دعواتكم لزميلنا المفكر د.الباقر العفيف بالشفاء العاجل
|
|
 بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي
|
غايتو بس نقول ... الله إعظم الأجر ... لكن التعب حاصل,
ويبدو أن العمر يتقافز بسرعة إلى محطته النهائية ,
والمروة تقل ... مع أن إيماني يتزايد ...
وقشعريرته تنتابني بوتائر أعلى ...
لكن أهو ... ده الحاصل ... أكتب ليكم وأنا أتشهق
والعيون يثقلها النعاس ... وكان المفروض آوي إلى سريري
لكن ( يخجلني ) أن أكون أول النائمين ... فقلت أتونس معاكم
شوية ... إمكن ألقى الزي فيكم.
طبعا حا تتطلعوني ( إتدلعت ) وحا تذكروني كيف رمضان في السودان
وحا تعرجوا على فقراء شعبي ومشرديهم , وحا تقارنوا لي بين
جونا فى شمال أمريكا وبين بلاد تحتل فيها الشمس أقصر مسافة من اليافوخ,
وحا تقارنوا لي بين أكلنا وأكلهم ... وليكم الحق ... لكن لتعلموا أنني
أسوأ منهم لإصابتي المزمنة بمرض حبي لبلادي وأهليها ( home sick ) ... وهذا
مايطيح بكل المقارنات آنفة الذكر ... عشان كده حقوا نركز على تجربتكم مع
هذا اليوم الأغر ... فى تداعيه بين غذاء الروح ومعاناة الجسد .
|
|
 
|
|
|
|
|
|
|
|
Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي (Re: HAYDER GASIM)
|
الأخ إسماعيل الصادق ... تطيب يا حبيب
أفتكر بتكون فطرت ... وربماألمت بك ذات الأوصاف ... كده نخليك تمرق من الدوخة ده
... ونتكلم ...
أخيرا ... أحد أفراد أسرتي لزم سريره وإستغرق فى النوم ... وهذا ما كنت أنتظره ,
معليش الأخوة والأخوات الجايين حا إلقوني فى سابع حلمة ... لكن إتونسوا ... وتناولوا
ما يطيب لم من الآبري والبليلة والعصيدة ... ولما لم تتزل مائدة الإفطار مفروشة ...
البيت بيتكم ... أخدوا راحتكم ... وما أحلى ليالي رمضان ... فأعتمروها تخف الأثقال
ويستجم الخاطر ... تمسوا على خير ... ورمضان كريم .
| |
|
|
|
|
|
|
|
|
|
Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي (Re: HAYDER GASIM)
|
حيدر قاسم
اول يوم دا بكون دايما مشكلة خاصة لي ناس الكيف: سجاير، تمباك، قهوة... الخ
اليوم هنا في السودان ما كان وييك اند ، كان سبت عدييل واظنك متذكر السبت وثقالتو
لكن المهم عدي، مكتب ورجعة زي3.30 نومة خفيفة كدا والفرن جاك زول  واذن الاذان كالعادة بلحتين وموية ثم الصلاة والصينية نقير خفيف كدا  واستعداد للرحلة الفضائية.. ركوب المركبة الفضائية (السرير) اشعال المحركات (الولاعة) انطلاق (السجارة) .. كانت رحلة فضائية جميلة وصلت فيها الي المريخ وزحل وعطارد وكم نجمة كدا لغاية ما الله سهل ونزلت تاني
| |
|
|
|
|
|
|
|
|
|
Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي (Re: HAYDER GASIM)
|
اخي حيدر الاخوات والاخوه ..
رمضان مبرووك وكريـم ..
هنا في السودان طعم الاشياء جميل ولذيذ وشهي . طعم الخبز والعصيده والويكه واللحم والنعيميه وسلطه الروب , طعم البرتقال والقريب والليمون , طعم الكركديه والابريه وغيره الخ .. ولكن ما يعكر كل هذا الطعام اللذيذ والشهي هو شي واحد ومهم ..
منظر اللذين لا يستطيعون اكل الخبز حافيا وما اكثرهم وحاله اللذين لا يستطيعون شراب الماء فقط الماء باردا لانهم لا يملكونه ..
وما اتعس ان تاكل ولا تشعر بغيرك .. وانا لا استطيع ..
ولك امنياتي ..
منعم .
| |
|
|
|
|
|
|
|
|
|
Re: بعد الإفطار فى أول أيام رمضان ... يا أخوانا كلكم ( دايخين ) زي كده ... ول أنا براااااااااي (Re: wesamm)
|
أحبائي :
تراجي ... قلت جرسة ... وشايفا شالت ... الله إعظم الأجر
عبد الماجد ... أهو يوم وعد ... وسال من الشحم ما سال ... أليست هذه عشرة الشحم
إشراقة حيمورة ... إنكسر جناح ... المفروض أكون باقي واحد ...هاهاها هاهاها .
شهاب الفاتح ... باين عليك ( الثبات ) ... ما العافية درجات ... ربنا إقوي الجميع .
أحمد محمد عثمان ... مداخلتك فى الصميم ... لكن الظاهر إنو الحلومر هو الحل .
إنعام حيمورة ... وقفت فى الإتجاه المعاكس لتيار ( الجرسة ) ... وأديتنا درس فى الصممود .
فيصل الزبير ... طاب يومك ... ونشارك من خلال رأيك الأخت إنعام وهي تخوض غمار التعب ( الجد جد )
النصري أمين ... قلت الروب ... قالوا ليك أشربو... بس أوعى تبوزو .
ود الباوقة ... من زمان كايس لي زول من الباوقة ... صحي عندكم تفاح ... ولذيذ كمان ... ؟
وسام ... ( الغباشة ) تحل محل الزبادي ... ما أعان الله من عباده المعوزين .
عبد المنعم سليمان ... نكهة رمضان ( فى الداخل ) تحملها إلينا كلماتكم ... فنفطر عليها .
شكرا لكم جميعا ... وفى حضن معزتي أنتم ... ويا لها من أمسيات رمضانية حافلة ثرية وديعة ,
فقد إستحضرتم لي كل تجليات رمضان الإجتماعية والتي إفتقدناها فى المهجر ... ماينقصني إلا
التراويح ... وعشرة ويست ( وليتها سيك ) ... وطبل المسحراتي .
عندكم مانع ( نجر ) البوست ده حتى نهاية رمضان ... فأنتم الذين تقررون .
مع تحياتي
| |
|
|
|
|
|
|
| |
HAYDER GASIM
Sabah Hussein
Yassir Tayfour
bashir adam abdalla
الصادق اسماعيل
Tragie Mustafa
Ishraga Haimoura
شهاب الفاتح عثمان
Ahmed Mohammed Osman
انعام حيمورة
Faisal Al Zubeir
عبد المنعم سليمان
wesamm
فيس بوك
تويتر
انستقرام
يوتيوب
بنتيريست