|
دعواتكم لزميلنا المفكر د.الباقر العفيف بالشفاء العاجل
|
|
 Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
الشتارة يا مولانا الشتارة
ناسنا ديل الله يطول عمرهم أيييييييي حاجة يقوموا فيها بـ شتارة
لا يمكن تكرار نفس الدعاية في نفس البرنامج عشرمية مرة
في الخلفية أن أجور المغنيين ومقدم البرنامج وأجر القناة تأتي من ثمن هذه الدعايات
لكن الذكاء والخيال المبدع الخلاق هو ما يمكن أن يعطي الوصفة السحرية للموازنة بين تكسب القنوات من برامجها وعدم إصابة المشاهد بالضجر والملل
وثاني هام بلاوينا أننا لا نستفيد إيجابياً من المعطيات المتاحة حولنا بل نعتبر أن كل ما نقوم به أنه إنجاز لم يسبقنا عليه أحد
ثورة الإتصالات التي إجتاحت العالم قد أتاحت ( لمن يريد التعلم والفهم ) أتاحت دروساً مجانية عبر آلاف القنوات الفضائية الموجود في الأقمار الصناعية
ليرى أهلنا كيف تتعامل القنوات الفضائية مع الإعلانات التجارية ويقلدوه - إن كان لابد لهم أن يقلدوا -
___________
رمضان كريم يامولانا
| |
 
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عاطف عمر)
|
الاخ عاطف
| Quote: لكن الذكاء والخيال المبدع الخلاق هو ما يمكن أن يعطي الوصفة السحرية للموازنة بين تكسب القنوات من برامجها وعدم إصابة المشاهد بالضجر والملل |
أكرمت يا عاطف كلام في الصميم
ياخ ماممكن يكون المنتظر نهاية الداعايات زى الواحد البفتش للمحشي جوة البسكويت او المشاش جوة العضم
صحيح نحن محتاجون للعقلية التي تستطيع To strike a balance between two interests داعياتها في كفة ورغبة مشاهديها في الاخري والعائد الذى يمكن تحقيقه من أي منهما .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عبدالكريم أحمد الامين)
|
تحياتي ود شيقوق
المشكلة لما تبدأ الدعايات تتخارج منها وتمشي تقلب بالروموت في القنوات التانية وتجي راجع تلقى البرنامج بدأ
واتقدمت فيهو سبعه دقائق ورجعوا تاني للدعايات .
المشكلة انو القائمين على البرنامج ما مصدقين انو المشاهد ممكن يصاب بالملل ويزهد في البرنامج , ويشوف ليهو شغلة تانية ولا قناة تانية .
حقيقة دعايات البرنامج دا تحديدا فاقت كل حدود المعقول وللا معقول كمان .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: ود الباوقة)
|
تحية للاستاذ ود شيقوق ورمضان كريم وايام ماطرة بالنفحات والدعوات الصادقة بكل الخير ...
التحايل الذي يتم ليس في الاعلانات فحسب انما في حقوق الملكية الفكرية المهدرة بمحاولات الالتفاف والمرواغةوالخلط بين الحقوق الاصلية والحقوق المجاورة....
اضف الي ذلك طريقةالاخراج الباهتة مقرونة بالايماءات الساذجة من بعض الفنانين(مجازا) وكأن ظهورهم علي الشاشة يمنحهم الحق في التصرفات الاعتباطية وكاننا نجلس معهم داخل غرفهم المنزلية او وسط شللهم المتوهمة في فنهم(الفطير)...بينما هم وكما قال عنهم استاذنا ود الريح يسكنون عشوائيا في اغاني غيرهم....
استاذنا قدور يعتمد علي الذاكرة لا علي التحضير اللازم للتوثيق...(هذا علي افتراض انه يتعامل مع فنانون حقيقيون)...
والحال كذلك فالعبد لله ينتظر بعض الاعلانات(.) لزوم الخروج عن السياق الممل لبرنامج اكثر مللا اذا صح التعبير... ولك الاحترام
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
البشير ود خالي دفع الله
Quote: المشكلة لما تبدأ الدعايات تتخارج منها وتمشي تقلب بالروموت في القنوات التانية وتجي راجع تلقى البرنامج بدأ
واتقدمت فيهو سبعه دقائق ورجعوا تاني للدعايات . |
ههههههههههههههههههههههها
| Quote: المشكلة انو القائمين على البرنامج ما مصدقين انو المشاهد ممكن يصاب بالملل ويزهد في البرنامج , ويشوف ليهو شغلة تانية ولا قناة تانية . |
يا بشير اخوى الناس ماعادت تحتمل الدعايات والاستهبال - ياخ كونك تحبسني ساعة وتديني منها عشرة دقائق فقط دا بيعتبر غش واحتيال ولعب على الدقون .
| Quote: حقيقة دعايات البرنامج دا تحديدا فاقت كل حدود المعقول وللا معقول كمان . |
اها السنة الجاية وحياتك دعاية غضيم ما يلقاها طالما الناس فهمت اللعبة .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: Nader Abu Kadouk)
|
صديقي عضو المنبر العارف بخبايا البرنامج من خلال أحد اصدقائه أعمدة البرنامج قال لي إنه توقف عن المشاهدة منذ منتصف رمضان المنصرم سيما أن البرنامج أصبح مكرورا في مادته وضحكات مقدمه وأزياء سعد قشرة والدعايات لما تكدس في مخازن المفروشات التي تفتقر لأدنى معايير الذوق والتي تعتبر سببا رئيسا في الإصابة بالعشى الليلي وجفاف العين والجليجل* Stye، ثم كانت الإثفية الثالثة المتمثلة في تقديم عناصر جديدة لاتصلح للإنشاد حتى في برامج الأطفال ويافعات مخلوطات بالبودرة والكريمات بينهن وبين الغناء ما بين درب التبانة وأندروميدا.
