دعواتكم لزميلنا المفكر د.الباقر العفيف بالشفاء العاجل
|
|
 شباب الأمل.. ألف حمد لله على السلامة، غادة نوري غادرت المستشفى..
|
الأحباب جميعا..
كل عام وأنتم جميعا بخير..
أجمل الأخبار أن الحبيبة غادة نوري غادرت عصر اليوم سرير المستشفى لتستقر بسكنها مع أسرتها..
السبت القادم اول مراجعة لها مع طبيبها بعد خروجها..
غادة وعافيتها تمثل الأمل.. وليس هناك بشئ بعيد على الله
الحمد لله..
شباب الأمل جميعا.. الف حمد لله على سلامة غادة
وبيكم ومعاكم كان المشوار الرجا..
ربي يحفظكم شابات وشبان تطمئن قلوبنا بوجودهم
وافر الحب
|
|
 
|
|
|
|
|
|
|
 Re: شباب الأمل.. ألف حمد لله على السلامة، غادة نوري غادرت المستشفى.. (Re: Souad Taj-Elsir)
|
الحبيبات القريبات سعاد وراوية..
الحمد لله على شفاء غادة. وعقبال ما يكتمل شفائها وتسترد عافيتها كاملة..
غادة زول كأنك بتعرفه من زمااااان
أو ممكن تكون بتشبهنا إحنا زاتنا..
أو..
المهم فيها جاذبية وروح تخلي الحجر ينطق..
وفيها همة وعزيمة شفتها ماثلة لما لبست التوب وبدأت تمشي في ممرات المستشفى
أمها وأبوها ناس فاضلين.. ولا عجب
ما شفت أخوها هاني العمل العملية الأولى.. شفت هشام العمل العملية التانية وإتبرع ليها..
يومها ما نمتا.. يعني الأخوة دي زيها مافي..
زول كان قاعد رسًلوا ليه يحضر على وجه السرعة، ومن المطار وصل المستشفى.. وما أمهلوه ولا ثانية طوالي أخدوه على المعامل والفحص. وتاني يوم الضهر كان في العملية..
شباب زاتهم يدوك الأمل..
ربي يخليهم لبعض.. ويخلي ليهم غادة
آآآمين
| |
|
|
|
|
|
|
|
|
|
Re: شباب الأمل.. ألف حمد لله على السلامة، غادة نوري غادرت المستشفى.. (Re: Kostawi)
|
الأحباب جني ومعاذ وكوستاوي..
الحمد لله على سلامة غادة..
بقدر ما كان يومي كئيب من الصباح (آخر الشهر العربي).. جا وإنقشع الساعة العصر..
يدور الآن في راسي شريط مشوار الأمل.. من الصفر الناس بدأت وإبتكرت وعملت اكتر من العليها..
وربنا ما خيًب رجانا.. 90% من الأمل كان من غادة نفسها.. حتى وهي داخل غرفة العناية المركًزة ومن خلال شباك القزاز كانت بتتكلم معاي وتطمًني..
غادة مكسب لينا جميعا.. وشخصيا تشرفت بصداقتها التي تعني الكثير..
وعقبال ما نقرأ بوست رجوع غادة للسودان..
| |
|
|
|
|
|
|
|
|
 Re: شباب الأمل.. ألف حمد لله على السلامة، غادة نوري غادرت المستشفى.. (Re: Raja)
|
| Quote: شباب الأمل.. ألف حمد لله على السلامة، غادة نوري غادرت المستشفى.. |
شكرا رجاء ونتمنى لها ولاخيها الشفاء الشامل.
وان شاء الله قريبا نسمع بقيام "جمعية غادة نوري الخيرية للأمل"
دي فكرة وامنية ولكنها لست صعبة على غادة وشباب الأمل من تحقيقها والاستمرار في مثل هذه الاعمال الخيرية النبيلة.
مع خالص ودي وتقديري ،،،
| |
|
|
|
|
|
|
|
|
|
Re: شباب الأمل.. ألف حمد لله على السلامة، غادة نوري غادرت المستشفى.. (Re: Adil Osman)
|
الأحباب نهال وعادل عثمان..
هي زهرة الأمل بحق..
وأنا على يقين يا عادل أن عمًان ستطبع في ذاكرة غادة. لأن لديها حس عالي بالأماكن والناس..
