دعواتكم لزميلنا المفكر د.الباقر العفيف بالشفاء العاجل
|
|
 اول مرة اشوف شيوعية
|
الى روح س . ص هذه شجرة صبار على شاهد القبر .
اول مرة اشوف شيوعية
لمن شفتك يا سين , صاد
واول مرة احب
احب شيوعية
كنا تلاتة , شارع بيغلى , ومايو مسخن
وبابا نميرى بهدد فينا
(ايوه نتلب , ايوه ننط الحيطة)
(جوه لباسكم راح بنفتش , والما عجبو
عجبو بتاع الامن بعرفوا)
كنا تلاتة جوه الاوضة
جأت (اشجان) بقينا خلية
(انا سين , صاد , اسمى الحركى هو اشجان)
(انا باسم)
(انا عارف)
(والزميل؟)
اول مرة تعاين ليا
اتلخبتا
(اااسمى الحركى اسد الدين)
(عديل كده !!)
ضحكت , ضحكت , ضحكت منى البت السمحة
اتعقدتا
(اوعك تزعل)
معقول ازعل يا (اشجان)
اتصاحبنا
ياما هتفنا ( تسقط مايو , يحيا الناس)
ياما كتبنا فى حيط الناس (يحيا الحزب الجاى للناس)
(ااانا بحبك)
(انا مرتبطة اسفة شديد , اوعك تزعل)
معقول ازعل يا (اشجان)
فى ابريل وبعد ابريل
ياما هتفتى (انتخبوا رمز الشجرة)
(رمز الفيل يا اسدالدين)
اتفرقنا فى نكسة يونيو
سنة الفين (اشجان كيف ؟)
(اشجان ماتت من سنتين سرطان ثدى)
كانو تلاتة جوه الاوضة
(اشجان) ماتت
(باسم) هاجر فى امريكا
(عارف) اعلن توبته , ربا دقينته
مسك السبحة , وسكن الجامع
وبقى يكرهنى , ويكره سيرة اسمو الحركى
وانا اتعلقتا ما بين , بين
اقطع ولا اواصل ؟
خايف , خايف لو واصلتا
اسمى الحركى عجبو بتاع الامن يعرفو
اوعكى تزعلى يا (اشجان)
اسدالدين لسه بحبك
للثكنات يا عسكر مايو
تسقط , تسقط , تسقط مايو
ويحيا الناس المشوا فى جنازتك
يا (سلمى صلاح) .
شاهين .
(عدل بواسطة shaheen shaheen on 04-11-2006, 09:05 AM)
|
|
 
|
|
|
|
|
|
|
|
Re: اول مرة اشوف شيوعية (Re: shaheen shaheen)
|
تحية طيبة للجميع
شكرا شاهين
| Quote: اختفى هذا البوست وعاد لينير البورد مرة أخرى. |
نعم اخ هانى ، هو بوست مميز ، و لازم نرجع ليهو بمهلة
بحجز مكان اسه.
العزيز شاهين ، اعذرنا ان كنا نقراء كثير مما تكتب دون ان نعلق
| |
|
|
|
|
|
|
|
|
|
Re: اول مرة اشوف شيوعية (Re: shaheen shaheen)
|
البنات الشيوعيات.. أدب.. أخلاق.. ذكاء.. زكاء جمال..شجاعة نادرة أكثر من الرجال.الواحدة تجبرك ان تحترمها..عرفناهن في الثانويات وفي الجامعات..
لكن دايماً أخاف من كلمة شيوعي دي خوف شديد خلاص..وأحب كلمة الجبهة الديمقراطية اكثر من كلمة شيوعي لأنو لما قبلوني في الثانوي.. جاء واحد كوز من حلتنا لى أمي وقال ليها الولد دا راح يروح المدارس الكبار.. أوعك يمشى مع الشيوعين إنت عارفة كلمة شيوعي معناها شنو يا حاجة..الشيوعي كافر.. والشيوعي ما بيفرق بين مرتو وأختو وأمو..وأنا زمان صدقت الكلام دا وأمي صدقت الكلام دا بشدة شديدة وبقت لمان تسمع كلمة شيوعي يفضل ليها تطرش من الكلام القالوا الزول دا..مع إنو هذا الكوز مرة مرة يجمع نساء الحلة ويقول عايز يفقهن في الدين وقتها كنت صغير.. يبدأ حديثو ب(لا حياء في الدين) ويلا يتكلم كلام ما أنزل الله به من سلطان..وأنا كنت الشافع الوحيد بين هؤلاء النسوة المستمعات. اشوف العجب والصيام في رجب..