_________
*
عشان أبكدوك
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
يا شيخ العرب ود شيقوق
احقو نقترح لي عمنا السر قدور ان يعمل برنامجين واحد اعاني للاعلانات والتاني اغاني للاعلانات
اصلو القصه كلها بقت جايطه ما معروف منو البيعاني ومنو البيغني
بعض المطربين غناهم زاتو معاناه
لكن المعاني الاكبر هو الشعب السوداني
اما المغني الاكبر فهو معروف ....
يللا غني لينا يا افراح .... بالله من جور زماني
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
أستاذي شيقوق
كل عام وأنت وجميع أحبابك بألف خير ورمضان كريم عليك
برنامج اغاني واغاني اصبح مقلب كبير
للاسف الإعلانات فيه متحكم فيها القسم التجاري فقط دون النظر لحالة المشاهد
بالصورة دي بيفقد كثير من مشاهديه ، ولا كمان الواحد ينشن ليه على كم دعاية يتعايش معاه يقطع بيها الوقت
تصدق حضرت فيه حلقتين بس ، والان متناغم مع اعز الناس برنامج زي الورد دعاية محترفة غير مملة
سلام كثير ليك والجميع
---------------------------
بدخل النت باليل بوست اغاني واغاني في واحد بجيب النجيضة "الاغاني والكلام بس" يعني بالمختصر "لحم خالي عضم "
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
الجميل شيقا
ياخي الناس ديل ادونا فرصة جميلة خلاص وهي وكت دعايات كبير
اها الوقت دا انا بقلب الصفحة مع الاطفال وبشاهد توم اند جيري
واتذكر ليك ايام سينما الصافيه زمان
ومره اتعاطف مع الكديس وحقارة الفار ليهو
اها ياشيقا النصيحة برنامج اعاني واعاني دا اخسرك منو على قول السعوديين
وشوف ليك حاجة تانية في قنوات اخرى
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
طارق
Quote: احقو نقترح لي عمنا السر قدور ان يعمل برنامجين واحد اعاني للاعلانات والتاني اغاني للاعلانات
اصلو القصه كلها بقت جايطه ما معروف منو البيعاني ومنو البيغني
بعض المطربين غناهم زاتو معاناه
لكن المعاني الاكبر هو الشعب السوداني
اما المغني الاكبر فهو معروف ....
يللا غني لينا يا افراح .... بالله من جور زماني |
والله حاسي من كلامك انك مغبون ومضيوم
ياخ الجابرك شنو تحرق دمك مع الدعايات؟
ياخ امش للحلوين والاعز الناس بهناك تجد متعة الكلمة ومتعة الحوار .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
صديقي سيف بخيت
تحياتي واشواقي الحارة لك ولجميع افراد الاسرة الميامين
Quote: برنامج اغاني واغاني اصبح مقلب كبير
للاسف الإعلانات فيه متحكم فيها القسم التجاري فقط دون النظر لحالة المشاهد
بالصورة دي بيفقد كثير من مشاهديه ، ولا كمان الواحد ينشن ليه على كم دعاية يتعايش معاه يقطع بيها الوقت
تصدق حضرت فيه حلقتين بس ، والان متناغم مع اعز الناس برنامج زي الورد دعاية محترفة غير مملة |
ليك حق ترحل وانا ذاتي يا العشاء رحلت لبرنامج الدكتورة سلمى سيد (يا اعز الناس) ومن خلاله الواحد تعرف على تفاصيل كثيرة عن وردي وعلاقته بالاستاذ اسحاق الحلنقي .
اطيب امنياتي
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
الوليد
Quote: ياخي الناس ديل ادونا فرصة جميلة خلاص وهي وكت دعايات كبير
اها الوقت دا انا بقلب الصفحة مع الاطفال وبشاهد توم اند جيري
واتذكر ليك ايام سينما الصافيه زمان
ومره اتعاطف مع الكديس وحقارة الفار ليهو
اها ياشيقا النصيحة برنامج اعاني واعاني دا اخسرك منو على قول السعوديين
وشوف ليك حاجة تانية في قنوات اخرى |
والله يا الوليد حاولت ارحل لكن كمان برضي بعود اتشمشم بقول بيني وبين نفسي يمكن اقع لي في غنوة بس حلة .
اقوم اهبش ليك الرموت وانقر على قناة ال BNT وتاح اقع ليك في دعاية مرقة دجاج ياجي والله ازعل جنس زعل .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: حسن طه محمد)
|
Quote: بالاضافة .؟..
أن معظم الاعلانات بايخة بايخة ثم بايخة
لا شكل لا مضمون! ! |
والله يا الخال ما قلت إلا الحق ، قسما زي مفروشاتم وكيبلاتم دي في مول البردانه ما بنجيبا،
دعايات من أفشل ما مر بي ، تصميما ونصا ومؤدين كأنهم لم يطَّلِعوا على الإعلانات في تلفزيونات
العالم المجاور دعك عن العالم المتقدم ، ديل عايزين يودونا العالم الآخر يا مولانا.
