|
دعواتكم لزميلنا المفكر د.الباقر العفيف بالشفاء العاجل
|
|
 Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
Quote: تستمطر عليك غضبات من علٍ،
و
ياا كافي البلا
وحايد المحن |
بالله يا محمد أرفع صوتك، قول ليهو،
ما عايز أكتب ليهو في أسباب غيابو باعتبار أن هناك من تأتيه لحظات ينتخب فيها الخلوة وينتبذ ركنا عبقريا،
بس كمان الخلوه الطويلة ما تمام، بِتشَفِّق، بالذات للشاب سعد ،
برضو ممكن يكون عايز يقرا ، مش زمان البت لامن تكون عايزه تزوِّغ العريس بتقول ليهو دايرا أقرا؟
أها يا سعد ، زي ما قال الفنان الذري إبراهيم عوض عبدالمجيد ، لو داير تحب حب وانساهو ريدنا،
ولو ترجع تصافي ..
بتلقانا مافي .. 
-
محمد عبدالرحمن ،
حبوبتي زمان ما كانت عارفه الصيغه بتاعتك دي ، كانت بتقول يا كافي البلا ويا (حوايد ) المحن.
| |
 
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
| Quote: كان تشرَك ليهو بـ بت عجاج برضو |
والله يا حيدر كان عارف كنت بنزلا ليهو ، بس خفت من صاحبك ملاسي،
عارف يا العزيز ، قبل دقائق هاتفني أحدهم بأن صاحبك شوهد
في الشرق الأوسط وكمان قريب خليج عمان .. في حين أني
كنت أعتقد أنه يتموضع في أستراليا الآن..
ياخ هو زاتو الواحد ما عارف يوجه النداء على ياتو قبله (بكسر القاف)..
يوم استراليا ويوم اليابان ويوم نيوزيلاندا ومرات الدوحه تقول فيدرر.
بالله يا حيدر دفره معانا وغنية بت عجاج خليها علي انا دا ،
بالمناسبه: ياتا؟
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
بعد السلامات يا ود حامد .
ظبي اليمن أغنية الفنان الكبير أبوبكر سالم
عليك الشيخ الجعلي يا ود حامد أسمعو بيردد المقطع البقول :
يا ظبي صنعاء .. دموع العين قد قالت لنا
يا ظبي صنعاء .. ليت الليالي لا تفرق شملنا .
أسمع المقطع ده بصوت ابوبكر سالم .. حتموت يا ود حامد علي الطريقة الحضرمية .
ده شعر الحضارمة يا ود حامد البنفش ريش القلب نفش .
وأرجع أسمع المقطع بصوت المجنون فيصل علوي
وبرضو بصوت الدرويش محمد مرشد ناجي .
عندي يا ود حامد تسجيل قديم في التلفزيون اليمني سنة 1982 عن الشعر اليمني
القديم وعن الأغنية دي . الأغنية دي فيها كلام عجيب .
ياخ ألف شكر علي النشلة الحلوة . تحياتي
| |
|
|
|
|
|
|
|
|
 Re: سعد الدين عبدالرحمن .. الكلام دا ما صاح منك.. (Re: سفيان بشير نابرى)
|
غايتو يا أبو السعود لو ما جيت يكون الكلام دا ما صاح منكـ .. بالجد!!
_
يا سعد .. هوي يا معلم .. مرتضانا دا ما بنقبل فيهو بغم .. ولا بنرضى ينعصي ليهو طلب!
بطّل الـ حركات الفارغة دي وتعال شوف حبيبنا دا بقول في شنو!!
_
وفي نفففس الوكت بثني كلام نابري دا!!
لو ما جيت بي بوست المرتضى بتاخدا سيكـ!!
_
مع التحية والمحبة بقدر ما يستحق المرتضى .. أو حتى يستغيث!!
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: مامون أحمد إبراهيم)
|
| Quote: ده شعر الحضارمة يا ود حامد البنفش ريش القلب نفش . |
حليلك يا ودموسى،
إنت يا عثمان قايل القلب فضل فيهو ريش للنفش؟
ياخ الحضارمه ديل ..
الحضارمه ديل يا عثمان..
العدنيين يا عثمان ..
ناس با فلان وبا فلان ديل..
ديل جمَّلوا جاوه زاتا وأي أرخبيل معاها..
غايتو..
