|
|
 في الاسي ضاعت سنيني ..... ( حاجة تغيظ )
|
اكمل اليوم 35 سنة راحن شمار في مرقة
اول 10 ودرن نميري الله لا يطراهو بالخير
وسنة سوار الدهب والجزولي لافهمو لا فهمونا حاجة
4 الديموقراطية الزايف والناس السرقوا الانتفاضة
ديل كم 15 مش ...؟
اها 20 حتة واحد وديل المايتسموش
بعد كدي الواحد من حقو يموت بالمغسة علي عميرو الراح بعزقة
|
|
 
|
|
|
|
|
|
|
|
Re: في الاسي ضاعت سنيني ..... ( حاجة تغيظ ) (Re: Yassir Bainwi)
|
ما فضل كتير يا صديقي
أديها عشرة جايات غلاط ساي
وسنة ونص أي حاجة
وبعد داك دربك علي حسن الخاتمة عديل
وياياسر مشوارك طويل
مديد العمر ياخ
ــــــــ
عارف خمسة وتلاتينك ديل وجعوني بالحيل يشهد الله
أهديك ما تبقي من ثمرات الثوريين
أهديك ليل بهنس يا صاحب
وكل سنة وانت زاتك .
| |
|
|
|
|
|
|
|
|
|
Re: في الاسي ضاعت سنيني ..... ( حاجة تغيظ ) (Re: خضر حسين خليل)
|
الحبيب\ ياسر بيناوي
كل سنة وانت طيب وربنا يديك الصحة والعافية
يا اخوي اوعك تحسب,, الدنيا حلوة ومافي زول بياخد
زمن غيره ابتهج وافرح ,, وربك كريم,, ما تخاف
نحنا دخلنا الخمسين وحياتك نضحك ونقرقر واخر بسطة.
خت الرحمن في قلب,,,, ,,,وربنا يديك طولة العمر
| |
|
|
|
|
|
|
|
|
|
Re: في الاسي ضاعت سنيني ..... ( حاجة تغيظ ) (Re: سيف الدولة كامل)
|
الاخ \ ياسر
كل عام وانت بخير وربنا يديك العافية وطول العمر
هذا الشعور اتابي قبل ايام عند مااكتشفت انني وصلت الي 40 عاما
لكني تغلبت عليه دايما هنالك شي جميل تحقق في حياتنا واخر نسعي اليه
وتذكر دايما ان الحياة رغم الصعاب والماسي والاحباط تستحق ان نعيشها وان نعمل للافضل ويكفينا شرف المساهمة في البحث عن الافضل
عقب الانقلاب في 30 \ 6 كتب محجوب شريف قصيدة جميلة اهديك مقطع منها
تسالني ايه العمل
انسد باب السجن
ما انسد باب الامل
كما انه كتب لزوجتة من السجن وفي فترة حكم النميري
سلمي لي على حبايب
في زواية المغربية
قولي ليهم حبوا غنو
الدنيا لازالت ندية
لذلك تبسم للدنيا
| |
|
|
|
|
|
|
|
|
|
Re: في الاسي ضاعت سنيني ..... ( حاجة تغيظ ) (Re: عثمان الشيخ)
|
عثمان الشيخ
Quote: تسالني ايه العمل
انسد باب السجن
ما انسد باب الامل
كما انه كتب لزوجتة من السجن وفي فترة حكم النميري
سلمي لي على حبايب
في زواية المغربية
قولي ليهم حبوا غنو
الدنيا لازالت ندية
لذلك تبسم للدنيا |
تسلم ياخ
ويسلم لينا محجوب شريف الشريف
خالص الود
| |
|
|
|
|
|
|
|
|
|
Re: في الاسي ضاعت سنيني ..... ( حاجة تغيظ ) (Re: سيف الدولة كامل)
|
حبيبنا استاذ سيف
سلامات
Quote: الحبيب\ ياسر بيناوي
كل سنة وانت طيب وربنا يديك الصحة والعافية
يا اخوي اوعك تحسب,, الدنيا حلوة ومافي زول بياخد
زمن غيره ابتهج وافرح ,, وربك كريم,, ما تخاف
نحنا دخلنا الخمسين وحياتك نضحك ونقرقر واخر بسطة.
