|
|
 كاريكا Vs وارقو
|
بأنتهاء مباراة اليوم بين الهلال سيد البلد و هلال كادقلي يعتلي كاريكاالمهاجم الوطني و هداف الهلال بعشرة اهداف
بينما المحترف النيجيري بالمريخ ابو خمسة ملايين دولار يظل بهدف واحد فقط
هل هناك مقارنة ؟
|
|
 
|
|
|
|
|
|
|
 Re: كاريكا Vs وارقو (Re: yasir Abdelgadir)
|
ياسر سلامات
طبعا مافى مقارنه عليك الله قونو دا فى مالى براهو ما بخلى ولدنا دا فوق المقارنه
كاريكا مسجل فى 6 مباريات متتاليه دى ما عملا الا طمبل لمن كان وراهو البرنس
| |
|
|
|
|
|
|
|
|
|
Re: كاريكا Vs وارقو (Re: كمال عباس)
|
دى اسمها الكركرة
وارقو شنو ؟يا راجل ؟
دا من طراز جكسا وقاقرين بزكرنى بى المرحوم والى الدين وإن كان يمتاز عليه بالقوة اضافة للمهارة
دا مرعب عديل كدا
وناس طلحة ديل خليهم فى الورغنة نحن ناس كركرة بس
| |
|
|
|
|
|
|
|
|
|
Re: كاريكا Vs وارقو (Re: طلحة عبدالله)
|
طلوح
مقارنة كاريكا باكرم
برضو وجهة نظر بس لكن اكرم كريم زيادة عن اللزوم وكاريكا ماعندو يمه ارحميني
مسئول من الخير ياخوي
هو اكرم ذاتو من يوم السبعة الكرام ماشفناهو تاني ان شاء الله المانع خير؟؟
| |
|
|
|
|
|
|
|
|
|
Re: كاريكا Vs وارقو (Re: Medhat Osman)
|
صديقي ياسر عبد القادر
كاريكا مثل مهند الطاهر موهبة من مواهب الزعيم المريخي التى يحتفظ بها في إحدي صوامعه
ومتي ما أراد إستعادتها فأن الأمر لن يكلفه أكثر من مكالمة تلفونية ربما لا تتعد الدقيقة الواحدة
بما في ذلك السلام والتحيات والسؤال عن الأحوال .
بالنسبة للمقارنة فأصلا لا مجال لها هنا لأن :
وراغو النيجيري لاعب وسط مهاجم
وكاريكا مهاجم صريح
كان الأمر سيكون مقبولا لو قلت كلاتشي أو إيداهور مثلا .
.....................
حافظوا على مواهبنا كويس يا مساكين .
الكلام دا لحبيب الكل برضو .
| |
|
|
|
|
|
|
|
|
|
Re: كاريكا Vs وارقو (Re: طلحة عبدالله)
|
كتب الاخ طلحة
Quote: بالنسبة للمقارنة فأصلا لا مجال لها هنا لأن :
وراغو النيجيري لاعب وسط مهاجم
وكاريكا مهاجم صريح |
قدم كاريكا مردودا إيجابيا فماهو مردود وراغو حتي الان?
جاء وارغوا المريخ وله رصيد مقدر من الاهداف في بلده وعلي مستوي
البطو لات الافريقية كما يقال فأين تلك الاهداف ?هل أصيب بالعقم?
هل يستحق الضجة والثروة التي أهدرت فيه?
كاريكا أفاد الهلال بينما لم يقدم وراغو مايبرر الثروة المهدرة في
تسجيله... فهل هناك مقارنة بين وراغو وكاريكا?
| |
|
|
|
|
|
|
|
|
|
Re: كاريكا Vs وارقو (Re: كمال عباس)
|
جميل ان يكون لدينا هداف سودانى بالأوصاف التى تزينوا بها هذا اللاعب.
جميل ان يكون هيثم مصطفى لاعب موهوب ,,
لكن ,,
لما يتفولحوا مع هلال كادقلى وسائر الزرازير الميته بس ويخذلونا مع الفريق القومى يبقى الفائدة شنو?
اللاعب اللى زى ده يجب ان يظهر فى اليوم الأسود ,, والأيام السود هى التى سيواجهها الفريق القومى اللى ماشى بنظام علوق الشدة.
قالوا لمسؤل باكستانى القنبلة الننووية دى حاتستعملوها متين قال مامعناه نحن داخرنها لليوم الأسود ,, المراسل قال ليه مامعناه (نان فى يوما اسود من كدى) يعنى امريكا وصلت لحد قصر مشرف.
