|
|
|
 Re: الدمعه لي ناس الليل ومن لفه لفهم (Re: هويدا شرف الدين)
|
غـايتـــو يا هـويـــدا ...
الزول ده لو عنده إحساس بكون لحق أمات طه ... هههههه ( يابكري الوشوش .. الوشوش يا بكري ) ..
حرام عليك خففي البنزين شوية ما قدر ده كماااان !! مش كفاية هم الغربة والشغل كمان تجي تضغطي عليه كده ... حراااااااااااااااااااااااااااام ( ) البين قوسين دي عشان ............... وبس .
| |
 
|
|
|
|
|
|
|
 Re: الدمعه لي ناس الليل ومن لفه لفهم (Re: Tabaldina)
|
Quote: بتمنى من الليل يطول لو الصباح واقف عليك
مستحيل مستحيل أرجع إليك |
ألحقنا يا طارق ويا هواري
ويا انعام ويا هبة
الموضوع دخل اللحم الحي عديل
دا أشد من فراق الطريفي لجمله
ناس الليل ديل حنينين ما بدوسو البنزين قدر دا
القصيدة رائعة ومعبرة عن موضوعها
بهاء /طوكيو
| |
|
|
|
|
|
|
|
|
 Re: الدمعه لي ناس الليل ومن لفه لفهم (Re: هويدا شرف الدين)
|
الاخت هويدا صباحك نور . .. او مسائك نور عشان الليل وكده ..
تضامنا معاك فى محنتك .. ..
(اغنية احمد الصادق ) .. .. ..
لسه ياقلبى العنيد لا غسيت لا بقيت سعيد وده الدليب التحتو نخن يمشى يرمى الضل بعيد .. ..
ودى الاكيد .. ..
| |
|
|
|
|
|
|
|
|
 Re: الدمعه لي ناس الليل ومن لفه لفهم (Re: سارة كرودى)
|
..
.
| Quote: الأخ ياسر يا بكاي مرورك اسعدني جدا وفي انتظار المزيد |
قرقر قرقر قرقر
الحمدلله شهد شاهد من الجنس اللطيف
عشان تانى ما تنكرها ..
وما تتقاطع قدامى هنا وهناك وعن ارقام العضوية
___________
والله يا بت يا هدهد ريحتنى للاخر ..
انا جاي عابر سكة .. بمنطقتكم المزدحمة
عندكم برجر كينغ وعلبه شامبيون 
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: Tabaldina)
|
تبلدينا
سلامات
Quote: قرقر قرقر قرقر
الحمدلله شهد شاهد من الجنس اللطيف
عشان تانى ما تنكرها ..
وما تتقاطع قدامى هنا وهناك وعن ارقام العضوية |
القال ليك انا ناكرها منو .... ؟
وزي ما قلت ليك عليك الله خلي ارقام العضوية في حالها
عشان ما تطفش لينا الحمام
والذات الرقم داك
تاني لو هابشتو انا وانت ح نتشكل ما يفرونا الا بالباسووردات
ياخي الحمام طفش بسببك ياخ
خالص الود
| |
|
|
|
|
|
|
|
|
 Re: الدمعه لي ناس الليل ومن لفه لفهم (Re: شمس الدين ساتى)
|
هويدا إزيك ..
*****
يا حبيبة ليه قلبك قسا !!!
كتمتي ما تخفيه عني
أنا عشت في حبك مقيم
ما عرفت نكران أو تجني
ما عرفت غير حبك غرام
وسرحت فيه سنين بغني
وهبتو دمعاتي الغوالي
وهبتو قلبي وهبتو فني
****
صدقيني وحياة غرامنا.. ما كذبت عليك في حبي
صدقيني أبدآ ولا حولت عنك مرة....... قلبي
انت في دنياي امالي ..اهلي ...... كل صحبي
كل زهرة ندية يانعة .... انت ريانها وعبيرها
كل فرحة في فؤادي ... انت لحظاتها المثيرة
كل لحظة عمقت في قلبي حبك واحترامك يا أميرة
******
عاهدتني انك تكون مخلص في بعــــــــــــــــــــــــــــــــدي
وحلفت يا ناسي تصون عهدك وعهــــــــــــــــــــــــــــدي
لو كان صحابك خدوع في لحظة بعـــــــــــــــــــــــــــــدي
او غرتك كلمة حنان فنكـــــــــــــــــــــــــــــرت ودي
ما اظني يوم اتعب وراك او اسألــــــــــــــــــــــــــــــــك
واسهر ليالي ضني واقول مين حولــــــــــــــــك
كانت كنوز الدنيا ملكك وكنت لـــــــــــــــــــــــــــــك
ومعا في جنات الهناء مستقبلي ومستقبلـــــــــــك
*************
لو خلاص انكرت حبي ...
