Quote: ان شاء الله يا مولانا تكون شفت الافريقية العربية بنت البوبكري في مبارياتها التلاتة...
إيناس بوبكري دي يا رمانه لم أسمع بها سوى في مداخلتك التي فاجأتني .. حاتقولي لي سبب المفاجأه شنو بقول ليك إنو البوست ظل حتى حضورك ذكوري المنشأ والمشاركة والهوى ونحن نقدِّر ذلك ..
أهل تونس يهتمون بكافة أوجه الرياضة للجنسين ، ديل ناس قيافه يا رمانه .. شدة ما قيافه قيَّفوا معاهم كم دوله مجاوره ومقصهم وصل اليمن، قت ليك زينين برشا..
Quote: برضو حبيبا لي نورا جلا حيث قدم للصورة بي (الرشاقة) ياخ الصورة دي ما اولمبية كلو كلو ياخي .. ولا عندها علاقة بالحركة ذاتو! بي وين عاد الا كان حركات جيش!؟ اما الحسن فحدث ولا حرج
قيقرة يا راجل كيف ما أولمبية ؟ ده ألومبياد حقيبة فيه فدعة وفيه فنسة وحاجات تانية حامياني إنت شكلك ما قريت حاجة عن الإستاندرد بتاع الأولمبياد المشلّخ تلاتة لا ورا
08-03-2012, 11:04 PM
قيقراوي قيقراوي
تاريخ التسجيل: 02-22-2008
مجموع المشاركات: 10380
Quote: لا أتفق معك يا أحمد مع علمي أنك لاتعني ما تقول، مبطلات الصوم معروفة، البذاءة والسرقة وغياب العدالة وأكل أموال الناس بالباطل وقطع الأرزاق وقتل النفس التي حرم الله إلا بالحق.. المسألة قطعا ليست إمتناعا عن شهوتي البطن والفرج وأنت أدرى مني.. رمضان غير بعيد من جمال الروح والنفس وحب الناس ..
هسه يا قرشي منظر لندن والملعب الأولمبي من فوق ومهرجان الألوان وقوس قزح البشاشة والفرح الينثال ويسري بين المقاعد ويكهرب القلوب على اختلاف الجنس والعرق واللون أم منظر الوجوه المكفهرة العابسة ولاهم لها غير التلصص والتجسس وشعر النساء وبناطيلهن؟ ياخ الخرطوم وكل المدن بالليل نائحة ثكلى لربع قرن ...
دعواتك يا شيخنا..
حتى لو بالأمرضني وما طباني..
احيك واحبك بجد لوجه الله تعالى ...................... ريحتني كلو كلو كلو واحب الوعي المتقدم فيك يا بالله تحول الوعي دا لفيروس معدي وتنشره في اجواء هذا المنبر بالكوتة مش حبة حبة .
يا سيدي أستغفر الله فأنا لست في مقام من ينشر الوعي أو مجرد النصح، كل ما هناك أن بعض الناس يعتقدون أننا يجب أن نمسك عن شهوتي البطن والفرج و(أشياء) أخرى في نهار شهر رمضان وحسب وما أن ينقضي رمضان فكل شئ مباح ، وأرى أن الإمتناع يسري على شهوتي البطن والفرج فقط ، إلا أن بقية (الأشياء) التي تتناقض مع القيم الفاضلة فيجب الإمتناع عنها كل العام وأما الجمال وإبداع الخالق فهو يستدعي التأمل والتفكر فيه ما بقي الإنسان حيا، رسالة رمضان أعظم من السطحية التي يتعامل بها البعض مع الشهر الكريم، بل إن الرسول الكريم (ص) أوجز رسالته كلها - وليس رمضان وحسب - بقوله ( إنما بعثت لأتمم مكارم الأخلاق)..
يا عزيزي ، بلغ بنا الحال ما وصل إليه الأزارقة ، نحل قتل صبية المدارس في نهار رمضان و نحرم مشاهدة صور الحسان..
شكرا يا حجر..