اتمنى ان يجتهد كل لاعب وطنى قدر ماعنده لنرى السودان فى جنوب افريقيا حتى لايضطر الرشيد بدوى للخروج عن رزانته.
| |
|
|
|
|
|
|
|
|
|
Re: كاريكا Vs وارقو (Re: عبدالعزيز الفاضلابى)
|
جميل ان يكون لدينا هداف سودانى بالأوصاف التى تزينوا بها هذا اللاعب.
جميل ان يكون هيثم مصطفى لاعب موهوب ,,
لكن ,,
لما يتفولحوا مع هلال كادقلى وسائر الزرازير الميته بس ويخذلونا مع الفريق القومى يبقى الفائدة شنو?
الأخ/ عبدالعزيز الفاضلابي
ياخوي هلال كادقلي والزرازير الميتة دي شالت منكم نقطتين كتر الكتلة
وعشان الهلال جاب الخمسة باللمسة بقوا زرازير ميتة
شد حيلك الدورة الثانية قريبة وفارق 4 نقاط حا يصبح 7 سفن إب
مع تحياتي ومودتي
| |
|
|
|
|
|
|
|
|
|
Re: كاريكا Vs وارقو (Re: haleem)
|
Quote: كاريكا مثل مهند الطاهر موهبة من مواهب الزعيم المريخي التى يحتفظ بها في إحدي صوامعه
ومتي ما أراد إستعادتها فأن الأمر لن يكلفه أكثر من مكالمة تلفونية ربما لا تتعد الدقيقة الواحدة |
و....و.....و.... كـــــــــــاااك !!!
----------------
ومـبروك يا ياسـر !
| |
|
|
|
|
|
|
|
|
|
Re: كاريكا Vs وارقو (Re: طلحة عبدالله)
|
طلحة
| Quote: وراغو النيجيري لاعب وسط مهاجم |
اضحك الله سنك
قلت لي شنو؟؟؟؟؟؟؟؟
قال لاعب وسط قال....الليفلة بقي لاعب وسط
تحب أرجع ليك كتاباتكم ايام تسجيله
| |
|
|
|
|
|
|
|
|
|
Re: كاريكا Vs وارقو (Re: Medhat Osman)
|
عايزين الصراحة ولا حاجة تانية ؟؟؟
وارقو لعاااااب جدا ولاعب يراوغ مراوغة ايجابية بيمسك الكورة وبيمشي لي قدام ..
من ناحية إنو ما ماسورة فهو ما ماسورة والزول بيعرف كورة ..
لم يوفق مع المريخ لم يوظف بالصورة الصحيحة ما لاقي اللاعب البيفهمو ده موضوع تاني..
اعلام المريخ طالع بي وهمة وكذبة كبيرة جدا مفادها وارغو صانع العاب لمداراة فشل وارقو ..
وارغو مهاجم صريييح والمريخ سجله على الاساس ده !!
طيب تعالوا نقول صانع العاب كم عدد الفرص التي صنعها وارقو وسجل منها لاعبو المريخ ؟؟؟
طيب معليش صدقناكم والراجل صانع العاب ..عليه نحول المفارنة بين وراقو وهيثم مصطفى ونشوف كم هدف صنع سيدا وكم هدف صنع وارقو ؟؟
لا نمشي لي الابعد كم هدف سجل سيدا وكم هدف سجل وارقو ؟؟
انا مقتنع جدا بي وارقو بافتراض إني بعرف كورة والراجل من لمسته واضح جدا انو زول لعاب ..
لانسبة لي كاريكا فللحقيقة الزول ده حاجة تااانية اجمل حاجة فيهو خياله الخصب في الكورة بيزكرني بي اللاعب دينيس بيركامب صاحب اعظم خيال كروي في العالم من ما اتعملت الكورة دي (راي شخصي بحت)..