Quote: أخبار البترول
سمعنا انو الحكاية بعد دا ماشة قاطة خالص
وبيحاولو يقبلوا علي المغتربين |
البت رول؟
تعيش إنت،
بالله بعدما جهَّزت العقالات والدشاديش وأم العيال بقت تقول لي يا طال عمرك وأنا اقول ليها حبابك يا مولانا مزيج البردانه.....
استغفر الله يا مولانا..
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
سلام
مداخله للزميل مامون احمد في بوست اغاني
Quote: قبل مانبدأ في عرض ما قُدم اليوم ، وحكاية أفراح وصباح !
مايهمني الآن هو زمن البرنامج ومهزلة الإعلانات المبالغ فيها !
حأخت الحسبة زي ماهي من غير زيادة أونقصان ، وعلى المشاهد أن يحكم !
طبعاً ما حأحسب كمية الإعلانات التي تبث قبل بداية العرض ! على زعم أنها
خارج نطاق الزمن المتاح ! مع إنها من الناحية الفنية بالتأكيد بتعتبر من ضمن
دائرة البرنامج .... وهى مساحة مهمة جداً للإعلان طبعاً ! لأنها تدور في نفس
الفلك !
بدأ البرنامج في تمام الساعة : 11:15 بالتمام - وقطع لفترة الإعلانات الأولى
بعد دقيقة بالضبط : 11:16 - وإستمرت حتى الساعة : 11:24 . أى لمدة 8
دقائق بالتمام والكمال ! عُرض فيها حوالي 15 إعلان !
بدأت فترة الإعلان الثانية في تمام الساعة : 11:41 ، وإنتهت في : 11:50 ،
يعني لمدة : 9 دقائق ! عُرض فيها : 15 إعلان !
الفترة الثالثة للإعلان بدأت في : 12:02 ، وإنتهت في : 12:11 بالتمام
يعني إستغرقت برضو : 9 دقائق . عُرض فيها حوالي : 18 إعلان !
ولكم أن تتصوروا كمية الإعلانات التي عُرضت داخل نطاق مساحة هذا البرنامج ؟!!
هى بالضبط حوالي ( 48 ) إعلان !!!!!!!!!!!
مع ملاحظة أن البرنامج إنتهى اليوم ، وعلى غير العادة ، في الساعة : 12:30 !!
يعني مُدد زمنو ربع ساعة زيادة : (15) دقيقة .
نخلص من ده كلو إلى أنو زمن البرنامج ، إستغرق حوالي : 75 دقيقة ،
يعني ساعة وربع ------ أخدت منو الإعلانات حوالي : 26 دقيقة !!
يعني صفا على ( 50 ) دقيقة فقط !
يعني لو ما الربع ساعة الزيادة دي كان صفا على : 35 دقيقة !
والله حرام |
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
| Quote: بالله عليكم شوفوا إحصائية الزميل عضو البورد مامون محمد والتي تفضل بالمساهمة بها في بوست الزميل ود العباسية ( اغاني وأغاني) |
المستشار العزيز ، ودشيقوق
ودقست في حلقة أمبارح الما حسبتها ! لأنو إكتشفت أنو زمن الحلقة نقص بشكل عجيب !
حلقة أمبارح بدأت الساعة : 11:15 وإنتهت الساعة : 12:10 ! - يعي بالضبط 55 دقيقة !
أها يله نقصو منها زمن الإعلانات ،، اللهو (26) دقيقة ، حسب إحصائية أول أمبارح !
55-26 = يعني الهيلمانة دي كلها كانت : 29 دقيقة !!! تصور !
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
ها زول
أنت ما عندك شغلة ساكت
أقعد أنتظر كل هليمانة الإعلانات دي من بوهيات ومرقات وزيوت طعام وعربات وقطع غيار وشامبو وشامبيو وستائر وكنب وأسبيرات عربات وصيانة وبنوك وشنو ماعارف عشان أشوف لي مقطع دقيقة ونصف أغنية من أفراح عصام كمان ؟؟؟ غايتو عودي فيهو ما هو عود مره لأن عود المرة رقم لا يستهان به ... بالضبط شهرا ما عندك فيهو نفقة أنساه ... الأغاني دي كلها مسجلة وموجودة في ألوف المواقع والروابط وبأي صوت ترغب فيه...
أخبار الخريف عندكم شنو ؟ عساه السعية (دنقرت) وشبعت و (عقلت) ... والباقي ساهل ...
تحياتي ورمضان كريم
الشفيع ابراهيم
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: Alshafea Ibrahim)
|
| Quote: برنامج اعاني واعاني |
الطيب
طوّل بالك شويه .. وانت الوداك تهبش في الجحّار في الدرت ده شنو ؟
ياخي نحن نحن مما ظهرت الفضائيات (المسودنه) دي والريموت شغال في يدنا زي السبحة ..
والغنا الاسمو غنا مسخ لينا بعد ما بقي لبانه في خشم الذين كانوا في الزمن الجميل يطردون
من بوابة الاذاعه .. مش كل واحد فيهم يعمل ليك فيها بتهوفن او التون جون .. ويجيبو معاه
السر قدور يضحكوا بيه علي الناس ..
كنا مره نحضر تسجيل برنامج في البيبي سي .. شاهدنا المذيع يرفض اعلان معين في برنامجه
لانه ت ا ف ه وسيعكر مزاج المتابع ..
