ما بين (أبو آمنة حامد) و ( أبو بكر سيد احمد) ومحمد المرتضى حامد

Quote: لكن أنا عاوزاك تشوف طبيب لى شيقوق الأتنكر لكل شىء خليها الهمبتة حتى مشوار سنينو خلاهو!!!

Quote: انا والمرحوم ابو امنة دخلتنا بين قوسيين يعني لو دخلت المرحوم ابو امنة وودالمرتضي بين قوسيين وانا بقيت بلا قوس ك "عود في عين الحسود " او "وصلة دعاية" بين اغنيتين لا ستقام الامر ...كليهما مبدع في ساحات سبويه وحتي ولو كان احدهما رطان مثلي .. ما انا بكاتب ولا شاعر ولا مغني و علاقتي بكل ذلك كحال جائع مفلس امام مطعم عرف بما يقدمه من مشهيات وطعام لذيذ .... وما انا طازج بين شاطر ومشطور فماذا انا فاعل هنا ... اهو لؤي عمل المقدمة الموسيقية وشكري كتب الاسكريبت تطب انا بعمل ايه هنا دي تدبيسة واللا

Quote: (وداعا ابوامنة ...وداعا ابوجمال ...الهدندوى العنيد معالى ابوشريف ش اجمل اغانى الستينات والسبعينيات كانت للشاعر الفذ ابو امنة حامد وهى اغنية بنحب من بلدنا ما برة البلد سودانية تهوى عاشق ودبلد .. بنحب من بلدنا ـــــــــــــ بنحب من بلدنا ما برّا البلد سودانيّة تهوَى عاشق ود بلد في عيونها المفاتن شئ ما ليهُ حد ***** التّوب المهبهب فوق أم الضّفائر والخد المعطّر زي أحلى الأزاهر والخطوة الأنيقة ترنيمة مشاعر أنا بيك كل عمري بمشيلها وبسافر ***** مين في الدّنيا ديَّ أجمل من بناتنا الليهن قلوبنا والفيهن صفاتنا الكامنات بروحنا والعايشات في ذاتنا ***** في حلفا البداية أحلامي وهنايَ أنا عايش لحبّي المخضر برايَ النّافرة الأليفة ست روحي وهنايَ ***** أنا ليْ في كريمي شايقيي بشلوخها نعتز بي صفاتها ما نجهل تاريخها وما ها المابية ريدتي مو ياها المسيخة ***** في شندي العظيمة تلقى بنات جعل واحدات في المتمّة زي لون العسل النايرات خدودِن زي فجراً أطلْ ***** في سنكات بنعشق في السّمراء وأبيّة ترتاح في الضّريرة خُصلاتها الغنيّة عاشت في شعورى أحلَى هدندويّة ***** الوارثات جدودن في الجّود والشّجاعة البظهر جمالن من زمن الرّضاعة سودانيّة ميّة الميّة في ذوقها وطباعها ياناس أرحموني انا قلبي في رفاعة ***** لوزة القطن اليانعة السّمحة ونضيرة تِتّنَّىَ الحليوة في مشية أميرة أجمل حب عندي في قلب الجزيرة ***** ليْ في الغرب أغْيَدْ في دار حَمَر والبقّارة نحميها بسيوفنا تفّاحة ونُضارة تسكرنا الليالي وتطربنا النُقّارة ***** ليْ في جوبا ساحر تسلم ليْ خدودُه يمرح في غاباتُه ويسرح في ورودُه حبّي الغالي ليهُ ما بعرف حدودُه تلك الاغنية التى كنت احبها ولا امل السماع مهما تكرر وارتبطت باسم شاعرها ابوامنة حامد الذى يحب وطنه واهله وفريقه الهلال وكنت اتبع كتاباته الهلالية وهو يناكف القطب المريخى والوطنى الجسور حاج حسن عثمان .. بالصدفة تعرفت عليه عام 1979 فى القاهرة حيث جمعنا مكان واحد فى شارع البحر الاعظم بالجيزة . وتصادف ان سكنت بالبناية التى تقع خلف سكنه عند مستشفى الرمد حيث كان يسكن مع الاصدقاء على ادريس والمرحوم بهاء الدين وكانوا ثلاثتهم يدرسون حينها فى اعلام القاهرة .. ذهبت للزميل على ادريس وانا لا اعلم اننى سوف اجد امامى ابو امنة بشخصه وسمته الهدندوية الواضحة فعرفنى به الزميل على وكانت تلك من اجمل صدف الحياة ومنذ تلك اللحظة امتدت صداقتنا الى ان خرجت من السودان وظللت اتابع اخباره الى ان سمعت بالخبر المحزن