|
دعواتكم لزميلنا المفكر د.الباقر العفيف بالشفاء العاجل
|
|
 Re: حسناء الأولمبياد.. (Re: محمد المرتضى حامد)
|
لا تنسى أن الشمس تتعامد عندنا في موسم الصيف ويحفنا ظلام دامس الأركان ..
أو حينما تأخذ المعرفة قدرآ من الراحة فيمد أبوحنيفة رجليه فوق رؤوسنا!
واصل حكيك الجميل ولولا أناسآ مثلك في المنبر لغادرناه زمرآ .. تحياتي يا رائع ..
فزلكة:
كنت في بوست فتحته قبل إفتتاح الأولمبياد نعقد مقارنة بين بكين 2008 ولندن
2012 ..!! Just Imagine That
| |
 
|
|
|
|
|
|
|
|
Re: حسناء الأولمبياد.. (Re: جمال السنوسي)
|
Quote: يا اخوانا نحن مستهدفين
|
من الكفرة ديل.
تعرف بعدنا عن الدين هو الخلانا متخلفين.
وأعني دين الحزب الحاكم.
هسع لو كلنا كيزان، كان تلقانا في كافوري البشبه ماليزيا.
تقدم واللا ما تقدم.
| |
|
|
|
|
|
|
|
|
|
Re: حسناء الأولمبياد.. (Re: جمال السنوسي)
|
هسه نحن فى الشهر الفضيل ده نجاهد الانجليز ، نجاهد النفس الامارة، نجاهد ابليس ، نجاهد محمد المرتضى ده؟؟
غايتو فى بشر كده الواحده لا بدرة ولا احمر، تستكمل عدة الجمال الالهى 30 قيراطاً وتجى بازغة فمن شهد منكم الشهد فليصنه ...
اللهم اكلأ البوست برعايتك وجنبه ود القاضى وحبيب نورة وطارق جبريل والطيب شيقوق. ومن كل وغدة حائمة .
جنس استهداف هو ، مولانا ترفق فنحن من ماء وطين،،،
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
| Quote: اللهم اكلأ البوست برعايتك وجنبه ود القاضى وحبيب نورة وطارق جبريل والطيب شيقوق. ومن كل وغدة حائمة . |
ينعل سعادة شيطان حضرتك يا صديق الموج
صورة مع التحية لكل من ود القاضى وحبيب نورة وطارق جبريل والطيب شيقوق ... شكلك نسيت ود الصايم ووليد المبارك
سلام وتحية لصاحب البوست
| |
|
|
|
|
|
|
|
|
|
Re: حسناء الأولمبياد.. (Re: ABUHUSSEIN)
|
| Quote: و كمان ود القرشي بقى إمسح ليه مداخلة كاملة .... |
هههههههههههههههه
والله يا ابو الحسين كنت بحاول انزل في الفيديو وفشلت الا
بعد مساعدة مرتضى
البوست دا يا ابو الحسين بتفصلو شعرة بسيطة من ابطال الصوم
غايتو لو جاء حبيب نورة بيقطع ليك تب
ربنا يستر
| |
|
|
|
|
|
|
|
|
|
Re: حسناء الأولمبياد.. (Re: Ahmed al Qurashi)
|
Quote: الملكة لابسه بصلي (طبعا ماعندها مشكلة بصل) تجلس في المنصة وقد أنجز شعبها الثورة الصناعية ومعظم الإكتشافات والإختراعات التي غيرت وجه التاريخ وقلبو ومخه وكرعينو،
قارنتها بسرعة مع الناعقين صباح مساء بخطب الخشخاش المخدرة ..
المزعلني توقعت إليزابيث بعد كل هذا البهاء والقوة والجبروت تقوم ترقص على أغنية بول مكارتني المدفع الرزام..
بالإنجليزي.
فلم تفعل..
هدوء ورزانة الواثق.. |
| |
|
|
|
|
|
|
|
|
|
Re: حسناء الأولمبياد.. (Re: أحمد الشايقي)
|
Quote: Quote: | Quote: يا اخوانا نحن مستهدفين |
من الكفرة ديل.
تعرف بعدنا عن الدين هو الخلانا متخلفين.
وأعني دين الحزب الحاكم.
هسع لو كلنا كيزان، كان تلقانا في كافوري البشبه ماليزيا.
تقدم واللا ما تقدم. |
والله يا عبدالحي كان الشفتهم بعيوني البياكلا الدود ديل هم المستهدفننا جد لي وجد ليك وجد لأمنا وجد لحبوتنا..
وجد لعبدالعاطي؟
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
| Quote: هو صاحبك دا لسه بدقش في الناس لم إكون في جكس في الشارع و ل حالو إنصلح . |
يا ابو الحسين الزول دا عشرات السنوات بدقس فينا
لكن بمزاجنا .... عارفنها دقسه وبندقس ليهو
رمضان كريم ولك كل التحية والود
| |
|
|
|
|
|
|
|
|
|
Re: حسناء الأولمبياد.. (Re: Ahmed al Qurashi)
|
الموج
اللهم اكلأ البوست برعايتك وجنبه ود القاضى وحبيب نورة وطارق جبريل والطيب شيقوق. ومن كل وغدة حائمة .
