دعواتكم لزميلنا المفكر د.الباقر العفيف بالشفاء العاجل
|
|
 زوجات بورداب الرياض يقـررن الانفصال عن ازواجهن !!!!
|
بعدالافطار الجماعي السنوي الذي اقامه بورداب الرياض
يوم الخميس 05/10/2006م بإستراحة أبوالهيثم بالرياض
بحكم الحميمية التي يتسم بها هذا الشمل وضمن انشطتهم
الثقافية والاجتماعية والذي اعـتاد بورداب الرياض
اقامته سنوياً، قررت زوجاتهم الانفصال عن ازواجهن
في مثل هذه المناسبات والتجمعات التي تخص بورداب
الرياض بسبب عدم اصطحاب بعض البورداب زوجاتهم
والحضور بأنفسهم حيث فوجئن في الافطار بوجود عـدد
لا يذكر مقارنة بالنصف الآخر من البورداب المتزوجين
وزوجاتهم ويقمن معهم بالرياض خاصة وأن هذه المناسبة
ليس لها صلة بشخص بعينه أو حدث بعينه بل تعتبر
المناسبة الوحيدة الجامعة لكل الناس ولها خصوصيتها
ويجتمع عليها مختلف اللوان الطيف السياسي والثقافي
والاجتماعي .. الخ مما استفز احساس زوجات البورداب
الملبيات ويذكرن انها لست المرة الأولى ولكن في العديد
من المناسبات يحدث ذلك والأبعد من ذلك أن بعض البورداب
لم يحدث أن احضروا زوجاتهم نهائي ووصلن لقرار
الانفصال عن ازواجهن في المناسبات التي تخص
بورداب الرياض .
|
|
 
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: waleedi399)
|
الأستاذة خالدة/ رمضان كريم وحمداً لله على سلامة العودة من الوطن الحبيب ..
كان البرنامج رائعا في إفطار البورداب .. ولكن:
- يتحدثون عن الديمقراطية وحقوق المرأة في الإسلام والحضور رجال فقط!
- نسبة عالية من بورداب الرياض بنصف دين.
- بعض البورداب المتزوجين (مثلي) أسرهم في السودان .
سيظل النشاط ناقصاً .. إن لم ترفده المرأة .. هنا أو في السودان
ليس بمجرد المشاركة الهامشية بل المشاركة الكاملة والحقيقية
وليست الديكورية ..
سعدت برفض حضور النساء الموجودات المشاركة في البرنامج إحتجاجاً ..
فالحرية فعل .. لا يعيشه إلا من يمارسه في الواقع
تصدقي أنو كلمة الشيخ حول نفحات رمضان تضمنت حقوق المرأة بما لا يدع زيادة
لمستزيد فيما يتناوله هذا البوست .. ولكن ما الفائدة إن كان
المغني غائباً ..
Quote: بعد ذلك .. تم فتح باب الأسئلة الفقية للشيخ صابر .. وقدمت له العديد من
الأسئلة من الحضور .. حول رمضان والحج والعمرة .. وأنزلقت الأسئلة لتلامس
السياسية، ونجحت المنصة في إعادة الحوار إلى جادة الأجواء الرمضانية ..
وأعيد الأمر للأسئلة ومناقشة القضايا الفقهية .. حول المرأة في الإسلام ..
وبرزت وجهات النظر المختلفة .. وقد تداخل دكتور شريف بمداخلة فلسفية
مطولة عن فهم دور المرأة في الدين وأن الدين يعطي المرأة حقوقاً عظيمة
حرمت منها بسبب الاختلاف حول فهم النصوص .. وطرح الزميل إسماعيل وراق
بعض المسائل فقهية _ وقال ينبغي إعادة النظر فيها لتتناسب مع المقاصد الكلية
مثل قضايا الميراث والإمامة الكبرى والصغرى .. وتولى المرأة القضاء .. الخ ..
ونظراً لتشعب الأمر وضيق الوقت .. فقد رأت المنصة أن تتاح جلسات قادمة لمناقشة
مثل هذه القضايا . |
المجتمعات الحية هي تلك التي يتفاعل كل اعضائها .. وإلا سيظل
المجتمع (يحمل نصفه المشلولا) .. فيتداعى كله.
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: Mohamed Abdelgaleel)
|
النبيل استاذنا محمد عبدالجليل
مساءك بألف خير ..
| Quote: بعض البورداب المتزوجين (مثلي) أسرهم في السودان . |
يا سيدي ،،
الاعزار كثيرة والناس ليها ظروفها وقدرنا الكثير
من الاعزار وهؤلا ليس معنين بالبوست المعنين هم من
لهم مدامات واسر ولم يقدموا أي عزر ..
