دعواتكم لزميلنا المفكر د.الباقر العفيف بالشفاء العاجل
|
|
 ماسنجر عاجل جدا لابراهيم كوجان
|
في أي حتة كنت في بقاع هذه الأرض,
أتصل على ... وتلفوني فى البروفايل.
أول حاجة ... لازم البوست ده إخش الصحفة
التانية وإتوغل فيها بأعظم ما يمكن,
ده كان ما قلبا للصفحة التالتة...
بالمأذونية الذكورية العليا.
على الأقل فشان أعرف الفرق بيني وبين
إشراقة مصطفى من ناحية... وبين ابراهيم كوجان
وغادة عبدالعزيز... من الأخرى.
|
|
 
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: على الأقل فشان أعرف الفرق بيني وبين
إشراقة مصطفى من ناحية... وبين ابراهيم كوجان
وغادة عبدالعزيز... من الأخرى. |
لكل فيكم نكهته التي تميزه عن الآخرين ..
فالمنقة غير الجوافة..
والأنناس غير التفاح ..
وعشان تزبط سلطة فواكه كاربة لازماك المنقة والموز والأنناس والتفاح في إناء واحد..
وهو عينه ما فعل بكري وجعلنا نحظى بذلك..
ما أظنك في حاجة إلى ترتيب القائمة (أ) مع ما يناسبها من القائمة (ب) لأنه ببساطة كل الإجابات صحيحة..
------
ليك على كل ما أجي خاشي المنبر بجي غاشيك..
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: محمد عبدالرحمن)
|
Quote: بين ابراهيم كوجان
وغادة عبدالعزيز... |
حيدر ياخ صاحب العقل يميز ..
شِن لمّ القمري مع السمبر ؟؟؟
.....
بعدين المعاتيه البهناك ديك بيمرقوا في الليل بس ..
نظام دفن الليل أب كُراعاً بره .
منتظرك يوم 16 .. و كوجان 18 ..
و يا خرطوم جاك بلا 
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: محمد نور أحمد)
|
Quote: لكل فيكم نكهته التي تميزه عن الآخرين ..
فالمنقة غير الجوافة..
والأنناس غير التفاح ..
وعشان تزبط سلطة فواكه كاربة لازماك المنقة والموز والأنناس والتفاح في إناء واحد..
وهو عينه ما فعل بكري وجعلنا نحظى بذلك..
ما أظنك في حاجة إلى ترتيب القائمة (أ) مع ما يناسبها من القائمة (ب) لأنه ببساطة كل الإجابات صحيحة..
|
يا أخوانا أسع الزول إرد كيف ...
أطلب متطوعا نزيها وبارعا للرد, فما
أحتقبته من شجون هنا للتريقة والتناكف.
شكرا ... يا ملك ... وأنت ترفد القائمتين {أ}
و{ب} بكل مستحقات الشموخ الذي تجلس عليه القرفصاء.
عاود ... والدار تسترحبك بكامل الإبتسام.
محمد نور أحمد ... تسلم
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: ياحيدر ..
ياخ طيب على الاقل كان تعنون البوست ماسنجر الى
طلال عفيفى او الفاتح وديدى (كدا يعنى ) ..لانو ابراهيم كوجان
دا اسمو (شكل شكل ) ماعارف ليه ... |
محمد عبدالرحمن ... ياخ ما تخوف الشفع ديل,
الراجل ده خال ... وأمير ... كبير ... ولمن
تجي للشكل ... حا نزلك أول زول.
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: لكل فيكم نكهته التي تميزه عن الآخرين ..
فالمنقة غير الجوافة..
والأنناس غير التفاح ..
وعشان تزبط سلطة فواكه كاربة لازماك المنقة والموز والأنناس والتفاح في إناء واحد..
وهو عينه ما فعل بكري وجعلنا نحظى بذلك..
