|
|
|
 Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: الطيب شيقوق)
|
عزيزي الطيب شيقوق
Quote: يبدو ان الغربة تكثف احساسنا واحزاننا فمتى نعود للوطن ومن نجد من الاصدقاء والزملاء فى وطن حلمنا به كثيرا ومازال الحلم كبيرا...؟
|
طبع الغربة يفترض بها إزالة الهموم وتوضيب الأوضاع لمن لم يجد الفرصة الكافية في دياره ..
ولكن في المقابل فطبع الغربة هو الحزن والغم والهم لا ينجح الإنسان في إذالتها مهما حاز من مرتبة ومن وضع مميز يعجز ان يجده في بلاده ..
أعتقد أن الجميع يلعن الغربة ولا يكاد يألفها حتى ولو مكث فيها عشرات السنين ولسان حاله كلسان الشاعر محمود سامي البارودي حين قال :
أبيت في غربة لا النفس راضية بها ولا الملتقى من شيعتي كثب
فلا رفيق تسر النفس طلعته ولا صديق يرى ما بي فيكتئب ..
Quote: أنا بحلم انى فى اكوان بترحل من مراسيها
عصافير نبتت جنحات وطارت للغيوم بيها
مسافر من فرح لى شوق ونازل بى حنان ليها
واغنى مع مراكب جات وراها بلاد حتمشيها
وأحزن لى سفن جايات وما بتلقى البلاقيها |
وكأنك تكتب بمداد من دمائك يا شيقوق !!
أما وأن الشي بالشئ يذكر فماذا نقول في رائعة حمد الريح :
ديارك حلوة أرجع ليها دار الغربة ما بترحم
وطوف بجناحك الوادي . أنسى الغربة أنسى الهم
بياض ورد الضفاف الساقية ضمو عليك وإتنسم
أامل أن أكون كتبت الأبيات الصحيحة ..
وكل عشمي أن تنتهي هذه الغربة المفروضة ويضمنا وطن واحد نعيش فيه معززين مكرمين بإذن الله ..
| |
 
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: الطيب شيقوق)
|
الطيب و نازر قرين كلامكم و دموعي ابتدت تجريمن غير اي سبب.
ما عارف ليه ... يمكن لان غربتي ابتدت بدري و ماظن ليها نهاية, او يمكن لاني في غربة داخل غربة داخل غربة.
و الله شايف انو اكون وسط اهلي و احبابي شئ مستحيل, شايفو شئ ما حايحصل ابدا. ما عارف ليه النظرة التشاؤمية دي بالرغم انا انسان طموح و متفائل جدا لشهادة كل الناس البعرفوني.
اللهم فرج همنا و ردنا الى اهلنا و احبابنا سالمين غانمين.
نازؤر اتمنى اقابلك .. بالمناسبة جاي السودان بين يوم 10 و 11 يونيو لمدة يومين فقط.
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: عفاف أبو حريرة)
|
| Quote: عشان انزل ليك غربه وشوق للعملاق ود الامين |
عزيزي ناذر اتدري من فاتن هذه التي تداخلت لتطلب لابيها الطيب الاغنية اعلاه
هي فاتن بنتنا الجميلة فاتن بنتنا الحلوة هى فاتن الاربابة بنت الارباب خالد المحرب والاربابة عفاف ابو حريرة وهي اى فاتن لاول مرة تطل علينا عبر هذه النافذة التي قال ما قال فيها والدها الجميل ووالدتها الرائعة عفاف ابو حريرة انها اجمل مساحة صنعها الرائع بكري ابو بكر للتواصل الانساني .
ارجوك ايها الناذر الجميل ان تلبي طلبها لا لنفسها ولكن ارضاءا لها شفقة على عمها ود شيقوق الذى اتصل به اهله من ظل راكوبة ديوانه عندما كانوا متلمنين في مناسبة زواج وقالوا ليهو تعال يا الطيب نحن محتاجين ليك وجلستك معانا في الراكوبة دى احسن لينا من مال الدنيا كلها .