في النهاية لا وحبك ...
و برضو يحصل تنسى عشك ..
في النهاية لا وحبك ...
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: Hadeer Alzain)
|
Quote: ألحقنا يا طارق ويا هواري
ويا انعام ويا هبة
الموضوع دخل اللحم الحي عديل |
ازيك يا بهاء...
اها انا قلت نشوف الحاصل شنو؟ لقيت اسمي مكتوب!!
وناس الليل...وسماره كلهم ملمومين..
بس عايزين الاكواد..
قلنا نقرأ( الدمعة ) لي هويدا...
لقينا هدير..بي (لاوحبك)...
يا اخوانا برااااحة علينا في الليل ده...
شكرا يا هويدا علي الكلام الجميل..
و ياهدير الله يديك العافية..
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: ناذر محمد الخليفة)
|
كامل تضامني مع الزول الاخد شاكوش دا
ياخ دا تاني نهائي ما عندو امل
ممكن اشارك بقصيده ؟
الوجع الحي
كتفت الشوق الجوايا وقررت أودع تذكارك
وأنا هسي معاك واقف محتار ما قادر أواجه اقدارك
سميتك عصفور في قلبي وسبرت دواخلك واغوارك
لكنك ما حسيتيني وما عدت أسير في أشعارك
متذكره يوم جيتك صدفه وقررت أكون جوه مزارك ؟
مش كنت بفتش في صوتك ومش كنت بغني بأوتارك ؟
ليه شاتره النغم العازفنو وليه فارق سلم مزمارك
ليه طاويه الشارع الماشينو وبعدتي علي جد مشوارك
سويتك سبحه ومصلايه وبقيت من أنبل أنصارك
وزرعتك بستان للريده ورميت تيرابي في أفكارك
لكني حصدت ( الوجع الحي ) خزلتني مواسم أمطارك
ضلمتي علي وعد اللقيا وكتين ما خفتت أنوارك
شان قلت بريدك بالواضح بتكتري لي في أعزارك ؟
شان كنت بفتش جواكي شددتي حراسة أسوارك ؟
أنا واقف كنت علي قيفك واشتدت قوة تيارك
هدمت الامل البانيهو خلتني أفتش أثارك
احترت كتير أنا في أمرك ما قادر احلل اسرارك
لافحني الموج المتمرد خلاني أغوص جوه بحارك
النسمه المنك بتجهجه انا كيف استحمل اعصارك
الجنه العندك خليتها خليني معزب في نارك
الجنه العندك خليتها خليني معزب في نارك
دي من كلمات صديقي اللدود يحي ابراهيم عبدالمجيد
ربنا يرجع لينا الاميرتين بالسلامه .. اميرة الليل واميرة النهار
هويدا كيفك ؟
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: سيف الدولة كامل)
|
| Quote: طلاقك ده الا طلاق كرعين ساكت,, |
طيب علي جريه وجكه في شارع النيل
من محاسن صدف اليوم انه اميرة الشيخ جات بعد ما قامت من غرز الحادث بالسلامه
لكن لسه مشغوله في البوست بتاع سلامتها ...
شغاله الله يسلمك الله يبارك فيك .. الله يسلمك الله يبارك فيك الله يسلمك الله يبارك فيك
نامن حنيت عليها
| |
|
|
|
|
|
|
|
|
 Re: الدمعه لي ناس الليل ومن لفه لفهم (Re: نوفل عبد الرحيم حسن)
|
ياسلام عليك يانوفل...سؤالك هناك وصلنى وهنا طمنى شديييد...
انشاءالله مافقدتك شينة ياقول حبوبة...ربنا يديم المحبة والتواصل
سعيدة بيك وبتواصلك...
جيت طايرة شايلة مداخلتى...لما لقيتك فى طرف الباب جدعتها ...
تحياتى ليك ولكل الناس بالبوست...حاستغفر واشوف مداخلتى ين.....
