Quote: تم عقد قران قريبي العزيز وعضو البورد النذير حجازي
علمت بالخبر السعيد منه قبل أقل من ساعه
ألف ألف مبروك يا النذير
نهولة الصغنونة والحليونه، الله يبارك فيك ياقريبتي، ولك ملء الأرضين شُكراً لإحتفائك بي هنا، وبعدين إيش معني تطلعي عروسي حسناء وأنا تطلعيني بي قد القُفه ساي والحالة لي يومين قبل العقد شغال بتقيف وكان على الأقل كان تديني أجر المحاولة ، وعقبالك إنتِ برضو كمان يا أحلى وأروع من وطأ الثرى.
06-18-2007, 04:25 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
ألف ألف مبروك يا اخي والله يتمم لك على خير وبركة ونحنا جاهزين لك بالحفلة يا حبيب. الاخ النذير تربطني به علاقة وطيدة جدا. ولقد أختبرت علاقتنا عدة مواقف صعبة ولقد كان ومازال النذير أخو أخوان وهو دائما الصديق الذي أعتمد عليه عند الحوجة أكيد العروسة محظوظة جدا بأن تقترن بأخي النذير. ألف الف مبروك يا حبيب.
________________ بس أعمل حسابك حسع يجيك كوستاوي ولا العريس نازر الخليفة ينزلوا لك أغنية من الاغاني العجيبة ديك.
دينق.
06-18-2007, 06:19 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
ألف ألف مبروك يا اخي والله يتمم لك على خير وبركة ونحنا جاهزين لك بالحفلة يا حبيب. الاخ النذير تربطني به علاقة وطيدة جدا. ولقد أختبرت علاقتنا عدة مواقف صعبة ولقد كان ومازال النذير أخو أخوان وهو دائما الصديق الذي أعتمد عليه عند الحوجة أكيد العروسة محظوظة جدا بأن تقترن بأخي النذير. ألف الف مبروك يا حبيب.
________________ بس أعمل حسابك حسع يجيك كوستاوي ولا العريس نازر الخليفة ينزلوا لك أغنية من الاغاني العجيبة ديك.
دينق.
الشقيق العزيز والصديق الصدوق دينق، كيفك يارجُل ومشتاقييييييييييين وإفتقدتك فى العقد الله يبارك فيك يا سيد الناس، ولك كل شكري وإمتناني على الكلام الطيب فى حقي (دا كنتا مجهزو ليوم عرسي وللا شنو يا دينق ) و دقة الصدر للتبرع بالحفلة، والله عارفك ما بتقصر يا أروع من عرفت، الحفلة ما عايزها بس ناوي أعمل شهر العسل فى ميامي جمبكم، وأهو فرصة ح أشد منك عربيتك الشديدة اللي كاسرة فيني ضلعة من زماااان وعليك الله يادينق الكرمبا دا ما بااااااااااالغ؟! هو ياريتو لو نزل لي أغاني عجيبة، ياخي دا يوم فرحي عمل زوغبير وحركات عجيبة والله إلا أكلم ليهو كوستاوية تشدها ليهو وتخلي ريحتو طير طير، وإلا الليلة يمشي ينوم مع الجيران
06-16-2007, 09:56 PM
Ahmed Abdallah Ahmed Abdallah
تاريخ التسجيل: 08-12-2005
مجموع المشاركات: 5193
Quote: شكرا نهال كرار علي الخبر المفرح جدا.. ويا صديقي العزيز بيت مال وعيال..مع أمنياتي لك بالتوفيق دائما..
الشقيق والصديق الصدوق أبو الخُلد، كيفك يا رجُل ومشتاقين، والله يبارك فيك، وإنتا إن شاء الله يا يابا لا تفوت لا تموت ويوم شكرك مايجيء، ولك زائد شكري وفائق إمتناني على الورود الزاهية والأغنية العذبة الجميلة التى أضفت على البوست رونق البهجة والفرح، وإزدان البوست بك أيها الصديق الجميل.
