|
|
 السعادة الزوجية تبدأ من الإتيكيت..( العزابة مطلوبون )
|
أولاً قبل جلب الموضوع احب اوضح اني سنقل ..
يعني لا متنا لا شقينا المقابر بس في تعقيدات في الكلام دا حول الزواج عاوز اعرفها قبل الاقدام علي الخطوة ..
ولو كانت فعلاً بنفس الفهم المطروح في المقال دا بيبقي مافي داعي ليهو ( الزواج ) لانه بيكون تكييس
وحساب خطوات وانفاس ساكت ..
واخير الزول يبقي كدة .. حر نفسه .. حر اتكيته .. حر تصرفاته .. ونومته وقعدته ..
ولو الزولة دي مدياها موية شوية ومصعبة الشغلانية فالناس العندهم تجربة يورونا ..
|
|
 
|
|
|
|
|
|
|
 Re: السعادة الزوجية تبدأ من الإتيكيت..( العزابة مطلوبون ) (Re: HAIDER ALZAIN)
|
روضة فؤاد
أكدت خبيرة فن الإتيكيت وملكة جمال مصر السابقة إيمان ثاقب أن للسعادة الزوجية مفاتيح أهمها الابتسامة الجميلة وتبادل الكلام الحلو بين الزوجين دون مبالغة حتى لا يتحول إلى نفاق وعدم الاستئثار بالحديث عن النفس طوال الوقت مع حسن الاستماع للآخر وعدم رفع الصوت المثير للأعصاب أو خفضه لدرجة الهمس المسيء للفهم، والذي يعطي انطباعاً سيئاً لدى الآخر، وعدم الشكوى المستمرة من مشاكل الحياة بحجة الفضفضة، وأضافت ثاقب في كتابها الإتيكيت: ومن المهم للغاية في العلاقة الزوجية المودة والتفاهم، لذلك يجب التخلص من روح الأنانية وحب الذات والحرية الزائدة، والتي لا تتماشى جميعها مع وجود شريك آخر لك ترتبط به.
وتقدم إيمان ثاقب بعضاً من النصائح للزوجة في ما يتعلق بأسلوب معاملتها للزوج ومنها، التعامل مع الزوج بالرقة والاحترام، واختيار الوقت المناسب لإبداء الرأي، والحذر من مناقشة ما يضايقها من طباعه ورغبتها في تغيير هذه الطباع في حضور صديق أو قريب لهما، وكذلك عدم مقارنة الزوج بشخص أفضل منه سواء في حياته العملية أو الاجتماعية، لأن هذا يضايقه جداً، بالإضافة لتقديم المحبة والاحترام للزوج بلا شروط وعدم التشبه بالرجال في أي تصرف، فهذا يقلل من أنوثة المرأة.
نصحت الزوجة بأن المبالغة في قول الكلمات الحلوة للزوج مثلها مثل الإهمال، لأن الافتعال في هذه الناحية يأتي بنتيجة عكسية، لذلك يجب اختيار الوقت المناسب للكلمة الحلوة، وكذلك عدم نسيان المناسبات المهمة في حياة الزوج، فكلمة حلوة في عيد ميلاده - مثلا- أو عيد الزواج تشعره بالسعادة، وقد تغنيه عن أشياء كثيرة، كما أن الزوج إذا قابلته بعض الصعاب والمتاعب سواء في عمله أو في حياته بوجه عام، فكلمة من الزوجة تشعره بأنه لا يقف بمفرده في وجه هذه المتاعب، ويشعره بالمشاركة الحقيقية التي تقوم عليها الحياة الزوجية.
وأوضحت أن تعبير الزوجة عن مشاعرها من وقت لآخر بالنسبة لزوجها لا يقلل من قدرها، بل على العكس يزيدها قدراً في عينيه ، وأن الإصغاء إليه يعجبه كثيراً، مع وجوب عدم تجاهل مشاعره وأحاسيسه.
أوصت ثاقب كل زوجة بألا تنشغل بالأطفال - خاصة حديثي الولادة- عن الزوج طوال الوقت، وعليها أن توازن بين رعاية الأطفال ومتطلبات الزوج، وإذا استعانت بحماتها لتجلس مع الأطفال وقامت بأشياء لا تعجبها، عليها أن تتذكر أنها تقدم لها خدمة، فلا تنتظر منها أن تؤديها بنفس أسلوبها.
قالت ثاقب: على الزوجة أن تستقطع جزءاً من وقتها لممارسة التمرينات الرياضية، وأن تحافظ على رشاقتها وقوامها.
