|
|
 بسم الله....عليك ياالله....إتحصن وماتلاوز..!!
|
الحلوين
(أقصد الحلوون)مش مبتدأ(مرفوع وعلامة رفعو الواو)
حبايبنا.....
ناس سودانيز أون لاين.....
كلهم (إلى حين فرز الكيمان)!!!!
السلام جااااااااكم....وإن شا الله عامرين....
وأخيراً لى شرف الإنتماء إلى معاليكم........
وإن شا الله خفيف....!!
إحتمال!!؟؟....وإحتمال ثقيل!!
(ومالو)!!؟؟
الدنيا خامّة ولامة (نطير منها يعنى)!!
جيت بالباب (مع إنها مامن عاداتى)..!!
ضيف..أكرر....ضيف
وسأستغل....هذه الميزة....على الأقل فيماأملك....وأنا بينكم
ثلاثة أيام(مش حقى)
أخش المطبخ..وأفتح التلاجة..وألبس من الشماعة..(سيد بيت)
وبغم.....مافى زول يقدر يقولا.......!!
وكايس لى سبب..!!
صرّار(مواقف)....وصرصار(وش)..وصرصر(هبوب)..!!
وجيبو العندكم..كلو مصرور ومكشف....والحساب ولد..!!
سيد الدار فتح بابو(كتر خيرو)وربنا يخلف عليهو..ويزيدو من نعيمو!!
دحين ناس لاجوة عاملين كيف!!؟؟
النايم من بدرى ...صحوهو..لا يقوم يلقى القيامة قامت..!!
ونقع فى والله ماكتا عارف..
وبالحيل يانى أنا........
الداير الفزعا....ساندنو
وسيد الوجعة....عازنو
الخير العندك....أقسمو للمعاك..
وإن ما عندك....هاك
الفسالة أسيادا....والرجالة..كانت مقددة..رقعناها ولبسناها توب..!!
والداير يكسرنا....لا طورية لا عود....كلمةً سمحة ..وتخلينى أشرب ما أروى..!!
وراجع..بعدالضبايح (من شجرتا وللصاج)وأبعدونا من الدهن والشحم والبطون والراس
وزيتا ينجضا...!!ولا عافية ولا كريستال..!!
والحلاوة أم سكر ممنوعين منها(لكن إن بقت ماكنتوش)..بنتفرج فى العلبة
وفى قول آخر حبتين منها ماب تسوى شى..!!
وأوعكم من الأورنجا وعصير الأكياس..يفضل ماهو طازج..وبدون لبن بودرة(باقى قاطعوهو)!!
والداير يريح نفسو بدل الغلبة دى كلها..يجيبا(ناشفة)..وياريت إذا لم تعلم شماله بها..!!
والليفتاوى (عشان مانظلم زول)..يدسها من اليمين!!؟؟
باقى ماب ترضى..وتسويها لينا..كلها..كسور وبواقى..!!
|
|
 
|
|
|
|
|
|
|
 Re: بسم الله....عليك ياالله....إتحصن وماتلاوز..!! (Re: motaz)
|
Quote: أبو حميد
أهلا بيك
والبيت بيتك يا زول
ونورتنا |
الغالى
motaz
تعرف..أكثر مايعجبنى فى لغة الضاد
مراعاتها للظروف الإقتصادية
وكانها تؤازرنا لتخفف عناْعناءً لاقبل لنا به
وطبعا هى عارفا مشاكل الكهربا
(أسعار وقطوعات ودفع مقدم ومكاوى ....وغيرها)
فلم تجد غير مصطلح
(نورتنا)
لتساهم به فى إضاءة ماعجزنا عن إضاءته
وكأنها تقول لك(دعك مما تعانى وأنر بيتك بضيفك)
وإنت يا مؤمن تصدق...وتفش غبينتك(بالكضب)
أنا فى رأيى (ماقصرت)
ومن هذا المنبر وهذا المنطلق أناشد أنا أحمد عبدالوهاب الأحمدى
لغة الضاد لتكتشف لنا المزيد والمفيد من قاموسها ليحل لنا مشاكلنا على وزن
(شبعتنا)....(عالجتنا)....(قريتنا)....(وصلتنا)..(أمنتنا)....وغيرها!!؟؟
من أبجديات حوجة الإنسان والإنسانية..!!
يعنى إتخيل لو مشيت لى زول (وقال ليك شبعتنا)..!!
بالتأكيد ستشعر بالشبع..وهو كذلك رغم إنو المواعيد مواعيد غداء..
لذا يحضرنى هنا إقتراح.. كتاب بإسم (البحث عن البدايل المعنوية لقتل الإحتياجات اليومية)
تأليف وإخراج: لغة الضاد
| |
|
|
|
|
|
|
|
|
|
Re: بسم الله....عليك ياالله....إتحصن وماتلاوز..!! (Re: نصار)
|
Quote: منك جقلة يا اللخو
براك رحبت بنفسك و عدمتن النلبسه لاستقبالك
خليك في الصالون شوية المطبخ و باقي البيت ملحوق
الظاهر موعودين
بزول كتاب و شكال و رافع الكلفة |
الحبيب نصار
بالله فى ....أحسن من كده..!!