| |
|
|
|
|
|
|
|
|
|
Re: كاريكا Vs وارقو (Re: عمر الفاروق)
|
| Quote: انا مقتنع جدا بي وارقو بافتراض إني بعرف كورة والراجل من لمسته واضح جدا انو زول لعاب .. |
الاخ عمر الفاروق
مسكاقمي
ما كتبته هو عين العقل ، ويدل على انك لاعب كورة وبتفهم في الكورة وعارف بيلعبوها كيف
نعم نقارن بين وارغو وهيثم مصطفى وكذلك مجاهد وكذلك العجب كصانعي إلعاب مهمتم تجهيز الكرات وخلق فرص التهديف للمهاجمين
ونقارن بين المهاجمين المطلوب منهم إحراز أهداف كاريكا وكلتشي وطمبل وايداهور وعادل وكاريزما
والحقيقة المعروفة لدى الجميع أن وارغو كان يلعب في فريقه بنجيريا كصانع العاب
وإذا احرز اهداف اثناء مشاركته مع فريقه هذا لا يعني ان نطالبه بان يحرز اهداف وهو في مركز صانع العاب
وأعطيك مثالاً لاعب الهلال المدافع يوسف محمد كان يحرز اهدافاً عندما كان يعلب في الهلال بل اهداف رائعة جداً هل تعاقد معه الفريق السويسري لكي يحرز له اهدافا وهل سيعيده الهلال او اي فريق اخر كهداف
وارغو بيقدم لمحات وكورة جميلة جدا
الاخ ياسر لم توفق في بوستك هذا ولا يوجد اية مقارنة بين كاريكا ووارغو
| |
|
|
|
|
|
|
|
|
|
Re: كاريكا Vs وارقو (Re: كمال عباس)
|
سوول ما سجل ولا قووول
وراقو ما سجل غير هدف سارقو
سول لاعب كورى موهوب كان هداف فريقه سجله الزعيم السعودى (لا توجد فى المملكة تنازع على اسماء,,ممكن ان يستفيد الوصيفاب من الجمله هذه ويسمو فريقهم العميد, ما علينا خلى مزمل يبيع صحيفتو)نرجع لسووول كل الصحف والمنتديات كتبت عن هذه الصفقة الهلامية بين اللاعب
والزعيم,,مرت عليه شهور لم يسجل ولا قوووول,,فشاعت مقولة عندما لا يسجل اللاعب هدف يقال له لاعب تكتيكى,,,,هل ياترى تنطفق على وارقو
زمان لما كنا بناجر العجلاب بالساعة,,نحاول قدر الامكان تستخدم تلك الفتره كلها من غير راحة,,او لما تكون عندك حاجة ماغساك او تدخل مظعم وتكتشف ان الوجبة غالية كتير ,,بتحاول تاكلهاعشان تخلص قروشك,,, اها دا تعامل ناس المريخ مع وارقو,,لو لقو طريقه ياجرووه كان فعلو ذلك,, الراجل لعاب على وزن دباب لكن مو قدر القروش التى دفعت فيه,,تانى يامريخاب لما تحاولو تشترو لاعب خلو الارباب يسعرو ليكم
فارجل اقتصادى ماهر فقدسعر وارقو ب 500 الف دولار لكن ما سمعتو الكلام
| |
|
|
|
|
|
|
|
|
|
Re: كاريكا Vs وارقو (Re: كمال عباس)
|
وارقو... كاريكا حارقو
وارقو لاعب ممتاز لكن فقط عندما تكون هنالك كرات وتمريرات
قصيره وممرحله وده طبعا معدومه تماما فى المريخ حيث اللعب
الطويل من الزومه او الشغيل او بله جابر ومحل ما تقع التقع
وده طبعا قدرتهم وفهمهم وعليه امام المريخ واحد من حلين:
اما تغيير كل لاعبى المريخ
او الاستغناء عن وارقو
وبالمناسبه وارقو فى لقاء له فى ال BBC ذكر النقطه اعلاه
بالقول لم استطيع التألقم على اللعب فى المريخ
تخريمه
الصراحه راحه وانت ما بتعرفش
| |
|
|
|
|
|
|
|
|
|
Re: كاريكا Vs وارقو (Re: طارق الكوتش)
|
شكرا ياطارق
Quote: وارقو لاعب ممتاز لكن فقط عندما تكون هنالك كرات وتمريرات
قصيره وممرحله وده طبعا معدومه تماما فى المريخ حيث اللعب
الطويل من الزومه او الشغيل او بله جابر ومحل ما تقع التقع |
كلامك فيه شئ من الصحة ولكن ومع وجود هذا الاسلوب -أي بعض العشوائية
وضعف اللعب الممرحل - مع هذا الاسلوب فهناك لعيبة أجانب سجلوا نجاح
نسبي في المريخ- مثل إيداهور وكلتشي... ...... وارغو تصله الكرة كثيرا وبالتالي في إمكانه
صناعة الفرص وتوزيع الكرة وتمويل رأس الحربة والتهديف
كلامك دا ممكن يكون أحد الاسباب ولكنه ليس السبب الرئسي في ضعف مردود
وارغو
| |
|
|
|
|
|
|
|
|
|
Re: كاريكا Vs وارقو (Re: Medhat Osman)
|
الأخ كمال عباس:
Quote: ولكن وطالما هو صانع ألعاب - ذي مابيقول الجماعة- فدا معناه أنو
عقل الفريق وهو الذي يفتح اللعب ويقرأ الملعب ويوزع الباصات القاتلة
ويعرف نقاط قوة وضعف مهاحميه ونقاط ضعف المدافعين وثغرات الخصم
ونقاط التركيز في هجومه ......... |
ياخ ده كلام محترم جدا وعين العقل وفي دي ليك حق والله ..