وقدمت ثاقب كذلك بعضاً من النصائح للزوج في ما يتعلق بأسلوب معاملته لزوجته، موضحة أن عليه إظهار إعجابه بها من وقت لآخر، خاصة في ما يتعلق بذوقها في تنسيق المنزل وتوفير الراحة له ولأبنائه ومظهرها العام.
وقالت: على الزوج أن يشعر زوجته بأنه يحتاج إليها، وألا يظهر دائماً بمظهر الرجل القوي أو المستبد برأيه، والذي لا يحتاج إلى أحد، وإنما يشركها معه في مشكلات الحياة ويستمع لخططها المستقبلية في العمل أو في حياتهما الزوجية، ويحاول تخصيص فترة زمنية ليقضيها معها بمفردهما في جو من الود والتفاهم. وأشارت إلى أهمية أن يقوم الزوج بتوكيل زوجته وأن يحرص على أن تسمع منه ما تحب من عبارات الإعجاب، وأن يقدم لها هدية من وقت لآخر حسب إمكانياته، مع الأخذ في الاعتبار أن الزهور أفضل الهدايا التي تدل على المشاعر الدافئة.
السعادة الزوجية تبدأ من الإتكيت .. العربية نت ..
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: HAIDER ALZAIN)
|
في المدرسة ( الابتدائي او المتوسطة ) لا اذكر كان في قصة وصية أم لإبنتها يوم عرسها ..
بتدور القصة حول كيف تحافظ على زوجها ورضاهو عنها وما تضحكي وهو زعلان .. وما تشبعي وهو جعان .. وما يشم منك ريحة كريهة .. واحترمي اهله .. وراعي مواعيد نومه وراحته .. وخليهو يشعر انه سي السيد .. وما الي ذلك من النضمي الممكن يزعل الجنادر ..
صراحة انا كنت بشوف الكلام دا تعقيد اكثر من اللازم ايه يعني الزول يحسب خطواته في بيت الزوجية تجاه شريكة حياته .. مفروض يكونوا حاجة واحدة .. بيتعاملوا براحتهم وعلى طبيعتهم ..بتسقط الاقنعة والمظاهر المزيفة طالما خلاص الاتنين اتفقوا يؤسسوا حياة واحدة ..
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: HAIDER ALZAIN)
|
فهمي البسيط للحياة الزوجية التي لم اجربها بعد إنها انصهار شخصين بإجابيات شخصياتهم وسلبياتها الارتضوا بيها لتكوين خلية واحدة .. تكوين اسرة .. تعاهد على مواصلة الحياة معاً بحلوها ومرها ..بقساوتها وليونتها .. بفرحها وترحها ..
طيب اذا كانت الانثي او الرجل بيحسب خطواته وحركاته وتصرفاته ومايقوله وما لايقوله امام شريكه الاخر الا ينفي ذلك العفوية والنقاء في تصرفاتهم والغتغتة على الشعور وما يجب ان يُقال وما لايجب ان يُقال ..
بمعني اذا دسست عن شريكة حياتي رأي في شئ معين للحفاظ على الوضع او المسير به الا يُعد نفاق وتظاهر كان اولي به الا يكون في ظل الوضع البيجمعنا ..
اذا اخذت المراة بفهم انه مظهرها وكلامها بصوت هامس او مرتفع وتبسمها رغم عنها حتي ولو كان هناك ما يضايقها فقط من اجل كسب ودّ الزوج الا يعد هذا عدم ثقة في الاخر والحب الذي يجمع بينهم ؟
رغم انه الزواج كما يقولون نصف الدين والزواج راحة وسكينة ومودة وتراحم وفهم ورغبة ووووو لكن بعتقد انه اذا استخدم فيه العقل بالتخطيط والرسم بعتبره مجرد مظهر لا يفي بهذه الكلمات السابقة ويبقي الانسان بيعيش مجتمع داخل المجتمع الكبير وكما يتوافق مع المجتمع الخارجي بكل ضغوطاته ومتطلباته من المسايرة والمسايسة برضو مطلوب يواجه نفس القدر من الضغوط داخل مجتمعه الصغير ..
وهنا اخير يتوقف ( لو كان دا الفهم ) ويكتفي بالضغوطات الخارجية قبال تطير مفاصل جمجمته ..
