سوء الحظ حرمنا من بدل الدقن
    مبروك لي الناس القلت ليها مبروك
    قلت لي دي ما أغنية ؟ يعني ننزل جلالة ؟ منعوا طابور الجنازة بداعي أسلمة الجيش . يعني صوت القرب الحنين ولّى .
    خلاص نزّل أي حاجة جيب دافي الغاطس بيها .
    أخبارو شنو ؟


    أبنوسي
                   |Articles |News |مقالات |بيانات

02-10-2004, 02:27 PM

شتات
<aشتات
تاريخ التسجيل: 05-03-2003
مجموع المشاركات: 1160

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: tabaldy)

    دكين .. أيها النمرود
    متمرد أنت على كل شي ..
    على الحياة ..
    على ما بعد الحياة ..
    علينا ..
    على الغالية ..
    وعلى دكين ..
    ..
    جميل أنت ..
    فى صمتك ..
    فى انفعالك ..
    فى خيالك ..
    فى حروفك التى تقهر الموت .. لأنها لا تسرف في الحياة
    لك الانحناءة على هذه اللوحات البديعة


    صـلاح / شتات
                   |Articles |News |مقالات |بيانات

06-17-2004, 02:35 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: شتات)

    `
                   |Articles |News |مقالات |بيانات

11-03-2004, 11:01 PM

tmbis
<atmbis
تاريخ التسجيل: 10-19-2002
مجموع المشاركات: 24857

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: Rawia)
                   |Articles |News |مقالات |بيانات

11-04-2004, 05:41 AM

برهان تاج الدين
<aبرهان تاج الدين
تاريخ التسجيل: 08-28-2004
مجموع المشاركات: 510

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: tmbis)

    بالله عليكم دكين دة زول يخلوهو يمشى ؟
    انا شخصيا لم ارى قلما بمثل تلك النكهة .
    نكهة جيراك .. فى شيشة بعد فطور رمضان .. مع شاى احمر عند ناس زينب ..!

    (عدل بواسطة برهان تاج الدين on 11-04-2004, 01:36 PM)

                   |Articles |News |مقالات |بيانات

11-04-2004, 04:19 PM

Rawia

تاريخ التسجيل: 11-23-2002
مجموع المشاركات: 8396

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: برهان تاج الدين)

    دكين ضحوى الحسن محمد نور


    شفتو........ انشاء الله تكون اتبسطت



    حظك شفته لكن انا لا


    بالمناسبه فرقت خمسه
                   |Articles |News |مقالات |بيانات

11-13-2004, 08:31 AM

المسافر
<aالمسافر
تاريخ التسجيل: 06-10-2002
مجموع المشاركات: 4928

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: Rawia)

    Quote: قد حدثتكم فيما حدثتكم عن الاشواق تستهلك ذاكرتي وعن صمتها الذي طال حتى تكلم الغريب ..


    حسب الشوق شروق
    وحدثنا حديث طرف طرف
    يحكي ويتلفت
    لفتة في ساعة مساء ولفتة من بعد الصباح
    تقول مكلف ديدبان
    معفي من التمام
    مكتول مع الزين في معسكر الشهيد
    ومذبوح مع بلقيس حتى الثمالة
    فأصبحت ذاكرته ما بين الإستهلاك والصمت
    تنقص زيت
                   |Articles |News |مقالات |بيانات

11-13-2004, 09:29 AM

Abdel Aati
<aAbdel Aati
تاريخ التسجيل: 06-13-2002
مجموع المشاركات: 32873

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: المسافر)

    يا دكين حلة حمد
    علي وزن
    يا سارية الجبل .

    عادل
                   |Articles |News |مقالات |بيانات

11-13-2004, 10:10 AM

jini
<ajini
تاريخ التسجيل: 02-04-2002
مجموع المشاركات: 29708

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    دكين
    مالك بن الريب التميمي زمانه
    والله أحلى عيدية
    هو العود الأحمد بشحمه ولحمه بعودتك تعود للبورد عافيته


    Quote: الآن فقط جماعات مبُعثرٌ يقينها ما بين خيبة الآمال في القيادة وبين رفاق مضوا في تطرف المليشيا واحتفالات الرصاص..

    لكين جنس الكلمات دي بتودي بيوت الأشباح محل البول فوق الهدوم
    جني
                   |Articles |News |مقالات |بيانات

11-14-2004, 12:17 PM

Abdel Aati
<aAbdel Aati
تاريخ التسجيل: 06-13-2002
مجموع المشاركات: 32873

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: jini)

    دكين زاغ تاني؟
                   |Articles |News |مقالات |بيانات

11-14-2004, 01:13 PM

walid taha
<awalid taha
تاريخ التسجيل: 01-28-2004
مجموع المشاركات: 3100

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: Abdel Aati)


    لأسباب غير تلك القديمةup
                   |Articles |News |مقالات |بيانات

11-15-2004, 01:07 AM

الوليد محمد الامين
<aالوليد محمد الامين
تاريخ التسجيل: 04-10-2003
مجموع المشاركات: 1447

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: walid taha)



    تعرف يا دكين :

    ونحن نحب الحياة
    اذا ما استطعنا
    اليها سبيلا
    (محمود درويش)

    ولكن .....
                   |Articles |News |مقالات |بيانات

11-15-2004, 03:51 AM

jini
<ajini
تاريخ التسجيل: 02-04-2002
مجموع المشاركات: 29708

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: طرف من خبر الاخرة (Re: DKEEN)

    رائحة وطعم ولونية الطيب صالح
    دكين لا تتركنالغثاثات المؤلفة بطونهم
    جني
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de