دعواتكم لزميلنا المفكر د.الباقر العفيف بالشفاء العاجل
|
|
 حكايتى مع الأخ منوت
|
أولا أشكر الأخ منوت على رده الرقيق ,ارجو منه أن يسمح لى بسرد أول مقابلة مع الأخ منوت..
أذكر فى يوم من أيام عام 1989 ، كنت فى السفارة الأمريكية ، فى انتظار استلام تأشيرة دخول للولايات المتحدة .. جلست على احدى المقاعد الوثيرة فى صالة الانتظار الخارجية .. وبعد أن انتعشت من هواء التكيف البارد بعد أن كادت نفسى أن تزهق من شدة الحرارة الخارجية .. المهم بعد التقاط أنفاسى وانتظام ضربات قلبى .. انفتحت عيناى لرؤية ما يدور حولى .. بدأت التفرس فى الوجوه المختلفة لعلى أجد شخصا أعرفه لقتل وقت الانتظار الممل .. وبينما كانت عدستا تصوير العينين تتحركا بسرعة سريعة .. فجأة توقفتا عند كائن بشرى قابع على كرسيه.. كان جالسا بطريقة هندسية عجيبة .. محدثا زوايا حادة ومنفرجة فى نفس الوقت .. وبسرعة خاطفة .. ضغطت على زرار حهاز كمبيوتر العقل الحاسب .. قلت سبحان الله .. خط المستقيم الساقط من نقطة التقاء الركبة الى القدم ، تقريبا متر .. ثم حولت العدستين الى أعلى قليلا .. ثم قدرت الخط الواصل من نقطة بداية الركبة الى نقطة " البلامؤاخذة " كانت مترا ..ووقدرت الجزء الباقى وجدته حوالى المتر .. ثم حمعت أطوال المستقيمات الثلاثة على وضعهم (المكرفس ( وجدت حاصل الجمع ثلاثة أمثار بالتمام والكمال .. قلت فى نفسى ما شاء الله ..وقلت أيضا ليت المنمادى ينادى اسم هذا الشخص قبلى لأرى هذه المستقيمات فى خط مستقيم .. وبينما وأنا فى هذه المناجاة .. انتصب هذا الكائن البشرى واقفا .. واذ بى .. ودون أن أدرى .. "لكزت " جارى فى غرفة الانتظار .. قائلا له انظر الى هذا الطول .. ابتسم صاحبى " الملكوز " وهو يقول بتلقائية السودانيين المعهودة .. انت ما بتعرف ده منو ؟ قلت بادهاش أبدا لم يحصل لى الشرف .. قل: ده منوت بول لاعب الباسكت بول فى أمريكا ..
ومنذ ذاك الحين أسمع اسمه ,أراه على شاشات التلفزيون الأمريكى .. وأنا أقول فى نفسى هل يمكن فى يوم من الأيام أن نلتقى يا منوت وتتلاقى أيادينا .. ولكن الحمد لله نصف الأمنية قد تحققت وها نحن نتحدث سويا .. والرب قادر بأن يحقق النصف الثانى من الأمنية فى القريب أو البعيد العاجل ..
وهذه هى حكايتى مع الأخ منوت ..
ألف سلام ..
من عمك العجوز
|
|
 
|
|
|
|
|
|
|
|
أنا كمان عندو قصه يا عمنا عجوز (Re: Sudany Agouz)
|
اكب سلامات لعم بتاع انحنا (عجوز سوداني) (مانمبو السوداني ) المنبو الفي كياني...
في صيف بتاع سنة 1994 ، مقدم بتاع برنامج أمريكي مشهور (أرسينو هول 9 بيقدم منوت بول لجماهير بتاع مشاهدين . وبيسأل منوت : يا منوت إنتكم قبل تسجيل بتاع برنامج ده ، بيقول لي إنكم لما كنتم في سودان (جنوب) إنتكم بيقبض على اسد وبيقتلو .. كيف ده كان ؟ منوت بيقول لي أرسينيو هول : أسد أنا بيقتلو في جنوب سودان كان أسد (أصلي) زي (منوت) مش اسد مزيف زي (أرسينيو ) ....
ويا عمنا منوت دي (ثروه بتاع وطن ) وزول عادي جداً ... بس همن (طويل شويه)
| |
|
|
|
|
|
|
|
|
|
Re: لسيس شديد يا ولد بتاع أمنا (Re: منوت)
|
الى ألأخويين منوت وود العزه
شكرا يامنوت على حكاية ألاسد .. كان لى خال بيشتغل فى واو لسنين كثيرة وكان بيحكى حكايات عن الأسود فى الجنوب .. مرة قال كان الأسد نايم فى الطريق " الممر " الوحيد فى الغابة .. وكان فى واحد عايز يمشى .. وقف الراجل يكلم الأسد .. دود .. من فضلك حلى سكه بتاع نحنا .. ندورو نمشى .. وفعلا وقف الأسد وترك الطريق للراجل .. تفتكر يا منوت كنت انت الراجل ال وقف يكلم ألأسد ؟؟
المهم شكرا جزيلا على الرد بتاعك .. واشرب مويه ليمون كثير .. عشان السخانة ..
