دعواتكم لزميلنا المفكر د.الباقر العفيف بالشفاء العاجل
|
|
 أدفأ من الدفء زاتو صوتك يا مولانا محمد المرتضى حامد
|
والله صحي...
لقيت missed call على جوالي.. رقم من السلطنة..
طبعاً طالما من السلطنة..يا مختار إبن خالي ونسيبي... يا كمان السلطان قابوس حتة واحدة...الحقيقة الرقم "مميز"
ولأني كنت أنتظر مكالمة من الحبيب مولانا محمد المرتضى حامد... كنت زي قاطع الشك إنه هو...
طوالي ضغطت ليكم زر الاتصال...وخشيت ليكم في المكالمة بدون أي مقدمات...
تيييييييييييييييت....تييييييييييييييييييييت....تيييييييييييييييييييييييييييييييييييييييت...كرك:
- يا مولانا..كيفك ياخي..؟؟؟
- إنت متصل لييييييييه؟؟؟ أقفل .. أنا العاوزك...
- حاضر يا حبيب...
قفلت التلفون...
الثانية الأولى ثم الثانية ..ثم الثالثة... وطبعاً لم يشأ أن ينتظر حتى الثانية الرابعة...حتى رن هاتفي :
ترررررررررن ...ترررررررررررررررن..
- يا مولانا ..إزييييييييييييييك ياخي...
وهاااااااااك يا كلام جميل...
أجمل من أن يتخيل أعظم كتاب الخيال ..
أحلى من أن ينشر هنا..
والله الواحد لو ما شايفا شينة... كان أعلن عليه الحب..
تسلم يا مولانا ياخي من كل شر..
قدامك العافية ودربك أخضر..
بالنسبة للبروفة وما أوصيتنا به ..
حاضرين طال عمرك..
ونرجو أن نكون عند حسن ظنك..
أبشر بالخير..
لم يعد همساً..
بل جهراً وجأراً...: نحبك يا أخي بلا انقطاع ..
فكن بخير..طواااااااااااااااااااااااااالي عليك الرسول كن بخير..
..
.
|
|
 
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: محمد عبدالرحمن محمد)
|
يا مصطفي سلامات و ما تبالغ ياخي
مولانا محمد المرتضي دا سوداني عااااادي لامن " مكمل الدفو زاتو "
التقيته بصحبة الوجيه العريس سعد الدين في صاج السمك و حوش طارق اللمين
زول صاحب حضور بهي ... وضاءة في الوجه و اللسان و مرات كتيرة " الكيبورد "
ياخي ده من شدة ما دافي بياكل في البلطي و كانو " بيعتذر ليهو "
وبرضو السلطنة فيها شتاء.....
تحياتي
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: عمر موسي منجي)
|
زول صاحب حضور بهي ... وضاءة في الوجه و اللسان و مرات كتيرة " الكيبورد "
ياخي ده من شدة ما دافي بياكل في البلطي و كانو " بيعتذر ليهو "[/B]
العبارة أعلاه..استعصت على "الاقتباس"...
علي اليمين أكتر من مرة الجهاز بيمرق من النت بخشم الباب..
فقلنا شنو..نعملها ليكم كدا... "حلا وحَمَار"..
أما بعدُ:
فلا تعليق..
بس حقو الناس لما تضرب السمك..تبطل "التشَفِّي" دا
ويا عمر موسى منجي.. الله ينجيك كما نجا موسى..
إنت بتجيب الكلام دا من وين؟؟
فلان وفلان..ومن "لفّ لفهم"؟؟
حبابك والله..
تدفأ يا رجل..
فلقد سئمنا مقارعة الصقيع..
..
.
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: ABUHUSSEIN)
|
=================================================================
إتلوم معاي شديد عمل ليه مصيبة و في البورد دا قال أنا عملتها ....
=================================================================
يُمنع منعاً باتاً حضور المحتفى به للرد على
أقوال المرجفين في المدينة..حتى يتركوا التشفير
وينخرطوا مع "المحبين" في الجهر بما تحوي أنفسهم
من كيمياء "المحبة"..
العندو "محبة" ما خلّ الحبة..
والما عندو محبة ما عندو الحبة..
if I'm not mistaken
يُنسب لشاعرنا الرقيق سيف الدين الدسوقي (والله أعلم)
أنه قال: "السعادة هي أن تكون محبوباً"...
أو كما قال..
