|
|
|
 Re: السنة دي مافي ناس ممتحنين للشهادة السودانية ؟؟؟؟ ياخوانا الليلة إعلان النتيجة !!! الساعة (5 (Re: عبد اللطيف بكري أحمد)
|
Quote: تشكرات أخي معتصم،،
غدا الأحد في الخامسة مساءا المؤتمر الصحفي
للسيد وزير التربية ،،
حوالي 400 ألف طالب وطالبة من كل ولايات
السودان بمافيها ولايات الجنوب العشر،،
من ضمن هؤلاء الطلاب يأتي إبني خالد وأبناء
أحبابي حسن الشايقي وصلاح أبودية ود. ياسر
عبدون، وأصدقاء خالد بالرياض عشنا معهم
سهرهم ومعاناتهم لحظة بلحظة وهاهي لحظة
الحقيقة تقترب وآلاف الأسر يغالبها الأمل والخوف
من معناة قد تمتد لعام آخر إذا ماكان الحظ عاثرا
لا سمح الله،،
كل الأمنيات الطيبات لأحبابنا وكل من يعز علينا
وعليكم بالتوفيق والنجاح المريح،، |
مداخلتي في بوست العزيز معتصم محمد صالح أنقلها هنا : يممكن ألاقي مشتري!!!
| |
 
|
|
|
|
|
|
|
|
Re: السنة دي مافي ناس ممتحنين للشهادة السودانية ؟؟؟؟ ياخوانا الليلة إعلان النتيجة !!! الساعة (5 (Re: عبد اللطيف بكري أحمد)
|
ياخوانا دعواتكم ،، انحن تعبنا خلااااااص بالموضوع دا!!!
ياخوانا وقفتكم معانا ،، وخلو الشكل المدور في البورد دا أنحنا محتاجنكم!!!
ياخوانا مدونا بمواقع الوزارة وكيفية معرفة النتائج ، نحن برالمة !!!
ناس السنة الفاتت عملتو شنو مع الإلزامية وكيفية إستخراج الشهادة وتوثيقها للذين
ينوون السفر للدراسة بالخارج؟؟ هل الإلزامية واجبة عليهم ، ولا كيف المخارجة؟؟
أفزعونا ياشيخ الحارث وأهل القبة ال stc وأهل الحضرة دلايل الخير!!
ياشيخنا ود الشايقي ومامان وراجل البركل ومحمد الحسن راجل الزومة!!
ياحاجة بيان وود الباوقة ود الموج ود السيدح وناس حيمورة وبت عزاز الناس
اقيفوا شوية تعالو علينا وقبلوا جاي،،
صلاح ابودبة وودجبرين وناس انعام والبوليس وست والشاي!!
اهل الدارة ووسط الدارة والراكزين والفي يدو السوط،،
ناس الكورة وأهل المسرح وناس العطش الكمل اهل الحلة !!!
وناس الصحفي حبيب الناس والصحفي التاني حبيب الناس وكل الناس!!
ناس الحبة الزرقاء بياض الوش
والمحرومين والموقوفين والحردانين الاغلي من الحيين!!
ناس دارفور والكسلاوية وتبلدي بلدنا وأجدع ناس!!
والقايمة تطول!!!!
محتاج دعواتكم :
يوفق خالد
واحمد حسن الشايقي
ومنصر صلاح ابودية
وعائشة صالح عبدو ،، وكل من تعرفون!!!
(((آمين يارب))،،
| |
|
|
|
|
|
|
|
|
|
Re: السنة دي مافي ناس ممتحنين للشهادة السودانية ؟؟؟؟ ياخوانا الليلة إعلان النتيجة !!! الساعة (5 (Re: صلاح أبودية)
|
Quote: سمعنا السكليب قلنا نجى نشوف الحاصل شنو؟
ما تركز ياخينا !
خدمة إلزامية بتاعت شنو ؟
وطحنية شنو ؟
إنت جاى متين ؟ |
شايفك قلبك جامد جاري السبحة وناس اخوك،،
جاي متين موقوفة على البوست دا!!
كان نجح خالد ياني الماجاي كان بترسل لي الشهادة موثقة
وكان مانجح (لاقدر الله) ما ح اعرف امشي وين!!
ياولد اقرا اقرا ،، دي النتيجة كبكبة وسكليب مننا ،،
والغريبة (بارد) لدرجة التجمد ماهاميهو : اقول الولد عالم ، ومرات اقول : قايل الحكاية هزار!!
يابوي والله انت وامي متوترين أكتر من اللازم !!! شفت تقالة الدم؟؟؟
دايرين 75% بس ، الجرسة دي كلها!!!