(يا ظبي صنعاء .. ليت الليالي لا تفرق شملنا) .
ياخ..
إنت بس قول آمين..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: Osman Musa)
|
عزيزنا محمد عبدالرحمن محمد
جار المكسيك
يازول شايف عيون اليازية دي ساعة تقول :
ظبي اليمن يا حلا ... ياروح من يهواك
حاولت أنسال .. ولكن ما أستطعت أنساك .
..
سامع ؟ وياخ برضو تقول لي البرازيل فيها قهوة .
العيون دي يا حمو يا صاحبي أصلها كدي . لا كحل ولا قصص ال RITE AID .
سيحان الله خالق البركاوي .
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: Osman Musa)
|
| Quote: الله يا قريبي عثمان لقيتك سماع سمع شديد |
يا سفيان ، عثمان دا الناس فاكرنو حصريا على شاكيرا لكن
هذه الشاكيرا وأمثالها ديل بس بجي ماري بيهم لامن تكون عندهم (ملمات) فقط لكن
ودموسى اختصاصي في الفن السوداني وأظنك تابعت بوست إختراق الضاحية عن محاضرة
شقيقنا طراوه ، كما أنه معني بمنطقة الشرق الأوسط بشكل رئيس وعضو مشارك في
فعاليات أستير اويكي والمعلومة بنت الميداح وأما ظباء اليمن ف (أسكت كب)..
مودتي يا نابري..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
| Quote: غايتو يا أبو السعود لو ما جيت يكون الكلام دا ما صاح منكـ .. بالجد!! |
ممتاز يا ود الصايم
Quote: وفي نفففس الوكت بثني كلام نابري دا!!
لو ما جيت بي بوست المرتضى بتاخدا سيكـ!! |
في قبولو؟؟؟
إن شاء الله سعد ما يكون قرا جملتك الأخيره دي ،
ما بيجي ..
بعدين يا محمد زولك متجدع في الخليج قالوا ونحن في الدمعات غرقنا،
منتظرين أدروب يجي يقول لينا راهات..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
Quote: ما راكب معاكم خطة المناداة بالأغاني
لأني رجل ليس لديه سماعات |
بله،
إنت قايلنا بنسمع الغنا بالسماعات؟
يا بله ، بالله دا كلام تقولوا علينا بعد العُشره دي كلللللها؟
ياخ سعد الدين دا لو ما نزلت ليهو أغنيه بيعرف إننا نزَّلناها،
حتى لو ما فتح الكوم بيوتر..
دا زول رقيق وهادئ لدرجة إنو ممكن يستمتع بشريط فاضي - كما قال صديقي الأمين مبارك.
إنت برضو ساعدنا بي غنيه يا بله .. إن شاء الله من الأسكله وحلَ.
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
Quote: ياللروعة ! كان هذا هو مشروعي القادم
بس سبقتني بشوية |
المأمون سلام،
لم أسبقك على شئ والفن اليمني بحر لاساحل له وأنتظر أن تبتدر عملا في هذا الإتجاه،
لم يكن هذا البوست في اتجاه البحث في مسائل فن أهلنا السمحين ديل فقد سبقني أخي عثمان محمد صالح
منذ يومين في فتح نافذة على الفن اليمني ولكنني أخذت هذه الأغنية تحديدا ورفعتها شعار مناشدة
لعزيزنا سعد الدين عبد الرحمن الشاب الفنان فهو ينضح فنا وقلت اليازيه بتجيب خبرو، إلا أن الناس
الفنانين اهتبلوا السانحة ودفقوا مخزونم من فن أحفاد بن حجر الكندي إمرئ القيس ، وأهو كسروا
سد مأرب الطرب وجاء سيل العرم بما يُسكر.
سننتظر مشاركاتك هنا أو هناك..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
يوم شاكيرا ياود حامد صاحبك اليماني بتاع سندوتشات
كباب الشارع . كبابو عطرابتو قامت وحرق وهو سارح في ديك المحيطات
البعيدة . بعد ما دلوكة شاكيرا أنتهت
زولك حلف علينا قال اليوم SUNDAY وال DRINK وأجب علينا تب . وكان متكيف
كيف السنين من ديك الفنجطة الرهيبة .
بس فنجطة اليازية يا ود حامد . فنجطة بالعيون . ودي أخطر أنواع الفنجطة .
