|
كتب الكاتب الفاتح جبرا المتوفرة بمعرض الدوحة
|
|
 Re: سفيان نابري ; بحبك وعزمك ـ لوممكن ـ قهوة ... (Re: Ahmed musa)
|
زمااااااااان ... مرة بقرأ في النت ... لقيت ليك كلام جميل عن واحد قالو إسموا {سفيان نابري} كلام بالجد جميل ومن كم زول .... إتغظت بصراحة وقلت لنفسي ده منو {سفيان نابري} ده ... ويطلع شنو ؟؟؟ تلقاه واحد من مفاعيص الوسط الثقافي ...(معليش ياأخوانا للصراحة القبيحة دي) ... قال سفيان نابري قال ... تلقاه واحد مفلفل شعره وشايل ليه شنطة قماش وبنطلون جينز وعامل أبوعرام ... اوف ... بلد وهم ... وناس فاضية ... معليش ياشباب ...
| |
 
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: ناذر محمد الخليفة)
|
Quote:
سلام أحمد موسى ..
لي متين حا يكون مكتبك مقفول ؟!!
لو ما دايرو أجرو لي ياخ ..!! |
بتعمل ليه صيانة ؟؟؟
والله يا ناذر بس الجري والطيران ...
شكراً للزيارات ... بس اديني تلفون بحسب البروفايل
وذلك بعدلقائي بسفيان نابري والعودة بعده للخرطوم ...
الغريبة هو ما داير يرد على العزومة ...
بورداب القاهرة ديل برة الشبكة؟؟؟
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: baha eassa)
|
طبعاً قبل ما امشي قدام في قصة سفيان يمكن يسألني واحد كدا : إنت الوداك القاهرة شنو ؟؟؟
الحاصل انا جايي في مهمه (سرية) لإسقاط نظام الإنقاذ ... وعملت عدة إجتماعات (سرية) مع عدد من المعارضين (السريين) ...
ما حأقول أسمئهم لدواعي (السرية) ولكن اهم إجتماعاتي كانت مع المعارض السري (الشيخ) والشيخ أزبد وأرغي في وصف الإنقاذ
وإتهمها بأي حاجة ... وأنا زاتي أزبدت معاه وأرغيت ... أها إجتماعي مع المعارض (السري) عثمان عمر صاحب التلفون 0191340499 فما كانت مفيدة ... عثمان ده زي هو برة الشبكة قعد يتكلم لي عن أخطأ الإنقاذ في التنصل عن إتفاقية اديس ابابا!!! بصراحة خفت على عقلي يلحق امات طه ... هربت بدعوى اجتماع سري يجمعني بالـ cia فرع القاهرة ... عثمان بكى ماعارف ليه ...
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: Ahmed musa)
|
الخير مناضل (سري) يجاهر بعدائه للحكومات ... كلها يمينها ويسارها ... لاقيتو في مكان (سري) فاتح على ميدان التحرير ... الخير , وعليكم السلام , الخير ..زاهلاااان مرحب ... أُستاذ الخير ... أهلان ياباشا إلخ ... ماقدرت أفتح معاه الموضوع ... لأنو حتى لمان يسكت من السلام أو رد السلام بشفط الشاي العلى الخمسين بطريقة غريبة ...شووووووووووووت ... إتكلم لي عن نضالاته كلها ماخلى لي جنبة أتكي عليها نضالي البسيط , ولو كان اداني دقيقتين كان نضالاتي كملت ... المهم ... قلت ليه الخير لازم نعمل برنامج عمل نسقط الحكومة ...سرح وسالني دي ياتو حكومة فذكرته للمرة التالتة الإنقاذ يا الخير الإنقاذ ... قال أيوااااااا ... أها شوف نحن أحسن نعمل لينا ... وسكت ليه سكته إتخيل لي إنو مات لأنو غمض عيونه غميض نضال حقيقي ... وفتح فجأة قال لي أسمع عندي خمسة جنيه ... فرحت حسيت الشغل الجد بدأ قلت ليه أكيد أكيد ما النضال ده ... قاطعني جيبها بسرعة ... شالها وجري وهو بقول حاسب الشاي والشيشة ...