والذين لهم اسر ولم ترى النور عبر سودانيز اونلاين
كان من الممكن آتي انا إلى مكان الندوة ولكن
تضامنت مع المجموعة بعد ما سمعت حديثهم
بهذا الخصوص والهدف منه ،،
الأمور التي تفكرن فيها :-
- الطبخ وأصناف الأكلات والحلويات وطريقة اعدادها
و قـيل اقرب طريق لقلب الرجل معدته ...
- الاقتصاد وكيف يتم التوفير والادخار في هذة الغربة
الكثيرة المتطلبات وقليلة الدخل – وطبعاً الجيب دهـ بهم
الراجل .. و جاء فكرة عمل جمعية ( صندوق ) ولو بالقليل .
- التعليم والمغتربين والظلم والاجحاف الواقع عليهم في
- هذا الجانب رغم المعاناة التي يعانونها في هذا الجانب
- وجوانب اخرى الا يكون لهذا الرأي وجود أو صدى
- اذا كان عبر كيان اعلامي ضخم مثل سودانيز اونلاين
- وكيف يكون التفكير فية عندما يكون من الجانبين
- الرجال والنساء الا يكون له وزنة ...
- التربية ومدى صعوبتها في أرض المهجر وكيف يتم
- التوفيق بين اختلاط الأولاد في المدرسة وفي الشارع
- والتغلب على سلوكات هذة الاماكن في البيت مع
- مقارنتها بالسودان وما يجده الاولاد من تربية وهم
- في المدرسة وهم في الشارع وما يتعلمونه من قيم
- واخلاقيات بسبب عاداتنا وتقاليدنا .
- العودة الطوعية للوطن والحلول والخيارات الصعبة
- والسودان مازال طارد بشهادة الجميع بمختلف فئاتهم ..
- جميعاً نكن الحب والود للوطن الغالي ونسعد بوجودنا فيه
- ولكن كيف ؟؟؟؟؟ الكثير من علامات الاستفهام يمكن أن
- توجد حلول ولو وسطية في هذا المجال .
- الصحة والرعاية الصحية في السودان ...
الكثير من المحاور ولو يتسع المجال يكون هناك الكثير من
الابداع الادبي والفني والفكر المنير لكن غلبت هذة الاشياء
لانها تمس الجميع في الوتر الحساس ..
شكرا محمد على مرورك الجميل وخليك قريب نحتاج للمذيد عن
ذاك اليوم الاتحرمنا منه ..ط
دمت ،،،
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: ابو جهينة)
|
الزعيم ابوجهينة
الامسيات الجميلة والتفؤل والامل
المرسوم على جبينك
لك التحية والود ،،
كان اليوم جميل بالحماس الللا محدود بالالفة العجيبة والحميمية
المرهفة بين البورداب ..
لا.. ولا ..
للإنفصالية
الله ما جاب انفصال ولكن حبينا نلفت انتباه من لم يحضروا اسرهم
لأهمية الموضوع ومدى اللوم الواقع عليهم ..
هدفنا لم الشمل كامل وليس البورداب بمفرهم بل باسرهم ..
دمت ايها الزعيم ..
في انتظار اتصالك ..
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: ود الباوقة)
|
الحمد لله لم اصنف من البوردابيين حتى هذه اللحظة ولو سمعتي زوجتي انني بقيتي بوردابا فسترسل كوندوليزا بنت رايز لاجراء انهاء علاقتها بي اصلا اليومين دول كوندوزا حايمة بي جاي.
والخوف كل الخوف من حبيبنا ابو جهينة الذي ما أن ترتفع عقيرة النساء المطالبات بالطلاق يقشعر بدنه.
وانا عارف انو ناس المجتمع المدني في الرياض كلهم على كفة عفريت من زوجاتهم اللائي يعانين مر المعاناة من توهان ازواجهن في استراحات الرياض وربما بنت ليزا لو جات هنافي واحدة من استراحات الرياض لكانت حلت قضية السودان دون الذهاب لناس الحكومة العرفوا ليها ما عايزين شكلها تاني.
