دعواتكم لزميلنا المفكر د.الباقر العفيف بالشفاء العاجل
|
|
 بتبالغ يا الطاهر..
|
| Quote: ناس الكوره - زمان - بيقولوا عليها ( دي في التمانيات لامِن الحارس إتعشى نجيله).. |
|
|
 
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
** حكاية الطالب البدوي، نعيدها ونهديها للنائب البرلماني دفع الله حسب الرسول..البدوي، طالب بإحدى مدارس الدنيا..جلس في امتحان مادة التعبير، ورسب..مادة التعبير محض إنشاء يعبر به الطالب عن أي موضوع، ومع ذلك رسب البدوي..أدهش برسوبه كل طاقم التدريس وزملاء الدراسة، فسأل المدير أستاذ اللغة العربية عن سبب رسوب البدوي في مادة التعبير، فقال : هذا البدوي مصاب بعدم التركيز، طالبته بأن يكتب عن موضوع، فتجاوزه وكتب عن موضوع آخر..لم يصدق المدير هذا التبرير، فأراد إختبار صدق المعلم وذكاء الطالب ..!!
** وخاطب البدوي موجهاً : حدثنا عن فصل الربيع ..فشرع البدوي متحدثاً : فصل الربيع من أجمل الفصول السنة، تكثر فيه المراعي الخضراء، مما يتيح للجمل أن يشبع من تلك المراعي، والجمل كما تعلمون حيوان بري يصبر على الجوع والعطش، ويستطيع المشي على الرمل بكل سهولة ويسر، ويربي البدو الجمل، فهو ملقب بسفينة الصحراء، وينقل متاعهم ويساعدهم على الترحال من منطقة لاخرى، والجمل حيوان أليف، و ..!!
** وقاطعه المدير : دع فصل الربيع، تكلم عن صناعة السيارات في اليابان..فشرع البدوي متحدثا : نعم، تشتهر اليابان بالعديد من الصناعات ومنها السيارات، ولكن يعتمد أهلنا البدو في تنقلاتهم على الجمل، والجمل كماتعلمون حيوان بري يصبر على الجوع والعطش، ويستطيع المشي على الرمل بكل سهولة ويسر ، ويربي البدو الجمل، فهو ملقب عندهم بسفينة الصحراء، و ينقل متاعهم ويساعدهم على الترحال من منطقة لاخرى، والجمل حيوان أليف، و ..!!
** قاطعه المدير للمرة الثالثة : دع صناعة السيارات في اليابان وتكلم عن فوائد الحاسب الآلي..فشرع البدوي يكلمهم : الحاسب الآلي جهاز مفيد يكثر في المدن ولا يوجد عند البدو لأن البدو لديهم الجمل، والجمل حيوان بري يصبر على الجوع والعطش أياما، ويستطيع المشي على الرمل بكل سهولة ويسر، ويربي البدو الجمل، وملقب عندهم بسفينة الصحراء ، فينقل متاعهم ويساعدهم على الترحال من منطقة لاخرى، والجمل حيوان أليف، و ..!!
** قاطعه المدير، ثم أمر الوكيل بطرده..فغضب البدوي، ورفع تظلماً لوزير التربية والتعليم بالنص الآتي: ( معالي الوزير، السلام عليكم، أقدم لمعاليكم تظلمي هذا وفيه اشتكي مدرس مادة التعبير لأني صبرت عليه صبر الجمل، والجمل - كما تعلم يا معالي الوزير - حيوان بري يصبر على الجوع والعطش، ويستطيع المشي على الرمل بكل سهولة ويسر، ويربي البدو الجمل ، فهو ملقب عندهم بسفينة الصحراء، وينقل متاعهم ويساعدهم على الترحال من منطقة لاخرى، والجمل حيوان أليف، وكما يعلم - معاليكم - أن الجمل يستمد طاقته من سنامه الذي يخزن فيه الكثير من الشحوم، وشكراً..مقدم الطلب / الطالب البدوي ..!!
