|
|
 اها ياموصلي اركز وباصر روحك بالالحان..!!
|
مافي نجيمة تخت مرواده
في جتة شوق..
ومافي جغيمة
تفك الريق
في جوف محروق..
هيبلي صفاك
ياالفة ضي
ساساق..
من غابة لون فرّاها
بريد احساسك غنوة..
وآه ياغنوة ساب والنيل
محروق من شجن النورس
فاض..
مهّدلي عشان اقراكي سواحل
فيني ..وخوفك من هدام
الزمن الجاير..
وموج في الخاطر ..فاق
يانجمة كفاكي شهاق
والليل فاتلي نعاس
من حبلو هموم ..
شريتك فيني قصايد..
|
|
 
|
|
|
|
|
|
|
|
Re: اها ياموصلي اركز وباصر روحك بالالحان..!! (Re: عبد المنعم ابراهيم الحاج)
|
Quote: منعم يا فنان
كبسولة أحساس 500 ملجرام
ناجعة في مداواة وجع البوستات
جات عند لزومها تماماً
ـــ
(اعترف)استوحيتها من بروفايل منو؟ |
العزيز اشرف
انت المديدة حرقتني دي ما بتخليها؟
هسة الزول ده يجينا
يلغورنا...
لحدي ما نعرف حاجة..
بالله الزول ده وين؟
ـــــــــــــــــــ
ذكرتني النمشي نختها
في بروفايلي قبل
يجي زول يتصلبط..
| |
|
|
|
|
|
|
|
|
|
Re: اها ياموصلي اركز وباصر روحك بالالحان..!! (Re: عبد المنعم ابراهيم الحاج)
|
الأخ الشاعر المرهف عبدالمنعم تسلم يا غالي والله أنا من المعجبين بقصائدك وأحب أحكي ليك
عن نكتة لذيذة في مرة من المرات رسلت رسالة بالماسنجر وقاصدك إنت وعايز أعبر ليك عن
إعجابي بأشعارك تغرف رسلتها لمنو لعبدالمنعم التاني ( عبدالمنعم سليمان ) وردا علي
قال لي يا زول أنا ماشاعر ولا حاجة أظنك قاصد عبدالمنعم التاني
ولكن الأ تتفق معي ان الغربة تبش كل ما كان مدفون خلف الذكريات فتبرز لك معالم لا تستطيع
ترجمتها , دمت أخي الشاعر المرهف عبدالمنعم وأنا بالمناسبة صياد ماهر بقراء بتمعن شديد .
| |
|
|
|
|
|
|
|
|
|
|
Re: اها ياموصلي اركز وباصر روحك بالالحان..!! (Re: شهاب الفاتح عثمان)
|
Quote: كلام هبّاش
جواتك
وغيم و دعاش
في جوف واطـاتك
وانا أموت في الحنين الدغري ومدسوس!! |
برجلت حنين الريشة
الكانت تعرف كيف
تتوحم لما
اللون في
سوط المطرة
يكون متحايل..
وميل نشابو
خطوط رسام
متفائل..
انو حبيبتي
بتلبس من
احساسو فساتين
نوم ..
والريح مسّاها
اريج بستان متفتح..
وسر ماباحت بيهو
فراشة ذوق..لزهرة نمت في
الروح ويسرح
من تيجانا رحيق مسروق
وخليط من بسمة شافعة
مع الاصباح..
افراحها سناك شمسية
وسرحة ند فواح..
| |
|
|
|
|
|
|
|
|
|
Re: اها ياموصلي اركز وباصر روحك بالالحان..!! (Re: عبد المنعم ابراهيم الحاج)
|
واتأمل زين..
ياها خيولنا تجقلب
في حيوية لوحة..
وصهوة فكرة جموحة..
مافي سنابك
قطعت شوط في الجولة..
وضجرت في ساحات
مطعونة وغي..
حوافر مهره مجرّكة
من غبرائك ..
ميديا..
وشبالات من عرفها
هلّت في الحبان..
وآه ياوطن التيه
شريانك نز
كما الغيمات..
واتمتخت كل مفازات
جسدك دم..
يا ويلي جياد الشوق
ويا حيلي بلاد في
طوق..
مهدودة القدرة .
| |
|
|
|
|
|
|
|
| |
ناذر محمد الخليفة
Elmosley
Ashraf el-Halabi
هاشم أحمد خلف الله
نهال الطيب
حبيب نورة
شهاب الفاتح عثمان
فيس بوك
تويتر
انستقرام
يوتيوب
بنتيريست