06-18-2007, 07:03 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
الشقيق العزيز وقدوتي فى النضال أبو العز، شوقنا بحور، والله يبارك فيك يا ملك، وعقبالك وعقبال دينق برضو نسيت أعقبل ليهو والله إنتو الإتنين بعد العمر دا إلا ترجوا الحور العين
06-18-2007, 06:49 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
الف مبروك يا النزير وبيت مال و وعيال امانه العروس ما لقت راجل...جدع واخو اخوان. ان شاء الله تغلبها بالمال وتغلبك بالعيال. معقول يا النزير حجازي نسمع زي الغرباء؟؟؟
Quote: الف مبروك يا النزير وبيت مال و وعيال امانه العروس ما لقت راجل...جدع واخو اخوان. ان شاء الله تغلبها بالمال وتغلبك بالعيال. معقول يا النزير حجازي نسمع زي الغرباء؟؟؟ وعقبال نفرح بيك يا نهال .
شقيقتي الحبيبة والزعيمة تراجي، شالوووووووووم ياغالية وصباحاتك سُكر، وكيفيك يا أغلى زولة والشوق عصف، والله يبارك فيك وعقبال مصطفى وسند، والله ياتراجي العقد جاء فجاءة والله ما كنتا مخطط ليهو، بس زي مابقولوا، لكل أجل ٍ كتاب، ولا يستقدمون ساعة ولا يستأخرون، والله فى لحظة كتب الكتاب إفتقدت كل أحبابي المخلصين زيكم، والله لو باليد مُناي تكون حنتي فى بيتك، يا أحلى وأروع من عرفت، وتقبلي شالوم زياد والعروسة وكل أحبابك هنا، وشيلي لي بوسة من مصطفى وسند.
06-21-2007, 06:30 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
أوه أوه ناظر فلوريدا الشقيق د. عبد الماجد، كيفك ياراجل والله إفتقدتكم فى العقد، والله يبارك فيك، وعقبال مانفرح بي بتك الحليوونة. وعليك الله فى ذمتك يا د. عبد الماجد هسا عروسي الحلوة دي تشبها لي بالجدادة؟! والله كان ماكلمتها ليك وكلمت ليك فاطمة تشدها ليك زي شدة كوستاوية لكستاوي
والله أبداً يا دكتور مافاتح ليكم ولا حاجة - وأنا لاقيكم ويين؟ ووللا لاقي وطنيين زي أصألتكم ويين؟!- بس كل إسبوعين فى بلد، ولسا ما إستقر بي الحال، وتحياتي للأولاد ولدكتور راشد وعساه طيب.
06-21-2007, 06:39 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
الله يبارك فيك يادكتورة، وكيف صحتك إن شاء الله تكون عال العال؟ وحمد لله على سلامة خروجك من المستشفى، وعقبال مانفرح بأولادك وأولاد أولادك ولك العمر المديد، وأشكرك على التهنئة والزيارة رغم البين
06-21-2007, 07:12 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
الجميل أحمد العربي، الله يبارك فيك يا ملك، وعقبال مانبارك ليك كل شيء سمح إن شاء الله، وأشكرك على الدعاء الجميل، والتهنئة وزيارتك التى أثلجت صدري، ولك من ودي ألطفه
اللهم أجعلها زيجة مباركة... مبروك عليك وعلى زوجتك...
أخوك أسامه خلف
السوداني القديم أسامة خلف الله، اللهم آمين، والله يبارك فيك يا أسامة وعقبال نبارك ليك إنسلاخك من الكيزان وإيمانك بالسودان الجديد ، وبرضو حقو تبارك لينا- نحن المناصير- لمبايعتنا بأكملنا للحركة الشعبية، وعند زيارتي الآخيرة للسودان وأرض المناصير قد سرني الإستماع لأدباء وشعراء ومغنيي قبيلة المناصير لتمجيدالحركة الشعبية بالطنمبور، والذي سأفرد له بوستاً لاحقاً بإذن الله، والله الشهيد دكتور جون قرنق ماشرب القهوة بس فى المتمة دا فاتها بي هناك وفات أبوحمد وقرب لحلفا والمجد والخلود للشهيد الخالد د. جون قرنق و للسودان الجديد. وأشكرك على الدعاء والتهنئة والتكرم بالزيارة - رغم وعورة الدرب ورغم البين.