هؤلاء لا يحترمون المشاهد ولا اخالهم يعرفون انه موجود .. كل ما يهمهم ملء وقت البرنامج
بالمناسبه .. نحن في عصر الانحطاط .. وهو لا يفرق بين ثقافة ولا فن ولا كورة ولا حتي
قيم جماليه .. ولا ذوق عام .. بالله شفت الزيت الملفوف في كيس البلاستيك .. بس البنيه
الجنبه فيها مسحة غير
عمر علي حسن
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عمر علي حسن)
|
الاخ الاستاذ مامون
مساؤك خير
Quote: ودقست في حلقة أمبارح الما حسبتها ! لأنو إكتشفت أنو زمن الحلقة نقص بشكل عجيب !
حلقة أمبارح بدأت الساعة : 11:15 وإنتهت الساعة : 12:10 ! - يعي بالضبط 55 دقيقة !
أها يله نقصو منها زمن الإعلانات ،، اللهو (26) دقيقة ، حسب إحصائية أول أمبارح !
55-26 = يعني الهيلمانة دي كلها كانت : 29 دقيقة !!! تصور ! |
ياخ كتر خيرك على تلك الاحصائية التي وجدت الرضا من الكثيرين الذين التقيتهم وهم يعلقون حول هذا البوست
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
الشفيع
كيفك انت؟
| Quote: أقعد أنتظر كل هليمانة الإعلانات دي من بوهيات ومرقات وزيوت طعام وعربات وقطع غيار وشامبو وشامبيو وستائر وكنب وأسبيرات عربات وصيانة وبنوك وشنو ماعارف عشان أشوف لي مقطع دقيقة ونصف أغنية من أفراح عصام كمان ؟؟؟ غايتو عودي فيهو ما هو عود مره لأن عود المرة رقم لا يستهان به ... بالضبط شهرا ما عندك فيهو نفقة أنساه ... الأغاني دي كلها مسجلة وموجودة في ألوف المواقع والروابط وبأي صوت ترغب فيه... |
يازول تاني كان جاء باريني ما بتلفت ليهو
اها كدا كيف؟
| Quote: أخبار الخريف عندكم شنو ؟ عساه السعية (دنقرت) وشبعت و (عقلت) ... والباقي ساهل ... |
يا زول الحمد لله البلد كلو اتراحم والبقر بقى دفرة وعقلة والحمد لله يعني ما لحس ولا كدان جغم جغم بس
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عمر علي حسن)
|
شيقوق وضيوفو .. سلامات
نحنا غايتو ما فارقة معانا لأننا برمجنا عشانا مع الدعايات
الدعايات تبدأ بي جاي نجري علي العشا بي جاي .. مرات بنشرب
الشاي ونجي صادين نلقى آخر دعاية شغالة .. دعايات شنو كمان
البحضرا ليهم .. ده زمن دعايات .. والله الخسران الوحيد في الحكاية
دي المعلن الدفع ملايين في دعاية لا من تبدأ حتى الشفع بقو يقولو : ها دعايات أرح نلعب ...
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: awadalla agabna)
|
المنتصر
ازيك
Quote: نحنا غايتو ما فارقة معانا لأننا برمجنا عشانا مع الدعايات
الدعايات تبدأ بي جاي نجري علي العشا بي جاي .. مرات بنشرب
الشاي ونجي صادين نلقى آخر دعاية شغالة .. دعايات شنو كمان
البحضرا ليهم .. ده زمن دعايات .. والله الخسران الوحيد في الحكاية
دي المعلن الدفع ملايين في دعاية لا من تبدأ حتى الشفع بقو يقولو : ها دعايات أرح نلعب ... |
ههههههههههههههها ما خايف تقع ليك علبة مرقة دجاج في شاهيك:
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
عووضة ود عجبنا
سلام ورمضان كريم
حقيقة لأول مرة الواحد يمل من برنامج ( أزاني و أزاني ).
Quote: رغم أني أرغمت نفسي مضطراً لمتابعته هذه السنة و ذلك لعدم وجود برنامج في الفترة السابقة و الكسل و لكن ( بالرغم..... ذاع الخبر و عم ..... و ها أنت تفتح لنا هذا البوست ال.......... ).
لتكن هنالك دعايات و لكن بقدر |
وصيتي ليك يا العشاء احسن تشوف ليك ورد تنزلوا لحظة البرنامج دا ومحل رهيفة تنقد
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: ود الباوقة)
|
| Quote: الشيئ المعاينة دي منعتوها؟ |
لا .. مادام بعد الفطور ..
كمان انت ما تعاين من طرف كده .. يقوم يطلع ليك بسم الله الرحمن
الرحيم شايل ليه فانوس وشامبيون وجنبه السر قدور والجماعة
اما من ناحيتنا فاطمئنك .. الجماعه كل زول بي حديدتو براه .. وخالك
مكنكش في الريموت ميت فيه
رمضان كريم .. وتصوم وتفطر علي خير .. ويكفيك شر المشروبات
الدافسه التلفزيون
عمر علي حسن
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عمر علي حسن)
|
أولاً
رمضان كريم وتصوموا وتفطروا علي خير
ثانيا
انت يا المسنوح حسادتك القطعت البترول من البردانه وخلت الخواجات يطفشوا أصلك ما بتخليها الناس عاوزين يكسبو عشان كدا لازم يخلو الناس تتعلق بالبرنامج والدعايات دي دخلها كبير يعني يعملوا شنو
ثالثا
انت وقت الحال ما عاجباك ما تحضر المساهر ليها شنو امشي شوف ليك نومه تريحك
أخيرا
وليس اخيرا ما تقعد تتجدع لينا بالإنجليزي بتاع بيرقر كمنجه سنقل 2
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
Quote: لا .. مادام بعد الفطور ..