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: Ahmed musa)
|
نخلي المناضلين شوية لأنو حصل الآن بينهم خلاف بين تيار النضال القديم(تنق) وتيار النضال القديم خالص (تنقخ) وحركات النضال التصحيحية (حنت) ... ونرجع لموضوع المفعوص (سفيان نابري) ...
أهااااااا مشيت ليك القاهرة مهرجان المسرح التجريبي ونافخ ليك صدري الثقافي ... وبفتش بين الوشوش عن أي نابري ...(حمور زيادة) صاحبي وبحبوا كان برضو وصاني لنابري ... حبيتو كرهت وصيتو ... سألت السر السيد ... والسر للمابعرفوا حساس جداً تجاه إجابة الأسئلة المفاجئة أو الماعارف الهدف من وراها ... عاين لي من فوق نضارتوا وسالني سؤال رداً على سؤالي : ماله ؟؟؟ طبعاً لازم يعقد المواضيع البسيطة ... عشان ناقد وكدا ...قلت ليه بطريقة حاولت ابسط ليه بيها الموضوع فعقدته : لا أبدا كل الحاصل حمور زيادة ولا منو داك ماعارف وصاني ليه ... أها ولا منو ديك ماعارف كان الإشارة الإلتقطها السر السيد ولعب بي بيها ...
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: Ahmed musa)
|
طبعاً العنوان بتاع البوست ناقص حرف أو هكذا يبدو ... في عزمك والصحيح عازمك ... لكن هو نقص مقصود بيه الكمال (ولد دا) ... يعني بإعتبار انافي القاهرة فلازم انقص الألف عشان تجي في السياق القاهري (دنا عزمك أهوة) ... وانا ماألتش أهوة عشان جهوية الشرق جواي ما داير اجهجه القهوة لغوياً ... ولا شنو ؟؟؟؟
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: Ahmed musa)
|
| Quote: في عزمك والصحيح عازمك |
من قبييييل الواحد يتلفت يتلف
ويقول مولانا الافكاتو ده ما نقص
الحرف ساااي وسهو احتمال اقول
سِهى وطاخ اطرب ليهو يقوم يسنفكني
ليك في قبولي (اصلاً كايرو دي بقت قبولي)
المهم لما لقيت التصحيح الفوق ده قلته
الحمد لله اهو القهوة طلعت ومعاها حُب كمان.
بس يا دجانقو اوعه تشبكنى الانقاذ وكلام ناس الشرق ده :-
لانو الناس دى خلت الجبهة الشرقية ووقعو نيفاشا وتكلو جوه
قبة التراطيب والهبوب ضارباهم وانا زول الله سااااااي ما عندى
غير أني :- | Quote: واحد مفلفل شعره وشايل ليه شنطة قماش وبنطلون جينز وعامل أبوعرام |
والدليل آلو لو الرفعو بهاء عيسي ده
بس ورينى السر السيد رئيس تنظيمنا المعلن (الحزب الجمالي) قال ليك شنو ؟ لانو ناوى اقوم بي الفرعية
دى وانوم بيها .
ياخ ال(شيخ) و ال(خير) مالك عليهم ياخ خلهم خلهم قلنا ليك .حكمة اليوم:-
إي افكاتو ينقص حرف في وثيقة
لو ما لقيت ليهو توضيح صهين
واعمل نايم .
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: د.نجاة محمود)
|
مكفولك لكني أبداً سلطان (الضُمان) ...
تعرفي يادكتورة (بيان) ... والتجي تجي ... إني كلما دخلت ورديت و و و قلت ياسلاااااام عليك يا دكتورة بيان
وبكري ابوبكر *
أها ...
Quote:
قلت لي شركت للسر السيد وجبتا آخرو...
|
انا اجيب آخر السر ؟؟؟؟ لاحول ولاقوة إلا بالله ...
هو السر من أصلوا ليه آخر ؟؟؟
ربك يستر
Quote: تحياتي لاوسم الرجال قاطبة
السر السيد وسفيان..
|
مافي شئ يقولوه ... اخير صمة الخشم
| Quote: ولك انت اطنان من المودة |
ولك ...
لكن لو ما جملتك الاخيرة دي كان على الأقل خشيت ولو بحزمة الشك في صنف (أوسم الرجال قاطبة) ...