** وهكذا تقريباً حال البلد مع النائب البرلماني دفع الله حسب الرسول..ما أن يدخل أي مسؤول تنفيذي- باى قضية عامة - قاعة الى البرلمان، يحور دفع الله القضية ويلفها - ويلتها ويعجنها - ثم يختزلها في ( أفخاذ النساء)..عندما شرعت وزارة الصحة في تنفيذ برنامج مكافحة ختان الإناث، إعترض دفع الله بالنص القبيح ( البنت الما مختونة معفنة)..وعندما إحتلت قوات الجبهة الثورية أب كرشولا، قال دفع الله مبرراً : ( لعب البنات لكرة القدم تسبب في إحتلال أب كرشولا)..وبعد أن أخرجت القوات المسلحة تلك القوات من أب كرشولا، نهض دفع الله مقترحاً : (تعدد الزوجات هو الحل الأفضل لدعم القوات المسلحة ورفدها بالرجال)..هكذا يختزل دفع الله قضايا البلد في ( الشهوات)..ودائما ما يقابل النواب هذا الإختزال بالتهليل والتكبير، وليس في الأمر عجب، ربما لسان دفع الله ( لسان حالهم جميعا)..لك الله يا بلد .. إنها الأقدار، لقد جاءت بشيوخ على مقاعد السلطة قبل أن تتجاوز طرائق تفكيرهم ( مرحلة المراهقة) ..!!
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
Quote:
** وهكذا تقريباً حال البلد مع النائب البرلماني دفع الله حسب الرسول..ما أن يدخل أي مسؤول تنفيذي- باى قضية عامة - قاعة الى البرلمان، يحور دفع الله القضية ويلفها - ويلتها ويعجنها - ثم يختزلها في ( أفخاذ النساء)..عندما شرعت وزارة الصحة في تنفيذ برنامج مكافحة ختان الإناث، إعترض دفع الله بالنص القبيح ( البنت الما مختونة معفنة)..وعندما إحتلت قوات الجبهة الثورية أب كرشولا، قال دفع الله مبرراً : ( لعب البنات لكرة القدم تسبب في إحتلال أب كرشولا)..وبعد أن أخرجت القوات المسلحة تلك القوات من أب كرشولا، نهض دفع الله مقترحاً : (تعدد الزوجات هو الحل الأفضل لدعم القوات المسلحة ورفدها بالرجال)..هكذا يختزل دفع الله قضايا البلد في ( الشهوات)..ودائما ما يقابل النواب هذا الإختزال بالتهليل والتكبير، وليس في الأمر عجب، ربما لسان دفع الله ( لسان حالهم جميعا)..لك الله يا بلد .. إنها الأقدار، لقد جاءت بشيوخ على مقاعد السلطة قبل أن تتجاوز طرائق تفكيرهم ( مرحلة المراهقة) ..!! |
شر البلية يضحكنى الآن يا مولانا
تحليل مثل هذه العقليات تحتاج مستند نظرى مثل كتاب الشيخ محمد الشيخ .... فهذا البرلمانى خير مثل لتطبيق نظرية بنية الوعى التناسلى على عقليته
وهى للاسف عقلية موجوده عند الكثيرين ولها ارثها الثقافى فى النظرة للمرأة
ونهارك طيب
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
مولانا / محمد المرتضى حامد
شكرا لك وأنت تمنحنا بأسلوبك الساخر ، والسهل - الممتنع متعة الضحك في زمن الأحزان المتلاحقة. كان استهلالك للبوست يتناسب تماما مع حالة النائب موضوع الونسة..فالطالب البدوي كان دائما off point حتى وهو يشكو مدرسته ومعلميه للوزير. وهكذا فإن الطاهر حسب الرسول ظل يجدف في كثبان الرمل بحسبان أنها أمواج متلاطمة!!
المؤلم حقا أن يصفق الإسلامويون في برلمانهم الزائف لهذا الهوس ويرفعوا الإصبع مكبرين ومهللين.
