جالية تورنتو ... تحي ذكرى الراحل خليل إسماعيل ... بمشاعر باذخة

(عدل بواسطة HAYDER GASIM on 10-05-2008, 04:30 AM)

Quote: حيدر عيدك مبارك كل سنة وانتوا في الفرحة عمل مجيد وتكريم يليق بفنان اسطورة وانسان شامخ وشفيف ومطرب له الحان واغاني خالدة ابد الطرب اسمح لي ان انزل مقالة كتبتها عن الراحل المقيم خليل اسماعيل وكان المنى ان ان اضمنها بوست الاخ حمد لكن اه من الارشغة ولكن ببوستك التوثيقي لحفلكم البديع اتمنى مشاركتكم ـــــــــ الناقد بدرالدين حسن علي المسرحي الكبير معاكم له تحياتي ابومهيرة ولك امنياتي ومحبتي

Quote: الزعيم حيدر قاسم كل عام وانت بألف خير والعيد عليكم وعلينا يتبارك إنشاء الله الفنان خليل إسماعيل ( يرحمه الله ) من الفنانين الجميلين وقد أثرى الساحة الفنية بكم هائل من الأغاني الباقية في وجدان الشعب السوداني حتى تاريخ اليوم . ما أجملكم وانتم تحيون ذكرى رحليه عن دنيانا هكذا تكون المحبه وهكذا يكون الوفاء . له الرحمة والمغفرة بإذن الله .

Quote: حيدرنا.. كانت ليلة من أجمل ليالي تورونتو.. شكراً لذاك الحضور الأنيق.. كان خليل حاضراً بصوره الزاهية التى جملّت حيطان الدار.. وكان خليل حاضراً فينا نغماً ولحنا وكلمات.. طربنا ورقصنا وإلتقينا بالجمال وبالصحاب.. شكراً لكلٍ من جعل هذا ممكناً.. ___ نم هانئاً أيها العملاق، فلقد تركت لنا ما يكفي من جمال يلهب القلب ويستدعي الحبيبة..

Quote: وفنانة أفريقية شاركت فى الغناء لخليل إسماعيل ...

(عدل بواسطة حمد اسماعيل on 10-05-2008, 07:56 PM)

Quote: الا الزوله ديك سودانيه يا حيدر في الاول ... الصفه الثانيه برضو كلنا نشترك فيها...

Quote: لكم التحية وانتم تكرمون فنانا عاش عملاقا حتى مماته ، وكم أتأسف اننى لم اكن معكم فأخي خليل صديق افتقدته كثيرا ، كم كنت اسعد بالحديث معه وكم كنت افتقده إن لم اجده فى نادى الفنانين كانت هنالك مناسبة زواج فى (برى المحس ) لصديق عزيز وعملت دعوة للاخوة فى النادى ، الفقيد جا النادى وقرا الدعوة فى النادى ، المهم هو وعركى حبكوا ليهم مقلب قالوا إلا احمد ده نجوطه جوطة نخليهو يتلفت براهو جانى الاخ عركى قال لى والله خليل زعلان جدا وشكله كده ما جاييك ، ياخى إنت كيف ما تكلمه ؟ حقيقة المسألة ربكتنى شديد ، قلت لى عركى ياخى خليل ده مفروض يدعو معاى الناس إنت تجى تقول لى خليل زعلان وجن جنونى يا جماعة الحاصل ده شنو ؟ بس فى النهاية اكتشفت إنو كان مقلب مظبوط ، وجاء خليل فى الحفلة ورفع راسى وغنى كما لم يغنى من قبل ، رحمك الله يا صديقى ، واسكنك مع الصديقين والشهداء ، وإن فقدك لعظيم عظيم ،

Quote: طبعا لابد لي و ان اكمل تحويل التسجيل و ايصاله هنا حتي تكتمل الصورة و الصوت...

Quote:

Quote: كانت أمسية مضمخة بعبير خليل, حيث تكاثرت الشجون بغزارة في ليلة الوفاء , وإسطفت شعاب الذكرى وتناسلت الأحاديث والأغاني ... فكان مهرجانا صاخب التنادي وكانت تراتيلا مجيدة لبعث ذكرى عظيمة. فأيقنا بأننا فقدنا عزيزا يؤتجر وكريما يستفضل , ومبدعا لا يعوض.

