|
|
|
 Re: هؤلاء السمحين.. (Re: محمد المرتضى حامد)
|
اجر وعافية يامولانا .....
قالوا اللوم بجي بالغفلات ! فقد فاتني معاودتكم في البوست الأصلي
دحن ممكن تقبلوا عذرنا و تلحقونا بكشف السمحين ده ..
وياود شيقوق جهز لي استئناف كااااارب مدعم بالسوابق القضائية كان طلبي ده اترفض .......
| |
 
|
|
|
|
|
|
|
|
Re: هؤلاء السمحين.. (Re: saadeldin abdelrahman)
|
| Quote: ربنا يبعد عنك الشرور شقيق ما تقبل |
مساء الخير - قُلنا- يا الأمير.
(شقيش) كلمة مريحة ..
(قولي يا مروِّح)..
يا الأمير..
إنت منظر يفرح رؤاك .. إنت ديما الخير في (دعاك)
(نسعى) نحن وطالبين رضاك .. تمسى بالخير ويسعد مساك
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
يا سمح الروح و الكلام الف حمدلله على السلامه ... شفت بوست ودشيقوق و قلت أمشي و أجيهو راجع بالراحه ... و عييييييييك ... المعذره
يا سيدى نعمل ليك كرامه رايقه بي هناك و تونسنا عن الحوادث و الأحداث
تحياتى و أمنياتى بالصحه و العافيه و عام جديد أقل بؤسآ و أكثر إشراق
| |
|
|
|
|
|
|
|
|
 Re: هؤلاء السمحين.. (Re: esam gabralla)
|
يا أُستاذنا محمد المرتضى حامد. غفلنا وحصل اللوم،
لكن براحات عفوك يتقاصر أمامها الشعور بالتقصير
الذي تمدد في داخل نفسي. يا زول يا سمح يا زين
دماثة خُلُقك وتوشحك بوشاح العفو حملني علي التقصير،
فمعذرة...
| |
|
|
|
|
|
|
|
|
|
Re: هؤلاء السمحين.. (Re: معاوية المدير)
|
| Quote: دحن ممكن تقبلوا عذرنا و تلحقونا بكشف السمحين ده .. |
عمر عثمان
تجلت لي عظمة الكثيرين ممن اختلفت معهم في رؤى لكنهم كانوا من أوائل من
كتب داعيا واتصل مواسيا،
دروس في السماحة..
أتمنى على المولى أن يحفظهم جميعا حلا وترحالا ..
هم وكل من التقينا في هذا المكان وخارجه،
كثير منهم لم يتوقف بالكتابة بل عاود الإتصال هاتفيا ،
أعلم أن بعض الأحباب – وأنت منهم - ما كانوا ليتأخروا،
فقط باعدت الظروف بينهم وبين المنبر فلك ولهم الود .
زي ما قال الراحل صالح الضي
(نحن ما ناسك ..)
يا عمر..
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
يا حيدر تتذكر وداليمني ؟
(أبوك تعبان يغزغز في الهواليق
يسوق الساقية فكة ريقو دفيق
يفتل في الحبال ما خلا شيتن أسمو أشميق
يرسل ليك فيشان تقرأ العلم
تلفانا في الضيق
وإنت أتاريكا في بلد الترك ولداً مطيليق
ويا خسارة عيشنا ما أكلو الجراد والحكمة متيق
إنت يالناسينا أنا ما برضالك الشين
الله يغفر ليك حقوق الليك والدين
الرزق عند سيدو رسلوا لينا في الحين
والله العيش قواسيب في محلين
وتمرنا نجض ونحش وتجارو واقفين
إن قعدت مع السلامه
وإن جيتنا يا الزين
وإنت إن ما جيت بننتظر السغيرين)
بالله يا حيدر أخوك (قرضان) ينطط في الخوازيق
وانت تاريك في بكان العرس ولدا ...
واخسارة دموعي وسهري فيك 
أبوالعروس..
ياخ ألف ألف مبروك وتهانينا لك وأم العروس ومنتظرينكم بالحفلات ..
سلامي لماضي أبوالعزائم كتير ..