08-04-2012, 12:20 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: و الله المقارنات الوهمية ما عارف بتجيكم من وين :) ياخي زمااااان الناس قالت compare likes with likes يعني أولمبياد لندن مع أولبياد بكين أو أسبانيا....وهلم جراً و لو لااااااازم تدخلو السودان في الموضوع بتاع المقارنات ممكن تقولوا مثلاً هل سيصوم السودان مع ناس أم القري أم مع ناس الأزهر ....و كدة
يا د. عادل الجملة الأخيرة أضحكتني حتى ارتاب الجار في صومي، أنا معاك في الأمثلة التي ضربتها لكن المقارنه ياود اسحق جايه من إننا مصدقين إننا عندنا لاعبين أولمبيين وفرق أولمبيه وكمان مشاركات ، ياخ مش كده وبس ، نحن عندنا حاجه إسمها اللجنة السودانية الأولمبية.. بل نحن كمان أعضاء في الأمم المتحدة زي الشايفم ديل، يعني (أرضية) المقارنه موجوده ..
من المحزن والمؤسف القاض للمضاجع أن السودانيين سجلوا نتائج فضائحية في المنافسات العربية الأخيرة ولكن وزارة الشباب والرياضة لم تداري خيبتها فقررت الخروج بها على الملأ ليشهد عليها مليار شخص.. أنا أعلم جيدا بأن الوزير اللي ما عارف إسمو شنو دا يعلم جيدا أنه لن يحرز شيئا لكنها فرصة للتبضع والإستمتاع بالحضور على حساب الدوله الفاشلة.
08-04-2012, 06:00 PM
Rihab Khalifa Rihab Khalifa
تاريخ التسجيل: 07-07-2006
مجموع المشاركات: 3738
Quote: يا رحاب إنتي تبكي بجاي وبي هناك ؟ حددي ليك جهة ما تلخبتينا Asim
عاصم ده مش البيقولو عليه كر و فر و معرفش ايه؟
ــــــــ اسي انت بس قول لي يا عاصم، الخلا صورة محمد المرتضي الفي بوست الاسبوف قابلة لانها تكون مفطرة و الصور الهنا ديل كلهن، بي حقت حبيب نورة، ما مفطرات شنو :)
عجبتني القبقبة، ده كله بركة الانذار الصرفو لينا :)
08-04-2012, 06:22 PM
Rawia Rawia
تاريخ التسجيل: 11-23-2002
مجموع المشاركات: 8396
يا تضى و الله عجبتني قصة كافور ي و القفز بالزانة لووول
لم أوف المعنيين حقهم يا سفيان، ديل قفز الزانة بالنسبة ليهم مجرد بروفه، الناس ديل ركبوا ديسكفري ووصلوا الفضاء عشان كدا بيشوفونا من عليائهم وبيطلقوا علينا شزاز اللافاغ..
جدي العزاز الجيدو قزاز يلينا إيزنباييفا الحليوه، قفز الزانه الما فيهو هزار.. فوق للخمسه أمتار.. دي يا سفيان لامن تقفز وتنزل بيغادي مع نقزه وترفع يديها شكرا لله بالروسيه تهبط معها قلوب الملايين ويهتف لها المجد (حبابك) لم تترك رقما قياسيا في القفز لم تحطمه ولم تترك ميداليه لم تحصدها..
قت ليك حظنا كعب وما عندنا غير نغني (زمني الخاين)
08-05-2012, 00:36 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: الفى الصوره دى غايتو من يدها مفروض تتعرف........firm but yet feminine
زمن يا أمين، إي والله، كان عندنا أصحاب بيعرفوا البيت الفيهو بت سمحه من الحيطه وشكل الجهنمية أو سقف البرنده حتى لو مروا بالحي لأول مره.. يقولوا ليك البيت دا من بابو فيهو ناجازاكي .. تخيل يطلع كلامم صاح.. مزودين بأجهزة عالية الحساسية زي كاشف الإشعاع النووي ، الغريبه قدر ما مشيت معاهم ما كشفت سرهم .. عشان كدا طلعنا مساكين بنمشي بضل الحيطه ..
المسألة موهبة من الخالق..