وأنا أقرأ مقالك كان شخص المحامي الذكي يلوح لي من خلال كلماتك: ضرب تحت الحزام دون أن يسمع للضرب صوت !ولعل سلاح السخرية المريرة في هذا المقال كان العمود الفقري لمرافعتك "الأدبية الراقية" في هذا البوست.
عشت أيها الصديق رجلا حرا يعرف كمثقف وكقانوني ناجح ان كرامة أية امة في كرامة نسائها.
| |
|
|
|
|
|
|
|
|
|
Re: بتبالغ يا الطاهر.. (Re: فضيلي جماع)
|
سلامات عزيزنا محمد
ياخ العفنة التقد نعالو .
بي كلامو ده يكون أكتر نائب جربوع في العالم .
كيف بيدفق الكلام ده ساكت كدي ؟؟؟؟
ده كلام في أمريكا يدخل السجن
وحتي في السودان قبل سنة 1983 ممكن كان ياخدلو سنتين .
بس يا أخوي لمان سيادة القانون تنسرق ياهو ده نوع النضم البدور في البرلمان .
| |
|
|
|
|
|
|
|
|
|
Re: بتبالغ يا الطاهر.. (Re: Osman Musa)
|
ياسر طيفور غير ما تجيب لي المشاكل ما بتعمل شي،
هسه ياخ دا فيديو تجيبو
آي أنا قلت بفتشو وأجيبو ، لكن تقوم تجيبو؟
إنا لله،
قال لخالد ساتي:
إنو بيعترض على سفر البنات يمشي يلعبن كوره في أوروبا ب (نهودهن) وب ( ... )،
يعني عليهن أن يتركن تلك الأجزاء من أجسادهن في صالة المغادرة وبعدها يسافرن للمشاركة
في المنافسات الرياضية..
صدق البشير حين قال :
نحن مستهدفين..
حسناء الأولمبياد..
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
| Quote: الراجل عنده عقدة متأصلة مع النسوان........... |
أبوجعفر سلام،
أجدني أخالفك الرأي رأسيا وأفقيا ،
شوف يا حبيب ، هذا الرجل متصالح مع نفسه بشكل يبعث على أي حاجة..
إن لم تخني الذاكرة بشأن المقابلة كاملة ، فقد تزوج أكثر من إمرأة ،
فكيف لرجل بهذا الوضع الإجتماعي أن يُنسب
له أنه ب (عُقَدٍ) مع النساء ..
هذا الرجل يجعل للمرأة مكانة علية في نفسه ولولا حياء الرجل لغنى مع عمر البنا:
انا فاقد عقلى ومنامى وصبرى
من صغرى بحبك لى نهاية كبرى
شوفتك يا روحى لجروحى بتبرى
جنني نغمات القمري.. ياطه الماجايب خبري
حكِّم ضميرك ياخ..
| |
|
|
|
|
|
|
|
|
|
Re: بتبالغ يا الطاهر.. (Re: الطيب شيقوق)
|
الله يديهو الصحة وطولة العمر............................................................
حكاية .....
الواحد يقول شنو ما عارف .................
ياخ أنا مارق من هنا.............................
ووووووووووووووووووووووووووووووووووووووووو
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
Quote: انا فاقد عقلى ومنامى وصبرى
من صغرى بحبك لى نهاية كبرى
شوفتك يا روحى لجروحى بتبرى
|
يا مولانا ما تبالغ لو الراجل سمع الغنا دا و عاش مع الشعر
لا بدخل برلمان
و لا بكون انصار مركب مكنة كوز
دا زول ممكن نقول عليهو ظاهرة جديدة
و كمان شديدة
سلامي للجميع و بلغهم شوقي و افتقادي
خاصة وليد
و تقبلوا سلام الهام و جعفر
و سلام خاص لأيمن الما ساهل
طه جعفر
| |
|
|
|
|
|
|
|
|
|
Re: بتبالغ يا الطاهر.. (Re: فضيلي جماع)
|
استاذنا فضيلي،
عوافي،
والله والله كثيرا ما يخال إلي أن هؤلاء الناس يمارسون نوعا من مسرح العبث واللامعقول وأكاد
أقسم أن صموئيل بيكيت شخصيا لو عاصر أمثال زولنا دا كان ختَّ الخمسه في الإتنين ..