الأسابيع التي قضتها في المستشفى صنعت أصحاب ومعارف من مختلف الجنسيات.. ورأيت كيف يتعامل معها الجميع..
لم أستغرب هذا التعامل الراقي المحبب منهم. فالممرض أو الممرضة الذين كانوا يشرفون عليها كانوا يقدمون إعتذاراتهم قبل أي حقنة. لخوفهم من إيذائها.. سبحان الله
ويا بخت عمًان وناس عمًان بشخص مثل غادة..
| |
|
|
|
|
|
|
|
|
|
Re: شباب الأمل.. ألف حمد لله على السلامة، غادة نوري غادرت المستشفى.. (Re: معاوية كرفس)
|
الأحباب شباب الأمل طلال ومعاوية..
من أول يوم شفتا فيه غادة كنتم هناك.. ومعاكم باقي المجموعة المنيرة..
رأيت ذات البسمة الحيًة. والنظرة المفعمة بالكثير..
كنتم قد عكستموها لنا هنا قبل أن نراها حقيقة..
ستأتي لكم غادة نضيرة ومشرقة بإذن الله
وحتما سنكون معكم..
وكما قال العزيز حيدر سنقيم لها أكبر كرامة..
يا معاوية في فيلادلفيا إتصلت بشقيقك طارق وتحدثت معه.. وأسفت وحزنت من الوقت الذي منعني من مقابلته..
| |
|
|
|
|
|
|
|
|
 Re: شباب الأمل.. ألف حمد لله على السلامة، غادة نوري غادرت المستشفى.. (Re: Raja)
|
| Quote: شباب الأمل جميعا.. الف حمد لله على سلامة غادة |
الله يسلمك يا رجاء يارب من كل بلاء .. حقيقة سعدت صباحا بمكالمة منها ..
عارفة يارجاء انا في العادة منذ ان عرفنا غادة بضرب اسال منها بالليل بعد ما خلاص اخلص كل حاجاتي واجي للنوم بضرب ليها اسالها من احوالها واخبارها ونتونس ..
في يوم كدة ضربت ليها الصباح قالت لي منو معاي قلت ليها انا انعام قالت لي هي دا صوتك بتاع الصباح انا ما بعرفوا؟؟!!
اهة اليوم انا صوت العافية حق غادة انا ما عرفتوا قلت ليها دا صوت العافية .. قالت لي دا صوت الكبدة الجديدة وضحكنا ..
تلفون يرد الروح .. وبتسلم على الكل والله ..
حمد لله على السلامة للجميع ..
هاني نوري حا يصل الاحد وتعالوا نكون في استقباله في المطار لو امكن ..
كل سنة وانتي طيبة يا رجاء وشكرا على الاخبار الحلوة ..
مودتي
| |
|
|
|
|
|
|
|
|
|
Re: شباب الأمل.. ألف حمد لله على السلامة، غادة نوري غادرت المستشفى.. (Re: معتز القريش)
|
الحبيبة إنعام,,
الأحباب: الفاتح ميرغني، محمد خليل، السموأل ومعتز..
الحلم البدأ هنا وأصبح حقيقة قدامنا.. بيثبت إنه مافي شئ مستحيل..
واي زول مننا ممكن يضع نفسه مكان غادة.. وبرضو كان رد الفعل هو هو..
حفظكم الله جميعا.. وألف حمد لله على سلامة غادة..
يا إنعام سلامتك وألف لا بأس عليك.. عرفت من غادة إنك كنت عيانة..
أعذري عدم علمنا.. سلامتك
الفاتح ميرغني.. لقيت في صديقة مشتركة.. وهي أرسلت لك إيميل بعد ان قرأت مشاركتك هنا..
وإن شا الله المفاجأة إنها تنضم معنا..
فهي مكسب..
| |
|
|
|
|
|
|
|
|
|
Re: شباب الأمل.. ألف حمد لله على السلامة، غادة نوري غادرت المستشفى.. (Re: نهلة عمر)
|
شكراً جزيلاً أختنا رجاء على هذه البشرى التى أتحفتينا بها.
إتصلت صباح اليوم لأطمئن عليها و أنا أتوقع أن يرد على ( هانى ) شقيقها و لكن كانت المفاجاة الجميلة أن ينطلق صوت غادة ( الملائكى ) لتقول لى ( أهلاً يا رأفت ).