Quote: أخي محجوب عبدالله ... تسلم بالله عجل بالتحويل والتوصيل. إذ نتحرى منك إضافة نوعية, تساعد وعلي نحو أفضل, فى عكس مجرى تلك الأمسية ... ما أمكن.

Quote: الف وردة لروح الراحل الاستاذ..خليل اسماعيل مجمل وجداننا بجميل الغناء

Quote: التحية لكل من شارك فى هذه الليلة ناس تورونتو و المدن المجاورة ادارة الجالية والمكتب الثقافى بالجالية الاخوة الذين شاركو بالغناء أولا الاخت Ruth Mathiang وهى مغنيه معروفة ولها أكثر من البوم وهى من جنوب السودان وشاركت بأغنيه الكمبة وقد ابدعت . عبد الله عثمان هيبه السمرى زهير عيد والاخت رقيه وراق والتى اتت من سانتكاثرن وشاركت بوجودها و بالغناء ايضا لها الشكر وليد عبد الحميد وله جزيل الشكر لما قام به من مجهود عظيم لاخراج هذه الليله باتصاله بكل المشاركين وبمشاركته بالغناء و العزف على الجيتار عمر منصور على الكمان الكهربائى بكرى عبد الله على الاوكورديون ياسر أورغ ميسره أورغ وطبعا أنا عزفته وغنيت كمان التحية لك اخى حيدر لما تقوم به وبارك الله فيك وربنا يدوم الافراح .. يا محجوب منتظرين الفيديو ....

Quote: مشاركة من سمية حسن بإسمي

Quote: يا جماعه... ده كلام ده... اتعب يومين في تحويل الاغاني ... تنزيلها ... و اجي القي البوست مشي الصفحه الثالثه... عيب....

Quote: مشكور يا محجوب وان شاء الله تصور حفلة عرسى( قول ان شاء الله )

Quote: يلا جيب باقى الفيديو .عارفه شغلانه طويله .

Quote: بس ده كلو من حمد إسماعيل وياسر طيفور وميسرة غاندي

Quote: ما قلتو لي الquality ده مقبول و لا ازيدو شويه..

المرة الجاية يا محجوب خليك حريص انو الاضاءة بتاعت الكشاف يكون لونـه العادي دا زي لمبات السودان الزمان ديك لانها دي بتديك تباين كويس مع العدسة لانو كل الشغل الواضح هنا كأنو ضل ..
معليش للفلسفة دي لكن دي حاجات كانت بتحصل علي طوالي وأنا بصور .. قلنا ننقل ليك فكرة الخبراء الاجانب ..
تشكر يا حيدر قاسم اديتنا مساحة نتشارك معاكم .. في العمل الجميل دا وربنا يرحم الاستاذ ويغفر ليهو ..
يا حمد والله طلعت خطير لكن .. وصاحبك دا لحدي الآن ما خلى حركتو البايخه دي بتاعت يتلبد من الكاميرا
تحياتي لوليد وكل الناس المعاكم .. ومنتظرين الصور يا شباب

Quote: يا اما اعتمدت على انوار الصالة البيضا

Quote: نعم اعتمدنا علي اضاءة الصاله و هي طبعا علي قدر الحال...او في حافة الهامش في بلد الجليد هذا... في امكانية للتحسين بأضافة ميغابايت.. لانوالتحويل كان علي 6 ميغا... للتنزيل في النت عملت 1 ميغا فقط...

(عدل بواسطة مكي ابراهيم مكي on 10-10-2008, 04:38 AM)

Quote: الأخ حيدر قاسم أعلاه لغة رفيعة, جادت بها قريحتك في ذكرى تكريم فنان رفيع و مطرب عظيم... أرجو صادقا أن تنقلوا لنا ما حدث صورة و صوت لو أمكن... و لك و لجميع من شاركوا جزيل الشكر و العرفان لهذا الوفاء النادر...