|
|
 نجاح نادين فرح منساب و زغرودتين ( تحية لي الخال بهاء عيسي)
|
ألو !!
معاي منو يا شاطرة ؟؟
معاك نادين!!
أها يا نادين متصلة من وين؟؟
أنا ضاربة ليك يا خالو من سما الفرح السابع!!
ودة وين هسة؟؟
دة في عيوناً تقالد النيل
وتحضن شوقو بي موجتين
وفي دعوة يمة يا خالو
تقول انشاء ديل ناجحين
.....
....!!!
ومتين أنتي ياختي بقيتي شاعرة!!
انا شاعرة بي أماً
بتتعب شان أمشي لي قدام
وبي والداً مناه كمان
أكون الراية للاسلام!
يا بت يا نادين فصاحة بهاء عيسي دي جبتيها من وين!!
ما تقولي لي عشان خالك؟
خلاس قولي ليهم
تبّت يدين ما مدت الفال شان نسالم .... شان نلقِّط حاجة من منظوم حنينكم
من عصير الروعة فيكم ... كيفن خطاي الليلة بالشوق ما تجيكم ؟؟؟
أها يا نادين لمن تكبري دايرة تبقي شنو؟؟
ما تقولي لي دكتورة!!
لمن تبقي أبقي لي نورة 2
ـــــــــــ
فرحت شديد بي نجاح الأبنة النابغة نادين بت أمها و أبوها
وبهاء عيسي خالها بي تفوق ساحق ( فول مارك)
و بجي أواصل الحوار معاها والسبق الصحفي يعود لي
ومنتظرين الصور تجي عشان ننزلها
ــــ
وبي كدة نادين أستحقت الرحلة النيلية الجميلة
و أستحقت كمان الدعوة الحبيبو نورانية المستجابة
ربنا ينجيكي و يغطيكي و يضاريكي و يهنيكي و يخليكي و يعليكي وما يدليكي ومحل ماك ماشة يوديكي
|
|
 
|
|
|
|
|
| |
حبيب نورة
خالد المحرب
الفاتح ميرغني
Dalal Ezzaldin
baha eassa
ابو جهينة
Abdelmuhsin Said
عماد شمت
naeem ali
محمد فضل الله المكى
فيس بوك
تويتر
انستقرام
يوتيوب
بنتيريست