الكلام الحلو ده القالو منو؟

Quote: طه الضرير والطيب ود ضحوية كانا في طريقهما إلى أبو دليق وكان طه يبحث في اللاب توب في الإنترنيت بال Wireless. ، عن رد من محبوبته. فوجد رداً قصيراً. فأنشد قائلاً: شديت ال Pentium واصبح يبرطع جايط وال Internet دقش قلبتو صايت صايت على ام شعراً حلال ما طولنو وسائط وعطشان الغرام ما برونو 2 K.Bite فرد عليه الطيب قائلاً: الفيك يا طه Virus والله الكريم الشافي وما بفيدك طبيب حتى ان بقيت Mc Kafi غير لخلوخة الهرفة أم قليباً جافي وأركز للتجيك يا طه Options مافي استسلم طه وأنشد: إيميلك وصل زود علي الهم والفكر انشغل ال Ram عليك وال ROM يالصلاح جميع أنا والحبيب نتلم ويا ساكن الضريح سيدى الحسن Dot Com الليلة ام شلوخ لاقيتا عند ال Chat وال Virus ضرب قلبي ومحى الفايلات يوم شافني الفقير البكتب البخرات قال Defrag ما بفيد أحسن To Reformat بعد ما كت فقير بخراتي Word و Excel دقشتني أم رشوم خلت درايفي إختل Mother Board القلب الكان زمان Intel بقى Chipset رخيص كل ما ربطتو أنحل الخبر الأكيد اليلة جابو ال Yahoo وقال ست البنات إيميلنا مي طارياهو ست القوام Hardware نظامو براهو غرامك Virus الهجعة البقرض الجاهو

(عدل بواسطة abdalla osman on 06-04-2009, 06:24 PM)
(عدل بواسطة abdalla osman on 06-13-2009, 07:59 PM)

Quote: والله كلام جميل وينم عن نفس شاعرة وطريفة واستمتعت أيما استمتاع به

(عدل بواسطة abdalla osman on 06-04-2009, 06:26 PM)

Quote: قوقلو يا عبدالله قوقل .. ما تخللو صفحه

Quote: اب شدييييييييييييييييد

Quote: هذا النص كتبة الاخ الدكتور عصام الاسد والذي يكتب باسم krinka وهو مقيم بالامارات العربية وشقيق الااخ الباشمهندس عبدالله الاسد اليك برابط النص وبقية القصائد http://al-nafitha.com/vb/showthread.php?t=3548

Quote: لنا منبر خاص في منتدى النافذة لصاحبه عبدالله الاسد مختص بشعر الهمباتة نكتب فيه مساديرنا وهي قصائد مستحدثة وباقلامنا نحن وعلى منوال الرباعيات القديمة للدوبيت

Quote: يا الهمباته هُوي ليكم سلامـي تحيَّـه من زولاً مِشَيِّـلْ للقـرَاْف دُغشيَّـه مَليان بالجرُوحْ ما دايره عيـلْ الكَيَّـه يا جَقلا السلام همباتـي عـازم الجيَّـه ****

Quote: *** ناشْقِينْ للجنوبْ حين حضَّرت شُوقاره ودَّ امْ زُورْ هَدَرْ عينيهو واقده شـراره دا ابْضَهَرا غِلِفْ ما طوَّعُـوه جَسَـاره ما بَاكُلْ تِحِتْ بَاكُـلْ قَفَـا النُّـوَّاره **** ودَّ امْ زُورْ بقولْ فِيكْ الكـلام الزّيـن ضَالع في خَلاكْ زُورَكْ مَـلان وبَدِيـن حـارِسْ للمُـرَاحْ واللهِ تمـلا العِيـن دُومَاتك بِنِزَنْ حِيـن تَسـوِّي الشِّيـن **** شِلنَاهُو النَّهارْ رَاكبينْ ضَهَـرْ عنَّافِـي ما كَلِّينا تَبْ يا خَيَّـه حَاشـا عَوافِـي نازلِين الدَّنَادِر ناس رُكُـوب وحَوَافِـي أبشرِي يا البَوَادي الجَاكِي دي الكَرْدَافِي

Quote: **** داوَسْنا الفَزَعْ كَجَراً بسـوِّي الشِّينـه بارُودنا اتربطْ وزخيره صابَّـه علينـا في شان جقلا نثبت كان سمعنا حنينهـا زولِك في السَّما شالعْ كبـرق العِينـه ****

Quote: يوم سكوت دخل في شندي راكب ابدومه باطن كفه فوق ام عـــــشره قعده وقومه مـــــــا هماه جيش لاقاه ولا حـيــكومه شـال بي ضراعه من قدامها زهرة رومه --