وفعلاً دي المعادلة البتأكد إنو وارقو فشل في المريخ وما اظن حا اعلق اكتر من كده ..
بس انا كتبت معلومة إنو لعاب لأنو في ناس استخدمت مع اللاعب وصف(ماسورة) ودي ببتقال للزول المقلب وما عندو علاقة يب الحاجة المعنية .
تخريمة :
يا ابقوتة سوول الكوري جاب قون واااحد زي وارقو في مباراة الهلال والشباب 2-1 الشمراني للشباب وسوول وويلهامسون للهلال.. ولا شنو ؟
| |
|
|
|
|
|
|
|
|
|
Re: كاريكا Vs وارقو (Re: نيازي عبدالله مرحوم احمد)
|
بدون أي لعب بالالفاظ والمسميات
المريخ إشتري وارقو كمهاجم وبمبلغ لايمكن لاحد أن نادي سوداني سيدفعه للاعب ...حتي نادي الاهلي المصري أغني نادي في أفريقيا والذي يمتلك إستثمارات ومؤسسات تؤهله لشراء لاعب مثل وارقو ذهل من المبلغ الذي دفعه المريخ
فشل وارغو فشلا ذريعا وخاصة امام المرمي وأتيحت له من الفرص ما لم تتح للاعب اخر
وارقو لايجد سوي الاحتجاج علي قرارات الحكام بصورة لايفعلها لاعب محترف وربما لتتغطية علي فشله
أما قصة:
Quote: وبالمناسبه وارقو فى لقاء له فى ال BBC ذكر النقطه اعلاه
بالقول لم استطيع التألقم على اللعب فى المريخ |
والله هو ما جايبنو من هونولولو
وخمسة مليون دولار كفيلة بجعل اي لاعب يتأقلم علي اللعب ولو في صينية شارع
أما قصة ماسورة ...فهذه الالفاظ الدخيلة علينا أتي بها إعلاميو المريخ لينعتو بها محترفي الهلال فهذه بضاعتكم ردت إليكم
وهاكم زيادة
وارقو.....والوالي حارقو
| |
|
|
|
|
|
|
|
|
|
Re: كاريكا Vs وارقو (Re: yasir Abdelgadir)
|
وجهة نظري كهلالابي شاف الاتنين في الملعب - مباريات وتمارين
مافي مفارنة بين وارقو وكاريكا...فواركو كورته لا تشبه كورة
السودان...يمكن ان يبدع في مانشيستر ومانشيستر سيتي...وبرشلونة
واتيام بيعرفو يلعبوا الكورة بحسابات...دقيقة...متين تباصي
ومتين تراوغ ومتين تفتح خانة ومتين تلعب باص وانت ما شايف؟
حريف...حرفنة...غير عادية...وكاريكا لاعب سوداني زيو وزي اي لاعب آخر
| |
|
|
|
|
|
|
|
|
|
Re: كاريكا Vs وارقو (Re: nazar hussien)
|
ياسر وبقية الرشاشات
انتو حارقم وين .............. جمهور المريخ راضي شن دخل القاضي عفوا الرشاشات .....
مبالغة يا نيازي ............................
الفصاحة دي حدها قريب الا تقولوا الروب
| |
|
|
|
|
|
|
|
|
|
Re: كاريكا Vs وارقو (Re: مهدى الصادق السيد)
|
نيازي
يازول انت بتهظر مانشستر عديييل الزول دا بالجلالة جاب قوون في الشمالي عطبرة بعد صيام دورة ممتاز كاملة
وحي الشمالي في عطبرة كلو ممكن تشتريهو بي عشرة الف دولار ( مع الاعتذار لسكان الحي )ووارقو تمنو خمسة مليون دولار ينطح دولار قال ايه قال مانشستر انتو لسه اعلامكم بيدخلكم في الوهم دا
أما عن كاريكا فلا تتحدث بل وإستمتع بأهدافه
مهدي الصادق
| Quote: الفصاحة دي حدها قريب الا تقولوا الروب |
ياخوي الدوري إنتهي قريب دي يعني الدوري السنة الجاية ولا شنو؟؟؟
| |
|
|
|
|
|
|
| |
رغيم عثمان رغيم الحسن
Mohamed Foto7li
طلحة عبدالله
كمال عباس
7abib_alkul
Medhat Osman
عبدالعزيز الفاضلابى
Abd Alla Elhabib
عمر الفاروق
abuguta
نيازي عبدالله مرحوم احمد
ابراهيم محمد الحسن
فيس بوك
تويتر
انستقرام
يوتيوب
بنتيريست