|
Re: يوسف كمال إدريس... ألف مبروك النجاح بنسبة 91.4 (Re: عبد الدائم سيد أحمد)
|
الراقى كمال ادريس
مليون مبروك اخى على النجاح المشرف لابننا يوسف عقبال الدكتوراة . ربنا يحفظ يوسف دخرا للوطن
. . . . . ( كانت لنا المحادثة التالية مع اخونا كمال ادريس ) :
- الو .. الف مبروك يا ابو كمال .. عجنا و الله النجاح الباهر - شكرا سعادتك .. عقبال تفرح باولادك كده انشاء الله - عقبال الدكتوراة انشاء الله - شكرا سعادتك - .......... - قلت اسعار شنو ؟ - اسعار الخرفان السواكنى ؟ - بسأل ليك انشاء الله - يا سعادتك الاستراحة ال اجرتوها لاحتفال الطيب برير و بنت حجر كانت بى كم ؟ - و الله يا كيمو بسأل ليك محمد على ياسين و بله هم الاجروها ! - و العشا جبتوه جاهز و الا طباخ ؟ - يا زول طباخ شنو .. حريم البورداب الله يديهم العافية هم العملو العشا - اكيد .. اكيد قالوا كان عشا رهيب ! - يا حبيبنا الظاهر داير تعمل حفلة النجاح ؟؟ - اكيد يا سعادتك !! ... وياسر و العازفين و الفنانين كيف ؟؟ - ياخوى اغلبهم بورداب .. الفيها النصيب و الباقى مشاركة ! - خلاص نشوف ! - حسى من الصباح شابكنى دى بكم و دى كيف و تقول لى نشوف ؟؟ - يا سعادتك ... - شوف يا ابو كمال طلع الفيها النصيب و الباقى هين ؟ - طبعا .. طبعا .. لازم نحتفل ب يوسف ! - يا ابو كمال طلع ( الفلة ) و خلينا نشوف طعم الفلة الشرق اوسطية! - حاضر يا سعادتك - يعنى مافى زوقان ؟ - افو يا سعادتك - مبرك يا حبيبنا .. الف مبروك ! - شكرا سعادتك ( انتهت المحادثة .. كمال ادريس يحدث نفسه.. الريس ورطنى !! )
( صدأ ) : ... اورط حنانك ذاتو !!!
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: محمد عبد الماجد الصايم)
|
يا الله يا الله
عفارم عليه لم يخذلنا. ربنا يحفظه ويغطيه، انا اذكره جيدا وهو يقضي وقته في الجلوس الى الكمبوتر
في سني عمره الاولى وانت في المقابل تبدي لي الشكوى ، سألتك منذ فترة اين وصل يوسف وضحكنا حين
اخبرتك بإمكانية أن ارى أحمد ابني في عمره (وما في خوف من مرور العمر).
التهاني حارة لوالدته واخواته ولك في كل الاحوال يا صديقي العزيز وعقبال الدكتوراة انت في
الاول عشان تشرف علينايا سينير ( في الاسبوع والشرق إلا اليوم لا )
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: محمد عبد الماجد الصايم)
|
Quote: امتدت يدي لكتابة بوست تهنئة ليوسف لكن السواد الذي عم البوست بوفاة المرحوم باذن الله الزميل محمد عبد الله سيد احمد جعلتني اتوقف لهذا الفقد الجلل. |
واعترتني ذات الحالة يا ابا يوسف
فليلة أمس اختلطت في مآقينا دموع الحزن والفرح
حزنا علي فراق الاحبة بهذا المنبر, وفرحنا بحصاد فلذات الاكباد ومنهم بالطبع يوسف
من اعماق , اعماق قلوبنا
أوهنئكم واسرتي الصغيرة اخي كمال علي هذا النجاح الباهر
وهو ليس بغريب علي الاسرة النابهة اباً وأما وذرية صالحة
نفرح بيوسف جميعا اليوم , واعيننا علي مفأجاة شقيقته العام المقبل بإذن الله
شكرا اميمة
علي نقل الفرح
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: ناهد بشير الطيب)
|
حبيبنا كمال ادريس
مبروك نجاح يوسف كمال وربنا يجعله من المتفوقين دائماً
مبروك لي أم يوسف ان جعلت لكم هذه الفرحه ممكنه
مبروك ليوسف أن جعلكم تفخرون بنجاحه
عقبال ما يهندس ويصدق لي خرطة عمارتي الفي المؤسـسة بحري جوار إسـتيلا انشاء الله
ومليون مبروك لي كل أهلكم والأصدقاء والأحباب الفرحين بهذا الإنجاز !
تخريمه : الزوجه لمن ولدها يخُـش الجامعه بيشتروا ليها دهب بي 20 الف ريال هـديه
وصول الأسره مرحله جديده يا كمال ما تعمل نايم وكدا !!
هشام
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: Hisham Ibrahim)
|
** سعادة العميد ...ياخي بالغت عديييل ... احد الزملاء في المكتب قرأ مداخلتك ورفع صوتو للاخرين باني عامل عزومة .... بس مابنط وراح اخلي كذبتك صادقة عشان السواكني وأمير ابو زاهر.