06-17-2007, 08:52 AM
Ashraf el-Halabi Ashraf el-Halabi
تاريخ التسجيل: 10-08-2006
مجموع المشاركات: 5508
Quote: أجمل التهاني للنذير وعروسه قران سعيد بإذن الله
أوه أوه أبو الشوش الحلبي فردة الود عطية ، كيفك يامان، والله يبارك فيك، وعقبال مانبارك ليك كل شيء سمح، وأشكرك على التهنئة والزيارة، وسعدتُ بمعرفة نضالاتك ضد النظام الفاسد (والله يا أبو الشوش كنتا مصنفك زول بتاع قعدات وونسات ساي لكنك طلعت رجل والرجال قليل)، ولك كل ودي وزائد إعزازي.
06-21-2007, 04:47 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
الف الف مبروووووووووووووك للصديق الجميل النذير حجازى (سيد) والله خبر سعيد وبالرفاء والبنين هذا الخبر سيسعد كثير من الاصدقاء الذين خبروا صداقة العريس الحقة واكيد الحفلة بى(سيزو) مش كده ياسوميتا
06-17-2007, 11:28 AM
Mustafa Mahmoud Mustafa Mahmoud
تاريخ التسجيل: 05-16-2006
مجموع المشاركات: 38072
10000000000000000000000000000 مبروك و بيت مال و عيال و ربنا يجعله عامر.
ايمن
العزيز أيموني ولدنا وود الخرطوم القديمة، الله يبارك فيك يا ملك وعقبال مانبارك ليك كل شيء سمح، وقد سرتني زيارتك وتهنئتك ودعائك الجميل، ولك من ودي أنبله.
06-21-2007, 05:38 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
Quote: الف الف مبروووووووووووووك للصديق الجميل النذير حجازى (سيد) والله خبر سعيد وبالرفاء والبنين هذا الخبر سيسعد كثير من الاصدقاء الذين خبروا صداقة العريس الحقة واكيد الحفلة بى(سيزو) مش كده ياسوميتا
أوه أوه سيد الناس وشاعرنا منعم (منعم فوور)، كيفك يارجُل، ووين أراضيك؟! والله يبارك فيك يامنعم وعقبال مانفرح بحمودي ولدك، وأشكرك على الدعاء والتهنئة والكلام الجميل فى حقي، والله دا من ذوقك يا أصيل، وإن شاء الله أكون عند حُسن ظنك بي، وربنا يديم أواصر المحبة والأخاء، ولك كل حبي وفائق تقديري أيها الأصيل.
وبعدين يا منعم سيزو دي بتنا وبت حلتنا، ولو ما غنت لي ح تغني لي منو؟ وللا ماكدا يا عزورة؟! نسيتي حلاوة حربة والدردومة؟ اللي كنتا بشتريهم ليك كل ما أجيء راجع من المدرسة يا عزوزة؟! أها دينق دقا صدرو وقال ح يتكفل بالإقامة والعربية وتكاليف شهر العسل، أها إنتي الحفلة عليك، وللا رجعي لي حلاواتي وآيسكريماتي الزماااااااااان .
06-21-2007, 06:00 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
Quote: النذير الف التهاني والتبريكات ده خبر بمليون فرحه ____ شكراً نهال
dr mustafa
الشقيق والمناضل الفاضل وقريبي الرباطابي د. مصطفى، الله يبارك فيك يا ملك، وقد سرتني زيارتك وتهنئتك (والله كنتا قايلك مُكجني ، بعدما قلبت ظهر المجن لناس السودان الجديد ) وعقبال مانبارك ليك كل شيء سمح، ولك من حبي أخلصه.
06-21-2007, 06:06 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
الحلوين دوماً تراجي وأبو الخلد، والله إنتو إن شاء الله لا تفوتوا لا تموتوا ويوم شكركم مايجيء، ولكما شكري الكثيف على هذه الحفلة الإسفيرية وماقصرتوا معاي تب.
