كتب الكاتب الفاتح جبرا المتوفرة بمعرض الدوحة
|
|
 تكذيب خبر ( عاجل )
|
تكذيب خبر ( عاجل )
السادة اعضاء المكتب السياسى للحركة الشعبية لتحرير السودان
السادة اعضاء حكومة جنوب السودان
الاخوة الاعزاء بصحيفة اجراس الحرية
السلام عليكم ورحمة الله وبركاته ، لقد فوجىء المكتب السياسى لدكتور/ عثمان الريح بزج اسم الدكتور فى مقال بصحيفة آخر لحظة فى عدد يوم الخميس بتاريخ 22 / 1/ 2009 ، وهذا المقال كتب فى الصفحة الرابعة ( تقارير ) بقلم الصحفى يوسف عبد المنان ، وعنوان المقال ( مناوى وخليل فى ميدان المواجهة بمهاجرية ، وجود بلاك ووتر فى جنوب السودان ...لبناء الجيش الشعبى ام لمساعدة خليل ؟ اسحق قيرقان الاسرائيلى وصفقات الاسلحة المشبوهة فى السودان )
تحدث الكاتب عن اختيار الجيش الشعبى للجنرال الاثيوبى صادقان قيرى للمساعدة فى التأهيل والتدريب .. والجنرال صادقان على صلة وثيقة بالمخابرات الامريكية كما يعتقد المحلل الاستراتيجى عثمان الريح فى حديثه ل(آخر لحظة ) عن مصادر الدعم الاجنبى للقوة العسكرية فى الجنوب ، هكذا زج الكاتب بأسم د / عثمان الريح فى تصريح لا اساس له من الصحة فى سابقة خطيرة من عدم المصداقية فى صحافتنا التى من المفترض ان تتحرى الصدق والدقة والعدالة والشفافية .
ونحسب ان الدافع لهذا الامر شيئين ، الاول هو تصفية حساب بين شريك الحكم والحركة الشعبية ، والثانى هو منع صحيفة اجراس الحرية من نشر ذلك الحوار الذى دار بينها وبين د/ عثمان الريح فى ذلك اللقاء الذى اعلنت صحيفة اجراس الحرية انها ستنشر فحوى هذا الحوار .
من هنا يتضح ان الصحافة لدينا اصبحت اداء فى يد الحزب الحاكم ، رغم اننا نتمنى الا تكون هذه سياسة الحزب الحاكم ، بل هى سياسة بعض المتفلتين .
نتمنى ان تكون قد اتضحت الرؤية ويمكنكم طلب تقديم دليل عن هذه المزاعم من صحيفة آخر لحظة ، كما نرجو من صحيفتكم العامرة التى هى اسم على مسمى ان تنشر هذا التكذيب نيابة عنا ، وان لا تتراجع من تلك الخطوة الجريئة نحو قومية توجه الحركة الشعبية .
والله الموفق
المكتب السياسى لدكتور/ عثمان الريح عمر حسب الله مرشح رئاسة جمهورية السودان للفترة الرئاسية القادمة
|
|
 
|
|
|
|
|
|
|
|
Re: تكذيب خبر ( عاجل ) (Re: osman elrayah)
|
| Quote: كما يعتقد المحلل الاستراتيجى عثمان الريح فى حديثه ل(آخر لحظة ) عن مصادر الدعم الاجنبى للقوة العسكرية فى الجنوب |
إنتو يا أخونا قصه كل زول قايل إسمه و اسم والدو حقنهم براهم دي شنو ....يعني البلد دي كلها ما فيها زول إسمه عثمان الريح إلا إنت ؟
أنا و الله الوقت ده كلو قايلك عندك حبه موضوع و دافعت عنك في كم بوست ، لكن الليله وقع لي تماما إنو ما عندك أي سالفه.
| |
|
|
|
|
|
|
|
|
|
Re: تكذيب خبر ( عاجل ) (Re: Amin Mohamed Suliman)
|
| Quote: يعني البلد دي كلها ما فيها زول إسمه عثمان الريح إلا إنت ؟ |
تصدق يا امين البلد دى فيها محلل سياسي معروف اسمه عثمان الريح ..
لكن الظاهر عليه بيتبرأ من اسمه قريب لصالح مرشح الرئاسة عثمان الريح ..
.........
يا دكتور الصحفي قال محلل سياسي
انت محلل سياسي ..؟؟
| |
|
|
|
|
|
|
|
|
|
Re: تكذيب خبر ( عاجل ) (Re: Amin Mohamed Suliman)
|
الحبيب امين
Quote: إنتو يا أخونا قصه كل زول قايل إسمه و اسم والدو حقنهم براهم دي شنو ....يعني البلد دي كلها ما فيها زول إسمه عثمان الريح إلا إنت ؟
|
هذا البوست حرك الذكريات في ان اكتب بوستا في مسألة تشابه الاسماء .. وهذا ليس اسمو واسم والدو
ولكن ما حدث لي كان التشابه في الاسم الرباعي كاملا
عندما كنت ابنا للوزير لمدة نصف ساعة !!!!!!!
بعدين لاحظ رئيسنا في معرض حديثه لا يفرق بين اداء واداة ...
