كتاب الشمار المدقوق في سيرة العريبي الطيب بن شيقوق "تحت الطبع"

في دعم حملة علاج دكتور الباقر العفيف:- قليل من كثر خير من كثير من قلة
نداء أنساني بخصوص الدكتور الباقر العفيف
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 21-11-2018, 01:25 PM الصفحة الرئيسية

مكتبة فاروق حامد محمد(فاروق حامد محمد)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
03-12-2006, 02:57 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


كتاب الشمار المدقوق في سيرة العريبي الطيب بن شيقوق "تحت الطبع"

    الشمار المدقوق في سيرة بن شيقوق


    الطيب بن شيقوق الدندري الأموي العباسي معا

    وحفيد السليك بن السلكة وحاطب بن أبي بلتعة

    سلام جاك ,,,,,,,

    حدثتنا الحاجة عيشة بت الشول عن العازة بت الجاز

    عن أمحومّّّّّّّّّّّّّّّّّّّّّّّّّّّّّّّّّّّد ود حاجة حبصة قالت : سمعت بخيت ود عطامنو

    يقول : كنت حارسا لبعض مطامير أولاد شيقوق في قرية

    "كبسو رماه" إحدى قرى مدينة الدندر في صعيد السودان

    الأنجلو إيجبشيان "قالها هكذا بلغةافرنجية صحيحة" وكان

    عمناالحسن ود شيقوق وهو القائم بأعمال مطامير أولاد شيقوق

    في ذلك الزمان يأتيني كل صباح ومعه "كورة" مملوءة بالعصيدة

    المملحة بملاح ال "wake up" الذي تسميه العامة (الويكاب) وذات

    صباح تأخر علّّّّّي فغفوت ,,, ولم أصح إلا على أكلان داخل أذني كاد أن

    يصل طبلتها فيخرمها.. قال : فنظرت فإذا "بشافع" لم يتجاوز السادسة

    يحمل قشة من "النال" وعليه بقايا ثوب من الدمورية "وزن عشرة" مملوء

    بعشرات من بقع الزيت وملطخ بخضرة يبدو من ثقلها أنها بقايا "ملاح ورق"

    ـ كان عرب الدندر في الجاهلية جنّّّّهم ملاح ورق ـ وعلى رأسه "قنبور" طويل

    يتدلى حتى كتفيه وينتعل شبطا من ماركة "تموت تخليه"... قال : فلما هممت

    بزجره إذ بي أسمع ضحكة مجلجلة , فنظرت فإذا عمي الحسن ود شيقوق فوق رأسي

    فقال لي مطمئنا : لا تخاف .. لا تخاف ... ده الطيب وليدي كان يسويلك في

    "السافوتة" عشان يصحيك ... أصله الطيب بكريي وأمه مبهدلاه وعاملالو قنبور خايفة

    عليه من العين.. باقي هي متعوجبة بيه "وايد" قالها بلهجة خليجية قحة (بلا صمة خشم).

    قال أمحومّّّّّّّّّّّّّّّّّّّّّّّّّّّّّّّد : ولم تمض بضع سنوات فإذا بذلك الشافع يصبح أفنديا من جماعة (كارب

    صليبو) يذهب الى مدارس أولاد البندر ... وقبل أن يكمل دراسته في البندر زوجه أهله

    "المتعوجبين بيه" من إبنة عمه وكان زواجا تحدثت به كل الحلال المجاورة حيث أحيا

    حفلاته عدد من فناني البندر وشهده الناظر ود العجب ... وكان الناس في عجب حيث

    رأوا لأول مرة في تاريخ نظارة (الخت) عريسا يحت مع رفاقه كل الحت ,,,,,,

    ونواصل,,,,,,,,,


    1 ـ من كتاب الشمار المدقوق في سيرة العريبي الطيب ابن شيقوق "تحت الطبع"







                   |Articles |News |مقالات |بيانات

03-12-2006, 03:27 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: بعشرات من بقع الزيت وملطخ بخضرة يبدو من ثقلها أنها بقايا "ملاح ورق"


    على الطلاق يا الفاروق لو رجعونى لعهدى البتقول فيهو ده احسن من اكون مهندس في إعمار اليوم .

    جنبي (حداى) امي كل ما اتلطخ بالورق تمسك طرف توبها تمسح خشيمي وتديني قدوم حلوووووو لحدى اترتس لوراء. ووقت تكون والدة نفساء بعاين للمطايب البجيبوه ليها الاهل في الكويرات نعومات . وعندما يتلموا الكبار يغنوا لى (الليلة الاسد الجاى من جبال الكر يحدر يقول يسأل عن العمسيب يا نبينا...) واعرض بكراع واحدة والخدرة والورق في سدري وحجابي يتدلدل يمين وشمال ولا يهمهم وسخى يمسكونى كلهم يدونى قدوم وووووووووب من ايام زمان يا الفاروق .

    نواصل الله يمسخك ولعت فينا النار
                   |Articles |News |مقالات |بيانات

03-12-2006, 03:44 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: على الطلاق يا الفاروق لو رجعونى لعهدى البتقول فيهو ده احسن من اكون مهندس في إعمار اليوم .

    جنبي (حداى) امي كل ما اتلطخ بالورق تمسك طرف توبها تمسح خشيمي وتديني قدوم حلوووووو لحدى اترتس لوراء. ووقت تكون والدة نفساء بعاين للمطايب البجيبوه ليها الاهل في الكويرات نعومات . وعندما يتلموا الكبار يغنوا لى (الليلة الاسد الجاى من جبال الكر يحدر يقول يسأل عن العمسيب يا نبينا...) واعرض بكراع واحدة والخدرة والورق في سدري وحجابي يتدلدل يمين وشمال ولا يهمهم وسخى يمسكونى كلهم يدونى قدوم وووووووووب من ايام زمان يا الفاروق .

    نواصل الله يمسخك ولعت فينا النار



    الله يمسخك يا الطيب !!!!!

    علي بالطلاق طلاق تلاتة ومعاهن حرم كمان ضحكت

    حتى استلقيت على قفاي وبانت خصلتاي
                   |Articles |News |مقالات |بيانات

03-12-2006, 03:57 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    الفاروق عليك الرسول كلم بكري يسحب البوست ده والله بسود خطوتنا بالضحك الناس تاني جونى جاريين يشوفوا الحاصل شنو . والله يا الفاروق فتحت بلاوي تاني على الطلاق البشير عينه تغمض من بوستاتك ترخم قبلك .
                   |Articles |News |مقالات |بيانات

03-12-2006, 04:36 AM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    هى ياالفاروق مالك علينا
    داير تسحب البساط من تحت رجلينا
    الناس كلها بترحل عليك وبتخلينا
    شمارك بشوفو طلع متل برق العينة
    والله الخلوق تنكب فوق سيرة ود شيقوق متل الحنقوق
    وأنا اعتبره رمز للطفل السودانى القام ( بروس )
    تربية الطبيعة لاحضانة لاروضة
    ياكل العنكوليب والفقوس والسينات لاكاتشب ولامايونيز
    غايتو كان الله غانيك بتغنى من كتابك ده...بنساهم معاك فى الطبع والفايده بيناتنا.
    واصل نحن فى انتظار ماتدق من الشمار.
                   |Articles |News |مقالات |بيانات

03-12-2006, 04:12 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    للذين لا يعرفو الطيب ود شيقوق فهو ابوعشرة الكان بحت مع زيدان في المدرسة الوسطي والذي عبر النهر الجاف عائدا الي دكان ابيه وقروانة الطحنية التي كان يوزع منها لفاتنات القرية املا في نظرة - ولكن عييييك كلو الطحنية وخلو قفاهو يقمر عيش- وانه كان يعود الي المدرسة في سيارة عمه -من بقايا حرب العلميين- التيمس ...

    ونواصل في عرض خاص
                   |Articles |News |مقالات |بيانات

03-12-2006, 04:45 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    Quote: ونواصل في عرض خاص


    زمان بدونى الفريني ( قرشين ونصف) عشان اجيب السكر لشاى الصباح من دكان عمى على ود شيقوق - الله يرحمه - كنت بمشى في دقيقة واحدة جرية جكة سريعة وبرجع لحدى نار امي المولعاها للشاى تموت عارفين لشنو ؟ . بس المهم لما اقرب للبيت بمسح قدومى من حتحات السكر وكل يوم مسبب شكلة بين عمى المسكين سيد الدكان وابوى في وزن السكر .

    بعد اسوا الشاى بدونى في كبيبية صغيرة لكن بفوموها لى تلاته او اربعة مرات لحدى اجر نفسي واضحك زى ولد الدعاية بتاعة الحليب المدهش في الفضائية السودانية.
                   |Articles |News |مقالات |بيانات

03-12-2006, 04:48 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: زمان بدونى الفريني


    يالفريني ات من زمنو ؟؟؟
                   |Articles |News |مقالات |بيانات

03-12-2006, 04:49 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: زمان بدونى الفريني


    يالفريني ات من زمنو ؟؟؟
                   |Articles |News |مقالات |بيانات

03-12-2006, 04:57 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: وأنا اعتبره رمز للطفل السودانى القام ( بروس )


    يابتي سمية الله يخليكي اعملي في معروف وامسكي "الطفل الضاحك ابوقنبور وحجيبات والفريني" دة عندك هناك في بكان كلامك الما بفهمو .. اها عدييل ما بفهمو .. بتقولي عربي غير" ناس ظلع الجمل" الدرسونا ليها -غصبا- في مدارس حلفا ..وانا غير داك ما بعرف ..لكن لبلب في الرطانة والانجليزي وشوية الماني(بس كلمتيين) وهندي (لزوم شاشي كابور) اما عربيكم دة ف NO وبلا تعدد ثقافي واخير لينا رطانتنا لا فيها اعراب ولا مساديير
                   |Articles |News |مقالات |بيانات

03-12-2006, 05:08 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    Quote: ياكل العنكوليب والفقوس والسينات لاكاتشب ولامايونيز


    عنكوليب وفقوس بس يا بت طلحة والتحلية كمان كانت عندما تجى ام حسن الفلاتية بصوتها السنين وتقــــــــــــول (ما دماااااااااااس) اها انا اليوم داك لا بخلى سحارة ولا مفحضة ولا طرف توب مصرور كلها بفتشها والحق ام حسن تبيع لى فول مدمس تعبره لى بقعر علبة الصلصة المفجوغه من وراء تقنطره كتييييييييير لكن يطلع شوية ما بملا الفنجان .

