|
عمار محمد ادم ... ألحقوهو بى حملة و لا واحد يشيل الشيلة ...
|
الصحفى و الشاعر و السياسى عمار محمد ادم ، زارنى بمكتبى بعد المخاشنة فى المداخلات بينى و بينه فى بوسته الاخير ، ليقول لى ( خلى روحك رياضية ما تزعل ساكت ) .هذا البلدوزر ( ما شاء الله ) يحمل قلب طفل ... رقة و حنية . حين سألته عن شح مشاركاته فى البورد و هى مشاركات ثرة و مثيرة للجدل ... عرفت انه لا يملك جهاز كمبيوتر ، و قال انه سيبدع لو امتلك لاب توب . لماذا لا يملك مثل عمار لاب توب و انا اعلم ظروفه ... و اجزم انه سيغضب لطرحى هذا الامر ، لكن و فى سبيل ان يمتلك عمار اداة ابداعه كان لابد ان اشرككم فى الامر . و منتظركم .
|
|
|
|
|
|
|
|
Re: عمار محمد ادم ... ألحقوهو بى حملة و لا واحد يشيل الشيلة ... (Re: انور التكينة)
|
لاب توب وعربية ووظيفة ما تدونى معاكم عمود فى الصحافة انا ما صحفى محترف وعندى قيد صحفى من مجلس الصحافة والمطبوعات واكتب منذ منتصف الثمانينات وعضو اتحاد الصحفيين اللابتوب بالاقساط والعربية فى الجرائد بالاقساط وتدفغوا لى كتاب الاعمدة بالملايين ومعليش يا التكينة ما قصدك انت ...اى بت سمحة يدوها عمود وكمان فى الاخيرة ورؤساء التحرير يقولوا لى انت بتجيب هواء ونحنا ما دايرين هواء وتنى يقول لى انا معقول انا واعى كدة ادى عمارمحمد ادم يكتب فى جريدتى واخر يقول لى الناس دى كلها عندها حسابات وانت ما عندك حسابات حتى عميد الصحافة السودانية فى صحيفته العريقة يقول لى ناسك ديل مالهم معاك ؟؟ معقول انا لافى الجرايد ما القى عمل ودخل محترم انت اللابتوب يا التكينة غالبك ما مدير فى جريدة تهز وترز ربع قيمة اعلان تجيبو يسددها لبكم قصائد.
| |
|
|
|
|
|
|
|