الاستاذ محجوب شريف و الغويشة.........تنشيط للذاكرة

حفل دعم الجالية السودانية بمنطقة واشنطن الكبري بالفنان عمر احساس
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-09-2018, 03:48 PM الصفحة الرئيسية

مكتبة فيصل محمد خليل(فيصل محمد خليل)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-03-2006, 05:40 AM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24804

للتواصل معنا

FaceBook
تويتر Twitter
YouTube


الاستاذ محجوب شريف و الغويشة.........تنشيط للذاكرة

    استدعت نيابة الجرائم الموجهة ضد الدولة، شاعر الشعب، الاستاذ محجوب شريف، للمثول امامها، يوم الخميس 9/12/2004، بدعوى استجوابه و التحقيق معه حول شكوى تقدم بها جهاز الامن الوطني، على اثر عرض الكاتب الصحفي يحيى فضل الله لقصيدة [الغويشاية] الشهيرة، ضمن دراسة نقدية نشرتها صحيفة (الاضواء) مؤخراً.

    يا للعار... جهاز الامن يحتج بعد عقد من الزمان،علي النص الشعري الذي يصف فيه شاعر الشعب اعضاء جهاز الامن بانهم حفنة لصوص لكونهم سرقوا غويشة ذهبية من منزله عام 1995 . والقصيدة مشهورة وقصتها معروفة، إلا ان الجديد، ان جهاز الامن الذي سكت كل هذه السنوات على "عملته السودة"، جاء ليحتج في ديسمبر2004، عشية بداية اعلان الخرطوم عاصمة للثقافة العربية .

    ذهب محجوب شريف الى نيابة الجرائم الموجهه ضد الدولة. وجدد اتهامه ضد اللصوص، وتحول من متهم الى قاضي يحاكم اللصوص وسادنهم محمد فريد وكيل النيابة المعروف بارتباطه بجهاز الامن واستمر التحقيق لعدة ساعات انتصر فيها شاعر الشعب محجوب للحق ولقصيدته. ولم يهن هو المناضل الجسور الذي لا يخشى في الحق لومة لائم.

    وللاجيال الجديدة نعيد قصة [الغويشاية] وهي باختصار ان عناصر من جهاز الامن، داهمو منزل الاستاذ محجوب ذات يوم في عام 1995 (قبل ثلاثة ايام من عيد الاضحى المبارك) وطلبوا منه الذهاب معهم فوراً فرفض الذهاب الفوري، وطلب اليهم الانتظار قليلاً حتى تعود زوجته من العمل وقد حان وقت عودتها، لتتولى رعاية طفلته التي تصادف ان كانت مريضة في ذلك اليوم، ولا يصح ان يترك الطفلة مريضة ويذهب معهم. فقام عناصر جهاز الامن بتفتيش المنزل واكتفوا بكتابة طلب حضور له في اليوم التالي، فوقعه مؤكداً استعداده للحضور في التاريخ المحدد . وفي اثناء التفتيش "وقعت" عين احد عناصر جهاز الامن على "مطبقة" صغيرة، فامتدت يده لها، ليجد بداخلها [غويشة] ذهبية ومبلغ صغير من المال. فسرقها عنصر الامن، وانسحبت التجريدة من المنزل مكتفية بطلب الحضور في اليوم التالي.

    بعد انسحابهم لاحظ الاستاذ محجوب ان يد احد عناصر الامن قد عبثت "بالمطبقة" واعتقلت [الغويشاية] بدلاً عن الشاعر. وجاء الجيران وشهدوا على سرقة [الغويشاية] وثبتوا الواقعة في محضر الشعب. وهنا قرر الشاعر اتخاذ موقف آخر، بأن مزق على الفور امر التكليف بالحضور، ورفض الذهاب لجهاز الامن في اليوم التالي . فكان ميلاد قصيدته الشهيرة [الغويشاية] . وظل يقرأها على الملأ، على مدى السنوات الماضية في كل المنابر. ويحكي قصتها، مجدداً اتهامه لجهاز الامن ، ومتحدياً له . ووصلت قصة [ الغويشاية] الى كل مسمع بما في ذلك آذان بعض المتنفذين في السلطة. فلم يحركوا ساكناً. وآثروا الصمت على الفضيحة طيلة العقد الماضي. وهاهو جهاز الامن يجئ ليفتح الملف مرة اخرى ويا للعار مدعياً ان القصيدة تسيئ الى سمعته. وان الشاعر متهم في احدى الجرائم الموجهة ضد الدولة !!!