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: HAIDER ALZAIN)
|
Quote:
مع الأخذ في الاعتبار أن الزهور أفضل الهدايا التي تدل على المشاعر الدافئة.
|
زهور شنو ... والله تجيب ليها زهور تجدعها ليك في وشك
وتقول ليك جيب لي توب ودهب عرس بت خالة امي قرب 
المقال جميل لو انه طبق في الواقع .. رغم المثاليه فيه
الا انه يلمس كثير من الجوانب المهمه في التعامل بين الزوجين
Quote:
..( العزابة مطلوبون ) |
حيدر العباره دي تخوف .. زي المطلوب القبض عليهم
هسي انا قربت آخد لي زوغه
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: نوفل عبد الرحيم حسن)
|
نوفل سلامات
من صورة الولد في البروفايل ( ربنا يحفظه ليك وليها ) باين عليك اتعديت مراحل الزهور ..
لكن جد فكرة الزواج وتعقيداته بتاخد مني وقت كتير في التفكير خاصة وقت اقرا مثل النصائح دي ..
معقولة ياخي افكر اتزوج القي نفسي مُطالب اني البس لي وش وافكر كيف اتعامل مع انسانة يفترض بيها تكون شريكتي في الحياة كلها .. وهي مطالبة انها برضو تفكر كيف تدير الحياة معاي بفهم وعقل وكدة ..
مش مفروض يكون الازواج حاجة واحدة ويعبروا عن كلامهم بدون اي لف ودوران ويكون الزول كما هو والا التمثيل مطلوب ..
شخصياً لو القصة بتجيب تمثيل وغتغتة ما مستعد امر بالتجربة دي لانه الواضح ما فاضح .. اها ضغوطات الحاجة كترت وعاوزين نعرف الشغلة الممكن نواجهها شنو ؟
تحياتي
| |
|
|
|
|
|
|
|
|
 Re: السعادة الزوجية تبدأ من الإتيكيت..( العزابة مطلوبون ) (Re: HAIDER ALZAIN)
|
العزيز / حيدر الزين
-----------------------------------------------------
Quote: لكن جد فكرة الزواج وتعقيداته بتاخد مني وقت كتير في التفكير خاصة وقت اقرا مثل النصائح دي ..
معقولة ياخي افكر اتزوج القي نفسي مُطالب اني البس لي وش وافكر كيف اتعامل مع انسانة يفترض بيها تكون شريكتي في الحياة كلها .. وهي مطالبة انها برضو تفكر كيف تدير الحياة معاي بفهم وعقل وكدة ..
|
الزواج المثالي
زي الحياة المثالية موجود في الاحلام وبس
ده غير أنو ما حتلقي لى أفادة من زول لسبب بسيط
أنو زي الدنيا كل يوم بجيب حاجاتو
ومسالة ماعندها أي ارتباط بالتفكير المسبق أو التخطيط
دائما قبل الزواج حاجة وبعدو حاجة تانية
وبتتباين تجارب الناس وتختلف
لكين في كل الاحوال ببقي منعطف في حياتهم بغير فيها الكتير
مرات حتي نظرتهم للدنيا بتختلف
الجوانب الذكرته الكاتبه دي مهمة بس الناس بتختلف
يعني صعب تجد إجماع في اهمية حاجات معينة
تصلح كقاعدة متفق عليها الجميع
**
ممكن أتفق معاك في اهمية تكون الشريكة فاهمة وناضجة
لانو ده حيوفر عليك حاجات كتيرة أنت في غني عنها...
وحتحس باهمية يكون في زول في حياتك تفدر تناقشو
في حاجات كتيرة بتخصك وتلقي عندوا أراء منطقية ومفيدة
مع امنياتي لك بزواج مستقبلي موفق وسعيد
تقديري
*
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: عبد الناصر الخطيب)
|
سلام الاخ عبد الناصر الخطيب ..
مودة واحترام ..
Quote: الزواج المثالي
زي الحياة المثالية موجود في الاحلام وبس
|
الواحد ما بيحلم بزواج مثالي بقدر ما بيحلم بحياة حقيقية .. حياة تتعاطي معاها بدون تلوّن ..
تساؤلي حول هل الواحد هو داخل بيتو بيفكر الليلة العب بياتو خطة مثلاً .. بيقدر مثلاً انه اتعامل
كيف .. او الزوجة بالمقابل بيكون عندها معادلات موضوعة تحتوي متغيرات طردية وعكسية تستخدمها عند الضرورة ؟
ورغم انه الكثيرين قد يقولوا انه الامر بيتوقف على فهم الزوج والزوجة ومستوي تعلميهم او وعيهم
وتعاطيهم مع الحياة وفهمطبيعة الاخر وو .. طيب النصائح الجاهزة دي لزومها شنو انا بعتبرها ما بتدي معني العفوية المطلوبة ..
