كتب الكاتب الفاتح جبرا المتوفرة بمعرض الدوحة
|
|
 حنين البلد بالرياض (يوجد شوايقة)
|
يقيم تجمع البشمرقة بالرياض ندوة ثقافية بعنوان (حنين البلد) نناقش فيها حنك الشوايقة بتاع انو الواحد منهم يجي يضرب الكندشة والموية الصاااقطة ويكتفي فقط بي " ياااا يمة رسلي لي عفوك" مع كمية من الدموع والجرس ويا حلييل الساقية ويااا حليل الجروف وحش التمر ..
الدعوة عامة باستثناء ود الصايم ما لم يجينا بي تقرير طبي ممهور( عاجبني الكلمة دي ان شاء الله اكون اتوفقت في ختها صاح) بتوقيع وختم المدير الطبي لخلوه من انفلونزا الطيور بعد صورة الجداااد حق بكري ..
يتم استثناء عزاز شامي للدخول لتمثيل بوردابيات الرياض وتمنع حليمة عبد الرحمن لاسباب سااااي كده ..
يمنع دخول صلاح غريبة لاسباب تصويرية خصوصا والشغلانة فيها حنين وشوايقة وبلح !!
السماح لي تمبس بالدخول تحت مسمى اصدقاء تجمع البشمرقة شريطة إنو ما يجينا بي بنطلون الجينز وفنليتو المخططة رمادي بي اسود ديك ..
طارق نقد وادريس علم الهدى اختلف حولهم اعضاء التجمع وانقسم التجمع قسمين سبنت في امرهم النهائي الليلة الساعة 9 وتلت مساء.
احمد حنين معزوم بس حا نرسل ليهو الكروكي غلط ونديهو كروكي استراحة في الشفاء بينما الندوة غاليا حا تكون في مخرج 18 او اي مخرج تاني ان شاء الله مخرج طوارئ..
الريس او جهينة حا يكون ضيف شرف اللقاء وعلى هامش المناسبة حا نغشك وننده اسمك في المايك ونقول ليك عندنا ليك درع ووشاح بمناسبة الماجستير بس لسة ما اتاكدت من الحتة دي وهل الشيرنق تم ولا لأ ..:)
تخريمة :
الراغبين في الحضور للندوة تسجيل الاسماء هنا لأنو بصراحة نحن اشترينا كمية محدودة من الموز !!
|
|
 
|
|
|
|
|
|
|
 Re: حنين البلد بالرياض (يوجد شوايقة) (Re: عمر الفاروق)
|
الفاروق
ازيك يا ابو صلعة
| Quote: احمد حنين معزوم بس حا نرسل ليهو الكروكي غلط ونديهو كروكي استراحة في الشفاء بينما الندوة غاليا حا تكون في مخرج 18 او اي مخرج تاني ان شاء الله مخرج طوارئ |
يا خوي انا عازمني الشايقي الضكر عمران حسن صالح ...
مش الجماعة التايوان المضروبين ناس محمد الحسن وحسن الشايقي
| Quote: الراغبين في الحضور للندوة تسجيل الاسماء هنا لأنو بصراحة نحن اشترينا كمية محدودة من الموز !! |
بعدين يا الفاروق .. ان شاء باقي الموز تأكلوا ويشبعك تب
نحن بنشرب عصير بلح وبث
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: انعام حيمورة)
|
يا عمدة:
| Quote: عمر ياخي أنا ما بحب الموز ... بأكل باسطة وبشرب سفن أب ( أصلي مريخابي )!!! أها في ولاّ ما نجي ؟ |
بس لو كنت بتحب السحلب كان وافقنا ليك ..
جلت يا قريبك الرجاء المحاولة مرة اخرى فالكراسي مشغولة ..
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: عمران حسن صالح)
|
Quote: انا حنكوشة كابر عن كابر ولا مكان لي بين ناس بلح و جرافات و حواشات
اعتذر عن الحدور ... ما بقدر ما بقدر |
حتى العربى ساقطين فيهو حضور ما حدور الخوف لو جاء زول اعمى ممكن يقراها حدود
كاااااااااااااااااااااااااااااااااااك
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: محمد عادل)
|
Quote: حتى العربى ساقطين فيهو حضور ما حدور الخوف لو جاء زول اعمى ممكن يقراها حدود
كاااااااااااااااااااااااااااااااااااك |
ان شاء الله الكي بورد دا يخذل كل الناس المكاجرنك ديل وتقطع لسانهم بالاخطاء الاملائية عشان مافي زول يقول محمد عادل تاني ...
تعجبني يا ود عادل
بس نستثني الاخت عزاز لانها من الناطقين بغيرها ... ( رايك شنو )
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: mohamed osman bakry)
|
بيان من اللجنة الإعلامية بتجمع البشمرقة بخصوص "حدور" و "حضور":
بسم الله الرحمن الرحيم
أيها الشرفاء ..