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
وكأني بك تقول : " ومالي لا أرى الهميم ؟ أم كان من الغائبين ؟
هو والله يا جميل من المغيَّبين التائهين ... المتلومين
حمداً لله آلاف على سلامتك
والقلوب الحايمة حولك دي براااها ستكون لك درعاً واقياً من الشرور
أسأل الله أن يديم عليك نعمته وعافيته ويحفظك في حلك وترحالك
أعتذر عن تأخيري
دمت بخير يا مرتضى
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
| Quote: وكأني بك تقول : " ومالي لا أرى الهميم ؟ أم كان من الغائبين ؟ |
 hameem يا هدهد،
أريتك تبقى طيب اِنت أنا البي كلو هيِّن..
يا سيدي إنت بالذات غيابك كِتِر وتلاشت معه ال (أشياء صغيرة جميلة)،
سألتك بالذي سمك السماء تعيدها..
خلينا نعود نقرأ عِوضا عن هذياننا..
تسلم يا عادل..
| |
|
|
|
|
|
|
|
|
|
Re: هؤلاء السمحين.. (Re: عائشة موسي السعيد)
|
Quote: يالرحمته الواحد الصمد القهار!!
ألف حمداً لله على سلامتكم..
وما أجمل الأخوة في السراء والضراء يتقاسمونها
يا حافظ ياحفيظ. |
عائشة موسى السعيد،
نعم ، بدون (د) ، فهناك أسماء تشرِّف الألقاب وليس العكس...
أنت ممن يشرِّف الدرجة..
شكرا لك ..
نعم ، نتمنى لو نتقاسمها فكلنا غرباء وكلنا كم مهمل في هذا الكوكب الذي لايسوى
ذرة في غبار الكون..
ليتهم يعلمون..
| |
|
|
|
|
|
|
|
|
|
Re: هؤلاء السمحين.. (Re: محمد البشرى الخضر)
|
الاخ ود المرتضى تحياتى و سلاماتى
والف سلامة و كفارة ليك يا زول
ربنا يبعد عنك كل شر والحمدلله انت طيب
وبعافية و بخير ربنا يجعل دوما السمحين حولك
كما انت سمحا حول الناس
| |
|
|
|
|
|
|
|
|
|
Re: هؤلاء السمحين.. (Re: طارق جبريل)
|
| Quote: كتبت أعلاه أن الكثيرين لم يكونوا ليتأخروا لولا غيابهم عن المنبر، |
والسماح الجد هو شوف العذر للاحباب
سلامات يا المرتضى وتسلم من كل شر
| |
|
|
|
|
|
|
|
|
|
Re: هؤلاء السمحين.. (Re: طارق جبريل)
|
حبيبنا وعزيزنا محمد المرتضى حامد,,,
الحمد لله كثيرا على النجاة والسلامة وربنا يحفظك لشبابك الحلو
ويخليك ليهم ولينا وإن شاء الله الخٌلعة فكت وآثارها بدأت فى
التلاشى..
فعلا جانا اللوم بغفلتنا الشينة والله خجلتى تتحدث عن نفسها,,
ولا يفوتنا أن نشكر أهل ألمانياو شركة سيارة الشعب العظيمة,,,
فلولاهم لكنا فى أمرا بالحيل ضيق,,
سلامات يا مولانا والحمد لله كثيرا على لطفه وستره,,
وبنتلاقى قريب بإذنه تعالى,,,
عميق معزتى,,
| |
|
|
|
|
|
|
|
|
|
Re: هؤلاء السمحين.. (Re: أبو الحسين)
|
| Quote: يلا تعال أملانا جمكسين ياخي |
قهرتــــــــــــــــــــــــــــــــــــــــــــــــــــــــــــــك بالقاهر و النبي الطاهر يا ودجبرين
حمدلله عالسلامة يا زول يا رائع 
| |
|
|
|
|
|
|
|
|
|
Re: هؤلاء السمحين.. (Re: Amani Al Ajab)
|
الحبيب محمد المرتضى .. ألف لا بأس عليك يا رجل ..
بقرأ وبتابع في قوائم الأسماء الفوق دي ..
زي الممتحن وبيراجع في كشف الناجحين .. وده كلو خوف من اللوم ..
