|
الحكومة السودانية تدين تشاد وتتوعد بالرد وتتحاشى أدانة الغارة الاسرائيلية
|
أعجب لتصريحات مسؤول الخارجية السوداني:
Quote: اتهم السودان يوم الجمعة جارته تشاد بشن غارتي قصف جوي على اراضيه ووصف الهجمات بأنها "عمل من اعمال الحرب". وقال علي يوسف احمد رئيس المراسم بوزارة الخارجية السودانية ان القصف اسفر عن وقوع خسائر بشرية. واضاف ان "هذا عمل من اعمال الحرب" من تشاد. وقال ان القيادة السودانية والجيش السوداني يقيمان الوضع. واضاف ان السودان له حق الدفاع عن اراضيه.
تصعيد جديد بين السودان وتشاد ... الخرطوم تتهم انجمينا باختراق اجواءها أوكي .... نذكر سيادة المسؤول الكبير إنو قبل أكتر من شهر ... إسرائيل قصفت داخل الأراضي السودانية .. مش مرة أو مرتين ... بل تلاتة مرات ... و قتلت حوالي 800 شخص ( بحسب تصريح وزير في الحكومة) ... وين كان المسؤول الكبير بوزارة الخارجية و تصريحاته و كلام عن حق الدفاع عن أراضيه .... تلات علقات في نص الراس و ناس الخرطوم ما قالوا بغم ... بل هم من حاول غتغتة المسألة الي أن قال الإسرائيليون: أيوة .. نحن الدقيناكم ... و كان فتحتوا خشمكم .. نديكم تاني في راسكم .... السودان في عهد هؤلاء أصبح ملطشة .... فاقد السيادة و الهيبة .... و كمان واحد عبيط منزل بوست يقول فيهو إنو البشير عزهم و كلام فارغ كدة .... هي المذلة دي كيف؟؟؟ أراضي محتلة في كل الجهات .. قوات دولية في كل المدن ... مسؤولون يوفدوا الي الخارج و لا حديث لهم غير: يا جماعة العفو و بلاش حكاية تقبضو رئيسنا ... قولوا لي بربكم .... ألا نشهد الآن تفكك دولة أمامنا ؟؟؟ ( و بلا خجل نسمع تهديد أجوف: نحتفظ بحق الرد المناسب في الوقت المناسب) ... و لم يرثوا من العرب غير كلمات الإنهزام و الهوان ... السودان الآن رجل العالم المريض .... الحقيقة جنازة ...
|
|
|
|
|
|