    وها نحن في الميدان نعيد نشر القصيدة، ونجدد الاتهام لجهاز امن الانقاذ وعناصره بأنهم مازالوا مجرد حفنة لصوص، وحتماً فإن يوم محاسبتهم على كل جرائمهم ومن بينها سرقة [الغويشاية] لآت وقريب.

    وهاهي الميدان تنشر النص الشعري:-

    هذه سيرة ذاتية لها

    تلك الغويشايه

    هجين الدبله والخاتم

    سلالة كم وكم حاجه

    متل الستره وهاجه

    بختم الدوله لا حوله

    باوراقا الثبوتيه

    صبحت في خبر كان

    اللي كانت ليها محتاجه

    المسيكينه

    ما تسألني كم تمن الغويشايه

    بل جاوبني كم تمن الطمأنينة؟



    ***

    دخري الحوبه للقمريه

    حبة عيش وقشايه

    غويشايه

    تدسدس فيها وتخبي

    يعلم الله بتربي

    علي كل المهن طافت

    من عين الفقر خافت

    بس عين الصقر شافت

    صقر لابس لبس حربي

    وختم الدوله لا حوله

    باوراقا الثبوتيه

    في هنداما متخبي

    صبحت في خبر كان

    اللي كانت بيها فرحانه

    المسيكينه



    ***

    غويشة مي ومريومه

    تماما زي حمامايه

    لم تعرف لها زوجا

    ولم تعرف لها تومه

    وحيده وجوه عشايه



    ***

    بتاتا لم تساسق

    في الطريق العام

    ولا في الحله قوقايه

    وتب ما للتباهي

    ولا لزوم القدله والزينه

    هي المختوته لي يوما

    المدسوسه للحفله

    المحروسه من غفله الموروثه في الخاطر

    المخصوصه للممكن

    يكون باكر

    مسام البيت

    وتسكن في ضرا النومه

    وكم تتعثر القومه

    كتيرا ما

    كتيرا ما

    كتيرا ما

    ككل الناس

    تتم الناقصه بالمويه

    وتبقي الستره عشايه



    ***

    غويشة السترة والحوبه

    ومن تعب التي ظلت

    ترتق للصبر توبا

    تفتق وردة السترة

    التبتق في بنياتا

    وتعتق ذكري حبوبه

    غويشايه

    وفر من سكرا وشايا

    وفر من كسرتا وزيتا

    وكم من باقي ماهيه

    يشيلا السوق كما هي

    بلا سكة رفاهيه

    ولا حتة قماشايه

    تساسق مكتبا وبيتا

    كما كل الافنديه

    حبيبة فول وعيشايا

    تساهر ابرتا وخيطا

    مكنتا مِن زمن ياما

    تحت الداما دواره

    وكل زراره نواره

    تفرهد في قماشايا

    تخليهو القديم لنجي

    يبقي المافي من مافي

    ويبقي البلدي افرنجي

    تقول للذله حاشايا



    ***

    فاما العبد لللاهي

    فزوجاً ليس باللاهي

    قلبي الجمره واطيها

    وماني محلقا ساهي

    ولا متملقا احدا

    ولا متعلقا ابدا

    باموال و لاجاه

    طول العمر ماهيه

    بقت حزمة معاشايه

    اخيرا اصبحت ورقة

    وما بتسد فرد فرقه

    المنديل تمن طرقه

    والصقر ان وقع

    كترالبتابت عيب

    ضرا و درقه

    لذلك يا رضى نفسي

    حزمت الامر من اول

    ما بالخوف بنتحول

    ولا بنجوع بنتسول

    اكيد عمر الكلام اطول

    قصير العمر لو طول

    احب الكلمة لو حره

    احب الستره لو مره

    اعاف الشينه لو دره

    احب العفه بت امي

    حليب الستره في فمي

    دبيب النمله في دمي

    وكت تلقالا عيشايا

    تجر جريا واباريها