شكرا لك وتقبل احترامي
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: ادريس خليفة علم الهدي)
|
حبيبنا حيدر الزين
قالوا ال في البر عوام
بعدين انت ماشفت الفريق القومي بيدوه خطة لعب عشان يلعب بيها لمن يخش الميدان بيلعب كورة ما انزل الله بها من سلطان لوووووووول يكه عشان كده كل شئ بيعتمد على ظروفو الخاصة يعني الاتكيت البينفع معاك يمكن يضر هشام والبيضر هشام يمكن بينفع معاك ده حسب مزاج الزوجة طبعا
انت كدي عرس في الاول بعدين نشوف الاتكيت بتاعك شنو وقالوا المابخاف من مرتو مابخاف من الله لووول يكه
اهدي ليك نكته وصلتي صباح اليوم يعني نكته اول اطفة ( قطفة )
واحد فاز بمليون ريال راح يخبّر زوجته ، زوجته ماتت من الفرحة
قال : ياسبحان الله ، الخير لما يجي ، يجي كلّه مرّة واحدة
تحياتي
زاتوووو
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: ALZOLZATOO)
|
حبيبنا زاااتو .. صباحاتك ..
| Quote: انت كدي عرس في الاول بعدين نشوف الاتكيت بتاعك شنو وقالوا المابخاف من مرتو مابخاف من الله لووول يكه |
اعرس كيف يا زاتو والمسألة جايبة خوف خوف .. عارف كان عندنا شلة كدة منتشرة بالمملكة تمرق يوم الخميس ومحل ما تنوم الويك اند تنوم .. مرة هفوف مرة دمام مرة الناصرية بكيفك يا زول ..
اها الجماعة بدوا يتساقطوا واحد واحد فضلت برااي آس اتو .. وشفنا العجب من الناس الفرحانين اول شهرين شابكني ليك يازول العرش سمح امش عرس يازول ما تخاف يازول ماعارف شنو .. وهسع كل اليضرب لي تلفون ينذر ويحذر .. اوعك تغلط قدامك الايام خليك كدة مستمتع بالوضع دا .. بالمقابل في الحاسدين بتاعين خلينا شركاء في المصيبة ههههه
واحد من الجماعة اياهم سالتو اها اخبارك واخبار المرة ..
قال مرة شنو يا زول والله دي وقت انت ترقد في السرير وفجاة تنقلب على جنبتك تلقاها في وشك
ما يفضل ليك الا تتصل على الشرطة وتفتح بلاغ تهجم ..
تحياتي
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: عبد الناصر الخطيب)
|
الحياة الزوجية
ليست لها علاقة بالزواج اذ ان الانسان لايمكن ان يساهم في الحفاظ علي نوعه من الانقراض او الفناء الطبيعي الا عن طريق التكاثر الجنسي .من هنا تظهر اهمية الانثي والذكر .هنالك قانون طبيعي وهو ان التجاذب او ما يسمي بالحب هو عهد مقدس لاشخاص الزمن الحاضر .والخوف من الايفاء بالعهد دليل علي وجوده وحتمية حدوثه.
السعادة حدث داخل الانسان لا علاقة له بالذي يحدث خارج الانسان.
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: salah ismail)
|
الاخ صلاح اسماعيل .. التحايا ..
Quote: الحياة الزوجية
ليست لها علاقة بالزواج اذ ان الانسان لايمكن ان يساهم في الحفاظ علي نوعه من الانقراض او الفناء الطبيعي الا عن طريق التكاثر الجنسي .من هنا تظهر اهمية الانثي والذكر .هنالك قانون طبيعي وهو ان التجاذب او ما يسمي بالحب هو عهد مقدس لاشخاص الزمن الحاضر .والخوف من الايفاء بالعهد دليل علي وجوده وحتمية حدوثه.
