دعواتكم لزميلنا المفكر د.الباقر العفيف بالشفاء العاجل
|
|
 تلاتة ملايين دولار !!!! وروروووووك !!
|
ليست المشكلة في أن تفكها ..
لكن المشكلة أن تفكها ثم تصدقها ..
و مثل هذه الفكات تذكرني دوماً بحكاية أشعب و أولاد الحلة ..
يقال أن أشعب مر بصبية في الحلة قاعدين تحت النيمة فأرادوأ أن يتشفتنوا عليه و يعملوا له حركات شخارم بخارم و يملأوا وقت عطالتهم بمشاغلته و لعب السك سك معه .. لكن أشعب كان تفتيحة و نقش الأمر طوالي .. فقال لهم في دار ست النفر صبحية قاجة و بها من أطايب العضة مالا يودي التوج ..فهرع الصبية جاكين إلى بيت ست النفر كعادتهم حفظهم الله في مكاجرة بيوت العضات .. أما أشعب فما لبث الا شوية كدا حتى كسح وراهم و هو يقول : والله يمكن ست النفر دي يكون عندهم صبحية جد .. جد ..
قال تلاتة ملايين دولار ..
يا راااجل ..
دردقي بشيش .. بشيش ..
و يحك أن تفكها هكذا ..
أو داقسون نحن ؟؟
أم عايزنا ناكلها في حنانا و نصدقها كدا ..
و ما نفتح مكسرنا دا ؟؟
ياخي كضب
زي ما تكضب
و قول
قالوا لي ..
و حدثني أبي شفتنة عن أم كوراك ..
لكن بس ما تفكها و تصدقها ..
|
|
 
|
|
|
|
|
|
|
|
Re: تلاتة ملايين دولار !!!! وروروووووك !! (Re: ناصر البطل)
|
أهلاً يا دجانقو ..
| Quote: التلاته بتاعات ديل شنو |
التلاتة ديل بتاعات الخيانة يعني البطل برة ..
| Quote: حكينا القصه عشان نركب البص |
القصة ما حكوها و ملت البلد عشان كدا البص خليهو أركب حصانك و شتت ..
| Quote: و الشمار كلو ما يكون حار بيكون اسهل في البلع و اخفه علي المعده |
بس الشمار لما يكون ما مغربل ما بتتبلع ..
| Quote: لعلو مافي عوجه بس؟ |
وروروووووك .. وروروووووك ..
| |
|
|
|
|
|
|
|
|
|
Re: تلاتة ملايين دولار !!!! وروروووووك !! (Re: عصام دهب)
|
عصَومة
ربما نختلف في حجم المبلغ المذكور
لكن بوسع من حاول حظر الموقع ان يفعل اكثر من ذلك
ويجب ان لا ننسى هذا:
Quote: بيان صحفى
السودان: حجب موقع سودانيز اون لاين انتهاك لحرية الرأى والتعبير
يجب على السلطات السودانية أن ترفع الحجب فورا
القاهرة فى 10 يوليو 2004
القاهرة فى 10 يوليو 2004 ، أكدت الشبكة العربية لمعلومات حقوق الإنسان اليوم أن الحجب الذى فرضته السلطات السودانية على موقع سودانيز أون لاين .
http:// www.hrinfo.net/press/04/ www.sudaneseonline.com
يمثل انتهاكا واضحا لحرية الرأى والتعبير وانتكاسة للحق فى تداول المعلومات
فوفقا لما أورده السيد/ بكرى أبو بكر فى رسالته للشبكة العربية لمعلومات حقوق الإنسان قد فوجئ فى السابع من يوليو الجارى بقيام الهيئة القومية للاتصالات بحجب الموقع بالسودان وعلى أثر اتصاله بأحد المسئولين بالهيئة المذكورة تم إبلاغه أن الحجب تم بناء على قرار من جهاز الأمن الداخلى بالسودان.
وقال جمال عيد المدير التنفيذى للشبكة العربية لمعلومات حقوق الإنسان " إن حجب موقع سودانيز اون لاين ، يعد حلقة ضمن سلسلة من الانتهاكات التى تمارسها الحكومة السودانية تجاه مواطنيها، ونفيا لانفراجه سياسة تزعم السلطات السودانية حدوثها"
وطالبت الشبكة العربية السلطات السودانية برفع الحجب فورا عن موقع سودانيز اون لاين ، إعمالا لنص المادة 19 من العهد الدولى للحقوق المدنية والسياسة التى تكفل الحق فى التماس المعلومات والأفكار ونقلها للآخرين لكل إنسان وإن تنأى السودان بنفسها عن الانحدار فى هاوية الدول أعداء الحرية.
خلفية
أنشئ موقع "سودانيز اون لاين " التابع لشركة بيان للمعلوماتية فى عام 2000، ويديره السيد/ بكرى أبو بكر ، وهو موقع يسعى لنشر المعرفة بالأمور السياسية والاجتماعية لسودانيى المهجر ثم أصبح ضمن المواقع الأشهر سودانيا عربيا، لما يمتاز به من احترامه لمبدأ حرية الرأى والتعبير لكافة مشاركيه سواء أكانوا حقوقيين أو سياسيين أو فنانين وغيرهم
للاطلاع على موقع " سودانيز اون لاين " اضغط على الرابط:
http://www.hrinfo.net/press/04www.sudaneseonline.com
ولمطالعة بيان الحجب ، اضغط هنا:
http://www/sudanhosting.com |
http://www.aad-online.org/2004/ArabicSite/Arabiclinks/26-8ar/aad24/4.htm
| |
|
|
|
|
|
|
|
|
|
Re: تلاتة ملايين دولار !!!! وروروووووك !! (Re: حيدر حسن ميرغني)
|
حنين يا حيدر
تحياتي
| Quote: ربما نختلف في حجم المبلغ المذكور |
تعرف يا حيدر المبلغ دا بس بالسوداني يساوي كم ؟؟
ياخي لو الحكومة بتدفع مبلغ قدر دا عشان فلان ما يكتب و فلانة ما تسكلب و زعطان ما يهضرب .. الكلام دا ما معناهو نحنا بقينا شعب أولاد راحات عدييييل كدا.. عشان كدا مفروض الحكومة كمان تشتري حمام و تطيروا .. لله ساكت كدا ..
| Quote: لكن بوسع من حاول حظر الموقع ان يفعل اكثر من ذلك |
أيووة يا حيدر ممكن يحظروا الموقع و دي ما بتكلف ليها تلاتة جنيه .. لكن يدفعوا فيهو كم ما عارف .. دي واسعة تلاتة شويات..
تحياتي
| |
|
|
|
|
|
|
| |
عصام دهب
ناصر البطل
حيدر حسن ميرغني
فيس بوك
تويتر
انستقرام
يوتيوب
بنتيريست