    (عدل بواسطة الطيب شيقوق on 03-12-2006, 11:41 PM)

                   |Articles |News |مقالات |بيانات

03-12-2006, 05:17 AM

محمد عبدالله هارون

تاريخ التسجيل: 14-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    Quote: "الطفل الضاحك ابوقنبور وحجيبات والفريني"


    والله دا فليم رهيب ،، أبو قمبور شيخ "الـعرب "

    الله يديكم العافية

                   |Articles |News |مقالات |بيانات

03-12-2006, 05:44 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: محمد عبدالله هارون)

    Quote: محشي + مشوي+ باسطة + ماعندي قشة مرة


    ده بروفايل اخي محمد عبد الله هارون

    شوف بروفايلي انا وقارن بين البروفائلين .

    والله صدق من قال:-

    ناس بتمشى سنين طوييييييييلة وناس بدون ما تمشى توصل
                   |Articles |News |مقالات |بيانات

03-12-2006, 06:07 AM

محمد عبدالله هارون

تاريخ التسجيل: 14-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    أخي الطيب فارس الحوبة

    Quote: Quote: محشي + مشوي+ باسطة + ماعندي قشة مرة


    ياخي نحنا أولاد عٌمد ناكل ونسفسف على كيفنا


    يديك العافية
                   |Articles |News |مقالات |بيانات

03-12-2006, 05:53 AM

معتصم الطاهر
<aمعتصم الطاهر
تاريخ التسجيل: 26-11-2004
مجموع المشاركات: 4281

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: زمان بدونى الفريني ( قرشين ونصف)


    دا فرينى ياتو زمان
    يا فردة
    زمان كان الدستة تساوى 13؟
                   |Articles |News |مقالات |بيانات

03-12-2006, 06:07 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: معتصم الطاهر)

    Quote: دا فرينى ياتو زمان
    يا فردة
    زمان كان الدستة تساوى 13؟


    المعتصم اخوى مالك عايز تكشف خطى انا عايز اقربل الناس اشوف العاصروا ابي قرشين من الذين لم يعاصروا - لا تسألوا يا المعتصم عن اشياء ........


    لك مودتي
                   |Articles |News |مقالات |بيانات

03-12-2006, 06:14 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: ياخي نحنا أولاد عٌمد ناكل ونسفسف على كيفنا


    ونحن نمشى سنين طويييييييييييييييييييلة يا امحمد اخوى . انشاء الله تكبر وتبقى في قامة ابوك وتعرف التمن البيدفع فيهو من عموديتو . إت ما عارف الاسم الكبييييير مرفعين سيدو.
                   |Articles |News |مقالات |بيانات

03-12-2006, 06:45 AM

محمد عبدالله هارون

تاريخ التسجيل: 14-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    آمين يارب العالمين

    برضو نحنا ماشين معاك سنين طوييييلة، من ماشالها المرفعين الكبير " النميري "
    وقاعدين نساسك مع عمنا فاروق عسى ولعل .....

                   |Articles |News |مقالات |بيانات

03-12-2006, 06:23 AM

Adel Sameer Tawfiq
<aAdel Sameer Tawfiq
تاريخ التسجيل: 05-10-2006
مجموع المشاركات: 1074

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: الشمار المدقوق في سيرة بن شيقوق

    الطيب أخوي..
    إنت إيه الوداك تلعب مع ناس فاروق وأبوبكر ديل من أصلو؟!
    نكتة :
    قالوا ولد حلفاوي سرقوا نعلاته(لا مؤاخذة) أثناء الصلاة في الجامع..
    رجع لأبوه يبكي..
    أبوه قال ليه إنت إيه الوداك هناك من أصلو ؟؟!!د
    ماياااااهو ده ذااااااتو !!
                   |Articles |News |مقالات |بيانات

03-12-2006, 06:30 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: Adel Sameer Tawfiq)

    Quote: أبوه قال ليه إنت إيه الوداك هناك من أصلو ؟؟!!د


    عادل خالتي كان عندها ولد واحد مدلعاهو مش زى دلعكم انتو تودوهو باريس وكده . يوم من الايام جاها يخيط في ا########## يمين وشمال شارب ليهو كاس دقة انا قلت خلاص الليلة يومه بتطلع زيتو - وقت شافتو يطوطح فرحت وضحكت قالت دقر يا عين ولدى قرح خلاص .

    برجع ليك لدلعنا بعدين اوريك الفرق
                   |Articles |News |مقالات |بيانات

03-12-2006, 06:39 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6455

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    لا فض فوك أخي فاروق ود حامد ود أحمد فأنت تنثر الدرر وتبدع وتمتع غير أن فوك يمكن أن يفض حالة كونك سافي تمباك أو صعوت ود عماري شريطة أن يكون جيد ونمرة واحد. وأسأله جل وعلا أن لا يجعل لك فرقاً في شعر رأسك أو كعب رجلك وهو ما يعرف بالشق صمت أم قال طق
    أجد بين السطور وميض أدب جم ، وطلوع في الصفايح وأسماع السامع والما سامع ونشر لمذكرات ود شيقوق والنبش في ماضيه دون إذن خطي وهذا عمل تحرمه كل المواثيق والعهود بما فيها قوانين سبتمبر وقوانين منبرنا هذا بإعتبار أنه شمار حار كما جاء في الأخبار وعلى طريقة الكبار ، لكن ما جعلنا نتقاضي عن هذا الجرم – إن جاز لنا التعبير أو لم يفعل - وندفن دقن هو الطريقة الجميلة في إغترافه بل قل معالجته وتناوله ، فالسرد الراقي واللغة الرفيعة التي تشبه تماماً ما أغترفه صناجة الأرجنتين ماردونا في المباراة الشهيرة التي أدراها الحكم التونسي على ما أظن ضد إنجتلرا والتي بقيت لعنة الهدف تطارده بعد أن ضحك عليه ماردونا ودقسه تدقيسة بينة فأضحك ناس بيونس إيرس ومن جاورهم وأبكي ناس الإمبراطورية التي كانت لا تغرب عنها الشمس وأصبحت بالكاد تشرق فيها الأمر الذي جعل جون سليل ميجور يتكل رجله الشمال في تن دوان سترتيت ويضع سبابته في أضانه مدوبياً "الدنيا بتهينك والزمان يوريك" oh yeah ، ويردف قائلاً "أنحنا العند عروضنا لئام وجبارين ، فيأتيه صوت جورج دبليو بوش قائلاً bull#### جابت ليها كضب كمان (الكلمة المطمسة ربما تم طمسها حفاظاً على الذوق العام وإنت كنت أسمعها في اليوم والليلة أكثر من مرة) ما علينا.
    المتتبع لقصتك وسردك الرائع ينتهي إلى حقيقة أن أسرة آل شيقوق ومن صاهرهم ولف لفهم كانوا على درجة عالية من الثراء على مقياس ريختر فقوم يأكلون الويكاب وملاح الورق ويلعبون بحزم النال ويلبسون أفخر أنواع الدمورية الـ Heavy Weight وقد سبقوا العالم بسنوات طويلة حينما إبتدعوا موضة قص الشعر من كابوريا إلى قمبور و مارينز هم في حقيقة الأمر أباطرة وطبقة برجوازية مستنيرة لديها vision وpoint of view مش زي ناس قريعتي راحت اللا عندهم vision ولا بعرفوا الفرق بين الـ mission والـ discussion
    المهم يا سيد قبيلة كبسو رماه ، إستمتعت بحديثك الطيب عن الطيب حد الدهشة ولأن الدهشة قد إنتفت وزالت لابد أن تواصل لمزيد من الإمتاع والإدهاش حتى لا تبقي دهشورياً واحداً إلا وأتيت به والأمر كذلك سوف أتربع وأجلس القرفصاء في منبركم هذا حتى يأتيني اليقين أو تأينا بالمزيد أيهما أقرب لتولاه.
                   |Articles |News |مقالات |بيانات

03-12-2006, 06:57 AM

محمد عبدالله هارون

تاريخ التسجيل: 14-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: almulaomar)

    Quote: اكلات مفضلة: السريعة


    من بروفايل شيخ العرب fast foooooooooood
                   |Articles |News |مقالات |بيانات

03-12-2006, 07:20 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: almulaomar)

    Quote: زمان بدونى الفريني ( قرشين ونصف)




    سمية أختي ومحمد هارون وأبكر والملا عمر ,,, راجعلكم,,,


    لكن حرم دي ما بفوتها ,,, الفريني يا الطيب كان في الصعيد

    بساوي قرشين ونص ككيف يعني ... يكون جاكم واحد من البندر

    في ال Dindir jungle دقسكم قال ليكم ده فضة بساوي قرشين

    ونص ,,, ولا كيف يعني ؟ الطيب إتكلم الصاح ... انت عارف

    الكذاب يوم القيامة بودوه النار ,, صح أيها الطفل المعجزة

    أنا شايف نوستالجيا الطفولة حترجعك قريب ل .... حلة كبسو رماه

    ولا ما عارف توديك وين !!!!!!!!!!
                   |Articles |News |مقالات |بيانات

03-12-2006, 07:53 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    اهايااهل البادية واولاد العمد البيسفسفو ..اتاري ام بناية قش بس لينا نحن الشعب الغلبان اما السلطة في كل اشكالها سفسفة ساي..؟؟؟
    بعدين يامولانا عادل يا حطب النار ( حلو دي يا مولانا) منو القالييك الحلفاويين بلبسو نعلات دييل بلبسو شبط ؟

    انا قايل الملاعمر دة من صورتو المعلقة انو " من غير الناطقيين بها" وما دريت انو بقول العربي بتاع العراريب ..كان كدة يجيب معاهو مترجم المرة الجاية يامولانا ( المحاكم كيف تشتغل الزمن ده بدون مترجم؟؟ )

    الطيب الغشاش حتدخل لظي ( دي عربي صرف يا عرريب) لانو زورت العملة وقت الفريني قرشيين ونص والثانية لانك غشيت زولا بتاع هندسة وحساب زي معتصم ..اها شوف شغلك يامولانا عادل .. قضايا كتار بس حقنا ما تودرو مع السفسافيين دييل

    قال اولاد عمد سفسافيين قال
    يعني انتو علمتوهم الكوربشن وساي تقولو الصينيين ؟؟
                   |Articles |News |مقالات |بيانات

04-12-2006, 02:10 AM

Adel Sameer Tawfiq
<aAdel Sameer Tawfiq
تاريخ التسجيل: 05-10-2006
مجموع المشاركات: 1074

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    Quote: يامولانا عادل يا حطب النار

    نار مضمونة ولاجنة مجهجهة !!
    وبعدين انا لو وريتك معانا منو حتلتهب جميع عموم "الأنــــــــا" العندك و العند فاروق اخوك !!
    أها نحن كدة..إنتوا كيف ؟؟!!
                   |Articles |News |مقالات |بيانات

03-12-2006, 07:59 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    يا جماعة عم فارووق دة اكلكم نضمي ساي
    اها شوفو دي كيف ؟؟؟


    Quote: الطيب بن شيقوق الدندري الأموي العباسي معا


    اها بدور يقول لكم انو معاوية وابوجعفر المنصور اولاد عم لزم ؟؟؟ يرجو مراعاة فرووق الوقت
                   |Articles |News |مقالات |بيانات

03-12-2006, 10:08 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    .