| Quote: وهكذا فإن الطاهر حسب الرسول ظل يجدف في كثبان الرمل بحسبان أنها أمواج متلاطمة!! |
المعني هو (دفع الله) والكاتب هو الأخ الصديق (الطاهر) ساتي ، لكني في ظل إختلاط الحابل بالناصل أجد لك العذر..
لما طلعت الحزن القديم كنت أعجب لكلام الدوش عن إمتاع النفس بالدهشة ، لكن هسه عرفت حاجه..
تسلم يا أباشيراز.
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
لقد بلغ بنا الهوان مبلغه والله ..
-----------------------------------------------------
خطر ببالي خاطر يا مولانا ...
هل يمكن أن نسمع ما كتبه الطاهر عن الرجل من خلال أجهزة الاعلام المسموعة والمرئية ؟؟
| |
|
|
|
|
|
|
|
|
|
Re: بتبالغ يا الطاهر.. (Re: فتحي الصديق)
|
قبل سنتين أو ثلاث كتبت مقالاً بعنوان: أهذا جحيمك يا دانتي!؟
زامن ذلك المقال قصّة خور جهنّم التي قرأتها أنت يا محمد قبل الاَخرين، وقتها كنت أسخر من دانتي بلسان إمرأة قاست الأمرّين في حياتها ولّما مرّت بجحيم دانتي كادت أنت تقول له جحيمك هذا يا دانتي ماءً رقراقاً مقارنةً بالذي ممرت به!
ما دعاني لكتابة السطر الأول ذكرك لصمويل بيكيت فهو يري في العبث شيئاً لا يراه الاخرين ! ولذا تبدأ عنده الاشياء كُلّها في ألّلا منطق! في منطقها ، والعكس ! كأنّها تخرج من اَنها لِاَنٍ اَخر، أو لو يستطيع الإنسان الخروج من نفسه ليدخلها من باب اَخر ثُمّ يتوسّد ذؤابته المددة بينه ونفسه الأولي
لِما رأي ما رأي ! تخيّل لو أتي صمويل بيكيت الان ؟؟؟؟؟؟؟؟؟؟
ألم أقُل لك في مكانٍ ما ( لن أستغرب ولو أشرقت الشمس من مؤخرة قردٍ نافق !
ياخ هذه الملهاة تتفسّخ من شرنقة ملهاة أُخري.....
(إنّهم يفرخون العبث)
بعض ردودك قتلتني بالضحك يا صاحب.... (وشر البلية ما يضحك)
| |
|
|
|
|
|
|
|
|
|
Re: بتبالغ يا الطاهر.. (Re: فتحي الصديق)
|
Quote: والله مشكلة
كان زول شاب معليش
لكن يكون كبير ويقول كلام زي دا |
المشكله وين يا معتز، زولنا دا غيّر اليونيفورم في مدارس نيجريا،
قال كان بيدرس الفصل والبنات يطلعن يلعبن باسكت ويرجعن الفصل عرقانات ولابسات شورتات,
يعني أتاهو الهم جيشو دافر ، أها ، بدلا عن يقعِّدِن ويغني ليهن جلسن شوف يا حلاتن الفُزَّر ناصلاتن
إتصلَّت عليهن وحلف بالتقطعو ما يدخلن عليهو بشورتاتن..الفُزّر في ناصلاتن
-
والله صدق ودالرضي القال:
احفظ يارب صباهن
يوت مبسوط الصباهن
ظالمه نفس اللَبَاهِن
قطع شك ظباء نيجريا قالوا ليهو لكن ما عذَّبتنا يا دفع الله
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
إتصل بي قرابة منتصف ليل الجمعة بتوقيت مسقط قائلا: شايف الحاصل في لندن دا؟
الله يسامحك يا ودالقرشي،
عارِفا ومتردد في الشوفه..