فأداة هي من ادوات النظام .... واداء التي اتيت بها هنا في الصياغ ليس موضعها يا رئيس الهنا
| |
|
|
|
|
|
|
|
|
|
Re: تكذيب خبر ( عاجل ) (Re: osman elrayah)
|
!!!
| Quote: كما يعتقد المحلل الاستراتيجى عثمان الريح |
أمكن دا واحد تاني يا دوك .. مش إنت ..!!
حسب علمنا فأنت دكتور باطنية ومرشح للرئاسة ولم يات في سيرتك الذاتية انك محلل إستراتيجي ..!!
ولا إنت كدة وما كاتبا في السي في ؟!!
| |
|
|
|
|
|
|
|
|
|
Re: تكذيب خبر ( عاجل ) (Re: ناذر محمد الخليفة)
|
Quote:
حسب علمنا فأنت دكتور باطنية ومرشح للرئاسة ولم يات في سيرتك الذاتية انك محلل إستراتيجي |
الاخ دكتور عثمان الريح
تحياتي
لو الكلام دا ما صحيح دي فرصة ترفع دعوي باشانة سمعة بواسطة مكتبكم القانوني
| |
|
|
|
|
|
|
|
|
|
Re: تكذيب خبر ( عاجل ) (Re: Nagi Ahmed)
|
يا عثمان الريح..(ساكت كدة بدون \كتور أو مفكر إستراتيجي)..
ياخي خليك من تشابه الأسماء الواضح جدا هنا لأبلد مخلوق،، الليلة يوم أربعطاشر شهر خمسة، جايب ليك خبر عاجل وبيان إنو (مكتب سياسي كاااااامل) لمرشح رئاسة حتى (تفاجأ) ليهو بخبر منشور يوم 22 يناير..
قبل كدة سمعنا تصريح لأحد السياسيين وصف فيه زميل له إنو لا يصلح لقيادة تلاتة غنامايات،، لكن الليلة ح أضطر أقول ليك إنت لا تصلح لرئاسة مركز صحي في قرية فيها تلاتة بيوت جالوص مكسرة في اي من أطراف السودان،، ياخي أخجل شوية عليك الله.. والسودان تطير عيشتو إذا نحنا من الإنقاذ نقع فيك إنت.. دا شنو دا...
| |
|
|
|
|
|
|
|
|
|
Re: تكذيب خبر ( عاجل ) (Re: Isa)
|
| Quote: والسودان تطير عيشتو إذا نحنا من الإنقاذ نقع فيك إنت.. دا شنو دا... |
من الإنقاذ طوالي تووووووش للدكتور ... يعني الفترة الإنتقالية دي بح ؟؟؟؟
| |
|
|
|
|
|
|
|
|
|
Re: تكذيب خبر ( عاجل ) (Re: Al-Shaygi)
|
| Quote: المكتب السياسى لدكتور/ عثمان الريح عمر حسب الله مرشح رئاسة جمهورية السودان للفترة الرئاسية القادمة |
يا دكتور مكتبك السياسي دة ( فيهو ) كم ( أوضة ) كدة يعني تقريباً ؟؟
بعدين هو ( ملك ) و اللا ( إيجار ) و اللا ( مفروش ) ؟؟
باقي ( المكاتب ) دي بقت ( هملة ) لامن أي زول بقى عندو ( مكتب و كما ن سياسي ) حقو ..
ـ
الله و النبي يا دكتور ما ( تفكها ) في روحك قدر دة !!
و الله أخشى عليك بعد شوية كدة نلقاك إنت و مكتبك السياسي دة لابسين ( ميطي ) و قاعدين ( تطقعوا ) جمب صينية القندول !!
| |
|
|
|
|
|
|
|
|
|
Re: تكذيب خبر ( عاجل ) (Re: Al-Shaygi)
|
الأخ د. عثمان الريح
تحية طيبة
أحترم قرار ترشيحك للرئاسة وحقك فى تقديم نفسك لناخبيك وأحيى فيك روح الديمقراطية التى تبشر بها لكنك للاسف كنت أول من سقط فى امتحان الديمقراطية عندما لم تستجب لنداءات وتوسلات غالبية أعضاء المنبر بأن ترحمهم طلتك حتى أن البعض شكى لك من المعاناة من المرض غير أنك لم تستجب .
مرفق لك ما قمت بحصره من ردود واجابات بعض القراء حول بوستاتك وهو ما كان يجب أن يقوم به فريق عملك التابع لمكتبك السياسى أو الاعلامى ليوضح لك صدى حملاتك ومدى قبول الناخبين لك وها أنا أقوم بهذا العمل نيابة عنهم دون انتظار جزاء منك ..وربما أن زمنك لم يسمح لك بمطالعة جميع البوستات لكنك تجدها أمامك ويقينى أنه اذا لديك ذرة من الاحساس بعد قراءتها لغادرت فورا دون رجعة .. وقد قمت بتقسيم مجمل الردود التى قيلت لك لثلاثة أقسام هى :-
1/ ردود الذين فقعت مرارتهم وفشفاشهم وهم (حنين للبلد- مزمل خيرى – سارة على – نادر ابوكدوك ) ويقينى أن خللا ما أصاب صحتهم النفسية الآن من شدة المرارة والوجع الملاحظ فى كلماتهم وهم شباب كانو كالورود والنسيم يتراوحون فى فضاء المنبر وسوف يسالك الله عنهم .
