|
|
 سلامتك يانزار...بعد الشر عليك
|
سلامتك يا نزار انشاء الله ما تشوف شر
سلامتك يا الهميم المن واجبه ما اتأخر
قدام في الصفوف ما بتجي تنجر
تبرا انشاء الله من الحمى والنيران ومن الحر
كدي اطرا العقاب جول بالخاطر اتذكر
سعيتاً مراح ورزقاً بالعساين فر
سادرة وواردة ، سارحة وعاقلة جوة الكر
تنسيك المرض تنفض الحرور والشر
سمية الحسن طلحة
|
|
 
|
|
|
|
|
|
|
 Re: سلامتك يانزار...بعد الشر عليك (Re: خالد المحرب)
|
Quote: سميه نزار بستاهل راجل شيخ عرب
وكده انا متاكد بجيك من الاخر وبنسى
الحمى وبعدين لازم تكون قدره يانزار
تعالى بى هناك مع اخوالك بى هناك |
تستاهل كل خير بسطا يزيدك عافية
يا اب أحمد سليل النم وأهل القافية
بت طلحة الكلام في لسانها جرعة وشافية
شن قدرناعوم بحر الدميرة الطافية
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
Quote: تعرف ياأبوبكر
نزار ده سحروه فى العزاء العملو ود المحرب
لأنو زول مجامل وتعب معانا شديد فى العزاء
والله مفقود ربنا يشفيه |
ما يفقدوك في شينة...
وتعبك راحة للهمباتي أخوك يا الزينة...
كان ناس نحن ما جاملنا ..ما عزينا
شن فايدتنا كان يوم الليالي حزينة
| |
|
|
|
|
|
|
|
|
|
Re: سلامتك يانزار...بعد الشر عليك (Re: ناذر محمد الخليفة)
|
الفيك اتعرفت يا ناذر
بس قول عايزني ادفع حاضر
القسط الكان بيناتنا زمان
ما كان بالجد
ما كنت حريف
وبدون تخريف
وهسع بالجد عامل بتهاظر
نزار دا منو؟
دا المو فشار
بس ما بيعرف يقدل زي مختار
ولا بيعرف يضرع بالامتار
لّساتك عايز تعرف مين هو نزار؟
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
| Quote: نزار ده سحروه فى العزاء العملو ود المحرب |
اولا "عزاء" ؟؟ ما انا معاكم كل يوم وما كلمتوني يعني بشان رطان وجعتكم عايزة ليها مترجم ...اتلومتو تب ..
______________________________
يارب يا كريم احمي ام احمد حتي من الزكمة مدام ودالمحرب اصحابو سحاحيير
| |
|
|
|
|
|
|
|
|
|
Re: سلامتك يانزار...بعد الشر عليك (Re: Ahmed Yousif Abu Harira)
|
Quote: ردا على سؤال أخونا ناذر
المقصود هو أخونا العزيز/ نزار حسين وله نقول:
أب رسوه البفك عٌقد الرباطها مشبك
تتعافى وتطيب بي جاه رسولك وربك
حليلو قصيدك الجزل البناهو ..مسبك
يطري الزول (فلانتنا) القرينها معبك |
لله درّك يا ابا حريرة...
هنا الكلام بقيف يا أحمد
| |
|
|
|
|
|
|
|
|
|
Re: سلامتك يانزار...بعد الشر عليك (Re: Muna Khugali)
|
Quote: نزار حسين سلامتك وتقوم طيب ان شاء الله..
سـلام أهلنا |
يا أم آية...لك من الشكر أخصه وأجزله...
عمك عتيق زمان كان بيقول...
الحب يا مناي في جوفي جزرو
ومدّو...
علّق روحي فوق وغرامي جاوز حدو
ما بنفع دفاع من سبدرات أو شدو
| |
|
|
|
|
|
|
|
|
|
Re: سلامتك نزار (Re: فاروق حامد محمد)
|
Quote: يا بت طلحة هو كان عندكم عزاء ؟؟؟؟
وبعدين نزار السحرو منو ؟؟؟؟ |
فاروق أنا زعلانة منك ومخاصماك
بس عشان العام الهجرى الجديد بجاوب على أسئلتك
ج1 ـأنت عارف العزاء وكمان شاركت فبه
ج2 ـأنا ذاتى ماعارفة.
كل سنة وانت طبب
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
سمية
Quote: سادرة وواردة ، سارحة وعاقلة جوة الكر
تنسيك المرض تنفض الحرور والشر |
سهل ممتنع ..