06-17-2007, 06:31 PM
kamalabas kamalabas
تاريخ التسجيل: 02-07-2003
مجموع المشاركات: 10673
Quote: Quote: الف مبروك للاخ الفاضل النذير حجازي اتمني لك حياة زوجية سعيدة
العزيز والمناضل الفاضل كمال عباس (صحافة)، الله يبارك فيك يا ملك الملوك، وعقبال مانبارك ليك كل شيء سمح، ولك من حُبي زائده، وقد أسعدتني تهنئتك وطلتك البهية.
06-17-2007, 06:33 PM
Elmoiz Abunura Elmoiz Abunura
تاريخ التسجيل: 04-30-2005
مجموع المشاركات: 6008
صديق الطفولة والرجل المهذب دوماً والشقيق العزيز أحمد الشريف، والله إفتقدت فى العقد، والله يبارك فيك يا بوحميد، وعقبال مانفرح بيك إنت برضو كمان، أها ياأحمد فضلتو من الدفعة إنت وخالد جبر الله و محمد شلال بس العزابة وشوف بت أباذر اللي تحت دي قربت تبقى عروسة وإنت لسا مادقيت صدرك للعرس أها ناوي تعرس متين؟ وليك علي التبرع بحفلتك بس إنت أشر وقول لينا لقيت العروسة المناسبة ونحنا علينا بالباقي يا أعز عزيز
06-22-2007, 04:13 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
أوه أوه أبو الفن والفنان الثائر نادر السوداني، الله يبارك فيك ياملك، وعقبال مانبارك ليك كل شيء سمح، وياما أنت كريم يارب كدا بقوا فنانين ملح وخليك قريب ياندوورة وحفلتي بيك مُحمداك مُحمداك، وليك علي توفير العبار والمزه والذي منه بس حاسب الكُرمبا مايعمل ليك ضيق فى الإبريق ويشرب منك العبار كلو وبعد ماينتهي يقول ياجماعة أنا حجيت
06-22-2007, 04:50 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
ست الحلوين الدكتورة النبيلة والإنسانة الملاك رشا سالم ، الله يبارك فيك ياملكة، وعقبال مانبارك ليك كل شيء سمح، وأشكرك على التهنئة والدعاء الجميل. والله يادكتورة ماظنيت إنو معتز ح يربيهم لي، الزول دا تاني زعل مني، والله ولدنا عزو دا أديناهو ليكم كويس، وإنتو علمتوه اللوم والله بقى لوام جنس لوم، وناوي أدخلك واسطة، وهسا بالعقد الفجأة دا والله واطاتي أصبحت معاهو، عليك الله خليك قريبة وحليني من المشكلة دي، وبعدها أوعدك إني سأعمل صالحاً وأصدق وأكون من الصالحين
06-22-2007, 05:10 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
العزيز الباشمهندس خالد محمود ولدنا وود الخرطوم القديمة، الله يبارك فيك يا ملك، وعقبال نبارك ليك إنت برضو كمان، وأشكرك على التهنئة والدعاء والطلة البهية، ولك من ودي أحلاه.
06-18-2007, 04:25 PM
معتصم دفع الله معتصم دفع الله
تاريخ التسجيل: 12-18-2003
مجموع المشاركات: 12684
يا حلوين عن إذنكم، خلوني أرد على القشة أم روح دا، والله فقع مرارتي
Quote: بالله شوفوا الزول ده?
يا زول أنت جنيت?
أولا مبروك جدا
ثانيا زعلان جدا....لأنو الخبر جانا عن طريق ناس اللواري.
و مبروك للعروس الحسناء جدا
أولاً الله يبارك فيك علشان ما أنسى وتانياً كلامك الكتير دا والصورة الرشوة اللي تحت دي برضو ما بتحلك ياخي أنا خاتيك وزيري وكنتا معتمد عليك؟! تجيء تشر ضيوفي كدا؟ والله عايز منك إعتذارات تقليه، وأغاني وكروت كمان (بس عليك الله أبعدني من من الفانين القُدام ناس الكرمبا "آآي شحاد وبعزل كمان " ) يلا أرقد عافية والبركة فى الجية والشوفه وإن شاء الله يكون المانع خير.