ما أظنك في حاجة إلى ترتيب القائمة (أ) مع ما يناسبها من القائمة (ب) لأنه ببساطة كل الإجابات صحيحة.. |
لافحاه ساي
لكن قلت النزيد عدد المداخلات
لكن ما عندك راس خروف داير تسويه عشان نكتر الدخلات
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: Safia Mohamed)
|
Quote: وكذا الحال بينك وبين إشراقة
علي الأقل بالنسبة لي
أمابين كوجان وغادة
فما بينهما أتركه لحكمتك المهعودة |
خضر دا ماتاخد بكلامو شديد ياودقاسم....
لانو مرات مرات بكون شارب شاى فواكه...
جهز ليناشاى نكون ما سمعنابيهو قبل كدا وليك علينا نجيب
بنابرنا ونجى نحرس البوست...
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: Amira Elsheikh)
|
مدينه تتجوّل
في دواخلك
إمرأة من نارٍ وحنين
جلدها يتخلله الجليد وضوء الويسكي الخافت، ينبت العشب الأخضر علي أطراف شوارِعها المجدوله بطوب
البراكين. فيزرع في أحشائها رائحه أقرب للموت وأبعد ما تكون عن تلك الإبتسامه الّتي تخادع عينيك وأنت
تتلوّن بصباحها ذو الطّعم النّحاسي وإصفرار الحمي الّتي تزغرد في أوصالك مثل هسيس القوافل الرّاجعه لتوّها
من صحاري حْزنكَ المترامي الأطراف يباساً.
أحيائها الموزّعه بين هضاب بركانيه مثل ضجيج أيام الاّحاد منها. سُّكّانها معظمهم من طلاب العلم وينتمون إلي
سحنات العالم كله تتكاثر بين مفاصلها المهترئه قلاع ذات دهاليز مُظْلمه تسمع فيها أنين السبايا وبقايا الحروب
الضارمه نارها وقت ذاك, وأصوات الرّاكعين لجبروت مُلاكها, ولعنات الخدم والفئران الصامته وبقايا من حريق
و رائحة إحتكاك أحزمة العِفّه بأفخاذ زوجات الضباط الذين قد لا يأتوا من عواء الحرب ونشوة إحتكاك
سيوفهم المسلوله علي رِقاب الاّدميين من بني جِلدتهم, أو عندما يعودون يكونوا قد فقدوا الشهوة فيهنّ. فمنهم من
فقد أدواته التناسليه في ضوضاء الحرب. ومنهم من لم يستطيع كسر حزام العفه الذي وضعه بيديه, أو قد تراكمت
علي مزاليجه الصدأ, أو ماتت زوجته عِفّةً.
يشقٌّ هذه المدينه شارع واحد بطولها المتدد من أقصي جنوبها إلي أقاصي الشمال منها لينتهي بتمثال
اللورد والنقتون علي حصانه, شاخصاً سيفه المتوجه ناحية الشمس منتعلاً حذائه الجلدي المشهور بإسمه
كأنه يُعلن فتحه لصدرها بسيفه وأن نهر الدماء الذي يسيل بين نهديها كان من فعله. وهي تغضُّ
طرفها عنه بعين المتعه التي أفرغها فيها.! أمّا عينها الأخري كانت مفتوحه كتمام قرصِ القمر علي الشوارع
الخلفيه لسوقها المتمِّكنه في أوصاله الفوضي والضوضاء والّسُكر وإنبعاجات الجنس الذي وقتها كان يباع في
الشوارع مقابل الزهيد من المال أو زجاجة خمرٍ ضاربه في القِدم وفاقدةً للزعتِها. كان ذلك الحي يطلق عليه
مُتَنفّس المدينه, وأنّ النساء اللاتي يعملن فيه يُطلق عليهن إسم الموامس. (الاّن بائعات الهوي أو العاملات
في صناعةِ الجنس ). تلطّفاً من القوانين الجديده بهن وحق الإختيار للاّخر.!