سأضع هذه الكلمات في بطاقة للمعايدة.
أتمنى أن تفتحي بوست للدوباى و المسادير ..
و للأخ نزار نقول أقبل مننا الأبيات أعلاه
| |
|
|
|
|
|
|
|
|
|
Re: سلامتك يانزار...بعد الشر عليك (Re: ابو جهينة)
|
أخى أبوجهينة أهنئك بمناسبة صدور مجموعتك القصصية والى الأمام
وأهنئك بالعام الهجرى الجديد جعله الله عام خير وبركة
وأهنىء نفسى بهذا الإطراء الذى أتانى من أديب لايشق له غبار
أما عن بوست الدوباى والمسادير فمسادير أخى منصور المفتاح لايعلى عليها
لك منى كل الود
| |
|
|
|
|
|
|
|
|
|
Re: سلامتك يانزار...بعد الشر عليك (Re: saadeldin abdelrahman)
|
يا ود النعيم اتلومتا لوم البي
ما تقوم بي نزار ده جاك محموم اهتهت
ورحب بيك وسوا الواجب تب يمين واجبه معاك
مكان جزره000000000000000000
البخلي المابعرف يغني اتهجم علي الغنا ويغني زي ود المحرب
والما كنتا عارفه انو بغنى احمد يوسف ابو حريره
اطلع من مدنيتو 0وادي نزار حقه ما بخليك انتا والغنا سيدو
تجامل بت طلحه و تقول فوق خاتي القول
اتلومتاتااااااااااااااااااااااااااااااب
ام احمد
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
Quote: يا ود النعيم اتلومتا لوم البي
ما تقوم بي نزار ده جاك محموم اهتهت
ورحب بيك وسوا الواجب تب يمين واجبه معاك
مكان جزره000000000000000000
البخلي المابعرف يغني اتهجم علي الغنا ويغني زي ود المحرب
والما كنتا عارفه انو بغنى احمد يوسف ابو حريره
اطلع من مدنيتو 0وادي نزار حقه ما بخليك انتا والغنا سيدو
تجامل بت طلحه و تقول فوق خاتي القول
اتلومتاتااااااااااااااااااااااااااااااب |
يام احمد انتي وودالمحرب بتلخبتوني .. هسع الكلام الكتير الفوق دة قريتو من كل الجهات اب سايد داون فروم بوتون تو توب كل الدويرات وال أأأأأأأ ت برضو وفي النهاية قت يمكن (خير اللهم خير ) انو زولكم ود النعيم ما عاود نزار المريض واتلوم مو كدة ؟؟ يعني لازم تدودورو (دي ما بعرفها شنو لكن الفارووق بيقولها وهو لبلب في العربي فقت اجربها كان طلعت اوت تبقي غلتة واعتمدت علي حيطة مايلة ) الرطاني ...
| |
|
|
|
|
|
|
|
|
|
Re: سلامتك يانزار...بعد الشر عليك (Re: abubakr)
|
والله يا ابوبكر ود المحرب يلخبط بلد، لكن برافو عليك بعد التعب ده كلو في الاخر فهمت الكلام ، انا خايفه بعد شويه تكون عاوز مترجم من العراريب عشان يترجم كلامك مع ساميه وتحصل عليك حكاية النكته ((واحد من العراريب قال عايز يعلم ولدو عشان يكون (modern) فجاب ليهو واحد خواجه عشان يعلمو اصول الاتيكيت ،دخلو مع الولد وقال ليهو بجيك بعد شهر ،عدا الشهر ورجع ودق الباب فتح ليهو الخواجه وقال ليهو(بتدور العوض) العوض ده اسم الولد ((انقلب السحر على الساحر))
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
سلامتك نزار
حسنة وأجر أن شاءالله
وما تشوف شر
وكفارة البيك يزول
.............................
رمية جابودي
واحد كان رايدلو واحدة وشوفتا بالحيل صعبت عليهو
مرض مرض عقلو وحماهو المرقة والناس جت عليها جات كفرتلو.. أكان هي الوحيده الما زارتو
الرمية بتقول:
ياالبخيت أنا لايم الجدي
سبعة يوم ناري موقده وناسي تمشي
ومالا ست الريد مابتجي
ربنا يديكم العافية
نورالهادي
| |
|
|
|
|
|
|
|
|
|
Re: سلامتك يانزار...بعد الشر عليك (Re: nourelhadi awad)
|
نور الهادى
دى زى قصة واحد كان عيان وست الريد ماجاتو
قام لمة شفع الحلة كلهم وقالهم بكريكم بى خمسة قروش
يس كوركوا بى طول حسكم النار النار... طبعا قدام بيتا
طوالى مرقت ...ياجهلا !!النار وين؟ زولناالعيان طوالى
أشر على قلبو وقال ليها النار هنا.