كالنعامة دوما أهرب من مشاهدة هذه الأعمال (الإرهابية ) المبهرة لأني سرعان ما أعقد المقارنات المحبطة النتائج دوما،
تسمرت أمام شاشة التلفاز ، وما هي إلا دقائق من الخيال حتى وجدتني أعقد مقارناتي السخيفة بين حال أولئك وحالنا،
مع سؤال بايخ : هل ننتسب لذات الأرض !!
بدون فلسفه ومطاولات كانت المقارنة بين إيست لندن 2012 والجريف شرق 2012 وبين ليدز وكادوقلي وبادنقتون وحي العرب،
بين ناس أنجزوا كل ما يريدون وتفوقوا في كل ما أرادوا ثم تفرغوا للبهجة والبهاء والأناقة والجمال في كافة التفاصيل،
أقل تذكرة بألف جنيه إسترليني (مش جنيه ناس لا لا ناس لا لا وربيع) ..
الجنيه يهز الجنيه..
___________
الكلام السمح الفوق المنقول ده كلام محمد المرتضي .
وبرضو بدون مطاولات .
الكلام ده بالنسبة لي أنا بعتبرو من أجمل ما كتب في عموم المنابر العربية .
..
هسع يا جماعة حسناء الاولمبياد دي كان شبحت ليها شبحتين وناشت لينا زول الليتريتشا ده مالو ؟
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
| Quote: الطاهر ساتي موفق جدا لانو يعلم تماما ان دفع الله دا ذاتو راجل بدوى و زول جمال ( بضم الجيم) بحب الجمال ( بفتح الجيم) والجمال (ضم الجيم برضها ) |
يعني الطاهر طلع بتاع مشاكل يا شيقا؟
يا الطيب، كلام الطاهر يذكرني بطرفة سياسة بسمارك إياها ، وزل كده ما أن يُسأل
في الرياضة أو السياسة و ودعماري الجيد إلا وكان الرد يتضمن
المرأة حتى أنك لو سألته عن غارة أتلانتس الغارقه كان رده عن حوريات
البحر .. بالله يا اخينا شارع الموره وين؟ يقول ليك بتعرف عوضيه أسماك؟
إجابه بلطي ببياض في الصاج،
كل الطرق تؤدي إلى روما..
يعني روما زاتا ممكن نقول احترقت في حفرة دخان..
ويللا ، وقِّفوا الشاف والطلح..
ووفروا الدفاع المدني..
غايتو..
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
Quote: الله يديهو الصحة وطولة العمر............................................................
حكاية .....
الواحد يقول شنو ما عارف ................. |
مستر كوجان في أقصى أسقف الزعل،
يا الخليل يا حبيب ،
لحسن حظك أنك في بلاد التلفزيونات ال بالكيبل ما بتشوف قنواتنا بانتظام،
وبالتالي لاتشاهد كثير ممن يقال عنهم أئمة وخطباء وأصحاب لحى ممشطة ومشذبة
يقدموا عروضهم بشكل مستدام ، تركوا أس البلوى وتفرغوا للواقي الذكري
ومنهم من اعترض على التطعيم ضد شلل الأطفال باعتبار أنه مؤامرة قصد
منها الغرب بتر الخصوبة في أجيال ستأتي..
صدقني ، تدريجيا بدأت أقلِّب الرأي وأجيل النظر في مقولة (نحن مستهدفين) ..
تقول لي بوليو؟
| Quote: ياخ أنا مارق من هنا............................. |
أمرق ، لكن الهناك بيمرق منك؟
| |
|
|
|
|
|
|
|
|
 Re: بتبالغ يا الطاهر.. (Re: محمد المرتضى حامد)
|
بوستك دا أعاين فيه و أضحك و أضحك و أمشي و أجيه راجع
عاين لي جاي إنت بقيت بدون حكومة و ل شنو .....؟؟؟؟
لأني شايفك تاااااااااااااااااني جبت سيرة البحر
هي ...