جنس استهداف هو ، مولانا ترفق فنحن من ماء وطين،،،
معليش السيستم بتاعي ما بيقبل خمشة الاقتباس فقلت اخمش واخلي الخمشة صقيعة زي ........................ (راجع ود المنسي او ود جبريل لتعبئة الفراغ)
بعدين يا ود الموج ات فاكر نحن بقرانين من البجيب فيهو مرتضى دا ؟
دي مراحل نحن اتخطيناها قبل الستينات لما كان العبادي بيقول :
ارخي اضانك واسمع بس ما تخلي وليد حداك
http://www.sm3na.com/audio/fac511995092
خصمتك بالرسول يا ود المرتضى تشغل لي الاغنية اوتوماتيك في بوستيك دا وابعد خليهو لي للرفع بس
| |
|
|
|
|
|
|
|
|
|
Re: حسناء الأولمبياد.. (Re: الطيب شيقوق)
|
كنت آمل أن تمر أمام المنصة بعثة ضخمة من أبناء ما تبقى من السودان
ثم تنتقل الكاميرا إلى المنصة لتعرض صورة رئيس سوداني منتخب وهو يحيي أبنائه الأولمبيين والعَلَم..
زي العملوهو باقي خلق الله ..
لكن ، وكما قال ود المكي : إن الأماني إذ نشتهيها .. تعلقنا من سراويلنا في الهواء
وأن اللواتي تولين عنا و (ضيعننا) كن خير النساء وأن الحياة سلو عن الموت تعزية عن عزاء.. - شكرا يا الفاتح على المرور ..
| |
|
|
|
|
|
|
|
|
 Re: حسناء الأولمبياد.. (Re: محمد المرتضى حامد)
|
Quote: يا ابو الحسين الزول دا عشرات السنوات بدقس فينا
لكن بمزاجنا .... عارفنها دقسه وبندقس ليهو
رمضان كريم ولك كل التحية والود |
غايتو يا دكتور ما أديتني أي فرصة علشان أتضامن معاك أو أمشي ليك البتسوي فيه دا.....
أرجع لي مداخلتي كدي شوف أنا قلت بدقس و ل بدقش
يا جماعة من كان منكم مريضاً أو على سفر دي ما قريتوها في آية الصيام و لا حتى على الذين يطيقونه ....؟؟؟
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
Quote: كالنعامة دوما أهرب من مشاهدة هذه الأعمال (الإرهابية ) المبهرة لأني سرعان ما أعقد المقارنات المحبطة النتائج دوما،
تسمرت أمام شاشة التلفاز ، وما هي إلا دقائق من الخيال حتى وجدتني أعقد مقارناتي السخيفة بين حال أولئك وحالنا،
مع سؤال بايخ : هل ننتسب لذات الأرض !! |
يا مولانــا
والله كأنكـ كنت جلوساً معنا ، أنا ، معتصم والوغد صلاح شتات
هربت من وحدتي إليهم
طلعت منهم قرابة الرابعة صباحاً " شفت الثقالة كيف ؟ "
دموعي تفضحني دائماً في هكذا مواقف
ما زلنا نتمنى لهذا الوطن يقوم على حيلو
يردد شتات مقولتي التي أخافها " وطنيتنا على المحكـ !! "
>>>>
Leryn Franco
قوقل لم يراعي وضعنــا الحالي ، أحرجني كثيراً وهو يعطيني خيارات أخرى ، لم أدقق كثيراً :)
حتماً سأحتفظ بالإسم في ذاكرتي المتمرده 
| |
|
|
|
|
|
|
|
|
|
Re: حسناء الأولمبياد.. (Re: عمران حسن صالح)
|
| Quote: يا جماعة من كان منكم مريضاً أو على سفر دي ما قريتوها في آية الصيام و لا حتى على الذين يطيقونه ....؟؟؟ |
يعني لازم تفضحنا يا ابو الحسين
يا زول ما كان تمشيها لينا ما بتخسر حاجه
يا أخي داير تلبسنا النضارة حتى في البيت
بعدين الغلطان انت ما تكتب كبار شويه
| |
|
|
|
|
|
|
|
|
|
Re: حسناء الأولمبياد.. (Re: Ahmed al Qurashi)
|
.
عليك الله يا (أبو حسين) سمعت ليك بميداليه ماسيه؟
وأنها فازت بها لاعبة قبل أن تبدأ المنافسات؟
وفي رمي الرمح؟
هسه الرمح دا لازمتو شنو مع ( سـهـم لحـاظك ال ليـنا نـابل) !!
هل يرضيك كدا يا جميله؟ مهرجان زي دا يا مولاي لامن تجي فرانكو دي داخله مفروض الملعب الأولمبي كلو يغني جوهر صدر المحافل.. أبوحسين أقول ليك قوله؟ خلي نصيحتك عني شيلا..
| |
|
|
|
|
|
|
|
|
 Re: حسناء الأولمبياد.. (Re: محمد المرتضى حامد)
|
ديل رماة الحدق البقولوهم
ياخ رمضانكم كريم
إتذكرت الزول الذى جاء للخرطوم
وشاف العمارات وقال تبانة الجن
دى بوصلوها كيف قادر الله والله
إيدم تكون لى هنا فى الشعيريه ولحس
كوعه وذات المشهد سيتكرر لو ذهبت
كل عمارات الخرطوم إلى هناك.