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
هرون يا صفوه،
قبال ما أنسى ، صاحبك داك بتاع الموج "الأزرغ" و "سيدا - بالهندي" يعني طوالي ، و"الزعيم" وما نحو ذلك من ترهات
قافل موبايلو من يوم البونيه ديك وربما حتى إشعار آخر..
بالنسبه لصاحب البوست قالوا لي (تحت تحت) لازم ننزل الكواكب احتفلـوا بالقمر..
هسه أنا الغنيه جهزتها باقي الكراسي والساوند عليك ..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: مبارك محمد عثمان)
|
| Quote: أها سعد الدين ده لازم يجي ،، ويمكن يجي الفتح مع أحمد فتحي . |
يا المأمون،
يبدو أن المفاتيح كانت بيد فتحي ،
كنا نظلم فناني اليمن السعيد بتكاسلنا عن تقصي فنهم وهم أهل حضارة
حقيقية وأصيلة وهم أهل الشعر ومنهم إنفجر الجمال فعم الجوار،
بلد أنجب صناجة كالبردوني لابد أن يلد الشوامخ من الفنانين ..
أحمد فتحي كان أول من استمعنا إليه من فناني اليمن حيث
أنه كان الأكثر حظا من رصفائه في حضوره بقنوات التلفزة الخليجية قبل
الفضائيات ، لكنه اختفى منذ منتصف التسعينيات ، على أية
حال بنقول لفتحي (بركه الجيت)..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
في الثانية السابعة و الاربعين تحرر راس الحربة من مصيدة التسلل و انطلق مسددا في ثمانيات معالق الجوف
تاركا الشباك تنتفض و الجماهير تشعل العمم و كل ما نالته على يدها و لم تنل!
يا مولانا تالله ان هذا لهو الذبح الحلال و ولا أذية للشامتين كاروشة و النابري.
صديقي عبدالله عيدروس علق بعد تركي لرقم تلفوني على الفيسبوك : انت قايل اليازية حاتتصل ولا شنو؟
كان هذا قبل معرفتي بالاذية و و أبعادها دون شك ، و لو علم الكلام مكلمي لافتى بان الثريا بين السلوك ،
اتصالاتها لا تحتاج أرقام او خلوي . وايفاي و حقول مغنطيسية ترمي البعيد في النار!
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: محمد المرتضى حامد)
|
Quote: في الثانية السابعة و الاربعين تحرر راس الحربة من مصيدة التسلل و انطلق مسددا في ثمانيات معالق الجوف
تاركا الشباك تنتفض و الجماهير تشعل العمم و كل ما نالته على يدها و لم تنل!
يا مولانا تالله ان هذا لهو الذبح الحلال و ولا أذية للشامتين كاروشة و النابري.
صديقي عبدالله عيدروس علق بعد تركي لرقم تلفوني على الفيسبوك : انت قايل اليازية حاتتصل ولا شنو؟
كان هذا قبل معرفتي بالاذية و و أبعادها دون شك ، و لو علم الكلام مكلمي لافتى بان الثريا بين السلوك ،
اتصالاتها لا تحتاج أرقام او خلوي . وايفاي و حقول مغنطيسية ترمي البعيد في النار!
|
بالله يا عثمان شوف زي دا يكون متوقف ..
هسه الفرق شنو بين الحاله دي وحالة واحد زي Messi يقول ما داير يلعب..
يمين ال (نوكامب) بيبقى ( كامب ديفيد) بس..
والله قصص ..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: Osman Musa)
|
Quote: مولانا مرتضى الصفاء الجمال
لا اعز منك نبره و لا انقى منك نسمع له.
هو فقط السفر و الحمى و ما ذكرت لك
ساعود باذن الله
محبتي |
اهو جا .. بركه الجا .. وجاب العيد معاه .. صورة المرتضي بالجلابيه ضحكت بعد ما كانت
مزمزمه ..
يا عثمان موسي
Quote: يوم شاكيرا ياود حامد صاحبك اليماني بتاع سندوتشات
كباب الشارع . كبابو عطرابتو قامت وحرق وهو سارح في ديك المحيطات
البعيدة . بعد ما دلوكة شاكيرا أنتهت
زولك حلف علينا قال اليوم SUNDAY وال DRINK وأجب علينا تب . وكان متكيف
كيف السنين من ديك الفنجطة الرهيبة .