06-18-2007, 05:37 PM
Mohamed Suleiman Mohamed Suleiman
تاريخ التسجيل: 11-28-2004
مجموع المشاركات: 20453
Quote: ألف مبروك يا النذير .. بيت مال وعيال إن شاء الله ..
الزول السمح والإنسان النبيل معتصم دفع الله، الله يبارك فيك ياملك، وعقبال مانفرح بيك إنت برضو كمان، ومتابع مداخلاتك الإنسانية والقيمة النبيلة، ولو كنتُ أملك سلطة لوضعتُ تاج النُبل على رأسك وأنت تقيم بأرض يسود بها الهرج والمرج وترى الناس فيها سكارى وماهم بسكارى ولكن الغوغائية فيهم مستشرية شديد، وآخر دعواي تحيتي لقلمك النبيل، ولك من ودي أعذبه.
06-22-2007, 05:44 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
Quote: mabroooooooool ya lanazeer w 3gbal leeki ya nihal al3roos min ween ya alnazeer???
قريبي العزيز وصديق الطفولة أباذر على خليفة، كيفك يامان، وعقبال مانبارك لعثمان وحلو وبتك الحيلوونة، والله إفتقدتك وإفتقدت شُلة الجامعة أيام العقد، وإفتقدتك فى السودان (وبالمناسبة بارك لأخوك القرين كارت السوداني وتاني كل مرة ح أمشي السودان، والكيزان بعد إدخال آخر قانون لهم قبل هجرتي إسمو "تسكُع وتلكُع وهسا عملوا لينا قانون القرين كارت والإقامة، وبرضو جابوا كمية من البنغالة، والله أنا خائف أرجع تاني السودان ألقاهم لبسوا الناس العُقالات مع كل هذا الكم من القرف السودان كان جميل بي ناسو وإفتقدتك جداً وإفتقدت نوادرك الساخرة)، وشمار عروسي دا مابنفع هنا وح أفتو معاك بالتلفون إن شاء الله وتحياتي للمدام وكل الحلوين بكندا.
06-22-2007, 06:35 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
Quote: يا النذير صورتك دي قديمة...نزل لينا واحدة جديدة....
قديمة علشان أبيض بي أسود؟! هسا عليك الله فرقك شنو بقى من ناس اللواري وما تخلينا ندق الصفائح ونطلع الفضائح ياكوستاوي، وتلفون صغير ل"مايك" وأقول ليهو أعمل إسكانينق لصورة زواج كوستاوي اللي فى مكتبو، ونشوف الأبيض بأسود على حق وحقيقة، أيام قبل أن يكتشف الإنسان للتصوير الملون عام 1902 وقبل دخول الكهرباء للسودان
Quote: بالمناسبة الصورة وريناها لناس المكتب وبقولوا ليك مبروك, خاصة Mike Clinton Julie Patel LaQuatia Noelle
الشقيق العزيز الباشمهندس هجام، واللهِ الله مرققك، ودي دقت فى العراضة والمرة الجايه ح تجيء قوون ، والله يبارك فيك وعقبال معز وسارية، وعقبال مانبارك ليك كل شيء سمح. وعليك الله شيل من نس المكتب كلهم بوسة، وبلغهم أحر تحياتي وزائد أشواقي، وتحياتي لنايلة والأولاد.
06-18-2007, 05:44 PM
Mannan Mannan
تاريخ التسجيل: 05-29-2002
مجموع المشاركات: 6702
العريس الجميل النذير حجازى ما عاوزين نقول ليكم نحن زعلانين منكم فالفرحة اكبر من الزعل ولكن حزننا الآن على شباب النوبة اكبر ومن وسط احزاننا الكبيرة تطل علينا بخبر سمح يمسح الحزن.. نحتاج الى بعض الفرح للصمود.. لك كل الحب والتهنئة ولعروستك الحلوة نهال السعادة والنجاح فى درب الحياة.. فرحنا ليكم كتير ونرجو ان نحتفل بكما..