مع الناس السمحين الزيك ... وبسبب الزهايمر المبكر..
لكن اللوم حصل تبْ .. ومن الوش .. بقى في الكيبورد ..
أجر وعافية يا حبيب .. وألف حمد لله ع السلامة ..
| |
|
|
|
|
|
|
|
|
|
Re: هؤلاء السمحين.. (Re: وليد عبد اللطيف)
|
Quote: لا أنشد من هذه المساحة رد جميل أو بذل إطراء لأحد ، فالسمحين الذين كتبوا في بوست
عزيزنا ودشيقوق إبن البردانة لا مكافئ لفضلهم علي ، لكنني فقط وددت أن أذكرهم بدينهم
في عنقي ، جميلهم الذي ربما نسوه لأنهم لايحسبوه دينا بل بعض من أصالتهم وسلوكهم اليومي
الذي لايرجون من ورائه جميلا وهو ديدن جل السودانيين ، أهل المواساة والمروءة
من الذين يدرأوا عنك أثر الخَطب والمصاب قبل أن يعرفوك وأيا كنت وكان اختلافك معهم،
ناس كدا يزيلوا الألم ويطيَّبوا خاطرك (على بياض) |
صباح الخير عليك يا أصيل....والحمدالله على الطلة البهية...هذا من أصلك يا كريم.
تقديرى وإحترامى,
| |
|
|
|
|
|
|
|
|
|
Re: هؤلاء السمحين.. (Re: عبد الله كسلا)
|
| Quote: زي الممتحن وبيراجع في كشف الناجحين .. وده كلو خوف من اللوم .. |
كسلا كل سنه وانت طيب والسنه الميلاديه الجديده كلها - وما بعدها - خير عليك.
إنت بالنيه بس ناجح يا عبدالله وحاشاك اللوم،
يا سيدي لم أجامل حين قلت أن كل من لم يرد ذكره كان بعيدا عن المنبر ..
بل أنا من يعتذر عن عدم ذكر من لم يرد ذكره..
تسلم يا أمير.
| |
|
|
|
|
|
|
|
|
|
Re: هؤلاء السمحين.. (Re: سلمى تاور)
|
سلمى تاور،
كياليهيه..
ودجبرين نمرر ليهو في بخور التيمان يرجعو جمكسين..
الزول دا غلبنا تب ، شوفي لينا وصفه ليهو يا دكتوره..
بهت شكريه.
| |
|
|
|
|
|
|
|
|
|
Re: هؤلاء السمحين.. (Re: أبو الحسين)
|
Quote: ألف حمداً لله على سلامتك يا الحبيب...
وما تشوف شر إنشاء الله... |
ابو الحسين دعاءا مستجاب إن شاء الله،
عارف يا سيدي ، الشر مرات بنجيبوا لروحنا برانا لكن في الحادثة المعنية
أراد الله بي خيرا وأخذت الأمر على أنني لو سلكت طريقا آخرا لالم بي ما لاقبل لي به،
وفي هذا أستصحب (عسى أن تكرهوا ..) ، مش مرات بندعو المولى ألا يكلنا لأنفسنا طرفة عين؟
الكون منظم بدقة يا أبا الحسين.
تسلم من كل مكروه.
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
| Quote: الف عافية و سلامة كفارة وطهور ان شاء الله |
أبو حتوت ..
سلامات أبو النسب،
بتنا آيه كيف..
مهاتفتك جهاز أمن معنوي متكامل
داوم على حبي واسأل على قلبي وما تفكر كلو كلو تنساني..
واحد يا ودالبشرى إتصل بي قال لي كنت عايز أقول ليك ربنا يخلِّيك لكن ربنا ما بخلي زول..
نهاااائي..
بالله مش طمني؟
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
قدر ولطف, يا مولانا.
جاءت متاخرة, لكنها احسن مما لا يتاتي.
السمحيين انت بروازهم الذي يحفهم من كل جانب.
علا خلينا, نحن بنجيب الفوطة,نمسح البرواز كل صباح.
تسلم يا مولانا.