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: الطيب شيقوق)
|
الطيب وناذر
والله نحن قاعدين على الهبشة عليكم الله خلونا في حالنا ولا هسع ببكي ليكم هنا وتاني البسكتني ليكم شنو
يا حليل ناس امي وابوي وناس حنان اختي وناس منال اختي وناس نادية اختي وناس ياسر اخوي وناس سامي اخوي واولادهم كللللللللهم وناس الزينة جارتنا وناس خالتي امونة جارتنا وناس عمي محمد وناس السوق وناس الجامع وناس زينب وناس خالي عبد القادر ودكان علي اللي لما نمشي اجازة اولادي بيشيلو منه الحلاوة والشبس والعصاير علي الدفتر ويجوا يقولوا لي عمو بتاع الدكان بيدينا الحاجات مجاني والمكوجي الفي ناصية ناس طيبة الحرق رجلينا بالنار المشتتة قدام دكانه لما نمشي ناس جدي حسن وناس سلافة صاحبتي الكنت وما زلت بتعتبرها بتي مش صاحبتي وناس سناء زميلتي الكانت مداقراني في اولوية الفصل وتجي التانية وتزعل منى انا وناس هويدا الشقية الكل يوم كاسرة يدها بطلوع النيمة القدام بيتنا واللي عاملة فيها فتوة الحلة وبتضرب اي ولد فيها وناس صلحة اللي كل ما يزهجوا يعملوا حفلة راااابة ومرات بفرفور كمان !!
وده كله كوم وعريشة امي القدام البيت كوم تاني ومشتل امي اللذيذ وقعدة القهوة في الضحي ولمة الجارات لشراب القهوة والضحك والفرفشة والبلح والودع لزوم الونسة وقفشات خالتي طيبة ست الودع وملاكداتها لأمي
ياخي نحن زي ما بقولو (المتحيل تبكيه القشة ) دايرين تبكونا ليه ؟ هو انتو ناقصين ؟
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: ناذر محمد الخليفة)
|
Quote: الطيب وناذر
والله نحن قاعدين على الهبشة عليكم الله خلونا في حالنا ولا هسع ببكي ليكم هنا وتاني البسكتني ليكم شنو
يا حليل ناس امي وابوي وناس حنان اختي وناس منال اختي وناس نادية اختي وناس ياسر اخوي وناس سامي اخوي واولادهم كللللللللهم وناس الزينة جارتنا وناس خالتي امونة جارتنا وناس عمي محمد وناس السوق وناس الجامع وناس زينب وناس خالي عبد القادر ودكان علي اللي لما نمشي اجازة اولادي بيشيلو منه الحلاوة والشبس والعصاير علي الدفتر ويجوا يقولوا لي عمو بتاع الدكان بيدينا الحاجات مجاني والمكوجي الفي ناصية ناس طيبة الحرق رجلينا بالنار المشتتة قدام دكانه لما نمشي ناس جدي حسن وناس سلافة صاحبتي الكنت وما زلت بتعتبرها بتي مش صاحبتي وناس سناء زميلتي الكانت مداقراني في اولوية الفصل وتجي التانية وتزعل منى انا وناس هويدا الشقية الكل يوم كاسرة يدها بطلوع النيمة القدام بيتنا واللي عاملة فيها فتوة الحلة وبتضرب اي ولد فيها وناس صلحة اللي كل ما يزهجوا يعملوا حفلة راااابة ومرات بفرفور كمان !!
وده كله كوم وعريشة امي القدام البيت كوم تاني ومشتل امي اللذيذ وقعدة القهوة في الضحي ولمة الجارات لشراب القهوة والضحك والفرفشة والبلح والودع لزوم الونسة وقفشات خالتي طيبة ست الودع وملاكداتها لأمي
ياخي نحن زي ما بقولو (المتحيل تبكيه القشة ) دايرين تبكونا ليه ؟ هو انتو ناقصين ؟ |
انت عارف يا نذوري اخوى لو تابعت درب شادية دي نحن ذاتنا بنبكي معاها
شادية بتذكريني حكى الحبوبات الزمااااااااااااااان عليك الله واصلي لينا - اكيد انت زمان بيقولو ليك حبوبة صاح ؟
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: الطيب شيقوق)
|
شادية الطيب ..