نورالدين منان واسماء
06-18-2007, 07:00 PM
نادر السوداني نادر السوداني
تاريخ التسجيل: 08-21-2006
مجموع المشاركات: 1374
Quote: العريس الجميل النذير حجازى ما عاوزين نقول ليكم نحن زعلانين منكم فالفرحة اكبر من الزعل ولكن حزننا الآن على شباب النوبة اكبر ومن وسط احزاننا الكبيرة تطل علينا بخبر سمح يمسح الحزن.. نحتاج الى بعض الفرح للصمود.. لك كل الحب والتهنئة ولعروستك الحلوة نهال السعادة والنجاح فى درب الحياة.. فرحنا ليكم كتير ونرجو ان نحتفل بكما..
نورالدين منان واسماء
ريسنا والشقيق والمناضل الفاضل منان، شوقنا عصف، وإفتقدتك يوم العقد، والله يبارك فيك ياملك، وعقبال مانفرح بميادة بتك، ونفرح بالقصاص من القتلة السفلة، الذين عاثوا فى البلاد وأكثروا فيها الفساد، والقصاص منهم لامحالة آت، والمجد والخلود لشهداء النوبة. وأشكرك على الدعاء والتهنئة رغم أحزانك بمجزرة كجبار والتى تبدو جليه فى خلطك بين العروسة ووزيرة العروسة، والحلوة نهال هى صاحبة البوست ووزيرة العروسة، وخجلتا البت ياأبو النور ، والبت تاني أبت تجيء راجعة للبوست بتاعها ولكن الدعاء صادف أهله، فالعزيزة نهولة على أبواب الإمتحانات ونتمنى لها النجاح والتوفيق والسداد، وتحياتي لأسماء والأولاد، ولك من حُبي أعمقه أيها الجميل.
06-22-2007, 10:47 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
Quote: النزير العريس النفض الكيس الربة حقتنة البي هنة بتين ولا ما عايزنة نهجج بهذة المناسبة الرابة
الشقيق الحبيب أبو نادر، خليك قريب وجاهز، وشد أوتار المُغني، وإن شاء الله فى محاولة أعملها جمبكم، ولك كل شكري وفائق إمتناني على إستعدادك التام يا أروع من عرفت.
Quote: ألف مبروك يا النذير .. بيت مال وعيال إن شاء الله
الشقيقة الحبيبة دكتورة سارة حمزة، كيفك يا ملكة وشوقنا بحور، والله يبارك فيك ياسروية وعقبالك إنت برضو كمان، وعقبال مانبارك ليك كل شيء سمح يا زينة البنوت وأحلى وألطف وأرق من عرفت أيتها الملاك الجميل.
06-19-2007, 00:59 AM
Deng Deng
تاريخ التسجيل: 11-28-2002
مجموع المشاركات: 52687
Quote: الشقيق العزيز والصديق الصدوق دينق، كيفك يارجُل ومشتاقييييييييييين وإفتقدتك فى العقد الله يبارك فيك يا سيد الناس، ولك كل شكري وإمتناني على الكلام الطيب فى حقي (دا كنتا مجهزو ليوم عرسي وللا شنو يا دينق ) و دقة الصدر للتبرع بالحفلة، والله عارفك ما بتقصر يا أروع من عرفت، الحفلة ما عايزها بس ناوي أعمل شهر العسل فى ميامي جمبكم، وأهو فرصة ح أشد منك عربيتك الشديدة اللي كاسرة فيني ضلعة من زماااان وعليك الله يادينق الكرمبا دا ما بااااااااااالغ؟! هو ياريتو لو نزل لي أغاني عجيبة، ياخي دا يوم فرحي عمل زوغبير وحركات عجيبة والله إلا أكلم ليهو كوستاوية تشدها ليهو وتخلي ريحتو طير طير، وإلا الليلة يمشي ينوم مع الجيران
الغالي النذير العريس.
مرحب بيك في أي وقت. نحن تحت الخدمة يا عزيزي. وميامي ترحب بك في أي لحظة. العربية موجودة يا سيدي وأي وقت أنت جاي بلغني فقط لأستقبالكم. تحياتي للعروس الجميلة.
