|
|
|
 Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
Quote:
هلا يا راوية
ودي فرصة نمسك فيها نحن كمركز رصد ومتابعة اسفيري
تورينا الفرق ما بين كتابة البوست مابين امريكا والدوحة..
واثر المناخ علي البوست (نشوف كلام ابن خلدون القالو داك اثره الاسفيري شنو) |
هلا يا كريم
نفسي أقول ليك مشتاقين
لكن عاد مابعرف اكضب لكن برضو مشتاقيين وممكن دي تعتبرها واحدة من الفروقات
بالاضافة لانه البوست دا وليد موقف حصل في الواقع والاغنية دي المفروض توصل لصلاح على جناح السرعة
دا غير إننا هناك كنا بنعاني فرق التوقيت
بعدين....
إنت المسهرك لي هسة شنو؟
أنا لسة ساعتي البيولجية ماحصل ليها ادابتيشن
| |
 
|
|
|
|
|
|
|
 Re: ((يـاناس إنتو)) لعناية صلاح عبدالله للمراجعة والحفظ (Re: Emad Abdulla)
|
الحبيتا ديك جاهلة ما دارية
والنسيانة وجافيانا ما طارية
وخلّوا الروح في الدموع
وخلّوا النار في الضلوع
لي عزالنا واعدانا شمتّو
يا ناس انتو وين انتو ما بنتو
ورّوا قلوبنا وين انتو وليه غبتو
ما بنتو
******
كل الدنيا ولهانة بي ريدا
وحتى الظبية غيرانة من جيدا
وحبّي ليهم ما رعوه
دون اسباب ودّعوه
لارواحنا واعمارنا ودّرتو
يا ناس انتو وين انتو ما بنتو
ورّوا قلوبنا وين انتو وليه غبتو
ما بنتو
******
شفت الدنيا ضاحكالي في عيونا
وحتى الفتنة ساجدالا مفتونة
وكل ليلاً بي صباحو
وكل صدّاح بي نواحو
وانا غير ليلي ونوحي ما درتو
يا ناس انتو وين انتو ما بنتو
ورّوا قلوبنا وين انتو وليه غبتو
وما بنتو
******
الجافين وناسين دوام لينا
وخلّوا العبرة حيرانة في عينينا
شوقي ليهم ضوّ نار
حنّ جانا ولينا زار
لآلامنا وأحزانا شتّتو
يا ناس انتو وين انتو ما بنتو
ورّوا قلوبنا وين انتو وليه غبتو
ما بنتو
******
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
راوية ..
الوصية في الذمة :
تقعدي مع صلاح عبدالله في صالون عادل سالم .. و يعزف و يغني ليك : ( يا أمير الحسن لو تسمح ظروفك ) ..
و ركزي بالله في صوت هذا المواطن صلاح لما يقول : كل من قال يا حبيبي إفتكرتو يشير إليك .
و كان الله أداك ميزان ريختر أو أيٍ من الموازين التي تقيس الرّجات و الخجّات .. بالله تقيسي ، و هنيئاً مريئا .
....
آخر كلام :
دايرة نصيحتي ؟ : قدر ما الله أداك تجنبي أبوساندرا و دكين ..
تاني الحبة دي ما بتجيك .
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
Quote: راوية ..
الوصية في الذمة :
تقعدي مع صلاح عبدالله في صالون عادل سالم .. و يعزف و يغني ليك : ( يا أمير الحسن لو تسمح ظروفك ) ..
و ركزي بالله في صوت هذا المواطن صلاح لما يقول : كل من قال يا حبيبي إفتكرتو يشير إليك .
و كان الله أداك ميزان ريختر أو أيٍ من الموازين التي تقيس الرّجات و الخجّات .. بالله تقيسي ، و هنيئاً مريئا .
....
آخر كلام :
دايرة نصيحتي ؟ : قدر ما الله أداك تجنبي أبوساندرا و دكين ..
تاني الحبة دي ما بتجيك .
|
شرحو يا راوية
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Salah Abdulla)
|
أبوسريع الله يرحمو كان ديامياً متميزاً بالاناقة
كنا بنشوفو زمان لابس البدلة كاملة
وسايق واحدة من عرباتو ( الناش ) الامريكية الفاخرة ، المكشوفة
يا راوية ، طبعاً الغنية دي عماد عبدالله حافظها ( صم ) ..
وهو أخطر من يؤديها ، ويسلمك ليها زي ما الله خلقها
وأبوساندرا رغم شتارتو في الغنا ( كما في مواضيع أُخر ) لكنو أبرع من يختار الغنا البيوجع
وهو الأقدر على الكلام عن محمد حسنين (أبوسريع) بحكم إنهم ( أولاد دفعة ) وكده ...
| |
|
|
|
|
|
|
|
|
 Re: ((يـاناس إنتو)) لعناية صلاح عبدالله للمراجعة والحفظ (Re: ibrahim kojan)
|
Quote: اولاد عبدالله ونصرالله والحي الله والبموت الله وعيك.. يا الله..
