|
|
 الخال والد !!!!! شعر الاستاذ / عزمى احمد خليل
|
شعر الاستاذ/ عزمى احمد خليل
الى روح:- الفقيد الغالى الخال د. عبدالله حسن
مسيخه الدنيا ومره بدونك يا عبدالله
رحل الوالد قبلك والاعما م والخله
ومشيت خليتنا برانا ولينا الدائم الله
******************
شوف القمره بدونك مابيه فى ليلها تنور
والغيمات فى سمانا باكيه سواد بتمطر
والزهرات فى غيابك اصبح لونها مصفر
غاب الشمس شعاعها والكون بقى متغير
ينيعك يا عبدالله ولينا الدائم الله
******************
كنت الجبل الصا مد وفى القاسيات بتيقن
والايام من بعدك ماكره وما بتطمئن
الجيران فاقدينك وحالهم ياما يحزن
شلت الفرحه ورحت وسبتنا نحنا نحنن
حليلك يا عبدالله ولينا الدائم الله
حقيقه القالوا زمان انو الخال بس والد
والأبو والخيلان ديمه فراقهم واحد
والما ليهو كبير بس بيعجب الحا سد
اتيتمت وراكم وبالحال الله الشاهد
وفينا مخير الله ولينا الدائم الله
*******************
ليك الجنه انشاءالله والغفران والرحمه
وبختك انت هناك بالطيبيين تتلمه
نحنا وراك فى الدنيا نضيع فى الهم والزحمه
نرفع ايدنا وندعو اريت لو عمرنا تمه
وفديناك ياعبدالله ولينا الدائم الله
واشنطن الاربعاء 10 /6 / 2009
|
|
 
|
|
|
|
Yasier Elsayed
محمد عثمان محمد طه
فيس بوك
تويتر
انستقرام
يوتيوب
بنتيريست