    وما بتضل طريق الصف

    للمخزن

    ولم تأذن لنفسها

    تنفرد بيها

    ولن تأذن

    ولم تحزن على ذلك

    ولم تحزن



    ***

    وبعض البعض قد ذهبوا

    الي من عنده ذهب

    وبعض البعض قد مالوا

    الي من عنده مال



    ولكن من ستر حالو

    يمين الله قد نهبوا

    ألا ما اشرف النمله

    ألاما اشرف النمله

    وتبا للضمير

    لمن يصير خمله

    فيا لصا حكوميا

    بختم الدوله لاحوله

    باوراقا الثبوتيه

    بكل ملابس الحمله

    عمل عمله

    عمل عمله

    عمل عمله

    عفيتك لو بقت سكر

    وشاهي وزيت

    عفيتك لو كسيت امك

    صرفت روشتة الوالد

    وراحت في إيجار البيت

    واقول ياريت

    اذا فرحتهم بالحق

    اقول يا ريت

    عفيتك.. لو....

    ولكنك

    دا ما منك

    دا ما منك

    دا من حال البلد ذاتا

    حراباتا وحزازاتا

    ناس السلطة ناساتا

    ناساً فوق و ناس

    تحت الارض اقرب لامواتا

    ضاقت ولما استحكمت حلقاتها

    ضاقت ولما استحكمت حلقاتها

    ياللاسف...

    كم من ولد فاتا

    سهولا، جبالا، غاباتا

    ونيلاً جاري

    في حزة مفازاتا

    هديك لجة موانيها

    وفوق رحمة سماواتا

    ضاقت ولما استحكمت حلقاتها

    كم من ولد فاتا؟؟

    منقول من الميدان

    فيصل محمد خليل
                   |Articles |News |مقالات |بيانات

03-03-2006, 06:04 AM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: فيصل محمد خليل)




    شكرا فيصل
    فلننشط الذاكرة معا .....
                   |Articles |News |مقالات |بيانات

03-03-2006, 02:31 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24804

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: عصام عبد الحفيظ)

    شكرا عصام

    مرورك رائع

    فيصل محمد خليل
                   |Articles |News |مقالات |بيانات

04-03-2006, 01:44 AM

wadalzain
<awadalzain
تاريخ التسجيل: 16-06-2002
مجموع المشاركات: 4175

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: فيصل محمد خليل)

    شكرا لشاعر الشعب محجوب شريف الذى دائما يقول ما لا يستطيع ان يعبر عنه الآخرين


                   |Articles |News |مقالات |بيانات

04-03-2006, 05:24 AM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24804

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: wadalzain)

    ود الزين حبابك عشرة

    فلنحاول ان نكن مثلة

    فيصل محمد خليل
                   |Articles |News |مقالات |بيانات

04-03-2006, 02:40 PM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24804

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: فيصل محمد خليل)

    شكرا لكل من قراء هذا البورد

    فيصل محمـد خليل
                   |Articles |News |مقالات |بيانات

05-03-2006, 04:00 AM

عاطف عبدالله
<aعاطف عبدالله
تاريخ التسجيل: 19-08-2002
مجموع المشاركات: 2101

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: فيصل محمد خليل)