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: ود الباوقة)
|
| Quote: انا غايتو يا ريس زوجتي دخلت الغابة من صباح الجمعة وهي في التشكيل نائب رئيس عمليات اللواء الرابع مشاة خنشليلة .. |
استاذنا الفاضل
زوجتك من الاساسيات وهي الخير والبركة في التجمع
وما شالله عليها حريصة ومواصلة ذكرتني بالخالة فوزية وانعام الموج
خليكم بورداب حمشين وحلوا القضية وما تفقدونا مثل هؤلا النساء ..
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: محمد زمراوي عبدالعزيز)
|
محمد زمراوي
لك النفحات والدعوات الرمضانية
تصوم وتفطر على خير
مالك يا بوي بتتبرا من البورداب ديل بورداب الخير والبشرى
وبالعكس زوجاتهم مبسوطات عليهم وهم يخدمون بالتجمعات المدنية
ولكن في حاجة لمشاركتهن واولادهن بالاستراحات والطلعة من الاربعة
جدران والاحساس بوجودهن ومشاركتهن ..
ومناقشة قضاياهن فيما بينهن ..
ودة حق من حقوقهن ..
دمت ،،
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: ود الباوقة)
|
اللأخ الفاضل ود الباوقة
اطيب الاوقات واسعدها
رمضان كريم عليك
كان اليوم جميل بوجودكم ونفحات من الود تسود المكان
القرار كان قرار حاسم ولا يخضع إلى اي مناقشة واجتهد كثيرا
لتهدئة النفوس ولم يكن قراري بل تضامنت مع القرار لصحته
وموقفه الثابت كانت لديهن الكثير من الاسئلة يردن الاجابة عليها
في امور الشرع والدين ولكن خزلن ..
اما صاحبة القرار لم يكن قرار جهة واحدة بعينها بل كان قرار
جماعي ايدته جميع الاطراف ...
مالم يكن هناك اعتذارات مقنعه ..
اخي ود الباوقة خليك قريب ..
دمت ,,,
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: خالدة البدوي)
|
العزيزة خالدة البدوي
رمضان كريم ولكن يبدو انك جيتي ثورية من السودان
طبعا لا يصح الا الصحيح
والاحتجاج مقبول وفي محله
وكل الديانات السماوية والاعراف كفلت للمرأة حقوقها
ونحن كما ندعي اننا طبقه مثقفه ومستنيرة من المفترض
انه نكون اكثر حرصاحضور المرأه وأبداء رأيها ومشاركتها بفعاليه
لكن هناك ظروف موضوعيةادت الي هذا الحضور النسائي الضعيف
منها ما ذكره الزملاء سابقا
ومنه مرض الاطفال مثلا
وحضور ضيوف فجاءه بدون موعد اوموعد نسائي بحت
وايضا افطار جمعية التراث كان في نفس اليوم
وعموما الناس بتستفيدمن تجاربه
ونحن مع الاحتجاج حتى اللوم والتوبيخ
لكن كمان ما لحد الانفصال ودخول الغابه
وانا بحذر في ناس بايعين
ودمتم
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: طارق عبد اللطيف نقد)
|
الصديق العزيز طارق نقد
رمضان كريم
تصوموا وتفطروا على خير
لكم الدور الكبير في نجاح ذاك اليوم
نتمنى أن يكون لكم الدور الكبير كذلك في اخماد هذة الثورية
وحل هذى القضية ..
والاعزار مقبوله لكن في ناس ولا اعتزروا ولا جابو مداماتهم
ولو كان هناك حرص من كل بورداب ما كانت الثورية ..
| Quote: يبدو انك جيتي ثورية من السودان |
من العلي ..
الجيتبيهو هين ..
دمت ..
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: حمزاوي)
|
اخوي العزيز حمزاوي
مسكاقمي ،،
رمضان كريم عليك
| Quote: أنا واخوي احمد حنين عزابة |
على العين والرأس ايها الخال العزيز
ودة كلام زوجات البورداب وبعظمة لسانهن الكلام دة
ما من عندي انه الزوجاتهم ما مقيمات أو عزاب
براه من القرار يعني ما تسمع المدام في السودان
وتقوم تجي بنفسها .. تلقي القرار
اللهم إني بلغت ...
وبعدين اقوليك ياالخال تجمع مافيه انت مسيخ عديل
مودتي ،،
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: Mohamed Abdelgaleel)
|
الأخت العزيزة خالدة البدوي..
انا جيت داخلة البوست ده بمبدأ المديدة الحارة..
قلت اشوف المشكلة شنو واشعللها واطلع لي براجل مره يكون كااااارب..
اها الموضوع طلع غير..
