|
|
|
 Re: دايــر قربــك لاكــن محــتار...........!!!!!! (Re: ناجية مصطفى)
|
الست ناجية
البوست يدخلنا في نظريات العشق والوصال وهو طريق موغل في القدم وشائك
قديما في الحقيبة قالو
حاول يخفي نفسو وهل يخفي القمر في سمائه
طبعا لا شفناهو شفناهو
وقالو ايضا درب العشق ساهل ودرب الوصال صعبان
التلفون ليس هو الوسيلة الجيدة للقاء الاول لابد من وفد المقدمة والواسطة والتمهيد
وبعد كدة يبتدي المشوار
| |
 
|
|
|
|
|
|
|
|
Re: دايــر قربــك لاكــن محــتار...........!!!!!! (Re: محمد ابراهيم قرض)
|
ناجيةأولا بالتبادى إذيك
انت هسى ما وضحتى لوالزول ده اول مرة يشوفا ولا بيعرفا هى بت ناس منو وساكنة وين وما قادر يتكلم معاها او يوصل ليها كلامو ده
على كلٍ،، انا بعتبر انو الزول ده قابل البت دى قبل كده مثلا فى حفلة فى الحلة او شافها فى المواصلات او فى قناة فضائية او هى شخصية مشهورة مثلآ ( فنانة، ممثلة، سياسية او غيرها -ايآ كان) وما عندو اى خلفية عنها مثلا هل هى مرتبطة ولا ام على قيد الحياة
طبعآ لازم يختار الوقت المناسب الحيتصل فيهو ، يعنى مثلآ لو اتحصل على الرقم الساعة اطناشر بالليل
ما ممكن طوالى يقوم يتصل عليها فى الوقت داك،يكون ديك عدة ساى ما بيعرف يعوعى
بعد يختار الوقت المناسب وغالبآ فى الامسيات لانو الجو بيكون مناسب للرندوق طوالى يقوم يعرفا بى نفسو ( انا فلان الفلانى ومعجب بيكى شديد وبتمنى انك تكونى شريكة حياتى)ده لو ما عندك مانع طبعآ
ولو كمان انتى مرتبطة ولا عندك راى تانى كمان قوليهو لى عشان اكون عرفت البى والعلى،
يلا بعد كده هو قال الكان نفسو يقولو وريح ضميرو ، الدور والباقى عليها هى- فيها تبدأ تتكلم معاهو وتاخد وتدى معاهو فى الكلام وفيها كمان تقفل السماعة فى وشو وتقول ده شنو قليل الادب ده( ودى بتحصل كتير)
......
المهم يا استاذة كدى انت اول شى وضحى لينا موقف الزول ده بالاول بعد داك بنجى نفند ليكى الكلام ده بى طريقة اوسع
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: ناجية مصطفى)
|
العزيزة ناجية
كدي ورينا اول حاجة طالب الاستشارة دي منو ( انا خايفو يكون سعادتو محمد )
لكن اديك بعض السيناريوهات المتوقعة نتيجة ( خبرات متراكمة )
السيناريو الاول:
يضرب يقول ليها في زول عمل لي مس كول
الجكس : لا ( ومعاه حبة مساخة )
الغلبان : طيب في زول ما عمل لي مس كول
الجكس : يعني عامل فيها دمك خفيف ( وتاخ تقفل التلفون في وشو ) وطبعا لحدي هنا جات سليمة
السيناريو التاني:
الغليان : الو ....طبعا ما عرفتيني ( ومعاها كتلان حيل )
الجكس : لا والله ما عرفتك انت منو ؟
الغلبان : ياخي اجيب ليك من الاخر انا مكسر فيك عديل وداير ارتبط بيك
الجكس : يا حليلك ياخي انا متزوجة وولدي قدرك ( وتاخ تتاخ تقفل التلفون في وشو )
وطبعا في الحالتين الغلبان هو الضائع ( رصيدو يكون خلص )
لك تحياتي
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: اسامة كمال الخولي)
|
الو السلام عليكم؟
- وعليكم السلام
- معاي فلانة ؟
- ايوا معاك..
- ياخي معاكي فلان..انا اخدتا التلفون ده من فرتكانة واظنك عارفة الحتة دي..انا عارف انو دي ما الطريقة المناسبة لتناول الحاجات بس بصراحة مالقيت اي خيار.. قدر ماحاولتا ارصدك في كذا حتة لقيتك لابتمرقي ولا بتمشي حتات..بعدين بصراحة مسالة انك تبدا تعرف ليك زولة والزولة تكون عارفاك قاصد تعرفا دي مسالة مستحمية ..لكن برضو ماعندي خيار..قدرنا كده انك ماتقري معاي وانا ما اقرا معاك وبالتالي نودر فرصة تعارف طبيعي كانت ممكن تكون في فترة دراسة مثلا.. وتصوري لي فترة بفكر اضرب اقول ليكي شنو ؟؟ولامن غلبني ولقيت المسائل دي ما نفترض تبدا كده قتا احسن....