Quote: الطيب وناذر
والله نحن قاعدين على الهبشة عليكم الله خلونا في حالنا ولا هسع ببكي ليكم هنا وتاني البسكتني ليكم شنو
يا حليل ناس امي وابوي وناس حنان اختي وناس منال اختي وناس نادية اختي وناس ياسر اخوي وناس سامي اخوي واولادهم كللللللللهم وناس الزينة جارتنا وناس خالتي امونة جارتنا وناس عمي محمد وناس السوق وناس الجامع وناس زينب وناس خالي عبد القادر ودكان علي اللي لما نمشي اجازة اولادي بيشيلو منه الحلاوة والشبس والعصاير علي الدفتر ويجوا يقولوا لي عمو بتاع الدكان بيدينا الحاجات مجاني والمكوجي الفي ناصية ناس طيبة الحرق رجلينا بالنار المشتتة قدام دكانه لما نمشي ناس جدي حسن وناس سلافة صاحبتي الكنت وما زلت بتعتبرها بتي مش صاحبتي وناس سناء زميلتي الكانت مداقراني في اولوية الفصل وتجي التانية وتزعل منى انا وناس هويدا الشقية الكل يوم كاسرة يدها بطلوع النيمة القدام بيتنا واللي عاملة فيها فتوة الحلة وبتضرب اي ولد فيها وناس صلحة اللي كل ما يزهجوا يعملوا حفلة راااابة ومرات بفرفور كمان !!
وده كله كوم وعريشة امي القدام البيت كوم تاني ومشتل امي اللذيذ وقعدة القهوة في الضحي ولمة الجارات لشراب القهوة والضحك والفرفشة والبلح والودع لزوم الونسة وقفشات خالتي طيبة ست الودع وملاكداتها لأمي
ياخي نحن زي ما بقولو (المتحيل تبكيه القشة ) دايرين تبكونا ليه ؟ هو انتو ناقصين ؟ |
يا زولة قولي بسم الله دا ما بكى عديييل كدة !!
إستغفري .. إستغفري ..
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: ناذر محمد الخليفة)
|
إنتو ما شفتو الغريب كيفن بيتعذب براهو ..
إنتو ما عشتو الألم للمسافر غير رضاهو ..
ولما يتذكر بلادنا ونيلنا في المقرن لقاهو
بنبكي دم والفينا صابر يشكي وا حرقة حشاهو ..
Quote: نحن بنهديكم مشاعر سامية في الأعماق دفينة
لما بنعيد ذكرياتكم القلوب يذداد حنينا
يا ما نرجف ونرتعش ياما لما الجواب بس يجينا
يا حبايب صدقونا والله دا الحاصل علينا
دا المسطر في الأزل لو رضينا أو أبينا ..
مين زينا ومين زينا ومين زينا ؟!!!
وغاب وإغترب رافع شعار وطنو وصمد ؟!
بنكرم الضيف والغريب وحتى أسياد البلد
بابنا أبدا ما إتقفل عمرنا ما صدينا حد
أنحنا أغلى من الدهب والمال شنو كان إتوجد أو ما إتوجد؟!
وعشت يا سوداني إنت أصلو زيك ما إتولد .
مين زينا ومين زينا ومين زينا ؟!!! |
يا ود نذوري يا لعييب الله ينصر دينك وين شدوية خليها تموت عديل كده
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: الطيب شيقوق)
|
Quote: .الفاروق مالك قللت الطلة هل محاصر ؟ هل في حظر تجول عليك؟ هل في سلب للحريات العامة؟
يا ام ناصر زولك نحن عاملين ليهو مقص طوييييييييييييل |
بعد ده كله عاوزه يطل عليك والله انت مصيبه
Quote: .وخالد مالو ناسينا يا العفاف ولا برضو زى الفاروق ما بيقدر يقول زمان كنا بنشيل الود وندى الود لانو ودهم يا جبل ما يهزك ريح .
|
الطيب خالد شاغل باله موضوع التوثيق لي
الشيخ الحسن محمد طلحه ونيابه عنه اقول ليك
ننساك انت انت بتتنسي
عفاف
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: الطيب شيقوق)
|
Quote: .الفاروق مالك قللت الطلة هل محاصر ؟ هل في حظر تجول عليك؟ هل في سلب للحريات العامة؟
يا ام ناصر زولك نحن عاملين ليهو مقص طوييييييييييييل |
المنبر أضحى يا الطيب لا يطاق !!
