|
|
|
 Re: انفصال أوباما وميشيل (Re: Hadeer Alzain)
|
دبي، الإمارات العربية المتحدة (CNN) --
صحف: البيان الإماراتية
كتبت البيان الإماراتية تحت عنوان "ميشال اعتبرته يضيع وقته في السياسة أوباما وزوجته انفصلا عام 2000" تقول:
"كشف كتاب جديد أن الرئيس الأميركي باراك أوباما انفصل عن زوجته ميشال في العام 2000 عندما عانت مسيرته السياسية من مشاكل. وقالت صحيفة ديلي تلغراف البريطانية أن كتاب 'المرتد: صناعة رئيس' لمراسل مجلة نيوزويك ريتشارد وولف الذي قام بتغطية الانتخابات الرئاسية الأميركية في العام 2008، يكشف أنه 'في العام 2000 انفصل الزوجان، وكانت ميشال أنجبت حديثا ابنتهما الأولى ماليا وتنتظر ولادة ابنتها الثانية.'"
وأضافت: "وتابع 'لكنهما عادا عن قرارهما بعد مواجهة المشاكل بينهما في نفس السنة.' وقال وولف 'إن الزوجين لم يكونا يتكلمان كثيرا وأن ميشال كانت غاضبة من أنانيته وتكريس نفسه بالكامل لمسيرته السياسية دون الاهتمام بالبيت العائلي، فيما كان يعتبرها باردة وجاحدة.'"
يتبع
| |
 
|
|
|
|
|
|
|
 Re: انفصال أوباما وميشيل (Re: Hadeer Alzain)
|
وتابعت: "وأضاف 'وفي العام 2000، كان أوباما نائبا في المجلس المحلي بولاية إيلينوي وعلى خلاف مع زعماء الحزب الديمقراطي. وسافر إلى لوس أنجلوس على متن أرخص الرحلات ثمناً ولكن لم يسمح له بالمشاركة في المؤتمر الوطني الديمقراطي.'"
وأكملت: "وتابع 'أن المفارقة تكمن في أن أوباما، أصبح بعد أربع سنوات، نجما صاعدا ومرشحاً لمجلس الشيوخ الأميركي عن الحزب الديمقراطي وألقى خطاباً في المؤتمر الوطني في بوسطن. وقال وولف:
إن ميشال التي كانت تعتقد أن زوجها يضيّع وقته في السياسة، عادت وغيّرت رأيها في ما بعد.'"
نقلآ عن:
http://arabic.cnn.com/2009/middle_east/6/8/arab.pprs_ah2/index.html
| |
|
|
|
|
|
|
|
|
 Re: انفصال أوباما وميشيل (Re: Hadeer Alzain)
|
يا ميشال ..
الملك أوباما دا عاااارف بعمل وبسوي في شنو.
أعملي حسابك .. تاني كان زعلتي حقك حا يروح 
إذ أن "حبيبتنا" أوبرا ونفري قااااعدة .. وكمان تشبه البيت الأبيض
وما ستفعله للعالم وهي داخل البيت الأبيض لن تستطيعي فعل ربعه
والجندريات يمتنعن
ولو جو ما يجو يرشوني بي بف باف 
______
حليل تراجي!
| |
|
|
|
|
|
|
|
|
 Re: انفصال أوباما وميشيل (Re: Hassan Makkawi)
|
| Quote: انفصال أوباما وميشيل |
ياخي خلعتينا
داخل اقول ليك كضاااابة
بس دقت في العارضة والحمد لله ...
عارفة زكرني العنوان دا بقصة براد بيت ونيكول كيدمان ... او جنيفر انيستون وتعيس لبحظ اسمو طار من راسي ... منو ؟ .. منو ؟
المهم برضو وجيه ؟؟
اخبارك والتحايا ..
| |
|
|
|
|
|
|
|
|
|
Re: انفصال أوباما وميشيل (Re: فيصل محمد خليل)
|
Quote: ظنيت الود ساركوزى أداهو نقلة
وهداهو (من اين يجب أن يبدأ التغيير)
___________________
ما حليل تراجى!! |
يا حسن مكاوي
يعني من يوم تراجي إختفت إنت اختفيت
وبرضو ما يا حليلا!!! والله حليلا وبالكتير كمان
عارف كان دا ملك ولا رئيس عربي كان فعلآ بدأ التغيير من البيت
وكل سنة بي مرا .. بدءآ بعمر تسعتاشر سنة
لكن ميشيل (القطيمة) مرا محظوظة وقعت ليها في راجل عندو أخلاق ..