ألف رمضانكم كريم والرمضاء تلك
أدخلوا منها جوه
وحار السلام
| |
|
|
|
|
|
|
|
|
|
Re: حسناء الأولمبياد.. (Re: munswor almophtah)
|
| Quote: البوست دا يا ابو الحسين بتفصلو شعرة بسيطة من ابطال الصوم |
لا أتفق معك يا أحمد مع علمي أنك لاتعني ما تقول،
مبطلات الصوم معروفة،
البذاءة والسرقة وغياب العدالة وأكل أموال الناس بالباطل وقطع الأرزاق وقتل النفس التي حرم الله إلا بالحق..
المسألة قطعا ليست إمتناعا عن شهوتي البطن والفرج وأنت أدرى مني..
رمضان غير بعيد من جمال الروح والنفس وحب الناس ..
هسه يا قرشي منظر لندن والملعب الأولمبي من فوق ومهرجان الألوان وقوس قزح البشاشة والفرح
الينثال ويسري بين المقاعد ويكهرب القلوب على اختلاف الجنس والعرق واللون أم منظر الوجوه
المكفهرة العابسة ولاهم لها غير التلصص والتجسس وشعر النساء وبناطيلهن؟
ياخ الخرطوم وكل المدن بالليل نائحة ثكلى لربع قرن ..
دعواتك يا شيخنا..
حتى لو بالأمرضني وما طباني..
| |
|
|
|
|
|
|
|
|
|
Re: حسناء الأولمبياد.. (Re: Hisham Ibrahim)
|
ولعلك يا مبجّل حين تحدثت يوماً عن حضاراتِ ما بين النهدين لم تكن تعلم بأن يطول بك الصبر حتي تبلغ تضاريس حسناوات لندن، وتمرّغ عينيك في ( ميري )
ثمارهن الناضجة، وأنت تعلم مسبقاً بأنهن يتهددنك بالويل والثبور وعظائم الأمور . ولكن ربك رب الخير كتب لك ميتةً أقل ما توصف به أنها ( لئيمة ) . يا هداك الله
عيون المها التي كانت تتمشّي لواحظها بين الرصافةِ والجسرِ لو شاهدن ما شاهدت لأنطفأ نورهن قبل أن يبلغن شجرة البيعة .
لباقة وأناقة ورشاقة .. ياربي ديل ما غنن مع سيدنا قدّس الله سرّه حين قال ( قلب المخضوب فوق الفاقل ودلّي اليمني ومشي متّاقِل ) ؟
يقال أن لاعبة التنس التي تظهر صورتها أدناه قد شوهدت وهي في حالة ( أم فكّو ) مكتمل النصاب وحلّ عليه الحول من قبلِ شهودٍ عدول
وذلك قبل بداية أولمبياد لندن بعدة أيام . نسأل الله السلامة ونشكره علي فضله وجليل نعمائه أن جعلنا من سكان جمهورية مرسي الإسلامية .
الجدير بالذكر يقال أن جل من شاهدوها قد أصيبوا بالشد العضلي وقليلٌ من الحيرقان ونشاف الريق والله تعلم !!
أنظر لتلك الشجرة ذات الغصون النضرة، ثم بسمل وحوقل ولا تأخذنك شفقةً بالوسواس الخناس الذي يوسوسُ في صدور الناس :)
أها يا مولانا سِفْ وقارن
ويا عزيزي الصايم لو ما فاطِر ما تخاطِر ولا عذر لمن أنذر
أها دي قطِع شك تستحق الميدالية الذهبية في رمي قلوب العزاري والحياري والسكاري
ديني أنا
كدي نفتح ليكم ملف تاني
| |
|
|
|
|
|
|
|
|
|
Re: حسناء الأولمبياد.. (Re: حبيب نورة)
|
نفتح ملف المشجعات وأتفرجوا وشوفوا إنشاء الله بي بركة الليل الأمسي والأوقات الخمسة تعدموا طفاي النار
ده منو وده شنو وده جنسو شنو ؟؟؟
علي بي جملة الإيمان دي ياها ذاااااااتة الكتبوا فيها ( جوز عيونو مدافع السواحل )
الله ينصرك ياختي
جزاك الله عنا كل خير
الله يقطع الجمكسين وطارق جبرين في الدارين
قولوا آمين يا مسلمين
لا حولا لاحولا
يا جماعة الخير
الكورة السودانية لا تزال بخير
نحن أزمتنا الحقيقية أزمة مشجعات !!
جيبوا لينا مشجعات زي ديل وما طالبني حليفة موردة العيلفون يجيب ليكم كاس العالم في الكريكيت
| |
|
|
|
|
|
|
|
|
|
Re: حسناء الأولمبياد.. (Re: حبيب نورة)
|
أها ده ما يعرف بالكمدة بالرمدة
الغريبة بعد ده كلوووو يجيك واحد من شذاذ الآفاق يقول ليك هتلر كان سفاح ؟؟؟
عجبي !!
أها كيتاً عليكم يا رجرجة يا دهماء إنشاء الله ألمانيا تتعلّي وما تتدلّي بركة من صلي وقال يا الله
| |
|
|
|
|
|
|
|
|
 Re: حسناء الأولمبياد.. (Re: حبيب نورة)
|
أتذكرت زمان عندي شلة كده كانت عندنا مصطلحات خاصة بنستعملا برانا
مثلاً لمن نشوف بنت بعيدة مهوي القرط بنطلق عليها الدنمارك
وساحل العاج لصنف التقيل ورا
ولما نشوف بنت عندها خصر نحيل ( دِبلة ) بنقول ( والله فيها نص في البرازيل مافي )
في إشارة لخط وسط المنتخب البرازيلي المتفوق علي مرّ العصور !! :)
أحييييي يا برازيليا
اموت في ريودي جانيرو
| |
|
|
|
|
|
|
|
|
|
Re: حسناء الأولمبياد.. (Re: حبيب نورة)
|
مولانا أحمد الشايقي..
