|
دعواتكم لزميلنا المفكر د.الباقر العفيف بالشفاء العاجل
|
|
 Re: وينو بلدنا ...؟؟؟ (Re: د.محمد حسن)
|
وينو بلــــــــــــــدنا ....؟؟؟
سؤال يحتاج إلي إجابة وكل الأجابات التي تحكي وتنقلها فضائيات النظاااام لا تقدر علي تصويب الأجابة وجذب العقول لها
الخال أبوبكر .نحن نري البلد فيكم وفيَ أمثالك من المواطنين المهجريين قصرا وطوعا لك الله يابلـــــــــــــــــــــــــــــد!!
،،،،أبوقصــــــى،،،،
| |
 
|
|
|
|
|
|
|
|
Re: وينو بلدنا ...؟؟؟ (Re: abubakr)
|
أخي الكريم أبوبكر
يحاول البعض طمس هويتنا ويحاول آخرون إسكات صوت الحقيقة وإلهاءنا بما هو ذل لنا ولكن طالما هناك من يحمل ضمير حي وحب للوطن دون أهداف فحتماًًٌٌ سيتغير الواقع المرير في يوم من الأيام وسنعود ونسمو في العلياء...
مودتي
| |
|
|
|
|
|
|
|
|
|
Re: وينو بلدنا ...؟؟؟ (Re: نها محسن أبورأس)
|
| Quote: سيتغير الواقع المرير في يوم من الأيام وسنعود ونسمو في العلياء... |
انها دائرة دارت من قبل علي دول وحضارات ولسنا اول الموجوعيين .. قبل ايام كنت اطمئن اخد الشباب بانها دائرة ستحرج منها بلادنا .. ولكن امثالي وبعد عقود ثلاث بعدا قسريا عندما يسمع اخبار سيئة عن البلد يحاول ان يفضفض من خلال مثل هذه مساجلة تعيد بعض من توازن
| |
|
|
|
|
|
|
|
|
|
Re: وينو بلدنا ...؟؟؟ (Re: abubakr)
|
عزيزي ابوبكر
كل سنه وانت بخير
وربنا يجعل العيد فرحه لك وللاسره
وموضوعك رائع وجميل
فالبلد يظل بلدا للجميع وان مر بظلم او ظلام فلابد لليل ان ينجلي ولابد للقيد ان ينكسر
ويظل الامل هو من يعيش عليه الناس وان تعددت مشاكلهم او بعدت مطالبهم
مع حبي وتقديري
ابوتسابيح
| |
|
|
|
|
|
|
|
|
|
Re: وينو بلدنا ...؟؟؟ (Re: حليمة محمد عبد الرحمن)
|
سلام ..
سبعة سنوات بعدت فيهم عن البلد ..
و السبعة سنوات و انا بهاتي بهذا البلد ..
و ألقم حجر أي زول يقول في حقها كلمة ما ياها ( زي ما كلنا بنعمل ) ..
سارقني حنين و حب ليها كان ..
و افتكرت إنه أي شي يصيبها مقدور عليهو .. و ح ينصلح الحال ..
بإيماننا بيها و بمقدراتنا و حبنا ليها ..
سرقوها , ح نرجعها ..
أمرضوها , ح نعالجها ..
كسّحوها , ح نجيب ليها كرسي بعجل ..
ذلوها , ح نعزها ..
نشفوها , ح نسقيها ..
جوعوها , ح نشبعها .
في غيابنا الغبي , و غياب القوة المكافئة لآلة الخراب الكبير و الغاشم دي ..
و غياب ده يا أبوبكر .. ده ( القلب العلي البلد ) ..
لقيتهم هتكوا عرضها , و دفنو جثتها .
أربعة شهور و أنا جواها .. و لسه بفتش حتى على الحفرة الطمروها فيها ..
و .. ما لاقيها .
كيف الدبارة يا أبوبكر ؟؟!!
| |
|
|
|
|
|
|
|
|
|
Re: وينو بلدنا ...؟؟؟ (Re: العوض المسلمي)
|
| Quote: ويظل الامل هو من يعيش عليه الناس وان تعددت مشاكلهم او بعدت مطالبهم |
يا عزيزي في كهولتنا ما زلنا ورغم بعاد طال نتمسك بالامل والغد نراه حلما في اجيال قادمة واكيد سياتي غد افضل ولكن عندما يزداد الوجع نصيخ كما فعلت
| |
|
|
|
|
|
|
|
|
|
Re: وينو بلدنا ...؟؟؟ (Re: abubakr)
|
بلد رايح
عمر الطيب الدوش
حأسأل عن بلد رايح
وافتش عن بلد سايح
واسأل عن امانينا
اللي ما بتدينا.. صوت صايح
وأسأل وين مخابينا
إذا جانا الزمن..لا فح
واسأل عن بلد مجروح
وعارف الجارحو ليه جارح
| |
|
|
|
|
|
|
|
|
|
Re: وينو بلدنا ...؟؟؟ (Re: abubakr)
|
الأخ أبوبكر ...