تعرّفت في تجوالي بالجامعه علي (هيزل) وهي طالبة محاسبه نهاراً أمّا ليلاً فقد كانت تعمل في تلك المنطقه
الحمراء, وأنها تحمل بطاقة الكشف الّصحي الدوري للفحص ضد الأمراض الجنسيه. وأنها وصُويحِباتها
يشكّلن طابوراً كل ثلاث أشهر مستشفي المدينه للتأكد من سلامتهن وخلوهن من الأمراض!. رفعت حينها
كل حواجب دهشتي وألجمتني صراحتها ( الاّن لا أمتلك حاجباً للدهشه).
حيدر سلامات ياخ ..
اولا القطعه دي شرك لخضر حسن ومولانا ابو عبيده
وفي شرك لعماد عبدالله .. اصلو انا بعرف مويتو!!
وفي شرك اخر لكيكي اصلو بيحب الثعابين
ونواصل
بتصل بيك ياخ واعتبر الماسنجر بتاعك وصل..و( دا يمكن يكون الفرق بين السمر والقمري ) يا عماد !!عليك لعنات اشراقه وخضر الكوارع مجتمعه!!
كوجان
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: Amjed)
|
و الحق ما اقول
باني ارى في اخر الدرب جنازة
لكنها تسير على لحن عذب لموسيقى غناء يشدو من اجل
السلام الحرية و العدالة
في يومتصبح فيه منطقة صاحبة كوجان الحمراء
خضراء تسر الناظرين
و المدبرين
و المقبلين
و المارين غير مقيمين
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: Amjed)
|
اما ذلك الذي انزعجت بضجة ونستنا هنا عند حيدر و هناك بديوان اشراقة
طمأنينة نفسه البرجوازية
فلا يملك ان يلوم احداً
فهو غير مدعو على مصراعي البابين المفتوحين
و لم يجبره احد
ان يكلف نفسه عناء الريح و وعثاء بريق اصطدام النيازك
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: Amjed)
|
Quote: حيدر ياخ صاحب العقل يميز ..
شِن لمّ القمري مع السمبر ؟؟؟
|
عمدة يعني لاااازم تقول كل العندك,
إنت نبي أصلك ؟ ... ما تلف من هنا
ودور من هناك وأتخارج بي سلام.
عموما كلامك ده حا إجيب لينا هوا
بارد, وربما يصيب صديقنا { السمبر }
ببعض نفسيات ... فيما أفضله غير ذلك,
أي بمعنويات عالية ... وإلا ما حا إكون
عندي وش أقابلو فى الخرطوم ... ده غير
ما إنو إطلع { عضلات تبش } وتبقى المسألة
في تولا... والله أجازي الكان السبب.
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
| Quote: مراعاة الترتيب ضرورية يا رعاك الله. |
ملاسي ... لازم يعني سلخ الناموسة ده,
وليه أرتب ... أصلو أنا ناظر أولية
بطلع فى نتيجة الإمتحانات... !!!
فيما الترتيب الذي حدث هنا إقتضته فنيات
العرض والمقارنة ... لحسب مداخلتي
الإفتتاحية ... وبعدين عشان أرتب وفق
ما ترى لأسضطر لأحد أمرين, إما أن أجلس
{ السمبر والقمري } لأمتحان نظري وعملي
وعلى ضوء النتيجة يتقرر الترتيب, أو أن
أحكم عليها بأعمالهما وأشكالهما ... وده
بدخلني فى مشاكل غير ضرورية.... فكلاهما
عزيز علي ... فأحسن نخليها مستورة.