ــــــــــــــــــــــــــــــــــــــــــــــــــــــــــــــــ
أبوبكر مامعنى الكروة ؟
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
أم أحمد
تظهري ماتغيبي
ماناسيكم والله ذكراكم جوة بالي
ماتشوفي شينة باقي اليومين ديل بلملم في بكيات المنبر
ولغاية ماأجي الحوش
بلملم في الورود وألون في الكلام أكان ألقى حاجة تشبهكم وما أظني
كوني دائما بخير
نورالهادي
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
Quote: حمد الله على السلامة والشفا والعودة
ياسيد البصيرة النيرة مى مسدودة
لى رب العباد ايدينا دوم ممدودة
يحفظك الإله من كل شر وحسودة
|
رب القدرة خالقكم كرام لي حكمة
سمحين في الطبع لبقين وخاتين بكمة
غير دعوات صلاحكم ما جفتني الزكمة
فنقلت الحبوب والمرضة بي فد لكمة
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
يا ام احمد ,ويا ملكة الدوبيت
زولكم نزار كمان طلع بدوبي وشاعر .. يعني انا البراي اشتر لا بدوبي ولا بكتب شعر ولا بفهم نضم ود المحرب والدوباتية ( دي من عندي !).. ما عندكم دوباتي وشاعر بالاشتراك يعني زي اسسوسيت ميمبر Associate Memeber
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
ما تلومينى يا ام احمد تقولى مجافى
كفارة نزار يمين اركضلها حافى
تلبا زين منتدانا قول بديع وقوافى
كيف ابخل عليهو قولة سلام وعوافى
لك العتبى يا ام احمد حتى ترضى، وتحياتى للمحرب وانا حقيقة انشغلت كل الاسبوع الفائت ، واقول للاخ نزار:
يا القنديل سراج البيت حمدلا السلامة الجيت
وبركة الجيت اخ نزار وسلامتك من ام قشاقش ويلا قول اتحفنا قول
وبرجعلكم ان شاء الله
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
.
ألـف سـلامـة لـي شـيخ العروبـة نـزار
الكـلـس أب ضيـوفـآ سـووا بيتو مزار
بالشـفا و السـلامة تـخـفـف الأوزار
و يا بت الحـسـن جريتـي خـيت الزار
***
الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا
.
| |
|
|
|
|
|
|
|
|
|
Re: سلامتك يانزار...بعد الشر عليك (Re: Ahmed Yousif Abu Harira)
|
| Quote: يارب يا كريم احمي ام احمد حتي من الزكمة مدام ودالمحرب اصحابو سحاحيير |
يا رطاني انت سارح وين بت طلحة دى محجبة ومجصنة بذاتها من اى حاجة والله زى ابي درمبال كان فكيت فيها طلقة تجيك رادة .
بس حجابها شى بفسده في الدنيا وبودر مفعوله شئ واحد بس بيعرفه ود المحرب وام احمد انا ظنى تقرا ليهو الفاتحة بالقلبة تاني الهواب بجيب خبرها .
| |
|
|
|
|
|
|
|
|
|
Re: سلامتك يانزار...بعد الشر عليك (Re: الطيب بشير)
|
انا عاقب اللتر من فوق....عقبوني هنا ناسا عزاز بلحيل....
العزيز منصور المفتاح...والحبيب اسماعيل ود وراق...
شيخ دار جعل علي أحمد النعيم...المناضلة تراجي مصطفي...
...
لكم جميعا عميق شكري...
ولكم سمية ...عفاف...خالد...أحمد يوسف...كل المحبة...
أما ابو بشير...الصديق القديم فلابد من أن ندوبي ليه...