كمان انت ما تعاين من طرف كده .. يقوم يطلع ليك بسم الله الرحمن
الرحيم شايل ليه فانوس وشامبيون وجنبه السر قدور والجماعة
اما من ناحيتنا فاطمئنك .. الجماعه كل زول بي حديدتو براه .. وخالك
مكنكش في الريموت ميت فيه
رمضان كريم .. وتصوم وتفطر علي خير .. ويكفيك شر المشروبات
الدافسه التلفزيون |
هيييييع خالي الاسد النتر فوق النحاس اب رزه وشافنو البنات سونلو عوم الوزه ...
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
Quote: أولاً
رمضان كريم وتصوموا وتفطروا علي خير |
آميييييين والبركة الربنا انعم عليك بالعقل وخلاك تباشري الناس بالسلام - بعدين رمضان كيف معاك؟ اوع تكوني عاضة لسانك وراجعة لا وراء بعيييييييييييد عشان تلحقي امات طه هذا الذى نسأل الله ان يجعلنا من عتقائه .
ثانيا
| Quote: انت يا المسنوح حسادتك القطعت البترول من البردانه وخلت الخواجات يطفشوا أصلك ما بتخليها الناس عاوزين يكسبو عشان كدا لازم يخلو الناس تتعلق بالبرنامج والدعايات دي دخلها كبير يعني يعملوا شنو |
انت الدعايات ما فارقة معاك وقت تبدأ بتلحقي بصلتك ما تحرق يا مسنووحةثالثا
| Quote: انت وقت الحال ما عاجباك ما تحضر المساهر ليها شنو امشي شوف ليك نومه تريحك |
بتبادلي ؟
أخيرا
| Quote: وليس اخيرا ما تقعد تتجدع لينا بالإنجليزي بتاع بيرقر كمنجه سنقل 2 |
دا لاولاد البندر وحمام البندر يا سجم الرماد
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
اخوي المسنوح
سلامات ورمضان كريم
ايام ليبيا وفي الشتاء نستقبل قنوات عبر البحر المتوسط بالهبل..
الاعلانات في القنوات الايطالية أحلي كتير من البرنامج نفسه
كنا نهتم بفترة الاعلانات اكثر من البرنامج الهوست ليها..
ابتكارات وتجديدات في كل لحظة لنفس الاعلان
مافي اعلان بيتكرر بنفس شكله وطريقة عرضه والناس الفيه..
المشكلة في الاعلان ياخوي
شئ متخلف وفطير..
تحياتي
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عبدالكريم الامين احمد)
|
عزو
Quote: ايام ليبيا وفي الشتاء نستقبل قنوات عبر البحر المتوسط بالهبل..
الاعلانات في القنوات الايطالية أحلي كتير من البرنامج نفسه
كنا نهتم بفترة الاعلانات اكثر من البرنامج الهوست ليها..
ابتكارات وتجديدات في كل لحظة لنفس الاعلان
مافي اعلان بيتكرر بنفس شكله وطريقة عرضه والناس الفيه.. |
هنا العكس يا عزو برنامج اغاني واغاني هو الذى يروج للاعلانات نفسها والاعلانات تروج للعدس ومرقة الدجاج عشان يشتريها المسكين المساهر منتظر اغاني واغاني .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
مولانا ود البوب
Quote: ياخي سيبك شوية من العمدة اللي عايز يبني بيتو عمارة من حديد الاسعدوني
عمد آخر زمن
( هو شنو الما تغير يا شيقا .... ؟؟ ) |
_______________
هو يا خال اخروهو للساعة 12 وقالوا ساعة وربع - طلع الربع نغم وضحك والباقي رقة دجاج وكدا
Quote: فطور بورداب الدوحة يوم الجمعة 12 رمضان
اللجنة العليا شغالة تش
قالو مصرين ياخدو التصنيف AAA+ من استاندارد اند بورز .
ياخي ما تعملا مفاجاة وتجيني ناطي وتفطر معانا |
يا زول انتم اصلكم ما ساهلين تستاهلو AAAAAAAAAAAAAAAAAAAAAA +++
ياخ اجيكم بوين مع زحمة الشغل يا خال لكن عيد رمضان مفكر والله .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الرفاعي عبدالعاطي حجر)
|
أستاذ شيقوف رمضان كريم....
الأسوأ على الإطلاق تلك الفتاة التي تتهادي ما بين جنبات المتجر يمنة ويسرة تأخذ
عدسا وأشياء اخرى ثم تتغنى لها.
هذه الدعايات القميئة في نظري، رغما عن سوئها البالغ، أفضل ألف مرة من الإستماع لقهقات قدور والنظر لملابس المؤدين (الغريبة-العجيبة). وأكثر ما جعلني أنفر منذ الحلقة الثالثة عدم تمام تلك الأغنيات التي شكلت وجداننا في زمن جميل. فقرة فقرتين ثم تنتهي الأغنية...
غايتو اقول ليك إحتسبها لله وحسبنا الله ونعم الوكيل...