ــــ
*بكري ابوبكر الزيادة لضرورة تامين الغستمرار بالبورد
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: Ahmed musa)
|
جرّاء إتصالات هاتفية من نوع :
ــ أبوحميد؟؟!!! ما معقول !!!! متين في القاهرة ؟؟!! لاحولللاه ... والله طولة
أها بخبرتي بتاعة التلفونات ... نوع الجملة الزي دي بكون دايماً المتصل داير يعرف حاجة بدون ما يسأل منها ... وبتخيلك بتندلق وتتكلم بدون أسباب ... ناسين نحن كمحاميين أهم حاجة عندي غطغطة الكلام ... اها من جنس المكالمات دي إتنين ولا تلاتة منها عرفت ليك في زي تلطاشر قاعدين في ضُل البوست منهم سبعة في القاهرة ...دايرين يعرفوا انا بحب سفيان ده ولا بكرهه ولا شنو ... المساكين ماعارفين إني زاتي ماعارف ... وفي النوع البقول ليك يازول ابعد من البوست وغنيلو ... هسع اخش بحسن نية يطلع ده بوست مفخخ يطرشق فيني ...مالي ومال القراية أُم دق ... والله للضمان كدا خليكم بعيد غايتو الاتبلل زي ناذر الخليفة الجابوا الدرب وبهاء عيسي ونابري دي خلوهم لقدرهم الإسفيري ... وأسالوا ليهم العفو والعافية
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: Ahmed musa)
|
اصلو ما ح اقتنع زول قراء الخلوة
كلها وقراء الكتاب لحدى رابعة اسطى
وقراء حنتوب الجميلة زمنها الي كلية
غردون التذكارية واتخرج افكاتو آد الدنيا
ينقص حرف ساي اويلخبط فيهم وده الكان مخوفنى
من الحب والقهوة لكن بعد لقيت شرحو داك اطمنته
تب هسي التانين يحذروا لانهم اسامئهم ما اضمنت
مذكرة التفسير .
يا نجاة ياخ وسامة شنو عند السر السيد ؟ الزول ده
لما يقوم علي المساخة اكعب من موية الحنقوق* وانتى
عارفه وانا عارف ! لكن من ناحية صاحبنا فدي مافيها
شق لا طق .
ـــــــ
* بخصوص الترجمة الرجاء سؤال نجاة ذاته .
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: خدر)
|
الشعب المصري مولع بالأرقام ... تسأل الواحد : لو سمحت في مكوجي قريب من هنا ؟؟؟
ودون أن يهتز له طرف يجيبك : (أول) شارع يمينك ... (تاني) ناصية ... (تالت) دُكان ... ثم يجر ليك نفس شيشة ... كُرررررررررر ...
...
...
...
أمس حصلت لي حاجة غريبة ... قاعد مع صاحبي جا بص أو أوتوبيس بالمصري ... مليان مصريين ... فأنا إتخلعت وضحكت ... صاحبي إندهش بس ما شديد ... قال :بضحكك شنو ؟؟؟ قلت ليه والله |إتخلعت قلت مالو البص ده مليان مصريين وأنا ناسي إنو أنا لحظتها كنت قاعد في قهوة في القاهرة
...
...
...
مرات كتيرة شوقك لبلدك ينسيك مروقك منها ... {فلسفة بجاوية} ...
...
...
...
المحيرني صاحبي ما إندهش شديد ليه ؟؟؟!!!
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: سفيان بشير نابرى)
|
| Quote: سفيان مالك ضعفت كدا |
يا صاحبي الما بضعف شنوبالله
مشتاقين ياخ .
Quote: احمد موسى ازيك ...
انا برضو معاك في الاولى دي ...
لكن التانية دي صعبة شوية بعد المكان وكدا
لكم محبتي |
وتكلمى احمد موسي ليه ياخ
المنبر ده قاااااااعد
اها زولك ده القهوة ذاتو ما عزمنى ليها
لووووووول
| Quote: انت يا احمد ما لقيت غير مقطوع الطاري دة |
انت أنا ما شغال بي حسادتك دي .
Quote: نعمات
...
...
...
كرهتك ...
وش بدسدس في الغيرة ... |
بطل حسادة ود العطاء دي يا زول .