بعدين اللمين الله يرحمو موش غناكم: "حِب الناس يحبوكااااااااااوووؤؤؤهــ"؟؟
هذا وصلوا رحمني الله وإياكم على سيد المرسلين محمد صلى الله عليه وسلم..
..
.
| |
|
|
|
|
|
|
|
|
 Re: أدفأ من الدفء زاتو صوتك يا مولانا محمد المرتضى حامد (Re: rummana)
|
العزيزة رمانة والناس مالا تعبانة...
مرحباً بك ونحن نحتفي بأحد "كنوز المحبة"...
Quote:
فعلا معاك حق.. مولانا محمد المرتضى انسان وناس وود ناس
ومن غير تلفونات، كتاباته في البورد تشهد..
|
كفيتي ووفيتي... فالرجل كذلك...إنتي قايلة نحن حبيناهو "شلاقة" مننا ساي كدا؟؟؟
لكن النصيحة لله....تلفوناتو صعبة خالص...
عايني يا رمانة هووووووووووووي...تلفونات رجال بس...
معجبات ما معانا نوووووووووهاااااااااائي...
حسادة ساي كدا.... إنتي وبت قضيم عميانات من "شيقا" المسنوح دا؟؟
صادق الاحترام لك أيتها الأخت الفاضلة...
هترشاتنا إن زحت كدي ولا كدي من "معيار" خفة الدم...سامحونا عاد...الله عالم بالفي القلوب..
..
.
| |
|
|
|
|
|
|
|
|
 Re: أدفأ من الدفء زاتو صوتك يا مولانا محمد المرتضى حامد (Re: rummana)
|
Quote: ياخي ده من شدة ما دافي بياكل في البلطي و كانو " بيعتذر ليهو "
|
... هههكههههههه .. والله يا منجي هو كذلك ... ما كان عندو حل خلاف الاعتذار دا هههههههههههه
..
بعدين يا مصطفى قلت لي انتهى منك خلاص ؟؟
طيب انت سمعت صوتو لو كان لاقيتو راس زي ما لاقيتو تقول شنو .. ح تجي تعتذر لينا كمان للسمك برضو ؟؟؟
نزلنا السودان انا والزميلة نزله بتاعت ناس مظليين كدا بقعو من السما .. لا حارنها ولا راجنها .. داهمنا طارق جبريل البكاي في صالة افراح في عرسا ليهم .. امتعنا طارق جبريل في الدقايق الشفناهو فيها لقينا معاهو فايز ود القاضي قدس الله سره .. وانعام عبد الحفيظ .. جينا بعدما الحفلة انتهت والناس بتلملم في الكراسي
اها قلنا ليهو الدبارة شنو انتو حفلتكم دي بتفرتقوها قبال ما نجي نفرتقه ليكم انحنا واللا الفهم شنو ..؟
قالي والله بقيت الناس ديل جو هنا ومشو .. ومحمد المرتضى مفروض كان يكون معانا حسع دي ... قلت ليهو محمد منوو ؟؟
قالي محمد مرتضى .. قلت ليهو الزول دا بجي السودان ساكت علي كيفو كدا وما يكلمنا ..
فقمت شلت منو رقم التلفون .. ورسلت ليهو رسالة مشفرة لابعد الحدود .. ما يعرفه الا هو هههههه رنننننن قام رن طوالي في الحال بي ضحكة جميلة جدا واداني الكروكي .. والكلام دا كان اخر الليل ..
يا سلالالام ياخ .. حسع دي كان قالو لي عايز تعمل شنو في حياتك دي .. بقول عايز اقطع المشوار القطعتو وانا ماشي اقابل محمد المرتضى في وسط الخرطوم.. ومعاي الزميلة فردت جناح الواحد القاعد يطير بيها
ياخ اقوليك حاجــة ..؟
بس اقطع المشوار دا تاني ولا اللاقيهو ..
بلاي تقطع ليك مشوار عشان تلاقي زول .. وتتمنى انك تكون ماشي في المشوار دا عشان ما تلاقي زووول . ياخ دي فيزياء عديل كدا ..
والله يا مصطفى انا لي فترة عايز اكتب كيف لاقيت محد المرتضى حامد في وسط الخرطوم وفي بيتم ووسط اهلووو .. وكيف لاقيت مولانا محمد المرتضى ومعاهو سارة بت اختو .. يعني تلاقي مولانا براهو دا كوم .. تلاقي مولانا في وسط الخرطوم ذات ليل كوووم براهو وتلاقي مولانا محمد المرتضى مع سارة بت اختو دا كوم براهو .. وتلاقي محمد المرتضى مع ناس بيتم دي اكوووم حاجة في الدنيا
عليك الله خلينا .. قال اتصل علي ..
