|
|
 أخيرا .... بقيت عم
|
بعد سنوات عددا من الزواج
رزق اخي فيصل وزوجته ساميه قريب الله يوسف نور الدائم بمولودهم الاول
بنت تشبه القمر .. جاري اختيار الاسم
فرحه لا تدانيها فرحه .. هي ليست مولوده عاديه
بل ملاك انتظرنا قدومه منذ سنين طويله .. لذلك كان طعم الفرحه مختلف
لا استطيع وصف فرحة وآلديها والاسرتين وكل الناس
بالنسبه لي هو احساس ان تكون عمو بعد ان شبعت خالو
الف حمدا لله علي سلامة والدتها التي عانت كثيرا عند الوضوع
والشكر للواء طبيب هاشم واسرة مستشفي السلاح الطبي
والشكر من قبل ومن بعد لله تعالي الذي اكرمهم وجازاهم علي صبرهم
|
|
 
|
|
|
|
|
|
|
 Re: أخيرا .... بقيت عم (Re: نوفل عبد الرحيم حسن)
|
الحبيب نوفي ,,, الف مبروك وتتربي في عزكم
ويا ,,,,, الرجا انت حقك وين ,حصل نفسك
والله الاولاد حلوين,,, بتكبر وبعدين الكوارع
ما بتنفع,, مشتاقون,, كوارع سكينة كيف؟
| |
|
|
|
|
|
|
|
|
|
Re: أخيرا .... بقيت عم (Re: سيف الدولة كامل)
|
سيف الدوله يا عزيز
تسلم ياخي
والله مشتاقين وكده
عارف .. كلما تجي سيرة الكوارع بتذكرك هههه
بعدين ياخي انا مشغل كل محركات البحث وما لقيت شريكة العمر المناسبه .. اسوي شنو عاد
طبعا اليوم داك مشينا لكوارع سكينه .. لكن حصل شوية لخطبه كده بعد جاني ضيف عزيز وعزمتو كوارع تانيه
المهم مشيت قابلت الناس الحلوين وقضينا لحظات حلوه مع معتصم والسيد والعوض المسلمي
وياسر بدوي ومحي الدين جبريل والزول اللذيذ جدا وهبه
والخميس دا ان شاء الله عازمهم في الموناليزا ... ابلع ريقك بس :D
| |
|
|
|
|
|
|
|
|
|
Re: أخيرا .... بقيت عم (Re: BitAlhana)
|
Quote: نوفل الف الف مبروك
تتربى في عزكم انشاء الله |
الله يبارك في عمرك يا بت الهنا
والخيمه كلها معزومه عندنا يوم السبت
كل المسانيح ... والهلالاب ذاتهم :D
| |
|
|
|
|
|
|
|
|
|
Re: أخيرا .... بقيت عم (Re: SHIBKA)
|
| Quote: وخصوصا انها بعد انتظار |
تسلمي يا شبكه .. ونبارك ليك السمح ان شاء الله
فعلا الخصوصيه انها بعد انتظار وترقب لعدة سنوات
| Quote: احساس عم وخال احساس حنين ورائع |
دا احساس اكتر من رائع .. احساس لا يوصف بكلمات .. لانه فوق مستوي الوصف
البنات بقوني خال من بدري وبقيت صديق لابناء وبنات اخواتي
لكن عم دي .. كنت منتظرها بفارغ الصبر
تسلمي والعقبال عندك
| |
|
|
|
|
|
|
|
|
|
Re: أخيرا .... بقيت عم (Re: طارق جبريل)
|
| Quote: حقنا في الكمونية لازم يصلنا |
ود جبريل بالنهار
انت داير ناس المغرب ديل يدقوا ليك خروج بدون عوده ؟
ديل لو شافوا الكمونيه دي بقولوا علينا بعاعيت :D
تسلم يا عزيز
| |
|
|
|
|
|
|
|
|
 Re: أخيرا .... بقيت عم (Re: نوفل عبد الرحيم حسن)
|
عمو
الف الف الف مبروك...البنوتة تتربى في عزك وعز أبوها يارب، ويهنيهم بيها...الاطفال كلهم حلوين بس البنات احلى ، حلوات وهادئات وينحبوا..بختهم ابتدوا بالبت ، يتدربوا فيها شوية عشان يتجهزوا للودل، لانهم تربية الولد صعبة.
مبروك وربنا يضوقك انت زاتك الجنى ...ويقولوا ليك يا بابا...
بالله ماتنسى تورينا البت أختاروا ليها اسم منو...
| |
|
|
|
|
|
|
|
|
|
Re: أخيرا .... بقيت عم (Re: حنين للبلد)
|
Quote: بالنسبه لي هو احساس ان تكون عمو بعد ان شبعت خالو
|
شوف الزول ده عليكم الله وطول الوقت الفات بقول عليك
عم ولدى.........
الف الف الف مبــــــــــــــــــبروك
| |
|
|
|
|
|
|
|
|
|
Re: أخيرا .... بقيت عم (Re: وليد الطيب قسم السيد)
|
Quote: شوف الزول ده عليكم الله وطول الوقت الفات بقول عليك
عم ولدى.........
|
وليد يا عزيز
ياني عم ولدك تب ... هو في اسعد واجمل من كده ؟
انا بس هنا قاصد اني بقيت عم بت عسوله :D
تسلم يا حبيب ونبارك ليك السمح والزين
| |
|
|
|
|
|
|
|
|
|
Re: أخيرا .... بقيت عم (Re: حنين للبلد)
|
| Quote: مبروك وربنا يضوقك انت زاتك الجنى ...ويقولوا ليك يا بابا. |
اللهــــــــــــــــــــــــم آميـــــــــــــــــــن
من بقك ولباب السماء زي ما بقول المصريين يا حنين
ويارب عروس وأردب فلوس هههه
زي ما قلتي البنات حلوات وحنينات .. مش زي الاولاد الواحد من صوتو يبدأ يتغير يقول ليك داير اعرس
لا عمل لنفسو شي ولا عمل لاهلو شي ... منتهي الانانيه وحب الذات
بس مشكلتن طلباتن ما بتخلص .. وتربية البنات عايزه ام واعيه شديد
| Quote: بالله ماتنسى تورينا البت أختاروا ليها اسم منو |
يلا ادينا خيارات برضو .. باقي علي السمايه يومين
..............
حنين عندك اخو اسمو منصور ؟
| |
|
|
|
|
|
|
| |
نوفل عبد الرحيم حسن
Amin Mohamed Suliman
سيف الدولة كامل
SHIBKA
هويدا شرف الدين
طارق جبريل
وليد الطيب قسم السيد
احمد معتصم الطيب
حبيب نورة
فيس بوك
تويتر
انستقرام
يوتيوب
بنتيريست