شتائم لم أرها تكتب في منابر عامة ولم أسمعها
حتى في مجالس خاصة !!!!!
زمان يا الطيب رصّّّّّّّ ادريس البنا بضع كلمات قميئة نشرها بجريدة الأمة
عام 1968 شتم فيها رجل لا يشتم وهو أخي وأبي وصديقي وأستاذي
المغفور له ـ بإذن الله ـ الأستاذ عبدالماجد أبوحسبو أطهر
وأروع وزير إعلام عرفه السودان والأستاذ عبد الماجد ـ كما أعرفه ـ
رغم شراسته السياسية ، رجل حيي وذو خلق رفيع ويملك مواهب متعددة
فهو كاتب من طراز رفيع وسياسي من الطراز الأول وشاعر رصين العبارة
رشيقها تنقاد له أعنة القوافي في سلاسة دون عناء ... وشعره غاية في
الرقة والجمال والابداع ـ أتمنى أن يكون نجله المهذب "عصام" قد نشرهاـ
المهم أصدر ال Boss المغفور له محمد أحمد محجوب وكان وقتها رئيسا
لوزراء الديمقراطية الثالثة أمرا باقفال جريدة الآمة خلال مؤتمر صحفي
عاجل ..... وأذكر إن الBoss قال يومها : دي مش جرايد !!!!! ده زقاق
"أبوصليب" !!!!! فرفع عبدالرحيم حمدي يده ليسأل !! فقال محجوب اللماح:
عارفك يا حمدي عايز تسأل : ليه ما قفلنا زقاق أبوصليب ؟؟ ارتاح حنقفله
زي ما قفلنا الأمة !!!!
ولمعلومية الشباب جريدة الأمة كانت لسان حال حزب الأمة "جناح الصادق" والمحجوب
كان يقود تحالفا بين حزب الأمة "جناح الامام" والحزب الاتحادي بقيادة الأزهري
والشريف حسين الهندي عليهم رحمة الله .
وقد ذكرتني هذه الواقعة بحال المنبر اليوم !!! نساء يشتمن رجالا ورجال يشتمون
نساءً دون أي حياء من الجانبين !!!
أليس في هذا ما يطفش يا شيخ الطيب ؟؟؟
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: الطيب شيقوق)
|
السلام عليكم الاستاذ ناذر
اولا انا بعتذر لعدم التفاعل السريع ولكن ماما ربنا يخليها لي اعتذرت بالنيابه عني
حقيقه انا كنت سعيده وانا بكتب لي عمو الطيب لان احيانافي طله كدا بسيطه بتخفف من احساس الانسان زي اللي حاسيه عمو الطيب في البوست دا وانا بقول بسيطه لان ما كنت متوقعه انها حتعني عندكم كتير كدا
| Quote: عمك الطيب براهو ممكون ومتوجع .. مالك دايرة تزيدي همومو عليهو |
يعني الاغنيه قاسيه شويه لكن احيانا الهموم بتغسل بعضها و كلمات الاغنيه هم اخف من هم تاني ولا انت شايف شنو كدي بيني وبينك شوف مداخلاته الاخيره(احم احم بعد الاغنيه طبعا ما شويه كدا الحال بقى احسن)
ربنا يديك العافيه ويديم العشره الجميله دي بينكم وشكرا ليك علي الاغنيه وعمو الطيب يستاهل والله
كامل احترامي
فاتن خالد المحرب
| |
|
|
|
|
|
|
|
|
|
Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: عفاف أبو حريرة)
|
| Quote: ربنا يديك العافيه ويديم العشره الجميله دي بينكم وشكرا ليك علي الاغنيه وعمو الطيب يستاهل والله |
هييييييييييييييع فتونة السكرية ريحت عمو شديييييييييييد - وانا حالف اطلب من بكري ابو بكر يسويك عضوة في المنبر ده ويعمل لنا اختك عضوة وكلكم بسلامتكم ودكتوركم حمادة تبقوا اعضاء عشان لما تعملوا بوست تخدموهو براكم الا عمو الطيب المعاكم لانو الرطانة ما بيعرفو حكينا لما نحكي عن ذكرياتنا الجمييييييييلة .