Quote: شغاله الله يسلمك الله يبارك فيك .. الله يسلمك الله يبارك فيك الله يسلمك الله يبارك فيك
نامن حنيت عليها |
ilike this comment
thanks alot
| |
|
|
|
|
|
|
|
|
 Re: الدمعه لي ناس الليل ومن لفه لفهم (Re: Amira Elsheikh)
|
Quote: أتمنى من كل الدروب تنسدى لو بتودي ليك
بتمنى من الليل يطول لو الصباح واقف عليك
مستحيل مستحيل أرجع إليك
|
قبلك ووحدك ياقول حبوبة...مالك امى حجارك كبار كدى وبتردمى ردم..
انا هنا متبرية منك عديل ...لانو قلبى رهيف ومابقدر على الكبع
انا غايتو من انصار..تغلطو انتو يالحلوين ونجيكم نحن بالاعذار...
مرة طارق ابوعبيدة وبصوتو السمح داك بغنى فى اغنية ما بنمشى لناس مابجونا...انا مشيت كتبت فى الاستيتص بتاعى(الفيس بوك)..انا دنية وبمشي لناس مابجونا..ولاعزاء لطارق ...طوالى رواية العباسى جات وقالت ..انا زاتى بمشى وبعديها عينيك ما تشوف الا النور..الناس دى كلها مشت..
عشان كدا ياهويدا..انا مرات كلام الشعر دا بربطو بالحظة المحددة(الحالة الشعورية) ممكن بعد ساعة الحالة تتغير ويتغلب الستويشن كلو..
بسم الله انا جنيت ولا شنو??
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: Amira Elsheikh)
|
اميره ياخي الف حمدا لله علي السلامه
الليل نور
| Quote: انا غايتو من انصار..تغلطو انتو يالحلوين ونجيكم نحن بالاعذار... |
نحن برضو من انصار .. عادي جدا انت تقسي وعادي جدا نحن ننسي
التسامح سمح ياخ ... مرات الزول بفتش اعذار لزول غلط في حقو
| Quote: بسم الله انا جنيت ولا شنو?? |
جنيت دي ابيت اقراها ليك من الجنون وابيت اقراها ليك كونك جانيه
قريتها ليك جنيت اسم بنيه حلوه وسكريه
كدي نمشي بهناك قبل هويدا تجينا بالصوت .. بشتنا عليها البوست
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: Amira Elsheikh)
|
شان قلت بريدك بالواضح بتكتري لي في أعزارك ؟
شان كنت بفتش جواكي شددتي حراسة أسوارك ؟
أنا واقف كنت علي قيفك واشتدت قوة تيارك
هدمت الامل البانيهو خلتني أفتش أثارك
مالك يا نوفل علينا من الصباح مقلب علينا ا لمواجع مشكور علي الكلمات الجميله جدا جدا وينك قاطع كدا والله مشتاقين
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: هويدا شرف الدين)
|
س: سؤال
هل انت هويدا شرف الدين...مسئولة البنك العقاري...المطلوب
اقابلها ؟ لتمويل بيتي العقاري؟ لأنو اجازتي قربت
الداعي لهذا السؤال: لو كنت فعلا ياكي...انا كنت راسم ليك
صورة ام نظارات وتوب ابيض...ومعاين من تحت النظارات...
وعبارات مقتضبة...لكن في البوست لقيت روحي غلطان...وبدل
ما اجيك لابس جلابية...حا اجيك شايل معاي كمنجة...
ان شاء الله تكوني ياكي وما تشابه اسماء...عشان اقول ضمنت قرضي
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: nazar hussien)
|
والله يا نزار لكن بالغت عديل كدا
اياني انا ذاتي هويدا بتاعت البنك العقاري هههههههههههههههه والله بالغت ليه يعني متخيلني عجوزه ولا عجوزه - عارف لكن مره بالجد جاني عمك كبير كدا مرسلو واحد من ناس سودانيز ديل ذاتهم بعدين انا شايفاهو قاعد في السكرتاريه مسافه بعد مده السكرتيره قالت ليهو خش هويدا جوه دخل سلم علي قال يا بتي لا لا شكلي كدي غلطان قلت ليهو اتفضل يا خال قال لي مرسل داير مديره تنفيذيه اسمها هويدا قلت ليهو انا ذاتي اتفضل قال لي سبحان الله المدير التنفيذي دا لو ما شعرو كلو ابيض ما بقعد فيها انت وصلتي هنا كيف قعدت اضحك ضحك شديد - تصل بالسلامه وتشرفنا
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: هويدا شرف الدين)
|
Quote: والله يا نزار لكن بالغت عديل كدا
اياني انا ذاتي هويدا بتاعت البنك العقاري هههههههههههههههه والله بالغت ليه يعني متخيلني عجوزه ولا عجوزه - عارف لكن مره بالجد جاني عمك كبير كدا مرسلو واحد من ناس سودانيز ديل ذاتهم بعدين انا شايفاهو قاعد في السكرتاريه مسافه بعد مده السكرتيره قالت ليهو خش هويدا جوه دخل سلم علي قال يا بتي لا لا شكلي كدي غلطان قلت ليهو اتفضل يا خال قال لي مرسل داير مديره تنفيذيه اسمها هويدا قلت ليهو انا ذاتي اتفضل قال لي سبحان الله المدير التنفيذي دا لو ما شعرو كلو ابيض ما بقعد فيها انت وصلتي هنا كيف قعدت اضحك ضحك شديد - تصل بالسلامه وتشرفنا |
أبدا ما بالغت يا هويدا...وشخصيا لما طلعت من السودان...ما كان في مدير
تنفيذي بدون نظارات (قعر كباية شاي)...وكلهم كانوا يمشون الهويني ...