- (تقاطعة) انتا كلامك كتير كده مالو؟؟
- كيف..كيف ؟؟
- (كلك)
- (يزح الموبايل من اضانو ويعاين ليهو بي خلعة) ..
يتذكر البت القالتا ليهو امو دي..
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: DKEEN)
|
- الو فلانة
- ايوا معاك
- ياخي انا داير قربك لكن محتار..
- شنو؟؟
- الكابلي ياخي ..دي غنية للكابلي..مابتحبي الكابلي؟؟
- انتا منو؟
- ايوا صحي نسيت اقول ليك..معليش انا فلان اخدتا تلفونك من فلانة عشان اضرب ليك واتعرف عليك..ممكن؟
- اتفضل..
- انا في الحقيقة شفتك اربعة مرات.. انطباعي عنك جميل بس بصراحة ماعارف طبعك كيف..عشان كده ماعايزك تاخدي المسالة دي بي جدية اكبر من ما يحتمله برنامج تعارف عادي..اها قتي لي بتحبي الكابلي؟
- يعني ..بس مااستايلي..
-استايلك شنو طيب؟؟
- بحب الاغاني العربية جمانة حداد وهشام توفيق وسلمى طيوبة..
- مابتحبي الاغنيات السودانية..
- لا..
- (في محاولة لانقاذ هذه الريدة المتعثرة)اي فنان طيب؟؟
- طه سليمان..
- .......
- مالك سكتا؟؟
- انتي كويسة؟؟
- الحمد لله..
- ابوكي اسمو منو؟؟
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: DKEEN)
|
الاخت ناجية سلام
انا غايتو لو فى مكان الزول ده ما بتصل عشان ما احرج نفسى لكن افضل طريقة لو كنت فعلا صادق وجادى برسل ليها رسالة كلماتها مختارة بعناية وبمنتهى التهذيب بقول ليها بصراحة انا اجتهدت فى الحصول على رفمك وغرضى شريف واكون شاكر لو سمحتى لى بمكالمة...ان عجبك كلامى يبقى عين المراد وان لم يعجبك فلكى منى كل الود والاحترام
وطبعا فى الغالب ما بتوقع منها رد على رسالتى
لكن بعد الرسالة بمدة بجرب الاتصال عليها
فاذا ردت يبقى معناها ادتنى ضؤ اخضر لطرح نفسى عشان تحكم على
واذا رفضت الرد فلن اكرر الاتصال احتراما لعدم رغبتها
بس الحسرة بتكتلنى علا كمان الريدة ما بالغصب
مع ودى
| |
|
|
|
|
|
|
|
|
 Re: دايــر قربــك لاكــن محــتار...........!!!!!! (Re: هيثم درار)
|
أمي انا
نعلك طيبة
والله الموضوع دة لمن قريتوا
حكيت رأسي كدة
و أديت ليك الكيبورد كم نقرة ما جابن فايدة
لكن قلت أعمل قوقل في رأسي
لكن يتخيل لي الطريقة الحبيبو نورانية المباشرة الحصرية
بتنفع في الحالات دي
انا ببدأ بي تكسير التلج بكثافة عاصفة جليدية في سيبيريا
وبكون بعيد كل البعد عن المذهب التقليدي
المنتشر في الفترة الاخيرة دي
( جاني مسكول من الرقم دة)
معاي منو
انا سعدية!! انت منو
كيفك يا سعدية أخبارك وناس البيت كيف!!
لكن انا ما عرفتك يا ...؟؟؟
أنتوا مش ساكنين في الكلاكلة محطة الطاحونة؟؟؟
؟؟؟؟!!!!
وعرفت المعلومات دي من وين؟؟ وانت هسة بتقول لي معاي منو؟
والله انا بصراحة كدة
يعني من غير لف ودوران !!! سرقت الرقم دة من تلفون واحدة صاحبتي!
لكن بصراحة كدة يعني !! عايني أنتي بتنومي الساعة كم؟؟
ودة يهمك في شنو؟؟؟
لا عشان عايز أضرب ليك في وقت التخفيض؟؟
اوكي مافي مشكلة ... لكن انت منو؟؟
معاك حبيب نورة!!!
منو؟؟؟
معاك حبيب نور الدين مضوي النور !!!
أوكي يا حبيب
( يقفل الخط ويرسل رسالة جات في عشرمية تلفون )
تقول (بعيد عنك حياتي عزاب و يختما بي لما شفتك ليلي ضوً
وبقّ نور )
وعلي فكرة الرقم يكون أخدوا من واحد برضو ما شاف سعدية
تطير عيشة سعدية
أما بالنسبة للخطة الحبيبو نورانية الحصرية
فهي سياسة توووشك في تخليص قروشك
او الخطة جيم
بتاعة يا سعدية أرجعي لي عايزك
ويكون الرقم جديد علي سعدية الطايرة عيشتها
يا ربي دة منو ؟؟ محمد ود خالتي جايي علينا وما عندو حق الركشة!!