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
مولانا زمراوي
كيفك ورمضان كريم
Quote: الأسوأ على الإطلاق تلك الفتاة التي تتهادي ما بين جنبات المتجر يمنة ويسرة تأخذ
عدسا وأشياء اخرى ثم تتغنى لها. |
صحيح اخي زمراوي بس اكان سمعك عبد الكريم الامين ( كيكي) ما اظن تاني يسلم عليك - والنبي امشي شوف تعليقه عنها فوق
| Quote: هذه الدعايات القميئة في نظري، رغما عن سوئها البالغ، أفضل ألف مرة من الإستماع لقهقات قدور والنظر لملابس المؤدين (الغريبة-العجيبة). وأكثر ما جعلني أنفر منذ الحلقة الثالثة عدم تمام تلك الأغنيات التي شكلت وجداننا في زمن جميل. فقرة فقرتين ثم تنتهي الأغنية... |
نعم ، يا عبدو ، فهم يختارون اروع الاغاني التي اسهمت في تشكيل وجداننا ولا يحفظون منها - في اغلب الاحوال - غير فقرة او فقرتين تتبعها كلمة ( أبدعتي ) من السر احمد قدور .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عبدالرحمن الحلاوي)
|
ابو الطيب
نعود بك الي الوراء حبه
قبل التلفزيون كانت السينما هي المتعة والثقافة وملتقي المجتمع بدرجاته واختلافاته .. وكنا في ايام
جهالتنا (الاولي) نطلع من الدور الاول في برمبل لندخل الدور التاني في الوطنيه .. ونشاهد قبل
الفيلم نشرة الاخبار المصورة واظنها كانت تسمي (المناظر) .. لا تخلّي الملكة ولا تشيرشل ولا
الكوره .. وفي الاستراحة نشاهد (الاستعراض) وفيه تعرض افلام الايام القادمة .. بعدين بقت
تجي شوية دعايات سودانيه منها صابون صافي الحيّر اوصافي (لاحمد عبد الرازق) والببسي
مشروب الصداقه والاكرام (لعثمان جميده - تور الجر) والبيره ام جمل واظنها لتور الجر ايضا
وكان رواد الشعب يحفظون الحان هذه الدعايات الخفيفة ويرددونها مع المغني ويصفقون له ..
واحيانا تدخل دعايات سريعة بالصورة فقط ودون صوت فتمر مرور الكرام ..
ثم جاء التلفزيون ببرامج دسمة وحفلات حية وافلام عالمية وبدأ يسرق الرواد من السينما قليلا
رغم انها بقيت الاقرب الي القلوب لما فيها من الراحة والمتعة .. وبجانب السينما والتلفزيون
اذاعة امدرمان التي حفرت وجودها في وجدان الشعب السوداني ببرامجها الهادفة الراقية ومذيعيها
الفطاحل الافذاذ ..
كانت القاعدة الاساسية في التلفزيون والاذاعة ان الدعاية (رجس من عمل الشيطان) ولم يجرؤ احمد
عبد الرازق ولا تور الجر ان يجيب سيرة الببسي ولا صابون صافي في اي منهما اما البيره ام جمل
فلم يكن لها مجال في وجود شيخ عوض الله صالح علي قيد الحياة ...
ولم يكن يسمح للمذيعين ومقدمي البرامج والمشاركين في حفلات التلفزيون بالظهور الا بالمظهر الكامل ..
وكان الفنان محمد احمد عوض يغني وراسه حافي فامر طلعت فريد بتغطية راسه او منعه من الغناء ..
شفت ازاي ..
يعني كده باختصار تقعد في التلفزيون من العصر لغاية الساعة تسعة مايعتر ليك مهندس ولا بامية ولا
عدس .. وتطلع الساعة تسعة تمشي السينما مايلاقيك الا صافي والببسي لمدة دقيقتين .. وتسمع الرادي
من الساعة سته صباحا لغاية ما تنوم وتخليه فاتح لا يلاقيك صوت مشاتر ولا يتموه ليك دعايات ..
اما الان فالدعاية هي الاساس ..
هل شاهدت سقاية الغنماية .. يرموا ليها حبة عيش في الموية تقوم تشرب الموية كلها عشان تصل للعيش.
ده حالنا الان
عمر علي حسن
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
| Quote: انقلك لهذا المقال للاستاذة سارة عيسى |
ياشيخنا
هذه السيدة الرائعة لم تترك جمالا الا لامسته بقلمها البديع .. ومدت ظل نقد وارف وواعي علي السلوك
الذي روجت له مسرحية الدبابين وهي تقليد رديء لفيلم روبرت ميتشوم To Hell and Back
وهو تمجيد رخيص لبطولة اليانكي في الحرب القييتنامية
ولا اشك اننا نعيش اثرا من اثار الهجمة الشرسة علي الثقافة الانسانية وتوجيه الارث البشري الي عبادة
المال وبسط سيطرته بافساد الذوق العام وتلويث العقول بكل ماهو غث وارغام الانسان علي العيش حسبما
وجد وكيفما اتفق ..
تري هل يفكر المسئولون عن الثقافة الان في عقل الانسان وفكره
ساعود يوما لاحدثك عن الرقابة علي السينما والمصنفات وعن اجتماعات التنوير التي تحصر اهتمام اعضاء
الرقابة بالقيم والفكر الخ
تحياتي ولك الشكر علي هذا المقتطف الزاهي
عمر علي حسن
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عمر علي حسن)
|
خالي
Quote: وهي تقليد رديء لفيلم روبرت ميتشوم To Hell and Back
وهو تمجيد رخيص لبطولة اليانكي في الحرب القييتنامية |
باقي لي بقيت بتسرح - انا بدودر فيك عشان نلعب في الحدب مالك ملهمني لجج ( بضم اللام وفتح الجيمين) ناس البندر البلوكوا ليها اللسنات لواكة .