بيقولو (الكلام البيوجع مسامع البيسمع
ويرجع صداهو بيوجع مسامع البيقولو
حزينه السواقي البتسقي جروف الغرام الموقف قبولو!!)
تموها يا اولاد حييييييييييييييي الله...
اها قصرنا معاكم .. معاكم الله |
سلامات يادكتور
كمية من الاصدقاء المشتركين بينا
بعدين أولاد عبدالله/جبر الله/عوض الله ديل بقوا تعهد خاص خاصة في حالة تمام الوعد ونوال المراد
نتمنى نلاقيك في زيارتنا للندن في الاسبوعين الجاييات
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
Quote:
والله يا راوية لولا معتز القريش القاعد جنبي ده كلمني هسي دي ،، ما كنت شفت البوست ده..
آسف على الغياب القسري المؤقت ، أخذت لي وعكة صغيروووونة..
ويا ناس إنتو ، رُوجِعت ، وحُفِظت .. |
غايتو ياصلاح بخاااااف من العين أنا
والحكاية دي شكلها (إتنضرت) الاسبوع الفات
لكن هسة قرينا ليها عدًية يس وطلقنا بخور لبان ضكر عشان يتم المراد المرة دي
وأيام لوكينق فوروورد تو سي يو
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
والله يا راوية الأسبوع الفات كان ، أبيخ اسبوع مرّ على التاريخ
مراجعة الطبيب يومياً
وكورس في الشغل أبيخ من البوخ ، والخواجات ما بيعرفوا هظار
غايتو الله عدّاهو بي خيرو وشرو..
والقصة إتنضرت من أبونضارات ، الجنو انتخابات ده ..
لكن ح نعملها ح نعملها ، كان هو في واللا ما في ح نعملها ..
و لا نامت عيون أبوضارات التي في طرفها حورٌ
----------
شفتي أبوساندرا من غير نضارات ؟؟
الغريبة عيونو فعلاً في طرفها حورٌ (بدون نضارات) ..
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Emad Abdulla)
|
Quote: راوية ..
الوصية في الذمة :
تقعدي مع صلاح عبدالله في صالون عادل سالم .. و يعزف و يغني ليك : ( يا أمير الحسن لو تسمح ظروفك ) ..
و ركزي بالله في صوت هذا المواطن صلاح لما يقول : كل من قال يا حبيبي إفتكرتو يشير إليك .
و كان الله أداك ميزان ريختر أو أيٍ من الموازين التي تقيس الرّجات و الخجّات .. بالله تقيسي ، و هنيئاً مريئا .
....
آخر كلام :
دايرة نصيحتي ؟ : قدر ما الله أداك تجنبي أبوساندرا و دكين ..
تاني الحبة دي ما بتجيك . |
ياعمده مشتاقووون
وياراوية تحياتي وانصحك بالاستماع لاغنية الفراش الحائر لعثمان حسين
من المخلوق الاسمه صلاح عبدالله
واعملي بنصيحة عماد
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Omar Bob)
|
| Quote: كان يا ما كان في قديم العصر وسالف الاوان يحكي بان هناك اتفاق بان تكون هناك ليله يدندن لنا فيها "صلاح عبد الله" |
ياباشمهندس ، عارفك مسافر ، ومتابع الشوبنغ بتاعك ، وبستقبل مكالمات من تلفونك
وكان سالت الزول البيضرب لي من تلفونك ، كان كلمك
حقك محفوظ يا قريبي ، وح نخلق مناسبة نعمل فيها جلسة طرب وهرجلة..
| |
|
|
|
|
|
|
|
|
 Re: ((يـاناس إنتو)) لعناية صلاح عبدالله للمراجعة والحفظ (Re: Salah Abdulla)
|
Quote:
ازيك يا روايه:
كان يا ما كان في قديم العصر وسالف الاوان يحكي بان هناك اتفاق بان تكون هناك ليله يدندن لنا فيها "صلاح عبد الله"
الحصل شنو في الحكايه دي؟؟
____________________________________
ساسافر السودان صباح بعد الغد لظرف اضطراري ولن اتابع بقيه الحكايه
ادينا ابديت بالله |
دا زاتو الخايفين منو
يازول إنت ركن أساسي في الموضوع
عموما وبالرغم من ذلك مكتفين بما وجدنا من متعة في صحبتكم ويوم لاينسى وها احلف بيهو ماتبقى لي من عمر
عمر بوب سعيدة بمعرفتك ودامت العشرة بيننا
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Emad Abdulla)
|
| Quote: النقطة .. نسيت النقطة يا مسلم . |
عماد سعدالله .. أسعد الله أيامك
ياتو نقطة ؟؟
النقط كتيرة
هسى نختها ليكم وين؟؟
كان ختيناها تحت الحاء ، بيبقى جورنا طال واستمر
ولو فوق الخاء ، فيا خور بكري أو خور عمر
وبيني وبينك ، بعد وفاة أبونا نميري رحمة الله عليه
وجبنا سيرة خور عمر ، والإنتخابات المدورة هنا ده
صاحبنا ده بيكون متقمص الدور كويس ، والراس راجي رجة شديدة
عشان كده أنا برحج خور ( جانقي ) ..