ألو ألو منو معاي؟
حبيب نورة لالالا قصدي حبيب نور الدين
الشهير بود نورة الاسطورة و سيد النافورة
انا ما بعرفك في حاجة ؟؟
لا والله يا سعدوا ( يوجد دلع) بس انا بصراحة كدة
مكسر فيك
يكسر انشاء الله رقبتك؟؟
رو
تقفل الخط في وشو وتكسر ليه دشو!! ( يوجد أحراج )
ــــ
روشتة
كلا الطريقتان تؤدي بك ألي حظر الرقم
وربما تقوم سعدية بالأتجاه ألي شركة أم تي أن
وتطير عيشة ناس شركة زين!!
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: هيثم درار)
|
الأخوان الأعزاء سلام كتير
أنا أسفة شديد خليت البوست معلق لظروف شقلتنى شديد
لكن الحمد لله لقيتكم ما قصرتو ا وكل أدلى بدلوه
شكرا يا خليل
فعلا درب الوصال صعب على أخونا لأسباب محيطة بالبنت
الأخ محمد قرض
شكرا لمرورك لكن انت زعلان لى أنا غايتو ما زعلت منك لانو دا رايك
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: ناجية مصطفى)
|
انت هسى ما وضحتى لوالزول ده اول مرة يشوفا ولا بيعرفا هى بت ناس منو وساكنة وين وما قادر يتكلم معاها او يوصل ليها كلامو ده
الأخ هيثم
لك كل التحايا الطيبة
زولنا ياهيثم بعرفة معرفة سطحيةيعنى شافة فى عدة منا سبات وعرف أهلها وكل الظروف المحيطة
لكن حابى أعرف حاجات تانية هل هى مرتبطة أعرف بتفكر كيف فى الحياة وهكذا يعنى اعرف كل شى
وشكرا ليك كتير مرورك اسعدنا ومنتظرين المزيد كما وعدتنا
العزيز أسامة الخولى
تحايا وشوق بالكوموالله أنت ياود أختى مفتح وعارف سن الحنك لسة عايزين مزيد من الخبرات
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: ناجية مصطفى)
|
دكين كيف حالك وين مختفى
الرواشة دى شنو العملتها فى التلفون بتاع البت ما تخليك رايق ورزين لوزولنا دا عمل كدا البنت
بطير منوولا ما كدا ياجماعة ؟
الأخ العزيز عاطف فكرتك رائعة بتاعت الرسالة ومناسبة جدا لكن لو فكرت فكرة تانى ما تبخل عشان نساعد
أخونا دا أنوبك ثواب
الأخت العزيزة رحاب
سلام شوق كيف حالك شكرا كتير لمرورك وانا برضو بفتكر فكرة الأخ عاطف مناسبة
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: ناجية مصطفى)
|
Quote: - الو فلانة
- ايوا معاك
- ياخي انا داير قربك لكن محتار..
- شنو؟؟
- الكابلي ياخي ..دي غنية للكابلي..مابتحبي الكابلي؟؟
- انتا منو؟
- ايوا صحي نسيت اقول ليك..معليش انا فلان اخدتا تلفونك من فلانة عشان اضرب ليك واتعرف عليك..ممكن؟
- اتفضل..
- انا في الحقيقة شفتك اربعة مرات.. انطباعي عنك جميل بس بصراحة ماعارف طبعك كيف..عشان كده ماعايزك تاخدي المسالة دي بي جدية اكبر من ما يحتمله برنامج تعارف عادي..اها قتي لي بتحبي الكابلي؟
- يعني ..بس مااستايلي..
-استايلك شنو طيب؟؟
- بحب الاغاني العربية جمانة حداد وهشام توفيق وسلمى طيوبة..
- مابتحبي الاغنيات السودانية..
- لا..
- (في محاولة لانقاذ هذه الريدة المتعثرة)اي فنان طيب؟؟
- طه سليمان..
- .......
- مالك سكتا؟؟
- انتي كويسة؟؟
- الحمد لله..
- ابوكي اسمو منو؟؟ |
طريقتك دى ياها البورتك يا عانس
ناجية إذيك .. زولك يخش توووش .. يا غرق يا جيت حازما بس يختى نصايح دكين
| |
|
|
|
|
|
|
|
|
|
Re: دايــر قربــك لاكــن محــتار...........!!!!!! (Re: رأفت ميلاد)
|
لكن يتخيل لي الطريقة الحبيبو نورانية المباشرة الحصرية
بتنفع في الحالات دي
انا ببدأ بي تكسير التلج بكثافة عاصفة جليدية في سيبيريا
ولدى العزيز حبيبى نورة
انا كنت منتظرة( نظرياتك الحصرية الحبيبو نورانية)
بفارق الصبر لانى عارفاها بتنفع و خبير فى كسير التلج
يا بخت نورة . لك ودى
| |
|
|
|
|
|
|
| |
khaleel
هيثم درار
اسامة كمال الخولي
عاطف محمد أحمد زكريا
Rihab Khalifa
حبيب نورة
رأفت ميلاد
فيس بوك
تويتر
انستقرام
يوتيوب
بنتيريست