نسيت أسلم عليك
السلام عليكم و رحمة الله و بركاته
| |
|
|
|
|
|
|
|
|
|
Re: بتبالغ يا الطاهر.. (Re: ABUHUSSEIN)
|
هل يمكن أن نسمع ما كتبه الطاهر عن الرجل من خلال أجهزة الاعلام المسموعة والمرئية ؟؟
يا فتحي ، كل الوسائط المسموعة والمرئية عند أهل المال ، والمال عند أهل السلطة وحتى الذين يعارضون لزوم التعمية أو بسبب أغراض شخصية لا يفعلونها
لأجل ما يهمك ويهم العامة.
الحمد لله على القرايه.
استمتع بدفع الله show فهو أصلي وبدون مكياج
الزول دا أنا مبسوط منو. وزي ما قال صديقي مستر كوجان ربنا يخليهو..
قول أمين
| |
|
|
|
|
|
|
|
|
|
Re: بتبالغ يا الطاهر.. (Re: الطيب شيقوق)
|
يا ( أبو حسين) انت وينك و وين،
انت من زمن الحكومات ؟
يا كافي البلا ما سمعت بالربيع العربي؟
يأخ صورة حسناء الأولمبياد التي استهدفتنا جاءت لغرض نبيل،
مالك داير تجيب سيرة البحر وتحرض علي دفع الله.
| |
|
|
|
|
|
|
|
|
|
Re: بتبالغ يا الطاهر.. (Re: ABUHUSSEIN)
|
مولانا ود محمد المرتضي سلااااااااااام ومحبة ليك ولي المتداخلين
مع تحفظي علي مقال الأستاذ الطاهر ساتي الذي يريد وكغيرة من الكتاب.........!
أن يرموا خيباتهم وخيباة السودان وأهل السياسة علي أهل البادية
وخاصة الإسلامييين منهم واخونا ساتي منهم ...كنّا نرجو منه ومن آخرين ان يكتبوا عن تجربتهم التي أدخلتنا في "كركور" حسب الله وامثاله واعني تجربة ....
الحاربونا.......
وشدوا زملهم جونا.......!...
والضبحنا ليهم زرزر وزرز ما كفّاهم
والكفَّاهم جودة.... جودة ابو فسيّة...
الرئيس الليبي الراحل معمر القزّافي كان مثل كتابنا
يحب البادية إلي درجة الجنون...ناقته وخيمته معه اينما حلَّ
وحين أرعدت فوق رأسه صواعق الأمريكان دفع الشعب الليبي دفعا
للهتاف عبر ترابادورهم الشهير "ابوعباب"
"ريقن يا راعي البقر الشعب الليبي كلّو حر
ريقن يا راعي الغنم الشعب الليبي محترم"
نائب برلمان "سماح جمل الطين " حسب الله دي عندما اشاهده في البرلمان بذكرني صديقي المجنون حسب الله الكباشي......!
وطرف أصادق المجانين كثيرا ولي معهم حكاوي
كان صديقي بحمرة الشيخ حسب الله مهوس بدفن "الجحَّار" مفردها جُحر بضم الجيم
وكلما وجد "جُحرا" لبرعوص " جربوع او فار او اي حيوان يدفنه في الحال.....
واحيانا اتركه الساعات الطوال وأنتظره حتي يدفنها
ومرة سألته قائلا :- يا حسب الله مالك بتدفن "الجحَّار"
ليجيبني بكل عفوية قائلا:-
بشوف الدنيا قدودها كترن خلاس.......
داير أسُد وأقفِّل ليكم قدودها.....!
اها أظن الجحر الجاب البرلمان دي ما سدّاهو......!
اي والله كانت هذه إجابته...بدور أسدِّد قدود الدنيا.........
الدنيا أُم قدود....................!