كل عام و أنتم بخير ...
رأيتك تتأمل اللوحة ... بعضها ليس كلها ... للأسف هناك جوانب أخرى من اللوحة لا تقل قتامة ... لا أظن أنني الوحيد الذي بات يخشى مجرد التفكير بالغد ... أخاف أن أتمنى يوماً ماعودة الضياع و الذهول الذي نعيشه اليوم ... هل تصدق ذلك ... اليوم و أنت تسير في الشارع لا تدري من أين ستأتيك الطعنة ... ليست ماكينة الحكم الطاغية هي الخطر الوحيد ... فوضى السلاح ... و الذين اقتسموا السيادة علينا من حلفاء اليوم و أعداء الأمس ... أما المواطن البسيط ( السواد الأعظم ) فليكن مطحوناً و مهاناً ... فهل لنا سوى الله و رحمته ؟؟؟
| |
|
|
|
|
|
|
|
|
|
Re: وينو بلدنا ...؟؟؟ (Re: نجوان)
|
| Quote: ياجماعة وين بلدنا .. الامر خاص بالوطن والدين والناس (الاهل والاحباب والاصحاب والعشيرة) ....... |
وبسأل معاك وين فاتوا؟
| |
|
|
|
|
|
|
|
|
|
Re: وينو بلدنا ...؟؟؟ (Re: Ishraga Mustafa)
|
| Quote: وبسأل معاك وين فاتوا؟ |
زمااانك كنا نسمع صوت طيارة تصحينا الساعة اتنين صباحا وهي نازلة مطار الخرطوم .. كنا في داخليات البركس ...الواحد كان بيستغرب هو الناس بتسافر بره ليه والطيارات لزوما شنو ؟؟ كنا مبسوطيين ومفتكريين انو الدنيا كلها هي المسافة من حلفا الي نمولي ... فجاة بفينا زبائن كل شركات الطيران وزوار كل المطارات وعرفنا انو دنيا نمولي حخلفا كان حلم جميل ضيعناه وضعنا معاه شتاتا بين اركان الدنيا
| |
|
|
|
|
|
|
|
|
|
Re: وينو بلدنا ...؟؟؟ (Re: أشرف البنا)
|
| Quote: كان صوت صديقتي العا ئدة من السودان محبطا وثائراا احيانا وحزينا ورافضا وغير مصدق فالذي راته عند زيارتها القصيرة الي البلد مؤخرا قبل ايام يكاد ان يذهب بعقلها ؟؟ فالذي راته "ليس بلدنا " لقد استولي عليه مسخ من البشر حورو الدين والدنيا وفق تفكيرهم المحدود وتدبيرهم العشوائي ..غيرو لباسهم وطلعتهم وحديثهم وحتي تقاليدهم... صار الدين عندهم شكلا وطقوسا واداة لتبرير افعال كثيرة يرفضها الدين نفسه ...يصرون علي سحب "الروح" من جسد الدين ومن انسانيتهم ...اساءو الي نعمة عظيمة من الله حباهم بها وهي العقل فابطلو عملها حتي خملت وصارت لا تعمل عند الكثيرين منهم ... |
Quote: أربعة شهور و أنا جواها .. و لسه بفتش حتى على الحفرة الطمروها فيها ..
و .. ما لاقيها |
وتراجي بتقول لي احكي عن الجراحات وهو فضل شنو احكي عنه يا تراجي دا جرح كبببير عميييق وما اظن تاني يتداواي
| |
|
|
|
|
|
|
|
|
|
Re: وينو بلدنا ...؟؟؟ (Re: أشرف البنا)
|
| Quote: رأيتك تتأمل اللوحة ... بعضها ليس كلها ... للأسف هناك جوانب أخرى من اللوحة لا تقل قتامة ... |
يا عزيزي عافت نفسي ان اذكر قبحا كثيرا عنها وانا اعرف الكثير .. ترفض دواخلي ان اراها في غير ما عرفتها في زمان مضي .. ربما هو الخوف او الامل ....
| |
|
|
|
|
|
|
|
|
|
Re: وينو بلدنا ...؟؟؟ (Re: abubakr)
|
الاخ ابوبكر
وينو البلد !!!
البلد !!
ياخى كنت فى الخرطوم لمدة اسبوعين .. ووالله لولا بقية من (العقل) لصرخت .. اين أنا فى انجمينا و لا نواكشوط و لا جيبوتى ..
اللسان اتغير .. الشكل اتغير ........ يا اخى .. الهواء إتغير !!
و نحنا بس ... نفكر و نسهى و نتحير ..
| |
|
|
|
|
|
|
| |
abubakr
د.محمد حسن
مجدي عبدالرحيم فضل
نها محسن أبورأس
العوض المسلمي
حليمة محمد عبد الرحمن
Emad Abdulla
bushra suleiman
أشرف البنا
نجوان
Ishraga Mustafa
doma
اسعد الريفى
فيس بوك
تويتر
انستقرام
يوتيوب
بنتيريست