|
|
 عمر التوم عريسا ... وشوف عيني الملائكة متحلقة حوله ... باركوا لأحدث عريس فى البورد
|
في المساء الباكر لهذا اليوم المبارك,
تم عقد قران الأخ عمر التوم على الأستاذة
ندي محمد الأمين . بمسجد السيد على ببحري.
ومن كم يوم كده كانت الصحافة تدق طبول
الفرح , إبتهاجا بدخول الشاب الوجيه
عمر التوم إلى عش الزوجية.
فهنئيا لعمر بأيام سعيدات على الطريق,
وبمشوار العشق يتكلل بالوحدة العضوية
والمشاعرية, لمن إختاروا الحب طريقا
للفلاح.
شوية أيام كده وسوف يعود عمر إلى أمريكا,
فيا الزملاء بي غادي ... ما تقصروا بالله.
فعمر ... أجملنا
|
|
 
|
|
|
|
|
|
|
|
مبروك (Re: HAYDER GASIM)
|
الف الف مبروك لابن خالتي الوجيه عمر عثمان التوم00
ونسأل الله ان يتمم له المشوار علي خير00
وبيت مال وعيال وبالرفاء والبنين انشاء الله00
ومن هنا نبارك للخالة ( النعمة) والعم عثمان التوم وكل الاخوان والاخوات 00
ونتمنى للعروسين حياة سعيدة وطيبة ومباركة 00
وتشكر يا حيدر قاسم ومبروك للفارس عمر
| |
|
|
|
|
|
|
|
|
|
Re: مبروك (Re: حمزاوي)
|
الف مبروك للاخ عمر التوم وعروسته وتهانينا للاخت نجلاء عثمان التوم، شقيقة العريس، والاسرتين.
مشهد من مدينة بوسطون
| |
|
|
|
|
|
|
|
|
|
Re: مبروك (Re: fadlabi)
|
Quote: الف الف مبروك وبيت مال وعيال
عقبال كل عزابة 23 ومن قميحة وانت نازل
ــــــــ
اخبار قميحة الصحية كيف |
عبدالدائم سيدأحمد ... كيفنك,
عمر عثمان التوم, ملأ كرسي الزوجية
بجدارة فائقة, و { بقر } كتيرين من
أولاد الحلة ... وأظنهم الآن أعادوا
إصطفافهم على جدول الإستزواج, وربنا
يساعدهم.
قميحة صحيا كويس ... بس الباقي كما كان,
... يعنى مشروع { عريس } متضهب ... فساعدوه
{ بشيلة } ... بدل جكة.
تحياتي للأمورتين ...
... مع عاطر تقديري
| |
|
|
|
|
|
|
|
|
 Re: عمر التوم عريسا ... وشوف عيني الملائكة متحلقة حوله ... باركوا لأحدث عريس فى البورد (Re: HAYDER GASIM)
|
ألف مبروك للصديق والدفعة عمر التوم
مع أجمل الأمنيات بحياة زوجية سعيدة
أديك أنا شمار لذيذ كدة عن عمر التوم أيام الجامعة !!! يوم لقيتو زهجان وبسب ويلعن !! قلت ليه مالك يا عمر .. قال تعرف أنا عندي مشكلة عويصة جدا !!! كل ما أمسك لي واحدة وأقعد أحنكها ويجي يوم أطرح ليها عما يجوش بخاطري (حلوة يجوش بخاطري دي مش!؟) ...تقوم تقول لي خلينا نكون أخوان أحسن.... قال لي ياخي يا أمير أنا عندي زي 19 أخت من النوع ده!!
ألف مبروك لي عمر الصنديد أبو صلعة. وزوجته ونتلاقى إنشاء الله في منتصف يونيو.
أمير أوية
| |
|
|
|
|
|
|
|
|
|
Re: ... (Re: معتز الامين)
|
Quote: الف الف مبروك لابن خالتي الوجيه عمر عثمان التوم00
ونسأل الله ان يتمم له المشوار علي خير00
وبيت مال وعيال وبالرفاء والبنين انشاء الله00
ومن هنا نبارك للخالة ( النعمة) والعم عثمان التوم وكل الاخوان والاخوات 00
ونتمنى للعروسين حياة سعيدة وطيبة ومباركة 00
وتشكر يا حيدر قاسم ومبروك للفارس عمر |
العزيز ... أبو عبيدة حسن ... تسلم,
وييين الحي بيك ... وكيف أراضيك, ...
يا حليل بوست الصحافة ... كان لامينا والله.
يا زول إبن خالتك تمام, وعريس يملأ العين,
والخالة النعمة مبسوووطة خمسة وعشرين قيراط,
وبت التوم صغرت عشرة سنة كده, ربنا إديها الصحة,
وعمك عثمان التوم ... وكأنه ... وزير العريس ...
ما شاء الله.