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
مرتضى ازيك
بركة بالعودة
| Quote: ربنا يخلِّيك لكن ربنا ما بخلي زول..نهاااائي.. |
ذكرتني الطفلة الكتبت رسالة عندما طُلب منهم في الفصل كتابة دعاء
Dear God
why don't you let the people who are already here live instead of killing them and making new ones.
طبعا ما عارفة ابن آدم كان خلوه ما داير يقعد
وقديما قال الشاعر
سئمت تكاليف الحياة ومن يعش *** ثمانين حولاً لا أبالك يسأم
كنت عايزة أرسل ليك الرسالة دي بالمسنجر عشان الناس ما يقولوا لي هسة الجاب السيرة دي هنا شنو
لكن كنت الطيب أخوي لازم يشوفها
الدعاء المخلص لك بطول سلامة ورغد عيش الباقي ساهل.
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
المرتضى محمد
بركة الشفنا نور حروفك
وسلامة وأجر وعافية
أفتح السويتش بسم الله
وصلى وسلم على أحمد القرشى الهاشمى
وعيك بالطيب ولا تشاقق
وستبقى لك هذه الوصفة من النوائب عاصما
واترك لنا الدهشة!
| |
|
|
|
|
|
|
|
|
|
Re: هؤلاء السمحين.. (Re: Balla Musa)
|
| Quote: يلا تعال أملانا جمكسين ياخي |
إنت ما برضك حبيبنا والحنان الفي موروكو،
أخوك تاني بتلاقيهو في حوليه أونلاين وبدل البوست يفتح (زاويه)
بس يا طارق بعد زياره ليك هناك وهروله بين طنجه ونواكشوط
الجمكسين ثبت أنه ضار بالمزروعات ويؤثر على كل خلية بشكل كعب
كعب بالحيل..
زي ما قلت ليك قبل كدا ال (DDT) أمريكا زاتا حظرتو..
شكرا على مهاتفاتك يا أصيل.
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
ياود حامد
بركة سمعنا طقطقة كي بوردك.
ياخي زول يمتلك محبة هذا الكم والكيف معقول تجيهو عوجة؟
والله يعلم فقدت هاتفك وبحثت عنه حارة حارة.. ففشلت
واكتفيت من (المحادثة) بالكي بورد.
تحياتي ابو أمجد وما تشوف شر
و حول تهانينا بسبلامتكم للدكتورة أم أمجد
"وتحمدلا"لكم بالسلامة من ام "لين" ولشلة العزابة العزاز عليناالف تحية
| |
|
|
|
|
|
|
|
|
|
Re: هؤلاء السمحين.. (Re: عاصم البنا)
|
ألف سلامة عليك يا أبو أكرم وما تشوف شر إن شاء الله
سلامتك وناس الحوش كرامتك ,, حوش بكري طبعا
سلامنا عبرك لكل العقاب
وكل سنة وإنتو طيبين ,, سنة جديدة سعيدة عليكم إن شاء الله
| |
|
|
|
|
|
|
|
|
|
Re: هؤلاء السمحين.. (Re: Ahmed al Qurashi)
|
Quote: الحمد لله كثيرا على النجاة والسلامة وربنا يحفظك لشبابك الحلو
ويخليك ليهم ولينا وإن شاء الله الخٌلعة فكت وآثارها بدأت فى
التلاشى.. |
أيمن الطيب،
لامن قريت ( يحفظك لشبابك الحلو) إتكيفت للغايه حتى كدت أن أنام على خدر العبارة،
لامن قريت ( ويخليك ليهم ) أفقت على صوت الحقيقة الفادح أن الشباب ولى وعبر وأن
المعنيين من الحديث هم (أيمن) وأخويه..
بالله مش صدق من قال أن الإنسان حيوان متفائل؟
سعدت بالمحادثة ودام الود ولاشك أن اللقاء قريب إن قدَّر المولى..
