|
دعواتكم لزميلنا المفكر د.الباقر العفيف بالشفاء العاجل
|
|
 Re: ** وصـول حـكـومـة محمد المرتضى حامد بالسلامة إلى السلطنة** (Re: ABUHUSSEIN)
|
مولانا محمد المرتضى حامد
حمداللة علي سلامت ست بيتك ست الراي والفهم
الحكومات بتخرب لكن ست بيتك بتبنى
زوجتى الحبيبة
لقد أذن الزمان لنا بوصل غير منبت
سقيتي الحب فى قلبي بحسن الفعل والسمتِ
يغيب السعد إن غبتِ ويصفو العيش إن جئتي
نهاري كادح حتى إذا ما عدت للبيت لقيتكِ
وينجلي عني ضناي إذا تبسمتِ
أحبكِ مثلما أنتي
زوجك محمد المرتضى حامد
| |
 
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: الطيب شيقوق)
|
ودالقرشي: موضوع ساره نورو تم تسويته باعتباره بوست ثقافي.
خالد المامنسي : لا في فوله اتملت لا في بقاره ولا دينكا نقوك جو، خليك
في سالفة بنات خالتك دي لامن يوم تصحى تلقى روحك في الجنه.
رمانه : | Quote: مما يدل على أن البوستات الأخيرة دي كلها كانت عبارة عن "خم رماد"..! |
صدقيني ما زلت حائرا أستفسر عن مصدر عبارة (خم الرماد) وسبب نزولها ..
أرجو الإفادة..
عمران : إنت مشت عليك قصة (وزارة الداخلية) دي؟ دي يا سيدي هم بيقولوها لكن في الواغع
ماسكين الباقي كلو ، السيد الصادق في آخر حكومة له كان وزيرا للداخلية لكنه كان رئيسا للوزراء..
الناس ديل زي بوتين يجيب ميديفيدف ويحكم من وراهو.
حمد : (الإستعمار وأذنابه) دي جملة عند أحد أصهاري ، قلت ليهو أنا عارف الإستعمار لكن الأذناب ديل منو وكنت بسوء
نية أعتقد أنه يعني أهلها فرد : أولادي.
هدى :
Quote: زوجتى الحبيبة
لقد أذن الزمان لنا بوصل غير منبت
سقيتي الحب فى قلبي بحسن الفعل والسمتِ
يغيب السعد إن غبتِ ويصفو العيش إن جئتي
نهاري كادح حتى إذا ما عدت للبيت لقيتكِ
وينجلي عني ضناي إذا تبسمتِ
أحبكِ مثلما أنتي
زوجك
محمد المرتضى حامد |
يا هدى ، إما أنك كنت تقرأين كثيرا كتابات كتحت شجرة الزيزفون وأمثالها أو أنك مهكرة تهكير السواد..
والله إسحق فضل الله ما بكتب عن الحكومه كدا.
قال (ينجلي عني ضناي ) ..
ضناي دي من ضان؟
أبو البروجكشن زاتو...
كوستاوي : كما يقول بعض أعضاء المنبر هذه الأيام ، حسناء الأولمبياد بتاعت فنيلتك.. دا مجرد بوست رياضي يا لئيم..
تحاياي لعزيزتنا أم ساريه وعاشت القوة الناعمة .
هشام :
| Quote: ( يوم تأتي السماء بدُخان مُبين ) صدق الله العظيم |
.. كلام الله ما بناباهو يا هشام لكن الفيك اتعرفت..
هسه ما لقيت من 114 سوره إلا السورة دي؟
خليل:
أنا ولا الحكومة؟
عموما واحتياطيا نكمل ( وقيل بعدا للقوم الظالمين)..
شيقا: كيف ساندرا معاك..
ساندرا بولوك؟
بالله زمني دا كلو كنت فاكرك حريف أتاريك بتجليها واقفه؟
عقبال مطاراتك ومساجينك التدغمس في زنازينك..
أشكر كل الأحباب أعلاه على كلماتهم ونسأل الله أن
يديم الود بين الجميع..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
ودالقرشي: موضوع ساره نورو تم تسويته باعتباره بوست ثقافي.