ديفيد كاميرون قاعد وقال لمليار مشاهد حول العالم شوفوا ال NHS
وأطفال السرطان الجميلين بنعمل ليهم شنو
وشوفوا ال Royal Air Force
والصناعه دي حقتنا
والأدب والتأليف برضو
والموسيقى والضحك والكوره
والحب بكل الألوان
والبفوت الحدود بنواسيهو ..
وبنأكل مما نزرع
وبنلعب بعد ما نتعب
والبطول لسانو حلف الأطلنطي بيقعِّدو مكانو..
ياخ مستر بين زاتو قال ونشرب إن وردنا الثيمس صفوا ويشرب مساكين أبروف كدرا وطينا ..
عندك أخبار المدينه الرياضيه بتاعت يوسف عبدالفتاح؟
| |
|
|
|
|
|
|
|
|
|
Re: حسناء الأولمبياد.. (Re: حبيب نورة)
|
يعني أسّي كان في داعي نفتِش في رمضان ؟؟؟
انتو صحيح علم السودان ممكن ألبسوا جلابية ؟؟؟
غايتو الــ ما شاف الجمال ،، سنتين بس و ريو دي جانيرو ما بعيدة ،،،
محمد و الضيوف رمضان كريم و الله
| |
|
|
|
|
|
|
|
|
|
Re: حسناء الأولمبياد.. (Re: عبدالكريم عبدالله)
|
استاذنا محمد المرتضى..حبابك يا صديقي,,
غايتو يادوبك وقع لينا: ليه استاذنا و صديقنا احمد القرشي مكسر في الحقيبة.. الجماعة سوها وصف..و احمد تماها شوف..!
و يا احمد القرشي الحربة هينة ياخي.. الكلام الديس ياعمك..ياخي ده كن ماغطى الجبال يكون قرب..!
كبر
| |
|
|
|
|
|
|
|
|
|
Re: حسناء الأولمبياد.. (Re: ناذر محمد الخليفة)
|
ولاني اعلم نواياك المعلنة والمستترة
حاولت جاهدا الحفاظ على ما تبقى من صوم ان ابتعد
متدثر بالقول المأثور
جينا الزقازيق شفنا لعجب
شفنا الجراد
وقمل الخشب
ارجع ليك بعد العمرة ان شاء الله
قوموا الى صيامكم هداكم الله
| |
|
|
|
|
|
|
|
|
|
Re: حسناء الأولمبياد.. (Re: د.محمد حسن)
|
كده يا مولانا المرتضى شلت ذنوبك وذنوبنا مع ذنوبك بفتح هذا البوست النائح الباكى المبهر البكسر الضلع............أقترح عليك تقضى العيد مع الأولاد...ويا كندا جاك بلا وجن أحمر.
أعتقد الأولمبياد القادم حتشوف الرئيس المنتخب وهو يحيى وفد السودان المشارك.....لك تحياتى ولحبيب نورة الذى تسبب لنا بأذى بليغ......وجبر الله كسرنا ( الضلوع وكده)
| |
|
|
|
|
|
|
|
|
|
Re: حسناء الأولمبياد.. (Re: د.محمد حسن)
|
| Quote: و يا احمد القرشي الحربة هينة ياخي.. الكلام الديس ياعمك..ياخي ده كن ماغطى الجبال يكون قرب..! |
شفت يا كبر ابوصلاح وصف الشعر كيف في هذه الأبيات ..
الشعور وأخر امــتدادا ............... مــع القـــديم اتصــل ودادا
والســـهام زايد اشــتدادا ............. جروحي هل تدرى بى عدادا
*************
ليك لحاظ ماسكه في القيادا ........... ولى جروح ماشه في الزياده
أرجو من صاحب السياده ............. قليـــل مـــراهم من العــــياده
ولا هنا
**************
عالي صدرك لي خصرك برا فيهو جوز رمان جلّ البرا
الخطيبة وردفك منبرا الشعور البسطل عنبرا
**************
الصدير أعطافك فترا والنهيد باع فينا وأشترا
الوضيب إقدامك سترا لقطيبو قلوبنا البعثرا
وشوف هنا كمان
ديسه للقدم وصل الخبر............والصدير برز قلع انتبر
والنهيد رخص لسه ما جبر........ قلبي هج طار عنه ما صبر
*******
الشعر نزل للدرع ستر ................زاحم القدم فيه كم عتر
الصدر قلع والردف نتر .........والضمير تعب حالته في خطر
تحياتي عزيزي كبر
| |
|
|
|
|
|
|
|
|
|
Re: حسناء الأولمبياد.. (Re: Ahmed al Qurashi)
|
Quote: سلام ... وبس
بوست تحفة .. ونعم الإستهداف .. |
يا المعتصم،
كثيرا ما سألت نفسي عن هؤلاء الذين يستهدفونا كل هذا الزمن الضاع من عمرنا!!