فكن بخير ...
| |
|
|
|
|
|
|
|
|
|
Re: ... (Re: ALGARADABI)
|
Quote: ألف مبروك للزميل عمر وعروسه
وبالرفاء والهناء والبنين
شكرا حيدر قاسم
كل الامنيات الطيبة |
شكرا ... هند محمد ,
آمين ... بالرفاء والهناء والبنين
ويسعدنا مرورك
... مع تقديري
| |
|
|
|
|
|
|
|
|
|
>>> (Re: HAYDER GASIM)
|
الاخ حيدر
اواصل ما انقطع مبروك مره اخرى لصديقى العزيز عمر
لكن ياحيدر ماجاتنى راحه انا الناس كلهم زبطو الاريال بتاعم على
بعد دا عقبالك عقبالك التقول اشتكيت ليهم ولا مضايقهم فى حاجه ههههه
وغصبا عنى بعد كده عقبالى والجرس ادقا خلاص
ربنا يسهل ليهو طريقو ويوفقو فى حياتو يارب
والتحيه موصوله الى والدى العزيز عثمان التوم وامى النعمه وبت التوم
وخالد بمبو وهاشم ونجلاء وسناء وسلوى والبنات
| |
|
|
|
|
|
|
|
|
|
Re: >>> (Re: معتز الامين)
|
دنيا عجيبة .... في داعى تصارحونا بالحقيقة المره اننا خلاص عجزنا؟
الشافع عمر عرس؟ و كمان بيعايروهو بالصلعة؟
نفتش حسن الخاتمة بس بعد ده
دي الاخبار البتخليك تحس بي الغربة جد
تقراها بارده و ثلجية .... زى نشرة الاخبار ..
بدل ما تكون قاعد في نص الجوطة ديك ... تنظر في دق الصيوان و تمشى تشوف الكشف وصل كم , و الجزار ما جا ليه , و تضحك مع عمك عثمان التوم و تمشي تشاغل الخالة نعمة انها عجزت خلاص , و تقعد تسمع لحكاوى عوض سعد و بالجنبة يبدع طاهر المصري بسخريته الخيالية و يفتقد الجميع حيدر حدربي و العم محمد احمد سعد ... و تتشاور مع هاشم ابو الليف و بيمبو في شئون الراس و تتنحل ليك كم سجارة من الشباب بينما تكشفوا كرباوى للبنات الجايات من الكوفير
لو كان الحنين قمر لنسفته
مبروك يا عمر و ندى
شكرا حيدر و عقبالك :-)
| |
|
|
|
|
|
|
|
|
|
Re: >>> (Re: esam gabralla)
|
Quote: العروسين عمر وندى
تهانينا والــ1000ــف مبروك
الله يعمر بيتكم ويسعدكم |
حمزاوي ... كيفنك يا ابوي,
كان تخليها مليوووون ياخ.
تسلم يا راجل ونتمناك كل طيب
... مع تقديري
| |
|
|
|
|
|
|
|
|
|
Re: >>> (Re: HAYDER GASIM)
|
Quote: الف مبروك للاخ عمر التوم وعروسته وتهانينا للاخت نجلاء عثمان التوم، شقيقة العريس، والاسرتين.
|
شكرا ... عادل عثمان,
ونتمنى الأسرتين كل الفرح
... ورفيع الهنا وناعم الحبور.
كما تشكر على صور { مدنية بوسطن }
الجميلة, بس إن شاء الله عمر يكون
ساكن فى العمارة الطويلة الرقيقة
دييييك.
... مع عاطر تقديري
| |
|
|
|
|
|
|
|
|
|
Re: >>> (Re: محمد عبد الماجد الصايم)
|
سلام حيدر قاسم
مبروك لعمر صاحبي ولاهل عمر والي العروس واهلها
مبروك للجميع عمر زول راقي وظريف وهو صاحبي وصاحب اصحابي
ابارك لمصطفي الناظر وغان جعفر الذي عرفني علي عمر ويا لها من معرفة
برغم صلات سابقه باسرة عمر من ناس عصام جبرالله وامين محمد سيد احمد
والرجل الخلوق الوريف دكتور محمد الحسن
مبروك لعمر ولعروس لقد سافرا من عندنا اعزب ورجع متزوجا اتمني له بيت مال وعيال
ولحدي اللقيا التانية لك يا حيدر وله وللعروس السلام
| |
|
|
|
|
|
|
|
|
|
Re: >>> (Re: محمد عبدالقادر سبيل)
|
Quote: مبروك يا عمر صاحبي
و مبروك للعروسة
و لنجلاء و لناس بيتكم كلهم |
فاضلابي ... كيفنك يا أبوي,
وهنيئا لعمر وندي لقاء الأحبة,
في كنف الزوجية, نجلاء كانت وزيرة
عريس بإمتياز, أقصد لجهة الحضور
وتوزيع الإبتسام على الضيوف,
لكن ما ظنيتا رفعت ليها صحن
ولا صاطت ليها حلة ... وفي كل
الأحوال ... يكفي أنها نجلاء.
... وكن بخير
| |
|
|
|
|
|
|
|
|
|
Re: >>> (Re: HAYDER GASIM)
|
Quote: الف مبروووووووووك
وبيت مال وعيال
شكرا اخوي حيدر على الخبر الجميل دا |
علاء حيمورة ... كيفنك,
والله ياخ بصراحة ياريت لو
كنتوا فى العرس ده, كان شوية
حا تشايلواالأجيال القديمة بالجديدة,
فوحاتك حسيت بي إني أقرب لجيل ناس
أبوي وعمك عثمان التوم, من آدي الأولاد
السغار الحايمين يقدموا لينا فى الطعام
نهارا والغناء ليلا.
ويظل عمر عثمان التوم رمز فرحنا القائم,
وبه وندي نتيمم شطر الفرح الصحافاوي المبين.
... وكن بخير
| |
|
|
|
|
|
|
| |
HAYDER GASIM
طارق جبريل
Deng
osman righeem
مصطفي سري
عبد الدائم سيد أحمد
ابوعبيدة حسن محمد
هند محمد
Adil Osman
fadlabi
علاء الدين حيموره
Sayed Bekab
معتز الامين
haroon diyab
Badreldin Ahmed Musa
ALGARADABI
محمد عبد الماجد الصايم
محمد عبدالقادر سبيل
فيس بوك
تويتر
انستقرام
يوتيوب
بنتيريست