خالد المامنسي : لا في فوله اتملت لا في بقاره ولا دينكا نقوك جو، خليك
في سالفة بنات خالتك دي لامن يوم تصحى تلقى روحك في الجنه.
رمانه :
Quote: مما يدل على أن البوستات الأخيرة دي كلها كانت عبارة عن "خم رماد"..!
صدقيني ما زلت حائرا أستفسر عن مصدر عبارة (خم الرماد) وسبب نزولها ..
أرجو الإفادة..
عمران : إنت مشت عليك قصة (وزارة الداخلية) دي؟ دي يا سيدي هم بيقولوها لكن في الواغع
ماسكين الباقي كلو ، السيد الصادق في آخر حكومة له كان وزيرا للداخلية لكنه كان رئيسا للوزراء..
الناس ديل زي بوتين يجيب ميديفيدف ويحكم من وراهو.
حمد : (الإستعمار وأذنابه) دي جملة عند أحد أصهاري ، قلت ليهو أنا عارف الإستعمار لكن الأذناب ديل منو وكنت بسوء
نية أعتقد أنه يعني أهلها فرد : أولادي.
هدى :
Quote: زوجتى الحبيبة
لقد أذن الزمان لنا بوصل غير منبت
سقيتي الحب فى قلبي بحسن الفعل والسمتِ
يغيب السعد إن غبتِ ويصفو العيش إن جئتي
نهاري كادح حتى إذا ما عدت للبيت لقيتكِ
وينجلي عني ضناي إذا تبسمتِ
أحبكِ مثلما أنتي
زوجك
محمد المرتضى حامد
يا هدى ، إما أنك كنت تقرأين كثيرا كتابات كتحت شجرة الزيزفون وأمثالها أو أنك مهكرة تهكير السواد..
والله إسحق فضل الله ما بكتب عن الحكومه كدا.
قال (ينجلي عني ضناي ) ..
ضناي دي من ضان؟
أبو البروجكشن زاتو...
كوستاوي : كما يقول بعض أعضاء المنبر هذه الأيام ، حسناء الأولمبياد بتاعت فنيلتك.. دا مجرد بوست رياضي يا لئيم..
تحاياي لعزيزتنا أم ساريه وعاشت القوة الناعمة .
هشام :
Quote: ( يوم تأتي السماء بدُخان مُبين ) صدق الله العظيم
.. كلام الله ما بناباهو يا هشام لكن الفيك اتعرفت..
هسه ما لقيت من 114 سوره إلا السورة دي؟
خليل:
Quote: واستوى على الجودي
أنا ولا الحكومة؟
عموما واحتياطيا نكمل ( وقيل بعدا للقوم الظالمين)..
شيقا: كيف ساندرا معاك..
ساندرا بولوك؟
بالله زمني دا كلو كنت فاكرك حريف أتاريك بتجليها واقفه؟
عقبال مطاراتك ومساجينك التدغمس في زنازينك..
أشكر كل الأحباب أعلاه على كلماتهم ونسأل الله أن
يديم الود بين الجميع..
الكوتنج صار بالجملة والتعقيب مسكولات بس
ما قلتو نوبة
يا حليل زمن الخضار
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: الطيب شيقوق)
|
وردنى البيان التالى من الحكومة:
الزول ده بكتب لرؤيتكم وبصوم لرؤيتنا وهذا للعلم..
الراجى بوست حسناء الاولمبياد يكملو الاولمبياد الجاية كلها اربعه سنة هسة بتعدى ..
سوف يتم عمل الجرد السنوى لحساب المدعو فى سودانيز اون لاين وسوف يقفل
الباسورد حتى اكتمال الجرد ، يستثنى من ذلك بوستات التعزئة...
سوف تصل رسائل الماسنجر للوزارة قبل ان تعرض على صاحب الشأن
اما الردود سوف تعرض للرقابة القبلية قبل الارسال..
الوسطاء يمتنعون لا امبيكى و لا باكى مون ولا يحزنون..
صدر تحت توقيعى بغرفة الادب ...
الحكــــــــــــــــــــــــــــــــــــــــــومة ،،،،
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: صديق الموج)
|
Quote: صدقيني ما زلت حائرا أستفسر عن مصدر عبارة (خم الرماد) وسبب نزولها ..