امس .. قبل مغادرتى السودان بقليل جاءنى فى زيارة خاصة بالسوق العربي وقضى معى حوالى ساعة كاملة استعاد فيها ذكريات القاهرة وبعض الاحاديث التى كانت تدور بينى وبينه والاستاذ الريفى والطيب محمد الطيب فى اواخر عهد مايو فى مبنى صحيفة الايام .. وفى اثناء الحديث بدرت منى كلمة شمالية بحتة عندما سالنى عن الاحوال وحال السوق الذى كان يرحل ضمن هجمة الانقاذعلى الاسواق وتغيير المعالم الى مكان اخر خلف مدينة الصحافة .. قلت له نان شن نسوى مع الاخوان المسلمين وعمايلهم بس ورينى .. فقفز مثله مثل اى هدندوى فى البرية وقال لى والله اليوم ذكرتنى باعز اصدقائى اسماعيل حسن بالله انا من اسماعيل حسن مات ما سمعت بى كلمة نان هذه ياخى دى اكثر كلمة حنينة فى التاريخ .. هذه الكلمة التى نطقت بها ذكرته باعز اصدقائه الشاعر الكبير اسماعيل حسن ورايت دمعة تسيل من عينه تاثرا وسكت برهة وقال لى بالله عليك مشينى تانى ما حاجى بى هنا كله كله .. هذه الحادثة توضح مدى رهافة واحساس الشاعر ابوامنة وصدقه وعفويته وحبه للاخرين .. كما قلت ان القاهرة التى كانت تضم عددا كبيرا من الطلاب السودانيين فى الثمانينات والسبعينات كانت لياليلها عامرة بالنشاط الطلابى حفلات ورحلات وليالى سهر وفن وادب وكان ابوامنة ورفيق دربه الفنان صالح الضى هما القاسم المشترك فى اى محفل .. وكانت شقة الاستاذ ابوامنة هى شقة الفنانيين على ادريس وبهاء الدين وابوامنة وياتى اليهم بشكل منتظم الفنان الكبير صالح الضى .. تخرج ابو امنة حامد من كلية الشرطة وعمل فترة قصيرة ترك بعدها العمل فى هذا المجال الذى كان يقول انه عمل فيه بالغلط وانه رجل مدنى فى كل شىء وتم اختياره للقيام بمهمة الملحق الاعلامى بسفارة السودان فى القاهرة واستغل فترة وجوده هناك بان التحق بكلية الاعلام جامعة القاهرة حيث درس اعلام وتخصص فى الصحافة والنشر وكان فى الدفعة التى تسبق الاخوان بهاء الدين والاستاذ على ادريس الا انه تخرج معهم بسبب مادة الاحصاء التى حملها معه من السنة الثانية وحار به الدليل معها .. وكان يحكى عن ذلك طرف كثيرة منها انه ذهب لعميد الكلية وقال له بالله ادونى شهادتى وبدون احصاء وريحونا فضحك عميد الكلية وقال له ان شاء الله حنمشيك وتنجح باى جهد تبذله وقد كان حيث تخرج عام 1980مع الزملاء الذين ذكرتهم .. بعد تخرجه ذهب لاحدى دول الخليج وعمل فى صحيفة وسرعان ما اختلف مع رئيس تحرير الصحيفة وعاد للسودان والسبب كما قال ان رئيس التحرير ذيل اسمه بمقال كتبه ابوامنة فاحتج وقدم استقالته وقال لى انه قال له وهو يودعه عندنا حاجة اسمها القضارف تشق الارض وترمى فيها البذور فينزل الله لنا المطر وهذا رزقنا الذى حبانا الله به بلا خليج بلا لمة وودعته وذهبت للمطار ..وبعناد الهدندوى لم يخرج من السودان مرة اخرى لاى عملاخر اللهم الا الى لندن للعلاج .. عرف ابوامنة بحبه لشخص جمال عبد الناصر ومن شدة اعجابه به اطلق على ابنه الاول اسم جمال عبد الناصر حسين وكنت حين اقول له جمال فقط يكفى كان يقول لى لاشفى غليلى لابد ان يكون الاسم كاملا ثم ياتى اسمى فاصبح اسم ابنه جمال عبد الناصر حسين ابو امنة حامد .. كان ابو امنة من كتاب صحيفة الايام وكانت تربطه علاقات خاصة بالصحفيين فيها خاصة حسن ساتى ومرتضى الغالى ومحمد الخليفة طه الريفى وكان له مجلس يومى للنقاش مع الاستاذ الطيب