    يا اللي بتسمع .. والما بتسمع ..
    شعر محجوب شريف 1992
    ------------------------------
    يا اللي بتسمع .. والما بتسمع ..
    لازم تفتح اضانك .. وتسمع
    صوت الشارع لمن يدوي ..
    كل قلاع الخونة بتهوي..
    وكل جباه الكهنة بتركع
    وشمس الحق السرقو شعاعها
    بكرة بامر الشعب .. بتطلع
    ياللي بتسمع ..
    والما بتسمع ..
    نحن اسودا ما بتدجن
    ونحن سدودا ما بتهدن
    ونحن جبلا ما بتصدع ..
    لملم ناسك .. ولحمة راسك ..
    وارفع ايدك عننا .. ارفع
    يا اللي بتسمع
    والما بتسمع
    لو بي بنادقك ما بترهبنا
    ولو بى خنادقك ما بترعبنا
    ...............
    ..............
    والتاريخ يا جاهل .. بيشهد
    والايام لسع بيناتنا
    وكل الحق الضايع بيرجع
    يا اللي بتسمع
    والما بتسمع
    .اسأل كل العسكر قبلك
    وكل الحاول فكر متلك
    الاستأسد .. والاتنمر..
    مهما استعلا.. ومهما استكبر
    برضو في يوم الغضبة بيهلك
    وبيلقى مصيرو .. نفس المصرع
    واننا أمة عظية اصيلة
    لينا خصايص ما في مثيلها
    وفينا طباع بالفطرة نبيلة
    والاسلام ما جانا الليلة
    ولا اخلاقو علينا دخيلة
    الايمان من بدري سبيلنا
    والقرآن في الصدر دليلنا
    انقى .. وارقى .. واسمى .. وارفع
    يا اللي بتسمع
    والما بتسمع
    نحكي ليك لو كان ما بتعرف
    حاجة بسيطة بس عن ماضينا
    انحنا رضعنا الثورة رضاعة
    وبالوطنية انحنا ربينا
    التدجيل ما بنفع فينا
    والتضليل ما بيمشي علينا
    انحنا عبرنا السكة مشينا
    وشفنا عدونا .. وشفنا صفينا..
    وما بنهاب لا سيخ .. لا مدفع
    يا اللي بتسمع
    والما بتسمع
    الانقاذ ما بالدبابة
    ولا احلام شايلاها سحابة
    ولا اوهام عالم كضابة
    ولا ارقام خاوية .. وخلابة
    والاصلاح ما جربندية
    الاصلاح ما بالزندية
    الاصلاح عدل .. وحرية
    الاصلاح موضوع .. وقضية
    الاصلاح عزقة .. وطورية
    نحن بنفكر بتاريخنا
    يا اللي بتسمع
    والما بتسمع
    نحن اولاد الوطن الواحد ..
    متسامحين من يوم ما قمنا
    عشنا حبايب ولسه حبايب
    ما اتخاصمنا ولا اتصادقنا
    فينا مساجد بتهليلها
    وفينا كنايس بي انجيلها
    وفينا معابد يسرج ليلها
    ربنا واحد .. وشعبنا واحد
    وحبنا واحد .. ودربنا واحد
    يا اللي بتسمع
    والما بتسمع
    دايرين نختم نحن كلامنا
    ودايرين نحسن نحن ختامنا
    للاحرار نديها تحية
    وللثوار تعظيم وسلام
    نحن الفوق الشمس مقامنا
    ونحن جبين الشمس مرامنا
    ونحن وقود الحارة .. ونارها
    ونحن منية الباغي .. سهامها
    الا ارادة المولى ارادت
    حكمت فينا .. وفي حكامنا
    بعد ما ازهري كان هو زعيمنا
    بعد المهدي الصلى امامنا
    بعده الغرد الضوو جبينا
    بعد الدرر الزانو زمانا
    جات البقرة عشان تحكمنا
    وام رخم الله مشت قدامنا
    جل جلالة الملك الواحد
    يأتي وينزع
    ويعطي ويمنع
    ويخفض .. ويوفع
    يا اللي بتسمع
    والما بتسمع
    يومك قرب يا ظالمنا
    وبكرة حناخد منك تارنا وما بنرجاهو حساب الآخرة
    داكا حصابا من غفارنا
    يمكن يصفح .. ويمكن يسمح
    ويمكن يعدك من اشرارنا
    الا انحنا حسابنا براهو
    يوم الحارة بتوقد نارنا
    تحصد كل الداسو حقوقنا
    تحرق كل الخربو ديارنا
    دايرين نعرف وين شهدانا
    دايرين نعرف وين ابرارنا
    والشرفا الراحو اوانطة من طلابنا ومن احرارنا
    والآلاف الشردتوها من خبراتنا ومن اخيارنا
    والمؤتمرات الدبلجتوها من اخوانا ومن اعمارنا
    نحن عرفنا البير وغطاها
    ونحن خلاص ... قرارنا
    ونحن حنضرب كل العملا
    ونحن حنصلب كل الجهلا
    نحن حنغبن عصابة القتلة
    ومن الباغي حناخد تارنا
    وعالية ترفرف راية العزة
    وغالية عزيزة حترجع دارنا
    ونور الفجر القادم يسطع
    يا اللي بتسمع
    والما بتسمع
                   |Articles |News |مقالات |بيانات