أرجو الإفادة.. |
مولانا محمد المرتضى
تصدق بالله أنا ذاتي هسه مستغربة وحائرة في حيرتك وأسبابها...!
يا أخي الكريم لا تؤاخذني في "اللغو" وأسأل الله أن يعيذني من شرور نفسي وسيئات أعمالي.. (ما لا تفهمه ارمه البحر فمعظم كلامي هنا ليس إلا زبدا)
إمكن البوست ده برضو ذكوري وكتابتي فيه مما يثير الاستغراب .. أكون ضليت الطريق ودخلته بالغلط ؟..
لسنا حكومات ولا استعمار بل نحن مدبرات، غطَاءات، عطَاءات - ليس كما نأخذ، بل أكثر... لكن لو كان الازواج يظننونا نحكم ونستعمر فلا غرابة من أن يكون الحديث عن الحسناوات والغزل الحقيبي (من حقيبة الفن) في غياب الزوجة وقبل حضورها بأيام من باب "خم الرماد" أي قبل حلول الاستعمار.
ولمزيد من الشرح – خم الرماد تعبير سمعته أول مرة في حياتي من اسرة صديقة دعتنا إلى حفل عشاء قبل رمضان بيوم ولما تساءلت عن المعني قالوا لي أن المقصود بها وجبة كبيرة قبل بداية الصيام/خم طعام/.... ظننته- ربما خطأ- مناسب "في سياق البوست"
أرجو تقبل اعتذاري
شكرا
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: rummana)
|
rummana
إعتذار شنو يا العزيزه،
اقول ليك عايزك تأصلي لي (خم الرماد) تقولي لي إعتذار؟
شوفي ، أنا أول مره سمعتها برضو كانت بمناسبة رمضان،
كنا في الثانوي العالي وكان عندنا مدرس كيمياء من عشاق السلاف
قبل رمضان بيومين قالوا مشى منطقة الأنادي عشان (يخم الرماد)
أها يا ست ابوك الزول دا ظهر بعد العيد.. 
يعني الفاهمو أنا إنو الزول يكتِّر من الممنوع قبل الصوم وبالتالي
صحت العبارة في حقي.. لكن ليه أسموه رماد..
تسلمي ..
| |
|
|
|
|
|
|
|
|
 Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
Quote: العزيزين طارق ميرغني ومحمد المسلمي أشكركما على وقوفكما المشهود إلى
جانبي في هذا البوست ويا طارق أنت أدرى الناس أني كنت مهكرا في أي بوست
وردت فيه صورة حسناء..
كتِّروا لينا من الدعاء في العشر الأواخر..
|
|أخوي الما بنقدر سيل الوادي المنحدر
لو محتاج لي أي شهادة ما زور أنا بشهد معاك هيييييييييييييع
ولو محتاج شهادة معتمدة وموقعة من بكري بالتهكير يقصر الملح(:(:(:(:(: ^_____________^
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: lana mahdi)
|
Quote: وردنى البيان التالى من الحكومة:
الزول ده بكتب لرؤيتكم وبصوم لرؤيتنا وهذا للعلم..
الراجى بوست حسناء الاولمبياد يكملو الاولمبياد الجاية كلها اربعه سنة هسة بتعدى ..
سوف يتم عمل الجرد السنوى لحساب المدعو فى سودانيز اون لاين وسوف يقفل
الباسورد حتى اكتمال الجرد ، يستثنى من ذلك بوستات التعزئة...
سوف تصل رسائل الماسنجر للوزارة قبل ان تعرض على صاحب الشأن
اما الردود سوف تعرض للرقابة القبلية قبل الارسال..
الوسطاء يمتنعون لا امبيكى و لا باكى مون ولا يحزنون..
صدر تحت توقيعى بغرفة الادب ...
الحكــــــــــــــــــــــــــــــــــــــــــومة ،،،، |
دا كلام شزاز لافاغ ساي..
بالمناسبه زي كلامك دا بدينك وإنت بالذات يا موج ممكن تصنف ضمن رفاق (السوق).. بالنطق المصري ..
عالم ما عندها عشره..