... مع مودتي
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: حيدر إزيك ياخ
صباح الخير
مافي فرق في الوقت الراهن
بين واشنطون والخرطوم
وكذا الحال بينك وبين إشراقة
علي الأقل بالنسبة لي
أمابين كوجان وغادة
فما بينهما أتركه لحكمتك المهعودة |
خضر ... كيفك ياخ ... ومساءك خير { يا ناس
مساء الخير ... جنكم ليل ... صباح الخير مالالالا }
تعرف يا خضر ... مهم جدا أن يظل الفارق قائما
بين واشنطن والخرطوم ... وإلا فأين كنا سنجد كل
هذه القلوب المحبة والناس الظريفين والمشاعر التي
لا تحدها حدود ... بل لهذا أرى الخرطوم أجمل وماني
ساعل فى بيت أبيض ول قيامة رابطة ... بل أطالب الخرطوم
أن تزيل غشاوات المضاضة والآلام الغير ضرورية, لترجع
الخرطوم إلي صباها ومقاليد عزمها الإجتماعي الوطيد,
وجمالها السهل وفؤادها المهيل.
شايفك { دردقتني } عشان أحسم المقارنة بين فلان وفلانة,
لكن ... نووو وييي, فأنت صاحب المقارنة ووصلا إلى منتهاها,
... قال حكمتي المعهودة قال ... عشان أروح فى داهية...
... ما تنقطع ... فبغيركم لن أبلغ مرامي { الصحفة التالتة }
وبعد داك أطلق سراحكم.
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote:
لافحاه ساي
لكن قلت النزيد عدد المداخلات
لكن ما عندك راس خروف داير تسويه عشان نكتر الدخلات |
صفية ... كيفنك ... وتسلمي
لكن لفحيك ما عينة, أقصد لذيذ ...
وأسع لوما ما لفحت كنا حا نلقاك وين؟
فمرحب بيك ... وكوني هنا بشدة.
أما راسي ده والله محيرني أنا زاتي,
وهو فى الواقع أسوأ من الصورة, عامل
زي الصندوق, وراس الخروف بالنسبة ليهو
صغير ... ومع العمر والصلعة ما أظن في
أي طريقة للتسوية ... غايتو بس إن شاء الله
ما أفضى كمان ... عشان إتم الناقصة, وأبقى
صندوق عدة ... فقط لا غير... أها كده ورينا
راسك.
... وكوني بخير
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: خضر دا ماتاخد بكلامو شديد ياودقاسم....
لانو مرات مرات بكون شارب شاى فواكه...
جهز ليناشاى نكون ما سمعنابيهو قبل كدا وليك علينا نجيب
بنابرنا ونجى نحرس البوست... |
أميرة الشيخ ... البت الظريفة والمريخابية المبينة
أجهز ليكم أي حاجة ياخ ... وبكل الهنا والسرور, بس
كيييف إنو تبقوا مارقين وتشرفونا بكل ما نملك هنا,
من محبة ورغبة فى التداول الإنساني والدعابي الخفيف,
وبكل المشاعر الطيبة الراغبة في قضاء وقت طيب جميل.
... فهذه الدنيا تضيق علينا من كل الإتجاهات, ولا بد
أن نتوفر لحيل أكثر وأبرع ... لنعيش كما نحب.
... أوبسسسس ... رغيت شوية ... فأبقى طيبة, وأعملي
أن الهدف هو الصفحة الثالثة ... إنت بالذات عاوزين
منك صفحة واااحدة بث.
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
وحدووووه .
حيدر ياخ ملاسي ملك الحككان .. و العكلتة ..
يحكها كده لامن تجيب الدم ..
ترتيبك كان ( كوجان بعدين غادة ) ..
الراجل وزنها في عقل بالو لقى المثل بيقول القمري أول بعدين السمبر ..
يعني معقولة كوجان يقوقي مثلاً يا رعاك الله ؟؟
كوجان يفنجط .. يعوعي .. ينعق .. يكاكي حتى ..
لكن يقوقي ؟ .. تجي كيف دي ؟
....
أقعد يا حيدر نتفاهم ..
ما تاكلنا حنك ساكت .