08-05-2012, 01:07 AM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39330
فيك رايح بالي... تفديك الروح اظهر لاتبالي يا غزال الروض في دجاك يا ليل كم طيب هبا لي.... ده الجنن قيس وكثير قبالي ما بسمع فيك أقوال عزالي... بسمع وأطيع أمرك يا غزالي طيفك في النوم لو كان يصحا لي.... أتغزل فيهو ينظر لي حالي حبك يمزج اعضاي إجمالي... لو كنت يمين يهواك شمالي متي مني يعود عقلي ويصحا لي... ده رحيق مختوم بي لهيجو الحالي فيك راحة بالي تفديك الروح اظهر لاتبالي
نسأل الله السلامة
08-05-2012, 01:13 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: والله لو سمح ليّ سيد البوست أن أهديه للحسناء:
محاسن فضل الله (من محاسن حسنو المحاسن!)
فيبدو أنها منافسة شرسة من الناحية الجمالية (لو لم يكبّل حسنها "قانون النظام العام")
يا سلام وتبارك الله على بنتنا يا تبارك، عليك الحرام أجمل وجه في هذا البوست بدون مجامله .. مفروض الواحد يسقف على كدا .. شوف الهدوء والأدب والثقة والإعتداد بالذات دا كيف.. ياخ دي ميداليتها أديناها ليها من يوم الإفتتاح غض النظر عن النتائج.. قت ليك بناتنا لا يجارين .. للأسف الشديد بناتنا وأولادنا لامشاركات لهم سوى في ألعاب الجري والشلهتة.. بعد ذهاب اللنغاز قريبا سنكتشف مواهب في سباق الحواجز.. إنت بس أصبر وحا تشوف..
المهم...
08-05-2012, 01:33 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: أها بعد ده الكلام كِمِل تب يا مولانا . ياهو ده صدر المحافل القاصدو سيدنا أبو صلاح رضي الله عنه، لكن نسوّي شنو الفهم قِسَم !
حبيب نوره يا زعيم التيار الصدري, الكلام ما كمل ولا بيكمل، ناس لاتين أمريكا يا حبيبا من الضروري تلبس ليك حجاب فيى ضراعك عشان تمشي تتفرج في ألعابهم وألاعيبهم في الأولمبياد أو كرة القدم أو الكرنفالات ..وبمناسبة الكرنفالات دي ياخ كل شعوب الأرض عندها يوم بتعمل فيهو كرنفال وتتحرر من قناع الجديه الصارم البايخ إلا نحن ، السنه كلها صارين ، حكومة وشعبا .. الله يديك فرصه تحضر حاجه زي بتاعت ريودي جانيرو وتشوف وفد باهيا.. الكاكاو بالدراق Peach والحي الله والكاتل الله.. يا خِنِق يا جيت بالِعا .. ولو لقيت ختفت رجلك لكوبا أو فنزويلا وقابلت أبطال الأولمبياد يكون أمك داعيه ليك.. الشيوعيين ديل خطرين .. التحيه لكاسترو وشافيز
البطلة الفنزويله الماخمج ينيل بنتو 200 متر فراشه
نعم فراشه ..
08-05-2012, 02:07 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
الجزائر كانت هناك.. فريق الكرة الطائرة النسوي قدم عروضا جميلة كانت متوقعة بعد مشاركاته في كأس العالم باليابان العام الماضي ، تلك دول تحترم مشاركات المرأة في كافة الإتجاهات لتخرج جيلا معافى من من تشوهات النفس التي لاتفضي إلا إلى الفشل والهزيمة والإنكسار.
التحية لفتيات بلد المليون شهيد..
08-05-2012, 03:33 PM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
يا سلام وتبارك الله على بنتنا يا تبارك، عليك الحرام أجمل وجه في هذا البوست بدون مجامله .. مفروض الواحد يسقف على كدا .. شوف الهدوء والأدب والثقة والإعتداد بالذات دا كيف.. ياخ دي ميداليتها أديناها ليها من يوم الإفتتاح غض النظر عن النتائج.. قت ليك بناتنا لا يجارين .. للأسف الشديد بناتنا وأولادنا لامشاركات لهم سوى في ألعاب الجري والشلهتة.. بعد ذهاب اللنغاز قريبا سنكتشف مواهب في سباق الحواجز.. إنت بس أصبر وحا تشوف.. ______________________________________
يا سلالم علي الدنيا وحلاوتها..
قلنا نرفع البوست لغاية ما ترجع من المطار.. هاتوحشنا شديد والله وكذلك سيفتقدك الأولمبياد..