رقابه قبليه؟
طبعن دي لو حصلت بعد سحب خاصية الصور واللون اللخدر تاني بوستاتنا تبقى زي بيانات اللنغاز ..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
| Quote: نسأل الله له الثبات عند السؤال عن الحسنـاوات |
يا القرضابي عاين،
، كنا نحسب لمثل هذا اليوم حسابه وقلنا إنو
الحسناوات الغير سودانيات ديل بنتكلم عنهم في البوستات وبس
- يعني مجرد ونسه - لكن الحسان الغيد هن السودانيات لاغير ..
الغيد دي مهمه يا قرضابي..
مهمة جدن من حيث المعنى وسياق الرد..
وممكن تدعما ب (راميات بأسهم ريشها الهدب تشق القلوب قبل الجلود)
إي والله – يشقن القلب عرض وطول-
اصلو قلوبنا بقت زي البتيخ الممجر ..
عاد نحن بناتنا بتلحقن..
هلا هلا على الجد والجد هلا هلا عليهو ..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
Quote: |أخوي الما بنقدر سيل الوادي المنحدر
لو محتاج لي أي شهادة ما زور أنا بشهد معاك هيييييييييييييع
ولو محتاج شهادة معتمدة وموقعة من بكري بالتهكير يقصر الملح(:(:(:(:(: ^_____________^ |
هيييع..
الحبيبه لنا ..
حررررم ، وزي ما قال الشاعر ، كان تاجوج بقت بالرتبه مشهوره إنتي فوق تاجوج زادوك دَبَّوره ..
يمين إنتي اللي فيهم..
قالوا الخيل الحره بتجي في الصينيه والليالي الكوالح المسهدة.
نصرتني حين خذلني القوم والمرجفين والماعندهم عشره لكن الإنسان لربه لكنود....
والله لكأنك الخنساء قبل الرثاء وأنا صخر .. صخر أخوها مش الكومبيوتر..
يمين لامن قريت كلامك حلفت تاني ما ألبس غير (على الله )..
بس الله يخليك رتِّبي لي شهادة بكري القلتيها دي إني مهكر حامد مهكر..
رغم أن حكومتنا ما ناقشه إيه سودانيزأونلاين دي لكن رسلي الشهاده احتياطي..
ماتنسي لمن يهمه الأمر ..
( مهكر حامد مهكر) ..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
Quote:
هدى :
Quote: زوجتى الحبيبة
لقد أذن الزمان لنا بوصل غير منبت
سقيتي الحب فى قلبي بحسن الفعل والسمتِ
يغيب السعد إن غبتِ ويصفو العيش إن جئتي
نهاري كادح حتى إذا ما عدت للبيت لقيتكِ
وينجلي عني ضناي إذا تبسمتِ
أحبكِ مثلما أنتي
زوجك
محمد المرتضى حامد
يا هدى ، إما أنك كنت تقرأين كثيرا كتابات كتحت شجرة الزيزفون وأمثالها أو أنك مهكرة تهكير السواد..
والله إسحق فضل الله ما بكتب عن الحكومه كدا.
قال (ينجلي عني ضناي ) ..
ضناي دي من ضان؟
أبو البروجكشن زاتو...
كوستاوي : كما يقول بعض أعضاء المنبر هذه الأيام ، حسناء الأولمبياد بتاعت فنيلتك.. دا مجرد بوست رياضي يا لئيم..
تحاياي لعزيزتنا أم ساريه وعاشت القوة الناعمة .
هشام :
Quote: ( يوم تأتي السماء بدُخان مُبين ) صدق الله العظيم
.. كلام الله ما بناباهو يا هشام لكن الفيك اتعرفت..
هسه ما لقيت من 114 سوره إلا السورة دي؟
خليل:
Quote: واستوى على الجودي
أنا ولا الحكومة؟
عموما واحتياطيا نكمل ( وقيل بعدا للقوم الظالمين)..
شيقا: كيف ساندرا معاك..
ساندرا بولوك؟
بالله زمني دا كلو كنت فاكرك حريف أتاريك بتجليها واقفه؟
عقبال مطاراتك ومساجينك التدغمس في زنازينك..
أشكر كل الأحباب أعلاه على كلماتهم ونسأل الله أن
يديم الود بين الجميع.. |
الحبيب المرتضى ..