بس فنجطة اليازية يا ود حامد . فنجطة بالعيون . ودي أخطر أنواع الفنجطة . |
والله الما قرا دي ما قرا .. خليك لازم البوست ده وجيب لينا ابوبكر سالم وماتنسي كرمه
مرسال ولاتخلي حضرمي ولا يماني .. الناس ديل مناجم طرب .. وسيبك من الرويشد
المسّخ القهوه
عمر علي حسن
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: عمر علي حسن)
|
Quote: وسيبك من الرويشد
المسّخ القهوه |
المشكله يا سعادتك الزول دا ما قاعد في واطات الله دي، عادي جدا يقول إنو فنان العرب الأول،
صدقني لا أعرف له أي أغنية بس بشوفو -بالغلط - في التلفزيون..
بالله مش هملت؟ الزول دا ما سمع أبوأصيل بيغني (مركب هوانا)؟
لاسمع عبدالوهاب الدكالي أو لطفي بوشناق أو أي زول من ناحيتنا؟
غايتو..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: سفيان بشير نابرى)
|
في سنة 1982
يا ود حامد كنت في اليمن السعيد .
في ديك السنة عاد الفنان اليماني الحضرمي الضخم أبوبكر سالم بعد 25 سنة
.. عاد الي اليمن من وطنه الثاني المملكة العربية السعودية .
أتيحت لنا يا ود حامد فرصة مقابلة أبوبكر بواسطة مدير أعماله السوداني
المقابلة يا ود حامد لم تنشر في صحيفة الثورة اليمنية .
بعد حديث أبوبكر عن حكم العسكر وعن الدراهم ( البقش ) التي
تمنح لناس ( الترييرم ترييريم .
في مهرجان العودة يا ود حامد . طلع المسرح بأغنية
( بأغنية قلتوا عتنسوني ) وكسر الأغنية بالأغنية العجيبة أغنية
الشاعر القاضي عبدالرحمن بن يحيى الأنسيى ( أغنية قال المعني )
البتقول :
قال المعني سمعت الطير يترنم
فهيج أشجان كان القلب ناسيها
عن حب سيد الغواني ذري المبسم
ومن لها أعيان تسبينا سواقيها .
..
أبوبكر سالم يا ود حامد الفنان و مدرس اللغة العربية تفوق علي
الجميع في تطويع الايقاعات اليمنية القديمة . سألت صديق يمني
في نيويورك عن جربعة وبهدلة الفنان الرويشد لأغنية قال المعني
فقال : هذا الرويشد يستحق القدوقدو السوداني يا شيخ ههههههههها
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: Osman Musa)
|
يا عزيزنا سفيان
سلامات
يا سفيان في علاقة هم وعلاقة دم
بين السودان واليمن والحبشة والصومال . شايف ؟؟
عليك الله يا سفيان أسمع أغنية الفنان اليمني علي بن علي الأنسيى
( خطر غصن القنا )
بصوت الفنان الصومالي اليمني أحمد ربشة
وتعال أسمع أغنية عازة في هواك بصوت الفنان الاثيوبي ملليك .
شوف العظمة وشوف السماحة وشوق صدق العلاقة بين الشعوب الجميلة .
وحاجات السياسة المستحيلة .
..
خطر غصن القنا . أنت عارف يا سفيان قصد الشاعر . تشبيه سير المحبوبة .
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: سفيان بشير نابرى)
|
Quote: يازول كدي الغناء خليهو فتش المدايح
النبوية بتاعة المغاربة و الاناشيد
الدينية و تعال لاقيني كان بقت فيك
روح . |
عارف يا سفيان .. مافي ناس مدحوا الرسول قدر المغاربه ديل،
ياخ (الله يا مولانا الله) هناك زي النشيد الوطني والمسألة دي
مصدرها الطرق الصوفيه في شمال أفريقيا والمغرب العربي ..
مافي شئ خلاني أعرف جيل جلاله غير المدحه الغنيه دي ،
بيمدحوا من القلب .. والعجب المديح عند الموريتانيات..
خمج..
بجيك بس ما تقول لسعد أغتس تاني..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: Tayseer Elmobarak)
|
| Quote: و .... (انتو ما ناسنا). |
الله يرحم صالح الضي يا تيسير،
بصوته الآتي من نجم على بعد كم سنه ضوئيه لامن يقول نحن ما ناسَك .. ما ناسك.