أدرك جيدا ويدرك أي فرد على وجه البسيطة أن هناك مصالح متعارضة منذ قابيل وهابيل
وأن هناك صراعا مستمرا للبقاء على وجه الأرض وداخل المحيطات وربما بين الكواكب
وهذه ليست بمعلومات جديدة ، والساسة الأكفاء هم من يعرفوا كيف يكسبوا لشعوبهم
أكبر قدر من المصالح وإذا لم يفعلوا فعليهم التنحي بأدب بعيدا عن العنتريات
التي ما قتلت بعوضه..
إذا لم يكن ما فعله بنا أبناء جلدتنا هو الإستهداف فماذا تراه يكون الإستهداف..؟
تيه في تيه رفل .. نجم الأولمبياد زها والبدر احتفل
.
| |
|
|
|
|
|
|
|
|
|
Re: حسناء الأولمبياد.. (Re: احمد محمد بشير)
|
Quote:
لباقة وأناقة ورشاقة .. ياربي ديل ما غنن مع سيدنا قدّس الله سرّه حين قال ( قلب المخضوب فوق الفاقل ودلّي اليمني ومشي متّاقِل ) ؟
|
( تلّ المخضوب فوق الفاقل فدع اليمني ومشي متّاقِل )
هكذا يا عباد الله ..
ول ما شايفين؟
نص عمركم ضائع!
-------
لقد كوجنت الصورة يا حبيبا لي نورة .. كوجنتها كلو كلو
ول شنو يا دكتور احمد القرشي!؟
| |
|
|
|
|
|
|
|
|
|
Re: حسناء الأولمبياد.. (Re: قيقراوي)
|
| Quote: بعدين يا ود الموج ات فاكر نحن بقرانين من البجيب فيهو مرتضى دا ؟ |
شيقا حاشاك..
خليك في ميدان الرابطه برعاية ربيع..
-
الطيب خليك معاي دقائق بالله..
الذين جاؤوا لحصد الميداليات ظلوا يعملون ليل نهار بالتدرب الصاح وفق أسس علمية
وتحت إشراف خبراء وبرعاية دول تحترم نفسها وتبذل تجاه بنيها كل رخيص لأنهم إما
أن يمثلوها أو يمثلوا بها.. يوم تكرم الأمم أو تهان ..
يشاركون بشكل منتظم في منافسات طوال العام وجايين يشيلوا نصيبهم من الذهب والفضة والمجد
مش جايين في رحلة موسمية يتفسحوا ويشتروا من شبردبوش وسالفة (والله كنا في لندن)..
صدقني ، ليلة الجمعه ما عرفت أودي وشي وين..
وهذا هو حالي منذ ربع قرن..
قال جايين يشاركوا لل (إحتكاك ) ..
قرن من الإحتكاك..
غايتو نقول جدل نحكم بعدل
جيد إنسان وصيده متبادلين بدل
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
والله زي ما بقولوا حب الناس مذاهب..!
كدا خلينا من "حسن" يعتمد على مزاج الناظر... ان شاء الله يا مولانا تكون شفت الافريقية العربية بنت البوبكري في مبارياتها التلاتة...
Quote: إنسحبت التونسية إيناس بوبكري من الدور الربع نهائي لمنافسات المبارزة بالسيف في الألعاب الأولمبية لندن 2012 و ذلك بعد هزيمتها أمام البطلة الأولمبية لثلاث دورات متتالية و حاملة العلم الإيطالي في النسخة 30 من الأولمبياد الإيطالية فالنتينا فيزالي بنتيجة 7 مقابل 8.
و قد قدمت ايناس البوبكري المصنفة في المرتبة الثامنة عالميا أداءا رائعا أمام الإيطالية فيزالي المتوجة بـ5 ميداليات ذهبية أولمبية و 13 بطولة عالم و 10 بطولات أوروبية. |
| |
|
|
|
|
|
|
|
|
|
Re: حسناء الأولمبياد.. (Re: rummana)
|
الحسنوات ديل المتفرجات ولا المساكين البتدربو عشرة ساعات في اليوم لمدة اربعة سنين عشان يفوزو بي ميدالية ...؟؟؟؟
مع احترامي للجميع
بوست ذكوري ... وارجو انكم ما تزعلو مني
اسامة
| |
|
|
|
|
|
|
|
|
|
Re: حسناء الأولمبياد.. (Re: د.محمد حسن)
|
Quote: لا أتفق معك يا أحمد مع علمي أنك لاتعني ما تقول،
مبطلات الصوم معروفة،
البذاءة والسرقة وغياب العدالة وأكل أموال الناس بالباطل وقطع الأرزاق وقتل النفس التي حرم الله إلا بالحق..
المسألة قطعا ليست إمتناعا عن شهوتي البطن والفرج وأنت أدرى مني..
رمضان غير بعيد من جمال الروح والنفس وحب الناس ..
هسه يا قرشي منظر لندن والملعب الأولمبي من فوق ومهرجان الألوان وقوس قزح البشاشة والفرح
الينثال ويسري بين المقاعد ويكهرب القلوب على اختلاف الجنس والعرق واللون أم منظر الوجوه
المكفهرة العابسة ولاهم لها غير التلصص والتجسس وشعر النساء وبناطيلهن؟
ياخ الخرطوم وكل المدن بالليل نائحة ثكلى لربع قرن ..
دعواتك يا شيخنا..