محمد الطيب والاستاذ الريفى وجدت نفسي انضم اليهم فى عام 1980 عندما كنت اتدرب بالصحيفة .. وكان يطلق على الريفى تهكما شعب الله المختار عندما يذكر له الريفى مدى تخلف الشرق مقارنة باهل الشمال ويحكى له قصص نميرى مع ابناء الشرق عند زيارته لهم فيصيح ابوامنة فيه خلاص يا شعب الله المختار .. ومن قصصه الاخرى ان خطاط الايام اخطا فى عنوان كان يقول اليوم اجتماع القيادة المركزية للاتحاد الاشتراكى فقلب القاق عين وصارت العيادة المركزية .. كنا فى المجلس نتحدث عن هذا الخطا فقال ابوامنة الخطاط ما غلطان ما صحى عيادة والناس الفيه عيانين.. ايام التكامل الاولى قبل اغتيال السادات كانت مصر كلها تتحدث عن التكامل ووصل هذا الحديث حتى مدرجات الجامعة فتحدث احد الدكاترة عن التكامل بين الشعبين الشقيقين وحكى الموال الذى يكرره الاخوة فى مصر عن وحدة وادى النيل فقام ابوامنة وهب بضجر وتحدث وقال لهم الكلام عن وحدة وادى النيل والشعبين الشقيقين فى اجهزة الاعلام بالطريقة دى نقبله اما ان يتحول الموضوع الى شىء جدى والله نحنا هنى كلنا كسودانيين نقول السودان للسودانيين ونبقى حزب امة ..فبهت الطلاب من طريقته وحدته فى الحديث فقال لهم احد الزملاء انه ككل السودانيين هو هكذا... نجاملكم الى ابعد مدى ولكن فى لحظة من اللحظات نتغير ونعكر مثل نيلنا بدرجة عكسية وهذا لن تفهموه بالساهل لان هناك تراكم تاريخى يحفظه كل سودانى عن مصر ودورها مع الانظمة السياسية فى السودان وخاصة الشمولية منها وموقفها من النظام بعد ثورة اكتوبر .. ابو امنة مثال للشخصية السودانية المعتزة بنفسها وبوطنها لابعد الحدود وكانت له وجهات نظر كثيرة يفصح عنها علنا ولا يجامل فيها احدا وهذا احد اسباب عدم استقراره فى وظيفة واحدة وكان ينتقل من وظيفة لاخرى ويترك العمل لابسط االاسباب ويقول انه لو استمر فى العمل يخشى ان يسبب اذى لاخرين فاحسن حاجة يبتعد عنهم .. فى احد المرات ذهب لمكتب اسماعيل الحاج موسي فى وزارة الاعلام فقال انه وجد منتظرين فى الاستقبال فسال السكرتيرة التى اخبرته انه فى اجتماع وعليه ان ينتظر مع الاخرين وجلس مع المنتظرين .. فى هذه الاثناء جاء محمد محجوب سليمان المستشار الصحفى لنميرى وسال السكرتيرة ...اسماعيل الحقى موجود وامسك بعكرة الباب يريد الدخول وهنا هب ابوامنة واقفا وقال له حقى موسى ولا حق زفت نحن هنا مابتدخل قبلنا لو انطبق السماء مع الارض وبدات الهيصة الى ان خرج اسماعيل من مكتبه وفض الاشتباك فى اوائل عهد الانقاذ سرت اشاعة شارك فيها اعلام الحكومة بان ابوامنة انتقل الى رحمة الله . وكتب موسي يعقوب معزيا الشعب السودانى فى فقد الشاعر الكبير فى صحيفة الانقاذ وقرا الناس الصحف وذهبوا ليجدوا ابوامنة امامهم وقال لهم ديل مش يكتلونى قبل يومى ديل حيقتلوا الشعب السودانى كله بالطريقة دى .. وبعد ايام من هذه الحادثة جاءنى فى السوق العربي واول ما بادرته اهلا بالمرحوم فضحك وقال لى ما بتجى تعزى فينى ليه انا من الحادثة دى عرفت منو القريب لى والبعزنى منو ما شفتك ضمن المعزين واتممنا باقى القصة ضحكا و.. هذا اليوم جاء اليوم وسوف ياتى الى كل انسان فى يوم من الايام انه الموت انه الحق الالهى الذى ننتظره ونكرهه ولكنه ات لا محالة وكلنا لها رحمالله ابوامنة واسكنه فسيح جناته وانا لله وانا اليه راجعون . صدق الله العظيم )