أولاً حمداً لله على سلامة بعضك والتئام شملك
عادة ما بقتبس الكلام كلو .. مثلما هو الدارج في المنبر
لكني آنست في " المقبوس " أعلاه طرافة ومتعة
فلم يكن بد من الإتيان بمعظمه
أضحكتني حتى ظن بي الهنود الظنونا
الله يفرحك ياخ .. في الدنيا والآخرة
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: ABUHUSSEIN)
|
يا محمد المرتضي
الهام عبد الخالق
بصدد طلب عضوية
لدكتورة هالة الزين
مباشرة من بكري عبد الرحمن ابوبكر
و انا اثني هذا الاقتراح العملي جدا
لانه هو الحل الوحيد حسب رؤيتنا كعائلة مهاجرة
لحسم تفلتات المعارضة واعوانهم من "أكرم"
و من لف لفهم امثال المتآمر الطيب شيقوق و الجد الشاب الاستاذ حيدر
و الفي البر عوام الدكتور احمد القرشي و قول لأحمد القرشي
ليك يوم
حمد لله علي السلامة
و تحياتنا لهالة و الاولاد
و تحية للمريخابي المسكين
وليد حامد رد الله غربته
طه جعفر
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: ABUHUSSEIN)
|
يا هميم كتابتك هنا بنظرية الفعل المنعكس الشرطي بتجيب لي ريحة الحلومر طوالي،
زي التراويح ما بنشوفك إلا في رمضان،
قصتك شنو يا هميم!!
لم الشمل دا يا هميم أصبح بعضا من قائمة الرجاءات والتمني،
بالأمس سألني أحد الأصدقاء أصعب سؤال في الدنيا : لمتين الحاله دي ؟
يعني حالة أن تكون مقيما كجسد معظم أيام العمر خارج تربتك ، وهذا
ما يعانيه أغرب شعب في العالم وهو الشعب السوداني ،
عندي أصحاب أزورهم في مختلف أركان الأرض قاعدين هاردوير ساااي في بلاد
المهجر والسوفتوير بتاعم مبرمج في السودان مع تجديد دوري للتطبيقات ..
حاله حلومر بس ..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: maia)
|
Quote: يا محمد المرتضي
الهام عبد الخالق
بصدد طلب عضوية
لدكتورة هالة الزين
مباشرة من بكري عبد الرحمن ابوبكر
و انا اثني هذا الاقتراح العملي جدا
لانه هو الحل الوحيد حسب رؤيتنا كعائلة مهاجرة
لحسم تفلتات المعارضة واعوانهم من "أكرم"
و من لف لفهم امثال المتآمر الطيب شيقوق و الجد الشاب الاستاذ حيدر
و الفي البر عوام الدكتور احمد القرشي و قول لأحمد القرشي
ليك يوم
حمد لله علي السلامة
و تحياتنا لهالة و الاولاد
و تحية للمريخابي المسكين
وليد حامد رد الله غربته |
يا طه،
وين الحي بيك ياخ،
بالله إلهام دي قول ليها مقترحاتك دي إحتفظي بيها لأنو زولتك ما عندها فكره عن
المنبر دا وهو النافذة الوحيدة التي أطل منها إلى العالم تقوم تقفلا؟
ياخ أنا لا فيس بوك لا تويتر لا منبر المسالمه أو موقع أبناء البردانه كمان عايز تجيب
لي أمن مجتمع وكشك باسطه هنا وتحرق لي المهلبيه والتقليه ؟
بعدين كتابتي زاتا ما بيكون فيها (إندياح) لأني هنا في المنبر عامل فيها زول ظريفى وشفيف
ورومانسي ومتسامح وإلخ... ف لامن يجي زول عارف حقيقتي بيقيد نوع كلامي وكدا...
صاحبك ودالقرشي كلما أحشد المشجعين لدفعه نحو (التأهل) ومن ضمن ذلك أكرر له
مثل مقولتك (ليك يوم) يحكي لي ضاحكا مقولة الرجل الذي قيل له الزواج شر لابد منه فقال
لهم هو شر محض أما (لابد منه) دي جابوها البنات من عندهم ساي .. على أية حال صاحبك
وبعد أن يتزوج سيعرف أنه كان مخطئا في ظنه ومن شدة الإنبساطه سيفكر في مثنى وثلاث ورباع زي الجماعه المرتاحين..