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
إلي حيدر قاسم (صاحب الماسنجر العالي والمزاج العالي)
ولكوجان وهو يكوجن البوست بكوجنات ما بعدها كوجنة
وللحضور هنا
وهناك
ثم الي وطننا الذي لطالما حلمنا به غير أنه يؤثر أن ينام في أحضان الغير
إنه وبعد :
وطن لله ... وطن لله ... وطن لله
وطن ثم من
وطن مالك فيهو وطن
مجرد واطة لمة
ناس
علم لاغيرة لا إحساس
دلق منتوف من كفن
مصبغ ظن
(حميد/ مصابيح السما التامني طشيش)
يقول الكتاب :
لكأنه سرادق عزاء لحبيب توده تسرب من بين يديك فجأة وذاك إحساس عجيب لو تعلمون !!!
ها هوذا يستمع الآن لإذاعة جمهورية السودان واضعاً الخيبة فوق الخيبة ومذيع بارد الدم بارد القلب فاتر الإحساس يقرأ نشرة الأخبار ولكأن الأخ من سكان كوكب غير كوبنا الذي ننتمي . أي كأن تلكم الجراحات لاتعنيه فتخرج كلماته جارحة كحد السيف ثم يعرج أخيراً ليقول بصوت لايقل حرصاً علي مزيد الألم ( أيها السادة / توفيت الحاجة نعمات عباس زوجة المرحوم عبد الرحيم السني شقيقة كل من اللواء طيار فلان الفلاني والدكتور علان الفرتكاني وتصل جثمانها علي الخطوط السودانية صباح الغد ويتم تشيعها الي مقابر فاروق ويقام المأتم بمنزل الأسرة بضاحية قاردن سيتي . ثم موت وثاني وثالث ثم تغمدهم الله بواسع رحمته وإنا لله وإنا اليه راجعون .
قديماً قرأت أن البلاد التي لاهم لإذاعاتها سوي متابعة أخبار المسؤلين وعائلاتهم وابتساماتهم ومناسباتهم هي بلاد لا رجاء منها . لذا لم أجد حرجاً وأنا أواصل في إستماعي لأخبار الموتي من المواطنين فتلك حصتهم من أذاعات البلاد . وفي نهاية الأمر كلها أخبار
فأحسنت أي بني !!!
تذكر في إسترخائه العظيم تلك الأنثي التي قاسمته الوعود والأمنيات ثم ذهبت الي سبيل زوجها بحرص عجيب . إسترجع أيامهما في نواحي تلك البلاد والسوق العربي مليئ بالبشر والأجناس وأصناف المعلبات والباعة المتجولين والمتجولين ساي والطلاب والطالبات وآخرين لا نعلمهم يعلمه الله .
ثم مد يده المرهقة لينال ما تجود به قرائح قنوات أخري لاسيرة للموت فيها . قنوات مليئة بالحياة والموسيقي والبنات الجميلات حد الدهشة . قنوات حالمة وبشرها مرتاحي البال يجيدون صناعة الفرح لا كما نحن نحتفي دوماً بالحزن فحتااااام هذا الحزن حتام .
والعمر يمضي كإندفاع المياه من فكتوريتئذ قبل أن تروضه بلادنا الطويلة بمنحنياته وحروبها التي لا تذر وتدخله غير مأسوف عليها في (علب) النيل . ونحن نغني بخاطر مكسور وبنصف قلب (ياغضبة نيلنا الطامح وكتين يكسح طغيان) ومن ثم نردد خلف حمد الريح وهو ينشدنا إنتفاضتئذ قبل أن ينتهي به الحال ملكياً أكثر من الملك وهو في ذلك حتماً من الخاسرين . (والنيل بقاوم من زمن كل الظروف) الي أن يصل لموسيقي مفعمة بالمطالبة والكمنجات خلف النأي تردد وبينهما الطبل والمزمار قبل حناجر القوم كلها تطالب برأس من جز رؤوس الثورة وقناديلها المضيئة ذات تهور أعمي ووالله إنها لبلاد عجيبة عجيبة ياصحابي . فيضحك الزمن من حوله وهو يردد في سره هو النيل فاضي ليكم ياخ كدي قوم لف!!!