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Salah Abdulla)
|
Quote: ياعمده مشتاقووون
وياراوية تحياتي وانصحك بالاستماع لاغنية الفراش الحائر لعثمان حسين
من المخلوق الاسمه صلاح عبدالله
|
سلامات ياعصام وتشرفنا بيك
ياخ الله يلمني في صلاح دا
في كمية من الريكمونديشنس ومن عتاولة السميعة المحنكين من جميع أرجاء المعمورة
غايتو ها احسبوا من الايام الفريدة في العمر
Quote:
واعملي بنصيحة عماد |
والله الواحد قلبو إتوهوش شديييد من الحكاية دي
عاوزين نطلع من الدوحة دي بأقل الخسائر
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
| Quote: غايتو ندهت ليها المصوبن عشان تتم |
راوية ياخي مصوبن شنو و ابو رغوة بتاع مين يااااخي ..
الود اخوي ده لسه سغيروني و ما شاف شي في الدنيا ..
تقعدوا تنادوا الحاجات الما راكبا عدلها دي تقطعوا خلفتو كمان .
قولي : يا داب رُنده
الكومدوو بالرومدوو ( فيها مدة قدّوم شوية ) .
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Emad Abdulla)
|
Quote: راوية حمد لله على السلامة واكيد الدوحة نورت
بس مادام انك قريبة اطرى العمرة والحج وادينا غشوة كدة
منها دين ودنيا |
والله يا أحمد ربنا يكتبها لينا ونزور بيتو وقبر الرسول
ومنها نشوفكم ونسعد بشوفتكم
وشكرا كتييير للشعور النبيل
_______________
مشكلتي عندي فوبيا الاماكن المزدحمة
والحج دا شايفاهو زي المستحيل
غايتو للان مكتفية بزيارات متعددة قمنا بيها في طفولتنا مع الوالد (رحمه الله) لما كان شغال في السعودية
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
| Quote: ياخ الله يلمني في صلاح دا |
تدفعي كم؟؟ اجيبوا ليك اسع
(صلاح - قطم بالنص وما عندك مشكله)
وهو الحاصل شنو ؟؟
عماد اطلع من الموضوع واتخارج
فصلاح لا يخصك وحدك (وخاصة بعد بعدك صرنا الاقرب )
موت كما ترغب
واخيرا
ابعد عن ابوساندرا فاظنه ما عاد يحتمل (الشدائد)كما كان سيجارة حمراء بتطفي ليهو عينة
فهمتها يا دغوس
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: فيصل عباس)
|
أنا قاعد ليك يا ايها المحاسب الغتيت فوق صنقوعك ده ..
و قالوا : الخُوّه قُوّه ..
دي واحدة .
التانية يا سيدي اللمنتي ليك بجيك الدوحة دي .. إن شا الله عُمره .. و ناكل شية حبشية .. وكده و كده و .. زاد وجدي .
Quote: مشكلتي عندي فوبيا الاماكن المزدحمة
والحج دا شايفاهو زي المستحيل |
هههههههههه .. حنكشة أصلية .
قريبتي دنقلاوية دوكو .. مشت الحج و جات ..
النسوان جوها يباركوا : هي يا يُمه اريتها تعقبيها اشا الله .. بالعودة يا ربي ، بالعودة .
و هي مصرصرة و اخلاقها هنا .. قالت ليهم باللكنة الدنقلاوية العسل :
يويو ربّونا ( ربنا ) ما يوديني تاني .. إنت شُفت الزهمة و الخلق ؟ .. أأوزو باللاااه ( أعوذُ بالله ) .
....
فيصل عباس ..!!!!!