2/ ردود من تنفسوا الصعداء بعد ان أعلنت رحيلك عن المنبر وما لهجت به السنتهم من شكر لله لمفارقة طلتك البهية .. وصدمتهم الكبيرة عند اكتشافهم أن رحيلك لم يكن الا لساعات وعدت اكثر فتكا وضراوة .
3/ ردود الساخرين من برنامجك ومنك بعد ان تاكد لهم أن ما تفعله سلوك غير جاد وغير مسئول ولا يمكن أخذه الا بمحمل الهزء والسخرية.
(كما سأمدك بأجمل التعليقات وأطرفها )
أولا: ردود الذين فقعت مرارتهم وفشفاشهم :-
1/ حنين للبلد :-
Quote: - حسبى الله ونعم الوكيل .. شكيتك للأقوى منك ومنى .. يا ريس حرام عليك .. والله بكيتنا بدموعنا
- ما ممكن كتمة النفس دى .. اتخنقنا جد .. ما ممكن اصدق انه دة طرح جادى لمرشح رئاسى جادى فى بلد جادة
- اللهم لا راد لقضائك .. امتحان عسير.. ربى لا نسألك رد القضاء.. الطف علينا يارب – الله يسامحك يا بكرى ابوبكر
- خلاااااااااااااص فقدنا السوائل ذاتها .. يا ريس الله يهديك ويهدينا .. مش وادعتنا .. الشى شنو
- أحيييييييي يا فشفاشى
- يا جماعة فى زول حاسي بى |
( لا أدرى كيف هى صحة حنين الآن لكن يقينى أنها لم تعد تشبه صورة بروفايلها الهاشة المبتسمة ولابد ان وحهها متورما الان من أثر وجع الفشفاش والمرارة وفقع الطحال )
2/ مزمل خيرى :-
Quote: - يحلنا منك الحلة بلة يا دكتور .. هريتنا هرى والله .. فى أعضاء عندهم ضغط وسكرى حتسمع واحد اتلحس بسببك .. أرحمنا عليك الله
- عليك الله فكنا والله يا دكتور انت بقيت لينا فى العزيزة
- الليلة الجمعة ودة يوم راحة ريحنا عليك الله وريح الاعضاء اليوم دة بس.. تعال لينا يوم الاحد .. الله لا جاب يوم عقابك
- ياخى انت زول مؤلم جدا
- والله انت الا تترشح ريس مركب فى النيل
- جانى احساس انه الزول دة مخبول ما عارف ليه |
3/
سارة على :-
Quote: - الزول دة فتلنا نفسيا .. انا متاكدة حتكون فى حالات طلاق حصلت بسببه
- الفضل لى صدمة واحدة بتاعت هارت اتاك النبى فيك لو ما جبتها لى ومشيت وااااااااااااااااى
- ما غلطتك لكن غلطة بكرى الشكله عاجباه اللياقة دى
- وكمان قال شنو ( قود باى) كمان بتكلم لغات ..هزلت |
4/ نادر أبوكدوك :-
| Quote: عليك الله يا دكتور أرحمنا.. النبى فيك .. أستحلفك بكل غالى .. عليك الله أرحمنا.. أرحمنا .. أرحمنا .. أرحمنا |
( ورغم أن نداء نادر كان وحيدا لكن يستشف منه حجم الوجع والمعاناة التى صدرت منها هذه الآهات)
ثانيا : ردود ما بعد اعلان قرار الرحيل المرجوع عنه :-
Quote: - قطر عجيب يودى ما يجيب .
- الله يوفقه ويبعدنا من نيرانه
- ودعوه ياخ نشف جركاناتنا
- ودعناك الله سيدى الرئيس قديتنا وفقعت مرارتنا
- الحمد ليك يا سيد العباد واقول المنبر بقى نسمة عليلة ليه
- البعض أصبح يلهج بالشكر لذهابك
- ودع ناس الفيس بوك كمان لانهم برضو تعبوا منك
- قشة ما تعتر ليك وهاك ديل حاكسرهم وراك (صورة خمسة قلل)
- نحن كفاعدة شعبية وبريدات الكترونية لا نفقد الا عدم رؤياكم الغالية
- رجع الوجع
- مشى لكن قبل ما يصل جا راجع
- ياخ انت قلت مشتت الجابك راجع شنو
- هو انت لسة فاعد حيرتوا القراد ذاتو |
( ارجو ان تجلس بمفردك جلسة صفاء مع النفس وتتأمل هذه الكلمات بمفردك دون اجهزتك ومستشاريك اللذين يبدو أنهم مضللين وتحكم ضميرك وحسك الانسانى والدينى بكل الآيات التى دعت للرحمة والرأفة بالعباد ثم تقرر ونحن بانتظارك.. والا ساتيك بالمزيد )
| |
|
|
|
|
|
|
|
|
|
Re: تكذيب خبر ( عاجل ) (Re: سمير شيخ ادريس)
|
الاخوة الاعزاء
السلام عليكم ، رجاءا اريد نقاش موضوعى بكل اسف لم اجد من كل الذين كتبوا نقاش موضوعى ، نعم انا محلل سياسى بدليل البرنامج الانتخابى الذى اتحدى به اى محلل سياسى ، كما ان البعض اعرف انهم قاموا بالهجوم بأرتباطهم بالمؤتمر الوطنى وجهاز الامن الذى هو مالك لصحيفة آخر لحظة ، وهذه ليست المرة الاولى لهذا الصحفى ان يذكر شىء من الحقيقة ويضيف من عنده ، كما ان هنالك قضايا بخصوص صحفيين نشروا اشياء ولم يقدموا دلائل ، هنالك مقالات تكتتب لأغراض سياسية لا تعامل بهذه البراءة . من قال اننا لن نقاضى هذا الصحفى ، اما عثمان الريح فهو انا لأننى قدمت تحذيرا لكل الصحف ولكنه قام بأضافة مايريد ليخدم اهدافه .