الله ينصر منتصر وود عمو!!!
| |
|
|
|
|
|
|
|
|
|
 Re: السنة دي مافي ناس ممتحنين للشهادة السودانية ؟؟؟؟ ياخوانا الليلة إعلان النتيجة !!! الساعة (5 (Re: عبد اللطيف بكري أحمد)
|
ما لاقية كلام أقولو ليكم ..فى يوم عظيم زى ده ..يوم خالد عبداللطيف واحمد الشايقى ومنصر صلاح ابو دية
وعائشة صالح عبدو ومؤزر وهند وقاسم عبدالباقى وكل الممتحنين والممتحنات ال انشاءالله وبحوله
حيلبسوكم وشاح نجاحهم وحيطلّعوا الأحلام من جواكم ويجيبوها ليكم ويختوها يقين فى قلبكم
وشعلة بين ايديكم ....
يوم خالد ... ياعبداللطيف الحيخليك ماسك القمرا بى ايد والشمس بى ايد
وانت وامه تكونوا ماشين فى الطريق الشاقيه الترام ربنا يفرحكم بيهم ويخليكم ليهم
حقيقة
اتشوق مساء اليوم لاعلانات وتهانى الفرح والنجاح فى المنبر العام ....
| |
|
|
|
|
|
|
|
|
|
Re: السنة دي مافي ناس ممتحنين للشهادة السودانية ؟؟؟؟ ياخوانا الليلة إعلان النتيجة !!! الساعة (5 (Re: محمد خليل ساني)
|
Quote: ربنا ينجح الجميع
ويفرّح أولياء الأمور
الناس تعبت شديد مع أولادها
وياريت ينالوا قدر التعب ده
والفرحه تعم فى كل بيت سوداني
وطبعا فى كل أرجاء العالم
وتسلم أخى عبداللطيف بكري على التذكير
مع عظيم التقدير والإمتنان |
ياسلام أخي العريس العزيز وأنت تعطر هذا
البوست بوجودك ومن يحفك من الملائكة،،
أكرر لك تهانيا وأمنيات غوالي أن يسعدك ربي وزوجك المصون
وأن العقبى لكم في نباهة ونجاح الذرية وصلاحها،،
شكرا ياحبيب،،،،
ورسالتك من زول فنان عكس البقول ليك (اخنق الكديسة في شهر العسل) ،،
(البديل صورة بروفايل عسل)،، ههههههه ،،
| |
|
|
|
|
|
|
|
|
|
Re: السنة دي مافي ناس ممتحنين للشهادة السودانية ؟؟؟؟ ياخوانا الليلة إعلان النتيجة !!! الساعة (5 (Re: ismeil abbas)
|
Quote:
ألأخ/الجميل عبداللطبف بكرى......السلام عليكم...
ربنا بوفق الممتحنين وإن شاء الله نسر بنتائجهم ..ونفرح معهم..
Quote: ياخوانا دعواتكم ،، انحن تعبنا خلااااااص بالموضوع دا!!!
شكلك برلوم..الحمدالله نحن إتعودنا...رغم التنشنة الحاصلة...لكن بنعمل بقول المكتوب مكتوب..وربنا يصلح الحال...الممتحنين ما قصروا..والنتائج بظروفه..بس قول يا لطبف...ألطف....
مودتى..إسماعيل محمد احمد عباس..... |
الصبوح أبو السباع،،
تكفينا طلتك في هذا الصراع ، فهي مبعث إطمئنان وفأل خير وبشريات،
تقبل الله دعواتك ، وجعل آخر يومنا هذا ولوج نافذةٍ لعهدٍ جديد لا نعود فيه القهقري،،
خلينا في بالك في المخصوص من أذكارك ليوم واحد وأمنية عزيزة،،
| |
|
|
|
|
|
|
|
|
|
Re: السنة دي مافي ناس ممتحنين للشهادة السودانية ؟؟؟؟ ياخوانا الليلة إعلان النتيجة !!! الساعة (5 (Re: عبد اللطيف بكري أحمد)
|
Quote: الأخ عبد اللطيف بكري
أدرك تماما أنك في موقف ترجو فيه الفرج من الله وتدعو من كل قلبك أن يوفق ابنكم للحصول على نتيجة
مشرفة تكون بمثابة المفتاح الذي يديره ليفتح بوابة المستقبل. أسأل الله أن يحقق امنياتك ويوفق ابنكم ، قولبنا معكم |
الحبيب مامان،،
انت اول المندوهين الذين لبوا النداء،،
اشكرك على تقدير موقفي تقديرا مصحوبا بدعوات عزيزة نتمنى لها القبول من المولى العلي القدير،
لم يتبق لنا الا نصف الساعة للمؤتمر الصحفي لمعالي الوزير ،،
إن شاء الله تسمعوا خيراً من أخبار ابنائكم،، ودمتم أوفياء،،
إن جاءت الرياح بما لا نشتهي فلا نملك إلا التسليم بما يحكم الخالق العدل،،
| |
|
|
|
|
|
|
|
| |
صلاح أبودية
فدوى الشريف
ودقاسم
bent awad el kareem
ناهد بشير الطيب
محمد خليل ساني
SHIBKA
حامد محمد حامد
ismeil abbas
maman
Al-Shaygi
فيس بوك
تويتر
انستقرام
يوتيوب
بنتيريست