عموما بخصوص مشكلتكم موضوع النقاش فانا بقترح اننا نحصر كل البورداب
المستقرين هنا ومعاهم زوجاتهم..ونعمل لمة تانية في استراحة وتكون
نسائية بحتة..يعني زوجات البورداب وبوردابيات الرياض(هم كم؟)
المهم يا ستي نتلما معاهم ونتونس ويكون في علاقات لذيذة واي واحد
في اللستة لازم يجيب زوجته والا اللجنة تتخذ اجراءاتها ضده...
اي اعزار من نوع الولد حرارته مرتفعة شوية.. ولا جايننا ضيوف
غير مقبولة..
توصلوا النسوان وترجعوا البيت تمسكوا الشفع وتضيفوا ضيوفكم
وتجوا راجعين تسوقوا نسوانكم..
ده اقتراحي عشان المتمردين في الغابة يرجعوا والانشطة الجاية
تكون اكتر حضورا وفعالية..
شكرا يا خالدة ودمتي..
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: رشا سالم)
|
العزيزة د/ رشا
لك الود ،،
شفتي رفيقتي البوردابية كان كنتي جيتي
داك اليوم يمكن كنا عملنا مظاهرات وفركشنا
الندوات عشان خاطر زوجات البورداب ..
فكرتك حلوة نحن عشان نتفاهم كويس نخلي ازواجهم يطلعو
منها ونلتقي بهن نحن وبقية البوردابيات ونراضيهم
على الاقل عشان خاطر زملاونا البورداب ..
عشان نرجع الالهام ويرجعوا يكتبوا حاجات تفتح النفس ..
اسعدني مرورك الجميل ،،،
مودتي ،،،
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: ود الباوقة)
|
شنو يا جماعة انعام ود الباوقة ما يقصد
بس انت عارفه جعلي ومتحمس وحتة زوجات
البورداب دي عاوز يحلها ..
اخوي ود الباوقة مقدرين حماسك لكن انعام وضعت نفسها
مكان زوجات البورداب بس ده الموضوع ..
ياجماعة انتة بقيتو حساسين كدة مالكم هدو اللعب شوية
بس ساعدونا عشان نخلق شيء جميل من الموقف دة ..
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: مهدى الصادق السيد)
|
يا استاذة ...... خوفتونا بالعناوين ..انتي وبكرى الصايغ قال في بوست واحدة اخذت حكم( بالخلع ) عشان زوجها (بلدي خالص) بيتكلم عربي داخل البيت (المفروض لغات اجنبية ) !!
قلنا يمكن هنالك مؤآمرات تحاك من ورانا.. ويخلعونا النسوان ..(وخاصة المصدر جهة انثوية !!)
اولا.. وبعد ان اطمأن قلبي وعرفت ان مافي انفصال ولا خلع بالمعني الى وصلني من العنوان
اعتذر للجميع بعدم تمكننا من الحضور لظروف (خاصة وعامة) حيث اعتادت اسرنا في استقبال الاخوة والضيوف في ايام رمضان وخاصة في نهاية الاسبوع ويصعب علينا تناول الافطار خارج الدار ..وخاصة في نهاية الاسبوع ..
تخريمة
الاسرة وعلى رأسهم السيدة الفضلى حرمنا ( لازم نقول كده عشان خايفين من الخلع الماشي اليومين دول ) كانوا عاوزين الخروج من الروتين الرمضاني والتواجد مع اسر بورداب الرياض .. ولكن خاب ظنهم بهجوم مباغت ..
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: مهدى الصادق السيد)
|
اخونه مهدي الصادق
رمضان كريم
كل سنة وانتم بخير ،،،
هن معهن حق لانهن ماقصرن وهذه عادتهم دائما
| Quote: وبالله كان الحضور ضعيف كيف يصوروا لينا الحضور بصورة مغايره |
اخوي مهدي انا ما قلت الحضور كان ضعيف
Quote: بسبب عدم اصطحاب بعض البورداب زوجاتهم
والحضور بأنفسهم حيث فوجئن في الافطار بوجود عدد
لا يذكر مقارنة بالنصف الآخر من البورداب المتزوجين
وزوجاتهم ويقمن معهم بالرياض |
البورداب المتزوجين وليس الحضور ..
الف سلامة والجايات اكثر من الرايحات
دمت ،،
| |
|
|
|
|
|
|
|
|
 Re: زوجات بورداب الرياض يقـررن الانفصال عن ازواجهن !!!! (Re: انعام عبد الحفيظ)
|
| Quote: وبالله كان الحضور ضعيف كيف يصوروا لينا الحضور بصورة مغايره |
استاذنــا مهدي الصادق ..
