|
Re: كيلو الطماطك ب 14 ألف (Re: Hussein Mallasi)
|
. .
ياحسين
14000 الف دي يعني أكتر من 23 ريال سعودي
في السعودية المافيها نهر من جنوبها لي شمالها كيلو الطماطم بي (أربعة ريال)
يعني المفروض عندنا في السودان يكون 4*600=2400
الفين وأربعمائة جنيه أو أرخص .
يعني الفرق 11600 جنيه مع الاخذ في الإعتبار مستوى دخل الفرد.
يعني كيلو الطماطم في السعودية المفروض يكون بي حسبة السودان أكتر من 23 ريال
بالله دي حالة ؟!!!
كل ذلك يضاف إلى ميزان سيئات الرئيس المؤتمن صاحب الإبتسامة الذي أضاع القيم والشهامة و سرق أتباعه خيرات الأرض والغمامة وشرد الشعب إلى أمريكا وتهامة .
لا حول ولا قوة إلا بالله .
طيب علبة الصلصة بي كم ؟ . .
| |
|
|
|
|
|
|
Re: كيلو الطماطك ب 14 ألف (Re: Hussein Mallasi)
|
الاستاذ ملاسى
تحياتى ... كنت قد كتبت فى البوست الذى يخصنى ( قصص قصيرة تنتعل تعب عالى ) صباح اليوم ....عن ارتفاع اسعار الطماطم بالخرطوم
كتبت ........
الطماطم .... .تلك الثمرة الحمراء اللون المبتلة الدواخل التى كانت المرتكز الوحيد لفقراء الوطن والوجبة الرئيسية لهم تلاحقت اكتافها سعرا مع اللحوم الحمراء اللون .... وليس لذلك صلة بالمريخ الفريق ولكنه ذو صلة بالمريخ الاعلى من حيث ارتفاع الاسعار ولاتزال المحليات تطارد الباعة الصغار لارتفاع اصواتهم الواهنة
ولاترى فى ارتفاع الاسعار شيئا يستحق المطاردة
وجمعة مباركة ياخرطوم
| |
|
|
|
|
|
|
Re: كيلو الطماطك ب 14 ألف (Re: Rawia)
|
هو كمان الطماطم بقت موضوع ......
يحليلك يا ملجة امدرمان الزمن ....... بعد الساعه خمسه المساء الخدار ما عنده سيد.... !!!
ابكرينا فارش طماطم
الحجه: ياولدي ما عندك طماطم مكسره ( للناس الما بتعرف دي كانت بدل الصلصه و بتراب القروش )
ابكرينا: يا حجه نكسره ونديك بس كيف تشتري .....!
قال طماطم قال ياخي دي بتعمل حيرقان :)
| |
|
|
|
|
|
|
Re: كيلو الطماطك ب 14 ألف (Re: willeim andrea)
|
Quote: كيلو الطماطك ب 14 ألف = كيلو الطماطم ب 14 ألف |
لا طبعا ده كلام ما صاح ومعادلة ماكلة نيم ومميلة في الوزنة... الصحيح هو كيلو الطماطك ب14 الف = كيلو الطماطك ب 14 الف او كيلو الطماطم ب 14 الف= كيلو الطماطم ب 14 الف...
خليك امين يا بتاع الطماطم وقول الكاف جنب الميم في الكيبورد لكن ما تالف لينا معادلات (طماطكية ) لاعندها راس ولاقعر وتحاول تبيع لينا (الطماطك) في حارة الطماطمين
| |
|
|
|
|
|
|
Re: كيلو الطماطك ب 14 ألف (Re: عبدالكريم الامين احمد)
|
Quote: كيلو الطماطك ب 14 ألف = كيلو الطماطم ب 14 ألف |
اثبت الاتي 1- انو في حاجة في الاسواق اسمها الطماطك 2- او الطماطم عندها اسم تاني هو الطماطك وبعدها 3-اثبت انو كيلو الطماطم يساوي كيلو الطماطك في عدد القطع (الطماطمية) والطماطكية 4- اثبت او سعر كيلو الطماطك هو 14 الف
ساعتها ( = )الجبتها دي يكون عندها تعريف (لوجك)... غير غلطة الكيبورد
| |
|
|
|
|
|
|
Re: كيلو الطماطك ب 14 ألف (Re: ادريس خليفة علم الهدي)
|
Quote: كيكي الرجل من غير الناطقين بها .. فله العذر |
هلا يا ادريس وكلنا يا ادريس من الناطقين بغيرها.. والعربي ده بناكلو اكل السنين لكن كلامي مع سحس ده رياضيات ومنطق ما عربي... لانو كتب معادلة ساوي فيها بين الطماطم والطماطك فقلنا يشرح لينا الحاصل شنو... ممكن ناس الانقاذ ديل جابو ليهم خضروات جديدة لنج بورانا زي الطماطك بتاعة ملاسي دي وسعرها مع الطماطم وااااحد باقي الناس ديل زي الثعلب ما تستبعد منهم اي حاجة
