|
|
 حكايتي مع Google
|
صحيح الما بعرفك يجهلك..
قبل كم يوم حدثتني نفسي الأمارة بالسوء وأوهمتني بأنني إنسان مهم ومشهور على المستويين
المحلي والعالمي، فحاولت أن أعمل استفتاء على شهرتي وشعبيتي فقمت بزيارة موقع
قوقل فأدخلت اسمي: نصر الدين البشير، وكنت متشوقاً لتأتيني في ثوانٍ معدودة، نبذة
معتبرة عن نفسي، فانتظرت مدة طويلة فلم أحصل على رد ويظهر أن الموقع (علّق)
فأعدت المحاولة مرة ثانية فجاءني الرد كالصاعقة من قوقل (يطرشني ما سمعت بيهو)..
قلت يا ولد بتحْصل.. كدي اكتب اسمك بالانجليزي، فكتبته بالانجليزي ودفعت به
وانتظرت فجاءني الرد التالي:(You don’t believe me, F.U)
فقلت في سري أمري لله، بس ما كان في داعي للإساءة وتحاملت على نفسي. وكنت مصراَ على
معرفة موقعي ووزني عالمياً فقلت أحسن أدخل ال pseudo name بتاعي فأدخلت (ود الجار عودو)،
ويا ريت ما دخلت الاسم ده، قوقل قام طلع من طورو وجاط فيني وقال لي: إنت قايل الونسة والدراب
بتاع سوداينز أونلاين ده بيعمل منك شخصية مشهورة وإنسان مهم وكاتب لا يضاهى؟ ولا كنت فاكر نفسك
توماس هاردي أو وولي سوينكا وأنا ما عارف؟ قوم بلا جار عودو بلا لمة، إن شاء الله العود ال ...........
لكنه لما شاف عيوني بقن حمّمّمّر من الغضب، قام رخى شوية وتم الجملة على النحو التالي:
اليمرقك في حشرو عباس..
طبعاً أنا فهمت قصدو وتملكني الغضب السوداني المعروف ونزلت فيهو نبز وشتيمة ما خليت ليهو
صفحة يرقد عليها، وطبعاً وصفتو بربيب الصهيونية واليهودية والنظام العالمي الجديد وقلت ليهو
إنت فاكر نفسك شنو؟ ما زيك وزي أي وداعية وفي أحسن الأحوال إنت مجرد فحّيص بدوك العينة وتدي
النتيجة بتاعتها..
بس بصراحة ندمت كتير على إنو نبزي وصل حتى أمو المسكينة الما كانت طرف في النقاش..
فبهذه المناسبة أقول للأخوة الذين يجهلهم قوقل، أقول لهم لا تحزنوا ولا تبتئسوا، فإن جهلكم
قوقل وما عرف مقداركم، فإن الله أعلم بكم ولن يضيع جهودكم وحقوقكم، فما عند الله خير وأبقى..
|
|
 
|
|
|
|
|
|
|
|
Re: حكايتي مع Google (Re: Nasruddin Al Basheer)
|
Quote: طبعاً أنا فهمت قصدو وتملكني الغضب السوداني المعروف ونزلت فيهو نبز وشتيمة ما خليت ليهو
صفحة يرقد عليها، وطبعاً وصفتو بربيب الصهيونية واليهودية والنظام العالمي الجديد وقلت ليهو
إنت فاكر نفسك شنو؟ ما زيك وزي أي وداعية وفي أحسن الأحوال إنت مجرد فحّيص بدوك العينة وتدي
النتيجة بتاعتها..
بس بصراحة ندمت كتير على إنو نبزي وصل حتى أمو المسكينة الما كانت طرف في النقاش..
فبهذه المناسبة أقول للأخوة الذين يجهلهم قوقل، أقول لهم لا تحزنوا ولا تبتئسوا، فإن جهلكم
قوقل وما عرف مقداركم، فإن الله أعلم بكم ولن يضيع جهودكم وحقوقكم، فما عند الله خير وأبقى.. |
توريه جميلة يفهمها القليلون ..
| |
|
|
|
|
|
|
|
|
|
Re: حكايتي مع Google (Re: محمد عبد الماجد الصايم)
|
ياخي انت زول تعبان ساكت
انا كتبت الزول زاتووو جاتني 10 صفحات
كتبت زاتوووو جاتني عشرة صفحات من ضمنها حنانك زاتوو والكسل زاتووو
وكتبت لووول يكه جاتني برضو كم صفحة كده من ضمنها الكيكه
الشهرة متاعب يازول خليك كده احسن مافي زول يعرفك
تصدق انا عملت بحث لي كلمة قوقل انقر جاني شنو ؟
تحياتي
زاتوووو
| |
|
|
|
|
|
|
|
|
|
Re: حكايتي مع Google (Re: ALZOLZATOO)
|
Quote: ياخي انت زول تعبان ساكت
انا كتبت الزول زاتووو جاتني 10 صفحات
كتبت زاتوووو جاتني عشرة صفحات من ضمنها حنانك زاتوو والكسل زاتووو
وكتبت لووول يكه جاتني برضو كم صفحة كده من ضمنها الكيكه
الشهرة متاعب يازول خليك كده احسن مافي زول يعرفك
تصدق انا عملت بحث لي كلمة قوقل انقر جاني شنو ؟
|
الزول ذاتو
إزيك ذاتو يا اخ
أنا تعبان نعم لكين اليومين ديل عاوز أبقى ثعبان عشان أتأقلم مع الحياة الصعبة،
لكنني مشهور ولا فخر وما فعله قوقل معاي هو محاولة لإثارتي وإشعاري بأنني مش مهم..
قوقل مصاب بالتغاء وعجب النفس وقايل نفسو هو الوحيد الفي الدنيا دي
لكن قول ليهو النت ده والد وحا يجي يوم نلقاك بتشحد في الشارع..
الدنيا سداية ورضاية..
| |
|
|
|
|
|
|
|
|
 Re: حكايتي مع Google (Re: ذواليد سليمان مصطفى)
|
Quote: كيف كدا
على الطائر
ولا ايه المصيبة
الحل امشي لفكى ياهوو بحلك من قوقل
|
يا ذو اليد إنت هكر ولا شنو؟
يا اخ الرابط الجبتو ده جاب لينا ما بداخل المسنجر
وكشف عورة رسائل المعجبات الغرامية..
الغيرة حاتألب علي آنسات البورد الجميلات..
حكاية عدم الشهرة دي للتواضع وكده..
| |
|
|
|
|
|
|
|
|
|
Re: حكايتي مع Google (Re: محجوب البيلي)
|
يلزمني توضيح أن حشرو عباس قرية أظنها تقع في محلية أبو عشر وقد تم تغيير اسمها
قبل عدة سنوات.
لا أدري سبب التسمية لكنني أرجح أن التسمية تمت حينها بمنتهى حسن النية والاستعجال..
الشيء المحيرني إنو قوقل ده ما سوداني، بس جاب الاسم ده من وين؟؟
| |
|
|
|
|
|
|
| |
Nasruddin Al Basheer
Mohammed Ibrahim Othman
محمد عبد الماجد الصايم
ALZOLZATOO
ذواليد سليمان مصطفى
محجوب البيلي
فيس بوك
تويتر
انستقرام
يوتيوب
بنتيريست