شكرا يا عزيزه ..
شايفه سعد الدين عمل فينا شنو؟
لو ما مرقناهو نحن يمين لا شيفرون ولا تكساكو بتمرقو..
لكن لا أخفيك أن تكنولوجيا (اليازية) بتطلِّع زيت أي منطقه ..
تسلمي يا سيدتي ..
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: Osman Musa)
|
Quote: يا ود حامد اليازية عجيبة .
الزولة يا ود حامد عندها عيون تخليك تدقش ال METRO النهار .
عليك الشيخ الجعلي حاول أسمع الأغنية كتير .
كلام قوي وصعب وجميل . |
زمان في واحد في المسالمه يا عثمان ، زول بسيط ، بسيط لدرجه تحنن زاتو،
لامن يشوف حركه زي العملتا اليازيه دي بعينها الشمال طوالي يقول ليك : هيروشيمــــــــــــــــــــا.
| |
|
|
|
|
|
|
|
|
 Re: سعد الدين عبدالرحمن .. الكلام دا ما صاح منك.. (Re: tayseer alnworani)
|
الأحباب المتسللين الى الفؤاد رقة و انسجاما،
مرتضانا و عثمان وشيقوق و النابري و أخونا كاروشة و الحنين الذي بانت صعوبته و كل ضيوفكم الكرام،
اليازية ليتها بالهناء و الحب الذي لا يفرق شملها و إيانا بحق عينها اليسرى!
منتشيٍ أخاكم حد التخمة بهذا الدفق و الأريحية، حتى لا يدري ما يقول.
تقبلوا سلام البلد و اهلها الحنان.
| |
|
|
|
|
|
|
|
|
|
Re: سعد الدين عبدالرحمن .. الكلام دا ما صاح منك.. (Re: saadeldin abdelrahman)
|
عزيزنا سعد الدين
سلامات
تعال يازول .. تعال الدنيا عيد . تعال
تكرم علينا يا شقيق بالهطول في بوست ظبي اليمن .
بلاد اليازية والسفرجل والقهوة والشعر والتمرد . تعال يا سعد الدين .
وتمرد كما تمرد في المفرق اليماني سفيان نابري .
عليك الله يا سعد الدين كدي عاين لصورة بادي 1980
ثم ارجع لصورة أبوبكر سالم سنة 1980
وجيب أغنية ( الكواكب احتفلوا بالقمر ).
وجيب أغنية ( أنتي الأصل والفصل يا يمن )
وأسمع الصوتين يا سعد الدين أخوي . وشوف الشبه بين بادي وأبوبكر .
الفرق شنو خلاف شلخ ال T حق بادي ؟؟؟
يا سعد الدين اليمن حقتنا لحم ودم وشعر .
اليمن فيها شعر زي حبوب وجع القلب الاسمها SIMVASTATIN .
شعر فاهم ومريح وعديل .
تحياتي
| |
|
|
|
|
|
|
|
|
 Re: سعد الدين عبدالرحمن .. الكلام دا ما صاح منك.. (Re: Osman Musa)
|
أيا عثمان،
سلمك الله من كل سوء..
قبل سنة او اثنين قام نفس مولانا المرتضى هذا باكتساح جوي تفادى فيه كل مضادات الصفاء و الحس الانساني السليم
حملته تلك كان شعارها- آنذاك و قبل و بعد- تعال فرح ليالينا و تعال قبل السنين تجري، فعلها و اعانه عليها آخرون!
هذه المناجاة تليق به و هو بها جدير و ما انا و كثيرون غيري سوى حواريون.
سأقوم بالمقارنة و اعود بالاغاني و لو بعد حين.
--------
بين شاكيرا و آل كارداشيان و عنب اليمن جهجهتوا باكاتنا :)
| |
|
|
|
|
|
|
| |
محمد المرتضى حامد
الطيب شيقوق
محمد عبدالرحمن محمد
معاوية عبيد الصائم
الشامي الحبر عبدالوهاب
حيدر حسن ميرغني
Osman Musa
سفيان بشير نابرى
محمد عبد الماجد الصايم
بله محمد الفاضل
مامون أحمد إبراهيم
haroon diyab
saadeldin abdelrahman
مبارك محمد عثمان
nada ali
فيس بوك
تويتر
انستقرام
يوتيوب
بنتيريست