محبتي ودمت سمحا
| |
|
|
|
|
|
|
|
|
|
Re: بتبالغ يا الطاهر.. (Re: عبيد الطيب)
|
Quote: بشوف الدنيا قدودها كترن خلاس.......
داير أسُد وأقفِّل ليكم قدودها.....! |
كم هو مُسكِر مشروع حسب الله وكلامه وكم هو ملهم وشائق حديث دفع الله ،
يا عبيد معقول تتأخر حتى 2012 عشان تتحفنا بكلامك دا، ياخي أنا في ظني الكباشي
قفل قد من قدود الدنيا لذا نقرأ ما تكتب اليوم،
وفقا لفهمي أن الطاهر ما قصد أن يدلق الإحباط السائل على أهل البادية فكلنا منها
وإن ولد أجدادنا في سيدات القرى الشايفنها دي و التي تسمى مدنا ، رغم أن بينها
وبين المدن ما بين دفع الله وسارتر (من حيث الموقف لا أكثر) ولكن الطاهر استحضر مقولة
كل الطرق تؤدي إلى التومه ( عايزين نريح روما شويه)..
قصة الطاهر دي تذكرني بطرفة حكيت لي ونسيت تفاصيلها عن شخص كان في غيبوبة ونقل من قريته
في السودان إلى مشفى الشاطبي بالإسكندرية ثم أعيد لقريته مباشرة ، فكان كلما تحدث شخص في
ونسه عن السد العالي يبادره بالسؤال : وين للشاطبي؟، وإذا كان الحديث عن سيناء أو كوم أمبو
برضو : وين للشاطبي ؟. حسن سافر ماليزيا : وين للشاطبي؟ المهم يا عبيد في الموضوع هو محور
تفكير زولنا ،
زولنا بالغ يا عبيد..
بالغ عديييل كده.
الغريبه هناك نماذج عده من ذلك النوع من البشر، عندنا واحد في الحله مهووس بكرة القدم لدرجة
لاتحتمل ولايعرف غيرها شيئا، حتى إذا تحدثت عن خطأ أمريكا في غزوها العراق يقول ليك ،
والله مافي شي مريحني إلا رشَّة إيران ليهم في كاس 98.
إن شاء الله الكباشي ما يقيف.
| |
|
|
|
|
|
|
|
|
|
Re: بتبالغ يا الطاهر.. (Re: محمد المرتضى حامد)
|
المحيرتى يا بن خالتى إنو الزول ده قال من حى العرب وقرأ فى حى العرب والأهليه !!
سبحان الله ! حى العرب فى زمنو داك كانت عاصمة الثقافه والأدب والبهجه والطرب
وأم درمان ذاتها كان فيها عوض عمر وجورج مشرقى وكانوا الإتنين أجمل ناس ,,
وفى الأهليه بكلامو ده كان من أولاد دفعتوا زيدان وسينا وبدوى أبوعثمان عليهم رحمة الله جميعا .
كان ما بخاف الكضب كنت بقول ليك الزول ده خلى بالك بيقصد حى العرب بتاعة قتدهار ,, آآآى حقة ناس طالبان .
| |
|
|
|
|
|
|
|
|
|
Re: بتبالغ يا الطاهر.. (Re: كمال سالم)
|
| Quote: إن شاء الله الكباشي ما يقيف. |
الكباشي حسب الله يا مولانا مات وحزنت عليه كثيرا
وليته كان حيا ليري كم توسعت القدود وانتقلت كمان نحو الأفق
وتحولت من قدود الي فرقات وفارغات الصديق العمدة حمد كان عندما يري
امثال حسب الله البرلماني يقول ليك الزول دي " فرقة ساكت" او فرشاحة ساكت
او فج كبير
الفرقة ممكن تسدها لكن فرقة الأفق ما بتنسد الا من امثال زول البرلمان دي
امثال صديقي الراحل حسب الله كثيرين شاهدت مجنون مدينة الفاشر الشهير
"عز الدين وهم" يتجول داخل دواوين الحكومة ويردّد "الدنيا ما دوامة..الدُّنيا ما دوامة...!"