أول زول يقابلك....إسمو ...نصار
ما أجمله..من فأل حسن
إنتا عارف الحكمة فى شنو!!؟؟
حسيت بأنو ..إسمى (مهــــــــــــــاجر)..!!
وزى الجايى من مكة إلى المدينة..!!
فقابلنى....نصــــــــــــــــــــار..!!
!!!!!!!!
ألديك زوجة واحدة أم إثنتان!!؟؟
لتخيرنى..بينهما....!!
والأن إنهض بنا لنقتسم..مامن الله به عليك من خيرات!!
| |
|
|
|
|
|
|
|
|
|
Re: بسم الله....عليك ياالله....إتحصن وماتلاوز..!! (Re: الشامي الحبر عبدالوهاب)
|
Quote: الف مرحب بيك يا احمد عبدالوهاب
لولا الاحمدي دي اكنت اقول انت مننا |
الحبيب
الشامى....الحبر....عبدالوهاب
هسع....مافرقت
أنا بشيل أحمد...والأحمدى...يفضل شنو؟؟
عبدالوهاب
وإنتا شيل ِِ(شامى)...(حبر) يفضل شنو
برضو عبدالوهاب
وأكون بقيت منكم
لكن ياعبدالوهاب...
أنا بعرف إنو الحبر بيكتبو بيهو..!!
أول مر أعرف إنو بيشموهو!!؟؟
| |
|
|
|
|
|
|
|
|
|
Re: بسم الله....عليك ياالله....إتحصن وماتلاوز..!! (Re: Hassan Makkawi)
|
ياحبيبنا حمدالله على السلامة
ومبروك الباص وورد وان شاء الله يتقطع بي عرق الاخوان
مدخلك جميل ومرتب والواحد البيبداهو لازم يتمو يدخل من الفم الى القلب مباشرة دون المرور بي تعقيدات الجهاز الهضمي والاشارات الكتيرة . واسلوبك شدني ايما شده نتمنى ان تكون هذه ضربة البداية واكيد ح نستمتع بالمباراة
ارقد عافية
زاتووووو
| |
|
|
|
|
|
|
|
|
|
Re: بسم الله....عليك ياالله....إتحصن وماتلاوز..!! (Re: SHIBKA)
|
Quote: احمد
الله يدينا خيرك واهلا بيك بس من غير صرصرة |
ما الوش ده...!!
ياولد...جيب المكوة دى..!!
بقدر أنا....أصرصر..ولا الجاب سيرة الصرصرة دى هنا منو!!؟؟
وكان بقت الشبك...كلها زى الأنا شايفو ده....
أبقى شريط لى ود الأمين أنا....ويركبونى فى مسجل عربية صينى..وبكراتو ممسوحة..وتلم فينى الشبك الزى شبكتك زى دشليون مرة..ولو قطعوهو ملى ملى مايتفكفك.
أريتك شبكة السرور
| |
|
|
|
|
|
|
|
|
|
Re: بسم الله....عليك ياالله....إتحصن وماتلاوز..!! (Re: heba Elmahi)
|
Quote: الاحمدي الشفت ( عذرا" يا وليد ) الراجل استحق اللقب بجدارة
والله مرحب بيك و بالجد المنبر كسب زول .
لينا زمن كايسين لينا زول يجوط المنبر دا يخش في اي
ملف و يلبس طاقية أي زول ، مرحب بيك تب يا شفت و بجيك
صادة نتفاكر كيف نجوط الركود الحاصل دا سوا |
ويييييين يا
أشكرك..يافردة..!!
هو بالله الحكاية بى هنا برضو..مجنضلة
وتيب....متين البوست ده حتل كده....
يعنى هوا سااااااااكت
حشو تقيل.....
خفسة صغويرى ....وجيت راجع...لقيت ليك البوست طفشو..!!
وخاتينو رف..!!
هوووووووووى..يا
بشر....
فتحوا معانا كويس..والما عاجباهو حفلتنا دى..يخت ختتو ويختانا!!
وراجيكى ....مش نتفاكر وبس....نجوطا ونصوطا..ونخلى السمك الجواها يفتش للأكسجين...ويصيح بأعلى صوته "إنى أغرق..أغرق..أغرق"
وفوووووووووق..
كيتاً..لى ناس شوفونى
| |
|
|
|
|
|
|
| |
أحمد عبدالوهاب الأحمدى
نصار
نوفل عبد الرحيم حسن
motaz
الشامي الحبر عبدالوهاب
heba Elmahi
SHIBKA
Hassan Makkawi
ALZOLZATOO
Ashraf El Bagir
فيس بوك
تويتر
انستقرام
يوتيوب
بنتيريست