نذورى في ناس هربوا من بوستيك ده غلبهم الحنان تعرفهم؟
| |
|
|
|
|
|
|
|
|
 Re: يا ناذر خليفة / زمان كنا بنشيل الود وندى الود زمان ما عشنا في غربة - آآآآآآآآآآآآآه (Re: الطيب شيقوق)
|
سلامات الأخ الطيب شيقوق
ما لكم علينا في الليل دا. والله يجازي الكان سبب . . ما نلْقَى عافِي ولا دَوَا.
الود من أحب اغاني وردي الى قلبي واحيانا اسمعها اكثر من مرة في اليوم الواحد. والرحمة على الاستاذ الراحل المقيم عمر الطيب الدوش والذي أثرى الساحة الادبية والغنائية السودانية باشعار لا زالت حتى هذه اللحظة تعكس مدى عمق مشكلة السودان السياسية والاجتماعية. فالواجب تخليد ذكراه بالترحم عليه وذكر اعماله الوطنية.
صحيح انو الزمن غلاب
لكن انحن عشناه ومشينا
على عذاب وعذاب وعذاب
دروبنا تتوه
ونحن نتوه
ونفتح للامل أبواب
ولكنني اقول لك ولكل المتداخلين في هذه الواحة الوردية الودية كما قالت الاستاذة الشاعرة رقية وراق "ولو كان بمقدوري أن أوزع (الود) مثل الهواء للناس جميعا" لتملأهم بما تملؤني به لفعلت." شوفتا الكلام دا كيف والله دا ابلغ وصف لاغنية الود.
Quote: عزيزي محمد وردي : كل الود
رقية وراق
أكتب الان عما ظلت الكتابة عنه تبدو لي شديدة الصعوبة كل الوقت. هل يمكن لي أن اصف علاقتي مع صوت وردي على الورق؟.. تلك ظلت منطقة تحد لم اعبرها حتى الان... استمع الى صوت وردي في اغنية (الود) وأشعر أن روحي تنغسل وينجلي عنها كل الغبار.. أشف و أطير خفيفة الى فضاءات لم يسبر غورها انسان، ولو كان بمقدوري أن أوزع (الود) مثل الهواء للناس جميعا" لتملأهم بما تملؤني به لفعلت.
أعبر الان الى هذا الشاطئ من شطََآن الود
صحيح انو الزمن غلاب
لكن انحن عشناه ومشينا
على عذاب وعذاب وعذاب
دروبنا تتوه
ونحن نتوه
ونفتح للامل أبواب
وأرتفع الى قمم أمالي مطمئنة للوعد الذي يقطعه صوت وردي القوي الواثق بامكانية فتحنا لهذه الابواب ولو استعصت
وخوفي عليك يمنعني
وطول الالفة والعشرة
وأتجاوب هنا مع علاقة حب رهيفة تتكون لغتها اليومية من مفردات الراحل المقيم (عمر الدوش) الحميمة، وكم هو جميل الخوف على الحبيب أو الحبيبة خلال العلاقة الانسانية ولكن دون أن يتحول ذلك الى ثقل القيد والامتلاك كما لا أشعر في مناخ المقطع الرقيق
أهداني شريط الود شقيقي خلال اجازة قصيرة قضيتها مع أهلي زودوني خلالها بما يمكن أن يساعدني على تحمل الابتعاد عنهم، ولفترة طويلة كان استماعي لهذا الشريط صعبا" خصوصا" في حالة الوحدة، فقد أستمعت
اليه لأول مرة بعد أنقطاع سنوات طويلة مع شقيقاتي والوقت قبيل
.مغيب وظننتني سأجن
استمعت الى صوت وردي خلال ( الود) وكأنني أعيد اكتشافه في دورتي الدموية . كمجذوب في ساحة المولد كنت أو كامرأة سودانية اتخذت من الزار حلقة وجد أكملت فيها بعنف التفاعل كل جمل الكلام والجسدالمبتورة . كنت أردد لشقيقاتي بذهول: كيف فرطت في الاستماع الى هذه الاغنية كل تلك السنوات؟ أحسست الموسيقى تتخلل مسام جسدي جميعا" وسط ذلك الدفء الاخوي وقد تبقت أيام فقط على أنتهاء اجازتي،