08-06-2012, 05:15 AM
حبيب نورة حبيب نورة
تاريخ التسجيل: 03-02-2004
مجموع المشاركات: 18581
Quote: أسعدتنا واسعدت ناظرينا بكل هذا الجمال الرائع. رمضان كريم.
مولانا الشاعر الصناجة زمراوي، الجمال من صنع الخالق إلا أن بعض البشر هم من يرسم القبح ، الإنسان في الأصل خلق في أحسن تكوين وغير الأسوياء هم من يصوروه على أنه فضيحة يتوجب سترها في زمن الملالي المريب...
سنفتح النوافذ يا مولاي طلبا للهواء النقي و(الهمبريب) كيما تصح الأنفس والأبدان عسانا نلحق بمهرجان البشاشة والجمال والإنجاز والإبداع ودرءا للركود الذي ما ولَّد سوى البكتريا الضاره التي أرسلت أوطانا بحالها إلى اللحود..
08-07-2012, 10:52 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
Quote: Quote: أضاعت حكومتنا فرصة لن تتكرر في حصد ميدالية ذهبية في حالة مشركة نادي كافوري في لعبة القفز بالزانة
.
يتساهل دي
محمد إبراهيم ، هذا (أخف) الألعاب التي يمكن نسبها لأولئك البشر، بنظرة سريعة إلى السلطة ومن يتسنمها والثروة ومن يحوزها يمكنك أن تعرف أني كنت متواضعا في وصف الزانة، ديل تشالنجر ما بيحصلهم.. شكرا على الميداليه يا عزيز.
08-07-2012, 11:09 AM
ابراهيم عدلان ابراهيم عدلان
تاريخ التسجيل: 01-04-2007
مجموع المشاركات: 3418
Quote: مراهقة باكستانية ممنوعة من الذهاب إلى المدرسة لأنها فاتن
قررت عائلة باكستانية مهاجرة في إيطاليا منع ابنتها البالغة من العمر 19 عاما من الذهاب الى المدرسة، بحجة أنها جميلة لدرجة الفتنة، وان الفتاة عادت الى مدرستها بعد أيام من مفاوضات مع الأهل، تدخل فيها قنصل باكستاني ونقابات عمالية والشرطة.
وذكرت وسائل إعلام ايطالية أن أهل الفتاة الباكستانية (جميلة) منعوها من الذهاب الى الثانوية في بريشيا شمال ايطاليا، خوفا من أن يثير جمالها إعجاب شباب إيطاليين، وتقيم علاقات معهم، في حين أنهم يفكرون في تزويجها من شاب باكستاني.
وكالات
قبل ان يتحول اسم البوست الي (مزار شريف)
08-07-2012, 11:11 AM
محمد المرتضى حامد محمد المرتضى حامد
تاريخ التسجيل: 08-14-2006
مجموع المشاركات: 10832
عبدالرحمن قرشي، هنا مقارنات بين الناس الكسحوا والناس الإتكسحو.. أيام المدرسه كنا بنقرا الجريده في الكشك الفي محطة البص ونبدا بصفحة الرياضه ، ما ممكن ننتظر نرجع البيت عشان نشيلا من الوالد ونشوف أخبار الرياضه وناس كيجاب وساره جادالله وممدوح عملوا شنو في المانش، وناس سامي طلعت في التنس وووليم أندريه وحبيب اصطمبوليه وإعيسر في السله ورائدات المريخ والهلال والنادي القبطي وابطال المصارعه إلخ.. هسه مافي حاجه من الحاجات دي ، نهائي ، عندنا أطول نهر في العالم ولاسباح واحد ، هل جفت أنهارنا وحماسنا إلى هذه الدرجة؟ ما فضل لينا إلا (الجري) ..
أندرينا بنتو بطلة 200 متر فراشه ، وعاش الحزب الشيوعي الفنزويلي ماويا كان أم بلشفيا أو منشفيا وعاش تروتسكي ، وعاش شافيز ابقميصن أحمر ومعاهو حركة (حق) فرع كراكاس .
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
محمد المرتضى حامد
حبيب نورة
قيقراوي
Rihab Khalifa
Rawia
عمران حسن صالح
ABUHUSSEIN
Muna Khugali
ابراهيم عدلان
فيس بوك
تويتر
انستقرام
يوتيوب
بنتيريست