حتي ان الشاعر الرائع "الطيناوي ذكره في شعره كثيرا
"وهمٌ......
وصدقت عز الدين ما دوامة تلك المناصب"
وكذلك الروائي الأستاذ إبراهيم إسحق
أذكر لك طرفه لشبيه حسب الله المجنون ولقد ذكرتها في بوست آخر
في أيّام مفاصلة الإنقاذ أو الحركة الإسلامية زارنا بالبادية الدكتور الترابي ووالي ولاية شمال كُردفان ووقتئذٍ كان الأستاذ السنوسي، ولقد جمعوا لهم مقطوعين الطاري كل البدو بحجة سوف تقام "زينة" بحمرة الشيخ وهي سباق الهجن ، ولقد إصطفّ أكثر من أربعمائة بعير من الشّوح العنانيف ومن نجائب النّوق المهرية وعلي "ضروتها" "صبيّن" زهر الوجوه لا يعرفون الدكتور حسن ولم يسمعوا به حتي، وأظن دكتور الترابي حين رأي هذا المنظر"راسو كبر" لأنه عندما رجع وحصلت المفاصلة أصبح "يتنبّر" وليته يدري أن حصيلة الحركة الإسلامية ببوادي الغرب والي يومنا هذا لا تتعدّي أصابع اليد،
وعندما قدّم دكتور حسن كلمته أمام أهل البادية بحمرة الشّيخ ،رأيت أحد البدو "يفجُّ " الناس ويدخل وحين وصل محازاتي لكذني بيده وصاح قائلا:-
" ها ناس الزول الجنَّن المجاقنة أيّاهو الشّايب أبو نعلاتاً بيض دي"
والمجاقنة من مجنقي ويقصد السيدين
السيد الإمام الصادق
والحسيب النسيب السيّد المرغني
| |
|
|
|
|
|
|
|
|
|
Re: بتبالغ يا الطاهر.. (Re: عبيد الطيب)
|
| Quote: " ها ناس الزول الجنَّن المجاقنة أيّاهو الشّايب أبو نعلاتاً بيض دي" |
ههههههههههههههههههها والله يا العبيد ضحكتنى ضحكة نامن فرجت الناس في اخيك
مجاقنة قلت لي ؟ هههههههها
| |
|
|
|
|
|
|
|
|
|
Re: بتبالغ يا الطاهر.. (Re: الطيب شيقوق)
|
| Quote: المحيرتى يا بن خالتى إنو الزول ده قال من حى العرب وقرأ فى حى العرب والأهليه !! |
لا أظن يا ابن خالتي ..
لا أظن,,
حي العرب من مدرسة محمد حسين وحتى البربري ومن محطة حسين وحتى استاد الهلال مستحيل
تعمل كده،
ياخ زول يسكن جمب عبدالرحمن الريح والجابري وابراهيم عوض وسيف الدسوقي وسيد عبدالعزيز
وعبيد عبدالرحمن وميرغني المامون واحمد حسن جمعه والطاهر الرشيد ووودالحاوي والمريخ
والهلال يقول كلام زي دا؟
حي زي الماغنيسيوم،
ياخ حي العرب دي أعظم 4 كيلومتر مربع في الأطلس ، حله نووية زي دي يطلع منها زول يقول
الفنانين مفسدين ويطالب بإلغاء حفل شيرين؟
يعني بوكو حرام ديل يكونوا كيف..
-
بالمناسبه، من هي شيرين؟
| |
|
|
|
|
|
|
| |
محمد المرتضى حامد
Ishraga Mustafa
طه جعفر
فضيلي جماع
Yassir Tayfour
Osman Musa
Mutaz Hussien
بكرى ابوبكر
الطيب شيقوق
ibrahim kojan
فتحي الصديق
ABUHUSSEIN
عبيد الطيب
كمال سالم
فيس بوك
تويتر
انستقرام
يوتيوب
بنتيريست