** اخي الاكرم عادل عبد العاطي شكرا على التهنئة الطيبة وعقبال عندكم يارب.
** ود الصايم ارجلي كانت ممدودة يادوب طويتها فبداية طريق الجامعات الوعر قد بدأ الان.
** ابن عمي محمد على طه الملك شكرا جزيلا على التهنئة، وشكرا لهذا الموقع الذي اتاح لنا التواصلرغم بعد المسافات.
** راشد فضل ...يبدو ان انه اوان الخريف ياصديقي... آن لناان نترجل ونجيب كرسي قدام الباب في العصرية ونمارس الفضيلة السودانية في القطيعة على الرائح والغادي وكفانا سفر.
** ود السيدح يا ابو خزيمة احبك في الله يارجل.
** اختي منى خوجلي ...شكرا على التهنئة ... اثلجتى صدرنا.
** محمد على ياسين ...عقبال الشباب عندكم يارب.
** ناهد ...اسأل الله ان يفرحكم بهم يارب.
** هشام ابراهيم ياحبيب ... زدناهم كمان 10 فوق ... أها اشمار كيف!.
** عمر صديق ...ياخي تشكر كتير والله على التهنئة والفسحة فوق الكبري.
** الفاتح مرغني شكرا جزيلا على التهنئة وعقبال انجالك.
** ناجية مصطفى دمتى ذخرا يا اختي.
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: الشفيع محمد صادق)
|
Quote: - ياخوى اغلبهم بورداب .. الفيها النصيب و الباقى مشاركة ! - خلاص نشوف ! - حسى من الصباح شابكنى دى بكم و دى كيف و تقول لى نشوف ؟؟ - يا سعادتك ... - شوف يا ابو كمال طلع الفيها النصيب و الباقى هين ؟ |
وشوف يا سعادتك
نحن جاهزين موية ونوور
عشان يوسف ده
العشا بدون سكاكين ( خوف القطيع وكده)
خلوهو كوكتيل
والفنانين علي من هسه
من محمود حبيبنا لحدي حسن اخونا
والباقي كلنا سوا مع بعض
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: haroon diyab)
|
زميل المنبر الاخ كمال ادريس
الاف التهاني والتبريكات للنجاح المشرف لابنكمالنجيب يوسف
والله اكاد اجزم انه عم الفخر في نفوس كل المتداخلين
ربنا يحفظه ويبارك لك ولوالدته العظيمة هذا التفوق الكبير
كم هو جميل وحلو طعم النجاح
للغالية اميمة سند اجمل تحية لآحلي خبر
ودمتم في حفظ الله
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: كمال ادريس)
|
Quote: اخوى جمال ...والله كلامك مابيقع واطة ... بكرة الاربعاء تعال العشا في المطار القديم. |
يا كمال ياخي عليك الله خلينا من المطار القديم
عايزين نعمل لينا ربّه كاربة كده
بمناسبة يوسف ده
عشان دي اكبر نسبة لولد ابوهو بوردابي
( ياخي الرز واللحم ديل فترنا منهم)
حفلة كده وغنا محمود وصور محمد علي وبوست كارب كده
بدل بوستات السراير والمسنجرات الحايمة دي
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: احمد التجانى احمد)
|
بورداب جدة:
1/ ..................................... 2/...................................... 3/......................................
32/ ..................................... 33/ الاديب والشاعر بلة محمد الفاضل. 34/عبد اللطيف السيدح. 35/ الشفيع محمد صادق 36/ مصطفى البشير 37/ خالد الجزولي
| |
|
|
|
|
|
|
Re: يوسف كمال إدريس... ألف مبروك النجاح بنسبة 91.4 (Re: كمال ادريس)
|
الاستاذ كيمو
الف مبروك للنابغة هذا النجاح المشرف , للاسف اول مرة اشوف هذا البوست بعد بوست دعوة الرفاعي
الاخت اميمة سند تسلمي علي الاخبار المفرحة.
ـــــــــــــــ بالنسبة لبوست الرفاعي اعتقد انه حصل اختلاط كبير فحتي قبل لحظات وبعد اتصال من الرفاعي علمت ان الموضوع ليس كما كنت اعتقد وان الدعوة كانت مقدمة منك وما ظهر من بوست الرفاعي وللاسف لسؤ الفهم اعتقدت مثل الاخرين ان بوست الرفاعي بمثابة اقتراح لاقامة حفل عشاء احتفاء بابنك وهذا فرح يحتاج منا للوقفة لذا لابد من ((((تعويض))) من بورداب جدة باقامة حفل مكتمل البهجة بمناسبة هذا النبوغ لتكريم الابن والاب (وش مبسوط) واسفي واعتذاري لعدم الحضور لسبب بسيط ان الموضوع اختلط علي بالمساء والليل لبس لون السواد لي جزمته ولم نعلم بالمواعيد وكما اسلفت عن اختلاط امر الدعوة بالاقتراح وضاعت علينا ((العضة)) بس معوضة ان شاء الله
| |
|
|
|
|
|
|
|