بعدين صحبك كوستاوي فرج المكتب كلو على صورتك دي. وأكيد يكون خلق للامريكان ديل قصص خيالية من راسوا. ألحق وأتصل بناس المكتب القديم ديل وشوف صحبك كوستاوي قال ليهم شنوا.
دينق.
06-19-2007, 01:30 AM
محسن خالد محسن خالد
تاريخ التسجيل: 01-06-2005
مجموع المشاركات: 4961
مرحب بيك في أي وقت. نحن تحت الخدمة يا عزيزي. وميامي ترحب بك في أي لحظة. العربية موجودة يا سيدي وأي وقت أنت جاي بلغني فقط لأستقبالكم. تحياتي للعروس الجميلة.
بعدين صحبك كوستاوي فرج المكتب كلو على صورتك دي. وأكيد يكون خلق للامريكان ديل قصص خيالية من راسوا. ألحق وأتصل بناس المكتب القديم ديل وشوف صحبك كوستاوي قال ليهم شنوا.
دينق.
الحبيب الغالي دينق، والله إنت اللي فيهم والله، والله لو كنتا عارف إنك كاتم لي كل هذا الكرم ليوم عرسي كنتا عرستا من زمان، ولك من حُبي أنقاه أيها الصديق النقي.
وبعدين يادينق الكرمبا دا أكتر سوداني لامي صور، وجهازو فى الشغل كلو صور وأي صورة بتاعت سوداني نزلت فى النت لازم يحفظها فى جهازو من زمن سودان نت، ياخي دا لمن تدخل عليهو المكتب بقول ليك تشرب بارد وللا تتفرج فى الصور؟! وأكيد لازم إتصل بناس المكتب وأشوفو قال ليهم شنو؟
06-22-2007, 11:51 AM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
الحبيب والشقيق الغالي والسوداني الأصيل الأديب محسن خالد، الله يبارك فيك يا أعز عزيز، وعقبالك إنت برضو كمان، وعقبال مانبارك ليك كل شيء سمح، ونبارك ليك كل نجاحاتك الأدبية الباهرة، وربنا يعليك فوق المابيك، ولك الشُكر الكثيف على الدعاء والتهنئة رغم زعلك مني ، ولك من حُبي أصدقه أيها السوداني وود البلد الأصيل
06-19-2007, 02:10 AM
AMNA MUKHTAR AMNA MUKHTAR
تاريخ التسجيل: 07-31-2005
مجموع المشاركات: 13702
Quote: ألف مبروك للإبن النذير حجازي ، مع أعذب الأمنيات للعروسين بحياة سعيدة هانئة .
عبد المنعم خليفة
عمنا وأستاذنا الجليل، الأديب عبد المنعم خليفة، الله يبارك فيك يارمز العلم والأدب، وعقبال مانفرح بجميع أولادك وأولاد أولادك ولك العمر المديد، وعقبال مانفرح بنجاحات وإنجازات إبنك العلامة الأديب عمار خليفة، وقد سرتني أيما سرور زيارتك الغير متوقعة بعد طول غيابك عن المنتدى، وأبقى معنا، وتحياتي لعمار ولجميع آل بيتك النوابغ، ولك من ودي أطيبه أيها الأصيل.
06-22-2007, 01:03 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
Quote: الف مبروووك يا النذير .. ليك وللعروسة .. بيت مال وعيــال .. ربنا يسعدكم مع بعض ..
أوه أوه علاء الدين تمبس، الله يبارك فيك ياملك، وعقبالك إنت برضو كمان، والله أسعدتني زيارتك وتهنئتك الغير متوقعة، بعدما بلغني أنك "مُكجن بورداب أمريكا أو زي ما بتسميهم السودانيين المُتأمركين" وكويس إنك طلعتني من القائمة، على الرغم من أن كلنا أفكارنا واحدة بس الطريقة بتختلف، وبعدين بيني وبينك أنا مُلاوز أخش معاك فى مداخلة لأنو أهلنا زمان كانوا بخوفونا من حاجتين فى الدنيا دي وكانوا بقولوا لينا:"أوع تمشوا البحر وأوع تلعبوا مع أولاد الموردة " وإنت فى الإتجاه الصحيح وعرفت نصف الإجابة بأسباب المشاكل فى هذا المنتدى وهو صراع حضارات والناس على الرغم من حبها لبعض صعب إنها تتفاهم. وأشكرك مرة أخرى على التهنئة والمرور والروح الرياضية العالية، ولك من الود أصفاه.