أأوزو باللاااه
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: مصطفي سري)
|
Quote:
صلاح يا الدفعة القدام سلامات .. وسؤوال عنك كتير |
بالله يا سري الزول دا دفعتك
(طيب ما ضيعنا عمرنا في مبارتكم ساي)
ثم ان هؤلا العبدلاب
كل من يبتعهم ويتصل بهم بمعرفة (مشكوك في امره)
لذلك سنوسعك شكا للطيييييييييييش
__________
اخبارك وعلك والباقيين طيبين وشداد(بضم الشين وليس فتحها كى لاتنسب للاسرةالشداديه)
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Muna Khugali)
|
Quote: راويه ارجعي خلاص..
شهر 7 انت وين؟؟
ابله زينب قالت ليك عرس أنجي.. |
منى سلامات وتحيات كتار
كدي قبل شهر سبعة نقول ليك خطة شهر ستة
الاسبوع التاني من ستة وأنا راجعة ها أنزل عندكم كم يوم كدا
اما يوليو شكله هيكون في الخلا (كووو ر علي )
الف مبروك على إنجي
أنا بعد عرس هومي وأية ممكن أصدق أي شي يحصل
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
Quote: منى سلامات وتحيات كتار
كدي قبل شهر سبعة نقول ليك خطة شهر ستة
الاسبوع التاني من ستة وأنا راجعة ها أنزل عندكم كم يوم كدا
اما يوليو شكله هيكون في الخلا (كووو ر علي ) |
كويس جدا ممكن تحضري مهرجان القرية الموسيقي السنوي..
لكن يوليو الفي الخلا ده قبلك وحدك فيه!
Quote: الف مبروك على إنجي
أنا بعد عرس هومي وأية ممكن أصدق أي شي يحصل |
مش كده..مين كان يصدق البنات كبرت وعملت أطفال كمان؟؟
منتطراك في نص سته ما بسافر قبل نهاية يونيو..
سلمي علي أهل حجتي..وقولي ليهم والله مشتاقين!
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
Quote: الاخت راوية
سلامات
زمان صلاح عبدالله كان بغني (نشيد العلم ) باقي لي اتطور شديد
صلاح يا الدفعة القدام سلامات .. وسؤوال عنك كتير
وسلام للاخ الاكبر عماد |
سلامات ياسري
طبعا حكاية الشكل والعمر دي مقلب حقيقي
أنا على حسب الصورة الفي البروفايل كنت قايلة حا الاقي زول ضخم وكبير في السن
وفوجئت بشاب صغيروني وسليم لمن ماعرفتو
وإضطريت عدت السلام تاني بعد المعرفة
وطبعا طوالي بتجي المقارنة بينو وبين الاخ الاكبر
الانا لغاية هسة مامصدقة إنه الاكبر
لكن سيينق إذ بليفينق
عشان كدا إحتمال نرسل وفد السودان عشان يشوفو
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: Rawia)
|
الاخت راوية
(عشان كدا إحتمال نرسل وفد السودان عشان يشوفو )
ما في داعي للذهاب الى هناك، شاهدتي انا اذا بتاخديها وعمنا ابو ساندرا تكفي ، وبالعدم فيصل عباس
لكن التوجه الى الخرتطوم فيها مخاطر ، وطبعا انا انصحك لانو رجاء اختك صديقتي شدييد
واذا كانت رجاء بتلك العلاقة فليس هناك ما يمنع النصيحة بحسب المثل (صديق اختك صديقك )
| |
|
|
|
|
|
|
|
|
|
Re: ((يـاناس إنتو)) لعناية صلاح عبدالله للمراجعة والحفظ (Re: lana mahdi)
|
Quote:
ما احتمال كبير
مافي احتمال كلو كلو
عمك وصل صباح اليوم
بعدين حصلي اقتسام غنائم براغ و ألمانيا و هو جايب حاجات حلوة أنا ماشة بعدين وفد المقدمة أستفرد بمعظمها و ندى برة |
خشمك فوقو اللبن
صباحا بدري قال ليك هنعمل الترتيبات والذي منو
محوطة حاجاتي من هنا زول يلمسها مافي
وطبيخ الرجلة من هسة أعملي كشنته
ووجعني وليدي الماشة الاقيهو وأشوفو بعد مابقى راجل
لكن خير أن تأتي متأخرا من ماتجي كلو كلو.....مش؟
| |
|
|
|
|
|
|
| |
Rawia
Rihab Khalifa
ضحيه ابراهيم
عبدالكريم الامين احمد
Emad Abdulla
Alsa7afa_30
كمال عباس
SHIBKA
معتز القريش
على عمر على
ibrahim kojan
احمد التجانى احمد
عصام علي أحمد
Omar Bob
فيصل عباس
مصطفي سري
الطاهر ساتي
Ahmed Abdallah
محمد عبد الماجد الصايم
Muna Khugali
lana mahdi
عاطف عمر
فيس بوك
تويتر
انستقرام
يوتيوب
بنتيريست