05-03-2006, 05:01 AM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24804

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: عاطف عبدالله)

    عاطف

    مرحب بيك
    فيصل محمد خليل
                   |Articles |News |مقالات |بيانات

05-03-2006, 05:18 AM

مدثر محمد ادم

تاريخ التسجيل: 17-12-2005
مجموع المشاركات: 3016

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: عاطف عبدالله)

    محجوب شريف
    لو انتو شلة مسخرة
    وعبدت كراسي ومفترين
    احنا للبلد درقة وسيوفا
    طالعة وشلال يقين
    شكرا الرائع فيصل تنشيط الذاكرة
    مع خالص حبي
    مدثر تيف تيف
                   |Articles |News |مقالات |بيانات

05-03-2006, 10:35 AM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24804

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: مدثر محمد ادم)

    انت الاروع يا مدثر

    انا متابع نشط لمواضيعك ومداخلاتك

    فيصل محمد خليل
                   |Articles |News |مقالات |بيانات

05-03-2006, 03:32 PM

Mohamed Elgadi

تاريخ التسجيل: 16-08-2004
مجموع المشاركات: 2861

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: فيصل محمد خليل)

    Up and Up
                   |Articles |News |مقالات |بيانات

05-03-2006, 04:31 PM

برير اسماعيل يوسف
<aبرير اسماعيل يوسف
تاريخ التسجيل: 03-06-2004
مجموع المشاركات: 4443

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: Mohamed Elgadi)

    Quote: وللاجيال الجديدة نعيد قصة [الغويشاية]



    الاخ/فيصل

    سلام و احترام

    اذا كنا نريد ان نعيد القصة للاجيال الجديدة ... فيجب علينا الا نبدأ كتابة التاريخ من قصة الغويشاية ... فهنالك قصص كثيرة يجب ان تعرفها الاجيال الجديدة ... و الحكاية دي بتطلب قرار كبير و ما ساهل... لكنه قطع شك سيصب في مصلحة الاجيال الجديدة و في مصلحة شاعرنا الكبير محجوب شريف.

    اذكر و بعد الانتفاضة الله يرحمها و يحسن اليها ... كنا عطشانين للكلام ... و كنا جارين وراء الندوات و الامسيات و خاصة عندما يكون المتحدث الرئيس الاستاذ محمد ابراهيم نقد او الاستاذ محجوب شريف... يعني كنا نحب الناس ديل حب شديد و بنزعل كثير لو اي شخص قال فيهم اي كلمة جاي و لا جاي... و باختصار شديد كنا لا نتحمل الآخر.. و مفترين لابعد الحدود ... و الله الكلام ده بامانة شديدة ... و لم نكن منضمين لا في الحزب الشيوعي و لا هم يحزنون حتي نبحث عن بطولات فارغة و مقدودة... و كل ما نعرفه هو حبنا و بلا حدود لحديث نقد او محجوب شريف ... و كنا نمشي لندوات الاخرين و ارجلنا تقيلة ... يعني نقدم كراع و نؤخر كراع.