حاتكتب لينا عن كورس القياده الكنت مستهونو؟
| |
|
|
|
|
|
|
|
|
|
Re: هؤلاء السمحين.. (Re: وضاحة)
|
شكراً لمن زرعوا المحبة
في فصول الشوق
واحتسبوا المودة
من حياء
يااااخي نلاقيك متين ووين؟
انت من الذين يزينون الحياة فلا غرو ان احبك الناس جميعاً في هذا الحوش
المليء بالعراك في غيرما معترك حفظتك العناية.
| |
|
|
|
|
|
|
|
|
|
Re: هؤلاء السمحين.. (Re: عبدالأله زمراوي)
|
كتب الاستاذ زمراوى
"شكراً لمن زرعوا المحبة
في فصول الشوق
واحتسبوا المودة
من حياء
يااااخي نلاقيك متين ووين؟
انت من الذين يزينون الحياة فلا غرو ان احبك الناس جميعاً في هذا الحوش
المليء بالعراك في غيرما معترك حفظتك العناية."
شفت الكلام ده كيف؟؟
صادق و واااافى
| |
|
|
|
|
|
|
|
|
|
Re: هؤلاء السمحين.. (Re: tayseer alnworani)
|
سلامٌ لرجل السلام والمحبة
الصالب بإيقاعات روحه الفتية
عطن هذا الزمان
سلامٌ عليك صاحبنا الجميل الودود
الباذل للضياء
في الإعتام
طبت وأبقاك الله سنداً لأسرتك، لأصدقائك في العالمين، لمحبي بذلك الدافئ...
طبت ودام فينا تنسم أريجك المختلف
وشرك مقسم
كُنا في سُدةِِ الغياب
فعذراً إن لم يكن مداد قلبنا حاضراً في الأوان
| |
|
|
|
|
|
|
|
|
|
Re: هؤلاء السمحين.. (Re: بله محمد الفاضل)
|
Quote: Dear God
why don't you let the people who are already here live instead of killing them and making new ones. |
ههههههههههههها الله يجازيك يا دكتورة اسماء
بالغت باااااااالغت العسولة
| |
|
|
|
|
|
|
|
|
|
Re: هؤلاء السمحين.. (Re: بله محمد الفاضل)
|
سيدى الأكرم محمد المرتضى
ألف لا بأس عليك، و حمد لله على السلامة..
المؤمن مصاب و ربنا يعظم الأجر.
سامحنا على التاخير فى الواجب، مرات الواحد بكون حاضر و غائب و الذهن مشتت..
تحياتى عبرك لكل السمحين، و ربنا يحفظ الجميع من كل سوء..
| |
|
|
|
|
|
|
|
|
 Re: هؤلاء السمحين.. (Re: Abuzar Omer)
|
ان تكون في ذيل قائمة السمحين خير من ان تتصدر قائمة المتلومين
- القائل مجهول -
,,,,,,,,,,,,,,,,
ما بسالك ,,, كلوووو كلو
- القائل ممكون-
| |
|
|
|
|
|
|
|
|
|
Re: هؤلاء السمحين.. (Re: سلمى تاور)
|
تفتح الزهر حلو
لكن ثغرك احلي
والبان عال شموخ
لكن جبينك اعلي
بعضي لبعضك كل
هل يعشق البعض كلا
آمنت بالحسن لماالحاده فيك صلي ....
يا ضاحك المقلتين .......
| |
|
|
|
|
|
|
|
|
|
Re: هؤلاء السمحين.. (Re: طارق ميرغني)
|
هؤلاء السمحين..
بحضورهم في فيللا مولانا ... رحلة اليوم الواحد الي مسقط
دكتور احمد القرشي ، لؤي شمت ، محمد المرتضي، طارق ميرغني و دكتور عاطف كروم
| |
|
|
|
|
|
|
|
|
|
Re: هؤلاء السمحين.. (Re: معاوية عبيد الصائم)
|
ismeil abbas
شيخنا السمح،
كما قلت سابقا، هي مناسبة لمراجعة أشياء كثيرة،
جرد صاح والحساب ولد ( ما عارف ليه ولد!!) رغم أن البنات
أشطر في الحساب حتى لو قال نزار قباني (
أأحاسب امرأة على نسيانها؟
ومتى استقام مع النساء حساب؟ )
بالله نزار مش ببالغ ؟
كانت يا سيدي خاتمة لعام مذهل..
مذهل بحق على كافة الصعد وبكل المعايير..
أدينا دعواتك يا مولاي..
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
Quote: قدر ولطف, يا مولانا.