ولديهم سواقين اسمهم جون او آدم...وقلمين...واشتراكية....او بدلة سفاري
البنات المديرات...هي كانت واحدة...وقائمة باعمال مدير الضرائب...
مع انها كانت حلوة وصفراء...الا انها بنظارات وصارمة...لما صارة
وترتدي اشارب اخضر...من فوقه توب ابيض ابوقجيجة...هكذا خليت المدراء
من الجنسين...ونزيدك كمان...ما كان فيهم واحد او واحدة بيعرف يدخل
انترنت...(أظنو الزمن بي ورانا بقاكم لذيذين كدي)..
وكلام عمنا الانهجم في محلو...وانا زاتي كان جيت بسألك من هويدا شرف
الدين...وكان قلتي لي دي انا حا اقول ليك (سر الليل كم؟) ومن هسي
سر الليل...(مستحيل اندم عليك)
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: ناذر محمد الخليفة)
|
| Quote: من هو كاتب / كاتبة هذه القصيدة |
يا ناذر كان قاصد القصيدة المكتوبة في بداية
البوست فهي قد تحولت الي اغنية...واكيد بتكون
سمعتها...معقول تكون من ناس الشي زاتا ونسمع بيها قبليك؟؟
دا طبعا اذا فهمت سؤالك!! وشاعرتها بنت...صغيرووونه..
يمكن تسأل منها القديل...الموسيقار...ودي الحانه
وبغنيها شاب اسمه شكرالله...بخت جيل علي رأسو..
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: هويدا شرف الدين)
|
الأخت ساره
صباحك ورد العيون ورمانه لما ما بقدر تفتح لو كان هناك عشم في انو سيد الشئ يجي ما كان كتبنا
ما خلاص حب وانتهي وما اظني برجع اليه
وعزت نفسي ما بيه علي اسلم روحي ليك تاني
ولو مكتوب عليا احب بحب من تاني زول تاني
الله غالب - نبكي بس
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: هويدا شرف الدين)
|
كنت اظن هالدمعة اللي وسط عيني
وانت رايح جت معايا تودعك
لين طاحت مني كلها ما تبيني
من غلاتك ودها ترحل معك
هذا قلبي هذي عيني ذي سنيني
ما يبونك ترحل وكيف أقنعك
حتى روحي واقفة بينك وبيني
لا هي عندي ولا هي تقدر تمنعك
خذتني كلي انا وش باقي فيني
خايف أوقف وألقى ظلي يتبعك
روح وسافر بس طلبتك يا ضنيني
عالأقل لو ما أشوفك أسمعك
روح وسافر بس توعدني تجيني
وانت سالم للي ينطر مرجعك
اما عني روح ولي رب يعيني
والله يعلم كيف حال مودعك
صرت أحسد من كثر شوقي وحنيني
حتى هذا الخاتم اللي فاصبعك.....
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: هويدا شرف الدين)
|
هويدا شرف الدين ...
