|
|
 ما تريحونا من الصفر الدولي ده ... يا ناس (شـدونا) انـســحـبـوا يرحمكم الله
|
الصفر الدولي ده مرهق جدا للميزانية في الغربة
تجيك الفاتورة متلتلة الوفات وكسورها
اها الجيب يتقد وتقول تاني ما حتتكلم كتير
وكل مرة تقول توقف الصفر الدولي
ما بتلغيهو
وتاني تقعد تدفع
لمن راسك يصفر
اها ده ظظاااتو المجننا
في منتخب السجم والرماد ده
ناس شدونا جابو ناس طردونا
وما زال الصفر الدولي شغال
زول واحد يدخل ليهو هدف مافي
من البطولة العربية في القاهرة النتيجة من الاهداف صفر
غانا وسخانة والاهداف صفر
مع بنين برضو صفر
خايف بكرة تكون مع بنات برضو صفر
فاتورة التشجيع دي فاتورة كبيرة وغالية جدا
بندفعا من دمنا واعصابنا وجايبا لينا المرض
في ناس بيموتوا بسبب مباراة
يا اخوانا
يا ناس شدونا وطردونا
مرضتونا مرض
الله يمرضكم
بالله عشان الصفر الدولي ده مكلف
الغووووووووووووهو لينا
وخلونا في المحلي
عشان نقعد نصفق ونضحك وننبسط
نشوف الاهداف 7 مقابل صفر
وخمسة اتنين
وكده
عيان يغلب في ميت
حمام x حمام
ونرتاااااح من المرض
ما معقول نجي طوالي خارجين بصفر دولي ( ولا هدف واحد)
اها
ماتنسحبوا وتريحونا
بدل ما الواحد يفقد روحو في المرة الجاية
|
|
 
|
|
|
|
جمال السنوسي
طارق شاطر
فيس بوك
تويتر
انستقرام
يوتيوب
بنتيريست