جاءت متاخرة, لكنها احسن مما لا يتاتي. |
لم تجئ متأخرة يا الفاضل،
عارف يا زين الشباب ، في ناس كده كان ما شفتهم بتحس إنهم قاعديييين..
ما بغيبوا حتى لو لم ترد أسماؤهم..
زي الصمت الضاج..
لك المعزة والإحترام..
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
Quote: مرتضى ازيك
بركة بالعودة
| Quote: Quote: ربنا يخلِّيك لكن ربنا ما بخلي زول..نهاااائي.. |
ذكرتني الطفلة الكتبت رسالة عندما طُلب منهم في الفصل كتابة دعاء
Dear God
why don't you let the people who are already here live instead of killing them and making new ones.
طبعا ما عارفة ابن آدم كان خلوه ما داير يقعد
وقديما قال الشاعر
سئمت تكاليف الحياة ومن يعش *** ثمانين حولاً لا أبالك يسأم |
أستاذتي الماجده د. أسماء،
دعاء الطفلة لاتعوزه الوجاهة والمنطق ولكل من كان في سنها أن يتعامل مع المسألة بهذا
الفهم قبل أن يبلغ حالة زهير بن سلمى الذي سئم تكاليف الحياة لأسباب معروفة، لكن الطفلة
تلك حين تصل إلى سن بعينها ستعي جيدا مقولة نجيب محفوظ:
(هذه هي الحياة أنك تتنازل عن متعك الواحدة بعد الأخرى حتى لا يبقي منها شيء وعندئذ تعلم أنه قد حان وقت الرحيل)
محبتي المعروفة..
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
Quote: أفتح السويتش بسم الله
وصلى وسلم على أحمد القرشى الهاشمى
وعيك بالطيب ولا تشاقق
وستبقى لك هذه الوصفة من النوائب عاصما
واترك لنا الدهشة! |
هيهيـات يا د. بله،
هيهـات..
والله لو تركت لك الدهشة سيتفرق دمك بين القبائل..
لن تتركك عبس و(سفيان)..
سفيان نابري..
| |
|
|
|
|
|
|
|
|
|
Re: هؤلاء السمحين.. (Re: Abuzar Omer)
|
| Quote: مرات الواحد بكون حاضر و غائب و الذهن مشتت.. |
صدقت ، وغلب اللقاط يا أباذر،
كلنا في الهم شرق..أتابع ( لغة ً تفتش عن أراض خصبةً... شمسا ً تغير طعم فاكهة الشتاء ..)شكرا يا أباذر،
| |
|
|
|
|
|
|
|
|
|
Re: هؤلاء السمحين.. (Re: tayseer alnworani)
|
| Quote: باقات زهور ومحبة يا صديق الزمن الجميل |
لك مثلها يا تيسير،
قبل أيام طالعت صورة بعض أهل ذلك الزمان وضحكت .. مرسله لك في الإيميل..
بس يا تيسير كنت أصغر مننا كثير ... سنا بالطبع..
تحاياي للعزيز كمال والأسرة.
| |
|
|
|
|
|
|
|
|
|
Re: هؤلاء السمحين.. (Re: Siham Elmugammar)
|
Quote: شفت الكلام ده كيف؟؟
صادق و واااافى |
بت المجمر سلام،
مولانا عبدالإله يشرفني بكلام تقصر عنه قامتي ،
هو الكرم أن يمنحك إنسان من عنده فوق ما تستحق ..
أنت أعطيتني ايضا فوق ما أنا أهل له يا أم غادة..
أدام المولى الود والمعروف بين عباده..
| |
|
|
|
|
|
|
|
|
|
Re: هؤلاء السمحين.. (Re: وضاحة)
|
| Quote: الف سلامة ود المرتضى وما تشوف شر |
تسلمي يا وضاحه،
حمد الله بسلامة العودة
عودتك والإنجمامة،
شكرا على مشاركاتك في العصفور وسآتي عليها في موضعها..
| |
|
|
|
|
|
|
|
|
|
Re: هؤلاء السمحين.. (Re: MOHAMMED ELSHEIKH)
|
| Quote: واكتفيت من (المحادثة) بالكي بورد. |
دي يا محمد الشيخ زي رضيت من الغنيمة بالإياب،
الله يطراهو بالخير أديبنا مروان حامد الرشيد..