السعادة حدث داخل الانسان لا علاقة له بالذي يحدث خارج الانسان. |
بضع علامة استفهام كبيرة على كلامك دا ...!!
| |
|
|
|
|
|
|
|
|
 Re: السعادة الزوجية تبدأ من الإتيكيت..( العزابة مطلوبون ) (Re: عبد الناصر الخطيب)
|
*** يا حيدر ... حأديك نموذج نموذجين من الحاجات البتجيب الدق بالوصـله :
*** أها شلاقتك البتخليك ترد على ساره قبالى رغم إنو مداخلتى قبلها ده نموذج .
*** متابعة بوستات ( الصندليه ) أبعد منها ولو جاتك فى بوستيك جليها و أكلها فى حنانك
*** محاولة سماع ( بت بويل ) و خليك فى أبوعبيده حسن و النور الجيلانى
*** الماسنجر و ما ادراك ما الماسنجر
*** الايميلات خليهن 2 واحد رسمى و التانى كيرى
*** من تجاربنا ... الدق بى وصـلة الكبيوتر حار جدا لكن دى ما المشكله
................... المشكله إنو بترك أثر فى الجسـم
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: الطيب عثمان يوسف)
|
Quote: من صورة الولد في البروفايل ( ربنا يحفظه ليك وليها ) باين عليك اتعديت مراحل الزهور ..
|
شنو يا حيدر تنادي العزابه ولمانجيك تتبرا مننا ؟ ههه
ارجع للبروفايل ما صورة البروفايل .. صورة ود اختي دا ما تغشك
نرجع للموضوع
بدون شك المفروض التعامل بين الزوجين يكون بمنتهي التلقائيه
لكن دا ما بنفي انه الاتوكيت مطلوب وضروره
يعني اذا جيت مثلا داخل البيت بعد عناء يوم طويل في الشغل وتعباااان وقرفااااان
ولاقتك زوجتك في الباب صاره وشها وريحتها بصل وبدت تحكي ليك في مشاكل البيت والاولاد
ومعاها كم طلب كده بتغيير اثاث البيت وايه مش عارف .... الخ
اكيد انت ح تضايق وتتمني لو انك ما جيت البيت عشان تاخد راحتك وواصلت في محل شغلك
شوف الفرق لما تقابلك ببشاشه وتجهز ليك الحمام والغداء وتاخد راحتك شويه
وبطريقة ظريفه كده اتخيرت وقت مناسب تكون انت فيهو في حالة صفاء ومزاجك رايق وطرحت الطلبات اعلاه
اكيد هنا في نوع من الاتوكيت والتعامل العقلاني الراقي
وهكذا امثله علي هذه الشاكله ممكن تبين الفرق في التعامل الاول والتعامل الاخير
الحياة الزوجيه بستان مليئ بالزهور وهذه الزهور مليئه ايضا بالاشواق
استمتع بالزهور الف مره ولا تغضب اذا اصابتك اشواكها مره
بالله يا ساره علي انت برضو عازبه ؟
دي حاجه كويسه انه نشكل حلف من اجل حقوق العزاب المهضومه
بجيك راجع وبوريك نحن العزابه ديل كيف متهضين في العمل وغيره
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: عبد المنعم سليمان)
|
حيدر تحياتى
مقارنة بين الزوجة والسكرتيرة
الفرق بين الزوجة والسكرتيرة أكثر من 30 كيلو جرام
السكرتيرة مهمة جدا ... والزوجة مهمة صعبة
السكرتيرة لا تتدخل فى شئون البيت ... الزوجة تتدخل فى شئون المكتب
السكرتيرة تكون بكامل أناقتها بمجرد أن تدخل المكتب ... الزوجة تكون بكامل أناقتها أيضا لكن بمجرد أن تخرج من المنزل
السكرتيرة تنفذ الأوامر .. الزوجة تعصى الأوامر
السكرتيرة تكذب بالانابة عنك ... الزوجة تكذب بالانابة عليك
السكرتيرة لديها حل لكل مشكلة .. والزوجة مشكلة لكل حل
السكرتيرة تبحث لك دائما عن أعزار حتى لو كان مشكوكا فيها ... الزوجة أى عزر تقدمه مشكوك فيه
السكرتيرة تفسر الشك لصالح المتهم .. الزوجة تفسر الشك ضد المتهم
السكرتيرة لا تدخل المكتب الا وتجدها أمامك ... الزوجة لا تدخل البيت الا وتجدها وراءك
السكرتيرة مثل البضاعة فى الفترينة .. الزوجة مثل البضاعة فى المخزن
السكرتيرة تشعر المدير بأنه سى السيد .. الزوجة تشعر الزوج بأنه سيد قشطة
السكرتيرة يدها خفيفة فى الكتابة على الكمبيوتر .. الزوجة يدها ثقيلة على الضهر والفقرة
السكرتيرة تستعمل أدوات رقيقة كالقلم والكوريكتور .. الزوجة تستخدم أدوات حادة كالسكاكين والكزالك والكمش
السكرتيرة يمكن للمدير أن ينقلها لأى قسم آخر .. الزوجة يمكن ان تنقل الزوج من غرفة النوم للصقيعة
السكرتيرة يمكن أن تحضر فى المكتب وجبة الفطور أو الغداء .. الزوجة يمكن فى البيت أن تبيتك القوى
السكرتيرة فى غياب العامل ممكن تغسل العدة .. الزوجة فى وجود الخدامة ممكن تغسلك العدة
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: Amin Mohamed Suliman)
|
العزيز امين ..