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: tmbis)
|
مصطفى ازيك ياخ وشكرا على البوست الدافئ دا
عمر موسى
| Quote: ياخي ده من شدة ما دافي بياكل في البلطي و كانو " بيعتذر ليهو " |
ياخ شكيتك على الله كتلتني بضحكة نامن وقعت من الكرسي اوردولوب
ياخ سودانيز دي نعمل ليها شنو؟ تقول تبعد منها وترتاح يجوا نوع ناس عمر ديل يطلعوك من جحرك
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: الطيب شيقوق)
|
Quote:
ياخ سودانيز دي نعمل ليها شنو؟ تقول تبعد منها وترتاح يجوا نوع ناس عمر ديل يطلعوك من جحرك
|
أهااااااااااا...جابت ليها "سناحة" موش؟؟؟
إتا سودانيز دي تبعد منها تطير وين آآآآآلمسنوح؟؟
أريتو أكان يومو داك "يونس" أداك لفخة واحدة بس...كان رويسك دا انعدل..
الدور جاييك يا حبيب...
كن بخير طوالي عليك الله...
..
.
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: tmbis)
|
يا محمود ..
عليك الله عندي طلب صغير نزل لي الاغنية بتاعت عصام عيسى رجب مطر ايديك اهداء خاص جدا لي مولانـا ..
..
بعدين مولانـا دا ما كان عندو حل خلاف انو يكون زول جميل كدا .. ياخ اخوهو الصغير طبعا نسيت ليك اسمو حسع دي .. لما تقعد معاهو بتحس انك قاعد ليك مع زول بتعرفو من زمان خالص .. ممكن يتكلم معاك في اي حاجــة .. نوعية الزول البتحس انك ممكن تقول ليهو اي حاجة وتتكلم معاهو في اي حاجة .. بدون قيود .. بدون حواجز ..
الناس ديل لابد وانهم ملائكـة عديل كدا ..
نزل لينا الاغنية الله يهديك ..
وبي دوري بهديها للباشمهندس سارة .. ولي صديقي اخو مولانا .. ولي ناس بيتم الجميلين جدا ..
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: طارق جبريل)
|
| Quote: ياخي ده من شدة ما دافي بياكل في البلطي و كانو " بيعتذر ليهو |
الحبيب منجي
كلام زي العسل
مولانا محمد المرتضى إنسان جميـــــــل بكل ما تعني هذه الكلمة من معنى ، ولا تملك إلا تحبه من كل قلبك .
تشرفت بلقائه الحبيب عند آل المسلمي وشعرت كأني أعرفه منذ سنوات . يأسرك بروحه السمحة الطيبة ووجهه المشرق .
كان مدخل معرفتي به إيميل من إبني سعدالدين - الذي يعلم أنني لا اطلع على النت كثيرا - قال فيه بالحرف الواحد (يابا في مسقط هنالك عضو معنا في البورد رجل موسوعة خلوق وكتاباته طاعمه اسمه مولانا محمد المرتضى أرجو أن تقرأ له) ..صدق سعد وكفى .
نسأل الله له الصحة والعافية
تحياتي ووافر احترامي
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: Mahmoud Mustafa Mahmoud)
|
أخي محمود مصطفى محمود
يأ أخوانا محمد المرتضى حامد دا طلع دفعة ( زميل دراسة) في مرحلة من أجمل مراحل الدراسة ( أمدرمان الأهلية الوسطى سابقا، ولاحقاً الثانوية العامة).
بهرني أيما إنبهار ، حاولت استحضار الذاكرة لاتذكر تلك الشخصية، لكن يظهر أنه من أدبه الرفيع وشخصه الشفيف كان متواضعاً كما يقول بيت الشعر ,
ملىء السنابل تنحني بتواضع والفارغات رؤسهن شوامخ
أنت أخي محمود مصطفى تقول عنه ، والبورداب المتداخلين جيمعاً يقولون عنه ، وبوستاته تقول عنه، اليك هذا البوست الذي ينم عن ذلك الانسان الفنان ، الأديب ، الشفيف ، الساحر ......... الخ
أحدث صور من شوارع العاصمة..]