قريبك وليد دا أحزن مشجع ، بالله ضع نفسك في مكانه ، زول يكون بيشجع فريق لا يرجى منه دا مش مشجع تعيس زي
تعاستنا الناجمه عن حب أشياء ما فيها شيتن نافع ويجافيها الربيع ولا بتنعدل لابتموت ..
الله يجازي دفع الله ..
بالله سلام كتير لإلهام وجعفر الخطير..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
برقيات تأييد:
الى حكومتنا الموغرة فى الصدور والحاشرة فى الضفور
اضربوا على المرجفين وشذاذ الافاق بمفراكة من تقلية
لا تأخذنكم بعشاق الهضبة و لا مشجعى الاولمبياد رافة..
سيروا وعين الله طرعاكم (مش فى الابتدائى كنا بنقراها غنمى طرعى طول اليوم وسط المرعى طول اليوم)
يسقط الهتيفة وحارقى البخور وكسارى الثلج..( و لنا ) فى هميم اسوة...
عمال الرى بالبردانه و ماجاورها عنهم الطيب مصطفى ..مين زكى جمعه ده؟؟
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: صديق الموج)
|
| Quote: بمناسبة حسناء الاولمبياد عليك التعامل بمبدأ ( كلام بورد ساي ما بنقصده ) لووووول |
أسوأ صفات رفاق البورض والقوَّالين والمقاولين الرئيسيين ومقاولين الباطن في البوستات إنهم
يناولوك الطوب والمونه ويظبطوا ميزان المويه وبوستك يصل الآلاف وبمجرد ما يظهر مفتش
يرمو ليك قشرة موز تحت رجليك في السيراميك ..
غايتو أنا لو زلقتي كسرت الضَهَر حا أجيب ناس كتار معاي..
حالف قبال ما أترك البورض دا أعمل بوست أثناء نوم بكري أنزِّل أسماء وصور كل من يختفي
خلف إسم مستعار..
يا روح ما بعدك روح..
قال maia قال ..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: صديق الموج)
|
| Quote: لا تأخذنكم بعشاق الهضبة و لا مشجعى الاولمبياد رافة.. |
ناس الهضبه ديل يا موج هم أول ناس هاجروا ليهم المسلمين فلم يخذلهم النجاشي،
الموضوع دا ما ساكت ،
لم يقدموا طلب اللجوء السياسي إلى أي جار ، عديييل مشوا الحبشه،
ونحن عندما نشير إليهم في بوست ثقافي كبوست (ساره نورو) فإنما نشيد بمروءتهم واستجابتهم
لمن يستجير بهم..
تاريخ حافل .. يا موج..
أما الأولمبياد فإنت عارف إنو كان بوست تشجيع لمحاسن وأبوبكر كاكي..
نحن نعنى بالثقافة والرياضة..
لكن بجي الخريف واللواري بتقيف..
تتغابى فيني العرفه يا موج ؟
والله يا لنا مهدي فارسه..
أصيله ..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
Quote: خالد المامنسي : لا في فوله اتملت لا في بقاره ولا دينكا نقوك جو، خليك
في سالفة بنات خالتك دي لامن يوم تصحى تلقى روحك في الجنه. |
يا أخوي والله الفولة إتملت والبقارة جو
والتور كان وقع كتر الباتبت عيب
غايتو حلك الوحيد تقول في أقوالك
كنت بكتب بعد الساعة الثانية عشر ليلاً
وكدا بتكون ثبت الثانية ولعلها أهون عند النساء من الأولى
الحنة يا مرتضى فارقناها فراقي الطريفي لي جملو
وياحليل الجنة
تحياتي ومودتي
أللهم ثبته برضو أخونا ويجب ان ندعوا له
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: صديق الموج)
|
Quote: : Quote: محمد المرتضي
أخوي ربنا يقدرو
علي جمر الديمقراطية |
CC إلهام عبدالخالق
أختي ديمقراطية زيادة من اللزوم
يوجد رائحة تبرم في مداخلة الزميل أعلاه...نرجو التصرف السريع..حوّل |
والله يا لنا كحَلت الحته دي لكن أكلتها في اللفه وحجزتها تحت الجفون قبل أن تصل القلب
وتعمل جلطة لأنو طه وإلهام أصحابي من العصر الجليدي لكن لقيتك لماحه برتبة اسكانر..