صباح/مساء الخير ...
| Quote: بتمنى من الليل يطول لو الصباح واقف عليك |
والله قبلتي مِنو تِقِبِلتًا شينه تب ... الشي ما بِتخلي
الباب مَتاكا يا كافي البلا ... عِلا خليني النقول ليك
النصيحة ... لو أكان الشي الكُنتِ بِتحِسي بيهو تِجاه
الزول ده حقيقي ما أكان بِتفرِق معاكِ لو أكان دربِك
ودربو واحِد ولا بِقن دربين ... الريده لامِن تقع بِتِتجاوز
الزول تب ... ببقى الزول سبب بِوصِل المُحِب لِلحُب المُطلق
بعد ده تلقي المُحِب بِيسقِط حبو على كُل الأشياء ... كُل
الأسماء ... كُل الأشكال ... الحُب المُطلق أكان وصلتي
ليهو حرم ما بِهِمك أكان سُعاد جات ولا فاطنه مشت ...
أكان الدُنيا فَلَلت ولا صِبحت ...
| Quote: بتمنى من الليل يطول لو الصباح واقف عليك |
أمانة ما إتلَومتي يا بِت شرف الدين فوق الريده ...
يا زوله الريده أمرًا صعيب بِالحيل ... إنتِ ما سِمعتي
وصفي لِلريده ... قُتْ في وصف الريده :
الريد بِالقُلب لامَنْ يِدُق ناكِر عوايدو ...
لامَنْ يِجيك دايِر رُسومو ويخلص عوايدو ...
لامَنْ يِعود شبابك القبيل الراحَن فوايدو ...
وإن قام الحبيب جفا غير أقولو :
أنا في الرِضى برضابو ...
يِنِز فوقي دَموعو وأرضابو ...
أريتني تُرابو أنولو وأقضابو ...
أنا مُصنقِر بس حدا بابو ...
زميلي ونِدي علي عابو ...
جفاهو شِن داعيهو وأسبابو ...
تراني ما عِندي شيتًا ليهو ... دي الريده يا بِت شرف الدين
البِريد شوقو يِقدر يِقبِل مِن البِريدو جِنس تِقِبِلتِك دي ...
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: هويدا شرف الدين)
|
| Quote: هي لو دموع صباحيه ما مشكله لكن بقت صباحيه ومهاريه وليليه نعمل شنو نبكي بس |
لالالالالالالالالالالالالالالالالا ده بوست حاجة تانية خلاك سايقة العلم وراك زى القطيع حتى جاب ليك المسنوح ود الكامل واميرة الشيخ وعزام ده بوست مولع نار عدييييييييل انا حالف ما اكتب فيهو حرف هسع علا اتعشى واشبع صلاة سااااااااى واقبل عليهو .
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: Abdlaziz Eisa)
|
| Quote: معقولة بس عشان دعابة صغيرة زي دي ترفع لي الكرت الأصفر!!! |
هو الكرت الاصفر وبس ؟ احتمال تدرج في قائمة الارهاب الليلي - هي المسنوحة زولة مزاجات ممكن الليلة تكون في القائمة وبكرة بجرة قلم تخليك قادل مشنق طقيتك في الهامة.
يا ربي اصحي من النوم القي اسمى مشطوب من البلاك ميلد قايز ديل .
| |
|
|
|
|
|
|
|
|
|
Re: الدمعه لي ناس الليل ومن لفه لفهم (Re: هويدا شرف الدين)
|
تحية للحضور جميعا وبالأخص للرجل الذي ليس له في النساء نصيب (بيناوي)
وده نص رجعني لى أغنية يعقوب تاج السر وأظنها لعاطف خيري
لا تقول لي قست ظروفنا ولا تقول لي الله قدر
الله ما بيكتلو ريدة عودا ياناس دابو أنضر
الله يزرع في قلوبنا كل يوم حبو المطهر
والله ما ياهو المحنة والله أسمى والله أكبر
الفراق قلبك بدابو والحصل ما كان مسطر
بس طريق إخترتو وحدك أمشي في دنياك مخير
لو تصدق برضي زيك إبتديت من قلبي أسخر
ويستحيل أنا أبقى عاشق إنت نايم وعيني تسهر
الوداع يا ذكرى مرة والوداع يا ماضي أغبر
ولا تقول ناسي المحبة بس مشيت لي دنيا أكبر
عذرا فالذاكرة خربة
بشرى
| |
|
|
|
|
|
|
| |
هويدا شرف الدين
ياسر بيناوي
Baha Elhadi
شمس الدين ساتى
طارق جبريل
انعام عبد الحفيظ
Hadeer Alzain
هواري نمر
ناذر محمد الخليفة
نوفل عبد الرحيم حسن
سيف الدولة كامل
عزام حسن فرح
Abdlaziz Eisa
الطيب شيقوق
بشري الطيب
فيس بوك
تويتر
انستقرام
يوتيوب
بنتيريست