ومنكم نستفيد وبالمعلومة نستزيد ، شكراً لك أخي محمود مصطفى فمنك عرفت أن الدفء قريب منا ونحن نشكو الصقيع ، مولانا في السلطنة ، ونحن في دولة الإمارات العربية المتحدة ، العين ، يعني فركة كعب ، فهلا شرفتنا يا مولانا ، فنحن إلى الدفء تواقون.
دافئ التحيات لك أخي محمود مصطفى ولدافئ القسمات ، حي الشعور ( مولانا محمد المرتضى ) وجميع البورداب المتداخلين .
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: محمد عبد الماجد الصايم)
|
Quote: ياخي ده من شدة ما دافي بياكل في البلطي و كانو " بيعتذر ليهو "
|
تعرفوا يا جماعه أول ما قريت الكلام الفوق ده طوالي خطر علي تامبا ما عارف ليه .. غايتو لأن المذكور أخصائي صيد بدرجة بروف وقد أثبت ذلك بما لا يدع مجالاً للشك في بوست سابق ، ثانياً لأني متأكد إن الأخ / تامبا لامن يلم في البلطي بيكرهوا ليك اليوم الخلاهو يتحاوم جمب السنار ولا الشبكه ....ولكن صاحبنا لم يخيب ظني .. جه طوالي وانداح هذه الاندياحه الجميلة ...
Quote:
... هههكههههههه .. والله يا منجي هو كذلك ... ما كان عندو حل خلاف الاعتذار دا هههههههههههه
..
بعدين يا مصطفى قلت لي انتهى منك خلاص ؟؟
طيب انت سمعت صوتو لو كان لاقيتو راس زي ما لاقيتو تقول شنو .. ح تجي تعتذر لينا كمان للسمك برضو ؟؟؟
نزلنا السودان انا والزميلة نزله بتاعت ناس مظليين كدا بقعو من السما .. لا حارنها ولا راجنها .. داهمنا طارق جبريل البكاي في صالة افراح في عرسا ليهم .. امتعنا طارق جبريل في الدقايق الشفناهو فيها لقينا معاهو فايز ود القاضي قدس الله سره .. وانعام عبد الحفيظ .. جينا بعدما الحفلة انتهت والناس بتلملم في الكراسي
اها قلنا ليهو الدبارة شنو انتو حفلتكم دي بتفرتقوها قبال ما نجي نفرتقه ليكم انحنا واللا الفهم شنو ..؟
قالي والله بقيت الناس ديل جو هنا ومشو .. ومحمد المرتضى مفروض كان يكون معانا حسع دي ... قلت ليهو محمد منوو ؟؟
قالي محمد مرتضى .. قلت ليهو الزول دا بجي السودان ساكت علي كيفو كدا وما يكلمنا ..
فقمت شلت منو رقم التلفون .. ورسلت ليهو رسالة مشفرة لابعد الحدود .. ما يعرفه الا هو هههههه رنننننن قام رن طوالي في الحال بي ضحكة جميلة جدا واداني الكروكي .. والكلام دا كان اخر الليل ..
يا سلالالام ياخ .. حسع دي كان قالو لي عايز تعمل شنو في حياتك دي .. بقول عايز اقطع المشوار القطعتو وانا ماشي اقابل محمد المرتضى في وسط الخرطوم.. ومعاي الزميلة فردت جناح الواحد القاعد يطير بيها
ياخ اقوليك حاجــة ..؟
بس اقطع المشوار دا تاني ولا اللاقيهو ..
بلاي تقطع ليك مشوار عشان تلاقي زول .. وتتمنى انك تكون ماشي في المشوار دا عشان ما تلاقي زووول . ياخ دي فيزياء عديل كدا ..
والله يا مصطفى انا لي فترة عايز اكتب كيف لاقيت محد المرتضى حامد في وسط الخرطوم وفي بيتم ووسط اهلووو .. وكيف لاقيت مولانا محمد المرتضى ومعاهو سارة بت اختو .. يعني تلاقي مولانا براهو دا كوم .. تلاقي مولانا في وسط الخرطوم ذات ليل كوووم براهو وتلاقي مولانا محمد المرتضى مع سارة بت اختو دا كوم براهو .. وتلاقي محمد المرتضى مع ناس بيتم دي اكوووم حاجة في الدنيا
عليك الله خلينا .. قال اتصل علي .. |
بصراحه كده أنا الزول ده من أول كنت معجب بكتاباتو الجميلة الدافئة في البورد ، ولكن من خلال كلامكم عنو حبيتو لله في الله كده .... حبيتو جد ... يمكن برتبة نفر ... لكن الحب هو الحب ... وحبيتكم إنتوا زاتكم ...