    عدد البوستات: 3824
    تاريخ التسجيل: 08-07-2002
    محل الاقامة: WALO SAFAR
    : Not shown
    عنوان مكتبتى بسودانيزاونلاين دوت كم :
    اكلات مفضلة: DORO WET - KIDFO - FIRFIR
    الاسم الحقيقى:
    التلفون: 0024991
    الجامعة/المعهد: جامعة الخرطوم
    الحالة الاجتماعية: Married
    العنوان الدائم:
    الفنان المفضل: Mohammad WARDI
    اللون السياسى: Dark Blue
    النوع: Male
    الهوايات المفضلة: القراءة والجري تقول ساكاني كلاب الإشلاق
    الوظيفة: حاجه ما عادية تعرفو شنو بقول ليكم لمن أشوفكم Face to Face
    تاريخ الميلاد: ليس بعد
    درست المرحلة الابتدائية فى ......و سنة....:
    درست المرحلة الثانوية فى ......و سنة....:
    درست المرحلة المتوسطة فى ......و سنة....:
    شاعرك المفضل: أبو الطيب المتنبئ + نزار قباني
    عدد الاطفال: 3
    معلومات اضافية: أنا أضيف تسالو في زي سؤال منكر ونكير وكمان عاوزين إضافة
    مكان العمل:
    مكان الميلاد فى السودان:
    Quote: تحت شجرة

    صورتى:

    محل الميلاد تحت شجرة وفي لندن ؟ والله بالحيل تساقط عليك رطبا جنيا يا المولا عمر .
    اتحكر قبلك معانا وانت ياكا زولى طاااااااب وعارفنى بقول في شنو مش زى الرطانة الماشين ساى ما عارفين الحاصل شنو ولا بخلونى اواصل مشوار سنيني البديتو ليكم تاني من قعرو .
                   |Articles |News |مقالات |بيانات

03-12-2006, 01:48 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    البوست ده لذيـذ ودمه خفيف..والحقيقة بوستاتكم كلها كـده..
    أنا هاقعـد معاكم..يللا بلا هم ووجـع قلب..
    بس طـلب واحـد ماتصعبوا علينا اللغة..إحنا لغتنا علي قـدرنا!

    بعـدين عايزه أحجـز نسخة من الكتاب..ممكن?

    مني
                   |Articles |News |مقالات |بيانات

03-12-2006, 05:11 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: Muna Khugali)

    Quote: البوست ده لذيـذ ودمه خفيف..والحقيقة بوستاتكم كلها كـده..
    أنا هاقعـد معاكم..يللا بلا هم ووجـع قلب..
    بس طـلب واحـد ماتصعبوا علينا اللغة..إحنا لغتنا علي قـدرنا!

    بعـدين عايزه أحجـز نسخة من الكتاب..ممكن?

    مني



    مرحب بيك يا منى وانت تشرفي في أي وقت والبيت بيتك

    أما الكتاب فحتكون النسخة الأولى هدية "إلك"

    وأما تصعيب اللغة فهي من هؤلاء العراريب ـ كما يقول الباشمهندس ـ

    الذين هاجروا من جزيرة العرب بدون سبب أو لأنهم كانوا قليلين أدب

    أو كانوا هناك بدون نسب ـ وأنا منهم قطعاـ فجاءوا السودان فنسبوا

    أنفسهم الى عدنان وقحطان والقرشيين والهاشميين والأمويين والعباسيين

    وبما ان هؤلاء خرجوا من ديارهم مضطهدين فاننا نلتمس من أخوننا النوبة

    والجنوبيين والأقباط أن يكرمونا باعتبارنا عزيز قوم ذل ... وجزاكم الله

    عنا كل خير
                   |Articles |News |مقالات |بيانات

03-12-2006, 02:09 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: اتحكر قبلك معانا وانت ياكا زولى طاااااااب وعارفنى بقول في شنو مش زى الرطانة الماشين ساى ما عارفين الحاصل شنو ولا بخلونى اواصل مشوار سنيني البديتو ليكم تاني من قعرو .


    هو مشوارك لسه سطيحة ما سويت فيه شي بشان تقول بتواصل ؟ ات عربتك عمك التيمس مغرزة وعراريب البندر بتركب الهمر ؟؟
    اها قروانة الطحنية جابت مني .. النشوف ...
                   |Articles |News |مقالات |بيانات

03-12-2006, 02:42 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    Quote: البوست ده لذيـذ ودمه خفيف..والحقيقة بوستاتكم كلها كـده..
    أنا هاقعـد معاكم..يللا بلا هم ووجـع قلب..
    بس طـلب واحـد ماتصعبوا علينا اللغة..إحنا لغتنا علي قـدرنا!

    بعـدين عايزه أحجـز نسخة من الكتاب..ممكن?

    مني


    يا سلام استاذة منى على اطلالتك الرائعة وبس لانك ودعتي اشواق فسوف تستقبلي اشواقا هنا ولانك تعيشى احزان فستجدى مساحة هنا تنسيك او على الاقل تقلل من غلواء تلك الاحزان فيامراحب ولحظة من فضلك لنواصل مشوار الطفولة .

    لك اطيب المنى
                   |Articles |News |مقالات |بيانات

03-12-2006, 02:54 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    يالطيب
    دة شنو

    Quote: لنواصل مشوار الطفولة
    .
    ات عايز مني تزعل منك زي ما انا زعلان ؟؟ مشوارك المابيوصل اي بكان خليهو لروحك وغنمك والنسانيس الكنت بتلعب معاهم في الغابة وات راجع من المدرسة(كونتي كنتي زي ما قال الفارووق) .. ياخي ات مدور فينا ساي مرة عابر النهر ومرة قاطع الغابة ومرة راكب عربة عمك التيمس وبعد دة كلو قت اتزوجت وانت طفل ؟؟
    شايفنا بريالة ..
                   |Articles |News |مقالات |بيانات

03-12-2006, 03:12 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    Quote: ات عايز مني تزعل منك زي ما انا زعلان ؟؟


    منى اختى دى نفسها طويل إت ما شايف لحظة من فضلك وودعنا اشواق لتستقبلنا اشواق اخري الجواب يكفيك عنوانه يا عيني .
                   |Articles |News |مقالات |بيانات

03-12-2006, 11:55 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    كان يوم تجى مطرة تقيلة الناس الصباح بتصبح كيمان كيمان في حدبة القدام الحلة وابوى يبرك لى في الارض يقول لى اركب في الجمل ده وانط ليهو في ضهره واركب وياخد بى نقزة نقزتين زى الجمل وانا التفت يمين وشمال عشان منتظر تعليق الناس الجنبنا . ومرات لما ابوى يقيف يسال حد من جهة تقل المطرة وانا في ضهره بدى ابوى لكعة لكعتين برجلي في خصره عشان يديني تنكسة ( التنكسة هى هرولة الجمل ) واااااااااى من التنكسة دى كانت حلوة حلاة تجنن.
                   |Articles |News |مقالات |بيانات

04-12-2006, 01:19 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: كان يوم تجى مطرة تقيلة الناس الصباح بتصبح كيمان كيمان في حدبة القدام الحلة وابوى يبرك لى في الارض يقول لى اركب في الجمل ده وانط ليهو في ضهره واركب وياخد بى نقزة نقزتين زى الجمل وانا التفت يمين وشمال عشان منتظر تعليق الناس الجنبنا . ومرات لما ابوى يقيف يسال حد من جهة تقل المطرة وانا في ضهره بدى ابوى لكعة لكعتين برجلي في خصره عشان يديني تنكسة ( التنكسة هى هرولة الجمل ) واااااااااى من التنكسة دى كانت حلوة حلاة تجنن.



    معقول يا الطيب الوالد كان حضاري الى درجة إنه يلعب

    مع أطفاله بهذه الصورة المتقدمة جدا على ذلك العصر ,,,,

    والله نحن كنا نسمع صوت أبوي على بعد شارعين ندّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّسى يومين .....

    والله ليك حق تشتاق لأيام الطفولة فقد كانت أياما جميلة بحق ,,,

    ولهذا وذاك قررنا بعزيمة قوية إصدار كتاب جديد في سلسلة سيرتكم

    البهية وذلك تحت عنوان : دواء الناقة المعلولة, وشفاء نوستالجيا

    الطفولة, في سيرة بن شيقوق رمز الفحولة... هذا وبالله التوفيق ,,,,,,
                   |Articles |News |مقالات |بيانات

04-12-2006, 01:43 AM

ABDELMAGID ABDELMAGID
<aABDELMAGID ABDELMAGID
تاريخ التسجيل: 09-09-2005
مجموع المشاركات: 5957

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    هاكم !!!! مجلد ... حجة الشيقوق ... فى مقارعة الفارغ ! الفاروق !!!
    كسرة :
    تحيز لاهلنا ناس الدندر !!! و ( كيتن !! ) فى ناس ( البندر !!! ) و ( ام خرتم !!! )
    تصبحوا على خير يا احباب !!!
    اخوكم ...
    عبدالماجد
                   |Articles |News |مقالات |بيانات

04-12-2006, 01:58 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: ABDELMAGID ABDELMAGID)

    Quote: والله نحن كنا نسمع صوت أبوي على بعد شارعين ندّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّّسى يومين .....



    الفاروق اخوي دبلوماسية إستحواذ حب الغير موهبة تلازم الانسان من الصغر وحتى الكهولة وافضل ادوات هذه الدبلوماسية الابتسامة الصادقة .
                   |Articles |News |مقالات |بيانات

04-12-2006, 02:19 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: تحيز لاهلنا ناس الدندر !!! و ( كيتن !! ) فى ناس ( البندر !!! ) و ( ام خرتم !!! )


    حلو يا ماجد انت من فين يا رجال؟
                   |Articles |News |مقالات |بيانات

04-12-2006, 02:27 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: الفاروق اخوي دبلوماسية إستحواذ حب الغير موهبة تلازم الانسان من الصغر وحتى الكهولة وافضل ادوات هذه الدبلوماسية الابتسامة الصادقة .