حتى لو بالأمرضني وما طباني.. |
احيك واحبك بجد لوجه الله تعالى ...................... ريحتني كلو كلو كلو
واحب الوعي المتقدم فيك يا بالله تحول الوعي دا لفيروس معدي وتنشره
في اجواء هذا المنبر بالكوتة مش حبة حبة .
.....................................................................................................حجر.
| |
|
|
|
|
|
|
|
|
|
Re: حسناء الأولمبياد.. (Re: Nazik Eltayeb)
|
Quote: كالنعامة دوما أهرب من مشاهدة هذه الأعمال (الإرهابية ) المبهرة لأني سرعان ما أعقد المقارنات المحبطة النتائج دوما،
|
محمد المرتضي و ود القرشي رمضان كريم،
و الله المقارنات الوهمية ما عارف بتجيكم من وين :) ياخي زمااااان الناس قالت compare likes with likes
يعني أولمبياد لندن مع أولبياد بكين أو أسبانيا....وهلم جراً
و لو لااااااازم تدخلو السودان في الموضوع بتاع المقارنات ممكن تقولوا مثلاً هل سيصوم السودان مع ناس أم القري أم مع ناس الأزهر ....و كدة
و بتاعين قصة إرتباطنا مع العالم الخارجي في أي شئ دي لازم تنسوها لزوم المحافظة علي ما تبقي من مرارة نصل بيها لي عيد الضحية بس إنشاء الله.
نحن شغالين بي مكنة خليج سلفية ما فيها بنات حلوات بيرمو الرمح ، و كلام فارغ زي دة.... أجى !! لازم تجي الأولمبياد مع أبوها أو أخوها أمها بس ما ينفع :)
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
Quote: البوست دا يا ابو الحسين بتفصلو شعرة بسيطة من ابطال الصوم
|
بالله واقف هنا لي وكت طوووويل
قلته دا شنو؟ ود القرشي و ود حامد جنو!!!
و سؤالي المركزي
ابطال الصوم ديل تبع ياتو نقابة !!! يعني كونكاف أو كاف ساااي
ولا اتحاد اروبي او اسيوي او شنو هو نفره الدور ة دي ؟
و مدالياته شنو .
بالله الالمبياد دي مش مفروض تكون تحت شعار :-
سيدي نظرة تدل عن رضاءك قبل بي يتحكم قضاءك
ياخ فوووووق لسهيل و السماااكا
يا تضى و الله عجبتني قصة كافور ي
و القفز بالزانة لووول
| |
|
|
|
|
|
|
|
|
|
Re: حسناء الأولمبياد.. (Re: Amin Salim)
|
Quote: مـــــرة الحاظـــــة قابلونى ظلماً اســـهاما نبلــــــونى
قالتلى ارداف تقال بلونى و السنون تضوى قالبة لونى |
دي ما بتظبط معاها يا ود الموج...
الضمير قالي خبروني ...الصدر والردف بروني
بالتقل كادوا يبتروني ..... ديسه حاجبنى ما بتر ونى
ولا دي كمان ...
قلبي لا يسلاك ولا يطيق نكران .... بين شاهد جفني البى الدموع وكران
درعك البتقمز بالوضيب عكران ....والضمير الميل صاحي أم سكران
| |
|
|
|
|
|
|
|
|
|
Re: حسناء الأولمبياد.. (Re: Ahmed al Qurashi)
|
والله لو سمح ليّ سيد البوست أن أهديه للحسناء:
محاسن فضل الله (من محاسن حسنو المحاسن!)
فيبدو أنها منافسة شرسة من الناحية الجمالية (لو لم يكبّل حسنها "قانون النظام العام")
... المهم ....
| |
|
|
|
|
|
|
|
|
|
Re: حسناء الأولمبياد.. (Re: تبارك شيخ الدين جبريل)
|
أها بعد ده الكلام كِمِل تب يا مولانا .
ياهو ده صدر المحافل القاصدو سيدنا أبو صلاح رضي الله عنه، لكن نسوّي شنو الفهم قِسَم !
ما النور ال في حليه رافل في حُقْ نهدُه قلوبنا قافل
كالظبي الفي مقيلُه غافل تارة يميل والتانية جافل
وجهه ينور والبدر آفل فوق للبدرِ يزيد نفيلة
أنا غايتو بقترح يعملوها النشيد الوطني لأولمبياد لندن بعد نشاف الريق الإنت شايفو ده . وبعدين
ما تسمع لي كلام صديق الموج ومن لفّ لفه . أديني فرصة يا مولانا .
وشرط الحاكم يبقي عادل
كما تفضّل أبو صلاح في مرافعته العاطفية أعلاه .