تمددت الاغنية في أثير الغرفة وكأنها جزء متموج من زمن له طعم الجذور والدموع .. وشيئا" فشيئا" بدأنا جميعا" في بكاء صامت ثم ما لبثت الدموع التي جاهدت كل منا في اخفائها أن تحولت الى نشيج اسري صاحب الموسيقى . اختنقنا بالعبرات ولم ينقطع حبل الود .. بكيت يالقدال (قدر ما الله اداني*) . بكاء وتفاعل مع الاغنية جذبني من سريري لاحضن ارض الغرفة وكأنني أقبل كل أهلي وكل ما يشكل ملامح الوطن عندي. انتهت الاغنية مخلفة بيننا صمتا" يشبه صمت أجواء المعابد و كانت اللحظات تتحول الى عبرات ذكرى حارقة في حلق الزمن الاتي بعد السفر . كنا نتفاعل مع الاغنية ونحن نبكي (الغزرة واللمة) واجتماع الشمل ، فقد انفرطت عقود الاسر السودانية وتفرقت الحبات في
.أرجاء الدنيا الواسعة عندما انشد وتشدد خيط الوطن
:أدير الشريط من جديد وأستمع وحيدة ويخترقني هذا المقطع
وهسع رحنا نتوجع
نعيد بالحسرة
نتأسف نتأسف
على الماضي اللي ما برجع
على الفرقة
الزمانها طويل
ومن جديد اشتاق .. اشتاق الى صديقات وأصدقاء دراستي بالسودان وأتذكرهم واحدة واحدا" .. أشتاق الى أجواء صداقاتهم الحبيبة وأحس مسافة الابتعاد بامتدادها الشاسع خلال الغناء
تحررني موسيقى (الود) من كل الهموم اليومية وتدعوني الى أن اقدم أفضل ماعندي انسانيا" الى العالم الرحب . تذكرني موسيقى (الود) أن الابداع هو هواء روحي وماء قلبي .. يذكرني صوت وردي أن أكون ذاتي الحقيقية أبدا" وأحسني ممتلئة بالثقة في عالم نحتاج فيه الى .الوقوف على اقدامنا بثبات على ارضه
تلفني (الود) بأجواء حنان متداخل ... حنان حقيقي كأنه قادم من عيني أمي ، أشفى من المحزن والمزعج والمخيف، ثم أحسني مصدرا" لذات الحنان وكأنني ما عدت الا رحما" وصدرا" حانيا" . أشفى من غلظة
.البشر وقسوتهم ولا أعود الا قلبا" متسامحا"
أدير ألاغنية من جديد وأنا أتأمل صورة وردي على غلاف علبة الشريط ... طويلا" شامخا" كأنما احتمال ان يكون قصيرا" ماخطر للحياة ببال، اتأمل القامة المتوشحة بالزي السوداني الناصع البياض وكلمة (الود) مكتوبة على القلب كما أراد مصمم الغلاف ولو شاء لكتبها على قلبي أيضا" . أتأمل الابتسامة الواثقة والقامة التي تشبه قامات التماثيل التاريخية النوبية العظيمة، وأدعو من الفضاءات التي أسبح فيها عبر صوتك يا وردي ، أدعو كل خضرة الكون الرطيبة أن تعطي حديقة قلبك الخضراء أصلا"، المزيد
هل يمكن وصف الصوت الانساني في اللغة بالأناقة؟ كم هو أنيق صوت وردي. هكذا احسه انيقا" راقيا" فاخرا" ، واعجب لشجاعة من حاولوا تقليده.
هل يمكن أن يكون للصوت لون ورائحة؟ كيف لا وأنا أغرق في عمق اللون في لوحة الود البنفسجية وعبير وردتها يغرق المكان.