    الطيب أخوي السطرين الفوق ديل مافهمتهم هلا شرحت,,,!!!! باقي نحن ناس فهمنا

    تقيييييييييييييييل .... لأنه البوست ده أنا عملته لأنك خصمتني بالنبي,,,



    أنا راجع ,,, ماشي المحكمة الشرعية أعمل طلقة تأديبية لواحدة من الحريم

    الأربع,,,, وبجيكم صادي
                   |Articles |News |مقالات |بيانات

04-12-2006, 02:55 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: أنا راجع ,,, ماشي المحكمة الشرعية أعمل طلقة تأديبية لواحدة من الحريم


    اهم معلومة يا الفاروق تطلع بيها من البوست ده - اكيد انت بتكون عارفها - وهى انك الان في عدة طالما متزوج اربعة وطلقت الرابعة . فلا يجوز لك شرعا الزواج من رابعة اخرى مالم تكمل الرابعة المطلقة عدتها.

    ومن اصعب الاسئلة التى تعرض للناس في شكل غلوتيات هى ( اذا كانت للمرأة عدة فهل للرجل عدة ايضا؟)

    الاجابة نعم :

    الحالة الاولى هى حالتكم تلك .
    الحالة الثانية اذا تزوجت امراة وطلقتها لا يجوز لك زواج اختها ما لم تخرج الاولى من عدتها .


    الحالتان اعلاه هما حالتا عدة الرجل .
                   |Articles |News |مقالات |بيانات

04-12-2006, 03:57 AM

Adel Sameer Tawfiq
<aAdel Sameer Tawfiq
تاريخ التسجيل: 05-10-2006
مجموع المشاركات: 1074

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: اذا كانت للمرأة عدة فهل للرجل عدة ايضا؟

    تصدق ياالطيب السؤال ده سألوني ليه في المعاينة للإلتحاق باالقضائية !! رأسي شطب..أنا حافظ عدة المطلقة..عدة المتوفي عنها زوجها..عدة الحرة و عدة الخادم..أي عدة حافظها صم..تقوم تطلع لي عدة الرجل !! المهم قعدت أضحك..ناس اللجنة سألوني بتضحك مالك ؟! قلت ليهم إتذكرت نكتة ، قالوا لي أحكيها لينا ! حكيت ليهم نكتة "بلد الميون شهيد" !! ماخلاص أنا قنعت !! ضحكواااا وقالوا لي ابدآ نحن ماقاصدينك وعشان كلامك دا أديناك النمرة الكاملة في السؤال دا !! وقالو لي إنت أصلآ ماعرفت الإجابة عشان مافي رجال بيعرسوا اربعة الزمن دا !! الحقيقة دا كان السؤال الوحيد الماعرفت اجاوبه !! وفعلآ عند التعيين كنت الأول على دفعتي !!
    (((أنــــــــــــــــــــا)))
                   |Articles |News |مقالات |بيانات

04-12-2006, 04:35 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: حيث أحيا

    حفلاته عدد من فناني البندر وشهده الناظر ود العجب


    (فنانين) شنو والله دلوكة وصوت يولع وحسوة ( مريسة باردة خفيفة التركيز) والهلال في الراس والحريرة في اليد والحجاب في الضراع مفنتر شايل يد الجلابية لفووووووق . والضريرة حلوة .
                   |Articles |News |مقالات |بيانات

04-12-2006, 04:54 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: قلت ليهم إتذكرت نكتة ، قالوا لي أحكيها لينا ! حكيت ليهم نكتة "بلد الميون شهيد" !! ماخلاص أنا قنعت !! ضحكواااا وقالوا لي ابدآ نحن ماقاصدينك وعشان كلامك دا أديناك النمرة الكاملة في السؤال دا !!


    مولانا عادل الناس ديل عجبهم تصرفك وبالنسبة ليهم يبز ميزة فيك اكتر الاجابة على سؤالهم .

    لدى معاينتي في سوق مسقط وبعد استقر الشورت لستنج في ثلاثة فقط طلبنا لمقابلة لجنة مكونة من عشرة اشخاص واى منا يقابل منفرد. ناس اللجنة وضعوا لى شاى امامي قالوا لى اشرب الشاى ده لت ليهم جدا لكن ابدأوا بالاسئلة قالوا لى لا اشرب اول - كنت مسترخي جدا - عندى ليكم سالفة عن الشاى والمعاينات عدلوا جلستهم وفتحوا عيونهم وضحكوا قالوا لى اسمعنا اياها .

    قلت ليهم زمان التعيين للعمل الدبلوماسي في السودان بيكون بعد اجتياز الامتحانين التحريري والشفوي وبعد اجتياز ذينك الامتحانين يحال المتقدم للوظيفة لاختصاصي امراض نفسية وعصبية . وقلت ليهم في بنية حلووووة شديد ( طبعا يعاينوا لى ساى ) نجحت في الامتحانين التحريري والشفوى واحالوها الى الطبيب النفسي - وقتها اكان حسبو سليمان - رحمه الله-.

    الدكتور حسبوا اقعدها في كرسي جنبه وعرض ليها كوب من الشربات وبدأ يسأل فيها فقبل تجيب على السؤال الاول شربت الشربات . وعاينت للدكتور قالت ليهو أسأل قال ليها اسال شنو انتى للاسف ساقطة لان الدبلوماسي ما ملهوف للشراب بشرب الكباية بهدؤ وربما يتركها مليانه ويمشى . طبعا الجماعة نسوا اسئلتهم وبقيت انا بسأل فيهم وهكذا ...


    مودتي

    (عدل بواسطة الطيب شيقوق on 04-12-2006, 06:15 AM)

                   |Articles |News |مقالات |بيانات

04-12-2006, 05:52 AM

Kamal Mahjoob

تاريخ التسجيل: 02-11-2006
مجموع المشاركات: 559

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    الحبوبة أ. فاروق و(العم) الطيب شيقوق
    من ضمن الأسماء التي أبحث عنها دائما في هذا البورد اللعين والذي ضيع على وقتي وجاب لي وجع الضهر ، اسم استاذنا و(حبوبتنا) أ. فاروق ،، في كل ما يكتب جادا كان أم هازلاً.
    يا اخوانا شكرا ليكم على هذا البوست الجميل والذي أرجعني لذكريات طفولتي الكالحة فقد كانت عبارة عن نكتة طويلة ... رجاء اواصلوا في الكتابة في هذا البوست ...
    شكرا لكما
                   |Articles |News |مقالات |بيانات

04-12-2006, 06:21 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: Kamal Mahjoob)

    شكرا اخى كمال وخليك معانا ربنا يلزمك الصبر علينا

    مودتي
                   |Articles |News |مقالات |بيانات

04-12-2006, 06:32 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: Kamal Mahjoob)

    ياعم فارووق .. ات ما شايف الانـــــــــــــــــــــــــــــــــــا..؟؟؟

    اتخيل الحليبي والعرريب واقعيين في خلق الله اخر انـــــــــا ؟ الطلع اول والطلع الشجرة ؟؟ انتو لو شاطريين قد الشطارة دي شن رماكم معانا الرمية السودة دي ؟؟؟ يعني ما عندكم قريب بسوق مدرعة او باقلو كومر تكوركو معاهو "فوق" وكده واحد يتعيين منكم زيرعدل والتاني برضو زير عدل( استبن-اسبير-لزوم الطوارئ) ...

    قال "انــــــــــــــــــــا" قال ...
                   |Articles |News |مقالات |بيانات

04-12-2006, 06:30 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: اهم معلومة يا الفاروق تطلع بيها من البوست ده - اكيد انت بتكون عارفها - وهى انك الان في عدة طالما متزوج اربعة وطلقت الرابعة . فلا يجوز لك شرعا الزواج من رابعة اخرى مالم تكمل الرابعة المطلقة عدتها.


    تصدق يا الطيب من الأشياء التي يندهش لها الناس هو معرفتي

    بالفقه وعلوم الشريعة فقد أنفقت مايقارب العقدين في دراسة

    مقاربة الفقه الاسلامي بالديانات الأخرى ... وبما إنك دارس

    للشريعة فإني أسألك "بجد" عن حكم المفاخذة والقبلة وغيرها

    في الشريعة الغراء مع غير الحليلة (الزوجة) ؟؟؟؟؟
                   |Articles |News |مقالات |بيانات

04-12-2006, 06:29 AM

abdelgadir mustafa

تاريخ التسجيل: 27-08-2006
مجموع المشاركات: 524

للتواصل معنا

FaceBook
تويتر Twitter
YouTube


العزيز فاروق حامد (Re: فاروق حامد محمد)

    الاخ فاروق حامد
    نعلم ان مقدمه الكتاب فى بدايتها ولكن كنا نامل ان نعرف شئيا عن مولد الحبيب شيقوق الدايه التى اخرجته للبسيطه والحبل الذى امسكت به امه وهى تضعه و العنقريب الهباب الذى وضع فيه بعد الولاده كراع العنقريب واستخداماتها فيها بيربطوا العتود وبيفقشوا فيها البصل لملاح الروب ويوضع بها جفير سكين الوالد وفيها يتم القضاء على حشرات الراس الذى تفليه الحبوبهويستخدم مناديل ورق للمخاطه هذه التفاصيل حول شيقوق واثرها على النشاه والتاريخ وكيف تجاوب مع مواليد الراهبات وحبيان البلاط والرضعوا بزازات ثم تفاصيل العراقى الذى لبسه وهو يذهب للمطامير وهل شيقوق كان مطموس ولا ولد مسكين هل بيقدم السخيلات وغير ذلك من تبش بالشطه وعنكوليب هذه تفاصيل تساعدنا ان نقراء ودشيقوق
    عموما نحن نتظر لاكتشاف انفسنامن خلال الكتاب
    وان عدتم عدنا
                   |Articles |News |مقالات |بيانات

04-12-2006, 08:14 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: العزيز فاروق حامد (Re: abdelgadir mustafa)

    الاخ فاروق حامد
    نعلم ان مقدمه الكتاب فى بدايتها ولكن كنا نامل ان نعرف شئيا عن مولد الحبيب شيقوق الدايه التى اخرجته للبسيطه والحبل الذى امسكت به امه وهى تضعه و العنقريب الهباب الذى وضع فيه بعد الولاده كراع العنقريب واستخداماتها فيها بيربطوا العتود وبيفقشوا فيها البصل لملاح الروب ويوضع بها جفير سكين الوالد وفيها يتم القضاء على حشرات الراس الذى تفليه الحبوبهويستخدم مناديل ورق للمخاطه هذه التفاصيل حول شيقوق واثرها على النشاه والتاريخ وكيف تجاوب مع مواليد الراهبات وحبيان البلاط والرضعوا بزازات ثم تفاصيل العراقى الذى لبسه وهو يذهب للمطامير وهل شيقوق كان مطموس ولا ولد مسكين هل بيقدم السخيلات وغير ذلك من تبش بالشطه وعنكوليب هذه تفاصيل تساعدنا ان نقراء ودشيقوق
    عموما نحن نتظر لاكتشاف انفسنامن خلال الكتاب
    وان عدتم عدنا



    كل هذا مكتوب وسينزل تباعا ,,,,,

    أما الولد شيقوق فقد كان ولدا مطموسا وسآتيك بأخبار طمسته

    بعد القيلولة .....