في البدء نود أن نذكر مستخدمي الكيبوردات أن حرفي الدال والضاد هما على النقيض تماما حيث أن حرف الدال في القطب اليميني من قارة الكيبورد بينما الضاد في القطب الشمالي منه ..يعني بي العربي كده عزاز زول واعية وشايفة وقاصدة اخوتي الشرفاء (الشرفاء فقط اكرر)..
ولمن لا يعرفون صديقة التجمع عزاز ال شامي فهي وكما ذكرنا في بيان سابق انها تتبربر بي البرووورة ويكفي انها في مرة من المرات رماها ابن اختها الصغير هيما بي قطنة فتم خياطة جبهتها بي إطناشر فتلة مع البنج الكامل !!
وكذلك ننوه للإخوة الما شرفاء أننا في التجمع تعودنا علي هذه اللغة المتفق عليها بين رئيس تجمع البشمرقة وصديقة التجمع عزاز ال شامي ونفهم جيداً انها على سبيل الحفاظ على لسانها النوبي الممهور بي حنكشة (ياخ ممهور دي كده المرة التانية القا ليها حتة )..
وننتهز هذه الفرصة ونعلن عن تبرعنا بي عدد خمسة أزيار لي مدرسة ود الحاجة بي كتفية ريفي ود حامد ..
يعني يا الشرفاء والماشرفاء عزاز قاصدة الكلمة بي اختصااار كده وانا فهمتها وكما قيل سابقاً عند الإغريق :
" سيد الحق راضي شن دخل القاضي"..
وسير سير يا البشير ..
الرد الرد السد السد ..
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: حيدر حسن ميرغني)
|
Quote:
عمر ياخي أنا ما بحب الموز ... بأكل باسطة وبشرب سفن أب ( أصلي مريخابي )!!! أها في ولاّ ما نجي ؟ |
الأخ عماد
سلام
ياخي الجاب الكورة هنا شنو!!
أخير نحن 7 مقابل 4.. ده لو كان الهليل لكانت 9/ صفر..
الأخ عمر الفاروق
سلام
لي ساعة بفكر لي في كاتوقري أدخل بيها حلف البلح ده..
لكن لقيت الفيزا مالتي حدها مكة- المدينة- جدة..
افكر اغطس لي في تنكر ماء زمزم..عشان أصل!!
انتظروني بشوية بلح
تحياتي
عبدالعزيز
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: حيدر حسن ميرغني)
|
عمران ولدنا ده مشلخ وللا لا؟
>
>
>
حيدر سلام ....
إلا الشلوخ دي يا حيدر ... ما عندنا ليها (جضوم) ..لكن تربالي (صَر) ...
بي طيني .. ومرضان ويكة مفروكة بالقراصة والبصل الأبيض (رغم إحتجاج الحكومات ) ... وحنييييييييييين وبكاي ودمعتي قريبة كان سمعت صوت الطمبور ...
وزول جابرة سااااكت ...
بس تعرف ود أم درمان (الحنكوش) ده ما عاديني معاهم وحاسي بي رطبت ونسيت القضية ... 
| |
|
|
|
|
|
|
|
|
 Re: حنين البلد بالرياض (يوجد شوايقة) (Re: عمر الفاروق)
|
Quote: بيان من اللجنة الإعلامية بتجمع البشمرقة بخصوص "حدور" و "حضور":
بسم الله الرحمن الرحيم
أيها الشرفاء ..
في البدء نود أن نذكر مستخدمي الكيبوردات أن حرفي الدال والضاد هما على النقيض تماما حيث أن حرف الدال في القطب اليميني من قارة الكيبورد بينما الضاد في القطب الشمالي منه ..يعني بي العربي كده عزاز زول واعية وشايفة وقاصدة اخوتي الشرفاء (الشرفاء فقط اكرر)..
ولمن لا يعرفون صديقة التجمع عزاز ال شامي فهي وكما ذكرنا في بيان سابق انها تتبربر بي البرووورة ويكفي انها في مرة من المرات رماها ابن اختها الصغير هيما بي قطنة فتم خياطة جبهتها بي إطناشر فتلة مع البنج الكامل !!
وكذلك ننوه للإخوة الما شرفاء أننا في التجمع تعودنا علي هذه اللغة المتفق عليها بين رئيس تجمع البشمرقة وصديقة التجمع عزاز ال شامي ونفهم جيداً انها على سبيل الحفاظ على لسانها النوبي الممهور بي حنكشة (ياخ ممهور دي كده المرة التانية القا ليها حتة )..
وننتهز هذه الفرصة ونعلن عن تبرعنا بي عدد خمسة أزيار لي مدرسة ود الحاجة بي كتفية ريفي ود حامد ..