يذكرني صوت وردي بأن العطاء شرط الابداع وأن التواصل ممكن رغم تشتت ناس السودان، وأشعر كم أننا محظوظون أن تفتحت اذاننا على عظمة هذا الصوت الماجد البهاء
ظل حبي لصوت وردي من ثوابت قناعات حياتي وجزءأ من ثقتي في سلامة الذوق وأنا صغيرة . يسألني شقيقي الاكبر وأنا طفلة عمن يكون فناني المفضل، فأجيب بثقة الكبار : محمد وردي طبعا" ، فيرد هو بحماس : يا سلام عليك!. كنت منذ صغري أحرص على لقاءات وردي الاذاعية والتلفزيونية وأذكر أنه قد قال خلال لقاء اذاعي أنه كان يصر على اعادة النظر والتبديل في توزيع موسيقى الود لتناسب الاذن السودانية حتى أغضب اصراره (اندريه رايدر)الموسيقار اليوناني الذي وزع موسيقى الاغنية. طوبى ياوردي، فقد ناسب توزيع رايدر وكلام الدوش وصوتك الاذن السودانيه في (الود) مثلما يناسب الانف الشذا والعين الضوء ،
.ومثلما يناسب الكف لمس الحنة عشية أحتفال بهيج
تلهبني المقدمة الموسيقية الملحمية (للود) بروح من الحماس فكأنني على اهبة الاستعداد للاشتراك في ثورة عظيمة تطيح بحاكم ظالم ثم ما
:ألبث أن اسقط فورا" في رقة الغناء
أعيشا معاك
معاك
..لو تعرف
دموع البهجة والافراح
كيف يستطيع صوت وردي أن يبدا قويا" قاطعا" يبهر الانفاس، ثم يعود
رقيقا" يؤرجح الاكتاف بالرقص المتناغم؟
كم مر من الوقت وأنا أستعيد شريط الود وأعيد اكتشاف نغمة أو كلمة جديدة، درجة فرح أو حب أو وجع في صوت وردي لم أكتشفها من قبل. أذوب طربا" في أصداء اللغة النوبية الأم على صوت وردي وتعجبني
:طريقته في تضخيم حرف الراء
وفي عينينا كان يكبر حنانا
زاد وفات الحد
:وكذلك في
زمان ماعشنا في غربة
ولا قاسينا نتوحد
وهسع رحنا نتوجع
:وياصوت وردي كم
أحبك.. لا الزمن حولني عن حبك
.. ولا الحسرة
انتهت الود ولم أدر الشريط هذه المرة .. قررت الخروج الى الشارع والحياة العريضة بزادي .. أؤدي واجبات اليوم جميعا" ولا أنسى مطالب الروح .. استنشق الهواء الرطب وكأنني أشكر كل ذرة أوكسجين تهديها الحياة الى رئتي .. أحس وجودي عميقا" وحقيقيا" كأنني ألامس كل خلية في جسدي وكل كرية دم. اشعر بقيمة الجمال تزداد نصاعة في داخلي .. أشعر ببداية امساكي بخيوط عوالمي الماضية من جديد . أحس وجود كل
.ورقة شجر صغيرة وكل قطرة ماء
أعبر الممر الاسمنتي من باب البناية التي أسكنها الى موقف السيارات الخلفي وكأنني في موكب عرس .. أعد نفسي بالانحياز للحلم والامل ولو
.عز ذلك
أنظر الى الافق اللا محدود وأشعر بصفاء كصفاء النيل يغطيه، وفي قلب هذا الصفاء أرى الهة الحب والفن والجمال تمد أيديها الرقيقة نحوي
:وتقودني بحنان وهي تقول
• مرحبا" أيتها الابنة العائدة
• الف مجد أيها الفنان العظيم
نشرت بمجلة رؤى : العدد الثاني - نوفمبر 2001*
عزيزي محمد وردي : كل الود
|
مع خالص ودي وتقديري ،،،
| |
|
|
|
|
|
|
| |
الطيب شيقوق
عاصم ابوبكر حامد
ناذر محمد الخليفة
أيمن الطيب
Alfarwq
عفاف أبو حريرة
حيدر حسن ميرغني
فاروق حامد محمد
خالد المحرب
Osman Musa
فيس بوك
تويتر
انستقرام
يوتيوب
بنتيريست