    إت يا الطيب على زمنكم كان في حاجة إسمها القيلة في العرس
                   |Articles |News |مقالات |بيانات

04-12-2006, 10:09 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: العزيز فاروق حامد (Re: فاروق حامد محمد)

    Quote: إت يا الطيب على زمنكم كان في حاجة إسمها القيلة في العرس


    انا قلت ليك بتلخبط علينا تسلسل الاحداث ما ممكن تنط بينا للقيلة في العرس ونحن في مرحلة الحجبات وفي مراحل التحلية بالفول المدمس .

    انا اقترح تعاونك مع الاستاذ عبد القادر مصطفي لا سيما وانه قدم مداخلة جميلة فيها الولادة وفيها وفيها . هسه انا امشى وين ارجع للحفرة الدفنوا فيها الصرة بسعفتها ولا الطهورة ام جبيرة ولا ادوس ابنص اجي سايرين في المحطات دى وانتكي بيكم في القيلة والسيرة بالجمال .

    اتفقوا وحددوا خارطة طريق يتوخى فيها لزوم تسلسل الاحداث .

    يا ابا بكر ممنوع التحدث مع السائق .

    للرد على السؤال الخاص بشرعية القبلة http://www.islam-qa.com/special/index.php?
    ref=12663&ln=ara&subsite=16

    (عدل بواسطة الطيب شيقوق on 04-12-2006, 10:21 AM)

                   |Articles |News |مقالات |بيانات

04-12-2006, 10:59 AM

احمد حماد ادريس

تاريخ التسجيل: 05-11-2006
مجموع المشاركات: 292

للتواصل معنا

FaceBook
تويتر Twitter
YouTube


Re: العزيز فاروق حامد (Re: الطيب شيقوق)

    استاذ الاجيال فاروق حامدواخونا الاكبر المهندس ابوبكر التيمس بتاع ناس الطيب دا لايوجد له سجل فى ملفات الشرطة ويقول بعض العارفين انه كان اصلا عربة مدرعة او مصفحة ابلت فى كررى بلاءا حسنا وبعد انتهاء المعركة وبمرور لزمن كشت فحورت الى عربة مجهولة الماركة فى السودان تسمى التيمس بلاد برة المعلى رفارفةينطبق عليها كلمات الاغنية ..تمشى خطوة اثنين مستحيل ..هل تصدق يا فاروق ان هذا التيمس كل شىء فيه بيصدر صوت الا البورى حقو..وقد هجاها شاعرنا البشير بتشديد الياء وكسرها بالقصيدة التالية..
    لكم فى الحظ سيارة حديث الجار والجارة
    اذا حركتها مالت على الجنبين منهارة
    قد تحرن احيانا وتمشى وحدها تارة
    ولا تشبعها عين من الجزلين فوارة
    ولا تروى من الزيت وان عامت به الفارة
    ترى الشارع فى ذعر اذا لاحت من الحارة
    وصبيانا يضجون كما يلقون طيارة
    فقد تمشى متى سارت وقد ترجع مختارة
    وعندما حاول عمى مضوى ود شيقوق او هم بزجر الشاعر وغضب منه لانه هجا دبابته اقصد سيارته استعطفه بقصيدة رق لها قلب عمى مضوى وعفا عنه وتبدا القصيدة ..
    يابا مضوى انا شن سويت ..لا نبذت ولا دعيت..
    هذ التيمس الان صار مربط للمتليب والمنادهيب والبعض استفاد من حديده فى الحاحايا..منى خوجلى وسميه بنت الحسن وبقية العقد الفريد لكم تحياتى
                   |Articles |News |مقالات |بيانات

04-12-2006, 11:19 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: العزيز فاروق حامد (Re: احمد حماد ادريس)

    Quote: تمشى خطوة اثنين مستحيل


    كتر خيرك يااحمد علي المعلومة الضرورية وانا اقول العرريب دة مالو رحلة عمرو ومشوار سنينو محلك سر .. اصلو روحو في التيمس دة ؟؟؟
                   |Articles |News |مقالات |بيانات

04-12-2006, 11:04 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: العزيز فاروق حامد (Re: الطيب شيقوق)

    Quote: الفاروق اخوي دبلوماسية إستحواذ حب الغير موهبة تلازم الانسان من الصغر وحتى

    الكهولة وافضل ادوات هذه الدبلوماسية الابتسامة الصادقة .



    ابننا العزيز الطيب ود شيقوق

    قبييييييييييييييييل انا سعلتك سعال لكنك عملت شغل المحامين

    وجهجهت السؤال والسعال هو :



    الطيب أخوي السطرين الفوق ديل مافهمتهم هلا شرحت,,,!!!! باقي نحن ناس فهمنا

    تقيييييييييييييييييييييييييييييييييييييييييييييييييل ....

    وعليه نرجوك سرعة تفهيمنا




                   |Articles |News |مقالات |بيانات

04-12-2006, 11:13 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: العزيز فاروق حامد (Re: abdelgadir mustafa)

    Quote: نقراء ودشيقوق


    شفت ليك واحد بيقرا ديكشنري وكمان صيني اهو العرريب ودشيقوق ...
    بختك اقراهو ....
                   |Articles |News |مقالات |بيانات

04-12-2006, 12:42 PM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: العزيز فاروق حامد (Re: abubakr)

    صدقوا اولاتصدقوا أنا كلمة الفرينى دى أول مرة أسمع بيها
    ولما قريتا أول مرة قايلاها اسم كتاب او كاتب اجنبى استقيتم
    منه هذه السيرة الشيقوقية اللامتناهية
    واتصلت بأقدم حبوبة عندنا فى الحلة للإستفسار...قالت حدثها جدها
    عن جده :ـان الفرينى كان عملة على زمن أجداده
    عليكم الله الطيب ودشيقوق ده من العصر الحجرى ولاشنو...الزول ده قديم قدم
    شين خلاس...لكن ياجماعة ده دليل الأصالة...نحنا عتدتا الزول مواعينو فى
    البيت كان مابقت قديييمة ومطفقة ومطرقعة ماهو زولا عتيق...الزول العدتو نضييقة
    تلمع ده مستجد...اما وسخ الهدوم دليل الكرم والأكل المتوفر وكتييير
    ما سمعتواالشاعر يهجى اناسا بخلاء فقال:ـ
    ثياب طباخهم إذا اتسخت أنقى بياضا من القراطيس
    ودمتم عامرين.
                   |Articles |News |مقالات |بيانات

04-12-2006, 01:51 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: العزيز فاروق حامد (Re: سمية الحسن طلحة)

    Quote: الحبوبة أ. فاروق و(العم) الطيب شيقوق
    من ضمن الأسماء التي أبحث عنها دائما في هذا البورد اللعين والذي ضيع على وقتي وجاب لي وجع الضهر ، اسم استاذنا و(حبوبتنا) أ. فاروق ،، في كل ما يكتب جادا كان أم هازلاً.
    يا اخوانا شكرا ليكم على هذا البوست الجميل والذي أرجعني لذكريات طفولتي الكالحة فقد كانت عبارة عن نكتة طويلة ... رجاء اواصلوا في الكتابة في هذا البوست ...
    شكرا لكما



    كمال يا كمال يا حرف الإس

    شوف يا كمال يا حرف الإس وهذه نكتة ذكروني أحكيها ليكم بعدين,,,,

    الوحيد الفي البنبر ده حبوبة هو منى خوجلي بدليل إنه عاملين ليها

    بوست حبوبات عديييييييييل كده... وهي مبسووووووووووووووووووطة!!!!!!!

    أحد أصدقاء عمري شيخ عرب من أهلنا الكواهلة وهو رجل مثقف ومستنير

    وبرغم إنه عنده دكتوراه في الصيدلة لكن حافظ أي مسدار في الدنيا حتى

    لو كان مسدار هندي !!! ولما ينبسط يدوبي لمن الله يغفر ليه ...أها زولي

    ده عرسوا بنته فسألته عن مشاعره ـ وكان يحبها دون إخوتهاـ بعد أن ذهبت مع

    زوجها... "فصنقع" ثم "دنقر" ثم فتح الله عليه وقال وهو في حالة أسى : تعرف

    يا فاروق المشكلة مافي عرس البنية !!! المشكلة... المشكلة... في رويحتي دي!!!

    فقلت ليه يعني زعلان عشان مشت منك بعد ما ربيتها وعلمتها ثم ذهبت عنك

    بمحض اختيارها ... فحدج فيّّّّّّ وقاطعني قبل إكمال حديثي : أبدا والله هي كان

    طارت ما تطير طير الدريش من ..... المشكلة ياخي أنا حأستحمل كيف أكون

    ساكن ليّّّّّّّّّّّّّّّّّّّّّّّّّّّّّّّّّّّّّّّّّّّّّّّ مع (حبوبة) !!!! وهنا شعرت بحجم المأساة التي ستواجهنا نحن

    معشر الرجال ... ولهذا يفضل 75 بالمائة من الرجال الرحيل في هدوء الى

    الدار الآخرة بينما تعيش النساء بعدهم عشرات السنين وهذا average عالمي

    ( طبعا حسع حيدخلوا الجندريات ويورني المكشن بلا بصلة)

    هذا وأستغفر الله لي ولكم.... قوموا الى الى مداخلاتكم يرحمني ويرحمكم الله !!!!!!


                   |Articles |News |مقالات |بيانات

04-12-2006, 02:09 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: العزيز فاروق حامد (Re: سمية الحسن طلحة)

    Quote:
    صدقوا اولاتصدقوا أنا كلمة الفرينى دى أول مرة أسمع بيها
    ولما قريتا أول مرة قايلاها اسم كتاب او كاتب اجنبى استقيتم
    منه هذه السيرة الشيقوقية اللامتناهية
    واتصلت بأقدم حبوبة عندنا فى الحلة للإستفسار...قالت حدثها جدها
    عن جده :ـان الفرينى كان عملة على زمن أجداده



    كمان يا بت طلحة ما تبالغي !!!! عارفنك صغيرة لكنك ماك جاهلة ,,,

    الفريني ده كان متداول حتى الستينات ... والشباب المرتضى وود شيقوق

    باعوا واشتروا بيه ... أما أنا شخصيا فلم أشهد ذلك العهد... والله على

    ما لا أقول شهيد !!!!!!
                   |Articles |News |مقالات |بيانات

04-12-2006, 12:53 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: البيت كان مابقت قديييمة ومطفقة ومطرقعة ماهو زولا عتيق...الزول العدتو نضييقة
    تلمع ده مستجد...اما وسخ الهدوم دليل الكرم والأكل المتوفر وكتييير


    وانا اسال روحي كل ما اشوف مسرحية في التلفزيون اس دي تي في " يارب الاصالة والعتاقة دي من وين ؟ " ..
    ياسلام.. عتاقة.. يالطيب يا عرريب مدرسة الواقع ...

                   |Articles |News |مقالات |بيانات

04-12-2006, 01:59 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: (فنانين) شنو والله دلوكة وصوت يولع وحسوة ( مريسة باردة خفيفة التركيز) والهلال في الراس والحريرة في اليد والحجاب في الضراع مفنتر شايل يد الجلابية لفووووووق . والضريرة حلوة .