شرفنا مرورك الكريم والله يا حسن مكاوي ..
| |
|
|
|
|
|
|
|
|
 Re: انفصال أوباما وميشيل (Re: Hadeer Alzain)
|
Quote:
ياخي خلعتينا
داخل اقول ليك كضاااابة
|
يعني يا حيدر أخوي كان ما الحبكة الصحفية دي كان بتقرا البوست?
والله العظيم أنا زيك إتخلعت لمن قريت الخبر (عشان كدا قررت أخلعكم)
إفتكرت في الأول إنو (القطيمة) ميشيل حردانة ولا شئ .. لكن طلعت القصة قبل الملك ما يبقى رئيس
Quote:
عارفة زكرني العنوان دا بقصة براد بيت ونيكول كيدمان ... او جنيفر انيستون و..... |
براد خطفتو المرا السمحة انجلينا جولي وخلت خشم جنيفر ملح ملح  .. "إن كيدهن عظيم"
الله يستر على ميشيل من جنس ديل .. إذ لا يوجد هنالك مجال لزوجة تانية
تحياتي لك
| |
|
|
|
|
|
|
|
|
|
Re: انفصال أوباما وميشيل (Re: Hadeer Alzain)
|
Quote: عارف كان دا ملك ولا رئيس عربي كان فعلآ بدأ التغيير من البيت
وكل سنة بي مرا .. بدءآ بعمر تسعتاشر سنة
|
اختنا Hadeer
الود ساركوزى بدل الزوجة الجديدة
بواحدة موديل موريس شيفاليية
يعنى السر لا فى العمر لا فى المظهر!!!
| |
|
|
|
|
|
|
|
|
 Re: انفصال أوباما وميشيل (Re: Hadeer Alzain)
|
Quote:
ياريت لو تساعدنا بي حبة أناقة بس.... |
الأخ العزيز ياسر .. شرفتنا والله ..
السيدة ميشيل أوباما بالمناسبة فاكرا روحا سيدة الأناقة الأولى في العالم!
كانو يجيبو ليها جنيفر لوبيز تقعد معاها شهر كدا كانت جيهتا من مجاميعو
دي الميديا مطبلة ليها شديد.. قامت صدقت قصة إنها أنيقة دي .. وضرستنا نحن ..
| |
|
|
|
|
|
|
|
|
|
Re: انفصال أوباما وميشيل (Re: yasir Abdelgadir)
|
| Quote: الود ساركوزى بدل الزوجة |
يا حسن مكاوي في يقيني الفرق الأخلاقي مابين أوباما وساركوزي
كالفرق ما بين موسى وفرعون (إن جاز هذا التشبيه) ..
وبعدين ميشيل القطيمة بصرة وشها ديك بتكون مخوفة الملك من اللعب خارج المنزل كأي رجل مشهور (جدآ).. ولديه معجبات.
| |
|
|
|
|
|
|
|
|
 Re: انفصال أوباما وميشيل (Re: Hadeer Alzain)
|
Quote:
فستان اول يوم أصابني بالصداع |
عارف يا ياسر ياأخوي السيدة ميشيل تلبس ألوان قوية وفاقعة (في بعض الأحيان)
متناسية إنها ذات بشرة داكنة نوعآ ما. ودا البجيب الصداع.
زي ما ذكرت فوق محتاجة مساعدة عاجلة من جنيفر لوبيز توريها كيمياء الألوان.
| |
|
|
|
|
|
|
|
|
|
Re: انفصال أوباما وميشيل (Re: Hadeer Alzain)
|
مسيرة أوباما المهنية وكذلك مسيرة ميشيل حافلة بالتحديات والنحت على الصخر..
وطبيعي -ان كان الخبر صحيحا- ان تنتج عنها ضغوطات عديدة قد تؤثر على زواجهم..
مثلهم مثل اي زوجين في ظروف مماثلة..
ميشيل امرأة متميّزة وهي فخر لأوباما مثلما هو فخر لها..
| |
|
|
|
|
|
|
|
|
|
Re: انفصال أوباما وميشيل (Re: nada ali)
|
وما بين هدير و(هيدر) قد تزغللت عيون أو(تزمزغت) كما حدث مع أحد الإخوة هنا تانى إنفصال ممنوع,,,
لحام ستلين وإلا ناس هناية وهناية بختفو ويقومو بيهو سدارى,,,وهذا لا يمنع أن وراء كل عظيم إمرأة(Backup)...
التحايا يا شباب,,
* مع الإعتذار لصاحب المفردة (زمزغة) أخونا ود الباوقة,,
| |
|
|
|
|
|
|
|
|
|
Re: انفصال أوباما وميشيل (Re: أيمن الطيب)
|
أرجو قبول اعتذاري عن الرد المتأخر لإنشغالي الأيام الفاتت ..