من هو د /عثمان الريح المحلل الاستراتيجى الذى يقصد ؟؟؟؟
ثم اننى لدى مشاركات فى العمل العام منها مطالباتى للحفاظ على البيئة ومنها استجابة معتمد شرق النيل لكثير من مطالباتى ، كما ان لدى مساهمات حول ابراج الاتصالات فلقد قدمت اوراق من اكبر معهد للأورام فى بريطانيا يؤكد العلاقة المباشرة مابين سرطان الدم والمخ والغدد الليمفاوية وبين اجهزة الاستقبال التى تنصبها شركات الاتصالات فى الاحياء السكنية ولقد قام الصحفى المحترم حيدر المكاشفى بالكتابة لى اكثر من مرة ، واعادت صحيفة اجراس الحرية ذلك المقال ، ولقد اتصلت بى صحيفة اجراس الحرية وطلبت من الاتصال بمسؤول بالمجالس التشريعية لأعطيها مالدى من افادات ، لأن المجلس التشريعى قرر اعطاء مهلة لهذه الشركات لأزالة هذه الابراج من الاحياء السكنية ، كما لدى اسهامات فى مجال التنمية الصحية والاشارة الى مشاكل تدهور الخدمات الصحية والتعليمية فى السودان .
اخيرا ذلك الصحفى وصحيفته لم ينفيا اتهامى لهم ، اما تأخرى فى نشر هذا المقال لهذا الموقع فيجىء لهدف تكتيكى نستعمله عند الضرورات ، والكل يعرف استخدام هذه الصحيفة للحقائق بتلك الفرية التى اتهم بها السيد الصادق المهدى .
http://sudaneseonline.com/vb/showthread.php?t=64912
http://sudaneseonline.com/vb/showthread.php?t=64911
http://sudaneseonline.com/vb/showthread.php?t=64910
http://sudaneseonline.com/vb/showthread.php?t=64885
http://sudaneseonline.com/vb/showthread.php?t=64885
http://www.sudaneseonline.com/vb/showthread.php?t=64894
| |
|
|
|
|
|
|
|
|
|
Re: تكذيب خبر ( عاجل ) (Re: osman elrayah)
|
http://www.sudaneseonline.com/vb/showthread.php?t=64883
اخوة المنبر الاعزاء
أؤكد لكم اننا سنعمل على اعطاء السودانيين المقيمين خارج السودان الفرصة فى الانتخاب ، ثانيا أؤكد لكم اننى حرصت على المواصلة معكم بنفسى طيلة هذه المدة لثلاثة اسباب ، الاول لأعرفكم على نفسى ليعلم كل سودانى ان كان داخل السودان او خارجه ان هنالك جيل جديد وسياسة علمية جديدة فى السودان .
ثانيا لأعادة ثقة المواطن السودانى فى ساسته ووطنه ولكى احض السياسين فى السودان ان يحترموا عقلية المواطن السودانى وليساعدوه لكى يكون فاعلا وان يشارك فى صنع القرار بدلا من ان يفضل الغربة على الرجوع لوطنه .
ثالثا حرصت على ان ارد بنفسى على اسئلتكم لكى اعبر لكم عن الفكر الذى احمله بين جنبى ولا اظن ان احدا سيوصله بالنيابة عنى ، ولعلمى بلهفة السودانين المغتربين الذين يحلمون بتغيير افضل لواقع بلدهم المرير ، وما يؤكد ذلك انه وبالرغم من طلبى اكثر من مرة من الذين يختلفون معى فى ايدلوجياتى وسياستى فى المنبر ، بالرغم من اننى قلت لهم ان كانت بوستاتى تضايقكم فيمكنكم ان تمروا فيها ولا تفتحوها فهنالك متصفحون غير مشتركين فى المنبر يريدون قراءة البرنامج الانتخابى كما ان هنالك اسئلة ارد عليها ، اجدهم وللهفتهم بشؤون السودان يعودون ويفتحون البوستات دون ان يشعروا بالرغم من ان هنالك عشرات البوستات التى تعاد وقد وصل عدد القراء فيها 57 الف ولكن لأنها لا تحمل معنى التنافس السياسى لم يعترض عليها احد .