    اها دة كان قبل "الحت" والا بعدو ؟؟
    انت حتدخل النار ياشراب المريسة ...
                   |Articles |News |مقالات |بيانات

04-12-2006, 02:16 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    Quote: صدقوا اولاتصدقوا أنا كلمة الفرينى دى أول مرة أسمع بيها
    ولما قريتا أول مرة قايلاها اسم كتاب او كاتب اجنبى استقيتم
    منه هذه السيرة الشيقوقية اللامتناهية
    واتصلت بأقدم حبوبة عندنا فى الحلة للإستفسار...قالت حدثها جدها
    عن جده :ـان الفرينى كان عملة على زمن أجداده



    بت طلحة اتذكرت الآن فعلا تكوني ما سمعت بيهو

    لأن العررروب كانوا بسموه (أبقرشين) أما أولاد

    البندر كانوا بقولولو الفريني ,,,,,

    ودمت ........
                   |Articles |News |مقالات |بيانات

04-12-2006, 02:29 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: واتصلت بأقدم حبوبة


    يالفاروق ..ياخي الاعراب دييل يحيرو الواحد.. بتاع الفريتي وعربية التيمس حالة وبتنا دي العندها حبوبات درجات حالة تانية ؟
                   |Articles |News |مقالات |بيانات

04-12-2006, 02:44 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    Quote: ثياب طباخهم إذا اتسخت أنقى بياضا من القراطيس


    خذوا نصف دينكم من هذه الحميراء
                   |Articles |News |مقالات |بيانات

04-12-2006, 03:17 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: خذوا نصف دينكم من هذه الحميراء



    "صدق رسول الله صلى الله عليه وسلم"
                   |Articles |News |مقالات |بيانات

05-12-2006, 00:05 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: البندر كانوا بقولولو الفريني ,,,,,


    يا حليلك النائم على حيلك بقيت تزور التاريخ يا أنــــــــــــــــــــــــــــا مصطلح فريني كان اكثر شيوعا في طاولة الدو والتريس البرتيتة . وكان الفريني اكبر دوسة في ذلك الزمان اما الشلن فلم يستعمل كدوسة الا في قعدات جيل ما قبل جيل عوض دكام .
                   |Articles |News |مقالات |بيانات

05-12-2006, 00:21 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: هذ التيمس الان صار مربط للمتليب والمنادهيب والبعض استفاد من حديده فى الحاحايا..منى خوجلى وسميه بنت الحسن وبقية العقد الفريد لكم تحياتى


    وووووووووووووب ود حماد الكلام ده جبتو من وين كلو صاح ناقص حاجة واحدة بس - صندوق التيمس موجود لحدى هسه وعاملنو مشر للويكة ايام الدرتية والله مقلاية بس ، تقطع الويكة وتشرها في صاجات التيمس بعد ساعة توديها الفندق طوالي .
                   |Articles |News |مقالات |بيانات

05-12-2006, 01:09 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: تقطع الويكة وتشرها في صاجات التيمس بعد ساعة توديها الفندق طوالي .


    مشكلتك ياودشيقوق انك عراريب بتطلعات بندرية.. في البندر عندنا ما في ويكة في الفنادق دي عندكم في الوكالات (رواكيب)
                   |Articles |News |مقالات |بيانات

05-12-2006, 02:27 AM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    مشكلتك ياودشيقوق انك عراريب بتطلعات بندرية.. في البندر عندنا ما في ويكة في الفنادق دي عندكم في الوكالات (رواكيب)
    ...........................................................................................
    ومشكلتكم انكم رطانة بتطلعات ثقافية...نفس مشكلة ودشـيقوق...اسمعوا العربى الأمو بت عم أبو:ـ
    إن المقصـود لفظ( فنـدك ,وليـس فندق كما زعم ابن شـيقوق)
    وهو أداة لطحن ودق الويكة والشـمار وكـل أنواع البهـا ر
    أسـألوا الفاروق أين يـدق هـذا الشمار المدقوق؟
    وإذا شكل عليكم الأمر (أسألوا أهل الذكر إن كنتم لاتعلمون) صدق الله العظيم.
    رجاءا ماتجغمسوا لينا فى عربينا ده.( حتى أنت يا شيقوق ؟؟؟ معقول فندق؟؟؟)
                   |Articles |News |مقالات |بيانات

05-12-2006, 03:00 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: ومشكلتكم انكم رطانة بتطلعات ثقافية

    اها شفتينا نتكلم عن الحطيئة وتابط شرا (دي اسامي دي وكمان ثقافة عربية )"

    Quote: فنـدك


    ده مش البيشبه الزير وعندو اضنيين ... شفتو في التي في WOW !!! VERY ORIGINAL "


    Quote: رجاءا ماتجغمسوا لينا فى عربينا ده.( حتى أنت يا شيقوق ؟؟؟ معقول فندق؟؟؟)


    هي دي اصلها مجغمسة يعني ما بتقولي" التير بنشر وطرشت الدرويل يعدل الويرات مالت الانتنا بشان اطالع ال تي في السيارة واخابر رفيقاتي نطلع كشته عقب الدروييل يبدل التيرات "
                   |Articles |News |مقالات |بيانات

05-12-2006, 03:13 AM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    لا تفهمونا غلط
    ...........................................................................................
    {اها شفتينا نتكلم عن الحطيئة وتابط شرا (دي اسامي دي وكمان ثقافة عربية )"

    ...........................................................................................
    يا جماعة الثقافة ما هى العربية وبس!!! انت براااك قلت علمنا العرب رطانتنا وما اتعلمنا منهم
    ولالالانمة(شـهـد شـا هـد مـن أهـلـه)...دريول وتيرات وضرامات...دى ذأأأتا ماأأأ ثقافة.
    وينى الجغمسة هسع؟
                   |Articles |News |مقالات |بيانات

05-12-2006, 03:33 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: سمية الحسن طلحة)

    Quote: ومشكلتكم انكم رطانة بتطلعات ثقافية...نفس مشكلة ودشـيقوق...اسمعوا العربى الأمو بت عم أبو:ـ
    إن المقصـود لفظ( فنـدك ,وليـس فندق كما زعم ابن شـيقوق)
    وهو أداة لطحن ودق الويكة والشـمار وكـل أنواع البهـا ر
    أسـألوا الفاروق أين يـدق هـذا الشمار المدقوق؟
    وإذا شكل عليكم الأمر (أسألوا أهل الذكر إن كنتم لاتعلمون) صدق الله العظيم.
    رجاءا ماتجغمسوا لينا فى عربينا ده.( حتى أنت يا شيقوق ؟؟؟ معقول فندق؟؟؟
    )

    يديك العافية يا بت طلحة اتلافيتيني طاااااااااااااب

                   |Articles |News |مقالات |بيانات

05-12-2006, 04:09 AM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: يا جماعة الثقافة ما هى العربية وبس!!! انت براااك قلت علمنا العرب رطانتنا وما اتعلمنا منهم
    ولالالانمة(شـهـد شـا هـد مـن أهـلـه)...دريول وتيرات وضرامات...دى ذأأأتا ماأأأ ثقافة.
    وينى الجغمسة هسع؟


    العربية دي ما ياها الانتي بتبدعي بيها دوبيتا وانا ما قادر الاحق وافهم شن بتقولي ولو كنت مثقف عربيا لفهمتها .. دحين انا بفهم دريول وكشتات وتيرات احسن ..
    ما عليكي بودشيقوق .. دة طلع عريبي فشنك ما بيعرف الفندك الانا بعرفو ..هو فاضي من الحت ..
                   |Articles |News |مقالات |بيانات

05-12-2006, 05:45 AM

سمية الحسن طلحة

تاريخ التسجيل: 18-11-2006
مجموع المشاركات: 4712

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    ما عليكي بودشيقوق .. دة طلع عريبي فشنك ما بيعرف الفندك الانا بعرفو ..هو فاضي من الحت ................................................................................