    المهم في الموضوع هو انه و في احدي الامسيات التي تحدث فيها شاعرنا الكبير محجوب شريف و اذكر له قصيدة رائعة و لابعد الحدود اكلتها من راسي السنون... و عندما كان محجوب شريف يتحدث عن الجنوب الذي اكتشفه الاخرون الان ... كانت بقية الناس تعيش في غيبوبة و يبدو انهم الي الان كذلك.

    فقال محجوب في مطلع القصيدة ان لم تخن الذاكرة:

    عشة كلمينا... ميري ذكرينا

    كل سمكي احسن... يبقي مسطرينا

    نحن شعب اسطي... يلا جيبو مونا

    و الي اخر القصيدة الرائعة.

    و نحن منتشين بالقصيدة و كنا نصفق بسبب و بلا سبب انبري شخص نعرفه و مدح محجوب شريف و قصيدته و الناس تصفق تصفقيق حار... و لكن كانت المفاجاة اذ انه قال لمحجوب شريف الست القائل:

    و ذكر له قصيدته التي تغني بها وردي في حقبة مايو ... و كان احد الاحباب مشغولا بامر ما فصفق للرجل علي اساس ان الرجل سيكون قال كلام جميل ايضا و الناس تنشنت و حنبكنا و زعلنا زعل كبير ... و عندما سألنا الرجل لماذا فعلت كذا و الناس طالعة في انتفاضة قال لنا حتي لا تسرق هذه الانتفاضة ... يجب علينا ان نقول كل الحقائق للشعب و نعتذر عنها ... غير كده الانتفاضة ستسرق .

    كلامه لم يركب في رأسنا و اتهمناه بالعمالة لمايو و اذنباها و الي اخر المللوج المعروف... عند حدوث مثل هذه الحكاية.

    و اردف الرجل قائلا عندما وقعت المعركة بين المتنيء و فاتك الاسدي و هرب ابو الطيب المتنبيء من المعركة قال له فاتك الاسدي:

    الست القائل :

    الخيل و الليل و البيداء تعرفني... و السيف و الرمح و القرطاس و القلم

    فما كان من المتنبيء الا ان يقف و يواجه العدو بشجاعة .

    قلنا له ما علاقة قصتك هذه بموضوع الامسية ... قال لنا يجب ان يواجه الناس اخطاءهم و بشجاعة.

    فزاد زعلنا منه اكثر و اكثر في تلك الايام... الا ان عرفنا ان كلامه كان صحيحا... فلازم الناس تقول العليها و الليها... مش تحاول تزيين التاريخ فقط و تتحاشي ذكر الاخطاء و تزعل و تقاطع عندما يقول الاخرون تلك الاخطاء.

    لذا يا ريت نذكر كل حقائق التاريخ ... و يا ريت نترك حكاية انتقاء التاريخ و انتقاء الاحداث .

    الشغلانية كل لا يتجزأ.
                   |Articles |News |مقالات |بيانات

05-03-2006, 04:45 PM

عصام عبد الحفيظ
<aعصام عبد الحفيظ
تاريخ التسجيل: 08-08-2004
مجموع المشاركات: 4159

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: Mohamed Elgadi)

                   |Articles |News |مقالات |بيانات

06-03-2006, 05:04 AM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24804

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: عصام عبد الحفيظ)