================================================================================
اريد ان اعلمكم ان ما نقوم به فى موقع سودانيز ان لاين وموقع الفيس بوك وموقع ماى اسبيس وموقع تاجيت وموقع تويتر وموقع النيلين ، لا يمثل كل مجهودنا فى صنع الحملة الاعلامية ، فهو مجرد خلق شعبية فى مواقع الانترنت ، وهنالك من يقوم بعرض البرنامج الانتخابى فى الاقاليم ، للمواطنين الذين لا يتعاملون مع الانترنت ، فلقد بلغ عدد المسجلين لدينا حوالى 722 الف مواطن .
اما عن الحملات الانتخابية الحقيقية فهى لم تبدأ بعد ، وستقوم بمجرد التقديم للترشح وتقديم الناخبين للتزكية .
اما مانقوم به فهو لا مثيل له هنا فى السودان ، فباقى الاحزاب السياسية لا تبذل ربع ما نقوم به من دعاية ، ولا داعى ان نقارن انفسنا مع دول الغرب وامريكا فظروفنا وامكانياتنا تختلف ، كما ان شعبنا يختلف. اما ان كنتم خارج السودان فيجب ان اعلمكم ان التحول الديمقراطى هنا يسير ببطء وما نقوم به يعتبر انجازا ضخما رغم المعوقات التى تضربها الحكومة فهى مسيطرة على الاموال والاعلام ، كما انك لا تسلم من المضايقات التى تنسف كلام الرئيس البشير الذى قال فى حوار صحفى فى صحيفة الصحافة : انه لا توجد مضايقات سياسية ولا توجد بيوت اشباح
| |
|
|
|
|
|
|
|
|
|
Re: تكذيب خبر ( عاجل ) (Re: osman elrayah)
|
اتمنى ان تكون اسئلتي الاتية موضوعية حتى تستحق منك رد عاقل له معنى يا دكتور.
| Quote: نعم انا محلل سياسى بدليل البرنامج الانتخابى الذى اتحدى به اى محلل سياسى |
سبق و قلت يا سيدي أن هذا البرنامج وضعه مجموعة من العلماء. و الان تمن و تفخر به و تعتبر نفسك محلل سياسي بسبب هذا البرنامج.
ارجو ان تتكرم بشرح هذه النقطة التي اشكلت على فهمي.
| Quote: كما ان البعض اعرف انهم قاموا بالهجوم بأرتباطهم بالمؤتمر الوطنى وجهاز الامن الذى هو مالك لصحيفة آخر لحظة |
الذين تداخلو هنا هم :
امين محمد سليمان - الطاهر ساتي - علاء الدين حيمورة - ناذر الخليفة - عمر صديق - ناجي أحمد - عيسى -احمد موسى - مشعل - الشايقي - عصام دهب - سمير شيخ ادريس .
بما انك "تعرف " ارتباط البعض بالمؤتمر و الوطني و جهاز الامن ارجو ان تتكرم و تتحفنا بهذه المعرفة و تسمي لنا من من هؤلاء الاخوة له علاقة بالمؤتمر الوطني و جهاز الامن. لاني الان اصبحت اشك فيهم جميعا.
| Quote: اما تأخرى فى نشر هذا المقال لهذا الموقع فيجىء لهدف تكتيكى نستعمله عند الضرورات |
مع تصريحك ان هذا النشر متأخر ارجو ان تشرح لي كيف يكون هذا الحدث المتأخر عاجل كما عنونت البوست.
أم هي عنونة و السلام ؟
ختاما السؤال الاهم :
صرحت من قبل أن فترتك في هذا الموقع انتهت حسب البرنامج الموضوع من قبل ادارة الحملة. و قلت انك ستعود احيانا للرد على بعض الاستفسارات.
هل حضورك اليومي و الكثيف هو ما عنيته بالعودة احيانا ؟ و ما الفرق بين وجود الكثيف في الايام الاولى و وجودك الكثيف هذه الايام ؟
| |
|
|
|
|
|
|
|
|
|
Re: تكذيب خبر ( عاجل ) (Re: حمور زيادة)
|
نرجو من الجميع الدعاء للمواقع المنكوبة :
| Quote: موقع سودانيز ان لاين وموقع الفيس بوك وموقع ماى اسبيس وموقع تاجيت وموقع تويتر وموقع النيلين |
يا دكتور ممكن اجيب ليك عضوية في دوت اروج ؟
اعتقد انو بعض جالية امريكا محتاجة لحوار معك و سترحب بك كثيرا احسن من الرجرجة بتوع البورد ده
كما اوصيك بتجربة منبر تراجي.
سيسر أهل الهامش بسماع افكارك الجميلة و ستجد الدعم اللازم من اهل دارفور.
ـــــــــ
اعفي لي يا تراجي لو قريتي الكلام ده .. لكن اديهو باسويرد و تكون خدمة بكري ما ينساها ليك كلو كلو
| |
|
|
|
|
|
|
|
|
|
Re: تكذيب خبر ( عاجل ) (Re: حمور زيادة)
|
| Quote: بالجد الموضوع ده داير لي حسم..وحسم سريع كمان... |
حسم شنو يا حنين ؟
هو بيحس ؟
هو بيسمع ؟
ده حق هباني المسكين.