ويسألني دوماً احد زملاء العمل هنا وهو يمني علي سنة الله ورسوله ولكم أن تتخيلو !! يسألني عن السودان عن حروبنا المجنونة عن طيبة السوادنة وبياض نيتهم وأنا عاهدت نفسي أن أهرب من هكذا قصص فهي بالتأكيد تأتي وفي خلفها أوجاع أحاول كغيري أن أداريها بدمع القلب فماذا أقول له .
أأقول له : (حاربت الاستعمار فشردني وطني) ( مظفر النواب) أم ماذا أقول أيها الناس ؟
إذن مظفر النواب بكامل أوجاعه يتمدد حولي فأظل أردد هذا المقطع مثلي مثل ببغاء لا ينجده جناحاه ليطير ويحلق كيفما شاء ووقتما شاء فيردد والأطفال موفوري الصحة حوله يضحكون ويضحكون ويضحكون ويرمونه بقليل الطعام ليرميهم بما عنده من مفردات مكررات .
و(مظفر النواب) ملعون ومغامر ويحمل قلباً لايصلح ومعطيات هذا الزمان الفاجر يقتلني بكلماته وشعوره النبيل فأردد في خشوع ما بعده خشوع قادر الله قادر الله قادر الله وتمتمات غريق أخري قبل أن تبتلعني طوفان الاسئلة الحيري وأجوبة الهروب فألوز منه بسجارة حمراء أدخنها في الهواء الطلق الا أن يعرق قلبي فأعود .
هوذا ياصحابي في الهم مدخل اليأس المناسب فوطننا يصر دوماً علي أن لا يتسلل الفأل لجلده بـ (أخوي وأخوك) فتخيلونا والعطبراوي يغنينا ( أيها الناس نحن من نفر عمرو الأرض حيثما قطنو) فما بال الحرائق التي شبت وما بال المقاصل التي نصبت بإحكام ومابال الخرائب التي تنهض كل صباح مبشرةً بنكبة جديدة نضيفها بكامل الصمت لسجلنا الوطني وكأن لم يكن .
وهذا ما كان من أمر البلاد
إنا لله
للخروج :
فتشتك في سكك الليل
ولقيتك زي نسمة تفتش
في مدخل
لميتك زي النيل
في جدول
وفنيتك
فن ن ن ن نن
ـــــــــــــ
وغياتو الله كريم !!!!!
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: خضر حسين خليل)
|
طبعا البوست دا عاملو الزول الاسموحيدر قاسم
المهم انتهز الفرصه
دي واهدي عماد هذا النعيق و يوم 18 قرب
Quote: بقايا لوثيانا 2
كان صامتاً, ليس به حراك إلاّ أصابعه الرشيقه يُداعب بها جيتاره المسنون بالإيقاعات الكاريبيه.
لم يغنِّي ...لم يفتح فمه , حتي تعدّلت كلّ أحْرِف الموسيقي داخل دُماغه المفعم بالدخاخين الخضراء والحمراء وكل ألوان الطيف, لحناً جنونياً ليس من صُنع هذه الأرض المغطاه بطوب البراكين.
ثم بدأ يغني بصوتِه الغليظ الذّي يتهادي بين (الباظ) والأوتار العليا من الجيتار. يخرج صوته وبه قليل من إحتكاك الحجاره ببعضها, وخرير المياه , ذبذبات الغابه, وزئير المزامير. مُغْمِضاً عينيه, تائهاً بها في الأُفقِ مٌميِّلاً رأسه شمالاً, ثم يميناً ثم يفتح عينيه راسماً إبتسامةً واسعه تمتد من أطراف غليظ شفتيه مُقبّلاً بها كُلِّ الوجوه أمامه فتصيبك قشعريرة رغم الحر المتداخل مع صوته الّدافئ وتزداد ضربات قلبك, ولا تبرح مكانك,كأنك زُرعت أمامه أو أصبحت جزئاً من ذلك الصوت الضخم كما الطّوت! يرتفع صوته تدريجياً مٌغنياً :
AS YOU,
FROM THE HOLY LAND,
MET YOU NOT WITH MY TRUE LOVE,
BY THE WAY AS YOU CAME?