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: سفيان بشير نابرى)
|
الشعب المصري عنده مشكلة تانية مع الحروف ... فإسم كإسم (محمد) مثلاً تجده بفعل فاعل يصبح حمّاد ... ويُنادي ياحمّاد ... فالمصري يقوم يزويع حرف الميم من (محمد) ثُم يكتشف ربما أنه إسم النبي (ص) فيخاف وتدخله اللوعة ويعيد الحرف ولكنه من خلعته يعيده في غير موضعه وكيفما إتفق فينزلق حرف الميم إلى ما بعد الحاْ ... ليجد ميم أثخرى فلا يجد مناص من الإندماج معها فتصبح ميمان حم ماد ... ولشعوره بضرورة التوبة النصوح يضيف من عنده حرف ألف (هُوادة) ... فيصبح الإسم حمماد ... وبعضهم من الذين إزداد إيمانهم تجدهم يتكئون على الميم فتشعر بها كأنهم ثلاثة أو أربع ميمات فيجرها يا حمممممماد !!!!
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: سفيان بشير نابرى)
|
| Quote: طبعاً العنوان بتاع البوست ناقص حرف أو هكذا يبدو ... في عزمك والصحيح عازمك ... لكن هو نقص مقصود بيه الكمال (ولد دا) ... يعني بإعتبار انافي القاهرة فلازم انقص الألف عشان تجي في السياق القاهري (دنا عزمك أهوة) ... وانا ماألتش أهوة عشان جهوية الشرق جواي ما داير اجهجه القهوة لغوياً ... ولا شنو ؟؟؟؟ |
والحمدلله انه جهوية الشرق منعتك..غير كده كنت بسألك..
الله..انت بتهوي؟؟
طيب بتهوي مين؟؟
سلام ليك وللغالي سفيان..
وللحب الأزلي..مصر..
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: سيف الدولة كامل)
|
..
.
احمدموسي ياخى تشكيلتك بتاعت وديدى وسفيان والسمانى
ونبراس ونادية عثمان والخواض دى رهيبة ان شاء الله لمه
فى قلعة صلاح الدين .. ( الحرم دا فى ناس ما شبهو قرقر قرقر قرقر )
ربنا يديم الملمات والايام التى لن تعود
_____________
يا ستيف وانا كمان بحبكـ واعزمكـ شيشه فى السيدة زينب
ولا ام كلثوم .. والسمع يكلم الماسمع ..
شنو ياخى ما تطول الغيبة؛؛
| |
|
|
|
|
|
|
|
|
|
Re: سفيان نابري ; بحبك وعزمك ـ لوممكن ـ قهوة ... (Re: Tabaldina)
|
| Quote: سلام ليك وللغالي سفيان.. |
ياسلاااام ياخ بت الخليفة دى واخواته واخوانا
بريدهمرسمي وشعبي ... يامنينه ياخ مشتاقيييين .
Quote: سفيان يا حبيب,,,, سلامات
ما تعزمونا قهوة معاكم
اخر مرة شفت القاهرة
1982 زمن يا صاحبي
|
اووووو كاهن الليل الجميل
صاحبي سيف الدولة ياخ تعال
معزووووم كل شي الله انت ماك
الساهل عندنا تعال سااا ي .
Quote: يا ستيف وانا كمان بحبكـ واعزمكـ شيشه فى السيدة زينب
ولا ام كلثوم .. والسمع يكلم الماسمع ..
شنو ياخى ما تطول الغيبة؛؛ |
صالح المدعوب(تبلدينا) لووووووول
بطل حسادة ياخ اجي وين دى لمه بتنفات ؟
اما موضوع عازمنى شيشه في السيدة وام كلثوم فدا انا
مابتفق معاك فيهو تب لانو سفيان والدخان مابتلمو
ههههههههههه والله جد بس تعال في حاجات تانية عادى
بنتعازمه وكده .
| |
|
|
|
|
|
|
| |
Ahmed musa
baha eassa
ناذر محمد الخليفة
سفيان بشير نابرى
خدر
ود محجوب
نعمات حمود
طارق جبريل
Muna Khugali
سيف الدولة كامل
فيس بوك
تويتر
انستقرام
يوتيوب
بنتيريست