انا ندمان و سافي التراب. و الله هباني ارحم.
على الاقل بياخد و يدي.
لكن البيدي طوالي ده يعملو ليهو شنو ؟
يا دكتور تعال لينا الرحلة النيلية عشان تلتقي بالقاعدة الشعبية هناك.
| |
|
|
|
|
|
|
|
|
 Re: تكذيب خبر ( عاجل ) (Re: حمور زيادة)
|
Quote: حسم شنو يا حنين ؟
هو بيحس ؟
هو بيسمع ؟
ده حق هباني المسكين.
انا ندمان و سافي التراب. و الله هباني ارحم.
على الاقل بياخد و يدي.
لكن البيدي طوالي ده يعملو ليهو شنو ؟
يا دكتور تعال لينا الرحلة النيلية عشان تلتقي بالقاعدة الشعبية هناك. |
حمور زيادة
خلاص نويت على ناس الرحلة...
بمناسبة الحسم انا جادة والله العظيم في الموضوع ده...لازم نناقش بكري ابوبكر في الحاصل ده...الدكتور ده أشد فتكا بالمنبر من الهكر...
ياخي ده كرهنا الدنيا زاتها...ماموضوع منبر..ولا موضوع بوستات لانه بي بساطة ممكن نهج نخلي لي المنبر ده..لكن موضوع زول يفرض عليك حاجة غصبا عن عينك ..دي انا بعتبرها حقارة عديل كدة..الزول ده بحقر فينا...ما ممكن ياخي ابدا...
| |
|
|
|
|
|
|
|
|
|
Re: تكذيب خبر ( عاجل ) (Re: حنين للبلد)
|
منبر شنو يا حنين ؟
و تربة أبوي الزول ده شهاني سنة تسعين لمن ناس الامن يلقوك بتسمعي في اذاعة لندن يقبضوك يحققوا معاك .
تفتكري ممكن نتهم الزول ده بالابادة الجماعية ؟
يا دكتور سؤال تاني حتطنشوا كالعادة :
ليه بوستاتك الكتبتها ما بتطلع الصفحة الاولى الا لما انت تجي تكتب فيها و اول ما تعمل ساين اوت بتغتس تمشي الصفحة التانية ؟
هل ده معناهو فشل حملتك هنا في التعاطي مع الجمهور و خلق قاعدة ؟
سؤال لبكري :
الزول ده الثناهو ليك منو ؟
| |
|
|
|
|
|
|
|
|
|
Re: تكذيب خبر ( عاجل ) (Re: حنين للبلد)
|
Quote: حسب علمنا فأنت دكتور باطنية ومرشح للرئاسة ولم يات في سيرتك الذاتية انك محلل إستراتيجي ..!!
ولا إنت كدة وما كاتبا في السي في ؟ |
الله يجازي محنك يا ناذر الخليفة
تحياتي
| |
|
|
|
|
|
|
|
|
|
Re: تكذيب خبر ( عاجل ) (Re: Abdelgadir Galal Ahmed)
|
يا دكتور عثمان
انت تعلم تماماً بأنني فتحت بوست أدافع فيه عن حقك في مخاطبة البورداب وغيرهم بحرية وإحترام كاملين
وقد إحتملت مقابل ذلك حملة تهكمية باضت فيكم وأفرحت في
ولكن دعني أتحدث بصراحة معكم هذه المرة إذ أنني لاحظت تناقضات بين خطاب لكم وآخر في مثل ما أورده الأخ زيادة حمور
وعود عدة بأن هذه آخر مخاطبة لكم بالبورد ثم تعود بعدها مرة بعد مرة وتودع كذلك ثم تعود
تتحدث عن جولات إقليمية ومكاتب إستشارية وقانونية وإستهدافات كبيرة بشكل اشبه بالمثل اسمع عجة ولا اري طحينا
لا أري اي تجاوب في البورد مع ما تطرحونوأكثر من ذلك إستعداء البورداب عليكم يوما بعد آخر مما يجعلني أستغرب
في كيف يتحول الإنسان لضار بنفسه إلي هذا الحد وهو في كامل وعيه
أنا لا أزال أحترمك وأحترم خياراتك وحقوقك القانونية لذا أرجو أن تتقبل نقدي هذا بصدر رحب
| |
|
|
|
|
|
|
|
|
|
Re: تكذيب خبر ( عاجل ) (Re: عبدالكريم أحمد الامين)
|
Quote: ثم اننى لدى مشاركات فى العمل العام منها:
مطالباتى للحفاظ على البيئة
ومنها استجابة معتمد شرق النيل لكثير من مطالباتى ،
كما ان لدى مساهمات حول ابراج الاتصالات فلقد قدمت اوراق من اكبر معهد للأورام فى بريطانيا يؤكد العلاقة المباشرة مابين سرطان الدم والمخ والغدد الليمفاوية وبين اجهزة الاستقبال التى تنصبها شركات الاتصالات فى الاحياء السكنية
ولقد قام الصحفى المحترم حيدر المكاشفى بالكتابة لى اكثر من مرة ،
واعادت صحيفة اجراس الحرية ذلك المقال ، ولقد اتصلت بى صحيفة اجراس الحرية وطلبت من الاتصال بمسؤول بالمجالس التشريعية لأعطيها مالدى من افادات ، لأن المجلس التشريعى قرر اعطاء مهلة لهذه الشركات لأزالة هذه الابراج من الاحياء السكنية ، كما لدى اسهامات فى مجال التنمية الصحية والاشارة الى مشاكل تدهور الخدمات الصحية والتعليمية فى السودان . |
يا زول قشة ما تعتر ليكـ ومنافسكـ البشير ولا سلفا كير ما بعرف في الحاجات دي ، وهذه فرصة طيبة للفوز وبفارق كبير جداً من الأصوات وبلاهي يا دكتور كلم الجماعة المسئولين من حملتكـ الإنتخابية يسجلوا اسمي وانا معاكـ للطيييييييييش ....