الكلام دا علا انادي ليهو ود المرتضى باقي لي زولا Multicultural بالحيل بكون عارف روبرت ميتشوم To Hell and Back - والله لمن اسمعه بيحكي عن الحاجات دي بقعد اعاين واتفرج بس ولا املك الا ان اقول ليهو مسنوووووووووووووح واشتت بحثا عن بوستات ناس الضهاري البتلهموا الكلمة بدون لواكة .
لقيتني كيف كدا؟
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
Quote: باقي لي بقيت بتسرح - انا بدودر فيك عشان نلعب في الحدب مالك ملهمني لجج
( بضم اللام وفتح الجيمين) ناس البندر البلوكوا ليها اللسنات لواكة .
|
ايون !!!!!!!
انت قايلني بعيد من ناس البندر .. انا كمان بعرف ليك بوب مارلي والفيس بريسلي .. وكمان جيري لويس ..
اما روبرت متشوم فكنا بندخل افلامه من المغرب .. وما بنقرا الترجمة ........... شنو ليك ؟
بعدين شغل ناس (اعاني واعاني) ده شغل ناس بندر ساكت .. والليله عرفت انه مرتضي كان متزعم فرقه
في المنبر بتوثق للبرنامج لما كانت فيه ثمره .. يظهر انهم قنعوا منه دلوقتي ظاهر باطن
علي أي حال انا الجابني للرطانه ولواكة اللسان كلام الاستاذة ساره عن مسرحية الدبابين .. وانت عارف
خالك عاضي لسانه وعامل اطرش ..
ايه رايك في (ايون) دي ؟
عمر علي حسن
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: عمر علي حسن)
|
Quote: باقي لك كان خالك فيه عضم فائدة كانوا بقيفو علي ريبا ؟
للاسف الفينا معروفة |
ياخ ما تقول كدا انت امبارح ما شفت الحديد الياباني الاصلي ( البعيو) كيف زاد من نبض اعاني واعاني الذى كان في غرفة الانعاش
والله يا خال امبارح البعيو خلى ليك الوليدات يتضايرو بجنبات الاستديو
ويمكن هجمة البعيو للناس ديل زى هجمة صقر الكواهلة اب نية ساهلة (الحدية) خمش ليهو سوسيوة وقلع فات .
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: اماني محمد صالح)
|
Quote: امشي واجي
القي عدس وبوهيات
بس دعاية العدس حلوة
|
لا اتهم الاستاذة اماني بالانحياز للعدس .. ولعلها لا تعلم ان شاعر النيل حافظ ابراهيم
قد أثر عنه انه كان يعتبر العدس قاتلا بطيئا .. وذات يوم جاء ليفطر بالمطعم فسأل الجرسون
فقال له عندنا عدس زي المهلبيه .. فضحك الشاهر وقال له : من لم يمت بالسيف مات بغيره ..
يللا يابني هات (غيره) وريحنا ...............
يبدو ان الاستاذة اماني قد وجدت (غيره) احلي من (اعاني واعاني) ذاتو ..
للعلم الاستاذه لها بوست عن برنامج (اعز الناس) الذي يدار بمهارة شبايية وفيه اصالة يبثها
الرائعين المخضرمين وردي والحلنقي ..
عمر علي حسن
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
اماني الروح
Quote: بصراحة حتي الآن لم اشاهد ولا حلقة
كلما افتح القناة القي اعلانات
امشي واجي
القي عدس وبوهيات
بس دعاية العدس حلوة |
هههههههههههها بيكون توقيتك ما صاح
اقول ليك حاجة - وقت البرنامج دا يجي ختى هدومك في الغسالة عين مع الغسالة وعين مع التلفاز وقت يجن الدعايات خليك مع ايقاع الغسالة ولما يبدأ الهجيج وقفي الغسالة وجيبي بنبرك واتحكري لامن الغناء يكمل وهكذا .
العدس دا عاجب الناس كووووووووولهم ما عارف فيهو شنو؟
الناس ديل عاجباهم القدلة بالترولي ولا شنو؟
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
الاخ الطيب شيقوق
لك من الود الكثير الكثير
أتفق معك علي ما جاء في البوست من عدو ملائمة الفتر الاعلانية الطويلة جدا مع محتوي البرنامج ،،،،
لدي ملاحظات أرجو ان تسمح لي بأبدائها عبر بوستك الجميل .
كبوة هذا البرناج هو مقدمه ( السر قدور ) ،،،،،،، ليه ؟
ماذا يفعل الاستاذ المحترم في هذا البرنامج غير محاولة إمتاع نفسه ؟
اين ما يفيدنا نحن كمشاهدين من عمليات نقد وتحليل وخلافه حول الاغاني المختارة ؟
الاصوات المختارة في البرنامج ،،، أصوات معظمها ضعيف ،، مثال أفراح ونادر خضر !!
لا يبدو أن هناك إعداد مسبق بمعني اعداد العلمي ،،، فكل ما هنالك أغنيات تم الاتفاق عليها مسبق وتم التمرن عليها وقم الشباب بالاداء.
الاستديو ،، غير ناسب لمثل هذا النوع من البامج ،،، فإذا كان تمت مشاورة المخرج حول الديكور ووافق علي ذلك فهذه مصيبة وأما إذا لم
يشاوروه فهذه مصيبتان .