| |
|
|
|
|
|
|
|
|
|
Re: حسناء الأولمبياد.. (Re: Ahmed al Qurashi)
|
Quote: الملكة لابسه بصلي (طبعا ماعندها مشكلة بصل) تجلس في المنصة وقد
أنجز شعبها الثورة الصناعية ومعظم الإكتشافات والإختراعات التي غيرت وجه التاريخ وقلبو ومخه وكرعينو،
قارنتها بسرعة مع الناعقين صباح مساء بخطب الخشخاش المخدرة .. |
مسكين محمد المرتضى
ويا عملاة حبوبتي " ما حبوبة فلان داكـ " جاتو في صمة خشمو ، لا إيدو لا كراعو
الكوت أعلاه بداية بوست أعطاني إنطباع الديمومة حتى الربع الأخير من هذه السنة الكبيسة على أهلي
في شهر المحبة والتسامح والإنسانية وجد مولانــا نفسه مزنوق " مسكين "
لا هو قادر يواصل ويقول يا ناس لا ما كدى
لا قادر يجي يقول " يا لهذا الجمال "
يا أحباب :
الجمال أكثر عمقاً في الكلام والوصِف
ركزوا في الوصف خلو رمضان يمر على خير
| |
|
|
|
|
|
|
|
|
|
Re: حسناء الأولمبياد.. (Re: طارق جبريل)
|
Quote: والله كأنكـ كنت جلوساً معنا ، أنا ، معتصم والوغد صلاح شتات
هربت من وحدتي إليهم
طلعت منهم قرابة الرابعة صباحاً " شفت الثقالة كيف ؟ "
دموعي تفضحني دائماً في هكذا مواقف
ما زلنا نتمنى لهذا الوطن يقوم على حيلو
يردد شتات مقولتي التي أخافها " وطنيتنا على المحكـ !! " |
يا عمران ،
بتعرف إحتشاء عضلة الروح؟
طيب..
سمعت بقرحة الخاطر؟ أو تورُّم الضمير؟ أو أي إحساس في الإتجاه دا؟
مش مرات كده بتكون في حاجه بتريدا لكن دايمن مفشلاك ودايمن مئلماك ؟
حاجه كلما تحلف يمين تشطبا تقوم تجدد إتفاق حبك معاها زي التقول كاتباك؟
بالله كتير علينا نحلم إننا ناس أو حتى زي الناس؟
أي حاجه بنريدا تاعبانا يا عمران ..
أي حاجه..
يازول ابكي وافتح بوابات خزان فؤادك قبال تنقفل بطمي الحُرقه الجاي من شرق الهزيمة....
أفتحا..
| |
|
|
|
|
|
|
|
|
|
Re: حسناء الأولمبياد.. (Re: Abdulrahman Gorashi)
|
قلنا نرد عليكم قبل أن يتبين الخيط الأبيض من الأسود ...
شوف يا ود حامد آخوي ...
هناك بوستات ... تستوجب الاستغفار ..
وأخرى تستوجب ... القضاء ...
وأخرى تستوجب القضاء ... والكفارة .. وده جنس بوستيك ده ...
أما أمثال بوست ملكات الجمال ... وصورة طارق جبريل الأخيرة ...
فهذه تستوجب الـــ ...
ارقدوا عافية ....
| |
|
|
|
|
|
|
|
|
|
Re: حسناء الأولمبياد.. (Re: Abdulrahman Gorashi)
|
| Quote: ياخ الخرطوم وكل المدن بالليل نائحة ثكلى لربع قرن .. |
اورورووووووووووووووووووك
اللهم اني صائم .. .. الحاجه دي واقفه وراي !
والله والله .. حسناء الاولمبياد لندن ذاتها .. وقولوا لحبيب نوره لندن ماشه ام فكو من زمن كرومويل !!
عمر علي حسن
| |
|
|
|
|
|
|
|
|
|
Re: حسناء الأولمبياد.. (Re: طارق جبريل)
|
| Quote: إذا جاء حبيب نورا ذهبت الملائكة.. |
هاهاهاهاهاهاهاها
قصدك إذا جاء ود جبرين طبعاً وعرفت إنها غلطة إملائية :)
غايتو يا أبو حسين أنا لقيت خيتي
ياخ ربنا يخلي لينا مولانا ده ويجيزه خيراً في الدارين
ده جنسو شنو ؟؟
| |
|
|
|
|
|
|
|
|
|
Re: حسناء الأولمبياد.. (Re: عمر علي حسن)
|
Quote: إتذكرت الزول الذى جاء للخرطوم
وشاف العمارات وقال تبانة الجن
دى بوصلوها كيف قادر الله والله
إيدم تكون لى هنا فى الشعيريه ولحس
كوعه وذات المشهد سيتكرر لو ذهبت
كل عمارات الخرطوم إلى هناك.
ألف رمضانكم كريم والرمضاء تلك
أدخلوا منها جوه |
المنصور مفتـاح الأدبإبن الشرق الجميل أبوآمنه حامد ، له الجنة ، كان كمن يقرأ الغيب ..
تخيل من سال من شعرها الذهب فكتب ما كتب ..
تشارك في هذا الأولمبياد وتضيف إليه بهاءا بضربات سرعتها
تزيد على 200 نبضة في الساعه ، حسب رادار المتفرج ..
شارابوفا ما هينه لكن ما بتلحق خلاسية الهنود الحمر والإسبان
أهل الدكتاتور فرانكو
يا المنصور ، شفت المقاتلة السوخوي في مناورة إسمها الكوبرا؟
.
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
Quote: يا جماعة الخير
الكورة السودانية لا تزال بخير
نحن أزمتنا الحقيقية أزمة مشجعات !!
جيبوا لينا مشجعات زي ديل وما طالبني حليفة موردة العيلفون يجيب ليكم كاس العالم في الكريكيت |
من توصيات حبيب نوره ..
وماتنسى الزول الكان رئيس نادي كرة قدم بتاع إتحاد الملاكمة
وأكيد في أقرب ماتش حايكون بطل في رمي الجله..
لو أن حاج ماجد سوار بقي وزيرا للرياضة لأحرزنا عددا من الميداليات ذهبية..
هناك عدة ألعاب كنا سنبرز فيها..