بلا أبراج أتصالات بلا أمراض ياخي !!!!!!!!!!!
| |
|
|
|
|
|
|
|
|
|
Re: تكذيب خبر ( عاجل ) (Re: صباح حسين طه)
|
الاستاذة صباح حسين طه
اشكرك جدا لذلك البوست ، واشكر لك مدافعتك ، ولكن يجب ان اخبرك ان هنالك اسلوب مستعمل فى هذا البورد كتب من قبل فى صحيفة الصحافة وهو ان البعض يهاجم بترتيب مسبق حتى يفرغ عنوان البوست من محتواه ، ولا يناقش محتوى البوست والبعض له اجنده حزبية حتى تجدى ان هجومه ليس مبررا ، انا لا اعمم اكيد هنالك من يريد الاستفسار فأرجو ان لا تنطلى عليك مثل هذه الاساليب ، انا هنا قدمت مبررات واضحة لأدانة الصحفى ففضل البعض الجنوح فى امور فرعية لينحرف عن الموضوع الاصلى ، مما جعل منبر فى بعض المواقع مثلا موقع النيلين تكتب اعلان بأن لا يسى احد للآخر .
اما حريتى فى الكتابة فى بوستاتى فهذا حق لى وانا لم اذهب للبعض واكتب فى بوستاتهم ، كما اريد ان اعلمك ان اغلب اعضاء المنبر مسيسون اصلا وما يفعلوه هذا للكسب السياسى هذه الحقيقة علمناها مسبقا غير اننا نميز ما بين النقد البناء والاستهتار ، اما اخى زيادة حمور فهذا البرنامج تم صياغته بواسطة علماء ولكن انا كنت المايسترو الذى وجه الفريق . اخيرا رجاءا هنالك متصفحون غير اعضاء فى هذا المنبر وهم سودانيون يتصلون بى يريدون مصلحة الوطن رجاءا اعطوهم فرصة ، صدقونى من خلال مراسلاتهم تأكد لى ان هذا الشعب زكى جدا صدقونى كلما زاد التهكم والاستهتار والسب رفع ذلك من اسهمى فهذا الشعب لا يستطيع احد ان يشوش على فكره .
تحياتى .
| |
|
|
|
|
|
|
|
|
|
Re: تكذيب خبر ( عاجل ) (Re: osman elrayah)
|
سؤال من المواطن حمور زيادة :
Quote: سبق و قلت يا سيدي أن هذا البرنامج وضعه مجموعة من العلماء. و الان تمن و تفخر به و تعتبر نفسك محلل سياسي بسبب هذا البرنامج.
ارجو ان تتكرم بشرح هذه النقطة التي اشكلت على فهمي |
اجاب الدكتور عثمان مشكورا :
| Quote: اما اخى زيادة حمور فهذا البرنامج تم صياغته بواسطة علماء ولكن انا كنت المايسترو الذى وجه الفريق |
شكرا للتوضيح .. كنت انوي السؤال عن بعض هؤلاء العلماء و من هم لكني خشيت ان تعتبرني متعنتا يلاحقك بالاسئلة. ففضلت ان الفت انتباهك الى الاسئلة الاخرى التي لم تجب عليها :
Quote: الذين تداخلو هنا هم :
امين محمد سليمان - الطاهر ساتي - علاء الدين حيمورة - ناذر الخليفة - عمر صديق - ناجي أحمد - عيسى -احمد موسى - مشعل - الشايقي - عصام دهب - سمير شيخ ادريس .
بما انك "تعرف " ارتباط البعض بالمؤتمر و الوطني و جهاز الامن ارجو ان تتكرم و تتحفنا بهذه المعرفة و تسمي لنا من من هؤلاء الاخوة له علاقة بالمؤتمر الوطني و جهاز الامن. لاني الان اصبحت اشك فيهم جميعا. |
Quote: مع تصريحك ان هذا النشر متأخر ارجو ان تشرح لي كيف يكون هذا الحدث المتأخر عاجل كما عنونت البوست.
أم هي عنونة و السلام ؟ |
Quote: ختاما السؤال الاهم :
صرحت من قبل أن فترتك في هذا الموقع انتهت حسب البرنامج الموضوع من قبل ادارة الحملة. و قلت انك ستعود احيانا للرد على بعض الاستفسارات.