والليد في اللضان....دوبيتا بي نونايو
| |
|
|
|
|
|
|
|
|
|
Re: سلامتك يانزار...بعد الشر عليك (Re: nazar hussien)
|
Quote: ألـف سـلامـة لـي شـيخ العروبـة نـزار
الكـلـس أب ضيـوفـآ سـووا بيتو مزار
بالشـفا و السـلامة تـخـفـف الأوزار
و يا بت الحـسـن جريتـي خـيت الزار
***
الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا
|
الطوق لابسو عزة وتاج محل ما تسير
وما بتغرق يمين ما دام وراك بشير
نضمك مشرقا فوق لي تقانتو غزير
مو رقابة, في قلبو العصير اكسير
| |
|
|
|
|
|
|
|
|
|
Re: سلامتك يانزار...بعد الشر عليك (Re: nazar hussien)
|
صباح الخير للجميع
نقطة نظام
بخصوص الردود أرجو الرد من آخر مداخلة حفاظا على التسلسل وحتى لا تضيع علينا فرصة الإطلاع على الجديد من المداخلات ولأن الرد على كل مداخلة في مكانها يفقدنا القدره على المتابعة...
ولا شنو ؟؟
تحياتي
| |
|
|
|
|
|
|
|
|
|
Re: سلامتك يانزار...بعد الشر عليك (Re: Ahmed Yousif Abu Harira)
|
ها ناس سلام عليكم
احمد ود النعيم اشتكى منك بى غادى
قال قافل الجدول منو دحين الزول افتحلو شوسه
ابعشرين الليلو فاضى
انا عارف مدير المويه طارق مافى لكن دبر لو شربه
حواشه بصلو ده مايحرق000000
نزار ات وين النعل الورده مارجعت فيك
شايف الجنا ودالبشير غناو بلحيل غناهو عجبنى والله غنايا
قاطع الشك تب 00000
بت طلحه طولت ما اتسلطت عليك مرسل كم رساله على الداخلى00
| |
|
|
|
|
|
|
|
|
|
Re: سلامتك يانزار...بعد الشر عليك (Re: على احمد النعيم)
|
Quote: ألـف سـلامـة لـي شـيخ العروبـة نـزار
الكـلـس أب ضيـوفـآ سـووا بيتو مزار
بالشـفا و السـلامة تـخـفـف الأوزار
و يا بت الحـسـن جريتـي خـيت الزار
***
الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا
|
ياجماعة سلام عليكم
الشى مابتفقدوا زولكم
البركة فى أحمد وديوسف فقدنى
والله أنا كمبيوترى
ده ليهو يومين متجانن على
هسع عرفت السبب
الجننو وجنن عبد القادر وجنن الأحمدين(وديوسف وودالنعيم)
تراهو كلام الطيب ودالبشير الخلانا نرجف ده
عفارم عليك يانزار سويت البدع فى ردك
ياناس حلفت عليكم المابردعلى كلام الطيب السمح
ده مايجى داخل هنا
وياأحمد يوسف ياخوى كيفن ماشفت الطيب عقبك بهناك
وجاب لينا شريط مافى منو اتنين بتلقاه فى (لاح لى من صعيد...
فى الصفحة الأولى
راجعة ليك ياالطيب كلامك سمح بالحيييل
| |
|
|
|
|
|
|
|
|
|
Re: سلامتك يانزار...بعد الشر عليك (Re: خالد المحرب)
|
Quote: ياناس حلفت عليكم المابردعلى كلام الطيب السمح
ده مايجى داخل هنا
|
لتسجيل الحضور
Quote: الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة .....الما كمل.... بي ضوقنا
غرقـنا الزمـن .....لكن نزار ....كان طوقنا
|
يا الطيب غناك دفق ...الطرب في عروقنا
وزكرنا اللذيذ لهجو ........وموافق ذوقنا
الله إن راد عقب نرجع نعاود....... سوقنا
نخت هارينا في أكتافنا ونسوقهن ...نوقنا
| |
|
|
|
|
|
|
|
|
|
Re: سلامتك يانزار...بعد الشر عليك (Re: على احمد النعيم)
|
Quote: جاد بيهو الوصف يا ود اب حريرة لسانك
ولى ود البشــير غير زيف نصــب ميزانــك
جب درر الكلام.. مــولاى يعــظــم شــانـك
وسـامـية سميـة تسـلم... فـورت بـركانـك
|
قلنا نعقب معاكم
أحمد في الغنا قارحا لسانو مطرق
واب أحمد كمان حرا نجيض ومحرّق
ان قلنا ابو البشير كلسا ولا بتجرق
وين بت طلحة من غنياتها يوت نتبرّك
| |
|
|
|
|
|
|
|
|
|
Re: سلامتك يانزار...بعد الشر عليك (Re: nazar hussien)
|
عدم الدخله ببقالى وحار وفيه مراره
مابعرف اغنى لكن قليى فيه شراره
كان مو حلفك الغنا ماعندى فيه بصاره
ندلى دلونا ياربى توقف الجباره
000000000000000000000000000000
ات عارفه ياسميه انا لقيت رقبتى
يا اغنى الغنا الكعب ولا امشى مااجيكم راجع
| |
|
|
|
|
|
|
|
|
|
Re: سلامتك يانزار...بعد الشر عليك (Re: nazar hussien)
|
.