الحمد لله غادة نورى كدأبها على الدوام قوية و صوتها مفعم بالسعادة و التفاؤل
ربنا يرجعها لأحبابها بكامل الصحةو العافية
| |
|
|
|
|
|
|
|
|
|
Re: شباب الأمل.. ألف حمد لله على السلامة، غادة نوري غادرت المستشفى.. (Re: anwar abu gaidaa)
|
الأحباب الفوق كلهم..
سلام ومحبة وكل يوم وإنتو بخير..
حأرجع ليكم زول زولة..
دي دخلتي من غادة.. وهي بتبلغكم عاطر التحايا وأسمى آيات الشكر لكل من كتب وسأل عنها وشال همها..
أكلت البليلة واللقيمات.. وشربت أحلى شاي بلبن.. ويوم الجمعة موعودة بأحلى فطور..
غادة بنفسها هي القدمت لي الشربات.. ووعدتني إنها تعمل لي كيكة يوم الجمعة..
وكانت معانا راوية بالتلفون..
شفتا هاني الليلة.. صغيرووني ما كمًل العشرين.. ربي يحفظه
وهشام الحمد للخالق في أتم عافية.. وشفتا قدر كيف العم والخالة مبسوطيين بشفاء أولادهم التلاتة.. ربي يغطي عليهم
ودي
| |
|
|
|
|
|
|
|
|
|
Re: شباب الأمل.. ألف حمد لله على السلامة، غادة نوري غادرت المستشفى.. (Re: رقم صفر)
|
الحبيبة إنعام عبدالحفيظ..
الأحباب: هيثم وأنور ومعتصم..
رمضان كريم..
جيراني أصحاب البيت الساكنة فيهو.. ناس حبًوبين ولطيفين للغاية.. كانوا لما يشوفوني ماشة المستشفى لغادة ينتظروني لغاية ما أرجع ويسألوني عن صحتها.. وكانوا متابعين من أول ما وصلتا ولقيت غادة جات..
أها يومداك لما غادة طلعت بالسلامة.. مشيت كلمتهم.. ما صدقوا.. قالوا دي معجزة وصلوا ليها (بالمناسبة هم مسيحيين)
فعلا بركة خروج غادة تستحق مية صلاة ودعاء وحمد..
الحمد لله..
| |
|
|
|
|
|
|
|
|
|
Re: شباب الأمل.. ألف حمد لله على السلامة، غادة نوري غادرت المستشفى.. (Re: Raja)
|
شكرا رجـاء على هذا الخبر المفرح
ألف حمد الله على سلامة غادة
أوصيك أن تبلغيها تحياتى .. كلى أسف لعدم تمكنى من مقابلتها فى زيارتى الأخيرة للأردن .. لم أكن محظوظا لرؤيتها بل قابلت أخويها هشام و هانى و والديها .. حادثتها تلفونيا و كان صوتها مفعما بالأمل
شكرا رجاء و شكرا لجماعة الأمل الذين علمونا كيف يصنع الأمل
| |
|
|
|
|
|
|
| |
Raja
jini
معاذ حسن
Kostawi
Rawia
Souad Taj-Elsir
الطاهر ساتي
Nasr
نهال الطيب
Adil Osman
HAYDER GASIM
Omer Abdalla
طلال عفيفي
معاوية كرفس
Alsa7afa_30
الملك
walid taha
الفاتح ميرغني
انعام حيمورة
mohmed khalail
السمؤال بدرالدين
معتز القريش
نهلة عمر
عادل فضل المولى
رأفت حسن عباس
Haytham Abdulaziz
رقم صفر
انعام عبد الحفيظ
خالد ماسا
ملكة سبأ
Rabab Elkarib
كمال علي الزين
مامون أحمد إبراهيم
يحي ابن عوف
صالح عبده
lana mahdi
الفاتح خليل الفكي
أبو عبيدة البصاص
مجدي عبدالرحيم فضل
عاصم ابوبكر حامد
غادة عبدالعزيز خالد
محمد ابو القاسم
سمندلاوى
محمد عبدالرحمن
أيمن الطيب
..
khalid saad
فيس بوك
تويتر
انستقرام
يوتيوب
بنتيريست