سلامات ولتسمح لي الاستاذة خالده البدوي لدخول البوست عبر مداخلتك .. اتمنى يا استاذ مهدي ان اوضح لك ما التبس أو ما مر لك من مداخله محددة ..
اولاً عددية الحضور لم تكن بالعددية الضخمة ولا هناك من الأخوة من روج ( بصورة مغايره ) لاننا في الاساس في كل مناسباتنا لم نتبع هذا النهج الترويجي .. وإذا اردنا الحشد لكان لنــا .. ونعلم جيدا كيف ندبر هذا الأمر .. هذا الجمع السابق تعمدنا فيه عدم إرسال اي دعوات مكتوبة واعتمدنا في الدعاوي على العضوية .. فقط وهناك ما اجبرنا على هذا الفعل .. وسنقوم بمعالجة هذا الأمر لاحقاً لاحساس البعض بوجود من يحاول دائما افساد كل عمل جيد ومنظم ويخدم الكل ..
حببت فقط أن اثبت لك ان ليس فينا من روج بشكل مخالف للحقيقة وكل الذين كانوا حضور في ذاك اليوم .. امنو على العديدة الموجودة برضاء تام .. واضافو أن من كان فينا ملتزم بشكل جيد ويعمل بالروح الجماعية مع كل الأفراد فمرحباً به أما من كان يأتينا من أجل ان يكبر الكوم لكن يفعل فينا كما يفعل السرطان ( حماك الله وحمانا بالجسد ) .. فالافضل ان يمارس افعاله في مكان آخر..
ادري حجم مشغولياتك يا استاذ مهدي .. وظروف عملك المزعجه .. كما أدري حرصك دائما على الحضور وحتى الاتصال والمواكبة .. أو الاعتذار هاتفياً .. هذا فقط يكفينا .. لكن تجاهل البعض ..والغياب دون الاتصال أو تجاهل دعوات البعض .. فهذا الأمر يجعل في النفس شئ من الحسرة .. وهذا ما دفع أخوات ( خالدة ) بالقيام بهذا التمرد .. الغير مسلح ايمانا منهم بدورهم في خلق جزور من التواصل .. بين الجميع أو حتى لو كان على نطاقهم النوعي ..
..
خــــالدة
والله ان كنت متابع من بره وعامل فيها لاعب دور خبير اجنبي .. ومن المراقبين الدوليين .. وكنت منتظر المسالة تحمى شوية .. بعدما تم الاستعانة بي تدخل ( نوعي .. دولي ) ( انعام عبد الحفيظ مثال )
احي لجنة الدعم اللوجستيكي ...
..
لكن بي صراحة كده ..
ما كنت فاكر انكم بسررعة كده بتعملوا ( تطبيع ) ... ويخموكم الجماعة ديل
البشوف الفورة بتاعت المرة الفاتت والأرهاب الاتوجه لي طارق نقد يقول خلاص .. المسالة جاطت ..
الحمد لله .. نحن .. الفي البر عــــوام..
يوم أرهابنا لسه ما جــاء ...
وبوستات ( ضبحان كديسة ) زي دي .. بتخلي الواحد يفتح عينو .. من حسع دي
مزيدا من التعبير .. مزيدا من المطالبة بالحقوق .. مزيدا من القمع
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: tmbis)
|
الأخت خالدة
رمضان كريم
وحمداً على العودة بسلام
زمان (دي ما عندها أي علاقة بزمان كنا بنشيل الود).. زمان كان لإحتفالات بورداب الرياض طعم خاص، وخاص جداً، وهذا لا يعني ما يتم مؤخراً أو ما سيتم ليس له طعم ولكن ليس كالأول.. البوردابيات بالإنتساب كن حضور ومشاركتهن فاعلة..
أنا ما داير أتكلم في الإفطار الأخير لأني شخصياً لا أود إفساد ما تمّّ وقطعاً للقائمين أجر الإجتهاد ولكنه لم يكن كالإفطارات السابقة,, وكلام تمبس الأخير دا عين العقل.. يعني لازم يكون في تقييم صحيح للعمل علشان الناس تمشي إلى الأمام.. وربما تأخير الإعلان عن الإفطار كان السبب خاصة وأن العديد منا يرتبط بمناسبات مسبقة... زمان تاني جيتكم لي زمان دي... زمان كان يتم الإعلان عن الإفطار قبل شهر أي قبل رمضان ما يدخل.. وعلشان كده كان الحضور مميز كما ًونوعاً... شفتو الشغل كان كيف.