Quote: أحمد في الغنا قارحا لسانو مطرق
واب أحمد كمان حرا نجيض ومحرّق
ان قلنا ابو البشير كلسا ولا بتجرق
وين بت طلحة من غنياتها يوت نتبرّك |
حباب فارس المنامة الـلا جفل لا اتدرّق
الضهري الرزم و سحابو هـضـلـم و زرّق
أشـوف البوسـت عامر و زهرو بيكم ورّق
عامر جمعكم .. و ان شا الله ما يتفـرّق
.
| |
|
|
|
|
|
|
|
|
|
Re: سلامتك يانزار...بعد الشر عليك (Re: على احمد النعيم)
|
.
Quote: جاد بيهو الوصف يا ود اب حريرة لسانك
ولى ود البشــير غير زيف نصــب ميزانــك
جب درر الكلام.. مــولاى يعــظــم شــانـك
وسـامـية سميـة تسـلم... فـورت بـركانـك |
يا ود النعيم مرحـب حباب أوزانك
و قبلك ود حـمـد أداك إسـمآ زانك
شاحـد ربي ليك تزول جـميع أحـزانك
يا بحر الدميرة الما بتهاب (كيـزانك)
| |
|
|
|
|
|
|
|
|
|
Re: سلامتك يانزار...بعد الشر عليك (Re: Ahmed Yousif Abu Harira)
|
.
ملحوظة لم أجد الشدة في الكيبورد
و اعتمدت على ذائقة القاريء في تشديد الفاء و فتحها في القافية .
Quote: يا الطيب غناك دفق ...الطرب في عروقنا
وزكرنا اللذيذ لهجو ........وموافق ذوقنا
الله إن راد عقب نرجع نعاود....... سوقنا
نخت هارينا في أكتافنا ونسوقهن ...نوقنا |
أشوف ود أب حريرة مع الخـيول الـلفــن
و الدوبيت قـلـب جمرآ قدييييم و مدفــن
اللهج اللذيذ .. ستاتو راحـن و قـفــن
المكـتول كـمـد دمعاتو طـب ما جــفــن
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
.
الأخـت الكريمة سمية الحسن طلحة
و الأعزاء ضيوفها و ضيوف نزار
و الغالي نزار
سـلام تاني
أذكر في بوست من بوستات الدوبيت، لنزار أو مفتاح، كتبت مربع قلت أرفعو ليكم هسع في خيمتكم دي
..مع تحياتي
كـيف عاملين مع الدوبيت و نـمـو الحـالي
و فـرق أمـات شـليخ بـهـدلني غيـر حـالي
البوجـنـي بي عـشـم الغـرام أوحـى لـي
لا غـسـلـنـي..لا.. خـلاني فـي أوحـالـي
.