خت الرحمن في قلب,,,, ,,,وربنا يديك طولة العمر |
الواحد تراهو يضحك ويقرقر لكن لمن يقعد مع روحو المغسة بتشقو
ونحنا ذنبنا شنو نتولد ولحدي نص عمرنا يروح في واقع مرير زي دا
شكرا ليك كتير
خالص الود
| |
|
|
|
|
|
|
|
|
|
Re: في الاسي ضاعت سنيني ..... ( حاجة تغيظ ) (Re: عمر صديق)
|
اليوم اكملت
العام31
وقفت خطاي
وسط الدرب
واتعثرت علي
قيف بحر
المجهول
حدقت في الافق
وسرحت في اللاشئ
فجأة انتبهت للموج
شائل زبد
في اللحظة ديك
شفت
لاجديد تحت الشمس
ولا شمس فوق الجديد
الجاي منك ياوطن
شلتك هم
وساهرت متلفح ليل
الغربة كفن
عزاني فيك الطير
وباكني فيك عمري
المضى
اه من وطن لايكترث
وقبل ماالعام 31
قضيت عمري جالس
تحت ضلك
واصنع من طينك
للحب الاله
بي ملامحك ياوطن
وزابح ليها قلبي
قربان
مرات عبدتها لامن
فت حد اخر العشق
وساعات اجن احمل
عليها بي فأسي
اكسرا
القي نفسي اتناثرت
اشتات
وارحع تاني اضحك
من الحزن
لماذا ياوطني
كل ريا اتية منك
تحمل امطار حزن
في غيم همومي
واعاصير جراح
وبحور دم
حتى الارض صارت
تشك في عرق وحب
الفلاح
اخ من وجعك
واه من قدري
هل تدري يا وطني؟
يخزلني قلبي مرات
ولا اتحتم
يؤلمني قدر صديق
طعنات في القلب
حد الشريان
تقتلني مره واحيا
ولاكني اراك مقتولا
قبلي الاف المرات
فكيف اصبحت الان
سجاني وجلادي؟
وانا لااحمل لك
سؤى حبا انساني
اتزكر اني كنت
قد نقشت في سرا
علي ضخرك
بي حروفا تتأوه
حرما
وقلمأ يتقطر الما
ورسمت فيها
اله للعشق
والحير
والخبز
والعدل
وطفالا تلعب بالورد
وتغني للطير حين
يحنو لي ارضك شوقا
وفي اسفل اللوحة
عند الركن الايسر
كانت توجد وردة
ضاحطة حمرا
وقعت بي حزر جنبها
اسمي
اذن من اين اتي الشيطان
وفي يده مسبحة
من النفط ام القران
سبحان الخلاق
لماذا يا وطني؟
لطخت بدما حروبك
رسمي
ومحوت بدموع جوع
اطفالك سعادة
حلمي
اليوم اكملت العام 31
ووجدت نفسي انتي
كنت اعيش
في وهما
وارسمو علي جدار
السهو هلاويسي
وحطئيتي في الدنيا
كانت كل اشعاري
معاشرتي للناس
وحبك سبب ابتلااتي
كلاماتي معصية كبرى
تفضي لنار من دون
حساب
فكسرت علي بابك
قلمي
ومزقت جميع اوراقي
وكفرت بكل اله
للعشق
والخير
والخبز
والعدل
مصنوعا من طينك
ومرويا من نيلك
ياوطني
7/4/2007
| |
|
|
|
|
|
|
|
|
|
Re: في الاسي ضاعت سنيني ..... ( حاجة تغيظ ) (Re: هشام الطيب)
|
انتحر بس يا عمك
عليك امان الله الاربعين نحن بقت لينا في الخترات ، تكشّف كدا بمراية الجمب تعاين ليها هديك في الرفرف !!
ترمي يمين تلقى سكري و رطوبة و لزوجة الحكومات محمداك
ترمي يسار ما يجيك الا الكلسترول و وجع القلب و الضغط و توهان البوصلة و طشاش الشوف
يا اخوي نحن من جيل كمبيوترو طاشي ،
اصلوا قالوا من الواحد يصل مرحلة يصدر صوت " اععععععععع " في القومة او في القعدة او الجمع بين الاتنين ببقى بح . . .خلاس !
اها وصلنا المرحلة دي سمبلا ساي انحنا
قوم لف ياخ
الدنيا حلوة ياخ . . . برا اسى برا بتاع
ما في حاجة اسمها اسى ذاتو. دي مفاهيم استعمارية كرسوا ليها الانقليز و القوى الاستعمارية لتدمير الشباب الزي الورد زيكم كدا
بيناوي يا حبيب
كل سنة وانت اروع
و كل ثانية و انت طيب
ما تنسى تبلع حبوبك قبل النوم يا جدو . . . سمح ؟
| |
|
|
|
|
|
|
|
|
|
Re: في الاسي ضاعت سنيني ..... ( حاجة تغيظ ) (Re: Yassir Bainwi)
|
ابو جن اخوي
سلامات والله
انتحر ليه اقعد كدة شوكة حوت ومغسة للناس الضيعو جيلي وابقي ليهم في حلقم
Quote: الدنيا حلوة ياخ . . . برا اسى برا بتاع
ما في حاجة اسمها اسى ذاتو. دي مفاهيم استعمارية كرسوا ليها الانقليز و القوى الاستعمارية لتدمير الشباب الزي الورد زيكم كدا
|
هسه عليك الله البعملو فيهو دا ما اخير منو الاستعمار الواضح
ناس الكشة يقتلو ست الشاي
وناس محمد فرح يجو يقولوا الكلام دا ما حصل كلو كلو
خالص الود
| |
|
|
|
|
|
|
| |
سلمى الشيخ سلامة
حاتم شناب
حامد محمد حامد
نزار باشري ابراهيم
ياسر بيناوي
مزمل خيرى
خضر حسين خليل
سيف الدولة كامل
SHIBKA
naeem ali
عمر صديق
معاوية المدير
طارق شاطر
قيقراوي
شول اشوانق دينق
فيس بوك
تويتر
انستقرام
يوتيوب
بنتيريست