وخاصة لجندريات إليقنت وإنتلجنت ويملكن عقلآ جميلآ شرفن البوست.
وحتى البف باف حقهن كان civilized
Quote:
مسيرة أوباما المهنية وكذلك مسيرة ميشيل حافلة بالتحديات والنحت على الصخر..
وطبيعي -ان كان الخبر صحيحا- ان تنتج عنها ضغوطات عديدة قد تؤثر على زواجهم..
مثلهم مثل اي زوجين في ظروف مماثلة..
ميشيل امرأة متميّزة وهي فخر لأوباما مثلما هو فخر لها.. |
نجوان إزيك يا إخية
نعم ميشيل رغم صعوبيتها لكنها إمراة متميزة وخلقت هالة من الإحترام والهيبة حول أوباما حتى قبل أن يترشح
وكانت سند وضهر قوي خلال الحملة الإنتخابية وخلتو زي ما بقولو قراونديد.
بس شاهدت ليهم لقاء معآ قبل ترشحه للرئاسة. كانت صارة وشها وبتتعامل مع أوباما زي كأنها أمو وليس زوجته
ولهذا جاني إنطباع ما كويس عنها بأنها بتحب الكنترول (وعادة الرجل يسأم أحيانآ من ذلك) ولهذا ما إستغربت
خبر الإنفصال الكان في 2000 إن كان صحيحآ كما ذكرتي (أيضآ) ..
تشكري على المرور البهي!
| |
|
|
|
|
|
|
|
|
|
Re: انفصال أوباما وميشيل (Re: Hadeer Alzain)
|
Quote: Read this interview with Michelle Obama, in the most recent issue of TIME. Michelle Obama's Photo graces the cover of this month's issue
|
الغالية ندى .. سلامات ياخ
طبعآ قضايا النوع دي بتجذبك زي مغنطيس.
شكرآ لك على إيراد المقابلة مع ميشيل وبالمناسبة عشقي في الدنيا المرأة القوية ومن ثم الجميلة "جندر-باياز" ..
وسر جمال ميشيل بلا شك يكمن في قوة شخصيتها وثقافتها .. (بس قطيمة حبتين)
فتحت البوست ليس تحاملآ على ميشيل ولكن أصدق ماقاله أوباما حينها عنها كما ذكرت الجريدة (إن صح الخبر)
وبالمناسبة الصعوبية الشديدة مرات مشكلة خاصة مع الرجال لأنها تجعل الرجل يفر أو يبحث عن حنان في مكان آخر.
لكن بعد أوباما بقى رئيس شايفاها بقت منكسرة أمامه .. ما لاحظتي كدا؟ ماااا ميشيل ديك .. لربما متطلبات مرحلة
أناقتها دي غايتو مع إحترامي الشديد لوجهة نظرك عندي فيها راي. شوفتي آخر فيديو ليها في البيت الأبيض؟
ممكن الزول يبقى كاجوال لكن بأناقة.
شرفنا حضورك الكريم شديد والله
| |
|
|
|
|
|
|
|
|
 Re: انفصال أوباما وميشيل (Re: Hadeer Alzain)
|
Quote: وما بين هدير و(هيدر) قد تزغللت عيون أو(تزمزغت)
تانى إنفصال ممنوع,,, لحام ستلين وإلا ناس هناية وهناية بختفو ويقومو بيهو سدارى,,,وهذا لا يمنع أن وراء كل عظيم إمرأة |
يا أيمن إزيك!
وأهو غيرنا البروفايل عشان ما تحصل زغللة حروف تاني .. وإنت تلقى ليك موضوع
وزي ما قال الأخ فيصل هي عويرة تنفصل هسه؟ الكلام دا كان زمااااان لمن الملك كان زول عادي ومغمور ومافي زول بعرفو
والله هسه لو ما بقت رقيقة وقبضت قوي فعلآ الشفع الحايمات ديل .. ولا (مونيكا تانية ولا إنجلينا سمحة) يجو يخلو
خشما ملح ملح. خاصة إنو الخانة تسع شخص واحد فقط لا غير.
بس لكن أوباما (أعتقد) زول تقيل ما زي كلنتون ولا براد. وما أظنو بخرب الإمج بتاعو بنزوات زي دي.
شرفنا حضورك شديد والله يا أيمن ..
| |
|
|
|
|
|
|
| |
Hadeer Alzain
Hassan Makkawi
HAIDER ALZAIN
فيصل محمد خليل
نجوان
nada ali
أيمن الطيب
فيس بوك
تويتر
انستقرام
يوتيوب
بنتيريست