    والله كلامك صـاح...غايتو نحنا ماعتدنا عربى بحت ...العرب بعرضو وبباطنو
    ( البطان هو الضرب بالسوط )...ما سمعت ود الشوبلى قال:ـ
    العربى ان رقـص ألبل قرونن قامت
    (البل معناها الإبل)
                   |Articles |News |مقالات |بيانات

05-12-2006, 06:31 AM

almulaomar
<aalmulaomar
تاريخ التسجيل: 08-07-2002
مجموع المشاركات: 6455

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote:
    انا قايل الملاعمر دة من صورتو المعلقة انو " من غير الناطقيين بها" وما دريت انو بقول العربي بتاع العراريب ..كان كدة يجيب معاهو مترجم المرة الجاية يامولانا (المحاكم كيف تشتغل الزمن ده بدون مترجم؟؟ )

    الكلام أعلاه لأبي بكر أو أبو بكر أو أبا بكر أياً كان موقعه من الإعراب وفي الجملة ، والرد أدناه هو بعد تشاور وتحاور وتفاكر بيني وبين نفسي من جهة وبيني وبين أهل بيتي من جهة أخرى من مبدأ الرأي والرأي الآخر (رغم أن جدي لأبي كان يتمثل بالقول المغلوط "شاورن وخالفن" وهو في تقديري تفرقة عنصرية بينة وإضاعة وتسويف للزمن والجهد طالما أنني مبيت النية بمخالفة رأيهن فلماذا أشاورهن. رحم الله جدي وغفر له زلاته وهفواته وأخطائه ومن بينها gender and racial discrimination وهي تهمة خطيرة كانت يمكن أن تدخله في حيص بيص. لا عليكم دعوا جدي يرقد بسلام وأدعوا له بالرحمة والمغفرة
    وفي مطلع ردي على أخي الكريم أقول مستعينا بالله أخي abubakr
    لا يمكن أن أكون من غير الناطقين بها لأنه في هذه الحالة سوف أكون أبكماً والصواب أن أكون في زمرة "الناطقين بغيرها" علقت الصورة أم لم أفعل ، يقولون في بوادينا الأبت يا ريت تعود لينا بعد أن غزاها الدش بالكسر والضم فأصبحنا نستحم بعد أن كنا نتبرد عندما ، يقولون في هذه الأمصار عندما تركل أو ترفس الحمارة أو الحمار لافرق مستخدمة رجليها الخلفيتين double kick أو حتى سنغل كيك "الجنا نطقتو الحماره" أى رفستو طرحته أرضاً أم لم تفعل لا مشكلة ، فهل هناك علاقة بين أن تنطق الحمارة وينطق القاضي بالحكم وينطق غيرهما في أى نطاق كان.
    أخي فاروق حامد محمد
    ما يؤسف له أخي الكريم أن كتابكم قد أحالته لجنة المصنفات إلى لجنة الرقابة والمطبوعات التي أحالته بدورها إلى سلسلة من اللجان إنتهت إلى اللجنة العسكرية العليا ممثلة في فخامته وسيادته وسعادته وقد أجمع صاحب الفخامة وصاحب السيادة وصاحب السعادة بأن كتابكم المذكور يهدف إلى إثارة الفتن والفوضي في البلاد وإن من بين فصوله بحسب المختصر الذي أتيتم به في مقالكم هذا النعرة العنصرية والتحزب وروح القبلية والقبيلة الضيقة والتي فرقت حتى بين الأعراب فأصبح جزء منهم عرب عاربة وأخرى مستعربة ثوالثة بدون. عليه سوف لن يصدر كتابكم لأن فيه تهديد بين ومؤامرة مفضوحة تستهدف وحدة البلاد وسلامة أراضيه.
                   |Articles |News |مقالات |بيانات

05-12-2006, 07:08 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: almulaomar)

    Quote: والله كلامك صـاح...غايتو نحنا ماعتدنا عربى بحت ...العرب بعرضو وبباطنو


    افو افو دايرين تلهمونى الشينة يا ابا بكر وسمية انا قلت في بوست رحلة العمر ومشوار السنين انو اولاد البندر بحتوهو مع نغم زيدان ابراهيم عايزين كمان تدرعوها فوقي انا .

    من اليوم داك الرطاني مسك ليك في حتو حتو وحتات وحتات دى عندنا نحن فيها طعن بالسكين عديييييل .

    عليك الله الفاروق الحقنى جيب ليهم البوست داك هنا انا باقى الفنيات ما بعرفها عشان اقطع الشك من الكلام ده.
                   |Articles |News |مقالات |بيانات

05-12-2006, 01:30 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    First

    Quote: المتواجدون الان بالمنبر العام 270 شخص » (16 )عضو و (254) زائرا

    »abubakr
    »Adam D.El-Asha
    »Dr.Elnour Hamad
    »Emad Abdulla
    »Haitham El Galal
    »Kamal Mahjoob
    »khalid abuahmed
    »maia
    »wedzayneb
    »السنجك
    »الطيب شيقوق
    »الطيب شيقوق
    »الطيب شيقوق

    »عثمان سيد أحمد
    »عوض محمد احمد
    »محمد مكى محمد
    هذه الصفحة يعاد تحديثها كل 120 ثانية.
                   |Articles |News |مقالات |بيانات

05-12-2006, 01:23 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: والصواب أن أكون في زمرة "الناطقين بغيرها"


    عفوا اخي نعم "بغيرها " خطا مطبعي ...

    "الناطقيين بغير العربية" حتي لا تتحكر العربية ان قلنا "الناطقيين بغيرها" فيتهيا لها هي الوحيدة فتتضخم انـــــــــــأ العراريب ....

    اما انا ف "ابوبكر" فقط ....
                   |Articles |News |مقالات |بيانات

05-12-2006, 01:41 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    and second


    أنا غيرت رأيي ماعايزة الكتاب..خلاص عرفت الفيهو

    Quote: الاخ فاروق حامد
    نعلم ان مقدمه الكتاب فى بدايتها ولكن كنا نامل ان نعرف شئيا عن مولد الحبيب شيقوق الدايه التى اخرجته للبسيطه والحبل الذى امسكت به امه وهى تضعه و العنقريب الهباب الذى وضع فيه بعد الولاده كراع العنقريب واستخداماتها فيها بيربطوا العتود وبيفقشوا فيها البصل لملاح الروب ويوضع بها جفير سكين الوالد وفيها يتم القضاء على حشرات الراس الذى تفليه الحبوبهويستخدم مناديل ورق للمخاطه هذه التفاصيل حول شيقوق واثرها على النشاه والتاريخ وكيف تجاوب مع مواليد الراهبات وحبيان البلاط والرضعوا بزازات ثم تفاصيل العراقى الذى لبسه وهو يذهب للمطامير وهل شيقوق كان مطموس ولا ولد مسكين هل بيقدم السخيلات وغير ذلك من تبش بالشطه وعنكوليب هذه تفاصيل تساعدنا ان نقراء ودشيقوق
    عموما نحن نتظر لاكتشاف انفسنامن خلال الكتاب
    وان عدتم عدنا


    Quote: كل هذا مكتوب وسينزل تباعا ,,,,,


    بصراحة ده كتاب مهبب خالص!
                   |Articles |News |مقالات |بيانات

05-12-2006, 02:12 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: Muna Khugali)

    Quote: بصراحة ده كتاب مهبب خالص!


    نحن ديموقراطيون يا منى عوض خوجلي ونحترم رايك الرائع فقط نرجو منك تقبل الراى الاخر الذي يقول انو رايك Very subjective . صحيح قد نسمع ثمة اراء هناك وهناك تتفق معك في هذا الراي لكن لو سمعوك الهمباته الله بشتن بحالك والله تاني لا تشوفي لحظة ولا حتى اشواق .

    لك معزتي
                   |Articles |News |مقالات |بيانات

05-12-2006, 05:53 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: نحن ديموقراطيون يا منى عوض خوجلي ونحترم رايك الرائع فقط نرجو منك تقبل الراى الاخر الذي يقول انو رايك Very subjective . صحيح قد نسمع ثمة اراء هناك وهناك تتفق معك في هذا الراي لكن لو سمعوك الهمباته الله بشتن بحالك والله تاني لا تشوفي لحظة ولا حتى اشواق .



    انت بتهدد منى بالهمباتة يا الطيب ؟؟؟؟؟؟
                   |Articles |News |مقالات |بيانات

06-12-2006, 03:00 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: انت بتهدد منى بالهمباتة يا الطيب ؟؟؟؟؟؟


    لكن يا الفاروق منى دى دحين مش اتجاسرت علينا بالحيل كلامنا ده كلو تطلعوا مهبب ؟
    ما اعتقد ده رايها بتمزح سااااااااااي ما تزعلوا منها وواصلوا في مساديركم بتعود ليكم تاني .
                   |Articles |News |مقالات |بيانات

06-12-2006, 04:47 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: لكن يا الفاروق منى دى دحين مش اتجاسرت علينا بالحيل كلامنا ده كلو تطلعوا مهبب ؟
    ما اعتقد ده رايها بتمزح سااااااااااي ما تزعلوا منها وواصلوا في مساديركم بتعود ليكم تاني .




    الطيب أخوي

    تعرف عشان أفهمك ما أريد قوله لازم أرجعك 40 سنة

    لحلة كبسه رماه في أدغال الدندر!!!!!!


    تعرف يا الطيب منى دي زي الكسرة بي بملاح الموية

    لا بتغلط عليك ولا بتحتاج تغسل ايديك ,,,,,,,,,,,

    هي بس كانت قرفانة بس من حكاية البتاعة ديك البتطلع

    من المناخير ّّّّّّّّّّّّّّّّّّّّ!!!!!!!!!!!!!!!
                   |Articles |News |مقالات |بيانات

06-12-2006, 04:52 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: هي بس كانت قرفانة بس من حكاية البتاعة ديك البتطلع

    من المناخير ّّّّّّّّّّّّّّّّّّّّ!!!!!!!!!!!!!!!


    ووووووووب يا الفاروق وخلت لينا شنو تاني منى بت العوض ؟ دى اهلنا بيتباختوا بيها وكمان بقولوا شافعا ما خرت مناخير بيكون عندو رأى بعد يكبر وجملا ما خرت دوماتو ما فيهو عمار ...
                   |Articles |News |مقالات |بيانات

06-12-2006, 05:35 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)


    ووووووووب يا الفاروق وخلت لينا شنو تاني منى بت العوض ؟ دى اهلنا بيتباختوا بيها وكمان بقولوا شافعا ما خرت مناخير بيكون عندو رأى بعد يكبر وجملا ما خرت دوماتو ما فيهو عمار ...



    الطيب

    إت في زول غيري قال ليك إنت لذيذ جدا !!!!!!!

    من أمبارح ما ضحكت ,,,, وقد أضحكتني ألان ..أضحك

    الله سنك.....

    يعني الحاجة البتطلع من المناخير .. أهلكم بتباختو

    بيها؟؟؟؟؟؟؟؟ .... عشان كده بخلوها لامن تكدب !!!!!!

    والله منى ليها حق .....!!!!!!
                   |Articles |News |مقالات |بيانات

06-12-2006, 05:55 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: يعني الحاجة البتطلع من المناخير .. أهلكم بتباختو

    بيها؟؟؟؟؟؟؟؟


    ودى احلى حاجة فيها تكون لاصق بطنك بحجباتك مفنترة في ضهر ابوك وقتين يكون بيلعب سيجة او ام المنقلة او وقت يكون بيلعب بالتمر جوز وفرض زمااااااااااان في رمضان .

    يقبل عليك ابوك ، وهو في لعبو ، يخرتها منك لامن تتترتع بقفاك ويواصل في سيجتو ومنقلتو .
                   |Articles |News |مقالات |بيانات

06-12-2006, 08:16 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: ودى احلى حاجة فيها تكون لاصق بطنك بحجباتك مفنترة في ضهر ابوك وقتين يكون بيلعب سيجة او ام المنقلة او وقت يكون بيلعب بالتمر جوز وفرض زمااااااااااان في رمضان .