| |
|
|
|
|
|
|
|
|
|
Re: سلامتك يانزار...بعد الشر عليك (Re: الطيب بشير)
|
Quote: الشر بعيد من دار جدود ابواتك
يا بت طلحة شكرا للدعاء وصلواتك
نسلك من صلاح سيفهم مغمّض وفاتك
ودعوتهم نجيضتا تبقي انتي بياتك
|
ياود الجدود الطاهرين وعواتِك
سايمين العمر لى حل حِجَن ومشابك
ياعريس الحسان أمات بخورا عابك
يدوم وصلك وسعدك يبقى ليك موارك
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
Quote: ألـف سـلامـة لـي شـيخ العروبـة نـزار
الكـلـس أب ضيـوفـآ سـووا بيتو مزار
بالشـفا و السـلامة تـخـفـف الأوزار
و يا بت الحـسـن جريتـي خـيت الزار
***
الفنـان نزار شـرك مقسـم فوقـنا
زي برعي اليمن ماشـين نـمـوت بي شوقنا
يا عسـل المنامة الما كمل بي ضوقنا
غرقـنا الزمـن لكن نزار كان طوقنا
. |
الطيبين رجال طابت ملوك الدار
بيكم دارنا ضوّت وبقـّت الأنوار
يابحر الدميرة الببلع الحجّـار
الدّر الأصيل مابيحجبو المحّار
الطيبين رجال طابت هناك في شروقنا
بالأشواق رمونا وجمعوا لى مفروقنا
سحابات خيرنا جمعن واتراففنلو بروقنا
جرى سيل حبهم مجري البيروي عروقنا
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
Quote:
يا الطيب غناك دفق ...الطرب في عروقنا
وزكرنا اللذيذ لهجو ........وموافق ذوقنا
الله إن راد عقب نرجع نعاود....... سوقنا
نخت هارينا في أكتافنا ونسوقهن ...نوقنا |
عزّيت الحلف وديوسف صح لسانك
جردتو يراعك وحقبت ســِنانك
يافارس الملاقى معدوم نفر فرسانك
إنت الجلة والباقيين عجاج دخانك
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
Quote: عدم الدخله ببقالى وحار وفيه مراره
مابعرف اغنى لكن قليى فيه شراره
كان مو حلفك الغنا ماعندى فيه بصاره
ندلى دلونا ياربى توقف الجباره
|
سلاحك رطن بارودو جابلو شرارة
أب أحمد نتر منّو الأسود تتجارا
جاب نظم القوافي السمح مسدارا
زي دهب الشبيك خالصة صافي عيارا
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
Quote: البوجـنـي بي عـشـم الغـرام أوحـى لـي
لا غـسـلـنـي..لا.. خـلاني فـي أوحـالـي |
البوجنى...والله ياالطيب دى مافى زول صبقك عليها تب
كدى أنحاول أجربا لأول مرة
ياالله الكريم عالم تمام بى حالى
البوجنى فرقو صعيب وما ببقالى
سهران عينى لاجة والدموع بالا لى
ما طفت الغرام اللهيبو شوا لى
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
.
الأخـت الكريمة سمية الحسـن
شـكرآ ليك و تقدير على الحماس
و الله أنا معجب جدآ بمقدرة دارجتنا الحبيبة على الإفصاح
يعني (البوجان) دة يعادل (حالة اللا حرب و اللا سلم)
يعني كلمة سغيرونة تعبر عنك بي مهلة
و لو لقيتي الجندرية و لا صديق الموج..أمانة ما يجيبو ليك دارج مميز
التحية ليك..
.
| |
|
|
|
|
|
|
|
|
|
Re: سلامتك يانزار...بعد الشر عليك (Re: الطيب بشير)
|
الأخ الكريم/ الطيب بشير
انت من يستحق منا الشكر لأنك كنت سباق ودخلت علينا
تعرف أنارغم طول الغربة لكن ماغيرت لسانى أبدا
بس طولت من تداول هذه الكلمة والغريبة لما سألت
بنتى الصغيرة عن كلمة بوجان ومبوجنا وبوجنتيها
عرفت المعنى طوالى من كترة الدارج الأنا بصرفو معاهم.
لك منى كل الود.
| |
|
|
|
|
|
|
|
|
|
Re: سلامتك يانزار...بعد الشر عليك (Re: سمية الحسن طلحة)
|
الكتلل...
هسي نبدأ ليكم من وين...
آخر قحة قحيتها أمس...والمرض نسيتو تب بي غناكم السمح دا...
كدي خلونا نقول نضم العافية...
ونبدأ ليكم من عمنا محمد أحمد عوض الكريم أبو سن...عشان كل زول يغزل غزلو هنا
لخلوخة تقوم متسايسة ومفروقة
بين التقنتين دفق البصير ماروقه
ان جلست معاك وان سمع منطوقه
علي المتشببات بلحيل بعيد معلوقه
| |
|
|
|
|
|
|
| |
خالد المحرب
abubakr
ناذر محمد الخليفة
Ahmed Yousif Abu Harira
Muna Khugali
عفاف أبو حريرة
فاروق حامد محمد
ابو جهينة
saadeldin abdelrahman
munswor almophtah
إسماعيل وراق
على احمد النعيم
Tragie Mustafa
الطيب بشير
الطيب شيقوق
Alsa7afa_30
فيس بوك
تويتر
انستقرام
يوتيوب
بنتيريست