لكن شوية شوية بديت أتخلص من رواسب كلمة شيوعية القالا هذا الكوز لى أمي واعرف معناها الحقيقي واعرف إيجابياتها وأعرف سلبياتها .
| |
|
|
|
|
|
|
|
|
|
Re: اول مرة اشوف شيوعية (Re: shaheen shaheen)
|
منصورى شكرا بالنسبة لى نشات فى اسرة يسارية لذلك بحكم المناخ والقراءة اصبحت اليسارية بالنسبة لى ( فصارت خضابا فى البنان كما ترى ) كما قال الشاعر , لكن بالمناسبة اكثر ما يعجبنى هو من يتمرد على المناخ الاسرى ويختار طريقه الفكرى بشكل مستقل , اعتقد هو الاكثر استمرارا فى التوجه الذى يختار .
شكرا منصورى .
شاهين
| |
|
|
|
|
|
|
|
|
|
Re: اول مرة اشوف شيوعية (Re: shaheen shaheen)
|
استاذة / ابنة الامتداد
انتى كاتبة رشيقة العبارة , مهذبة للغاية , فى هذا المنبر والذى تسيطر عليه نغمة العنف اللفظى بشكل لا يطاق
( عسل , ام عسل اسود ومنيل ؟ )
بالتاكيد الاولى
شكرا اختى على المرور ( بعض ما عندكم )
شاهين
| |
|
|
|
|
|
|
|
|
|
Re: اول مرة اشوف شيوعية (Re: shaheen shaheen)
|
| Quote: اول مرة اشوف شيوعية ... لمن شفتك يا سين , صاد ... واول مرة احب احب شيوعية ... كنا تلاتة , شارع بيغلى ومايو مسخن ... وبابا نميرى بهدد فينا ( ايوه نتلب , ايوه ننط الحيطة , جوه لباسكم راح بنفتش , والما عجبو , عجبو بتاع الامن بعرفوا ) ... كنا تلاتة جوه الاوضة ... جات اشجان بقينا خلية ... ( انا سين , صاد اسمى الحركى هو اشجان ) ... ( انا باسم ) ... ( انا عارف ) ... ( والزميل ؟ ) ... اول مرة تعاين ليا ... اتلخبتا ... ( اااسمى الحركى اسد الدين ) ... ( عديل كده ! ) ... ضحكت , ضحكت , ضحكت منى البت السمحة ... اتعقدتا ... ( اوعك تزعل ) ... معقول ازعل يا اشجان ... اتصاحبنا ... ياما هتفنا ( تسقط مايو , يحيا الناس ) ... ياما كتبنا فى حيط الناس / يحيا الحزب الجاى للناس/ ... ( ااانا بحبك ) ... ( انا مرتبطة , اسفة شديد , اوعك تزعل ) ... معقول ازعل يا اشجان ... فى ابريل وبعد ابريل ... ياما هتفتى ( انتخبوا رمز الشجرة ) ... ( رمز الفيل يا اسدالدين ) ... اتفرقنا فى نكسة يونيو ... سنة الفين ( اشجان كيف ؟ ) ... ( اشجان ماتت من سنتين , سرطان ثدى ) ... كانوا تلاتة جوه الاوضة ... اشجان ماتت ... باسم هاجر فى امريكا ... عارف , اعلن توبته , ربا دقينته ... مسك السبحة , وسكن الجامع ... وبقى يكرهنى ويكره سيرة اسمو الحركى ... وانا اتعلقتا ما بين , بين ... اقطع ولا اواصل ... خايف , خايف لو واصلتا ... اسمى الحركى , عجبو بتاع الامن يعرفو ... اوعك تزعلى يا اشجان ... اسدالدين لسه بحبك ... للثكنات يا عسكر مايو ... تسقط , تسقط , تسقط مايو ... ويحيا الناس المشوا فى جنازتك يا ( سلمى صلاح ) . |
نص جميل جدا شاهين
لك التحية والتقدير
| |
|
|
|
|
|
|
|
|
|
Re: اول مرة اشوف شيوعية (Re: shaheen shaheen)
|
| Quote: ويحيا الناس المشوا فى جنازتك يا ( سلمى صلاح ) . |
لها الحب والياسمين
يا شاهين حكايتك مست
شغاف القلب ..حكاية
الغلابة .. وناس اشجان
وحكاية الثورة ..
الراحت علينا ..يا الله
من همك يا وطن ..بسك
يا شاهين ..
| |
|
|
|
|
|
|
| |
shaheen shaheen
Hani Abuelgasim
محمد الامين احمد
bayan
هاشم نوريت
عبد الحميد البرنس
السوباوي
منصوري
Muna Khugali
محمد عبد المنعم عمر
عشة بت فاطنة
Amjed
هشام هباني
Tragie Mustafa
Muhib
Ibrahim Malik
مزاحم الضوي
فيس بوك
تويتر
انستقرام
يوتيوب
بنتيريست