Quote: ألف مبروك يا ود يا مراميرو...عروستك ماشاء الله...بيت مال وعيال ان شاء الله
الله يبارك فيك يا بت يا نساسيمو وعقبال مانفرح بيك إنت برضو كمان، وعقبال وليد ووفوية، وعليك الله عروسي ما خترية؟! أولم تسمعي بقول القائل:" إذا كان حب الجمال جريمةً --- فلا تظنن أن الليث يبتسمُ " وبلغي أحر تحياتي لوالدتك العزيزة، وجميع ناس بيتكم الأفاضل.
06-21-2007, 02:37 AM
Deng Deng
تاريخ التسجيل: 11-28-2002
مجموع المشاركات: 52687
الف مبروك النذير حجازى تهانينا الحارة بلا حدود بيت مال وعيال وحاجات تانية ذى ما داير انت والعروسة كمان. والله فرحنا ليك من جوة القلب والشرايين والاوردة. انشاء الله نفرح بيك فى زمن كلو ديمقراطية ونساهر للصباح لا نظام عام ولا تصديق ولا يحزنون.
عبدالواحد ابراهيم
06-21-2007, 03:38 PM
Kostawi Kostawi
تاريخ التسجيل: 02-04-2002
مجموع المشاركات: 39980
Quote: النذير العريس اخو انتصار حجازى صاحبتى الف مبروك و ان شاء الله بالسعادة و راحة البال
بالله كيف انتصار الحبيبة و ناس البيت ؟ تحياتى و اشواقى ماليها حد ليها و لاسرتها هنا و هناك !
الغالية والإنسانة النبيلة ندوية، الله يبارك فيك ياست الحلوين، وعقبال مانفرح بيك إنت برضو كمان، وقد سرتني معرفة صداقتك الوطيدة بشقيقتي إنتصار، وإزداد إفتخاري بأختي بصداقتها بإنسانة وطنية ونبيلة بقامتك، ومتابع تقريباً كل مشاركاتك الوطنية والإنسانية فى هذا البورد، وإن شاء الله سنتصل بك سوياً - أنا وإنتصار - فى القريب العاجل، وبلغي أحر تحاياي لأهل بيتكم الغُر الأماجد، وللعزيزة غادة نوري، ولكِ من الود أعذبه.
06-22-2007, 01:58 PM
النذير حجازي النذير حجازي
تاريخ التسجيل: 05-10-2006
مجموع المشاركات: 7172
العزيز وسيد حوشنا العامر بكري أبوبكر، الله يبارك فيك يا ملك، وعقبال مانبارك ونفرح ببيان ومنار، ونبارك ليكم كل شيء سمح، وقد سرتني وأثلجت صدري طلتك البهية وأشكرك على التهنئتك والكارد الجميل، كما سعدتُ أيضاً بلقائك بواشنطن برفقة جورج ومحمد محمود، وتحياتي للجالية السودانية بأرزونا، ولك من ودي أنبله أيها النبيل.
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
smart_ana2001
هشام هباني
النذير حجازي
Deng
Ahmed Abdallah
wesamm
Soumeta
Muna Khugali
Tragie Mustafa
bayan
احمد العربي
أسامة خلف الله مصطفى
Ashraf el-Halabi
Imad Khalifa
أيمن الطيب
عبد المنعم سيد احمد
Mustafa Mahmoud
kamalabas
Elmoiz Abunura
نهال الطيب
Ahmed Elsharif
نادر السوداني
رشا سالم
خالد عبد الله محمود
معتصم دفع الله
abazar ali khalifa
Kostawi
Mohamed Suleiman
Mannan
محسن خالد
AMNA MUKHTAR
Abdul Monim Khaleefa
tmbis
بكرى ابوبكر
عبد الواحد أبراهيم
فيس بوك
تويتر
انستقرام
يوتيوب
بنتيريست