دامت المحبة بيننا يا أحباب ...وتصبحون على ألف حب ....
مع خالص حبي وتقديري ؛؛؛
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: Mahmoud Mustafa Mahmoud)
|
ثم ماذا بعد يا حزن؟؟؟
تظن جهلاً أنك تشغلنا عن من نحب؟؟
ألا فلتعلم أيها المسكين أنك لن تزيدنا إلا محبةً في من نحب...
رحل مجدي..
ثم رحل وردي....فظننت جهلاً ..أنك انتصرت..
كلا...فقط ازدادت محبتنا لوردي وهو ينتزع مكانه عنوةً واقتداراً في الخالدين..
رسالة أخيرة إلى الحزن:
شكراً لك لأنك جعلتنا نتمسك أكثر بمن نحب....
وننشيء لهم في غرف القلب والوجدان "ملاعب جولف"
خضراء مد البصر..
هلموا أيها المحبين... نواصل ما انقطع من سيل المحبة
في حضرة مولانا محمد المرتضى حامد...
هلموا ..تدفأوا...
ألا ما أسوأ الصقيع..
..
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: saadeldin abdelrahman)
|
Quote:
والله يا محمود،
ممكن افول ليك كلام من شاكلة أنه كذا و كذا و القط سفنجاتي و اتخارج،
لكن مافي طريقة، قول لي ليه؟
عارف الفصيلة النادرة من البشر الملائكيين، ايوة .. اولئك الذين يجعلونك تتحسس انسانيتك
و منابع الجمال في الكون و في ذاتك، بيقطعوا لسانك يا حوت:)
|
أبو الزفت...القصة جابت ليها عرسان بي "ملايكتم"..
الشي دا بوست ولا عِرِق محبة؟؟
وتلقى فيها "عروق محبة"...
أبو السعود يا حبيب..
مرة مرة كدا أبقى أدينا "خفسات" من ضمير الغيب تُشجي مسمعي..
ما تختفي كتير يا "برلوم"..
الله يهنيك ويسعدك..
حبابك..
..
.
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: khaleel)
|
Quote:
راقي لذيذ خطابو
يا محمود محمد مرتضي
صورة وصوت
|
أهاااااااااااا....
أمانة يا بوست المحبة ما جبتا لينا راجلاً ضو خلاص..
حبابك ياخليل يا "معلم"..
علي الحرام بالأكتر..
Quote:
اقول ليك كلام
المريخ ما يوجعش
|
خربتها...
على العموم "عيال مدريد" زاتو مرات ما يوجعش..
هذا..وتقبلوا سيلاً من المحبة والأشواق..
..
.
| |
|
|
|
|
|
|
|
|
|
Re: أدفأ من الدفء زاتو صوتك يا مولانا محمد المرتضى حامد (Re: نجاة محمد بابكر)
|
قضية؟؟؟
قضية شنو آآآنجاة ياخ؟؟؟
هو في قضية أكبر من المحبة؟؟؟
ونحن من قال "عتيقنا":
لي في الحب مسائل ياقاضي الغرام
على أي حال..لو متابعة معانا من الأول
زي الناس كانوا حاسمين الحتة بتاعة مشاركة الجنس الآخر دي لاعتبارات "ظرفية"
والله كان ظرفية ما عارف...
لكن بعد دا كللللللللو....مرحب بيك...
وأعملي حسابك ما يطير فيك لوح تلج...
المكسراتية في البوست كتار خالص...
...
| |
|
|
|
|
|
|
| |
Mahmoud Mustafa Mahmoud
محمد حيدر المشرف
محمد عبدالرحمن محمد
ABUHUSSEIN
عمر موسي منجي
rummana
tmbis
الطيب شيقوق
طارق جبريل
Gaafar Ismail
Mirghani Ali AlAmin
محمد عبد الماجد الصايم
إدريس محمد إبراهيم
khaleel
saadeldin abdelrahman
ismeil abbas
Ahmed al Qurashi
جعفر محي الدين
نجاة محمد بابكر
فيس بوك
تويتر
انستقرام
يوتيوب
بنتيريست