لكن تقول شنو يا حبيب ..
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
حقيقة يا عبدالكريم..
ريودي جانيرو 2014 ستكون مهرجان جمال الأرض والإكليل والسماك الأعلى شخصيا..
تمشي البرازيل كنسيب العربي وفي الخاطر (غابرييلا قرفة وقرنفل ) وكل فانتازيا جورج أمادو المُسكِرة..
وتنسى في مزارع الكاكاو كل (غناوي الحسره) و(المواعيد الوهم) وبعد داك شوف كان تغني (ندمان انا ..)
-
لاتنسوا زيارة ورشة الصيانة بوكالة د. رحاب خليفه..
وسيم الأولمبياد..Spoof
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
عذرا
بدأ هذا البوست
جميل ما سألناه ولكنا (خربناه)
بديع في تثنيه وديع حين تلقاه
عجيب في معانيه إذا أدركت معناه
جمال فيه اشراق تريح النفس رؤياه
ولأنه جميل وتوثيقي،
ورغم ما بنا من ثورة ودماء ، فقد رأيت (وأنا العبد الفقير إلى الإبداع والنضال معا)
أن ارفع هذا البوست ليمضي هذا الجمال جنبا إلى جنب مع ثورة الجمال والغد المشرق
واليكم هذه المرفرفة
ونقول ليها
يا طير يا طاير من بعيد فوق الغمام
من فؤادي أحمل الشوق يا حمام
بس أول مرة أشوف قدم في استقامة تماما مع الساق
| |
|
|
|
|
|
|
|
|
|
Re: حسناء الأولمبياد.. (Re: حمد عبد الغفار عمر)
|
Quote: يا اخوانا اتو ما صااااايمين ولا شنووووو
عووووووووووك نحنَ في رمضان
الهم اني ....................... صايم |
أحمد محمد بشير ،
إنت البوست دا عنوانو (فتح الغدير)؟
يا سيدي كل سنه وانت طيب وتصوم وتفطر على خير وصلي لله مبدع هذا الجمال ..
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
..
الحسناء الصغيرة قابي دوقلاس تحلق في سموات الأولمبياد وتحطم حاجزا آخرا من حواجز الابداع ..
. 
قابي (16 سنة) ذات البسمة الساحرة، اول فتاة من أصول إفريقية تحرز السبق في رياضة كانت حكراً على البيض وتنال ميداليتي الجمناستك الذهبيتين
 . . .  .
حواجز من نوع آخر انهارت مع مشاركات بنتنا محاسن (سباحة)، والسعودية وجدان (جودو)، والأماراتية خديجة (رفع اثقال)
.
| |
|
|
|
|
|
|
|
|
|
Re: حسناء الأولمبياد.. (Re: عبدالمحمود محمد عبدالرحمن)
|
Quote: لقد كوجنت الصورة يا حبيبا لي نورة .. كوجنتها كلو كلو
ول شنو يا دكتور احمد القرشي!؟ |
رغم إنو السؤال موجه لودالقرشي يا قيقراوي لكن لامن لقيت أحمد سكت قلت اقول ليك
إنو الصاح ( قلب المخضوب فوق الفاقل وتلَّ اليمني ومشي متّاقِل ) ودي صوره تصلح
في عروض الأزياء وتتوفر في تصفيات خطوه اتنين مستحيل..
| |
|
|
|
|
|
|
|
|
|
Re: حسناء الأولمبياد.. (Re: محمد المرتضى حامد)
|
Quote:
رغم إنو السؤال موجه لودالقرشي يا قيقراوي لكن لامن لقيت أحمد سكت قلت اقول ليك
إنو الصاح ( قلب المخضوب فوق الفاقل وتلَّ اليمني ومشي متّاقِل ) ودي صوره تصلح
في عروض الأزياء وتتوفر في تصفيات خطوه اتنين مستحيل..
|
ما فيها فدعة يعني!؟
-----------
برضو حبيبا لي نورا جلا حيث قدم للصورة بي (الرشاقة)
ياخ الصورة دي ما اولمبية كلو كلو ياخي .. ولا عندها علاقة بالحركة ذاتو!
بي وين عاد الا كان حركات جيش!؟
اما الحسن فحدث ولا حرج
شكراً يا مولانا على التصويب
| |
|
|
|
|
|
|
| |
محمد المرتضى حامد
Ahmed al Qurashi
جمال السنوسي
عبد الحي علي موسى
صديق الموج
الفاتح شلبي
ABUHUSSEIN
أحمد الشايقي
معتصم ود الجمام
الطيب شيقوق
عمران حسن صالح
munswor almophtah
Hisham Ibrahim
حبيب نورة
عبدالكريم عبدالله
Kabar
ناذر محمد الخليفة
د.محمد حسن
Osama Mirghani
احمد محمد بشير
قيقراوي
rummana
Osama Mohammed
الرفاعي عبدالعاطي حجر
Nazik Eltayeb
Mustafa Mahmoud
سفيان بشير نابرى
Amin Salim
تبارك شيخ الدين جبريل
محمد إبراهيم علي
طارق جبريل
عبد الباقي الجيلي
Al-Shaygi
حمد عبد الغفار عمر
محمد عبد الماجد الصايم
Rihab Khalifa
Asim Fageary
عبدالمحمود محمد عبدالرحمن
فيس بوك
تويتر
انستقرام
يوتيوب
بنتيريست