Quote: كل البقدر اقولو ليك إنو الموضوع ده بطيخه مقفوله ، مهما اجتهدت تعرف الزول قبل الزواج ما بتقدر !
|
على السكين مافي يعني .. ( وش باسم ) ..
الغريبة قريت بوست قبل شوية بيقول صلاة الاستخارة بتعطل الزواج .. لووووووول
غايتو يا امين نصيحتك على العين والراس بس موضوع البطيخ المقفول دا هو المخوفنا..
تحياتي يا انيق ..
| |
|
|
|
|
|
|
|
|
 Re: السعادة الزوجية تبدأ من الإتيكيت..( العزابة مطلوبون ) (Re: نوفل عبد الرحيم حسن)
|
Quote: شنو يا حيدر تنادي العزابه ولمانجيك تتبرا مننا ؟ ههه
ارجع للبروفايل ما صورة البروفايل .. صورة ود اختي دا ما تغشك |
اما انك طلعت عزاابي صاح وانا كنت حا اغلط واشبكك ( يا عم نوفل ) ههه
Quote: الحياة الزوجيه بستان مليئ بالزهور وهذه الزهور مليئه ايضا بالاشواق
استمتع بالزهور الف مره ولا تغضب اذا اصابتك اشواكها مره |
الكلام فيهو وصلات كمبيوتر يا نوفل فأظنك بتقصد استمتع بالزهور مرة
ولا تغضب اذا اصابتك اشواكها الف مرة ..
تحياتي
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: الطيب عثمان يوسف)
|
| Quote: الايميلات خليهن 2 واحد رسمى و التانى كيرى |
دي احسن نصيحة من خبير ادلة يا جنابو .. وحانعمل الواجب طوالي ..
بعدين اذا في تسبب لدق الوصلة بيكون زي استقصادك دا .. يعني انا رادي ليك قبال سارة
بستة دقائق كاملة تمسك ردي عليها الاتشعلق فوق .. إذا بظن انه قدام بيجي قانون الكديس والفار
الفي نص البحر داك .. لووووول ..
غايتو يبقي الواحد مردف هدوم دائما تحسبا للدق .. اهم حاجة الاثر لو مخفي ما بتجيك عوجة الخوف من الحربيش ..
تحياتي لك ..
| |
|
|
|
|
|
|
|
|
|
Re: السعادة الزوجية تبدأ من الإتيكيت..( العزابة مطلوبون ) (Re: عبد الناصر الخطيب)
|
Quote: يعني بالمختصر حاجة ما محتاجة أى هواجس مسبقة أو طلب نصائح
ممكن النصيحة المفيدة حياتك ( زواجك ) تعملوا براك بشورت أحساسك وعقلك
لانو بعدين نتيجتوا ليك براك زين ليك شين ليك
وأنت و( هي ) أقرب ناس ليكم ما يعرفوا شي عنكم
بس في حدود العموميات والعناوين العريضة وبس من دون أى تفاصيل
وده كل البقدر أفيدك بي |
سلام يا عبد الناصر الخطيب .. وصباحاتك
دا الكلام الجميل الانا بفتش ليهو بالضبط مش كلام روضة فؤاد ونصيحة ام لابنتها ..
اها وقت يجو ناس النصائح المعلبة ديك وسوا وافعلوا واتركوا ..
بتحس انك مقبل على معركة فعلاً وحياة لو ما خططت فيها لحركات وجهك يومياً ستفشل ..
تحياتي
| |
|
|
|
|
|
|
| |
HAIDER ALZAIN
نوفل عبد الرحيم حسن
الطيب عثمان يوسف
سارة علي
ادريس خليفة علم الهدي
Balla Musa
ALZOLZATOO
salah ismail
سناء عبد السيد
Amin Mohamed Suliman
Hadeer Alzain
عبد المنعم سليمان
سمير شيخ ادريس
حافظ حسن ابراهيم
معتز تروتسكى
فيس بوك
تويتر
انستقرام
يوتيوب
بنتيريست