عموما طه قاصد يقول ما يتردد عن الديمقراطية أنها نور ونار فمن أراد نورها عليه أن يكتوي
بنارها وربما طه يكون سمع حبوبتي (ستنا) عليها الرحمة كانت تقول لي مافي حلاوه بدون نار..
غايتو يا طه ال CC لإلهام دي في وريدك الرئيسي ..
تاني تجي ودنوباوي
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
عاد يا مولانا اللة يكطب الشينة لكن اثناء ما بقرا في تعليقاتك وردك علي المتكهرين
شاعرة بيك والعياذ باللة وانشاءاللة اكون بتخيل انك خايف و مرتبك
يا مولانا انت البتامر وانت صاحب الري
واللة بتحصل في احسن المجتمعات يعنى شنوا الحكومة وصلت ما تصل
انت ما مسؤل من رعيتك لو بالداخل ولا بالخارج يعنى ما لازم تشوف ناس الاولمبياد احولهم هذا اقل واجب
. تيت .... تيت.... مولانا حديد
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: أحمد طراوه)
|
غايتو يا موج إنتو ناس ما عندكم شغله ساي.. كمان تترجم شهادة بكري بعد تزوير النص؟ فايز القاضي ضرب لي قال لي الموج قام بتحريف الترجمة، هسه الزول الهكرني وجاريتوهو في بوست أهل ساره نور دا نصيح؟ ياها دي ساره نورو ساره نورو ساره نورو المصدعين بيها راسنا؟ دي شن فيها هسه؟ والله حقيقة حب الناس مذاهب.. 
غايتو ربنا يهديكم ومعاكم ودالقرشي ومن لف لفه.. لف لفه تتضمن ناس مايا وودالمنسي وهدى عبدالمنعم وكل شزاز البوستات.. قال نورو قال.. دي قولا لزول ما عندو حكومه ..
| |
|
|
|
|
|
|
|
|
|
Re: ** وصـول حـكـومـة محمد المرتضى حامد بالسلامة إلى السلطنة** (Re: محمد المرتضى حامد)
|
Quote: الحل و المخرج : إعادة كتابة مذكرة التفسير المُصاحبة لعقد الزواج
و إضافة فقرة يتم الإستشهاد فيها بكلام الراحل العفيف عوض حسن ابوالعلا : أسراب حسان ( الاولمبياد) .. مال .. مال .. مال |
أحد الزملاء المحامين تزوج من مواطنة زيَّها وزي باقي البنات ، فجأة كدا قامت إتنقبت ،
إلتقيته بصحبتها في مكان ما وبالطبع لم أتبينها بالطبع فقال لي : دي فلانه حتى يزيل
الدهشة الخفيفة التي ارتسمت على وجهي وحتى ينفي عن نفسه شبهة التجول مع انتخابات مخجوجة،
قال لي مازحا : يا مرتضى الموضوع دا breach of contract لأنو النقاب لم يكن ضمن شروط الزواج
وعليه حا أعمل الدايرو ، قلت ليهو هن بيغيِّرن حاجات كتيره بِقَت على الملابس كما أن العقد
لم يتضمن الشروط الذي تتحدث عنه،
قال لي تاني حقو أي عقد يا يكون شامل ( زي ال FIDIC Contract Conditions ) يا يكون في
ملاحق وكمان ضمانات عشان تاني الواحد يعرف مآلات ما (اشترى) ..
مال .. مال .. مال..
| |
|
|
|
|
|
|
| |
ABUHUSSEIN
Khalid Kodi
محمد المسلمي
عماد الشبلي
Gaafar Ismail
حبيب نورة
منصوري
محمد المرتضى حامد
Ahmed al Qurashi
خالد علي محجوب المنسي
rummana
عمران حسن صالح
حمد عبد الغفار عمر
Kostawi
Hisham Ibrahim
khaleel
الطيب شيقوق
صديق الموج
ALGARADABI
lana mahdi
hameem
هشام هباني
طه جعفر
وضاحة
أحمد طراوه
waleed dawash
فيس بوك
تويتر
انستقرام
يوتيوب
بنتيريست