يعني يا الشرفاء والماشرفاء عزاز قاصدة الكلمة بي اختصااار كده وانا فهمتها وكما قيل سابقاً عند الإغريق :
" سيد الحق راضي شن دخل القاضي"..
وسير سير يا البشير ..
الرد الرد السد السد .. |
تول عمرك بتفهمها وهي تايرة ...
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: عزاز شامي)
|
| Quote: حتى العربى ساقطين فيهو حضور ما حدور الخوف لو جاء زول اعمى ممكن يقراها حدود |
 يا ابوحميد لم العالم ديل وأفتح ليهم فصول محو أمية يا أمية,,,,,وصاحبك المتصور معاه دا مالو صارى وشو كدا!!!! زعلان منك ولا شنو؟؟؟
عزاز شامى بضاعتكم ردّت إليكم,,(بخصوص الوشوش وكدا),,
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: أيمن الطيب)
|
البشمرقة إزيكم .. لعلكم طيبين في حييكم ..
على رأسهم المتبشرق الفاروق قدس الله سره ..
بالنسبة للحنين والشوايقة .. فلا خلاف في ذلك فمثلهم [ مثل ود الطالب والهلباوي في تهمة حملة وليد دارفور ] منسجمين إنسجام السنين ..
أما فيما دار من لغط حول لفظ العرب والمستعربة .. فإن تحليلنا [كرياضيين ] [ سبق لنا إقامة العديد من الإحتفالات الخاصة والعامة ] [ يعني بالاوضح كده شفوت حفلات ] وبصفتي أمين مال لبورداب الرياض [ هيهيهي] فإن هذا يدخل في باب أعجمي فألعب به .. فالكي بورد أعجمي [ المنشأ والمصنع ] .. فجاز لنا أن نلعب به ..
أنظر يارعاك الله إلى مايدور في منبرنا العام من خربطه وبرطعة وخرمجة بالكي بورد ...
رغم ذلك تجدنا نغبط [ من الغبوطية ] للحبيب جناح الحبيب حرصه على اللغة العربية ..
ختاماً .. ندين أوكامبو .. ونطالبوا برجوع تمبس وحميدة ..
عاش كفاح الطبقة المستنرية ..
عاش كفاح البشمرقة لفك الإرتباط بين الطناش في الغربة والحنين ..
عاش الشوايقة بكايين وغنايين ..
الأرباب
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: Khalid Saeed)
|
الحنين احمد :
| Quote: يا خوي انا عازمني الشايقي الضكر عمران حسن صالح ... |
تعرف يا حبوب عمران انتفت منو صفة الشوايقوية لي سبب واحد ..
الزول ده بيستمتع بي القرش وفي اليدو ما حقتو وهي اكتر صفة حا تخلي الشوايقة يتبرو منو ..
ويبدو جليا انو ام محمد الامدرمانية اثرت فيهو وخربتو (يا قول اهلو الشوايقة)..
بيكونوقاعدين قولوا الجنا خرب بقا يركب العربات السمحة ويقري ولدو في المدارس الخاصة وبيستمتع بي حياتو :)
ياخ انا مشيت لقيتو مشتري لي ولدو المريخابي ده سبورة وايت بورد :D:D:D:D:D:D:
الله يرحم ايام عمران بيحسب بي مصاص البلح ونص قاريتو كانت في الواطـــة والكراس مليان عرق ومجلد بي جريدة الصحافة وفيهو زيت شندويتش الطعمية :)
هيييييييييييييييييييييييييه قال شايقي قال ..
الود خلاااااص صار لبناني خيييو لك تؤبرني احمدووو
| |
|
|
|
|
|
|
|
|
|
Re: حنين البلد بالرياض (يوجد شوايقة) (Re: عمر الفاروق)
|
Quote: الله يرحم ايام عمران بيحسب بي مصاص البلح ونص قاريتو كانت في الواطـــة والكراس مليان عرق ومجلد بي جريدة الصحافة وفيهو زيت شندويتش الطعمية :)
هيييييييييييييييييييييييييه قال شايقي قال .. |
ياخي حرام عليكـ يا عمر ..
نسيت الفانوس ياخي ..
والله بالفانوس يا عمر .. ما أم نويويرة عشان ما تظلمني ساكت ...
| |
|
|
|
|
|
|
| |
عمر الفاروق
محمد عبد الماجد الصايم
عماد الشبلي
ahmed haneen
انعام حيمورة
عمران حسن صالح
محمد عادل
Hussein Mallasi
علاء الدين حيموره
حيدر حسن ميرغني
Abdlaziz Eisa
خالد عبد الله محمود
أيمن الطيب
Khalid Saeed
عزالدين آدم علي
صديق الموج
فيس بوك
تويتر
انستقرام
يوتيوب
بنتيريست