| |
|
|
|
|
|
|
Re: كيلو الطماطك ب 14 ألف (Re: عبدالكريم الامين احمد)
|
السلام عليكم
.... والله يا كيكي أخونا حسين ده تعبان معاك في بوستاتو تعب شديد لكن يتخيل لى انت تعبان معاهو أكتر مما هو تعبان معاك ..... بعدين مش كل فعل=رد فعل مساو ليهو في المقدار مضاد له في الاتجاه الزول ده عمل 2 مداخلة= (حضرتك) عملت 4 مداخلات مداخلة حسين الأولى = 2 كلمة مداخلة حسين التانية كيلو الطماطك ب 14 ألف = كيلو الطماطم ب 14 ألف لو عملت اختصار لطرفي المعادلة حتفضل ليك 5 كلمات يبقى مجموع الكلمات 7 كلمات .... مداخلات كيكي الأولى زي 40 كلمة الثانية 30 كلمة الثالثة 30 الرابعة 70 كلمة يعني أخونا حسين كتب 5 كلمات= (حضرتك) رديت ب 170 كلمة ده مش بيسموه الإستعمال المفرط للقوة .... يا زول دي تخاريف صباحية التحية ليك وليهو
| |
|
|
|
|
|
|
Re: كيلو الطماطك ب 14 ألف (Re: willeim andrea)
|
سبحان الله يا حسين
طيلة أيام الأسبوع الماضي وأنت في خاطري والسبب ( الطماطم أو البندوره ( وما في حد بيدورها)
حينما غادر زميلي ضياء أبو القاسم للسودان في عزاء والده ( رحمه الله) في مدينة ود مدني .
وسرعان ما عاد بعد أن قضى أسبوعاً ، وكعادتنا لمن يجينا واحد راجع من الأجازة ، طبعاً أسئلة كثيرة
حال البلد ، الأوضاع ، الناس ، المعايش ، الأسمنت ، السيخ ، فول الحجات ,,,, الخ ......
وأول ما أخبرني ، بالغلاء الفاحش وقال أن كيلو الطماطم (10 ألف) .
لحظتها ، قلت حليلك يا حسن ملاسي لمن قلت لينا قبال سنتين في بوست لك أن سعر الطماطم وصل (5 ألف) .
وكنت لحظتها أفدتك بأن السعر هنا ريال سعودي ( أي أقل من جنيه ( الجن) بتاعنا .
وحالياً حينما نما لعلمي بأن الطماطم وصل (10 ألف) كنت أريد أن أعمل بوست بهذا الخصوص .
ولكن في زحمة الأعمال والمشغوليات وأمتحانات الأولاد ، أجلت الموضوع وكأن قلبي كان دليلاً لمجيئك بهذا البوست
الغريبة يا حسين دايماً بوستاتك عن الطماطم يوافق لدينا نهاية العام الدراسي وقدومنا للسودان .
فكرة :
بدل ما نشيل هدايا ، أفضل شئ نشيل ليهم صناديق طماطم عبوة (4 كيلو) بخمسة ريال ، وبرضو ما في مانع يا حسين نهدي تفاحة أو طماطماية.
| |
|
|
|
|
|
|
Re: كيلو الطماطك ب 14 ألف (Re: عبدالكريم الامين احمد)
|
Quote: سعر الطماطمة اغلى من سعر التفاحة |
الكيزان ركزوا على (الكماليات) والرفاهية.. ونسوا (الإحتياجات الأساسية) للعيش الكريم
عشان كده في (تفاح) ومافي (طماطم) في (ببسي) ومافي (مويه) في مصانع (طيارات) ومافي مصانع (أدوية) وقس على ذلك
زي ما بقولوا أهلنا.. مستجدين نعمة.
الإستراتيجيات بس في بطون الكتب والمؤتمرات والتصريحات وكذلك الحكم الرشيد
| |
|
|
|
|
|
|
Re: كيلو الطماطك ب 14 ألف (Re: كمال سالم)
|
وانت مالك ومال الطماطم يامونساتى, (خلاص خليت قصة مرة اوباما الكاوية شعرا ومسكتا فى الطماطم والحسكنيت)
,
وبعدين أبعاج دا وكت هاميك للدرجة دى اشترى ليك كيلو وختو ليهو فى قبرو.. (بالله يامنعم ماخصاك) مابنساها ليك ياسحس..
| |
|
|
|
|
|
|
Re: كيلو الطماطك ب 14 ألف (Re: الجيلى أحمد)
|
Quote: وااا هملتك يا الدكوة تانى بسوا بيك شنو؟؟ |
مافى مشكلة ياود الموج,
ياكلو سمك بالدكوة..
كيلو السمك ب3 الآف ,حسب افادة ودالباوقة (من عنديكم).. يعنى 14 الف تجيب ليك قريب الخمسة كيلو سمك, تخلطها مع الدكوة تأكل فيها يومك كلو..
وودالباوقة دا زول إعلامى وصحفى مقتدر ذيو وذى ملاسى واحد..
ماعارف ليه مابنسقو.. نسقو ياأخى
| |
|
|
|
|
|
|
|