هناك حكاية طريفة .. قد نسيت تفاصيلها .. على ما أذكر أن مصريا كان يقطن الكلاكلة .. والمواصلات و .. و .. قطعت خيطه .. وأخيرا ذهب الى مصر .. وأظنه .. كتب موضوعا فى الجرائد المصرية..
تحت عنوان:: " قال كلاكلة قال" أرجو من ييتذكر تفاصيله أن يمدنا بمعلوماته ..
لأن الأخ وليد استبدل هذا العنوان بقولته المضحكة:
" قال 13 قال " ......
ألف سلام عمكم العجوز أرنست
06-08-2002, 10:59 PM
BousH BousH
تاريخ التسجيل: 04-19-2002
مجموع المشاركات: 1884
على ما اذكر قال كان مدرس وساكن الكلاكلة طبعا وانت عارف سوق الخضار وين (الخرطوم)،،، واخونا رجع مصر وكعادة المصريين نزل السلة من البلكونة للخضرجي وقال ليهو خت لي فيهو طمام وخيار و و و ولامن رفع السلة فوق قال قولة المشهورة قال كلالكة قال ويمكن يكون في روايات تانية نسمع من الاخوات
الأستاذ المصري أتى الى الخرطوم مدرسا و من سوء حظه أن أزمة البنزين كانت على أشدها و الكهرباء طوااااااالي قاطعه في المدرسه و البيت و كل يوم يدافر يمشي سوق الخضار و الجزاره و وووووو عندما عاد الى القاهره قاعد في البلكونه خالف رجله و ددلدل سبته بحبل علشان يشتري خضار و بعد ما امتلئ السبت رفعه ببطء و أخذ يتذكر معاناته مع الكلاكله وآل كلاكله آل
06-09-2002, 05:48 AM
Habib_bldo Habib_bldo
تاريخ التسجيل: 04-04-2002
مجموع المشاركات: 2350
أحبائي لكم التحية والتجلة أولاً وأخيراً يحكى أن مدرس مصري جاء إلى السودان منتدب للتدريس ولم يجد سكن رخيص في وسط الخرطوم وذهب لمكاتب التعليم محتجاً على إرتفاع إيجار المنازل ونصحه أحد الموظفين بأن يذهب ويؤجر في الكلاكلة وقاله الإيجار رخيص في الكلاكلة وفعلا ذهب صاحبنا ووجد الإيجار رخيص وأجر وسكن وفي صباح اليوم التالي لبس وطلع ماشي الشغل لغاية الساعة 8.30 صباحاً وهو منتظر مش لاقي ولا كارو يآخده للمدرسة وفي النهاية أجر تاكسي بمبلغ وجع قلبه ومشى وفي الرجعة كذلك وقال يمكن دي ظروف مؤقتة وأستمر الحال أسبوع بالتمام ودفع فرق الإيجار في المواصلات ورجع صاحبنا المصري لمكاتب التعليم زعلان وهناك صادف الموظف صاحب النصيحة وسأله قاله كيف الكلاكلة وجات المقولة المشهورة (آل كللاكلة آل) وإنشاء تكون الرواية الصحيحة وليد
06-09-2002, 06:35 AM
قرشـــو قرشـــو
تاريخ التسجيل: 02-05-2002
مجموع المشاركات: 11385
اظننى سمعت نفس روايات اخوانا بوش وما نديلا ولكن ربما يكون هنالك شخص ما يعرف ذلك الاستاذ المسكين شخصيا..
على فكرة وضد استهزاء اخونا بتاع الكلاكلة فقد سمعت روايات من مصريين يفاخرون بأنهم كانوا يعملون فى السودان وكيف انهم عاشوا رغد العيش والحياة المترفة ولكن اولئك قبل صاحبنا الذى جاء فى عهد نميرى بتاع الكلاكلة داك قصدى
06-09-2002, 03:19 PM
waleed500 waleed500
تاريخ التسجيل: 02-13-2002
مجموع المشاركات: 6653
العجوز الانيق صباح الخير ياربى ترجع لينا عجوزنا ده بى السلامه ولو رجعت البلد يا ارنست بتقول ال غربه ال وسوف تندم على اى لحظه مكثتها بى الخارج لك التحيه وحبى الاكيد
06-09-2002, 11:58 PM
Sudany Agouz Sudany Agouz
تاريخ التسجيل: 04-27-2002
مجموع المشاركات: 9014
.. . سلامات يا جدو ارنست انا جيت لقيت الموضوع انتهى بس الروايات متشابهة وحبيت احشر روايتى برضو
وهى فى فترة انتداب الاساتذة من مصر للسودان والمصريين معروفين بتقشيطهتهم المهم اخونا بدور على سكن رخيص ما لقى الا الكلاكلة ولسه كانت ما دخلتها الخدمات من كهرباء وماء وكان كل يوم فى عذاب وباليل فى عذاب .. يشيل الجردل ويمشى لابار الكلاكلة الردموها حسع ويرمى الدلو ويسحب مويه للغسيل والتشطيف اكمل سنتين من الغربة وعاد لمصر وسكن فى شقته بعد ان جهزها بكل ما لذ وطاب وفى مصر فى نظام تدلى السبت من اى دور وتكتب الطلبات وصاحب البقالة تحت يسحب السبت ويضع ليك الطلبات حسب الورقة ويتم تسجيهلها فى حسابك لاحقا بعد ان امتلات السلة بما لذ وطاب من مشربات وماكولات ومعلبات بدا صاحبنا فى سحب السبت من البلكونة واثناء سحبه تذكر معاناته لسحب الدلو لجلب الماء فى الكلاكلة وبدا يردد آل الكلاكلة آل آل الكلاكلة آل
ساخرا .. وشتان بين عكا والاسماعيلة ودى من عندى تحياتى
وهى انو هذا الاستاذ المصرى ذهب للدكان فى اول يوم وصوله للكلاكله وطلب من بتاع الدكان فول مصلح وطبعاً فحلين بصل وكميه من العيش الرغيف وكل ملحقات الفول وعندما سأل من الحساب بتاع الدكان قال ليهو 15 الف جنيه ولما رجع مصر واول ما نزل من القطر ومن اول كشك بتاع فول طلب نفس الطلبات من فول وخلافه وعندما سأل من الحساب قال ليهو قرشين صاغ فقال قولته المشهوره قال الكلاكله قال .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Sudany Agouz
BousH
Habib_bldo
قرشـــو
waleed500
Al-Masafaa
فيس بوك
تويتر
انستقرام
يوتيوب
بنتيريست