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: إسماعيل وراق)
|
Quote: ود الباوقة ده من المناصرين ليكم
بس خايف من المتحركات الجاية عليهم |
الاخت الكريمة انعام ..
كلامك صاح انا والله من المناصرين لهن حتى ان زوجتي كانت اول من وصلت الاستراحة وكنت الح عليــها بالخروج المبكر من البيت حتى انها نسيت بعد المستلزمات . عشان كدا كانت غضبتها غضبة الاســود
وقرارها دخول الغابة كان فجر الجمعة اي مع السحور وذلك بالتضامن مع متحرك غبيرة وقائـــــــد القوات البرية صاحب البوست
يلا يا تمبس ومعتصم همتكم معنا ....
المشكلة هي هددت وقالت اي تراجع من الفصائل الاخرى سوف تضرب في العمق ..
ود الباوقة
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: ود الباوقة)
|
Quote: والله ان كنت متابع من بره وعامل فيها لاعب دور خبير اجنبي .. ومن المراقبين الدوليين .. وكنت منتظر المسالة تحمى شوية .. بعدما تم الاستعانة بي تدخل ( نوعي .. دولي ) ( انعام عبد الحفيظ مثال )
احي لجنة الدعم اللوجستيكي ...
|
ياتمبس انفع خبير دولي ؟؟؟
يا خالده بعد انا عايزة بالدولار مش بالريال
كتب ود الباوقة
Quote: المشكلة هي هددت وقالت اي تراجع من الفصائل الاخرى سوف تضرب في العمق ..
|
ده الكلام المليان
الموضوع غاية في البساطة والفكرة جميلة
وهي المشاركة والشراكة وكل ما أتت الاشياء
بفهم بسيط وبدون تكلف وعقد(بضم العاء وفتح القاف)كان اجمل
ومطالبة خالدة البدوي وزميلاتها مشروعة
واذا فكرنا فيها بهدؤ نجدالفكرة تستحق المناصرة
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: welyab)
|
الرائعة دوما خالدة
كل سنة وانتي طيبة وألف حمدلله على السلامة
طبعا أنا وأعوذ بالله من كلمة أنا 00 طبعا
طلعت من الموضوع عشان زوجتي في السودان
وأكيد لو كانت هنا سوف تكون من بوردبيات الرياض
ووسط كل الأحتفالات والمناسبات 00 هذا المجتمع البوردابي
الشفيف الظريف 00
مع مودتي 000
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: عثمان سيد أحمد)
|
استاذنا عثمان سيد أحمد
انت براة ونحن عارفين
يزدان تجمع بورداب الرياض بإكتمال زوجات البورداب
المقيمات معهن ..
نتمنى من جميع البورداب تقديم المقترحات والتوصيات
والوقوف بجانب زوجات البورداب في اتفاقية نيفاشا2
ولمذيد من الاستفسار الاتصال على معتصم دفع الله ،،
لك التحايا الرائع الجليل عثمان سيد احمد وكل سنة وانت طيب
تحياتي وودي ،،،
| |
|
|
|
|
|
|
|
|
|
Re: زوجات بورداب الرياض يقـررن الانفصال عن ازواجهن !!!! (Re: عثمان سيد أحمد)
|
استاذنا عثمان سيد أحمد
انت براة ونحن عارفين
يزدان تجمع بورداب الرياض بإكتمال زوجات البورداب
المقيمات معهن ..
نتمنى من جميع البورداب تقديم المقترحات والتوصيات
والوقوف بجانب زوجات البورداب في اتفاقية نيفاشا2
ولمذيد من الاستفسار الاتصال على معتصم دفع الله ،،
لك التحايا الرائع الجليل عثمان سيد احمد وكل سنة وانت طيب
تحياتي وودي ،،،
| |
|
|
|
|
|
|
| |
خالدة البدوي
د.محمد حسن
waleedi399
Mohamed Abdelgaleel
ايهاب نميري
ابو جهينة
محمد زمراوي عبدالعزيز
طارق عبد اللطيف نقد
معتصم دفع الله
انعام عبد الحفيظ
رشا سالم
nassar elhaj
welyab
tmbis
إسماعيل وراق
عثمان سيد أحمد
فيس بوك
تويتر
انستقرام
يوتيوب
بنتيريست