HOW SHALL I KNOW YOUR TRUE LOVE,
THAT HAVE MET MANY ONE,
AS I WENT TO THE HOLY LAND,
THAT HAVE COME,
THAT HAVE GONE?
SHE IS NEITHER WHITE NOR BROWN,
BUT AS THE HEAVENS FAIR,
THERE IS NON HAS A FORM SO DIVINE,
IN THE EARTH OR AIR.
فيعتري كُل الحضور صمتاً مهولاً وغمام!
لم يُصّفِق الحضور ... لم يبتسم أيّاً منهم كما يحدث عادةً, فقط يعتريك الغمام.. وتصمت توجٌّساً, مُعْتَبِراً. لم يتحدث أحد من المستمعين..
فقط هنالك بنت يكسوها الجمال من أعاليها حتي الأرض التي تقف عليها, أشاحت بوجهها بعيداً ومسحت دمعه كانت تشقٌّ طريقها مغازلةً خدهّا الأيمن. تقدّمت نحوه وطبعتْ قٌبلةً عجلي علي خده الأيسر, وارتمت علي أحضانه. ونهض كُّل السامعين تصفيقاً. ثم تدثّروا بصوت (زاك ) وتفرّقوا في صمت.!
(أصبح زاك صديقي لمدة عشره سنوات أويزيد) |
| |
|
|
|
|
|
|
|
|
|
|
Re: ماسنجر عاجل جدا لابراهيم كوجان (Re: خضر حسين خليل)
|
ابراهيم كوجان ... ظهر يا ناس ... أخيرا
أول حاجة كنت وييين؟ ثم القال ليك منو
دايرين المدينة اللي إتكلمت عنها ده, نحن
دايرنك فى عضمك { قبل التسوس } ودايرين
نعرف حاجات تانية ... حا تظهر بتقدم هذا
البوست ... فكن مستعدا ... بدءا بخلع مريلة
الأطباء ده, ومرورا بالتجفيف المؤقت للريشة
وللمرسم, كما تشمل الإجراءات توقيف كل القصائد
والقصص القصيرة والطويلة التي أنت غارق فيها.
ومع أن الأمر يتبدى وكأنه تحقيق جنائي, لكنه في
النهاية يصب في مجراك ... فقط نود أن نخلق لهذا
المجرى رصيفا ... ليعلم من خلاله الناس ... من
هو ... كوجان ... الإسمو { شكلة شكلة كده } ده.
بعدين ياخ ما كان { تتقل شوية } عشان يحافظ الموضوع
على معنى إستشقافه ومبنى إثارته ... ومن ثم تعود
لغزا مشوقا بيننا , ويجوا الناس إتفقدوك ويحنوا
عليك ويتعاطفوا معاك ... وضمن الناس أعلاه طبعا أسراب
من الحسان الإسفيرية والواقعية ... وهن أكثر حنوا
وعطفا ... وتقوووم كده فى الزحمة ده تلقى ليك عروس.
... غايتو
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: القمرية بتقوقى
والسمبر بجيى فى الخريف
والاتنين بيلعبوا دور فى التوازن البيئى |
يا إشراقة ... شرفتينا,
وما هو أحفظ للتوازن البيئ
هو تلك البئية الأخوية التي
تعتمرينها بفرح بسيط وقلب مفتوح.
... بعدين ما ننسى ... السنابل.
ودمتي
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: ديييك نظام مديدة حارة
و دي نظام كتير مشاركات |
والعكس صحيح ... كذلك, وكله توسيع
لمجرى التداول, وإعادة التكيف إنسانيا.
مش أحسن من { خرط القتاد }
أمجد ... تداعيك الإجتماعي { أعتقد }
أنه أفضل من السياسي ... وقرط على كده,
خاصة مع النيو لوك ... حاجة ما تخلص.