مسقط الجميله في تطور مدهش ومهرجانها سيأتي في الفاتح من فبراير..
عد لها وزر الأصحاب القدامى ..
فقدت أجلاء كود الخدر والسر العمرابي الذين عادا للوطن بعد أن قدما الكثير ..
بالله تحايا ل (لين) وأمها وكل الأحباب طرفكم..
تسلم يا باش..
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
| Quote: يازول بركة الجيت راجع وشرك مقسم . |
عاصم سلامات،
الواحد زاتو ما عارف يقعد يتزاوغ كده لمتين..
الدوهات كملن يا أبا رنيم لكن الأعمار بيد الله..
سلام للبيت كلو..
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
Quote: ألف سلامة عليك يا أبو أكرم وما تشوف شر إن شاء الله
سلامتك وناس الحوش كرامتك ,, حوش بكري طبعا
سلامنا عبرك لكل العقاب
وكل سنة وإنتو طيبين ,, سنة جديدة سعيدة عليكم إن شاء الله |
سلامات يا سومه وعساك بعافيه وألف خير في برد الخواجات العجيب ..
كثيرون قرروا العودة إلى هناك وود الجنيد لاشك يطلعك على ما يستجد،
العقاب بي هناك ..
يمين البقت علينا بس ياها القالا ودالمكي ( فتلة في الرياح وثرثرة في الصخب)..
بالله سلام كتير لمؤيد الأنيق..
مودتي
| |
|
|
|
|
|
|
|
|
|
Re: هؤلاء السمحين.. (Re: محمد المرتضى حامد)
|
| Quote: يااااخي نلاقيك متين ووين؟ |
شاعرنا المجيد مولانا عبدالإله زمراوي،
ألفين سلام يا عزيز،
قريبا جدا، وفي الدوحة، نسوي شنو عاد،
ياخ ناس دول الخليج ديل متلومين معانا ، لازم نمشي ليهم ونادرا ما يصلونا،
بالذات ناس الدوحه ديل مشينا ليهم لامن حفينا غايتو الله يبارك في الهادي هباني ..
على ذكر العراك في المنبر، ذكرتني مقولة واحد في المسالمه قال مافي أمسخ من الكوتشينه البلاش،
العراك دا بدون أتعاب مسيخ عشان كدا أصلو ما لاقاني محامي مشارك في معارك الأسافير "الملح" دي
| |
|
|
|
|
|
|
|
|
|
Re: هؤلاء السمحين.. (Re: ساميه حامد)
|
Quote: خالد المامنسي،
إنجمامتنا،
نسأل المولى ان يجنب الجميع الشرور والمصائب،
نسأل الله أن يجعلها طهور ..
غايتو يا خالد كان زادت رصيد بهناك فألف مرحبا ..
محبتي يا أمير. |
مـــا ينساك الكريم من كرم رحمته ونعيمه
يا محمد
منتظرين نشوفك في الإنجمامة
تعال إنجم شوية أشرب معنا قهوة الضحى
تحياتي ومودتي
| |
|
|
|
|
|
|
| |
محمد المرتضى حامد
عاطف عمر
omer osman
saadeldin abdelrahman
معاوية المدير
يوسف السماني يوسف
حيدر امين
hameem
عائشة موسي السعيد
Adil Osman
محمد البشرى الخضر
Siham Elmugammar
طارق جبريل
محمد علي شقدي
أيمن الطيب
أبو الحسين
سلمى تاور
Rawia
Amani Al Ajab
عبد الله كسلا
Nagat Sid Ahmed Elshiekh
khaleel
وليد عبد اللطيف
ismeil abbas
انعام حيمورة
الفاضل يسن عثمان
Asma Abdel Halim
Balla Musa
MOHAMMED ELSHEIKH
عاصم البنا
اسماء الجنيد
Ahmed al Qurashi
وضاحة
داليا الكباشى
خالد علي محجوب المنسي
بله محمد الفاضل
الطيب شيقوق
Abuzar Omer
mamkouna
ساميه حامد
فيس بوك
تويتر
انستقرام
يوتيوب
بنتيريست