سأواصل معكم ،، مع مودتي Download: eType1.com/f.php
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: Abd-Elrhman sorkati)
|
اماني
Quote: غسالة شنو والله الغسيل يخلص والعدة تخلص
تلقي العدس والبوهيات والحديد شاغلين
السنة دي المفروض يتكلموا عن الدعايات في البرنامج
العدس وغيره ممكن الجماهة يعلموا اغنية لعدس
برضو ويغنوهااحسن برضو ما دام الحكاية عدس في عدس
و المستفيد الوحيد السنة دي صاحب السلعة بتاع العدس
ماقصروا معهم خالص ناس السر قدور
يمكن الناس كل يوم يفطروا بالعدس اقتصاد برضو
|
زمان ، يا أماني ، الواحد بقول ليك ( الما عارف يقول عدس)
بكلامك الفوق دا تاني العارف والماعارف يبكي ويقول عدس
ولا كيف؟
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
اخي الاستاذ سوركتى
تحية ورمضان كريم
ربنا يجعلنا جميعا من عتقاء هذا الشهر المبارك
| Quote: أتفق معك علي ما جاء في البوست من عدو ملائمة الفتر الاعلانية الطويلة جدا مع محتوي البرنامج ،،،، |
نعم الله يخليك يا استاذ عبد الرحمن
Quote: كبوة هذا البرناج هو مقدمه ( السر قدور ) ،،،،،،، ليه ؟
ماذا يفعل الاستاذ المحترم في هذا البرنامج غير محاولة إمتاع نفسه ؟ |
يا سوركتي اخوى ان شاء الله لينا بعمرو وأحاسيسو المولعة لهسه دي
| Quote: اين ما يفيدنا نحن كمشاهدين من عمليات نقد وتحليل وخلافه حول الاغاني المختارة ؟ |
هههههههههها نقد وتحليل ! نقد وتحليل ! ياخ انت طيب طيبة نامن غلط يا سوركتي انت عارف لحظة نقدك وتحليلك ات عارف بيدخل فيها كم اقصد cash wise ?
| Quote: الاصوات المختارة في البرنامج ،،، أصوات معظمها ضعيف ،، مثال أفراح ونادر خضر !! |
كمان يا عبدو ما تنسى المسألة مش صوت بس - الشغلانية فيها معايير تانية - و لعلمك في واحدين بيحضروا البرنامج دا مش للاستماع نووووووووووووو ديل ناس شوف بس .
| Quote: لا يبدو أن هناك إعداد مسبق بمعني اعداد العلمي ،،، فكل ما هنالك أغنيات تم الاتفاق عليها مسبق وتم التمرن عليها وقم الشباب بالاداء. |
ياخ في السودان التاجر لما يسوى سمعة تاني الناس بقعوهو ساى دون الاهتمام بنوعية بضاعتو - السر قدور درس وتخصص في سايكلوجية الانسان السوداني كويس . عشان كدا تلقى واحدين خاتين بنابرهم من الساعة 10 منتظرين اغاني واغاني
الف مرحب بيك ولنا عظيم الشرف يا ود العز
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: الطيب شيقوق)
|
ود شيقوق
تقبل الله الصيام والقيام
عساك والاولاد بخير وجميع الاهل في الصعيد
نسال الله ان يجعله لهم خريف طيبا
اما اذا جاز سؤالك عن برنامج (اعلانات) اغاني واغاني
فواضح حاله من مداخلات الاخوة هنا عليه نتوقع ان تكون هذه اخر دورة له
خاصة انه سيفقد جل اعلاناته وهي السبب
تغير موعد البرنامج من اعلى ساعات المشاهدة فترة الذروة الى فترة تعتبر ميتة بمقاييس
الاعلانات
كل هذه الاعلانات كوم واعلان الحربوية كوم براه
المهم تابعوا وردي والحلنقي في اعز الناس
| |
|
|
|
|
|
|
|
|
|
Re: برنامج أغاني وأغاني عبقرية الاحتيال والحجز غير المشروع (Re: محمود بكر)
|
محمود بكر
سلام ورمضان كريم
Quote: اما اذا جاز سؤالك عن برنامج (اعلانات) اغاني واغاني
فواضح حاله من مداخلات الاخوة هنا عليه نتوقع ان تكون هذه اخر دورة له
خاصة انه سيفقد جل اعلاناته وهي السبب
تغير موعد البرنامج من اعلى ساعات المشاهدة فترة الذروة الى فترة تعتبر ميتة بمقاييس
الاعلانات |
ان شاء الله ما مرقت منها كرهتنا يا محمود اخوى
ياخ ديل فضلت ليهو الموليتة بس للاعلان
| Quote: كل هذه الاعلانات كوم واعلان الحربوية كوم براه |
اها كمان اعلان الحربوية دا لما يجي عندى بتي بتصرخ الا نقفل التلفزيون عشان ترتاح
| Quote: المهم تابعوا وردي والحلنقي في اعز الناس |
ههههههها دى بوصونا عليها يا محمود ؟
| |
|
|
|
|
|
|
| |
الطيب شيقوق
Ahmed Yousif Abu Harira
عاطف عمر
عبدالكريم أحمد الامين
البشير دفع الله
محمد الكامل عبد الحليم
Nader Abu Kadouk
سيف بخيت موسي
وليد عبد اللطيف
حسن طه محمد
Mohamed Foto7li
مامون أحمد إبراهيم
منتصرمحمد زكى
هويدا شرف الدين
Abdlaziz Eisa
عبدالكريم الامين احمد
الرفاعي عبدالعاطي حجر
عبدالرحمن الحلاوي
احمد محمد بشير
Abd-Elrhman sorkati
صلاح أبودية
Ahmed al Qurashi
فيس بوك
تويتر
انستقرام
يوتيوب
بنتيريست