    يقبل عليك ابوك ، وهو في لعبو ، يخرتها منك لامن تتترتع بقفاك ويواصل في سيجتو ومنقلتو [/QUOT


    تاني يا الطيب بتجيب في سيرة البحر
                       |Articles |News |مقالات |بيانات

06-12-2006, 10:27 AM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    إخخخخيييييييييي...حـقيقي إخييييييييييي ..

    شـكرا يافاروق علشان انت فهمتني..وماكان دي بس لكن سبب تراجـعي من شـراء الكتاب
    أو حـتي أخـده هـديه..لكن كمان الحاجات ديك الجنب العنقريب وواحـدين فيهم بالساطـور...

    Quote: واستخداماتها فيها بيربطوا العتود وبيفقشوا فيها البصل لملاح الروب ويوضع بها جفير سكين الوالد وفيها يتم القضاء على حشرات الراس الذى تفليه الحبوبه ويستخدم مناديل ورق للمخاطه


    لأ خـلاص كـده كفايه!!
                   |Articles |News |مقالات |بيانات

06-12-2006, 10:35 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: Muna Khugali)

    Quote: لأ خـلاص كـده كفايه!!


    منى بت العوض لا الحاجات الجنب العنقريب ما واردة ما تطفري ساى هو تفتكري انا متذكرها عشان احكيها لكن قد ترد في سياق الحديث عن الفحولة وده حيفرد ليهو باب خاص ما تحضريهو ولما نهدى ليك نسخة من الكتاب بنقطّع منو اوراق هذا الباب.
                   |Articles |News |مقالات |بيانات

06-12-2006, 11:28 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: منى بت العوض لا الحاجات الجنب العنقريب ما واردة ما تطفري ساى هو تفتكري انا متذكرها عشان احكيها لكن قد ترد في سياق الحديث عن الفحولة وده حيفرد ليهو باب خاص ما تحضريهو ولما نهدى ليك نسخة من الكتاب بنقطّع منو اوراق هذا الباب.



    الطيب

    انت الما تطفر ساي !!!! فحولة شنو ياخي

    تكون قاصد فحول البصل ؟؟؟؟؟؟؟؟؟؟؟؟؟؟؟؟

    ياخي منى بتقصد الحاجات التانية ديك الكانوا

    بلبسوك عشانه بامبرز !!!! أقصد بامبرز دمورية

    وزن عشرة ,,,, مش كان كان مربيتك السويدية الطويلة

    ديك بتعمل ليك كده !!!!!! وبدقك لما تقلعها جنب العنقريب !!
                   |Articles |News |مقالات |بيانات

06-12-2006, 11:36 AM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: ياخي منى بتقصد الحاجات التانية ديك الكانوا

    بلبسوك عشانه بامبرز !!!! أقصد بامبرز دمورية


    المقاشيش راااااااااااااااقدة هى منى قايلانا نحن في لندن . والله يا الفاروق احلى حاجة في الدنيا دى تشيل ابريقك وتمشى بيهو الصى وتجرجر في ا########## بسوريبة زى العايز تمرق لك حد في نزاع ارض .

    يا حليل زمن الضل الرهين يا الفاروق ..................................................................................................
                   |Articles |News |مقالات |بيانات

06-12-2006, 01:17 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    Quote: المقاشيش راااااااااااااااقدة هى منى قايلانا نحن في لندن .



    يعني مصر يا الطيب تطفش البنية
                   |Articles |News |مقالات |بيانات

06-12-2006, 02:15 PM

Muna Khugali
<aMuna Khugali
تاريخ التسجيل: 27-11-2004
مجموع المشاركات: 22503

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: يعني مصر يا الطيب تطفش البنية


    أنا طـفشت خلاص يافاروق..الموضـوع فظيع خـالص..
    وإخيييييييي ذاتها بقت مابتعبر..
    نسيبكم مع......
    ومع............
    ومع............

    وهـو ذاتوبعـد كـده مافي مع أنيل من كـده

    يبقي اسيبكم بعافية

    مني
                   |Articles |News |مقالات |بيانات

06-12-2006, 01:46 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: تطلعوا مهبب ؟

    مني في دي كلها ذوق كالعادة ؟؟؟ قالت مهبب ... اخر لطافة يعني من الهباب والهباب اخف من النيلة ...في ذمتكم كتاب عن واحد حتات عينو زائغة مما هو في اللفة (يابتاع قروانة الطحنية وال ....)وكمان رحلة عمرو ومشوار سنينو انتهت في نهر جاف وعربية عمو التيمس قطعوها وعمل منها شوايات وكوانين وتسبب في تضخيم العملة السودانية في الظلروف الصعبة دي فزاد قيمة الفريتي بنص قرش وبعد دة كلو لم يعرف ارثا قوميا كالفندك فاعتبرها فندقا متيمنا باولاد البندر ..كتاب عن واحد بهذه السمات والاوصاف هل تفتكرو يساوي كتاب المفتش كونان( المفتش كونان .. المفتش كونان ... "اغنية جميلة لاولاد وبنات البندر " ؟؟؟؟

    (عدل بواسطة abubakr on 06-12-2006, 01:47 PM)

                   |Articles |News |مقالات |بيانات

06-12-2006, 02:26 PM

محمد عبدالله هارون

تاريخ التسجيل: 14-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: (فنانين) شنو والله دلوكة وصوت يولع وحسوة ( مريسة باردة خفيفة التركيز)





    المرسية البااااااااااردة وصلت ، باقي الحت حت حت ،،

    ياجماعة نزلو أغنية سيرة
                   |Articles |News |مقالات |بيانات

06-12-2006, 02:53 PM

محمد عبدالله هارون

تاريخ التسجيل: 14-07-2006
مجموع المشاركات: 0

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    {embed}{/embed}
                   |Articles |News |مقالات |بيانات

06-12-2006, 03:35 PM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: محمد عبدالله هارون)

    والله بختك يا يالطيب والله حفلة كااااااااااااااربة عملها

    ليك ود هارون ... حرم بقنيتها زبدها إلا كان تقطعه بسكين

    قريبك أحمد حماد ود ادريس....دقر دقر دقر يا عين !!!!!!!!!!!!


    أبشر بالخير يا عريس !!!!!


    بالله يا منى أرجعي شوفي الصبحية دي ,,,,
    ,,,
                   |Articles |News |مقالات |بيانات

06-12-2006, 10:09 PM

abubakr
<aabubakr
تاريخ التسجيل: 22-04-2002
مجموع المشاركات: 16044

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: فاروق حامد محمد)

    Quote: المرسية البااااااااااردة وصلت ، باقي الحت حت حت ،،


    اول مرة اشوفها(الرطان عندهم بلاوي تانية لا لون لها) ... هي لونها كدة بمبي ...بشان كدة وشيقوق دنياهو بمبي وواقع حت اربعيين سنة ...بس حت الكبار غير حت الصغار يالطيب ياحتات
                   |Articles |News |مقالات |بيانات

06-12-2006, 11:26 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    (حرم بقنيتها)

    ده موضوع بوست كارب الله يمسخك الفاروق البتعرف الشاردة والواردة في الدنيا كلها فعلا ليك الحق تقولها انــــــــــــــــــــــــــــــــــــــا

    وقد بشمن فما تفنى العناقيد

    انا الليلة جيت الصباح لقيتكم حعملتوا بلاوى كتلتني بالضحك لقيت البرمة متمسحة بقنية زبدها اتكاتل السكين ما تقطعه . بس لقيت منى ودعك ودى العوجة رجعوها خلوها تدخل الصبحية الكاربة دى .
                   |Articles |News |مقالات |بيانات

06-12-2006, 11:27 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: abubakr)

    (حرم بقنيتها)

    ده موضوع بوست كارب الله يمسخك الفاروق البتعرف الشاردة والواردة في الدنيا كلها فعلا ليك الحق تقولها انــــــــــــــــــــــــــــــــــــــا

    وقد بشمن فما تفنى العناقيد

    انا الليلة جيت الصباح لقيتكم عملتوا بلاوى كتلتني بالضحك لقيت البرمة متمسحة بقنية زبدها اتكاتل السكين ما تقطعه . بس لقيت منى ودعكم ودى العوجة رجعوها خلوها تدخل الصبحية الكاربة دى .
                   |Articles |News |مقالات |بيانات

06-12-2006, 11:39 PM

الطيب شيقوق
<aالطيب شيقوق
تاريخ التسجيل: 31-01-2005
مجموع المشاركات: 29058

للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    (المرسية البااااااااااردة وصلت ، باقي الحت حت حت ،،

    ياجماعة نزلو أغنية سيرة )

    محمد عبد الله هارون الله يمسخك دى شنو الجبتو ده ومن وين الا يكون من بقايا الارض المحروقة الله يحرقهم الحرقوا امة كاملة بتراثها العتيق .

    والله زمان البقنية او الحسوة او المريسة او الدقة respectively كان ليها طعم وكل ما اجقم منها اتذكر عمرو ابن كلثوم او عمرو ابن هند الله اعلم بيقول .

    صبنت الكأس عنا ام عمرو وكان الكاس مجراها اليمين
    وكاس قد شربت ببعلبك واخرى في دمشق وقاصرين

    ووووووووووووووووب انا من ايام زمااااااااااااااااااااان زمن البقنية يجلسوا حولها العرب والنوبة والدينكة والمساليت ( الواحد حافظ القرأن) والبرقو والشلك والشوايقة والجموعية والنوبة والقمر والحمر والمعاليا والشويحات يضحكوا ويرقصوا كلهم لا احقاد ولا احساد يا حليل ايام زمان التي ابتليت بالمشروع الحضاري وذهبت ادراج الرياح وها نحن نبكي على اطلالها.

    واصل لينا يا امحمد ود عبد الله هارون نحن معاك
                   |Articles |News |مقالات |بيانات

19-12-2006, 05:50 AM

khalid almohrib


للتواصل معنا

FaceBook
تويتر Twitter
YouTube


Re: كتاب الشمار المدقوق في سيرة العريبي الطيب بن شيقوق "تحت الطبع" (Re: الطيب شيقوق)

    الاخ الطيب انقطت منكم شويه معليش 0 لكن قريت لى شمار انك مسافر والله بنفقد ركن من اركان المنبرلكن دى حال الدنيا خلاص بقيت زول سفر شايفك لكن ربنا يهنيك مع الربع الهناك ومع الوليدات و مع العشيره0 قبال ماتسافر ادينا خبر 000 وابقى عشره مااوصيك0000
    اخوك ود المحرب

    (عدل بواسطة khalid almohrib on 19-12-2006, 10:33 AM)

                   |Articles |News |مقالات |بيانات


[رد على الموضوع] صفحة 1 „‰ 3:   <<  1 2 3  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de