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
وأمجد ... تاني ... تسلم
Quote: و بعض ما ورد في الاثر الحكيم
ان الكثرة تغلب الشجاعة |
عليك الله بالجد ده من الأثر الحكيم,
ول نجرتها ... مع إعترافي المقدم
بجهلي إن طلعت ... أثر حكيم.
... وكن بذات المزاج وتلك الرحابة العالية
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
وأمجد ... تالت
Quote: باني ارى في اخر الدرب جنازة
لكنها تسير على لحن عذب لموسيقى غناء يشدو من اجل
السلام الحرية و العدالة
في يومتصبح فيه منطقة صاحبة كوجان الحمراء
خضراء تسر الناظرين
و المدبرين
و المقبلين
و المارين غير مقيمين |
أمجد ياخ وحاااااااتك تراجع النص
أعلاه ... جايط شديد خلاص, ويبدو أن ثمة
فكرة { جيدة } لم تتخمر جيدا, أو
... إمكن أنا الخمران.
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: المديدة حرقتني وجيت جاري جري
هق هق
Quote: حيدر ياخ صاحب العقل يميز ..
شِن لمّ القمري مع السمبر ؟؟؟
القمري منو ....؟؟
هق هق
والسمبر منو.... ؟؟ |
ياسر بيناوي ... تسلم
لكن أمانة ما مديدة حارة,
... تشلوط ... كده أتبن
إيديك ... فما يزال السمبر
والقمري خارج نطاق التصريح
والعلن ... ما تزال الأحاسيس
داخلية, وما تزال الفرصة متاحة
لأن يختار كل منهما ما يشاء.
فأول مرة أحس بأن الطيور جميلة,
وعلى قباحة ... أبو السعن.
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: حيدر ياخ رجع لىّ ناسى فى بوستينى داك
وخلى معاك ملاسى |
هو أنا شلتهم متين عشان أرجعهم,
والدليل ... الأرقام... وبينات الدعوى.
ملاسي ما باباهو ... فالصبر على ملاسي
هو إجتياز لأمتحان العبور للتحول الديمقراطي.
إشراقة ... كل سنة ... وأجمل المنى
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: HAYDER GASIM)
|
Quote: ملاسي ما باباهو ... فالصبر على ملاسي
هو إجتياز لأمتحان العبور للتحول الديمقراطي.
|
والله ياحيدر وماطالبنى حليفة
الجملة اعلاها دى تنفع تكون فى صدر كتاب المطالعة الاول لاطفال المدارس
يتشربوا قيمة الآخر زى مايتشربوا قيمة روحهم
تسلفنى الجملة دى
مقروضه فيهاوحقوقك محفوظة
| |
|
|
|
|
|
|
|
|
|
Re: ماسنجر عاجل جدا لابراهيم كوجان (Re: Ishraga Mustafa)
|
Quote: والله ياحيدر وماطالبنى حليفة
الجملة اعلاها دى تنفع تكون فى صدر كتاب المطالعة الاول لاطفال المدارس
يتشربوا قيمة الآخر زى مايتشربوا قيمة روحهم
تسلفنى الجملة دى
مقروضه فيهاوحقوقك محفوظة |
شكرا ... إشراقة
كبرت راسي ... هو براه كبير.
وأهديك هذه العبارة لوجه الله
وبدون حفظ حقوق, خاصة والدنيا عيد
وما عندنا ما نهديهو ليكم غير
الهم النبيل والأماني الطيبة
وبعض خرابيش على هوامش التجربة.
... وكل سنة
| |
|
|
|
|
|
|
|
HAYDER GASIM
Hussein Mallasi
Emad Abdulla
محمد نور أحمد
محمد عبدالرحمن
عبدالكريم الامين احمد
خضر حسين خليل
Safia Mohamed
ibrahim kojan
Ishraga Mustafa
Amjed
طارق جبريل
فيس بوك
تويتر
انستقرام
يوتيوب
بنتيريست