أما أنت يا ود العزه ، دايما جاهز .. وشكرا على الصورة التذكارية..
أخوكم العجوز
| |
|
|
|
|
|
|
|
|
|
Re: لسيس شديد يا ولد بتاع أمنا (Re: Sudany Agouz)
|
اخونا العجوز
بس ما تميت لينا القصة بتاعت السفارة
ادوك تاشيرة دخول للولايات ولا لا؟؟؟
اكان ادوك هسع عامل كيف مع الكماج ده
والله منظمة كير بترسل لينا نشرات وبتقول الجماعة الامريكان نتفو ريشكم عديل كده
يا امبريالى
واكان ما ادوك وقتها ما حاولت ثانى
اوع تكون زى حالتى بس
تعرف انا قدمت قاموا الاشرار ختموا على جوازى بدون ما اعرف فى الصفحة الاخيرة ومن يومها انا كل لوترى اقدم وما عاوزين يدونى فرصة
لكن وراهم وراهم والزمن طويل
اكان فى عمر
| |
|
|
|
|
|
|
|
|
|
Re: لسيس شديد يا ولد بتاع أمنا (Re: قرشـــو)
|
ألأخ قرشو
طبعا قصة منوت كانت 1989 .. أياما ديك كانت سهلة ما فيها مشاكل .. ما زى الأيام دى .. وخصوصا بعد ضربة 11 سبتمبر .. كل شيىء اتعقد .. لكن ان شاء الله شويه شويه بتفرج ان شاء الله وتجوا تزورونا .. وتشوفوا عمكم العجوز وكما منوت بليمونه الصاقط .. وبالمناسبة عندنا ليون سمح هنا .. وقبال ما أنسى .. الجواز الذى به ختم رفض التأشيرة ، حقو تغيره .. عشان ما يكون عقبه فى المستقبل ..
قول يارب ..
أخوكم العجوز
| |
|
|
|
|
|
|
|
|
|
Re: لسيس شديد يا ولد بتاع أمنا (Re: Sudany Agouz)
|
العجوز
ياخوى انا اعجز منك
جوازى البحكى عنه كان سنة 84 وطبعا غيرته لانه اكمل عشرة سنوات والان الثانى باقى ليه سنة واحدة وينتهى كمان
يعنى انت فى امريكا هسع
ما قلت لى نتفوا ريشكم ولا لا ؟؟
ولا خايف يكونوا بقروا بوستاتنا دى ويقبلوا عليك بجد جد
ديل ما عندهم قشة مرة اى زول جاى من هنا لازم يشوف عذاب قبورة
| |
|
|
|
|
|
|
|
|
|
Re: لسيس شديد يا ولد بتاع أمنا (Re: قرشـــو)
|
الأخ العزيز قرشو
هل يمكن تقدير العمر بتاريخ انهاء الجواز .. خلى بالك جواز عن جواز يفرق .. مش جواز العرس ..
أمكن كلامك صحيح .. عشان أنا عامل تسنين .. بالمناسبه .. يا سيد قرشو ..
كان يا ما كان فى قديم الزمان .. حاجة عجوزة .. يعنى حبوبة ..علمت بأن ابن ابنها ماشى لندن عشان ما يدرس .. قالت له: انا عايزاك لم تمشى لندن هنال تجيبلى الدوا اللى بيخلى العجايز صغاااار .. قاليها : سمح يا حبوبه,,
وبمجرد وصوله الى لندن اشترى الراجل دوا الحبوبه وارسله بأقرب طياره ..
وبعد 4 سنوات من الدراسة عاد الدكتور .. طرق باب المنزل.. فتحت له فتاة فى مقتبل العمر تحمل طفلا .. تفرس الدكتور فى وجه هذه الفتاة واذ من ملامحها عرف انها حبوبته .. ياسلام ياحبوبه .. رجعت خمسين سنة .. لكن قوللى .. الولد الشايلاه فى كتفك ده منو .. ؟؟
ردت عليه على الفور : أجى ده ما أبوك شرب باقى القزازه
----- وانا خايف ياقرشو أكون شربت نقطة من دوا الحبوبة
ها هااا
أخوك العجوز
| |
|
|
|
|
|
|
| |
Sudany Agouz
منوت
wadazza
قرشـــو
فيس بوك
تويتر
انستقرام
يوتيوب
بنتيريست