    الاخ برير

    سلام و احترامين
    كلامك سليم وواقعي وما في واحد مختلف معاك و انا وانت في حندق واحد
    لنقدم تاريخ ناصع البياض للاجيال القادمة ولانفسناو نحن لا ندعو لدفن
    الرووس في الرمال لان بهذا نكون قد خدعنا انفسنا قبل ان نخدع الاخرين
    ولا نفتعل بطولات وهمية ونحارب طواحين الهواء بل نسعي انا وانت تمليك
    الحقائق لشركاءنا في هذا الوطن الحبيب فعلية توخي الحزر و الصدق ضرورة
    حتمية كحتمية التاريخ. وكذلك كان محقا معارفك سالف الذكر حين طرح سوالة
    لاستاذ محجوب شريف عن مشاركتة لمايو بقصيدتة يا حارسنا ولكن فات على طارح السوال بان الشاعر حينها لا كان ينتمي لاي جهة سياسة او بمعنى اخر ليس كان منظم في اي حزب بل كان ميولة يسارية في طور النضوج وحين اتت مايو بشعارات تقدمية انفعل معها ولكنة سرعان ما ادرك زيف الشعارات المرفوعة فحاربها كما هو معلوم ولم ينتظر كما انتظر المتنبي لينبة والناس في وطيس الحرب بان يعود الى ساحة القتال بل ادرك بحسة الوطني
    ضرورة مقاتلة ذاك النظام واسقاطة وقد كان.
    اعود و اشكرك واشكر الرجل طارح السوال لخوفكم علي السودان ولنقف جنبا الى جنب لاستعادة الانتفاضة
    انا ارى فيك صديق درب
    فمعا
    فيصل محمد خليل
                   |Articles |News |مقالات |بيانات

06-03-2006, 01:19 PM

برير اسماعيل يوسف
<aبرير اسماعيل يوسف
تاريخ التسجيل: 03-06-2004
مجموع المشاركات: 4443

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: فيصل محمد خليل)

    العزيز/فيصل محمد خليل

    لك مجددا المزيد من التحايا

    اقولها لك صادقا بان خطابك هذا قد اثر في و بشكل كبير ... و قد عاد بي الي سنوات جميلات مع احبة زملاء رفقاء كنا نقتسم معهم النبقة ... و كنا يدا واحدة اشداء علي خصومنا السياسيين رحماء بيننا ... و كنا ننتقد انفسنا قبل ان ينتقدنا الاخرون ... و لم نكن نجامل بعضنا البعض تحت دعاوي ان ذلك سيكون في مصلحة الخصوم السياسيين... و لم نكن نعمل بسياسة رزق اليوم باليوم ... و كنا نخاصم خصومنا السياسيين بشرف ... و كنا نفكر بصوت عال و لا ناتمر بامر احد من العالمين ... احرار ... نعمل ما نراه مناسبا و ان اتضح خطأه استفدنا من الخطا في المرات القادمات.

    سنكون جنبا الي جنب ان كانت هذه هي الروح التي سنتناقش بها ... و ان امنا علي عدم انتقاء الاحداث للكسب السياسي سريع الذوبان... معا يا فيصل لنقول للناس اللينا و العلينا ... الدنيا هذه لا تستحق اكثر من ذلك ... و حبلها قصير... و تبقي المحبة بيننا يا زول.
                   |Articles |News |مقالات |بيانات

07-03-2006, 07:29 AM

فيصل محمد خليل
<aفيصل محمد خليل
تاريخ التسجيل: 15-12-2005
مجموع المشاركات: 24804

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: فيصل محمد خليل)

    موافق يا بلد





    فيصل محمد خليل
                   |Articles |News |مقالات |بيانات

08-03-2006, 00:51 AM

برير اسماعيل يوسف
<aبرير اسماعيل يوسف
تاريخ التسجيل: 03-06-2004
مجموع المشاركات: 4443

للتواصل معنا

FaceBook
تويتر Twitter
YouTube


Re: الاستاذ محجوب شريف و الغويشة.........تنشيط للذاكرة (Re: فيصل محمد خليل)

    فوق
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de