Quote: يبدو يا الطيب انو مبدعى بلادى اقدارهم متشابهة شىء قريب من هذا حدث للدكتور احمد الطيب اول عميد سودانى لبخت الرضا واول عربى يحضر دكتوراة فى المسرح وقام بترجمة مسرحيات شيخ الزبير قصدى شكسبير الى الدارجية السودانية ومثلها طلابه ببخت الرضا - ويشير العديدون العالمون بباطن الامور ان احمد الطيب ما هو الا مصطفى سعيد بعد رحيله المفجع والغامض فى عام 1961م والذى تشابه مع نهاية مصطفى سعيد - والله يا الطيب حقو نعمل ليهو بوست خاص لانو احمد الطيب يستاهل -- لكم التحية ايها الثلاثى -

Quote: ودشيقوق .. اها وانا محشور بين مبدعيين بقي لي كام يوم واحد منهم رحل عن دنيانا والتاني مشغول وما عارف الحاصل لي شنو ؟؟ تصور فكرت الاستعانة بصديق ؟ وكنت افكر ..منو البقدر يملي كل الخانات ويعرف معلومات وفي البال ودحماد .. اها جيت هنا لقيتو كالعادة اتي للنجدة دون ان اساله ؟ ربما قرء خاطري واتي ..المهم اتي لينجدني وينجد هذا البوست الواعد ولو انو ودشيقوق اقحمني فيهو مخصوص "توريطة يعني وتصفية حسابات " وانا اجهل من اكون محشورا بين الاثنيين ..

Quote: يوم القيامة حن الملائكة فى حال ادروب من الزحمة وخاطبوه يا ادروب جنة ولا نار عشان نوصلك بسرعة رد ادروب القريب من كسلا ودونا -

Quote: أنا ليْ في كريمي شايقيي بشلوخها نعتز بي صفاتها ما نجهل تاريخها وما ها المابية ريدتي مو ياها المسيخة

Quote: أبشر..

Quote: الاخ احمد كتر خيرك يا رائع وسترت حالنا مع ابي بكر

Quote: انشاء الله كمان ود المرتضي يحن عليك ويستر حالك في البوست العملتوباسمو دة ؟

Quote: ودشيقوق وحاتك انت مليت راسي

Quote: بعدين انت مالك وقريابي ام احمد وود المحرب ؟؟ سيبهم وارجع لنهرك الجاف والتيمس المغرز وقعدة البلكونة وقهاوي الامهريات ...

Quote: هل تعرف الدلاعة

Quote: انا ما بسجر ولا بستعمل الولاعات ولكن البدلعو الابل هم البعرفو الدلاعة ..مش ؟