هل حضورك اليومي و الكثيف هو ما عنيته بالعودة احيانا ؟ و ما الفرق بين وجود الكثيف في الايام الاولى و وجودك الكثيف هذه الايام ؟ |
اعلم يا سيدي انك لم تتجاهل هذه الاسئلة عن عمد لكنك كنت في عجلة لترفع بقية بوستاتك.
ارجو ان تجد وقت بعد رفع بوستاتك وحدك للرد على هذه الاسئلة.
و شكرا.
ــــــــــ
برقيات :
استاذة صباح : اسمحي لي أن احيي فيك حسن ظنك بالناس.
حنين للبلد : انه يسمع و يرد.
دكتور عثمان : اظنك بتقرا اسمي ده قدام مراية.
| |
|
|
|
|
|
|
|
|
|
Re: تكذيب خبر ( عاجل ) (Re: حنين للبلد)
|
Quote: انت يا دكتور مش بتاع باطنيه؟
انا محتاج لي عمليه مراره مستعجله
لانك فقعتا لي مرارتي حقيقه |
والله انا زاتى... لكن الرسول فيك كان دخلت معاى غرفة العمليات
| |
|
|
|
|
|
|
|
|
|
Re: تكذيب خبر ( عاجل ) (Re: ابراهيم الرشيد عبدالرحمن وراق)
|
أخى الكريم حمور زيادة
مساء الخير ، ردا على اسئلة الامس ، فيما يتعلق بالاسماء اعلاه اعرف القليل منها اما الباقى فلا اعرفهم ولكن من خلال مشاركاتهم المتكررة فى كل بوست والاسلوب المتكرر الذى يستعملونه يشير للجهة التى يتحدثوا بالنيابة عنها .
يعنى امبارح ربنا يحفظك قام واحد مافى داع لأسمه قام دعاء وطلب من الله بموتنا دون سبب لأنه لا حجة له وقال انت مابتنوم ما بتذهب الى السوق هذا يشير لأنتمائه الى حزب لا يمتلك برنامج ، يشير الى حزب كسلان لا يستطيع ان يقوم بالدعاية .
اما اكثر من ذلك فأنه يتعارض مع اسس اللعبة اما الصحفى اعلاه موضوع البوست فهذا سيلاحق قانونيا ولا مجال له الا بدفع غرامة مالية او السجن ، اظن ان صحيفته قادرة على ان تدفع له ( 75 % من الميزانية )
اما مسمى البوست فأنه طالما اجيز استخدام هذا الكرت اصبح استعملاه ناجزا وعاجلا بالرغم من ان حدوثه كان فى الماضى ، كما يختار اسم البوست بواسطة الاعلاميين للتشويق والاثارة .
اما عن ظهورى فى البوست الكثيف فتجد رده فى هذا الرابط
السيناتور عثمان الريح خلي الانتخابات وتعال بي انقلاب !!
تحياتى
| |
|
|
|
|
|
|
|
|
|
Re: تكذيب خبر ( عاجل ) (Re: doma)
|
Quote: هو بيحس ؟
هو بيسمع ؟
ده حق هباني المسكين.
انا ندمان و سافي التراب. و الله هباني ارحم.
على الاقل بياخد و يدي.
لكن البيدي طوالي ده يعملو ليهو شنو ؟ |
حمور
سلام
يظهر مافى فايدة الناس كلها تهرى فى حشاها والريس مديها الطرشا لا بياخد
بس بيدى بس وبالكوم كمان زى ما لاحظت
لكن شايفه برد عليك وياخد ويدى معاك عشان كدة :
عليييييييييييييييييييك الله قول ليه فى ناس هنا بالجد عندها ضغط وسكرى دة ما هزار
وفقع المرارة وورم الفشفاش دة حقيقى .. وانه الله بسأله فيهم
أنا شاكى فى مسألة ( الباطنية) دى .. وأكاد أجزم انه الريس دة ( أخصائى أورام)
من شدة (الورم ) البعمل فيه للناس
حنين : كيف الصحة ؟؟؟؟؟؟؟؟؟؟؟
| |
|
|
|
|
|
|
|
|
|
Re: تكذيب خبر ( عاجل ) (Re: سمير شيخ ادريس)
|
!!!
Quote: أنا شاكى فى مسألة ( الباطنية) دى .. وأكاد أجزم انه الريس دة ( أخصائى أورام)
من شدة (الورم ) البعمل فيه للناس
|
يجازي محنك يا سمير ..!!
الأخ رباطابي ولا شنو ؟!!! 
| |
|
|
|
|
|
|
| |
osman elrayah
Amin Mohamed Suliman
الطاهر ساتي
علاء الدين حيموره
ناذر محمد الخليفة
عمر صديق
Ahmed musa
Mushal Allam
Al-Shaygi
عصام دهب
سمير شيخ ادريس
مزمل خيرى
حمور زيادة
Abdelgadir Galal Ahmed
عبدالكريم أحمد الامين
عمران حسن صالح
Hassan Makkawi
Amjed
doma
فيس بوك
تويتر
انستقرام
يوتيوب
بنتيريست